སློབ་དབུས་ན་འགྱིངས། །བླ་མའི་ཞབས་པད་གནས་ཀྱི་རིང་། །ད་རེས་མགོན་ཁྱོད་ཐུགས་རྗེའི་མཐུས། །འབྲལ་མེད་རྟག་ཏུ་བསྟེན་པར་ཤོག །འདོད་ཡོན་དཀོར་ནག་དུག་ཆུས་མྱོས། །གདམས་དོན་འཆི་མེད་བདུད་རྩིས་དབེན། །ད་རེས་མགོན་ཁྱོད་ཐུགས་རྗེའི་མཐུས། །གདམས་པས་འཚོ་བར་བྱིན་གྱིས་རླབས། །གྲགས་སྟོང་འཇའ་ཚོན་རྗེས་སུ་རྒྱུག །མི་རྟག་གློག་འདྲའི་འཆི…

ད་རེས་མགོན་ཁྱོད་ཐུགས་རྗེའི་མཐུས། །ལམ་སྣ་མྱུར་དུ་ཟིན་པར་ཤོག །ཚེ་གཅིག་ཁྱབ་བདག་ཀུན་བཟང་ཞལ། །མཇལ་བའི་སྐལ་བཟང་མ་བྱུང་ཡང་། །ད་རེས་མགོན་ཁྱོད་ཐུགས་རྗེའི་མཐུས། །བར་དོར་རང་ངོ་ཤེས་པར་ཤོག །གལ་ཏེ་བར་དོར་མ་གྲོལ་ཀྱང་། །གསང་བསྔགས་སྒྲུབ་པའི་རྟེན་རྙེད་ནས། །ཚེ་དེར་གོ་འཕང་མཆོག་ཐོབ་ཤོག །ཀྱེ་ཀྱེ་གྲོགས་པོ་ཁྱོད་ཉིད་ཀྱང་། །…

ཨ་མ་དཀོར་ནག་དུག་ཆུས་བསྐྱངས་ནས། །ཨ་མ་ངན་འགྲོའི་གནས་སུ་བསྐྱུར་ན། །ཨ་མར་ཁ་དཀར་གཏིང་ནག་དེ་ལས། །ཨ་མའི་བུ་ངན་ན་རག་སུ་ཡོད། །ཨ་མ་ཀུན་ཏུ་བཟང་མོའི་ཀློང་དུ། །ཨ་མ་མ་ལུས་སྒྲོལ་བར་ནུས་ན། །ཨ་མར་དྲིན་གཟོ་བྱེད་མཁན་དེ་འདྲ། །ཨ་མའི་བུ་བཟང་ཡིན་ཞེས་གྲགས་སོ། །ཨ་མ་མ་བརྗེད་དྲན་པས་སྐྱོངས་ལ། །ཨ་མའི་དོན་དུ་བྱང་ཆུབ་སྒྲུབས་ཤིག །…

གྲོགས་པོ་ཐབས་ཀྱིས་སྤོངས། དགེ་བའི་གྲོགས་པོ་རྒྱུན་དུ་སྟེན། །དགེ་བ་ཆུང་ངུ་ཡིན་ཡང་གསོགས། །སྡིག་པ་ཕྲན་བུ་ཡིན་ཡང་འཛེམས། །རང་སྐྱོན་རྐུན་མ་ངོ་ཡིས་ཟུངས། །རང་མཚང་མལ་འོག་རྡོ་བཞིན་སོལ། །སངས་རྒྱས་ཆོས་ལ་དད་པ་སྐྱེད། །འགྲོ་བ་ཡོངས་ལ་སྙིང་རྗེ་སྐྱེད། །དད་པ་ཅན་ལ་དམ་ཆོས་ཤོད། །གཞན་གྱི་ཆོས་ལ་སྐུར་མ་འདེབས། །ཆོས་བརྒྱུད་ཚེ་འ…

ཐབས་གྱིས། །རང་སེམས་གྱོང་བོ་འདུལ་བའི་ཕྱིར། །དབེན་པའི་ནགས་ཁྲོད་རྒྱུན་དུ་སྟེན། །སྙིང་རྗེ་མ་ནུས་པ་ལ་གྱིས། །སྦྱིན་པ་ལན་པོ་མེད་ལ་ཐོངས། །རང་ལུས་ཡི་དམ་ལྷ་རི་སྒོམས། །སྙིང་བོ་ལྷག་ཆད་མེད་པར་ཐོན། །རྒྱུན་དུ་རང་གི་སེམས་ལ་ལྟོས། །དགེ་བ་འགྲོ་ཀུན་དོན་དུ་སྔོས། །གླུ་འདི་བླངས་པའི་བསོད་ནམས་ཀྱིས། །རང་གཞན་ཆོས་དང་མཐུན་པར་ཤོ…

