སྔགས་ཅེས་བྱ་སྟེ་སྙིང་པོ་ཉི་ཤུ་རྩ་གཉིས་པའོ། །དེང་སང་ཐམས་ཅད་ཀྱིས་ཛྭཱ་ལ་སམྦ་ར་ཞེས་བཀླག་ཅིང་སྤར་གསར་བརྐོས་རྣམས་ལའང་དེ་བཞིན་སྣང་ཡང་། ཛྭཱ་ལ་འབར་བའི་དོན་ལ་འཇུག་པ་ལས་དྲྭ་བ་ལ་ནམ་ཡང་མི་འཇུག་པར་མ་ཟད། བདེ་མཆོག་སྤར་རྙིང་དང་བཀའ་བསྟན་གཉིས་ཀྱི་ཁྲོད་དུ་རྒྱུད་དང་རྒྱ་གཞུང་གི་དཔེ་ཇི་སྙེད་ཅིག་བཞུགས་པ་རྣམས་སུའང་ཛྭཱ་ལ་ཁོ་…

ཕྲ་མོ་དེ་ཡང་ཆུད་འཛའ་བས་སྨྲ་བར་མི་བྱ་ལ། ཆོས་ཀྱི་གནད་དོན་ཤེས་པ་རྣམས་ཀྱིས་ནི་རྣམ་དག་ཏུ་ཀློག་པ་གལ་ཆེ་སྟེ། དཔུང་བཟང་གིས་ཞུས་པ་ལས། གསང་ཚིག་སྒྲ་དང་ཚིག་འབྲུ་ཉམས་གྱུར་ན། །ལོག་པར་སྦྱོར་བས་དེ་ཡི་དོན་མི་སྟོན། །རྡོ་རྗེའི་ཚིག་དེས་མཆོག་སྦྱིན་བྱེད་མིན་ཏེ། །དབང་པོའི་བདག་པོ་དགྲ་ཡིས་བརླག་པ་བཞིན། །ཞེས་དང་། དགེ་སློང་ཀརྨ…

རང་ཉིད་ཀྱི་ལྟེ་བ་སྤྲུལ་པའི་འཁོར་ལོར་པདྨའི་ལྟེ་བར་འདི་ལ་ལཱུ་ཡི་པའི་མངོན་རྟོགས་ཀྱི་དཀའ་འགྲེལ་དང་། དེ་བཞིན་གཤེགས་པའི་རྡོ་རྗེའི་རྒྱ་གཞུང་ལས་ཧཱུྃ་ཡིག་དམར་པོའམ་ནཱ་ད་ཞེས་གསུངས་སོ། །མཆན། ནཱ་ད་དམར་པོ་གནས་པ་ལས་གང་ཟློ་བའི་སྔགས་ཀྱི་ཕྲེང་བ་འཕྲོས། ལུས་ཀྱི་ནང་བརྒྱུད་སྣ་བུག་གཡས་ནས་ཐོན། དཀྱིལ་འཁོར་པ་སྟེ་གཙོ་བོ་ཡབ་ཡུ…

དཔའ་བོ་དང་དཔའ་མོ་ཡབ་ཡུམ་བཅུ་དྲུག །ཧཱུྃ་ཡིག་དང་པོ་ས་སྤྱོད་གསུང་གི་འཁོར་ལོའི་དཔའ་བོ་དང་དཔའ་མོ་ཡབ་ཡུམ་བཅུ་དྲུག །ཧཱུྃ་ཡིག་གཉིས་པ་མཁའ་སྤྱོད་ཐུགས་ཀྱི་འཁོར་ལོའི་དཔའ་བོ་དང་དཔའ་མོ་ཡབ་ཡུམ་བཅུ་དྲུག ། ཕཊྲ་ནི་སྒོ་མཚམས་ཀྱི་ལྷ་མོ་བརྒྱད་ཡིན་ནོ། །དེ་ནས་ཡུམ་གྱི་སྙིང་པོ། བཛྲ་ནི་རྡོ་རྗེ། བཻ་རོ་ཙ་ནཱི་ནི་རྣམ་པར་སྣང་མཛད་མ…

