བསྒོམ། དེ་ལ་མི་གནས་ན་རང་ཉིད་རྡོ་རྗེ་རྣལ་འབྱོར་མར་གསལ་བའི་སྙིང་གར་པདྨ་དང་ཉི་མའི་སྟེང་དུ་ཧཱུྃ་སྔོན་པོ་ཞིག་བསམ། དེ་ལས་འོད་ཟེར་འཕྲོས་པས་སྣོད་ཀྱི་འཇིག་རྟེན་ཐམས་ཅད་བཅུད་ཀྱི་སེམས་ཅན་ལ་ཐིམ། དེ་རྣམས་ཀྱང་རང་ཉིད་ལ་ཐིམ། རང་ཉིད་ལྷར་གསལ་བ་དེ་ཡང་གཙུག་ཏོར་ནམ་མས་དང་། རྐང་མཐིལ་ནས་ཡས་ཞུ་སྟེ་ཧཱུྃ་ལ་ཐིམ། ཧཱུྃ་གི་ཞབས་ཀྱུ…

བར་དུ་བསྡུ། །ཞེས་གསལ་བཏབ་ཅིང་བསྒོམ་མོ། །གཉིས་པ་མཚན་མོའི་གཉིད་འཐུག་འོད་གསལ་དུ་གཞུག་པ་ནི། དབེན་པའི་གནས་སུ་སྔར་བཤད་པའི་ཉིན་མོའི་སྦྱོང་ཐབས་རྣམས་ལེགས་པར་སྦྱངས་ཤིང་གོམས་པར་བྱས་ལ། སྒོ་གསུམ་དལ་དུ་གཞུག །རེ་ཞིག་བྱ་བ་གཞན་སྤང་། ནུབ་གཉིས་གསུམ་གཉིད་བཅག་ལ་དགེ་སྦྱོར་ཅི་ནུས་བྱ། ཟས་བཅུད་ཅན་བརྟེན་ཅིང་ལུས་ལ་བསྐུ་མཉེ་བྱ…

ཉིད་ལྷན་ཅིག་སྐྱེས་མར་གསལ་བ་བ་ཡི། སྙིང་གར་དྷཱུ་ཏིའི་ནང་དུ་པདྨའི་སྟེང་། །ཧཱུྃ་དང་ཨ་ནུ་ཏ་ར་སྔོ་དཀར་སེར། །དམར་དང་ལྗང་བའི་མདོག་ཅན་ཤིན་ཏུ་གསལ། །ཞེས་གསལ་གདབ་ནས་བུམ་ཅན་འཇམ་པོར་བཟུང་། དང་པོ་མདུན་གྱི་ཨ་དྲན་པ་ཙམ་བྱ། དེ་ནས་སྣང་བ་ལ་འདུན་པ་ཅུང་ཟད་ཕྱོགས་པའི་དུས་སུ་ནུ། སྣང་བ་མཆེད་པའི་འདུན་པ་ཆེར་ཕྱོགས་པའི་དུས་སུ་ཏ། ཕ…

བཏང་ལ། གོང་དུ་བཤད་པའི་ཉིན་གྱི་རྣལ་འབྱོར་ཇི་ལྟ་བར། རང་ཡི་དམ་དུ་གསལ་བ་ནས་ཧཱུྃ་ལ་བསྡུ་བའི་བར་བྱས་ལ། ཧཱུྃ་དེ་ཐིག་ལེ་སྔོན་པོ་སྲན་མ་ཙམ་ཞིག་ལ་བསྡུས་ཏེ་སེམས་བཟུང་ནས་ཉལ་བས། ད་ལྟའི་སྣང་བ་ནུབ་ཅིང་རྨི་ལམ་གྱི་སྣང་བ་མ་ཤར་གྱི་བར་དེར་གསལ་ལ་རྟོག་པ་མེད་པ་གཉིད་འཐུག་པོ་རང་ཡང་མིན་པ་ཞིག་འབྱུང་སྟེ། གྲོགས་ཀྱིས་ཀྱང་བསྐུལ་བར…