སྐྱེད། །འཇིག་རྟེན་ལོ་ཏོག་སད་སེར་མང་། །སོ་ནམ་ཆོས་སྤྱོད་འབད་ལ་གྱིས། །འཇིག་རྟེན་ལས་ལ་ཟིན་པ་མེད། །འདུ་འཛི་བསྐྱེད་རིམ་སྤྲོ་བསྡུ་གྱིས། །འཇིག་རྟེན་གཡེང་བ་སངས་པ་མེད། །མཆོད་གནས་དཀོན་མཆོག་གསུམ་པོ་མཆོད། །འཇིག་རྟེན་དཔོན་འདི་བཟང་ཡང་བསླུ། །འཁོར་ནི་མཁའ་འགྲོ་ཆོས་སྐྱོང་སྟེན། །འཇིག་རྟེན་འཁོར་གཡོག་ཉོན་མོངས་རྒྱུ། །གོས་…

ཅི་ཙམ་བསྡད་ཀྱང་ཆོག་ཤེས་མེད། །བར་དུ་སོ་ནམ་རྨོ་རྐོ་ཡིས། །ལུས་ངག་ཡིད་གསུམ་འོ་བརྒྱལ་མྱོང་། །ས་བོན་ཕར་བཏབ་ནས་བཟུང་སྟེ། །ལོ་ལེགས་ཨེ་ཡོང་ཨེ་ཡོང་སྙམ། །སད་དང་སེར་བ་བྱུང་གིས་དོགས། །རྒྱུན་དུ་ཞིང་གི་ལེགས་ཉེས་བལྟས། །སང་ཕོད་ཞིང་གི་སོ་ནམ་བྱས། །ནམ་ཡང་དལ་བའི་གོ་སྐབས་མེད། །དགྲ་ལ་ཞེ་སྡང་མེ་ལྟར་འབར། །གཉེན་ལ་འདོད་ཆགས་ཆུ…

ཤེས་མེད། །བར་དུ་ཕྱུགས་ལུག་བཏང་འདོགས་ཀྱིས། །ཆར་ཆུའི་ནང་ན་འོ་རེ་བརྒྱལ། །ཕྱུགས་རྣམས་རི་ཁར་བཏང་ནས་བཟུང་། །རྐུན་ཇག་ཨེ་འོང་ཨེ་འོང་སྙམ། །སྤྱང་ཀིས་ཕྱུགས་རྣམས་གསོད་ཀྱིས་དོགས། །བཀྲེས་སྐོམ་མྱོང་བཞིན་ལེགས་ཉེས་བལྟས། །སྲོད་ནས་རྐུན་མ་བྱུང་གིས་དོགས། །མཚན་མོའི་གཉིད་ཀྱི་བདེ་བ་བཀག །དགེ་བའི་ཕྱོགས་སུ་གཏོང་མི་ཕོད། །དམ་ཆོ…

མགུ་བར། །རྒྱབ་ལོག་མིག་ལོག་ཡང་ཡང་བྱེད། །བདུད་མོའི་སྡང་མིག་སེམས་ལ་གནོད། །ལྷག་པར་ཆོས་ཀྱི་བར་ཆད་བྱེད། །ཕར་ལ་ཚིག་གཅིག་བཤད་པའི་བར། །ཚུར་ལ་ཡིན་མིན་བཅོ་བརྒྱད་སྨྲ། །ཁྲོས་ནས་སྐྲའི་བཟུང་བརྡུངས་པ་ན། །སྐྱིད་པར་འཇུས་ནས་མོ་སོད་ཟེར། །སྐྱོན་མཚང་ཚིག་གིས་སྙིང་རྩ་བྲོག །ཐ་མ་མི་སྡུག་ཁྲོ་གཉེར་ཅན། །བཟའ་སྡིགས་ཐུག་པ་བསྐོལ་བས…

འཐབ་པར། །འདུག་ན་གྲོགས་མེད་གཅིག་པུར་སྡོད། །བསྟེན་ན་དགེ་བའི་བཤེས་གཉེན་སྟེན། །བྱེད་ན་དམ་པའི་ལྷ་ཆོས་མཛོད། །ཅེས་པ་འདི་ཡང་ཚོགས་དྲུག་རང་གྲོལ་གྱིས་རང་ལ་སྨྲས་པའོ། །དང་པོ་ཨ་ཁུ་ཆོས་མཛད་པོ། །གཟན་ཤམ་གྱོན་པའི་བཙུན་ཆུང་བོ། །ཆོས་གོས་གྱོན་པའི་ཁྲིམས་ལྡན་པོ། །ཁྱིམ་ཚང་བཟའ་བས་ཐོད་བཞིན་ཁུར། །བཟའ་བཏུང་ཕུད་ཀྱིས་རྟག་ཏུ་མཆོད…

