ཉིད། །ཁྱོད་རང་ཡང་ནི་དེ་ཡི་ཕ། །དེ་ལྟར་དོན་དམ་བྱང་ཆུབ་སེམས་ཀྱི་དཀྱིལ་འཁོར་དུ་དབང་བསྐུར་བས། །ལུས་ངག་ཡིད་གསུམ་ཐ་དད་དུ་འཛིན་པའི་དྲི་མ་སྦྱངས། བདེ་སྟོང་གཉིས་སུ་མེད་པའི་རྫོགས་པའི་རིམ་པ་བསྒོམ་པ་ལ་དབང་ངོ་། །ཞེས་པ་རྣམས་ཀྱིས་གྲུབ་བོ། །དེ་ནས་དམ་ཚིག་ཁས་ལེན། དབང་བཞི་རྫོགས་པར་ཐོབ་པའི་གཏོང་རག་ཏུ་མཎྜལ་ལུས་འབུལ་བ། དགེ…

རིགས། །གསང་སྔགས་ཉམས་དང་བྱ་བ་ཉམས། །ཆོ་ག་ཉམས་པར་གྱུར་པ་གང་། །དེ་ཡང་ཁྱོད་ཀྱིས་བཟོད་པར་མཛོད། །ཅེས་བཟོད་པར་གསོལ། །སྐྱེ་ཞིང་སྐྱེ་བར་རིགས་མཆོག་ཏུ། །སོགས་ཀྱིས་སྨོན་ལམ་གདབ། རས་བྲིས་ཡིན་ན། ཡེ་ཤེས་པ་རྣམས་རྟེན་འདི་ཉིད་ལ་བརྟན་པར་བཞུགས་སུ་གསོལ། ༀ་སུ་པྲ་ཏིཥྛ་བཛྲཱ་ཡ་སྭཱ་ཧཱ། ཞེས་བརྟན་བཞུགས་བྱ། རྡུལ་ཚོན་གྱི་ནུབ་མཐའ་མ…

དེས་ཀྱང་བདེ་ཆེན་ལ་གནས་བཀྲ་ཤིས་ཤོག །བཀྲ་ཤིས་གང་ཞིག་པདྨ་དམར་པོ་གེ་སར་བཅས། །འདབ་བརྒྱད་ལ་གནས་ལྷ་མོས་ཞལ་བརྒྱད་ལ་ཕྱོགས་ཤིང་། །རོལ་ཐབས་སྣ་ཚོགས་ཀྱིས་ནི་གཙོ་བོ་མཉེས་པར་བྱེད། །བདེན་པ༴ རབ་དམར་སྤྱན་གྱིས་དུས་གསུམ་གདུལ་བྱ་ལ་གཟིགས་ཤིང་། །ནང་སྟོང་ལ་སོགས་བཅུ་དྲུག་ཕྱག་གིས་དུག་གསུམ་སེལ། །བསྡུ་དངོས་ཞབས་བཞི་ཡིས་ནི་བདུད་…

མཚམས་ཀྱི་པདྨ་ལ་གནས་པ། །གཤིན་རྗེ་ལ་སོགས་བདུད་བཞི་ཞབས་ཀྱིས་གནོན་མཛད་པ། བདེན་པ༴ བཀྲ་ཤིས་གང་ཞིག་དྲན་པ་ཉེ་བར་གཞག་པ་བཞི་རྣམས་དང་། །ཡང་དག་སྤོང་བ་རྫུ་འཕྲུལ་དབང་པོ་སྟོབས་ལ་སོགས། །བྱང་ཆུབ་ཕྱོགས་རྣམས་སུམ་ཅུ་རྩ་བདུན་ཡོངས་རྫོགས་པ། །བདེན་པ༴ བཀྲ་ཤིས་གང་ཞིག་རིན་ཆེན་ཕ་གུས་མཛེས་པའི་གཞལ་ཡལ་ཁང་། །འདོད་པ་ལྔ་ཡི་ལོངས་སྤྱོ…

བརྒྱད་པོ་གནས་པ་ཡི། །བདེན་པ་དེས་ཀྱང་བདེ་ཆེན་ལ་གནས་བཀྲ་ཤིས་ཤོག །ཅེས་ཌོམྦི་ཞབས་ཀྱིས་མཛད་པ་དང་། ཉིན་མོ་བདེ་ལེགས་སོགས་བརྗོད་པར་བྱའོ། །རྡུལ་ཚོན་ཨ་ཀཱ་རོ་བརྗོད་ཅིང་མཐའ་ནས་བསྡུས་ཏེ། བུམ་པར་བླུགས་ནས་རྒྱ་མཚོར་འབབ་པའི་ཆུ་ཀླུང་དུ་དོར་ཞིང་ཆུ་གཙང་མས་གང་བ་ཁྱེར་ལ། དཀྱིལ་འཁོར་གྱི་ཁང་པར་བསང་གཏོར་བྱས་པས་བཀྲ་ཤིས་ཤིང་བྱི…

