བརྒྱུད་པའི་གསོལ་འདེབས་སྙན་པའི་གསུང་དབྱངས་ཀྱིས། །སློབ་མའི་སྣང་བ་མ་འགྱུར་བར་དུ་བརྗོད། །བརྒྱུད་པའི་གསོལ་འདེབས་བྱིན་ནི་ཕབ་པའི་མཐར། །དཔོན་སློབ་ཀུན་གྱི་ཤེས་པ་གློད་ལ་བཞག །ཡིད་ལ་མེད་པ་ཞིག་ཏུ་ཕཊ་ཀྱི་སྒྲ། །དྲག་པོ་བརྗོད་དེ་སེམས་ཉིད་གང་ཡིན་ཞེས། །ལན་གསུམ་བར་དུ་བླ་མས་བརྗོད་པ་ཡིས། །སློབ་མ་རྣམས་ཀྱང་ཅི་ཟེར་གཏད་པ་དང་…

ཁམས་ཞེས་བྱ་བ། །བདེ་འཇམ་ཡངས་ཤིང་ཡོན་ཏན་དུ་མས་བརྒྱན། །མཛེས་ཤིང་ཡིད་འོང་བལྟ་བས་ཆོག་མི་ཤེས། །ཤིན་ཏུ་ཉམས་དགའ་སངས་རྒྱས་ཞིང་ཁམས་ཡོད། །སྤྲུལ་པ་སྐུ་ཡི་ཞིང་ཁམས་དེ་ཉིད་ན། །བཅོམ་ལྡན་རྡོ་རྗེ་སེམས་དཔའ་ཞེས་བྱ་བ། །སྐུ་མདོག་དཀར་པོ་དར་དང་རིན་པོ་ཆེ། །ལོངས་སྐུའི་རྒྱན་གྱིས་བརྒྱན་པ་ཞིག་བཞུགས་སོ། །འཁོར་ཡང་བྱང་ཆུབ་སེམས་དཔའ…

ལྡན་སེམས་ཀྱི་བུ་ཁྱོད་ཉོན། །འདི་ནས་ལྷོ་ཡི་ཕྱོགས་ཀྱི་འཇིག་རྟེན་ཁམས། །གྲངས་མེད་མང་པོ་འདས་པའི་ཕ་རོལ་གྱི། །ཅུང་ཟད་སྟེང་དུ་འཕགས་པའི་ཡུལ་ས་ན། །དཔལ་དང་ལྡན་པའི་ཞིང་ཁམས་ཞེས་བྱ་བ། །བདེ་འཇམ་ཡངས་ཤིང་ཡོན་ཏན་དུ་མ་ལྡན། །མཛེས་ཤིང་ཡིད་འོང་བལྟ་བས་ཆོག་མི་ཤེས། །ཤིན་ཏུ་ཉམས་དགའ་སངས་རྒྱས་ཞིང་ཁམས་ཡོད། །སྤྲུལ་པ་སྐུ་ཡི་ཞིང་ཁམ…

ལྡན་པའི་ཞིང་ཁམས་བསྟན་པ་ཡིན། །སྐལ་ལྡན་བུ་ཁྱོད་སངས་རྒྱས་ས་དེ་ཟུངས། །སེམས་ཉིད་འགྱུ་བ་སླར་ལ་མ་ལྡོག་ཅིག །ཕཊ་དང་པྲ་བེ་ཤ་ཡ་ཨ་ཨ་ཞེས། །མཇུག་ཏུ་སྟོང་པ་ཉིད་ཀྱི་རྒྱས་བཏབ་བོ། །ཨེ་མ་སྐལ་ལྡན་སེམས་ཀྱི་བུ་ཁྱོད་ཉོན། །འདི་ནས་ནུབ་ཀྱི་ཕྱོགས་ཀྱི་འཇིག་རྟེན་ཁམས། །གྲངས་མེད་མང་པོ་འདས་པའི་ཕ་རོལ་ན། །ཅུང་ཟད་སྟེང་དུ་འཕགས་པའི་ཡུལ…

