གསུམ་པ་ཕ་ཡུལ་རྒྱབ་ཏུ་སྤངས་ནས་ཆོས་རྒྱལ་ངག་གི་དབང་པོའི་ཞབས་པད་བསྟེན་ཚུལ་ནི། རབ་ཏུ་བྱུང་ནས་ཡུལ་དུ་འོངས་པའི་ཕྱི་ཉིན། མེ་ཏོག་མང་པོ་ཁྱེར་ནས། མདུན་རིའི་ཕར་རྒྱབ་བཀག་ནགས་འདབས་ཀྱི་དགོན་ཕུག་ཅེས་བྱ་བ་ན། རང་གི་དྲིན་ཅན་རྩ་བའི་བླ་མ་འཇམ་དབྱངས་རྒྱ་མཚོ་རིན་པོ་ཆེའི་གདུང་རྟེན་ས་ལས་བཞེངས་པ་ཞིག་ཡོད་པ་དེར་མཇལ། མེ་ཏོག་གི་མ…

སྒྲུབ་པ་ལ་གཞོལ་བའི་སྐལ་བ་ཡོད་པའི་ཕྱིར་བླ་མ་ལ་གསོལ་བ་བཏབ། སྨོན་ལམ་ཡང་དེ་བཞིན་བརྒྱབ་ནས་ཕྱིར་འོང་དུས། རྡོ་འབུམ་ཉག་ཁ་ཟེར་བ་ན་གྲོགས་པོ་ཞིག་འགྲོ་བ་མཐོང་ཚེ། རྒྱང་ནས་རྩེད་མཚར་དུ་སྐད་གསེང་མཐོན་པོས།་ཨ་ཁུ་བོ་ཞེས་བོས་ནས། གཉན་རྒྱུའི་ངོ་གོང་མ་གང་ཡིན། བརྩེགས་གོ་ཚང་གི་ཁང་བ་གང་ཡིན། དེ་པའི་བུ་སྔགས་པ་ཞིག་ཡོད་པ་ཡུལ་ན་ཨ…

བཞིན་སོང་། ང་ཡུལ་དུ་འོང་ཚེ་ཆུང་ནས་འདྲིས་ཆེ་ཞིང་། སེམས་མཐུན་པའི་སྙིང་གྲོགས་རྡོ་རྗེ་ཚེ་བརྟན་གྱིས་བོས་ཏེ་ཁྱིམ་དུ་སོང་ནས་ཇ་འཐུང་ཞོར་ལ་རབ་ཏུ་བྱུང་ཚུལ་སོགས་གླེང་མོ་མང་པོ་བྱས་པའི་མཐར། ད་ང་སོག་པོ་རུ་སོང་ནས་ཆོས་རྒྱལ་ཆིང་ཝང་རིན་པོ་ཆེའི་ཞབས་ལ་གཏུགས་ནས། ཕྱོགས་དེའི་རི་ཁྲོད་ཅིག་ཏུ་ཉམས་ལེན་བྱས་ན་སྙམ་པ་ཡོད་སྨྲས་པས།…

འདྲ། །ཐག་རིང་སོང་ན་མ་ང་ཤི་དང་འདྲ། །བུ་ཁྱོད་མ་ངའི་ཡན་ལག་རྣམས་དང་འདྲ། །ཐག་རིང་སོང་ན་མ་ང་ཞ་དང་འདྲ། །དེ་ཕྱིར་མ་ངའི་རྣ་བས་ཐོས་ས་དང་། །མིག་གིས་མཐོང་ས་ཞིག་ནས་ཅིས་ཀྱང་སྡོད། །ཅེས་སྨྲས་པའི་རྗེས་སུ་སྲིང་མོ་ཀླུ་མོ་སྐྱིད་ན་རེ། མོ་ཡུལ་དུ་བསྡད་ན་ཨ་མའི་ཞབས་ཏོག་མ་དགོས་རང་གི་ཁ་ཡང་མི་སོས་གཞན་གྱིས་གོ་རྒས་མ་ཟེར་སྡང་པོ་ཡ…