རྗེས་སུ་གནང་བ་ཡང་ནས་ཡང་དུ་བསྩལ་བ་དང་། མཁྱེན་པའི་སྤྱན་རས་ཡངས་ཤིང་བསྟན་འགྲོ་ལ་ཐུགས་གཅིག་ཏུ་གཞོལ་བའི་སྐྱེས་ཆེན་ཁྱད་པར་ཅན་དག་གིས་ཀྱང་ཡང་ཡང་བཀས་བསྐུལ་བ་ལྟར། མར་རྔོག་གི་གསུང་རྣམས་གཞིར་བཞག །རྗེ་རང་བྱུང་བ་དང་སྤྱན་སྔ་ཐམས་ཅད་མཁྱེན་པའི་དགོངས་དོན་སྲོག་ཏུ་བཟུང་སྟེ་རྒྱས་བསྡུས་ཀྱི་བསྣོན་འབྲིད་ཕྲན་བུ་ཙམ་ལས་རང་བཟོའི…

མར་ལུགས་བླ་མེད་རྒྱུད་སྡེ་སྤྱིའི་ཚོགས་མཆོད་ཀྱི་ཆོ་ག་ཡོངས་འདུའི་སྙེ་མ་ཞེས་བྱ་བ་བཞུགས་སོ། །

མར་ལུགས་བླ་མེད་རྒྱུད་སྡེ་སྤྱིའི་ཚོགས་མཆོད་ཀྱི་ཆོ་ག་ཡོངས་འདུའི་སྙེ་མ་ཞེས་བྱ་བ། བླ་མ་དང་དཀྱིལ་འཁོར་གྱི་ལྷ་ལ་ཕྱག་འཚལ་ལོ། །འཇིགས་བྱེད་ཧེ་རུ་ཀ་དཔལ་དགྱེས་པ་ཆེ། །འཁོར་ལོའི་འདྲེན་པ་རྣལ་འབྱོར་མས་འཁྱུད་དེ། །ས་གསུམ་ཁྱབ་པར་ཟག་མེད་བདེ་སྩོལ་མཛད། །བདག་གི་སྙིང་ལ་བདེ་ཆེན་གར་མཛོད་ཅིག །སྐད་ཅིག་འགྲོ་ལ་མཆོག་གི་དངོས་སྟེར…

གསུམ། ཐུན་མོང་། ཐུན་མོང་མིན་པ། སྤྲོས་པ་དང་བཅས་པའི་གནས་སྐབས་སོ། །དེ་རེ་རེ་ལའང་གནས་དུས་རྣལ་འབྱོར་པ་དང་བྱ་བའི་རིམ་པ་ཐུན་མོང་དང་ཁྱད་པར་གྱི་རྣམ་དབྱེར་འབྱུང་བ་དག་ནི་འདིར་མི་སྤྲོ་བས། དགྱེས་རྡོར་བརྟག་པ་ཕྱི་མའི་ལེའུ་བདུན་པ་དང་། གདན་བཞི་མནྟྲ་ཨཾ་སའི་ཊཱི་ཀ་སོགས་ནས་ཇི་སྐད་བཤད་པའི་ཁུངས་དང་སྦྱར་བའི་རྣམ་གཞག་དང་ལག་ལ…

གསུངས་ཤིང་། ཁྱད་པར་དངོས་གྲུབ་བསྒྲུབ་པ་དང་དམ་ཚིག་ཉམས་པ་གསོ་བ། བར་ཆད་ཀྱི་བགེགས་བསལ་བ། ནད་ཞི་བ། བསོད་ནམས་ཀྱི་ཚོགས་གསོག་པ་སྟེ་རྣམ་པ་ལྔའི་དོན་ཏུ་ནན་ཏན་བྱ་བར་གསུངས་སོ། །གཉིས་པ་ནི། དུར་ཁྲོད་ལ་སོགས་པར་བརྩིགས་པའི་ཚོགས་ཁང་མཚན་ཉིད་དང་ལྡན་པའམ། མ་འབྱོར་ན་དབང་མ་ཐོབ་པའི་སྐྱེ་བོ་ཕོ་མོའི་སྤྱོད་ཡུལ་དུ་མ་གྱུར་བའི་གནད་…

