བཀོད༔ ས་མ་ཡ༔ རྒྱ་རྒྱ་རྒྱ༔ དེས་གནམ་ཞལ་དོན་ཁྲིད་སོང་། གཉིས་པ་བཀའ་བརྒྱད་དྲག་པོ་རང་བྱུང་རང་ཤར་གྱི་རིམ་ལྔ་གདན་ཐོག་གཅིག་ཏུ་ཉམས་སུ་བླང་ཐབས་ནི། བདེ་གཤེགས་གསང་བ་ཡོངས་རྫོགས་ལྷ་ལ་སོགས་ནས། བསྒོམ་པ་གནད་ཀྱི་གདམས་པ་རྫོགས་སོ༔ ས་མ་ཡ༔ རྒྱ་རྒྱ་རྒྱ༔ དེས་རིམ་ལྔ་གདན་ཐོག་གཅིག་མ་སོང་། གསུམ་པ་སྒྲུབ་ཆེན་བཀའ་བརྒྱད་ཀྱི་རྫོགས་ར…

ཆོས་ཀྱི་རྒྱ་མཚོ་པདྨ་འོད་གསལ་མདོ་སྔགས་གླིང་པའི་ཡང་གཏེར་དུ་བྱོན་པའི་སྙིང་པོ་དོན་གྱི་དབང་བཞི་མཚམས་སྦྱོར་ཕྱག་ལེན་གྱིས་བརྒྱན་པ་རྒྱུད་ལུང་རྒྱ་མཚོའི་བཅུད་ཐིག་ལྟར་དབང་སྒྲུབ། དངོས་གཞིའི་རྩ་བའི་དབང་བཞི་ལ་ཟུར་གསལ་ལྷ་དབང་རྒྱས་པ་སྦྱར་ཞིང་བསྡུས་པ་དོར་བ་དང་། སྙིང་པོ་དོན་གྱི་ཐུགས་ཁྲིད་ཀྱི་སྔོན་འགྲོ་ནས་གཟུང་དབང་གཞུང…

ཁྲིད་ལུང་ཞུ་བའི་རྟེན་དུ་མཎྜལ། དེ་ལ་ཐུགས་བསྐྱེད་པ་གསལ་བཏབ་ནས། ཆོས་ཉན་པའི་ཀུན་སློང་དང་སྤྱོད་པ་སྔགས་ཀྱི་ཁྱེར་སོའི་རྣལ་འབྱོར་ལ་གནས་པའི་སྒོ་ནས་གསན་འཚལ། དེ་ལ་སྔོན་འགྲོ་གཞི་དབྱིངས་འོད་གསལ་སྙིང་པོའི་ལྟ་བ་གཏན་ལ་ཕབ་ནས། ལམ་རྒྱུད་བསྟན་པའི་འབྱུང་ཁུངས། དེ་ལྟ་བུའི་ཆོས་ཉམས་སུ་ལེན་པའི་སློབ་དཔོན། གནས། དུས། གྲོགས། ཆོས…

པ་རིགས་འགྲེ། གཏད་རྒྱ༔ རྒྱ་རྒྱ་རྒྱ༔ ཞེས་བསྔགས་ཤིང་གདམས་ལ། བཀའ་སྲུང་གཉེར་གཏད་ཀྱི་རྒྱས་བཏབ་པ་འདི་ཉིད་ཀྱི་སྨིན་གྲོལ་ཆིག་རྫོགས་སུ་ཐོབ་པའི་དྲིན་ལན་གཞལ་བའི་ཕྱིར། སྒོ་གསུམ་ལོངས་སྤྱོད་དང་བཅས་པ་འབུལ་བའི་བློས་འདིའི་རྗེས་ཟློས། གཙོ་བོས་ཇི་ལྟར་སོགས་དབང་དང་། ཆོ་གའི་རྗེས་དབང་ཆོག་བཞིན་མཐར་དབྱུང་ངོ་།། ༈ །།གནམ་ཆོས་མི་…