གཅིག་སྡོད་པའི་རང་དབང་མེད། །གཡོག་ནག་བྱས་ཀྱང་ངོ་མེད་བསྡིགས། །ཉོན་དང་སྲིང་མོ་ཀླུ་མོ་སྐྱིད། །རང་གི་ཡུལ་ལས་སྐྱིད་པ་མེད། །གོང་ན་གཉའ་གནོན་མེད་པས་བདེ། །ཅི་བྱེད་རང་དབང་འཐོབ་པས་བདེ། །བག་ཕེབས་བདེ་བར་ཉལ་བས་བདེ། །ཟས་རྣམས་ཅི་བདེར་སྤྱད་པས་བདེ། །གང་ཡོད་གོན་པ་གྱོན་པས་བདེ། །སྲིང་མོ་རང་གི་ཡུལ་དུ་སྡོད། །རྒྱུན་དུ་ཨ་མར་བ…

ཇེ་བཟང་དུ་ཐོངས། དུས་རྒྱུན་དུ་སེམས་བཟང་པོ་གྱིས་ཞེས་སྨྲས། ཁོས་ཀྱང་ང་ལ་ཤ་ཚ་བའི་གཏམ་སྣ་ཚོགས་པ་སྨྲས་པའི་བར་དེ་ནས་ངེད་གཉིས་ཀྱང་འབྲལ་བ་ལ་སེམས་འཕྲེང་ནས་མང་པོ་ངུས་པའི་མཐར་བདག་གིས་འདི་སྐད་སྨྲས། བྱ་རྒྱལ་རྒོད་ལས་སྐྱེས་པ་ཡི། །ཆུང་ནས་འགྲོགས་པའི་རྒོད་ཕྲུག་གཉིས། །ད་ལྟ་འདབ་གཤོག་རྒྱས་དུས་འདིར། ང་ནི་ཚང་ལ་མི་ཆགས་པར། །ཡ…

འབྲོང་སྔོན་འདྲ་བ་ཁྱོད། །ཆོས་ཕྱིར་སོག་པོར་བདེ་བར་བཞུད། །གྲོགས་གྲོགས་ངེད་གཉིས་སོ་སོ་རུ། །ལ་ལ་འབྲལ་མི་ཕོད་ན་ཡང་། །འོ་འོ་འཁོར་བའི་མཚན་ཉིད་རེད། །མྱུར་མྱུར་མཇལ་བའི་སྨོན་ལམ་འདེབས། །ཞེས་སྨྲས་པའི་མཐར། འབྲལ་མི་ཕོད་བཞིན་དུ་སོ་སོར་བྲལ་ནས་འོང་། མཚན་མོ་མ་ཡི་དྲུང་ནས་བསྡད། ནངས་པར་འགྲོ་བའི་ཚེ། མ་ཡིས་ཇ་བཟང་པོ་ཞིག་བསྐ…

བསྡད་འདུག གྲོགས་པོ་རྡོ་རྗེ་ཚེ་བརྟན་ཡང་ཁོང་རང་གི་ཁང་ཐོག་ནས་བསངས་ཤིག་བཏང་སྟེ་སྒོ་རུ་ཐོན་ནས་ང་ལ་ལྟ་བཞིན་འདུག ང་ལབ་ལུང་ཁ་སོ་ཟེར་བར་བསླེབས་ནས་ཁ་ཕྱིར་ཕྱོགས་ནས་བལྟས་ཚེ། ད་དུང་ཡང་མ་རྒན་མོ་དང་གྲོགས་པོ་ཡང་སྒོ་ན་བསྡད་འདུག དེ་ནས་ང་ལབ་ལུང་ནང་དུ་ཕར་སོང་བ་དང་ཨ་མ་མ་མཐོང་ཚེ། ང་ཡང་ཕར་འགྲོ་མ་ཕོད་པར་ཨ་མ་དང་ཡུད་ཙམ་ཞིག་འ…

