རན་ཙ་ན་སྟེ། །དཔལ་གྱི་ནགས་ཚལ་ར་གདོང་དམར། །བདེན་བྲལ་ཨཱརྫུའི་ཤིང་བུ་ལ། །འཇིགས་པའི་མུན་པ་མ་ཧེའི་གདོང་། །རླུང་དུ་སྲིད་གྲུབ་ཤིང་བུ་ལ། །ཀཱི་ལིའི་སྒྲ་སྒྲོགས་ཤ་བའི་གདོང་། །དབང་ལྡན་ནྱ་གྲོ་དྷ་ཤིང་ལ། །ཧ་ཧར་དགོད་པ་བ་ལང་གདོང་། །གཡས་ན་གྲི་གུག་གཡོན་ཐོད་པ། །ཤིང་ལོའི་གསེབ་ནས་སྟོད་ཕྱུང་ངོ་། །ཞེས་གསུངས་པ་ལྟར་ལ། ཞིང་སྐྱོ…

ནས་བེ་ཅོན་ཐོགས། །ཤར་ལྷོ་མེ་ལྷ་དམར་སེར་ལ། །ར་ལ་ཞོན་ནས་མེ་ཐབ་འཛིན། །ལྷོ་ནུབ་སྲིན་པོ་སྨུག་ནག་ལ། །རལ་གྲི་ཐོགས་ནས་མི་ལ་ཞོན། །ནུབ་བྱང་རླུང་ལྷ་མདོག་སྔོན་པོ། །ཤ་བ་ཞོན་ནས་འཕེན་ནི་འཕྱར། །བྱང་ཤར་དབང་ལྡན་དཀར་པོ་ནི། །ཁྱུ་མཆོག་ཞོན་ནས་རྩེ་གསུམ་ཐོགས། །ཐམས་ཅད་རང་རང་རིག་མས་འཁྱུད། །ཅེས་པ་ལྟར་ངོ་བོ་ནི་ཉན་ཐོས་ཆེན་པོ་བརྒ…

ཀུན་ཀྱང་ཐལ་སྦྱར་ནོར་བུ་ཐོགས་པ་ལུས་ཕྱེད་ཆུ་སྟེང་དུ་ཐོན་པར་འགྲེལ་པ་རྣམས་སུ་འབྱུང་ངོ་། །སྤྲིན་བརྒྱད་ནི། སྒྲ་སྒྲོགས་པ་དང་རྨུགས་པ་དང་། །མུན་པ་ཅན་དང་ཀུན་ཏུ་འཁྱིལ། །ཤར་ནས་བྱང་གི་ཕྱོགས་སུ་འཁོད། །འཁྲིགས་པ་གང་བ་འབབ་པ་དང་། །དྲག་པོ་སྤྲིན་ཚོགས་མཚམས་ལ་དགོད། །ཅེས་གསུངས་ལ། སྤྲིན་བརྒྱད་ཀྱི་ངོ་བོ་ནི་རང་རྒྱལ་བརྒྱད་དེ་…

ཁྲོད་ཀྱི་བཀོད་པ་འཇིགས་སུ་རུང་བ་སྣ་ཚོགས་པ་དང་ལྡན་པ་སྟེ། རྒྱུད་ལས། སེང་གེ་ཅེ་སྤྱང་ཁྱི་སྒྲ་སྒྲོགས། །སྟག་དང་ཝ་དང་ཕག་རྣམས་དང་། །བྱི་ལ་རྐྱང་དང་གདུག་པའི་སྦྲུལ། །ཁྭ་དང་འུག་པ་ལ་སོགས་བྱ། །གསལ་ཤིང་བསྐྱོན་དང་མདུང་གིས་ཕུག །ཀེང་རུས་ཕྱེད་མགོ་རུས་པ་རྣམས། །ཐབ་ཏུ་ཚིག་དང་ཕྱེད་ཚིག་པ། །ཤ་ཟ་དང་ནི་རོ་སྒྲུབ་བྱེད། །གྲུབ་ཐོབ…