ཁཎྜ་རོ་ཧེ་དུམ་སྐྱེས་མ། རཱུ་པི་ཎཱི་ཡེ་གཟུགས་ཅན་མ། དེ་དག་ཐམས་ཅད་ཀྱི་མཐར་བོད་པའི་དོན་དུ་རྟགས་མཐའ་ཨེར་བསྒྱུར་བའོ། །ཐམས་ཅད་ཀྱི་མགོར་ༀ་དང་མཐར་ཧཱུྃ་ཧཱུྃ་ཕཊ་སྦྱར་བའི་དོན་ནི། ཁྲག་འཐུང་མངོན་པར་འབྱུང་བའི་རྒྱུད་ལས། རང་མིང་བརྗོད་པའི་སྔགས་དག་ལ། །དང་པོ་ༀ་གྱི་ཡི་གེ་དང་། །ཧཱུྃ་ཧཱུྃ་ཕཊ་ཀྱིས་མཐའ་ལ་བརྒྱན། །ཞེས་གསུངས་པ་…

རིང་པོར་བཤད་པ་ལྟར་རོ། །སྔགས་ཀྱི་བཟླས་ཚད་ཀྱང་གཙོ་བོ་ལ་འབུམ། ཡུམ་དང་འཁོར་ལ་ཁྲི་བཟླ་བ་གྲངས་བསྙེན་དང་། གྲངས་མེད་དུ་བཟླ་བ་གཉིས་སུ་གསུངས་ཏེ། སྡོམ་འབྱུང་ལས། བརྒྱ་དང་སྟོང་དང་འབུམ་གྱི་བར། དེར་ནི་གྲངས་ཉིད་མཚོན་པར་བྱ། །གྲངས་མེད་སྔགས་ནི་བཟླས་པ་ཡིས། །བླ་ན་མེད་པའི་དགེ་བ་འབྱུང་། །ཞེས་དང་། རྫོགས་ལྡན་དུས་སུ་གཅིག་བཟླ…

ཁྱད་ཆེ་བར་གསུངས་པ་དང་། ཁྱད་པར་དུ་སྔགས་རྣམས་དུས་ཀྱི་ཐ་མར་འགྲུབ་པར་འཇམ་དཔལ་རྩ་རྒྱུད་དུ་གསུངས་ཏེ། དུས་ཀྱི་ཐ་མ་དག་ལ་ནི། །སྔགས་རྣམས་གྲུབ་པ་ངེས་པ་ཡིན། །ཞེས་དང་། ཁྲག་འཐུང་མངོན་པར་འབྱུང་བའི་རྒྱུད་ལས། རྩོད་ལྡན་དུས་སུ་དངོས་གྲུབ་འགྱུར། །རྫོགས་ལྡན་ཡོན་ཏན་གཅིག་འགྲུབ་སྟེ། །དེ་བཞིན་གསུམ་ལྡན་ཡོན་ཏན་གཉིས། །གཉིས་ལྡན་…

གསང་སྔགས་དངོས་གྲུབ་རྒྱ་ཆེར་མི་སྟེར་རོ། །ཞེས་གསུངས་པ་ལྟར་བཟླས་པ་ལ་ཡང་དེང་སང་རང་གཞན་ཐམས་ཅད་ཀྱིས་ལོངས་སྤྱོད་འཕྲོས་ལྟར་ཏིང་འཛིན་མེད་པའི་བཟླས་བརྗོད་འབག་འབུག་ཙམ་གྱིས་ནི་གར་ཡང་མི་ཕྱིན་པས་བཟླས་པའི་སྐྱོན་ལྔ་སྤང་བར་གསུངས་ཏེ། མྱུར་དྲགས་ན་སྒྲ་ཟུར་ཆག །བུལ་དྲགས་ན་གྲངས་མི་འགྲོ། སྒྲ་ཆེ་ན་བར་ཆད་འབྱུང་། ཆུང་ན་དངོས་གྲ…