སྲུངས། །མཆོད་པ་དཀོན་ཅོག་གསུམ་ལ་ཕུལ། །གཙོ་བོ་རང་གི་སེམས་ལ་ལྟོས། །སྦྱིན་པ་དབུལ་ཕོངས་རྣམས་ལ་ཐོངས། །སྙིང་རྗེ་མ་ནུས་པ་ལ་གྱིས། །ཞབས་ཏོག་མཁས་བཙུན་བཟང་ལ་གྱིས། །བཀུར་སྟི་ཕ་དང་མ་ལ་རེམས། །གནས་སྐབས་ཀུན་ཏུ་བཀྲ་ཤིས་ཤིང་། །ཚེ་རིང་ནད་མེད་སྨོན་ལམ་འདེབས། །ཞེས་སྨྲས་ནས། ཁྱོད་ཡུལ་དུ་སོང་ན་ང་འདི་ལྟར་འགྲོ་བ་རེད་ཅེས་མ་དང་ས…

པོ་པདྨ་འབྱུང་གནས་མི་ཡི་གར་གྱི་རྣམ་རོལ། ལུང་རིག་ཡོན་ཏན་རྒྱ་མཚོའི་ཕ་མཐར་སོན་ཅིང་། གནས་ལུགས་ཟབ་གསལ་རྡོ་རྗེ་སྙིང་པོའི་རྟོགས་པ་མངོན་དུ་གྱུར་པ་འཇམ་དབྱངས་གོང་མའི་ལུང་གིས་མངོན་པར་མངགས་ཤིང་། སྟོབས་ཀྱི་འཁོར་ལོས་བསྒྱུར་བ་མཚན་སྙན་པ་དཔོན་ཚང་ཏཱ་ལེ་ཏེའི་ཆིང་ཝང་ངག་དབང་དར་རྒྱས་དཔལ་བཟང་པོའི་ཞབས་དྲུང་དུ། རྒྱལ་མཁན་ཆེན་…

ཀྱིས་བྱང་ཆུབ་ལམ་གྱི་རིམ་པ་འདི་ལ་བློ་སྦྱོང་བ་འདི་གལ་ཆེ། དེ་ཡི་ནང་ནས་ཀྱང་དང་པོ་སྐྱེས་བུ་ཆུང་འབྲིང་འདི་གཉིས་ཀྱི་སྐོར་ལ་ནན་ཏན་གྱིས་བློ་སྦྱོངས་ལ་འཁོར་བའི་ཕུན་ཚོགས་ལ་ཡིད་སྨོན་སྐད་ཅིག་ཙམ་ཡང་མི་སྐྱེ་བར། ཐར་འདོད་ཀྱི་བློ་བཅོས་མ་མ་ཡིན་པ་ཞིག་ཨེ་སྐྱེ་ལ་འབོད་གསུངས་ནས། ཉིན་དེར་དགེ་བའི་བཤེས་གཉེན་བསྟེན་ཚུལ་ལེགས་པར་ག…

མས་ཆང་ཀཱ་པ་ལ་གང་བྱིན་པ་ཡོངས་རྫོགས་འཐུངས་པ་ཞིག་རྨིས་ཞུས་པས། དེ་བླ་མའི་གདམས་པ་མ་ལུས་པར་ཉམས་སུ་ལེན་ཐུབ་པའི་རྟེན་འབྲེལ་དུ་འདུག་པའི་རྨི་ལམ་བཟང་པོ་རེད་གསུངས། དེའི་ཕྱི་ཉིན་ཉི་དྲོས་ཙམ་ལ། གནམ་ལ་རིག་འཛིན་གྱི་གྲལ་རིམ་མ་ཞིག་པ། ས་ལ་དཀྱིལ་འཁོར་གྱི་ཐིག་ཚོན་མ་ཡལ་བ། བར་དུ་སྒྲུབ་རྫས་ཚོམ་བུའི་རྒྱ་མ་ཉམས་པ། དམ་ཉམས་དང་འད…