མ་ཤིང་། །ཞིང་སྐྱོང་སྔགས་ཀྱི་ཐེག་པ་སྲུང་། །གདུག་པ་འཇོམས་ཕྱིར་ཀླུ་བརྒྱད་འགོད། །མཆོད་རྟེན་རང་སངས་རྒྱས་ཀྱི་གནས། །རྣལ་འབྱོར་བརྟུལ་ཞུགས་སྤྱོད་པ་བྱེད། །ཆུ་ནི་བརྗོད་བྱ་ཟབ་པ་ལ། །མེ་སོགས་རྟོགས་པ་བྲལ་བའོ། །ཞེས་གསུངས་སོ། །དེ་དག་ནི་རྟེན་གཞལ་ཡས་ཁང་གི་བཀོད་པ་སྟེ། གཞལ་མེད་ཁང་ཞེས་པའི་སྒྲ་དོན་ནི། ཡཱ་ན་ཚད་ལ་གཞལ་བའི་སྐ…

བྱེད་པའི་མཚམས་ཡིན་ཕྱིར་རྟ་བབས་ཞེས་མིང་དུ་ཆགས་པར་འཆི་མེད་མཛོད་དུ་གསུངས་སོ། །དེ་བཞིན་རྟ་བབས་ཀྱི་སྐར་ཁུང་ལ་གླང་རྒྱབ་ཞེས་འདོགས་པའང་གླང་པོའི་རྒྱབ་ཏུ་བཀལ་བའི་ནོར་བུ་མིག་གསུམ་པའི་དབྱིབས་ལྟ་བུར་ཡོད་པའི་མིང་ཆགས་པར་བཤད་དོ། །དེ་ནས་སྐྱེ་སྲིད་སྦྱོང་བའི་ཕྱིར་དུ་བརྟེན་པ་ལྷ་བསྐྱེད་ཚུལ་ལའང་རྒྱས་པར་མངོན་བྱང་ལྔ་བསྐྱེད…

འཆར་དགོས་པས་མངལ་དུ་ཕ་མའི་ཁམས་དཀར་དམར་དང་བར་དོའི་རྣམ་ཤེས་རླུང་དང་བཅས་པ་ཚོགས་པ་གཅིག་ཏུ་གྱུར་པ་ནི་རྒྱུད་སྡེ་སྤྱིར་གྲགས་པའི་རྒྱུའི་རྡོ་རྗེ་འཆང་ངམ་འཁོར་ལོ་བདེ་མཆོག་ཉིད་ཡིན་པས། དེ་ལྟར་གཞི་དུས་ཀྱི་ལྷར་རྫོགས་པའི་ཚུལ་ལམ་དུ་བྱེད་པ་ལ། དང་པོ་འཆི་སྲིད་བར་དོ་དང་བཅས་པ་སྦྱོང་བའི་ཕྱིར་སྟོང་ཉིད་བྱང་ཆུབ་བསྒོམ་པ་ནི་རྟེ…

ཀྱི་བྱིན་རླབས་རྣམས་འོད་ཀྱི་རྣམ་པར་བསྡུས་ཏེ་ཧཱུྃ་ལ་ཐིམ་པས་རྡོ་རྗེ་སྔོན་པོ་རྩེ་ལྔ་པའི་ལྟེ་བར་ཧཱུྃ་གིས་མཚན་པར་བསྒོམ་པའོ། །གསུམ་པ་རྣམ་སྨིན་གྱིས་ལུས་ཡོངས་སུ་གྲུབ་པའི་བག་ཆགས་སྦྱོང་བའི་ཕྱིར་དུ་སྐུ་ཡོངས་རྫོགས་བསྒོམ་པ་ནི། སླར་ཡང་རྡོ་རྗེ་ཧཱུྃ་མཚན་གྱི་འོད་ཀྱིས་ཁམས་གསུམ་གྱི་སེམས་ཅན་ཐམས་ཅད་ཀྱི་རྒྱུད་ཀྱི་ཉོན་མོངས…