ལ་སོགས་པ་ཡི། །སྡིག་པ་མ་ལུས་དག་བྱེད་ཆུ། །ཞེས་དང་། ངེས་བརྗོད་བླ་མ་ལས། གསང་སྔགས་འདི་ནི་གསང་སྔགས་ཆེ། །ལས་རྣམས་ཐམས་ཅད་བྱེད་པའི་མཆོག །འདི་ནི་བཀླག་པ་ཙམ་གྱིས་འགྲུབ། །ཅེས་དང་། ཀུན་སྤྱོད་ལས། གང་ཞིག་འདི་སྒོམ་རྣལ་འབྱོར་པ། །འདོད་པའི་བདེ་བ་ཐམས་ཅད་སྟེར། །ཧེ་རུ་ཀ་དཔལ་མཚན་བརྗོད་པས། །ལྷ་སོགས་ཀུན་གྱི་གསང་གང་དང་། །མི་ལ…

ཀྱིས་མཁའ་སྤྱོད་དུ་བསུ་བར་གསུངས་ཏེ། ཀུན་སྤྱོད་ཀྱི་རྒྱུད་ལས། རྣལ་འབྱོར་པ་ནི་འཕོ་བའི་ཚེ། །དཔལ་ལྡན་ཧེ་རུ་ཀ་ལ་སོགས། །དཔའ་བོ་དག་ནི་ཐམས་ཅད་དང་། །རྣལ་འབྱོར་མ་ནི་ཇི་སྙེད་པས། །ལག་ན་སྣ་ཚོགས་མེ་ཏོག་བསྣམས། །བ་དན་རྒྱལ་མཚན་སྣ་ཚོགས་དང་། །རོལ་མོའི་སྒྲ་ནི་སྣ་ཚོགས་དང་། །སྣ་ཚོགས་གླུས་ནི་ཉེ་བར་མཆོད། །འཆི་བ་ཞེས་བྱ་རྣམ་རྟ…

ལེ། ཐིག་ལེ་ཡང་ནཱ་ད། དེ་ཡང་མི་དམིགས་པར་བཞག་པ་ནི་རྟག་པའི་མཐའ་བསལ་བ་དང་། སླར་ཡང་ལྷན་སྐྱེས་དཔའ་གཅིག་གི་རྣམ་པར་གསལ་བ་ནི་ཆད་པའི་མཐའ་བསལ་བའོ། ༈ །དེ་ནས་བུམ་བསྐྱེད་ལ་འཇུག་པའི་ཐོག་མར་བུམ་པ་ལའང་། ཇི་སྐད་དུ། རྒྱུ་ཚད་ནང་བཅུད་ཕྱི་ཡི་རྒྱན། །མཚོན་བྱེད་སྒྲུབ་ཚུལ་རྣམ་པ་ལྔ། །ཞེས་འབྱུང་བ་ལྟར། དང་པོ་རྒྱུ་ནི་རབ་གསེར་དངུལ…

གཉིས། མགྲིན་པར་སོར་བརྒྱད། བུམ་གཟུགས་ལ་སོར་དྲུག །སྦུབས་ལ་སོར་གཉིས། ཁ་གཡེར་བ་དང་ཕྱིར་འཕྱང་བ་ལ་སོར་བརྒྱད། ཞབས་ནང་དུ་ཅུང་ཟད་ཞུམ་པ་ལ་སོར་མོ་གཅིག་གོ །སྤྱིར་བཏང་གི་མཚན་ཉིད་རྒྱུད་ལས། རྩ་བ་ནག་པོ་ར་རི་མེད། །མཆུ་འཕྱང་མགྲིན་རིང་ལྟོ་བ་ཆེ། །ཞེས་དང་། རྒྱུད་ལ་ལར། བུམ་པ་ཞབས་མེད་ལྟོ་བ་ཟླུམ། །ཞེས་གསུངས་པ་ལྟར། ཕྱི་རོལ་…