ཤིང་དེ་དག་གིའང་མཚན་མོའི་ཆ་ཁོ་ན་མཁའ་འགྲོ་འདུ་བའི་ཁྱད་པར་གྱི་དུས་སོ། །བཞི་པ་ནི། རྣལ་འབྱོར་པ་དབང་ཐོབ་ཅིང་དམ་ཚིག་དང་ལྡན་ལ་བསྐྱེད་རྫོགས་གཉིས་ཀའམ་གང་ཡང་རུང་བ་ལས་སུ་རུང་ཞིང་། སྔགས་ཀྱི་ཀུན་སྤྱོད་ལ་ཐེ་ཚོམ་བྲལ་ཞིང་མ་དད་པ་མི་འབྱུང་བའི་འདུས་པ་དག་གིས་བརྩོན་པར་བྱ་བའོ། །ལྔ་པ་ལ་གཉིས། སྤྱིར་སྨོས་པ་དང་ལག་ལེན་དངོས་སོ།…

ལུགས་སོ། །དང་པོ་ནི། ཡོ་བྱད་ཚོགས་པར་བྱས་ལ་སྔོན་འགྲོ་ནས་བདག་བསྐྱེད་བཟླས་པ་ལ་ཐུག་གི་བར་བྱས་ནས་དཀྱིལ་འཁོར་རང་ཉིད་ལ་བསྡུ། །གཞན་ནས་འབྱུང་བ་ལྟར་མཎྜལ་གྱི་ཆོ་གས་མདུན་བསྐྱེད་བསྒྲུབ། ཚོགས་བྱིན་བརླབས་ནས་ལྷག་མ་རྡོ་རྗེའི་གླུ་སྨོན་ལམ་ལ་ཐུག་གི་བར་བཏང་། མདུན་བསྐྱེད་ལ་མཆོད་བསྟོད་ནོངས་བཤགས་གཤེགས་བསྡུ་བཀྲ་ཤིས་སོགས་སྤྱི…

ཞིང་བྱིན་རླབས་འབེབས་པ་ནི། གནས་རྡོ་རྗེ་བཙུན་མོའི་གསང་བ་ནས། །དཔལ་རྡོ་རྗེ་འཆང་ཆེན་གནས་འདིར་བྱོན། །གནས་གསང་བ་མཆོག་གི་དགྱེས་པ་ནས། །ཡུལ་ཡེ་ཤེས་མཁའ་འགྲོ་གནས་འདིར་བྱོན། །གནས་ཆོས་འབྱུང་ཐར་པའི་གྲོང་ཁྱེར་ནས། །བཀའ་བཞི་བརྒྱུད་པའི་བླ་མ༴ གནས་དག་པ་བདེ་སྟོང་མཁའ་སྤྱོད་ནས། །མདའ་བསྣུན་ཀླུ་སྒྲུབ་པ་ཡབ་སྲས༴ གནས་འཁོར་ལོ་གས…

ཆེན་པ། །དོལ་གྱི་མཚུར་སྟོན་དབང་ངེ་༴ རིམ་ལྔའི་ལམ་གྱི་ཤི་རྟ་བ། །རྗེ་འཁོན་སྟོན་ཡབ་སྲས༴ ལྷོ་རྒྱ་སྟག་ལྟ་བུའི་ཀ་ཆེན་པ། གཞུང་གི་རྔོག་སྟོན་ཆོས་རྡོར༴ བཤད་བརྒྱུད་བཀའ་བབ་ཧེ་རུ་ཀ །རྗེ་མདོ་སྡེ་ཡབ་སྲས༴ ནུབ་ཁྱུང་ཆེན་ལྟ་བུའི་ཀ་ཆེན་པ། །གཙང་རོང་མེས་སྟོན་ཚོན་པོ༴ འོད་གསལ་གྱི་སྣང་བ་སྦ་མཛད་པ། །རྗེ་ཞང་སྟོན་ཡབ་སྲས༴ བྱང་རྒོད…