ཁམས་ཡོད། །སྐལ་ལྡན་བུ་ཁྱོད་ནུབ་ཕྱོགས་ཞིང་ཁམས་དེར། །དཔལ་གྱི་རྔམ་སྟབས་ཉིད་ཀྱིས་བལྟས་ནས་ཀྱང་། །ཁྱུང་གི་འཕུར་ལྡིང་བཟང་པོས་འཕུར་ཅིག་བུ། །བདེ་བ་ཅན་གྱི་ཞིང་ཁམས་བསྟན་པ་ཡིན། །སྐལ་ལྡན་བུ་ཁྱོད་སངས་རྒྱས་ས་དེ་ཟུངས། །སེམས་ཉིད་འགྱུ་བ་སླར་ལ་མ་ལྡོག་ཅིག །ཕཊ་དང་པྲ་བེ་ཤ་ཡ་ཨ་ཨ་ཞེས། །མཇུག་ཏུ་སྟོང་པ་ཉིད་ཀྱི་རྒྱས་གདབ་བོ། །ཨ…

རྣམས་སྟོན་པ་ཉིད་ལ་ཆོས་ཉན་ཅིང་། །རང་གི་ཉེ་འཁོར་རྣམས་ལ་ཆོས་སྟོན་སྟེ། །ཕུན་སུམ་ཚོགས་པའི་ཞིང་ཁམས་དེ་ཉིད་ན། །ངོ་མཚར་མ་བྲིས་པ་ཡི་དཀྱིལ་འཁོར་ཡོད། །རྫོགས་ཆེན་ལྷ་ཡི་དཀྱིལ་འཁོར་ཞིང་ཁམས་ཡོད། །སྐལ་ལྡན་བུ་ཁྱོད་བྱང་ཕྱོགས་ཞིང་ཁམས་དེར། །རྡོ་རྗེ་འཆང་གི་ལྟ་སྟངས་ཀྱིས་ལྟོས་ལ། །གློག་དམར་འཁྱུག་སྟངས་བཟང་པོས་སོང་ཞིག་བུ། །ལ…

སྒོ་ཁེབ་ཉི་ཟླའི་སྐར་ཁུང་གསལ། །ཞིང་ཆེན་ཞིང་ཆུང་འཕན་གདུགས་རྒྱལ་མཚན་འཕྱར། །ཤིན་ཏུ་འཇིགས་རུང་སྐྱི་གཡའི་ཞིང་ཁམས་ཡོད། །རབ་འཇིགས་ཞིང་ཁམས་དེ་ན་རིགས་ཀྱི་བདག །བཅོམ་ལྡན་གཞོན་ནུ་དཔའ་བོ་སྟོབས་ལྡན་ཞེས། །ཐུགས་ནི་ཞི་བའི་ངང་ལས་མ་གཡོས་ཀྱང་། །ཁྲོ་བོའི་ཆ་བྱད་བསྟན་པ་ཞིག་བཞུགས་སོ། །འཁོར་ཡང་རིག་འཛིན་དཔའ་བོ་མཁའ་འགྲོ་མ། །བས…

ཁམས་བསྟན་པ་ཡིན། །སྐལ་ལྡན་བུ་ཁྱོད་སངས་རྒྱས་ས་དེ་ཟུངས། །སེམས་ཉིད་འགྱུ་བ་སླར་ལ་མ་ལྡོག་ཅིག །ཕཊ་དང་པྲ་བེ་ཤ་ཡ་ཨ་ཨ་ཞེས། །མཇུག་ཏུ་སྟོང་པ་ཉིད་ཀྱི་རྒྱས་གདབ་བོ། །དེ་ལྟར་རང་སྣང་རིག་པའི་དཀྱིལ་འཁོར་དུ། །སྒོ་ལྔ་སོ་སོར་བཅུག་པའི་དགོས་པ་ནི། །སློབ་དཔོན་ལྟ་དགོངས་ཅན་དང་སློབ་མ་ཉིད། །དད་པ་དམ་ཚིག་ཅན་གཉིས་འཛོམ་པ་ན། །ཚེ་འདི་…