བྱེད་པའི་ཐབས་སོ། །ཟིན་ནས་བརྟན་པར་བྱ་བ་དང་། ཁྱད་པར་རྗེ་དབྱངས་ཅན་ཞབས་ཀྱི་དགོངས་པས་གོང་གི་ཙཎྜ་ལཱིའི་རྣལ་འབྱོར་གྱི་དྷཱུ་ཏིའི་ནང་གི་གཏུམ་མོ་འབར་སྟོབས་ཀྱིས་བྱང་སེམས་ཞུ་བ་ལ་བདེ་སྟོང་གི་རྟོགས་པ་སྣང་གསུམ་འོད་གསལ་དང་བཅས་པའི་རླུང་སེམས་ཀྱི་རྟགས་སྣང་ཁྱད་པར་ཅན་སྒྱུ་མའི་སྐུར་ཤར་བ་དེ་ཉིད་དོན་གྱི་འོད་གསལ་མངོན་དུ་བྱེད…

ནས་ཡས་རིམ་དང་། རྐང་མཐིལ་ནས་མས་རིམ་གྱི་སྙིང་གའི་ཡེ་ཤེས་སེམས་དཔའ་ལ་བསྡུ། དེ་རྣམས་ཀྱང་རིམ་གྱིས་ཏིང་ངེ་འཛིན་སེམས་དཔའ་མི་ཤིགས་པའི་ཐིག་ལེ་ཨ་ཐུང་སྒྲ་བཅས་ལ་བསྡུ། དེ་ཡང་འོད་གསལ་ཐིག་ལེར་བསྡུས་ནས་སེམས་གཡོ་མེད་དུ་བཞག་སྟེ། འདི་དམིགས་པ་གསལ་བ་ལ་ཐུན་གཅིག་དང་མི་གསལ་ན་སྐུ་གསུང་ཐུགས་ཀྱི་རིལ་འཛིན་གསུམ་མོ། །དེ་ནས་ངག་ཏུ།…

གསལ། །དེ་ཡི་ཐུགས་ཀར་ཧཱུྃ་ཡིག་ཅེས་འདོན་པ་བསྒྱུར། གཉིས་པ་རྗེས་གཞིག་ནི། རང་གི་སྙིང་གའི་ས་བོན་གྱི་འོད་ཀྱིས་སྣོད་བཅུད་བཞུ་བའི་འོད་ཕུང་རང་ལ་བསྡུ། དེ་ནས་སེམས་དཔའ་གསུམ་བསྡུ་བ་རིལ་འཛིན་བཞིན་ནོ། །ཡང་དེ་ཉིད་ལས་རླུང་སེམས་དབྱེར་མེད་ཀྱི་ལྷ་སྐུར་ལྡང་བར་བྱ་ཞིང་། དེ་ནས་འོད་གསལ་ལས་སྒྱུ་ལུས་སུ་ལྡང་བ་ཞེས་བྱའོ། །འདི་གསལ…

གལ་ཏེ་དངོས་པོ་རྣམས་ཡང་དག་པར་བདེན་ན་འཆི་མི་སྲིད་ལ། འཆི་བ་དང་འཇིག་པ་མཐོང་བའི་ཕྱིར་བདེན་པར་མ་གྲུབ་སྟེ། དེས་ན་འཆི་བ་ཉིད་ཀྱང་དོན་དུ་གྲུབ་པ་མེད་བཞིན་དུ་སྣང་བའོ། །སྙམ་པས་འཆི་བ་ལ་ཇི་མི་སྙམ་དུ་བཟུང་ནས། རྫས་དང་ཡོ་བྱད་རྣམས་དཀོན་མཆོག་གི་ཕྱོགས་སུ་བཏང་། བཤེས་གཉེན་གྱི་གདུང་སེམས་སོགས་ཏིང་འཛིན་གཡེང་བའི་རྒྱུ་རྣམས་སྤང…

