ལན་གཅིག་བརྗོད་ན་ནི་རྟེན་བྱེད་དུ་བྱའོ། །ཡང་ཕྱོགས་བཞིའི་ༀ་སུམྦྷ་སོགས་སྔགས་ཚན་བཞི་ལས་རྭ་བའི་ཕྱི་རོལ་དུ་ཁྭ་གདོང་མ་སོགས་སྒོ་མ་བཞི་དང་། ཡང་ཤར་ལྷོར་ༀ་སུམྦྷ་ནི་ནག་པོ་དང་། ༀ་ཨཱ་ན་སོགས་སེར་པོ་ལས་གཤིན་རྗེ་བརྟན་མ་གཡས་སྔོ་གཡོན་སེར། ལྷོ་ནུབ་དུ་ༀ་ཨཱ་ན་སེར་པོ་དང་། ༀ་གྲྀཧྞ་དམར་པོ་ལས་གཤིན་རྗེ་ཕོ་ཉ་མོ་གཡས་སེར་གཡོན་དམར། …

བུ་འཛིན་པ་བྱས་ཀྱང་ཆོག །གཡས་རྡོ་རྗེའི་ཐོ་བ་འཛིན་པར་བསྒོམ། །ཕུར་བུ་ཟེར་བ་ནི། མཚོན་ཀ་ཎཱ་ཡ་བྱ་བ། བོད་སྐད་དུ་རྡོ་རྗེ་རྩེ་གཅིག་གམ། མདུང་ཐུང་ངམ། ཕུར་བུ་རྣམས་དོན་འདྲ་ཞིང་། ཕུར་བུའི་དབལ་མདའ་སྒྲོ་ལྟ་བུ་བྱེད་པ་ནི་རྒྱ་ནག་གི་བཟོ་སྒྲོས་ཡིན་པས་འདིར་མི་འདོད་ལ་གྲུ་གསུམ་དུ་བྱེད་ཚེ་དེ་ལྟར་རོ། །དེའི་ཚེ་ན་རྒྱ་མདུད་དང་བར…

གཟུགས། །སྤྱན་དམར་སྐྲ་སེར་གྱེན་དུ་བརྫེས། །ལང་ཚོ་ཕུན་སུམ་ཚོགས་པར་ལྡན། །སྟག་གི་པགས་པའི་ཤམ་ཐབས་ཅན། །ལྗགས་འདྲིལ་བས་ནི་ཆེར་འཇིགས་པ། །འཇིགས་པ་མཐའ་དག་འཇིགས་པར་མཛད། །ཅེས་གསུངས་པ་བཞིན་ཡིན་ལ། སྤྲུལ་པ་དུ་མ་ཕྱོགས་མཚམས་དང་། །ཞེས་སོགས་ནི། སྒོ་མཚམས་མ་བརྒྱད་ལས་སྤྲུལ་པའི་རང་འདྲ་བའི་ལྷ་མོ་སྐུ་མདོག་ཁ་ཅིག་དུ་ཕྱོགས་མདོག་…

ཞབས་གར་སྟབས་སུ་བྱེད་ནའང་ལེགས་སོ། །དེ་ལྟར་ཁྲོ་མོ་རྣམས་ལ་གནོད་མཛེས་ཀྱི་སྔགས་ཀྱིས་བཀའ་བསྒོས་པས། ཕྱོགས་བཅུའི་བགེགས་ཞི་བས་འདུལ་བ་རྣམས་ནི་ཞི་བས་བཏུལ། ཕྱོགས་བཅུའི་བགེགས་ཀྱི་གཙོ་བོ་རྣམས་ལས་གཞན་ལྷག་མ་བགེགས་སྡོང་ཟླ་རྣམས་རྒྱང་རིང་དུ་བསྐྲད། ཕྱོགས་བཅུའི་བགེགས་ཀྱི་གཙོ་བོ་མ་ལུས་པ་རྣམས་ཕྱོགས་སོ་སོ་རེ་རེ་ལ་འདུས་ཏེ་ཕ…

བུས་སྤྱི་བོ་ནས་བཏབ། བཤང་ལམ་ནས་ལག་པ་རྐང་པར་བཅས་ཐལ་བྱུང་ནས་གསེར་གྱི་ས་གཞི་ལ་ཐུག་པར་འཛེར་ཞིང་། མངོན་བརྗོད་ལས། གསང་སྔགས་རྒྱལ་པོ་འདི་ཡིས་ནི། །བགེགས་ཀུན་གྱི་ནི་ཀླད་པ་ལ། །ལུགས་སུ་འབྱུང་དང་ཟློག་པ་ཡིས། །རྡོ་རྗེ་ཕུར་བུས་འགོད་ཅིང་མནན། ༀ་གྷ་གྷ་སོགས། ཁྲོ་བོའི་ལྟ་བས་བལྟས་ནས་ནི། །རྡོ་རྗེ་ཕུར་བུས་གདབ་བྱ་སྟེ། །ལུགས་སུ…