མེད་ཀློང་ཡངས་ཀ་དག་ཆོས་ཀྱི་སྐུ། །ནམ་མཁའ་ལྟ་བུའི་འགྲོ་འོང་མེད་གཤིས་ལ། །འགྲོ་མཁན་སེམས་ཉིད་རྩད་བརྡར་ཆོད་ལ་ཞོག །ཞིང་ཁམས་དེ་རྣམས་རང་གི་རིག་རྩལ་ལས། །ལོགས་ནས་གྲུབ་པ་རྡུལ་ཙམ་མེད་པའོ། །དེ་བཞིན་སངས་རྒྱས་ཞིང་ཁམས་གྲངས་མེད་ཀྱང་། །རང་གི་རིག་པའི་རྩལ་ལས་ལོགས་ན་མེད། །རིག་སྟོང་ཉིད་དུ་ཤེས་པས་གནས་ཚུགས་ཤིག །ཡེ་ཤེས་གསལ་བ་…

རྒལ་སྣང་བར་བལྟ་བར་བྱ། །དེ་ནས་བླ་མས་ངོ་སྤྲོད་འདི་ལྟར་གདབ། །ཀྱཻ། སྐལ་ལྡན་རིགས་ཀྱི་བུ་རྣམས་ཚུར་ཉོན་དང་། །དེ་ཡང་འོ་སྐོལ་རྣམས་ཀྱི་ཙིཏྟ་ཡི། །གསང་བའི་སྦུབས་ན་སངས་རྒྱས་ཐམས་ཅད་ཀྱི། །ཐུགས་དང་དབྱེར་མེད་རིག་པའི་ཡེ་ཤེས་ཉིད། །འདུས་མ་བྱས་ཤིང་ལྷུན་གྱིས་གྲུབ་པ་ཡི། །གདོད་མའི་མགོན་པོ་འོད་མི་འགྱུར་བ་ཞེས། །ངོ་བོའི་ཆ་ནས་…

ཏོག་ཆུན་པོ་དང་། །མུ་ཏིག་དྲྭ་བ་ལྕགས་ཐག་འདྲ་བ་སོགས། །ཁ་དོག་སྔོན་པོ་སྦྲང་ཆར་འབབ་བཞིན་འཆར། །དེ་ཉིད་རྡོ་རྗེ་ལུག་རྒྱུད་ཅེས་བྱ་ཡིན། །ཀློང་ཆེན་མཛོད་བདུན་ངོ་སྤྲོད་སྐབས་ཤིག་ཏུ། །འོད་གསལ་སྤྱི་ལ་རྡོ་རྗེ་ལུག་རྒྱུད་ཅེས། །སྤྱི་སྡོམ་ཚིགས་སུ་བཤད་པའང་ཡོད་པ་ཡིན། །དེ་དག་རྣམས་ལ་མ་ཡེངས་བལྟས་པའི་ཚེ། །ཀ་དག་ལྷུན་གྲུབ་གཉིས་ས…

ལྔའི་སྐུ་རྣམས་མཐོང་དུས་འབྲས་བུའོ། །གཉིས་པ་ཡེ་ཤེས་ལྔ་ཡི་ངོ་སྤྲོད་ནི། །འོད་གསལ་དེ་ཉིད་དྲི་མ་དང་བྲལ་ཞིང་། །སྐུ་རྣམས་ཀུན་གྱི་འཆར་གཞི་བྱེད་པས་ན། །མེ་ལོང་ལྟ་བུའི་ཡེ་ཤེས་ཞེས་བྱའོ། །གང་དུའང་དབྱེར་མེད་མཉམ་ཉིད་ཡེ་ཤེས་སོ། །སོ་སོར་འཆར་བས་སོར་རྟོག་ཡེ་ཤེས་སོ། །ལྷུན་གྱིས་གྲུབ་པས་བྱ་གྲུབ་ཡེ་ཤེས་སོ། །དེ་རྣམས་གཞི་མེད…