ཞིང་བདེ་ཆེན་པདྨོ་བཀོད་པ་ནས། །གྲུབ་བརྙེས་ཆགས་མེད་ཡབ་སྲས༴ སྒྱུ་འཕྲུལ་དྲྭ་བའི་དཀྱིལ་འཁོར་ནས། །ཀུན་མཁྱེན་བསྟན་པའི་ཉིན་བྱེད༴ དཔལ་པདྨ་འོད་ཕུང་འཁྱིལ་བ་ནས། །པདྨ་ཉིན་བྱེད་དབང་པོ༴ རིས་མེད་མཁས་གྲུབ་ཚང་དབུས་ནས། །རྗེ་བློ་གྲོས་མཐའ་ཡས་༴ སྣང་སྲིད་ཟིལ་གནོན་གྱི་ཕྲིན་ལས་ཅན། །བྱམས་མགོན་པདྨ་དབང་མཆོག་༴ རྗེ་འགྲོ་བའི་མགོན་…

རྣམས་གསུང་ལ་རྡོ་རྗེའི་གླུ། །བརྗོད་མེད་ནཱ་དའི་སྒྲ་རུ་འབར། །ཁྱེད་བླ་མ་རྣམས་ཐུགས་བདེ་ཆེན་གྱིས་མྱོས། །དེ་མྱོས་པས་བདུད་རྩི་ཆར་དུ་བབ། །དེ་བབས་པས་སྣོད་བཅུད་ཚོགས་སུ་གྱུར། །ཚོགས་དེ་ལ་ཡེ་ཤེས་ཀྱི་མཆོད་སྦྱིན་གྱུར། །དེ་མྱོང་ཙམ་ཕྱག་ཆེན་གྱི་དངོས་གྲུབ་ཐོབ། །བཟའ་བཏུང་ལ་བཅུད་ཅིག་དེ་ན་གདའ། །ཕ་བཀའ་བརྒྱུད་ལ་མཆོད་པ་འབུལ་…

ལ་ཕྱག་བྱས་ཏེ་པད་ཀོར་སྔོན་དུ་འགྲོ་བས། །གཡས་ཐོད་པ་མ་དཱ་ནས་གང་བ་སོགས་ཚོགས་ཀྱི་ཡོ་བྱད་བཟུང་། གཡོན་རྩེ་གསུམ་གྱི་ཕྱག་རྒྱ་བསྟན་ལ། གཟིགས་ཤིག་མཛེས་ལྡན་དམ་པའི་ཆོས། །འདི་ལ་ཐེ་ཚོམ་བྱར་མི་རུང་། །བྲམ་ཟེ་ཁྱི་དང་གདོལ་པ་ཕག །རང་བཞིན་གཅིག་ཏུ་དགོངས་ཏེ་རོལ། །ཞེས་བརྗོད་ལ་རིམ་པ་དྲང་། །ལེན་པ་པོས་ཀྱང་པད་ཀོར་བཅས། རིན་ཐང་མེད་…

ཟུར་དུ་བཞག་པ་ཕྱོགས་སྐྱོང་སོགས་ལ་སྦྱིན། །དེའང་གཞུང་སོ་སོའི་གཏོར་ཆོག་གམ་བདུད་རྩིའི་མཆོད་པ་ལྟར་བྱིན་གྱིས་བརླབ་ཅིང་དཀྱིལ་འཁོར་བ་ལ་འབུལ། །འཇིག་རྟེན་པ་ལ་ཕུད་གཏོར་སོ་སོའི་ཆོ་ག་ལྟར་གཏང་། དེ་ནས་ལོངས་སྤྱོད་དེ། ཌོམྦི་བས། །དེ་ནས་རྣལ་འབྱོར་པ་རྣམས་ཀྱིས། །ཆུ་གནས་སུ་ནི་རཾ་ལས་ཀྱང་། །འབར་བའི་ཁུང་བུ་འོད་འབར་བསམ། དེ་ནང…

ལྷག་མ་བསྡུས་ལ་ཆ་གཉིས་སུ་བྱས་པའི་ཆ་དང་པོ་དུད་སོལ་མ་ལ་འབུལ་བར་བཤད་ཀྱང་རྣལ་འབྱོར་པ་རྟོག་པ་དམན་ན་གོང་གི་ཕུད་ལྷག་འབུལ་བ་ཕྱག་ལེན་ཡིན་པས། འབར་བའི་ཕྱག་རྒྱ་བསྟན། ཕུར་གཏོར་བདུད་རྩིས་བྲན་ལ། ༀ་བྷྱོ་བཏྟ་ལི་བཏྟ་ལི་བ་ཏ་ལིཙྪེ་ཞེས་བརྗོད་ལ། །ལྷ་མོ་ཞལ་གཅིག་ཕྱག་བཞི་མ་བོང་བུ་གྭ་པ་ལ་ཞོན་པ་སྤྱན་དྲངས་ལ། ༀ་ཀུ་རུ་ཀུ་རུ་བཏྟ་ལ…