ཡང་དེའི་ཕྱི་རོལ་དུ་རྡོ་རྗེ་སྔོན་པོ་དང་། པདྨ་དམར་པོ་དང་། འཁོར་ལོ་སེར་པོའི་གུར་ཁང་ཟླུམ་པོ་རྣམས་བར་དང་སྲུབ་མེད་པ་དུམ་བུ་གཅིག་པའི་རྣམ་པར་གྱུར་པས་ཕྱིན་ཆད་བགེགས་འཇུག་པའི་གོ་སྐབས་དང་བྲལ་བར་བསམ་ཞིང་། སྔགས་གསུམ་གྱིས་བརྟན་པར་བྱའོ། །འདི་སོགས་སྔ་ཕྱི་ཐམས་ཅད་ལྷ་བཀོད་པ་ལ་སོགས་པ་གོ་ལྡོག་ཏུ་བྱེད་པའི་དགོས་པ་ནི། ཀུན་ས…

གསལ་བའི་སྙིང་གར། རྡོ་རྗེ་མཁའ་འགྲོ་ལས། སྔོན་དུ་རང་ཉིད་མཁའ་དབུས་སུ། །ཨ་ལས་ཟླ་བའི་དཀྱིལ་འཁོར་བསམ། །དེ་ཡི་སྟེང་དུ་ཧཱུྃ་བསྒོམ་མོ། །ཞེས་གསུངས་པའི་ཨ་ཡིག་ཐིག་ལེས་མཚན་པ་ལས་ཟླ་བའི་དབུས་སུ་ཧཱུྃ་སྔོན་པོ་འོད་ཟེར་སྣ་ཚོགས་འཕྲོ་བའི་འོད་ཀྱིས་བླ་མ་མི་བསྐྱོད་པས་དབུ་རྒྱན་དུ་བྱས་པའི་དཔལ་ལྡན་འཁོར་ལོ་སྡོམ་པའི་དཀྱིལ་འཁོར་ར…

འགྲོ་མ་དང་། ལཱ་མཱ་དང་། དུམ་སྐྱེས་མ་དང་། གཟུགས་ཅན་མ་བཞིས་བདུད་རྩིས་གང་བའི་ཐོད་པ་ཐོགས་ནས་མཆོད་པར་བསམ་ལ། ༀ་པཉྩ་སོགས་བརྗོད། སྔ་ཕྱིའི་མཆོད་ལྷ་དེ་རྣམས་ཡུམ་བཅོམ་ལྡན་འདས་མར་ཐིམ་ནས་སྙོམས་འཇུག་གི་བདེ་བས་དགྱེས་པར་བསམ། འཁྱུད་རྒྱ་དང་བཅས། ༀ་ཤྲཱི་མ་ཧཱ་སོགས་བརྗོད། འདོད་ཆགས་ཞེ་སྡང་སོགས་ཤོ་ལོ་ཀ་དང་པོས་བཤགས་པའི་ཡན་ལག་…

རང་ལ་ཐིམ་པར་བསམ་ཞིང་། རང་གི་སྤྱི་མགྲིན་སྙིང་ག་གསུམ་དུ་ཧེ་དཀར་པོ། རུ་དམར་པོ། ཀ་སྔོན་པོ་རྣམས་བསམ་ཞིང་། ཧེ་ནི་རྒྱུ་སོགས་ཀྱི་ཚིག་དོན་བསམ་ཞིང་། དེ་ལྟ་བུའི་ཆོས་དེ་ལྟར་མ་ཤེས་པས་འགྲོ་བ་ཀུན་གྱིས་བདག་མེད་པ་ལ་བདག་ཏུ་བཟུང་བས་འཁོར་བར་གྱུར། དེའི་ཕྱིར་དུ་བདག་ཉིད་ཧེ་རུ་ཀར་གྱུར་ནས་གཟུང་འཛིན་གཉིས་དང་བྲལ་བའི་ཆོས་ཀྱི་ད…

ཚོགས་པ་ཐམས་ཅད་ཀྱི་རང་བཞིན་རྣམ་པར་རིག་པ་གཅིག་པུའོ། །ཞེས་པའི་དོན་ཡིན་ལ། སེམས་དེ་ཡི་ཡང་འཁོར་བ་དང་ལམ་གྱི་ཆོས་ལ་སོགས་པ་སྣང་བ་སྣ་ཚོགས་པའི་ཆ་དེ་ནི་མེད་དེ། ཡང་དག་ཀུན་རྫོབ་ཏུ་རིག་པ་དག་པ་ཙམ་ཞིག་གནས་སོ། །དེ་ནི་སེམས་རང་བཞིན་གྱིས་དག་པ་ཡིན་ལ། འཁོར་འདས་ཀྱི་ཆོས་ཐམས་ཅད་ཀྱང་དེ་ལས་གཞན་དུ་མེད་པས་ཆོས་ཐམས་ཅད་རང་བཞིན་གྱིས…