གུ་རུ་པདྨ་འབྱུང་གནས་ལས་དངོས་སུ་གསན་ཅིང་། བཀའ་བབས་བདུན་ལྡན་འཇིགས་བྲལ་གྱི་སློབ་དཔོན་འོད་གསལ་སྤྲུལ་པའི་རྡོ་རྗེར་ཉེ་བརྒྱུད་དུ་བསྩལ་པའི་ཁྲག་འཐུང་བདེ་གཤེགས་འདུས་པའི་སྐོར་ལ། རྒྱུད་སྨིན་བྱེད་དབང་། ལམ་གྱི་གཞུང་ཤིང་གི་ཆིངས། རྒྱུད་བཤད། ཉམས་ལེན་ལག་ཁྲིད་ཀྱི་མན་ངག་རིམ་ལྔ། མཐའ་རྟེན་ལས་ཚོགས་ཀྱི་སྦྱོར་བ་བཅས་བཞུགས་པ་…

བྱ་བ་ནི། དེ་ལ་འདིར་རྒྱུད་མ་ཧཱ་ཡོ་གའི་ཡི་དམ་དཀྱིལ་འཁོར་ཀུན་འདུས་བདེ་གཤེགས་སྒྲུབ་པ་བཀའ་བརྒྱད་ཀྱི་སོགས་ཁྲིད་ཡིག་དབུ་ནས་གཟུང་། མཇུག་གི །སྐལ་ལྡན་རྣམས་ཀྱི་སྙིང་ལ་གཅག་པར་མཛད་འཚལ་ལོ། །དེ་ལྟ་བུའི་སྨིན་གྲོལ་སོགས་ཀྱིས་མཚམས་སྦྱར་ལ། ལུས་དབུལ་ཕྱིན་དབང་དང་། ཆོ་གའི་རྗེས་རིམ་རྣམས་སྒྲུབ་པས་མཐར་དབྱུང་བ་བཅས་བྱའོ།། ༈ །།…

རྒྱལ་ཚབ་སློབ་དཔོན་རིམ་པར་བྱོན་རྣམས་ལ། །གསོལ་བ་འདེབས་སོ་རབ་འབྱམས་མཐུ་དབང་སྩོལ། །རྒྱུད་དང་སྒྲུབ་སྡེ་མདོ་ལུང་མན་ངག་གི །ཞི་ཁྲོ་རྩ་གསུམ་སྒྱུ་འཕྲུལ་དྲྭ་བ་ཆེར། །རྫོགས་པའི་དཀྱིལ་འཁོར་ནམ་མཁའ་མཉམ་པའི་ལྷར། །གསོལ་བ་འདེབས་སོ་རབ་འབྱམས་མཐུ་དབང་སྩོལ། །ཕྱག་རྒྱ་གཅིག་དང་ཞི་ཁྲོ་སྐུ་གསུང་ཐུགས། །ཚོམ་བུ་ཡོངས་རྫོགས་བསྙེན་ས…

མྱོང་བ་ཅན་དུ་བཞུགས་སུ་གསོལ༔ ངེས་པ་དོན་གྱི་མཆོག་ཐོབ་ཤོག༔ ཅེས་རྫོགས་ཆེན་སྡེ་གསུམ་ནས་འབྱུང་བ་ལན་གསུམ། གསུམ་པ་བདག་བསྐྱེད་ནི། ཆོས་ཀུན་ཡེ་ནས་སངས་རྒྱས་པའི༔ སོགས་སྒྲུབ་པ་སྙིང་པོ་ཡོངས་རྫོགས་ལྟར། མ་བཅོས་ཡེ་རྫོགས་ཚུལ་དུ་གསལ༔ ཞེས་པས་ལུས་དཀྱིལ་གསལ་བཏབ་ནས། ཞི་ཁྲོའི་སྤྱི་དྲིལ་འབྲུ་གསུམ་དང་། ཧཱུྃ་བཟླས་སོ་སོར་ཅི་ནུས…