འགྲོའི་སྙིང་ཐིག་ལ་སོགས་པའི་སྨིན་བྱེད་ཀྱི་དབང་དང་། གྲོལ་བྱེད་ཀྱི་ཁྲིད། རྒྱབ་རྟེན་གྱི་ལུང་དང་བཅས་བསྩལ་པའི་དུས་ཁོང་གི་ཞལ་ནས། གསང་སྔགས་ཀྱི་ཆོས་འདི་རྟེན་འབྲེལ་ལ་རག་ལས་པས། སྔོན་རྗེ་བཙུན་མི་ལས་ཟངས་སྟོང་བར་ཕུལ་བའི་རྟེན་འབྲེལ་གྱིས་རྗེས་སུ་སྒྲུབ་པ་རྒྱག་དུས་ཟས་དཀོན་པོ་བྱུང་ཡང་། ལྷོ་བྲག་མར་པས་ཟངས་དེ་མར་ཁུས་བཀང་…

ཐམས་ཅད་བཞད་གད་ཐག་གེ་བ་ཞིག་བྱུང་། དེར་ངའི་བསམ་པ་ལ། ཆོས་རྒྱལ་ཡབ་ཡུམ་སྲས་བཅས་གཞན་གྱིས་གསེར་དངུལ་མང་པོ་ཕུལ་རུང་དེ་འདྲ་ག་ནས་བཞད། ད་རེ་ཡབ་ཡུམ་སྲས་བཅས་བཞད་པ་རང་ཉིད་བརྩེ་བས་རྗེས་སུ་འཛིན་པའི་རྟེན་འབྲེལ་རེད་སྙམ་པ་བྱུང་། དེ་དུས་ལུགས་གཉིས་ཀྱི་མཁྱེན་རྒྱ་ཆེ་བའི་ཨ་ཧྥེ་རིན་པོ་ཆེས་སྔོན་ཡུམ་བདག་མེད་མས། རྗེ་བཙུན་མི་ལ་…

བཀའ་ཕེབས་པར་བརྟེན། དེར་ཁོང་གིས་འདུལ་བ་རྒྱ་མཚོའི་སྙིང་པོ་ལ། འདུལ་བའི་གླེང་འབུམ་སོགས་ཀྱིས་བརྒྱན་ནས་གསུངས་པས། འདུལ་བའི་གཞུང་ལ་གོ་བ་ཆགས་པ་བྱུང་བས་ཁོང་ཐུགས་མཉེས། དེ་སྐབས་བླ་མ་པདྨ་རང་གྲོལ་སོགས་ལ་ཆོས་རྒྱལ་རིན་པོ་ཆེས་སྨན་གྱི་རྒྱུད་བཞི་འཁྲིད་པའི་སྐབས། །ངས་ཀྱང་ཞོར་ལ་ཉན་ཅིང་ལྟ་རྟོག་འདྲ་བྱས་པས། ཚ་གྲང་ངོས་ཟིན་པ་…

ཁྲིད་བཅས་ཐོབ། རྗེ་བཙུན་འཇམ་དབྱངས་བཞད་པའི་ཡང་སྤྲུལ་བློ་བཟང་འཇིགས་མེད་རྒྱ་མཚོ་རིན་པོ་ཆེ་ཨུནེ་རུ་གདན་དྲངས་དུས་སུ་མཇལ་ནས། རིགས་གསུམ་མགོན་པོ་དགའ་ལྡན་ལྷ་བརྒྱ་མ་དང་དམིགས་བརྩེ་མ་རྣམས་ཀྱི་ལུང་ཐོབ། གཞན་ཡང་སྔ་ཕྱི་རིམ་པ་བྱས་བླ་མ་དམ་པ་མང་པོའི་ཞལ་སྔ་ནས་ཟབ་རྒྱའི་དབང་ལུང་ཁྲིད་གསུམ་མང་པོ་ཐོབ་པའི་སྐལ་བ་བཟང་པོ་བྱུང་ནས…