མཚུངས་པའི་ཕྱིར་རོ། །གཉིས་པ་ལམ་ཁྱེར་དེ་ཇི་ལྟར་བསྒོམ་པའི་ཚུལ་ནི། ལྭ་བའི་ན་བཟའ་ཅན་གྱི་ལུགས་ལྟར། ཁམས་གསུམ་ཐམས་ཅད་རང་བཞིན་གྱི་སྟོང་པ་ཉིད་དུ་བསྒོམ། དེའི་ངང་ལས་རང་གི་སྨོན་ལམ་གྱི་སྔོན་གྱི་སྟོབས་ཀྱིས་ཁམས་གསུམ་གྱི་ངོ་བོ་ༀ་དཀར་པོ་ཨཱཿདམར་པོ་ཧཱུྃ་སྔོན་པོ་བརྩེགས་པའི་རྣམ་པར་བསམ། དེ་ལས་སྐུའི་འཁོར་ལོ་ལྷ་བརྒྱད་སོགས་འ…

མགོ་བོ། ཟླ་ཚེས། ཐིག་ལེ། ནཱ་ད་ལ་རིམ་པར་ཐིམ། ནཱ་ད་དེ་སྐྲ་ཡི་རྩེསྟོང་དུ་གཏུབས་པའི་ཆ་ཙམ་དུ་གནས་པར་བསམ་པ་ནི་བར་དོ་ལོངས་སྐུའི་ལམ་ཁྱེར་ཡིན་ཞིང་། སེམས་ཅན་ཐམས་ཅད་ཀྱིས་ཆོས་རྣམས་ཀྱི་ཆོས་ཉིད་ཡོངས་གྲུབ་རྟག་བརྟན་འགྱུར་མེད་ཀྱི་དོན་མ་རྟོགས་པས་ཀུན་བརྟག་དང་གཞན་དབང་གིས་འཁོར་བར་འཁྲུལ་ལ། བདག་གིས་ཐམས་ཅད་ཀྱི་ཆོས་ཉིད་ཡོངས་…

ན་སེམས་ལས་གཞན་པ་ཡང་མེད། སེམས་ཀྱང་མེད་པས་ཅི་ཡང་མེད་པའོ་སྙམ་ན་མ་ཡིན་ཏེ་ཛྙཱ་ན་ནི་ཡེ་ཤེས་ཏེ། དོན་དམ་པའི་རིག་པ་རྣམ་པ་ཐམས་ཅད་པར་འཆར་བའོ། །བཛྲ་ནི་རྡོ་རྗེ་སྟེ། དེ་ཉིད་རྟག་བརྟན་ཞི་བ་གཡུང་དྲུང་གི་ངོ་བོ། སྭ་བྷཱ་ཝ་ནི་རང་བཞིན་ཏེ་ཡེ་ཤེས་རྡོ་རྗེ་དེ་ཉིད་ཆོས་ཐམས་ཅད་ཀྱི་རང་བཞིན་ནམ་གནས་ལུགས་སམ་སྡོད་ལུགས་ཡོད་པའོ། །ཨཱཏྨ…

སྟོང་པ་ཉིད། །བྱང་ཆུབ་ཚོགས་ཀྱི་མཆོག་ཐོབ་པ། །སེམས་ཙམ་ལ་ནི་རབ་ཏུ་གནས། །ཞེས་གསུངས་པའི་དོན་ཡང་། ཕྱི་ནང་གི་ཆོས་ཐམས་ཅད་སེམས་ཙམ་ལས་གཞན་མེད་པ་དང་། །བྱང་ཆུབ་ཚོགས་ཏེ་ཡོན་ཏན་དཔག་ཏུ་མེད་པས་གདོད་ནས་བརྒྱན་པའི་ཡེ་ཤེས་མཆོག་དེ་ནི་ཐོབ་པ་སྟེ་རྟག་ཏུ་ཡོད་པའོ། །དེ་ཡང་སེམས་ཀྱི་རང་བཞིན་ཉིད་ལས་གཞན་དུ་གནས་པ་མ་ཡིན་ཏེ། སེམས་ཙམ་…