ཆུ་ཀླུང་སོ་སོའི་གནས་རྣམས་ནས༔ ས་བདག་འཁོར་བཅས་གནས་འདིར་སྤྱན་འདྲེན་གྱི༔ རིན་ཆེན་ས་གླུད་འདོད་ཡོན་འདི་བཞེས་ལ༔ འཛམ་བུ་གླིང་འདིར་སྒྲུབ་པའི་ས་རུ་སློང༔ བཀྲ་ཤིས་བདེ་སྐྱིད་མཐུན་རྐྱེན་སྒྲུབ་ཏུ་གསོལ༔ ཞེས་ཕྲིན་ལས་བཅོལ་ལ་གཏོར་མ་དང་གསེར་སྐྱེམས་ཕྱིར་ཕུལ་ཞིང་། གཙྪས་གནང་བ་བྱིན་ནས་རང་གནས་སུ་གཤེགས་པར་བསམ། ཚོམ་བུ་སོགས་བས…

ལུ་ཧཱུྃ་བྷྱོ་ཧཱུྃ་ཕཊ༔ བཅུད་རྣམས་རྩ་གསུམ་ཞི་ཁྲོའི་ལྷ། །རྒྱུད་ལུང་མན་ངག་དཀྱིལ་འཁོར་པ། །དྭངས་པའི་མཚོ་ལ་གཟའ་སྐར་བཞིན༔ སྐད་ཅིག་ཉིད་དུ་གསལ་བར་བསྒོམ༔ བཅུ་པ་སྲུང་བ་ནི། ཧཱུྃ་ཧཱུྃ་ཧཱུྃ་བི་ཤྭ་བཛྲ་ཀྲོ་དྷ་སོགས་བརྗོད་ཅིང་། ཡུངས་ཐུན་གྱིས་བྲབ་ལ་གུ་གུལ་བདུག་པས་བགེགས་བསྐྲད། ཧཱུྃ་བཅུ་དང་། བཛྲ་རཀྵ་བྷྲཱུྃ་གྱིས་སྲུང་འཁོར…

བདུན་ཚན་བཞི་རེ། དེ་རྒྱབ་གྲངས་མེད། ལིང་ཚེ་ལྷོ་དབུས་སུ་འཇམ་དཔལ་ཞི་ཁྲོ་ལ་ཚོམ་བུ་གཉིས། དེ་རྒྱབ་ཕྱོགས་བཞིར་ཞི་བ་འཇམ་དབྱངས་རིགས་བཞི། མཚམས་བཞིར་ཁྲོ་བོ་གཤིན་རྗེ་རིགས་བཞི། དེ་རྒྱབ་གཤེད་ཆེན་བཅུ་གཉིས། དེ་རྒྱབ་སྒོ་སྲུང་དྲེགས་པ་སྡེ་བཞི། དེ་རྒྱབ་གྲངས་མེད། ལིང་ཚེ་ནུབ་དབུས་སུ་པདྨ་ཞི་ཁྲོ་ལ་ཚོམ་བུ་གཉིས། དེ་རྒྱབ་ཕྱོགས…

མོ་སྟེ་སྡེ་དཔོན་བཅུ། དེ་རྒྱབ་ཤར་ནུབ་ཀྱི་སྟོད་སྨད་དུ་གཟའ་བདུད། གནམ་སྨན། ཀླུ་བདུད། ཡཀྴ་ནག་མོ་སྟེ་གནམ་ས་དབང་བྱེད་བཞི་རེ་རེ། དེ་རྒྱབ་དཀར་པོ་སྡེ་གསུམ་ནི། གནམ་ཐེལ། ཤམ་པོ། མ་སངས། ནག་མོ་སྡེ་གསུམ་ནི། ཨེ་ཀ་ཛཱ་ཊི། སྲིད་རྒྱལ། མགྱོགས་བྱེད་མ། དམར་མོ་སྡེ་གསུམ་ནི། སྲོག་ཟན། རྡོ་རྗེ་བདུད་འདུལ། ཡམ་ཤུད། ནག་པོ་སྡེ་གསུམ་…