ལ་ཡི་དྭགས་སེམས། །ཨ་ཁུས་རང་སྐལ་རང་གིས་བཅད། །ར་ལུག་གསོད་ཀྱང་ཨ་ཁུར་འདྲི། བཤའ་འམ་བཤའ་ན་གང་བཤའ་ཟེར། །ཨ་ཁུས་ངེས་པར་བཤའ་དགོས་ཟེར། །བཤའ་ན་ཚོན་པོ་ཞིག་ཤོས་ཟེར། །ཨ་ཁུའི་ལུས་ལ་བཤན་པའི་སེམས། །ཐ་མ་ཨ་ཁུ་དབང་མེད་པོ། །འཚོ་སྐྱོང་བྱེད་པའི་གཡོག་རྒན་པོ། །ཆད་ཆོད་གྱོན་པའི་སྤྲང་རྒན་པོ། །ངན་ངོན་ཟ་བའི་ཁྱི་རྒན་པོ། །ཁྱིམ་ཚང་ནང…

ཁུའི་གོ་ས་མ་འཛིན་པར། །ཕ་ཡུལ་བཙོན་ར་རྒྱབ་ཏུ་ཞོག །དཀོར་ནག་དུག་གི་ཆུ་མ་ཐུངས། །རི་ཁྲོད་དབེན་པའི་དགའ་ཚལ་དུ། །དམ་པ་གོང་མའི་རྣམ་ཐར་བཞིན། །ཚེ་དང་སྒྲུབ་པ་སྙོམས་པར་མཛོད། །ཅེས་པ་འདི་ཡང་ཚོགས་དྲུག་རང་གྲོལ་གྱིས་རང་ལ་སྨྲས་པའོ། །གཉེན་ནི་དང་པོ་མཐོང་འཛུམ་པོ། །རྒྱང་ནས་འོངས་ཀྱང་སྔོན་ནས་བསུ། །འདིར་ཤོག་འདིར་སྡོད་ལུང་བ་འག…

བྱེད་པར། །བརྩིག་ན་བསམ་གཏན་མཁར་ཁང་རྩིགས། །ཕྱག་བདར་བྱིང་རྒོད་གཉིས་ལ་གྱིས། །ཞེས་པ་འདི་ཡང་ཚོགས་དྲུག་རང་གྲོལ་གྱིས་རང་ལ་སྨྲས་པའོ། །དང་པོ་གཅོད་སྔགས་འཇིགས་འཇིགས་པོ། །འདྲེ་ལ་བརྡུང་བའི་མཐུ་ཆེན་པོ། །མགོ་ལ་དོམ་ལྤགས་ཁོར་ཞིག་གྱོན། །སྐྱེ་ལ་ཕྲེང་བ་ཉིས་ཚར་བྱས། །གློ་ལ་ལིང་སྒམ་རྐང་དུང་བཏགས། །ཡོན་བདག་རྣམས་ཀྱིས་མཐོང་མ་ཐ…

ཐུར་འགྲོ། །ཤ་ཁྲག་མཆོད་པའི་གཅོད་སྔགས་ལ། །ཡེ་ཤེས་སྤྱན་ལྡན་རྒྱལ་བ་རྣམས། །དཔག་ཚད་མང་བོའི་བར་དུ་འབྲོས། །འཆི་ཁར་མནར་གཅོད་སྡུག་བསྔལ་ཆེ། །ཕྱི་མར་དམྱལ་བའི་གནས་སུ་ལྷུང་། །ཐར་ནས་ལྷ་མིར་སྐྱེས་ན་ཡང་། །ཚེ་ཐུང་ནད་མང་ཅན་དུ་སྐྱེ། །དེ་ཕྱིར་ཚོགས་དྲུག་རང་གྲོལ་ཁྱོད། །མི་དགེ་སྡིག་པའི་ལག་པ་ཡིས། །དམྱལ་བའི་ཟངས་ཆེན་ཁ་མ་འབྱེད…

མཁར་ཞིང་ནོར་རྫས་གཞན་ལ་འཆོར། །སྡུག་བསྔལ་སེམས་ལ་བཟོད་གླགས་མེད། །ཕ་མར་བྱམས་པའི་བུ་ཚ་དཀོན། །ཆོས་བྱེད་བུ་ནི་དེ་བས་དཀོན། །མ་རབས་སྡིག་པའི་ལས་བྱས་ནས། །ཕ་མ་བུ་གསུམ་དམྱལ་བར་འགྲོ། །ཐ་མ་རང་སྐྱེས་སྙིང་ནག་དགྲ། །ཕ་ལ་འཕུང་རྒན་འཆི་མེད་ཟེར། །མ་ལ་འཆི་མེད་མ་འདི་ཞེས། །ཚིག་ངན་མཚོན་གྱི་ཆར་བ་འབེབས། །འདི་གཉིས་འཆི་དུས་མི་འདུ…