སུན་ཆུང་ནག་པོ་དང་། །ཏིལ་དང་དཀར་པོ། འབྲས་ནི་སོ་བའོ། །འབྲས་ཤུབ་ལྡན། ཞེས་དང་། སྨན་ལྔ་ནི། སྟག་ཚེར་ཏེ་སེ་འབྲུའི་མེ་ཏོག་སེ་བའི་མེ་ཏོག བྲི་ཧ་ཏི་ཀཎྜ་ཀ་ར་དང་། སེང་ཚེར་ཏེ་ཡོངས་གྲགས། ལྟར་སྩས་ཏེ་ཅོ་ག་གླད་སྨན། ས་ཧ་དེ་བ་གཞན་མི་ཐུབ། ཤུ་དག་དཀར་པོ། །དཎྜོཏྤ་ལའི་རྩ་བ་སྟེ། དབྱུག་པའི་ཨུཏྤལ་ཏེ་ཨུཏྤལ་སྔོན་པོ། །སྨན་ནི་རྣམ་…

ཉིར་རྡོ་རྗེ་སྔོན་པོ་རྩེ་ལྔ་པ་དང་། ལས་བུམ་ལ་པད་ཉིར་གྲི་གུག་ཡོད་པ་བུམ་པའི་ལོགས་སུ་དགོད་པར་བྱ་སྟེ། ལཱུ་ཡི་པའི་རྒྱ་གཞུང་ལས། དཀྱིལ་འཁོར་པ་ནི་ཐམས་ཅད་ཀྱི། །ས་བོན་ཡང་ན་ཕྱག་མཚན་ནི། །གུར་གུམ་ལ་སོགས་འདུ་བྱས་ལ། །མཁས་པས་བུམ་པའི་ལོགས་ལ་དགོད། །ཅེས་གསུངས་པ་ལྟར་བུམ་མཚན་ལྷ་སོ་སོའི་གཙོ་བོའི་ཕྱག་མཚན་འགོད་པར་བྱའོ། །བུམ་…

ཤིང་། །ཀླུ་ཤིང་ཡལ་ག་ལྔ་བཟུང་ནས། །བུམ་པ་རྣམས་ཀྱི་ཁ་རྒྱན་བྱ། །ཞེས་གསུངས་པ་ལྟར། རྒྱ་གར་དུ་ཤིང་ལོའི་ཡལ་འདབ་ཀྱིས་ཁ་བརྒྱན་པར་བྱེད་པ་ནི་གདུལ་བྱའི་རེ་འདོད་ཡིད་བཞིན་དུ་སྐོང་བའི་རྟགས་སུ་བྱང་ཆུབ་ཤིང་གི་ཡལ་འདབ་ཀྱིས་ཁ་བརྒྱན་པ་ཡིན་ཀྱང་། ངེད་རང་བོད་རྣམས་ཀྱིས་ཀུ་ཤ་ལ་རྨ་བྱའི་སྒྲོ་ཆུན་མཛེས་བྱེད་དུ་སྦྱར་བ་ཡང་། རྒྱ་གར་…

བ་བྱེད་ཀྱང་། ད་ལྟ་སྐུད་པ་ཁྲ་བོ་ལ་མཛད་པའང་། ཐུགས་རྗེའི་གཟུངས་ཐག་ཡེ་ཤེས་ལྔ། །ཞེས་པ་དང་འབྲེལ་བར་འཆད་དོ། །ལྔ་པ་མཚོན་དོན་ནི། སྤྱིར་བུམ་པས་ས་བཅུ་གཅིག་པའི་གཉིས་སུ་མེད་པའི་ཡེ་ཤེས་མཚོན་པས། རྩ་བ་མེད་པས་ཆོས་ཉིད་སྐྱེ་བ་མེད་པ་དང་། མི་རྟག་པས་དབྱིངས་རང་བཞིན་གྱིས་རྣམ་པར་དག་ཅིང་གློ་བུར་གྱི་དྲི་མས་མ་གོས་པ་མཚོན། ལྟོ་བ…