ལྔའི་ངོ་སྤྲོད་རིམ་པ་ནི། །འོད་གསལ་དེ་རྣམས་དྲི་མ་མེད་པས་དཀར། །རྩལ་མ་འགག་པས་སེར་པོ་རང་བཞིན་དུ། །རང་གསལ་སྣང་བས་དམར་པོ་བྱ་བ་དང་། །བྲལ་བས་ལྗང་གུ་འགྱུར་བ་མེད་པས་མཐིང་། །ཁ་དོག་སྣང་འཛིན་བྲལ་བར་སྒོམ་པ་ལམ། །འབྱུང་ཁམས་དབྱིངས་སུ་དག་པ་འབྲས་བུའོ། །ལྔ་པ་རླུང་ལྔའི་ངོ་སྤྲོད་རིམ་པ་ནི། །འོད་གསལ་སྣང་བ་འདི་རྣམས་ཐམས་ཅད་ནི…

འདས་གཉིས་སུ་འབྱེད་པས་ན། །འབྱེད་པའི་ཤེས་རབ་འོད་གསལ་ཡེ་ཤེས་ཀྱི། །རྩལ་སྣང་སྡུད་པས་སྡུད་པའི་ཤེས་རབ་དང་། །འོད་སྣང་འགྲོ་འོང་དང་བཅས་བསྐྱོད་པས་ན། །སྐྱོད་པའི་ཤེས་རབ་དེ་ཉིད་དོན་རྟོགས་ན། །འཁོར་བ་ལས་སྒྲོལ་སྒྲོལ་བའི་ཤེས་རབ་སྟེ། །དེ་ཡི་ངང་ལ་རྒྱུན་དུ་སྒོམ་པ་ལམ། །མཐའ་རུ་ཕྱིན་དུས་མཐར་ཐུག་འབྲས་བུའོ། །བདུན་པ་མཁའ་འགྲོ་…

ཤར་ནས་མཐར་ཐུག་གཞོན་ནུ་བུམ་པའི་སྐུ། །བརྙེས་དུས་དོན་གྱི་འབྲས་བུ་ཐོབ་པའོ། །དཀོན་མཆོག་གསུམ་ཡང་རང་ལ་ཡེ་ནས་གནས། །ཆོས་ཉིད་མ་འཁྲུལ་གཞི་ཡི་སངས་རྒྱས་དང་། །སྒྲ་ཚིག་ལས་འདས་དོན་གྱི་དམ་པའི་ཆོས། །འགྱུར་མེད་གནས་པ་སྙིང་པོའི་དགེ་འདུན་ཏེ། །གནས་ལུགས་དོན་དམ་རྡོ་རྗེའི་སྐྱབས་འགྲོ་དང་། །འབྲལ་མེད་ངང་ནས་སྣང་བ་བཞི་པོ་ལ། །སྤྱོ…

དོ། །འདི་ཉིད་བྱས་ཤིང་གོམས་པས་བྱུང་བ་མིན། །ཡེ་ཉིད་ནས་ནི་རང་ལ་གནས་པ་ཡིན། །རིག་གདངས་སྒྲོན་མའི་སྣང་བ་འདི་ཉིད་ལ། །ས་ཆུ་མེ་རླུང་འབྱུང་བཞིའི་དགྲ་ཡིས་ཀྱང་། །འདི་ཉིད་གཞིག་ཅིང་གཞོམ་དུ་ནུས་མ་ཡིན། །འདོད་ཆགས་ཞེ་སྡང་གཏི་མུག་ཉིད་ཀྱིས་ཀྱང་། །འདི་ཉིད་ཡེ་ནས་སྒྲིབ་པ་མ་ཡིན་ནོ། །ཡེ་ནས་མ་བྱས་རང་བྱུང་རང་ཤར་བའི། །སྐུ་གསུམ་…