དེ་ནས་མ་ལ་ཕྱི་མིག་ལྟ་བཞིན་དུ། །ལབ་ལུང་ཁ་སོའི་བར་དུ་སོས་དལ་འོང་། །ཕྱིར་ལ་བལྟས་པའི་མ་དང་གྲོགས་པོ་ཡང་། །སྒོ་ན་འདུག་པ་མཐོང་ནས་ཅུང་ཟད་བསྡད། །དེ་ནས་ལབ་ལུང་བཟ་ནང་དུ་ཕར་ལ་སོང་། །ཡུལ་ཕྱོགས་མ་སྲིང་གྲོགས་རྣམས་མ་མཐོང་ཚེ། །འགྲོ་ཡང་མ་ཕོད་ཨ་མ་ཡུད་ཙམ་ཞིག །འཕྲད་དུ་ཕྱིར་ལ་ལོག་གམ་ལོག་གམ་སྙམ། །ལྷག་པར་མ་ལ་རང་སེམས་འཕྲེང་…

ཤིང་གཏན་ལ་ཕབ། །གྲུབ་མཐའ་སོ་སོའི་ལམ་རྣམས་ཤེས་པ་བྱུང་། །ཆོས་རྒྱལ་མཆོད་གནས་བླ་མ་སྦྱིན་པ་ཡི། །དྲུང་ནས་འདུལ་བའི་གཞུང་ལ་ཅུང་ཟད་སྦྱངས། །ཆོས་རྒྱལ་ཆེན་པོས་གཞན་ལ་སྨན་སློབ་པའི། །ཞོར་ལ་སྨན་ཡང་ཕྲན་ཚེགས་ཙམ་ཞིག་ཤེས། །རྗེས་སུ་རི་ཁྲོད་དབེན་པར་སོང་དུས་དང་། འགྲོ་དོན་བྱེད་དུས་གཞན་ལ་ཕན་ཐོགས་བྱུང་། །གང་ཞིག་གསེར་གྱི་རི་ལ་…

རྩེ་གཞུང་དབེན་པའི་དགའ་ཚལ་དུ་ཟབ་མོའི་སྒྲུབ་པ་ལ་གཞོལ་ཚུལ། བཞི་བ་བླ་མས་ལུང་བསྟན་པའི་རྩེ་གཞུང་དབེན་པའི་དགའ་ཚལ་དུ་ཟབ་མོའི་སྒྲུབ་པ་ལ་གཞོལ་ཚུལ་ནི། ཉིན་གཅིག་བཀའ་དྲིན་མཚུངས་མེད་ཆོས་རྒྱལ་རིན་པོ་ཆེའི་ཞལ་ནས། ད་ཁྱོད་ཀྱིས་སྒྲུབ་པ་བྱེད་པ་ལ། སྔོན་གྲུབ་ཐོབ་ཀརྨ་ཚེ་དབང་རིག་འཛིན་ཞེས་བྱ་བ་གནམ་གྱི་ཐོག་བབས་པ་ཐུ་བའི་ནང་དུ་…

ངེད་གསུམ་སོང་ནས་བྲག་ཕུག་ཏུ་སླེབས་པ་ངང་། སྐྱེལ་མི་གཉིས་ཀ་འདུག་དགོས་པ་ལ་སྐྲག་ནས། གཅིག་གིས་གཅིག་ལ་ཁྱོད་སྡོད་ཅེས་མ་འགྲིགས་ཚེ་ངས་ཁྱེད་གཉིས་ཀྱི་སུ་ཡང་འདུག་མི་དགོས། ང་མི་སྐྲག གཉིས་ཀས་ཕྱགས་དར་ཡག་པོ་ཞིག་རྒྱོབ། ཐབ་ཁ་ཞིག་འཆོས་ལ་སོང་། འདི་ན་ང་གསོད་པའི་འདྲེ་ཞིག་ཡོད་ན་དོ་དགོང་མ་བསད་རུང་སང་དགོང་གསད་འོང་ད་སྔ་ཕྱི་ལ་…