སྤོང་ན་རང་སྐྱེས་དགྲ་བོ་སྤོངས། །གསོ་ན་རིག་པའི་ཁྱེའུ་ཆུང་གསོས། །བསྟེན་ན་དགེ་བའི་བཤེས་གཉེན་སྟེན། །འགྲོགས་ན་ཆོས་མཛད་གྲོགས་དང་འགྲོགས། །འདུག་ན་དབེན་པའི་རི་ལ་སྡོད། །བྱེད་ན་དམ་པའི་ལྷ་ཆོས་གྱིས། །སྒྲོལ་ན་འཁོར་བའི་ཕ་རོལ་སྒྲོལ། །བསྙེག་ན་རྒྱལ་བའི་གོ་འཕང་སྙོགས། །ཞེས་པ་འདི་ཡང་ཚོགས་དྲུག་རང་གྲོལ་གྱིས་རང་ཉིད་ཆོས་ལ་བས…

སང་རི་ཁྲོད་འགྲིམས་ན་སྐྱིད། །བདག་དབེན་པའི་དགའ་ཚལ་ཉམས་དགའ་བསྙེག །གྲོང་ཡུལ་ན་ནོར་ཕྱིར་ལུས་སྲོག་གཏོང་། །དགོན་ན་ཡང་ནོར་ཕྱིར་སྡོམ་པ་གཏོང་། །དུས་དེང་སང་རི་ཁྲོད་འགྲིམས་ན་སྐྱིད། །བདག་དབེན་པའི་དགའ་ཚལ་ཉམས་དགའ་བསྙེག །གྲོང་ཡུལ་ན་ཚེ་འདི་དོན་དུ་གཉེར། །དགོན་ན་ཡང་ཆོས་བརྒྱུད་དོན་དུ་གཉེར། །དུས་དེང་སང་རུ་ཁྲོད་འགྲིམས་ན་…

དགའ་ཚལ་ཉམས་དགའ་བསྙེག །རྗེ་བཀའ་གདམས་རྣམ་ཐར་སྐྱོང་འདོད་དང་། །ཆོས་སྒྲུབ་པའི་རྒྱལ་མཚན་འཛིན་འདོད་རྣམས། །དུས་དེང་སང་རི་ཁྲོད་འགྲིམས་ན་སྐྱིད། །གནས་དབེན་པའི་དགའ་ཚལ་ཉམས་དགར་ཤོག །ཆོས་སྙན་བརྒྱུད་བློ་སྦྱོང་སྐྱོང་འདོད་དང་། །ཆོས་བྱང་ཆུབ་ལམ་རིམ་བསྒོམ་འདོད་རྣམས། །དུས་དེང་སང་རི་ཁྲོད་འགྲིམས་ན་སྐྱིད། །གནས་དབེན་པའི་དགའ་…

གནས་དབེན་པའི་དགའ་ཚལ་ཉམས་དགའ་ན། །བྱ་ཁུ་བྱུག་སྔོན་མོས་སྐད་སྙན་འབྱིན། །ཆུ་གཙང་མས་ལྷུང་ལྷུང་སྙན་པ་སྒྲོག །བདེ་སྐྱིད་གཉིས་རི་ཁྲོད་གནས་ན་ཡོད། །གནས་དབེན་པའི་དགའ་ཚལ་ཉམས་དགའ་ན། །གྲོགས་རི་དྭགས་བག་ཕེབས་རྒྱུ་ཞིང་རྩེ། །མདོག་རབ་མཛེས་མེ་ཏོག་གཅལ་དུ་བཀྲམ། །བདེ་སྐྱིད་གཉིས་རི་ཁྲོད་གནས་ན་ཡོད། །གནས་དབེན་པའི་དགའ་ཚལ་ཉམས་དག…

ཉམས་རྟོགས་པའི་ཡོན་ཏན་ངང་གིས་འཆར། །བདེ་སྐྱིད་གཉིས་རི་ཁྲོད་གནས་ན་ཡོད། །གནས་དབེན་པའི་དགའ་ཚལ་ཉམས་དགའ་ན། །ཁོང་བླ་མ་མཁས་གྲུབ་མང་བོ་བཞུགས། །།ནང་སེམས་ལ་ཕན་པའི་མགུར་དབྱངས་ལེན། །བདེ་སྐྱིད་གཉིས་རི་ཁྲོད་གནས་ན་ཡོད། །གནས་དབེན་པའི་དགའ་ཚལ་ཉམས་དགའ་ན། །རྗེ་བླ་མ་ལྷ་ཡིས་བྱིན་གྱིས་རློབ། །མ་མཁའ་འགྲོའི་ཚོགས་ཀྱིས་དངོས་གྲུབ…