ཉིད་བཞིར་རྒྱུད་ལས་གསུངས་ཏེ། དཔལ་ནི་གཉིས་མེད་ཡེ་ཤེས་ཏེ། །འཁོར་ལོ་རྣམ་པ་བཞི་རུ་བརྗོད། །ཕྱི་ནང་གསང་བ་དེ་ཉིད་དོ། །དང་པོ་ཕྱི་ཡི་འཁོར་ལོ་ནི། །སྐུ་མདོག་ཕྱག་མཚན་ལྷ་ཡི་སྐུ། །དྲུག་ཅུ་རྩ་གཉིས་རིམ་པ་སྟེ། །ཡེ་ཤེས་དམ་ཚིག་སྐུ་གསུང་ཐུགས། །དཀྱིལ་འཁོར་ཕྱོགས་མཚམས་རིམ་པ་བཞིན། །ལུགས་འབྱུང་ལུགས་ལས་བཟློག་པ་ནི། །ཐ་མལ་གཅོད་…

དབྱེར་མེད་རྟོགས་པས་ལྷན་སྐྱེས་ལ། །དེ་ཁོ་ན་ཡི་འཁོར་ལོར་བརྗོད། །སྡོམ་པ་ཕྱི་ནང་གསང་བ་ཉིད། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ལ་སོགས་ཉོན་མོངས་པ། །གཉེན་པོ་ཡེ་ཤེས་ངང་དུ་སྡོམ། །བདག་དང་དངོས་པོར་ལྟ་བ་དང་། །ཐ་མལ་པ་ཡི་རྣམ་རྟོག་ཀྱང་། །དག་པ་ལྷ་ཡི་འཁོར་ལོར་སྡོམ། །གཟོད་ནས་ལུས་ལ་གྲུབ་པ་ཡི། །རྩ་དང་རླུང་དང་བྱང་སེམས…

ཐམས་ཅད་ཆོས་ཉིད་ཀྱི་ངང་དུ་རོ་གཅིག་པས་ཞལ་གཅིག་པ། དུས་གསུམ་སྒྲིབ་མེད་དུ་གཟིགས་པས་སྤྱན་གསུམ་པ། མ་རུངས་པ་དང་ཉོན་མོངས་པ་འཇོམས་པས་ཞལ་གྱི་མཆེ་བ་ཅུང་ཟད་གཙིགས་པ། འདོད་ཆགས་ལ་དགའ་བ་ཉིད་ཆོས་ལ་འཛུད་པའི་ཕྱིར་རལ་པའི་ཅོད་པན། དྲག་པོ་ལ་སོགས་པ་གཞན་གྱིས་མི་ཐུབ་པའི་ཕྱིར་རྩེ་མོར་ནོར་བུས་བརྒྱན་པ། བྱང་ཆུབ་ཀྱི་སེམས་དང་དེས་འཕ…

མགུར་ཆུ་དཔུང་རྒྱན་རྣ་ཆ་དང་། །ཐོད་པའི་ཕྲེང་བས་རྣམ་པར་བརྒྱན། །མཆོད་ཕྱིར་ཐོགས་དང་ཐལ་བ་ནི། །ཕྱག་རྒྱ་དྲུག་པར་རབ་ཏུ་བཤད། །ཕ་རོལ་ཕྱིན་དྲུག་རྣམ་དག་པས། །ཕྱག་རྒྱ་དྲུག་གིས་རྣམ་པར་བརྒྱན། །ཅེས་གསུངས་པ་ལྟར་རྣ་ཆ་ནི་བཟོད་པ། གདུབ་བུ་ནི་ཚུལ་ཁྲིམས། མགུལ་རྒྱན་ནི་བརྩོན་འགྲུས། སྤྱི་གཙུག་གི་ནོར་བུ་ནི་སྦྱིན་པ། མཆོད་ཕྱིར་ཐོ…