སྤྲུལ་སྐུ་ཡེ་ཤེས་ལྔ། །མངོན་དུ་གྱུར་པ་ཞེས་ཀྱང་བྱ་བའོ། །ལས་དང་བག་ཆགས་སྡིག་སྒྲིབ་མ་རིག་པ། །ཐམས་ཅད་དག་པ་ཞེས་ཀྱང་བྱ་བའོ། །ལས་དང་སྐལ་བར་ལྡན་པ་ཞེས་བྱའོ། །དེ་རིང་ཉིད་ནས་ཀུན་བཟང་རིགས་ལྔ་དང་། །སྐལ་པ་མཉམ་པ་ཞེས་ཀྱང་བྱ་བའོ། །བུ་ཁྱོད་དེ་རིང་རྙེད་པ་ཆེན་པོ་རྙེད། །རིག་པའི་རྩལ་གྱི་དབང་ཆེན་འདི་ཐོབ་པས། །སངས་རྒྱས་སུམ་སྟ…

མཛོད། །ཅེས་པ་ལ་སོགས་སྤྲོ་བ་བསྐྱེད་པ་དང་། །བཀྲ་ཤིས་རིན་ཆེན་ཕྲེང་བའི་ཤིས་པ་བརྗོད།། ༈ །།ཨེ་མ་ཧོ། ལྔ་པ་རྗེས་སུ་རྣལ་འབྱོར་བཞི་ཡིས་ཀྱང་། །ཉམས་སུ་ལེན་ཚུལ་ལྟ་སྒོམ་སྤྱོད་འབྲས་བཞིའི། །དང་པོ་ལྟ་བ་ལྷུན་གྲུབ་འོད་གསལ་གྱི། །ངོ་བོ་སྟོང་པ་རང་བཞིན་གསལ་བ་དང་། །ཐུགས་རྗེ་འགག་པ་མེད་པར་འཆར་བ་ཉིད། །མཉམ་གཞག་ལྟ་བ་རྣམ་པ་སྣ་ཚོ…

བསྐྱེད་རིམ་བསྒོམ་ཞིང་བཟླས་པ་བྱ། །ནམ་གུང་ཐུན་ལ་གཉིད་ནི་འོད་གསལ་སྦ། །ཐམས་ཅད་ལའང་ཐུན་འགོར་སེམས་བསྐྱེད་བྱ། །དངོས་གཞི་དམིགས་མེད་རྗེས་སུ་བསྔོ་བ་ཡི། །རྒྱས་འདེབས་བྱེད་པ་དམ་པ་གསུམ་དང་ནི། །འབྲེལ་བ་ཞེས་བྱ་ཡིན་པས་མེད་ཐབས་མེད། །སྤྲོས་མེད་རྣམས་ཀྱིས་ཉིན་མཚན་དུས་དྲུག་ཏུ། །འོད་གསལ་ཐོད་རྒལ་ཉག་གཅིག་བསླབ་པ་ཡིན། །དེ་ལྟར…

བསམ། །བདེ་དྲོད་སྐྱེས་ཚེ་བདེ་སྟོང་ངང་ལ་བཞག །འདིའི་དུས་ཐོག་མར་རླུང་རོ་ལན་གསུམ་བསལ། །བུམ་ཅན་ཅི་མང་འཛིན་པ་ཞལ་ཤེས་སོ། །ནམ་གུང་ཤེས་བྱ་བུམ་པར་གཞུག་པ་ནི། །ལུས་ཀྱི་གནད་ནི་སེང་གེའི་ཉལ་ལུགས་བཅའ། །གཞོགས་གཡས་ཕབ་ལ་སྲིན་མཛུབ་སྣ་གཡས་བཀག །ཡིད་གཞན་མ་ཡེངས་རང་ལུས་རྡོར་སེམས་ཀྱི། །སྐུར་གསལ་སྐུ་དབུས་དབུ་མ་མདའ་སྨྱུག་ཙམ། །ས…