པའི་དྲི་མ་སེལ་བ་མཚོན། སྙིང་པོ་ལྔས་ཡེ་ཤེས་དེས་སེམས་ཅན་ཐམས་ཅད་ཟག་མེད་ཀྱི་བདེ་བ་ལ་འཁོད་པ་མཚོན། འབྲུ་ལྔས་སེམས་ཅན་གྱི་རྒྱུད་ལ་དགེ་བའི་ལོ་ཏོག་སྐྱེད་པར་བྱེད་པ་མཚོན། འབྲས་བུ་བཅས་པའི་ཤིང་ལོས་ཁ་བརྒྱན་པ་ནི་རྒྱུ་དགེ་བ་ལ་སྤྱད་པས་འབྲས་བུ་ཐར་པ་ཐོབ་པ་མཚོན། རས་དཀར་པོ་ཁ་ཚར་མ་ཉམས་པ་སྲད་བུས་ཟེ་སྲོག་ལྔ་པའི་ཚུལ་དུ་བཅིངས་…

བཀང་། །སུམ་གཉིས་གཟུགས་སྐུ་གཉིས་པོ་མཚོན། །སུམ་ཆས་ཆོས་སྐུ་སྐྱེ་མེད་མཚོན། །ཞེས་གསུངས་པ་ལྟར་རོ། །དེ་ནས་སྒྲུབ་ཚུལ་དངོས་ནི། རྒྱུད་ལས། གུ་གུལ་དང་ནི་ཨ་ག་རུས། །བདུག་ཅིང་དྲི་ལྔའི་ཆུ་ཡིས་དགང་། །ཞེས་གསུངས་པ་ལྟར། གུ་གུལ་བདུག་ཅིང་། ༀ་སུམྦྷ་སོགས་ལན་གསུམ་གྱིས་བགེགས་བསྐྲད། བུམ་མཚན་གོང་གསལ་ལྟར་དགོད། མགུལ་ཆིངས་སྲད་བུ་ད…

བུམ་པའི་ཆུ་དང་དབྱེར་མེད་དུ་གྱུར་པར་བསམ་མོ། །སྔགས་དོན་ནི། ༀ་མཆོག་ཏུ། ཏཔྟེ་ཏཔྟེ་གདུང་མ་གདུང་མ། མ་ཧཱ་ཏཔྟེ་གདུང་མ་ཆེན་མོ། སྭཱ་ཧཱ་གཞི་ཚུགས་ཞེས་པ་སྟེ། མཆོག་ཏུ་གདུང་མ་བརྩེ་བས་གདུང་མ་རབ་ཏུ་གདུང་མ་ཆེན་མོས་ཉོན་མོངས་པའི་གདུང་བ་སེལ་བའི་གཞི་ཚུགས་ཞེས་པའོ། །ཞེས་པའི་སྔགས་བརྗོད་བཞིན་ལས་ཆུ་གཙང་བདུད་རྩི་ལྔ་ཡི་དྲིས་བགོ…

བ། ཧཱུྃ་ནི་སྐབས་འདིར་སྐུལ་ཚིག་སྟེ། མཆོག་སྦྱིན་རྡོ་རྗེ་བདུད་རྩིའི་ཆུར་གྱུར་ཅིག །ཅེས་པའོ། །ༀ་ཨཱཿཧཱུྃ་ནི་རྡོ་རྗེ་གསུམ་གྱིས་བདུད་རྩིར་བྱིན་གྱིས་བརླབ་པའོ། །དེ་ནས་དེར་བརྟེན་པ་ལྷ་བསྐྱེད་ཚུལ་ལ། ཨཱརྱ་དེ་ཝས་ཆུ་ཉིད་ལྷར་བསྐྱེད་པར་གསུངས་པ་དང་། སློབ་དཔོན་ཨ་བྷ་ཡས་ཆུའི་ནང་དུ་པདྨའི་སྟེང་དུ་ལྷ་བསྐྱེད་པར་གསུངས་པས། འདི…