ན་དཔའ་བ། ལོག་པར་ལྟ་བ་རྣམས་ལ་མ་རངས་པས་བཞིན་དང་བཞུགས་སྟངས་མི་སྡུག་པ། རྔམ་པའི་སྒྲ་ཨཱ་རལླི་སོགས་ཀྱིས་འགྲོ་བ་འདུལ་བས་རྒོད་པ། སྨིན་མ་བསྡུས་པ་དང་མཆེ་བ་གཙིགས་པ་ལ་སོགས་པས་མ་རུང་བསྐྲག་པར་མཛད་པས་དྲག་ཤུལ། མ་རུངས་པའི་ཐོད་པའི་ཕྲེང་བ་དང་སྟག་གི་པགས་པ་ལ་སོགས་པ་དང་ལྡན་པས་འཇིགས་སུ་རུང་བ། །འཇིགས་བྱེད་དང་དུས་མཚན་ཞབས་ཀྱི…

ཕྱོགས་གཅོད་པའི་དྲིལ་བུ་བཅས་འཛིན་པས་ཡུམ་ལ་འཁྱུད་པ། འཁོར་བ་དག་པས་ཞབས་གཡས་བརྐྱང་བ་དང་། མི་གནས་པའི་མྱ་ངན་ལས་འདས་པའི་ཕྱིར་ཞབས་གཡོན་ཅུང་ཟད་བསྐུམ་པ། རྟག་ཆད་གཉིས་ཀྱི་མཐའ་དང་བྲལ་བའི་ཕྱིར་རྟག་པའི་རྣམ་པར་རྟོག་པའི་རང་བཞིན་འཇིགས་བྱེད་དེ་དབང་ཕྱུག་ནག་པོ་མགོ་སྐེ་བལྟབས་པའི་དཔྲལ་བ་ན་ཞབས་གཡས་པས་མནན་པ། ཆད་པའི་རྣམ་པར་རྟ…

པས། །ཕག་ཅེས་བྱ་བ་རྟོག་མེད་ཡིན། །དབྱིངས་ཉིད་རྟོག་པ་སྤྲོས་བྲལ་བས། །མོ་ཞེས་བྱ་བ་དབྱིངས་སུ་ཐིམ། །ཞེས་དང་། དེ་ལའང་དབྱེ་ན་དོན་དམ། བརྗོད་པ། དབྱིངས་ཀྱི་ཕག་མོ་གསུམ་དུ་གསུངས་ཏེ། དོན་དམ་སྐྱེ་མེད་ཕག་མོ་ནི། །སྐྱེ་འགག་མེད་པས་ཆོས་སྐུ་ཡིན། །བརྗོད་པ་སྒྲ་ཡི་ཕག་མོ་ནི། །ཕག་ནི་ཀཱ་ལི་ཐབས་ཡིན་ལ། །མོ་ནི་ཨཱ་ལི་ལོངས་སྐུར་འདོ…

དུས་གསུམ་གཟིགས་ཕྱིར་སྤྱན་གསུམ་པ། ཆོས་དབྱིངས་ལ་ཡེ་ཤེས་སྐྱེར་འཇུག་པས་སྐྲ་གྲོལ་བ། རིགས་ལྔ་བདག་པོ་ལྔའི་རང་བཞིན་མཚོན་ཕྱིར་ཐོད་སྐམ་ལྔས་བརྒྱན་པ། འདུ་བྱེད་ལྔ་བཅུ་རྩ་གཅིག་དག་པའི་ཕྱིར་ཐོད་པ་སྐམ་པོ་ལྔ་བཅུ་རྩ་གཅིག་གི་དོ་ཤལ་བྱས་པ། ཕར་ཕྱིན་ལྔ་རྣམ་པར་དག་པའི་ཕྱིར་ཐལ་བ་སྤངས་པའི་ཕྱག་རྒྱ་ལྔས་བརྒྱན་པ་སྟེ། འདིར་ཤེས་རབ་མ…