འཕགས་ཚོགས་མཚོན་པའི་གྲངས་མེད་རེས་བསྐོར། ལྷོར་གོང་བཞིན་དུ་དུས་གསུམ་སངས་རྒྱས་ལ་ཉན་ཐོས་དང་། རང་རྒྱལ་དགྲ་བཅོམ། བྱང་སེམས་མཚོན་པའི་ཚོམ་བུ་གྲངས་མེད་རེས་བསྐོར། ནུབ་ཏུའང་དེ་མཚུངས་རིགས་གསུམ་མགོན་པོར་ཚོམ་བུ་གསུམ་ལ་ཡོ་ག་གསུམ་དང་། སངས་རྒྱས་བྱང་སེམས་མཚོན་པའི་ཚོམ་བུ་གྲངས་མེད་རེས་བསྐོར། བྱང་དབུས་རྣམ་སྣང་། སྟོད་སྨད་ལ…

པའི་ཚོམ་བུ་གྲངས་མེད་རིམ་པ་བཞིས་བསྐོར་བའོ། །མཎྜལ་སྟེང་མའི་དབུས་སུ་བླ་མ་རྡོ་རྗེ་འཆང་ལ་སྐུ་གསུམ་སོགས་ཡེ་ཤེས་བརྒྱད་མཚོན་པའི་ཚོམ་བུ་དགུ །དེ་རྒྱབ་མུ་རན་ལ་དཔའ་བོ་མཁའ་འགྲོ་རིག་འཛིན་བླ་མ་རྣམས་མཚོན་པའི་ཚོམ་བུ་གྲངས་མེད་ཀྱིས་བསྐོར་བ་རྣམས། ཨོཾ་ཨཱཿཧཱུྃ་གུ་ཧྱ་ཛྙཱ་ན་བོ་དྷི་ཙིཏྟ་མ་ཧཱ་སུ་ཁ་རུ་ལུ་རུ་ལུ་ཧཱུྃ་བྷྱོ་ཧཱུྃ་…

པོ་ཆེའི་བུམ་པར་ཉེར་ལྔའི་རྫས་དང་དྲི་བཟང་གི་ཆུས་སུམ་གཉིས་བཀང་། མགུལ་ཆིངས་སྣ་ལྔ། ཁ་རྒྱན་དུང་ཆོས་གཟུངས་རྡོར་ལྡན་པ། གཡོན་ངོས་ལྟ་བུར་ལས་བུམ་བཅུད་ལྡན་ཆིངས་ལྗང་ཁ་རྒྱན་ཅན་བཅས་བཀོད། གསུམ་ཀའང་གུ་གུལ་གྱིས་བདུག་ཅིང་། བགེགས་བསྐྲད་དེ་ཆས་སུ་བཅུག་ལ། ཞི་བའི་བུམ་པ་ནི། བུམ་པ་བྷྲཱུྃ་ལས་གཞལ་ཡས་ཁང་། །རྡོ་རྗེ་དབྱིངས་ཀྱི་ཞི…

གོ །གསུམ་པ་སློབ་མ་སྟ་གོན་ལ། སྡོམ་ནི། ཁྲུས་བྱ་བྱུར་བསལ་མཎྜལ་འབུལ། །གསོལ་གདབ་རྒྱུད་སྦྱངས་སྒོ་གསུམ་བརླབ། །སོ་ཤིང་དོར་ལ་ཁྱོར་ཆུ་སྦྱིན། །སྲུང་སྐུད་ཀུ་ཤ་སྤྲོ་བ་བསྐྱེད། །ཅེས་བཅུ་གཅིག་ལས། དང་པོ་ནི། སློབ་བུ་ཁྲུས་ནས་དབྱུང་། ཚུལ་ཕྱག་བཅས་གྲལ་དུ་འཁོད། གཉིས་པ་བྱུར་བསལ་བ་ནི། བགེགས་གཏོར་བཏང་ལ། བཀའ་བསྒོ་ཞིང་མཚམས་བཅད…