སྒྲ་མི་ཐོས། སྣའི་སྣང་བ་ཐིམ་པས་དྲི་མི་ཚོར། ལྕེའི་སྣང་བ་ཐིམ་པས་རོ་མི་མྱོང་། ལུས་ཀྱི་སྣང་བ་ཐིམ་པས་ཚོར་བ་བརྟུལ། ས་ཆུ་ལ་ཐིམ་པས་ལུས་ཀྱི་ཟུང་མི་ཐུབ། ཆུ་མེ་ལ་ཐིམ་པས་ཁ་སྣ་སྐམ། མེ་རླུང་ལ་ཐིམ་པས་ལུས་ཀྱི་དྲོད་རྣམས་སྡུད། རླུང་རྣམ་པར་ཤེས་པ་ལ་ཐིམ་པས་ཕྱི་དབུགས་ཆད་ནས་ནང་དབུགས་ཅུང་ཟད་མི་ཆད། དེའི་ཚེ་སྐད་ཅིག་དང་པོ་སྣང་…

ཅན་དེའི་སྟེང་དུ་གནས་པས་རྟོག་བཅས་རང་བཞིན་བརྒྱད་ཅུ་འགག་ནས་རྟོག་མེད་འོད་གསལ་སྤྲོས་བྲལ་ཆོས་སྐུ་མངོན་དུ་གྱུར། དེ་ལས་སྒྱུ་མའི་སྐུར་ལྡང་བས་སློབ་པའི་ཟུང་འཇུག་ཏུ་འགྱུར་བ་ཡིན་པས། དེ་དང་པོ་གསལ་གདབ་པའི་ངག་ཏུ། རིགས་དྲུག་མ་རྒན་ཡོངས་ཀྱི་དོན་སླད་དུ། །འཆི་ཚེ་སྣང་མཆེད་ཐོབ་གསུམ་ཐིམ་པའི་མཐར། །བདག་གིས་འོད་གསལ་མ་བུ་འཕྲད་…

གསུམ་ལུགས་ལྡོག་ཏུ་འཆར་བར་རྩོམ་པའི་ཚེ་བར་དོ་སྒྱུ་ལུས་སུ་ལྡང་བའི་འཕེན་པ་གཏོང་སྟེ། དེ་ད་ལྟ་ནས་གསལ་གདབ་པའི་ཕྱིར། ངག་ཏུ། བར་དོ་དང་པོའི་འོད་གསལ་ལས་འདས་ཏེ། གལ་ཏེ་གཉིས་པའི་སྣང་བ་འཆར་བ་ན། །དེ་ཚེ་བདག་གིས་བར་དོ་སྒྱུ་མའི་ལུས། །ལྷག་པའི་ལྷ་ཡི་སྐུ་རུ་ལྡང་བར་བྱ། །ཞེས་པའི་འཕེན་པ་ད་ལྟ་ནས་ཀྱང་བཏང་ཞིང་སྣང་གསུམ་ལུགས་ལྡོ…

འབྱོར་ཡབ་ཡུམ་རང་གི་བླ་མར་བཟུང་ཆོག་པ་ཞིང་གི་མངལ་གདམ་ནས། དེར་སྐྱེ་བའི་ཚེ་བླ་མ་ཡབ་ཡུམ་ལ་དབང་གོང་མ་བསྐུར་བར་གསོལ་བ་བཏབ་པས་བླ་མ་ཡབ་ཡུམ་གྱི་བྱང་སེམས་དང་འདྲེས་པའི་ཚེ་བདེ་སྟོང་གི་ཉམས་སྐྱེས་པ་ན་གསང་དབང་གི་རྟོག་པ་ངོས་ཟིན་པར་བྱས་ལ་ཡབ་ཡུམ་ཡི་དམ་དུ་ཤེས་པ་དང་། མངོན་བྱང་ལྔའི་རྟོགས་པ་དང་མ་བྲལ་བར་ཡེ་ཤེས་ཀྱི་རྒྱུ་ལས་…