སོགས་པ་དང་ལྷན་ཅིག་མི་གནས་པའོ། །གར་ཉམས་དགུ་དང་། ཕྱག་རྒྱ་དྲུག་དང་། དག་དྲན་རྣམས་ལའང་བཤད་ཚུལ་མང་ཡང་འདིར་ནི་ལཱུ་ཡི་པའི་རིགས་དྲུག་གི་སྒྲུབ་ཐབས་མངོན་རྟོགས་རྣམ་འབྱེད་ལས་གསུངས་པ་ལྟར་བཀོད་པའོ། །དེ་ནས་ཕྱོགས་བཞིའི་པདྨ་འདབ་མ་བཞི་ལ་དབུགས་བྲལ་གྱི་སྙིང་གར་ཉི་མའི་གདན་ལ་མདུན་དུ་མཁའ་འགྲོ་མ་མཐིང་ག །གཡོན་ཕྱོགས་སུ་ལཱ་མ་ལ…

དགོངས་པའི་རྩལ་གྱིས་ལུས་མི་སྣང་བར་འགྲོ་བས་ན་མཁའ་འགྲོ་མ་སྟེ། ནག་པོ་པའི་བདེ་མཆོག་འཁོར་ལོའི་བཤད་པ་ལས། ཉི་ཟླ་རྣམ་དག་སྲིད་ལས་སྐྱེས། །རང་བཞིན་གྱིས་ནི་རོ་མཉམ་དེ། །པདྨ་མཆོག་གི་གནས་སུ་ལྷུང་། །དེ་སྐྱེས་རང་བྱུང་ཡང་དག་ལྡན། །ཌཱ་ནི་མཁའ་འགྲོ་མ་ཞེས་བྱ། །སངས་རྒྱས་ཁམས་སུ་རབ་ཏུ་བཏགས། །ནམ་མཁར་ཀུན་ཏུ་རྒྱུ་གྲུབ་པས། །མཁའ་འ…

ཡོངས་སུ་རྫོགས་པས་ན་ལཱ་མ་སྟེ། གང་ཡང་མཛེས་པས་ཡོངས་གང་ན། །སྐྱེས་པ་བུད་མེད་ལས་བྱུང་བ། །མཚན་མ་ཀུན་གྱི་ཡོངས་སུ་རྫོགས། །དེས་ན་ལཱ་མར་རབ་ཏུ་གྲགས། །ཞེས་གསུངས་ལ། ཡང་མཁའ་འགྲོ་རྒྱ་མཚོའི་དབང་གི་རབ་བྱེད་ལས། མཆོག་ཏུ་འགྲོ་བའི་ངང་ཚུལ་ཕྱིར། །མཁའ་འགྲོ་མ་ཞེས་རབ་ཏུ་གྲགས། །གང་ཞིག་རྟག་ཏུ་གདུག་ཟ་བ། །ལཱ་མ་ཞེས་བྱར་དེ་བཞིན་དྲན…

བའི་གོས་དཀར་མོ་སྟེ་གྲི་གུག་དང་ཀ་པཱ་ལ་ཐོགས་པ་དམར་མོའོ། །གཟུགས་ཅན་མ་ནི་ཉེ་བའི་སངས་རྒྱས་སྤྱན་མ་སྟེ་གྲི་གུག་དང་ཀ་པཱ་ལ་ཐོགས་པ་སེར་མོའོ། །ཞེས་གསུངས་སོ། །དེ་ནས་དག་པ་ནི། གཡས་ཀྱི་གྲི་གུག་ནི་ཡེ་ཤེས། གཡོན་གྱི་ཐོད་པ་ནི་སྙིང་རྗེ། ཁ་ཊྭཱཾ་ག་ནི་བསམ་གཏན་ཏེ་གཞན་རྣམས་སྔར་བཤད་པ་དང་འདྲའོ། །དེ་ནས་མཚམས་བཞིའི་པད་སྟེང་དུ་ཟླ…