གསུམ་གུས་པའི་ཐལ་མོ་མེ་ཏོག་དང་བཅས་པས་གསོལ་བ་འདེབས་པ་འདིའི་རྗེས་ཟློས། ཧོ༔ འཁོར་བའི་རྒྱ་མཚོ་སོགས། དཀྱིལ་འཁོར་འཇུག་པའི་སྙིང་པོ་བཞིན་ལན་གསུམ། དེ་ལྟར་གསོལ་བ་བཏབ་པས་ཐུགས་རྗེའི་སྒོ་ཕྱེས་ཏེ། ཁྱེད་རྣམས་གསང་བའི་དཀྱིལ་འཁོར་འདིར་འཇུག་པ་ལ་དངོས་གྲུབ་ཀྱི་སྐལ་བ་བརྟག་དགོས་པས། དེའི་ཕྱིར་འདི་ལ་གསན་འཚལ། ཧོ༔ མ་རིག་སྲིད་པ…

ཨུ་དུཾ་ཝཱ་རའི་མེ་ཏོག་བཞིན། །བརྒྱ་ལམ་ན་ཡང་འབྱུང་བར་དཀའ། །ཞེས་གསུངས་པས། རྣམ་འདྲེན་རྒྱ་མཚོའི་བསྟན་པ་ཐམས་ཅད་ལ་འབྱུང་བར་དཀའ་བའི་སྔགས་བླ་མེད་ཀྱི་བསྟན་པ་རིན་པོ་ཆེ་འདི་ལྟ་བུ་དང་འཕྲད་པ་ཤིན་ཏུ་དཀའ་བས། འདི་དང་མཇལ་བའི་ཚེ་འཁོར་བའི་བྱ་བར་སྙིང་པོ་མེད་ཅིང་སྡུག་བསྔལ་གྱི་རྒྱུ་ཤ་སྟག་སྒྲུབ་པ་ལ་རྒྱབ་ཀྱིས་ཕྱོགས་ཏེ་དམ་པའི…

པ་མངོན་སུམ་དུ་བཞུགས་པའི་སྤྱན་སྔར། དེང་ནས་བྱང་ཆུབ་ཀྱི་བར་ཅི་མཛད་ཁྱེད་ཤེས་བློ་གཏད་ལིང་བསྐྱུར་གྱིས་སྐྱབས་སུ་འགྲོ་བ་དང་། མཁའ་མཉམ་གྱི་འགྲོ་བ་ཐམས་ཅད་བདེ་བ་མཆོག་གི་གྲོང་ཁྱེར་དུ་བསྒྲལ་བའི་ཕྱིར། རྒྱུད་སྨིན་བྱེད་ཀྱི་གདམས་པ་ནོད་ནས་གྲོལ་བྱེད་ཀྱི་ལམ་ལ་ངེས་པར་བསླབ་ཅིང་། ཚེ་འདི་ཉིད་ལ་བྱང་ཆུབ་སྙིང་པོ་མངོན་དུ་བྱའོ་ས…

ཤིང་། སློབ་མའི་སྒོ་གསུམ་ལ་ཐིམ་པས་དཔལ་ཧེ་རུ་ཀའི་སྐུ་གསུང་ཐུགས་དང་རོ་མཉམ་པའི་ང་རྒྱལ་བརྟན་པོ་མཛོད་ཅིག །ཨོཾ་ཨཱཿཧཱུྃ་གིས་དྲིའི་ཐིག་ལེ་གནས་གསུམ་དུ་བཀོད། བདུན་པ་སོ་ཤིང་ནི། སོ་ཤིང་དང་དོར་གཞི་ཚོམ་བུ་ལྔ་པ་འདུ་བྱས་ལ། དངོས་གྲུབ་ཀྱི་ལྟས་བརྟག་པའི་ཕྱིར་སོ་ཤིང་དོར་བ་ནི། བྱང་ཆུབ་ཀྱི་ཤིང་ལས་བྱས་པའི་སོ་ཤིང་གི་རྩེ་མོ་མ…