བ་དག་པ་འཛིན་དགོས་པས། དེ་ད་ལྟ་ནས་འཕེན་པ་བཏང་བའི་ཕྱིར། གལ་ཏེ་བར་དོ་གསུམ་པར་སྐུ་གསུམ་གྱི། །ཉམས་ལེན་འབྲས་བུ་སྟེང་དུ་མ་ཕྱིན་ན། །དུས་གསུམ་དགེ་བ་བསྡོམས་ཏེ་བསྔོ་བ་དང་། །སྨོན་ལམ་བཟང་པོས་སྐྱེ་བ་དག་པར་བྱ། །ཞེས་འཕེན་པ་བཏང་ཞིང་མངལ་གདམ་པར་མ་ནུས་པ་དེའི་ཚེ་བདག་གིས་ཚུལ་ཁྲིམས་བསྲུང་བ་ལ་སོགས་པའི་དགེ་བའི་རྩ་བ་བྱས་སོ་ཅོ…

ལ་སྦྱོར་བ་གཉིས་ཀྱི་དང་པོ་ནི། ལུས་གནད་རྐང་པ་རྡོར་སྐྱིལ། སྒལ་པ་བསྲང་། ལག་པ་གཉིས་བརླའི་སྟེང་དུ་བཞག་ལ་དམིགས་པ་རང་ཉིད་རྡོ་རྗེ་རྣལ་འབྱོར་མར་གསལ་བ། ཁ་དང་། ཆུ་ལམ། བཤང་ལམ། སྣ་བུག་གཉིས་དང་། རྣ་བའི་བུ་ག་གཉིས། མིག་གཉིས། ལྟེ་བ་རྣམས་ཧྲཱིཿཡིག་དམར་པོ་རེས་བཀག་པར་བསམ། ལུས་ཀྱི་དབུས་སུ་རྩ་དབུ་མ་གྲོ་སོག་ཙམ་པ། མར་སྣ་ལྟེ་…

གསོལ། དེར་སྐྱེས་ནས་མཁའ་ཁྱབ་ཀྱི་སེམས་ཅན་གསང་སྔགས་ཀྱི་ཐེག་པ་ཆེན་པོར་བདག་ཁོ་ནས་འཇོག་ནུས་པར་བྱིན་གྱིས་བརླབ་ཏུ་གསོལ། ཞེས་གསོལ་བ་དྲག་ཏུ་བཏབ་པས། ལྟེ་འོག་དྷཱུ་ཏིའི་ནང་དུ་པདྨ་འདབ་མ་བཞིའི་ཟེའུ་འབྲུར་སེམས་ཀྱི་ངོ་བོ་ཨ་སྔོན་པོ་འདབ་མ་བཞིར་ཡྃ་ཡིག་རེ་གསལ་བཏབ་ནས། རླུང་བརྔུབ་པས་དྷཱུ་ཏི་སྒྲིབ་མེད་ཀྱི་ནང་དུ་སིབ་སིབ་སོང་།…

བབ། ཅེས་གསལ་བཏབ་ཅིང་། སྤྱི་བོ་ཟ། སྐྲངས། ཆུ་སེར་ཕྲུམ་པ་སོགས་རྟགས་མ་བྱུང་གི་བར་སྦྱང་ངོ་། །གཉིས་པ་ལས་སྦྱོར་ནི། འཆི་ལྟས་རྣམས་ཤར་ནའང་། ཟློག་པའི་ཐབས་ཡོད་པ་རྣམས་ཅི་ནུས་སུ་ཟློག །ཅིས་ཀྱང་བཟློག་བར་མི་ནུས་པ་དེའི་ཚེ། སྡོམ་པ་དང་དམ་ཚིག་ཉམས་ཆགས་ལ་ཕྱིར་བཅོས་བྱ། རྫས་དང་ཡོ་བྱད་དཀོན་མཆོག་ལ་འབུལ། དམ་ལྡན་གྱི་གྲོགས་ལ་ཚོག…

མ་རྡོ་རྗེ་རྣལ་འབྱོར་མར་བསྒོམ་པའི་ཐུགས་ཀར་ཡེ་ཤེས་སེམས་དཔའ་ཚོན་གང་བ་དེའི་ཐུགས་ཀར་ཏིང་ངེ་འཛིན་སེམས་དཔའ་ཧྲཱིཿཡིག་དམར་པོ་གསལ་བ་ལ་འཕོ་བ་ནི་ལོངས་སྐུ་ཡི་དམ་གྱི་འཕོ་བ་དང་། ཨ་ཡིག་དམིགས་མེད་དུ་བཏང་བ་ལ་ཆོས་སྐུ་འོད་གསལ་གྱི་འཕོ་བར་འདོགས་པ་ཡིད་ནོ། །གཉིས་པ་ལུས་བཅོས་ཏེ་འཕོ་བ་ནི། སེང་གེའི་ཉལ་སྟབས་མགོ་བྱང་དུ་བསྟན་བྱས།…

རླུང་ལོག་པ་སོགས་གེགས་ཀྱི་རྣམ་པ་བྱུང་ན། བླ་མའི་ཞལ་ལས་དྲིས་ཤིང་བཅོས། སྣོད་འཁྲུད་པ་ན་དྲི་མ་ལྡང་བ་ལྟར་དུག་ལྔ་དང་རིགས་དྲུག་གི་འབྲས་བུ་ངན་པ་ལན་གྲངས་གཞན་ལ་མྱོང་འགྱུར་འདིར་ལྡངས་བས་ལུས་ཀྱི་ན་ཚ་དང་། སེམས་ཀྱི་ཉོན་མོངས་སོགས་ཆེར་ཤར་བ་ན་སྒྱུ་ལུས་དང་སྟོང་ཉིད་བསྒོམ། གཟེར་ལྔ་ལ་སོགས་པའི་ཉམས་ལེན་གྱིས་ལམ་དུ་བསྒྱུར། ཁྱད…

བླ་མ་དམ་པའི་ཞལ་གྱི་བདུད་རྩི་ལ་བརྟེན་ནས་གེགས་ཀྱི་དབང་དུ་མི་འགྲོ་བར་བྱ་སྟེ་འདིར་བསྡུས་སོ། །གཉིས་པ་བོགས་འདོན་པ་ལ། སྤྱིར་བླ་མ་ལ་དད་པ། སེམས་ཅན་ལ་སྙིང་རྗེ། ལེ་ལོ་མེད་པའི་བརྩོན་འགྲུས། ཐབས་ལམ་ལ་མ་རྨོང་པའི་ཤེས་རབ། དབེན་པ་བརྟེན་པའི་སྒོམ་ཚུགས་སོགས་ཆུ་བོའི་རྒྱུན་ལྟ་བུར་བྱ། བརྟན་པ་མ་ཐོབ་བར་བླ་མའི་ཞལ་ལ་བསྟེན། དབང…

ཞལ་ལས་ཤེས། གསུམ་པ་ལམ་བགྲོད་ཚུལ་ནི། མ་དག་པའི་ལུས་ཀྱི་གནས་ལྔར་ཉོན་མོངས་ལྔའི་ས་བོན། གཏུམ་མོ་ཡེ་ཤེས་ཀྱི་མེས་བསྲེགས་པས་གཞན་ལ་མྱོང་འགྱུར་གྱི་འབྲས་བུ་འབྱིན་པའི་ཉོན་མོངས་རྣམ་རྟོག་སློང་བའི་ཚོགས་ལམ་དང་པོ། དེ་འདྲ་བའི་འབྲས་བུ་ནད་གདོན་སློང་བའི་ཚོགས་ལམ་གཉིས་པ། ཁམས་གསུམ་གྱི་སྐྱེ་རྒྱུན་སློང་ཞིང་གཅོད་པའི་ཚོགས་ལམ་གསུ…