སྟེང་དུ་སུྃ་ལས་རི་བོ་མཆོག་རབ་གྲུ་བཞི་པ། ཤར་ཤེལ། བྱང་གསེར། ནུབ་པད་རཱག །ལྷོ་བཻ་ཌཱུརྱ་སྟེ་ཁམས་དང་ཁ་དོག་སྣ་ཚོགས་པའི་བདག་ཉིད་ཅན་དང་། དེའི་སྟེང་དུ་པྃ་ལས་སྣ་ཚོགས་པདྨ་འདབ་མ་འབུམ་དང་ལྡན་པའི་ཟེའུ་འབྲུར་ཉི་མ་ལ་ཧཱུྃ་ལས་བྱུང་བའི་སྣ་ཚོགས་རྡོ་རྗེ་རྭ་ཉི་ཤུ་པའི་ལྟེ་བར་གཞལ་ཡས་ཀྱི་ཁང་པ་སྒོ་རྟ་བབས་རྒྱན་དང་བཅས་པ་བསྒོམ་པ…

བརྒྱད་པའི་ལྟེ་བར་ཉི་མའི་གདན་ལ་འཇིགས་བྱེད་དང་དུས་མཚན་གྱི་གདན། ཕྱོགས་ཀྱི་འདབ་མ་བཞི་ལ་ཁྱབ་འཇུག་སོགས་ལྷ་ཆེན་པོ་རྣམས་ཀྱི་ངོ་བོ་དབུགས་བྲལ་ཏེ་རོ་ཡི་གདན་བཞི་དང་བཅས་པ་སྟེ། དེ་དག་ནི་རྟེན་གཞལ་ཡས་ཁང་གདན་དང་བཅས་པ་བསྐྱེད་པའོ། །དེ་ནས་བརྟན་པ་ལྷ་བསྐྱེད་པའི་ཚུལ་ནི། འདུས་པའི་རྒྱུད་ཕྱི་མ་དང་། ཀྱཻ་རྡོར་དང་། སམྦུ་ཊིའི་རྒ…

བསྟུན་ཚེ་སྒོང་སྐྱེས་སྦྱོང་བྱེད་ཡིན་ཏེ། རྡོ་རྗེ་ནི་སྒ་ོང་དང་ཧཱུྃ་ཡིག་ནི་སྒོང་ཆུའི་རྣམ་པ་ཡིན་པའི་ཕྱིར་རོ་ཞེས་སྔ་མ་རྣམས་གསུང་། འདི་ལ་བར་སྲིད་ཞུགས་རྒྱུ་མེད་པ། སྲིན་བུ་པད་པ་འཕོ་བ་ལྟར་བར་སྲིད་སྐད་ཅིག་མ་ལས་མེད་པ་དང་ཚུལ་བསྟུན་པའོ། །དེ་ནས་ས་བོན་ཕྱག་མཚན་དང་བཅས་པ་ཡོངས་སུ་གྱུར་པ་ལས། བདག་ཉིད་དཔལ་ཧེ་རུ་ཀ་འཁོར་ལོ་…

སྟོབས་དང་ལྡན་ཞིང་ཐུབ་པར་དཀའ་བ་ལ་མཁྲང་བག་ཅན་སྐུ་ཤེད་དང་ལྡན་པ་ལྷ་རྣམས་ཞབས་འོག་ཏུ་མནན་པའོ། །མི་སྡུག་པ་ནི་ཁྲོ་ཉམས་ཏེ་མཐོང་བ་ཙམ་གྱིས་འཇིགས་པའོ། །དེ་ནི་སྐུའི་ཉམས་གསུམ་མོ། །བཞད་པ་ནི་ཆགས་པ་དང་དགྱེས་པའི་དྲེགས་པའི་རྒྱུ་ལས་བྱུང་བ་དང་། དྲག་ཤུལ་ནི་ཚིག་རྩུབ་པོས་གཤེ་བ་དང་། འཇིགས་རུང་གིས་ཧ་ཧ་སོགས་ང་རོ་དྲག་པོ་འབྲུག་…

དུས་མཚན་མ་དམར་མོའི་ནུ་མའི་བར་དུ་བརྫིས་པ། དེ་གཉིས་ཀའང་ཕྱག་མཚན་གྲི་གུག་དང་ཐོད་པ་ཅན་ནོ། །དྲི་མ་མེད་པའི་འོད་ཟེར་འཕྲོ་ཞིང་འཇིགས་དུས་ཀྱི་མེ་ལྟར་འབར་བའི་དབུས་ན་བཞུགས་པར་བསྒོམ། དེ་ལ་འཁྱུད་པའི་ཡུམ་རྡོ་རྗེ་ཕག་མོ་བསྐལ་པའི་མེ་ལྟར་གཟི་བརྗིད་འབར་ཞིང་། ཐལ་བ་སྟེ་སེ་རལ་ཁ་སྤང་པའི་ལྷག་མ་ཕྱག་རྒྱ་ལྔས་སྤྲས་པ། གཡས་པས་སྡིག…

བ་འཛིན་པ། གྲུ་མོར་ཁ་ཊྭཱཾ་ག་ཡོད་པ་སོགས་དཀྱུས་སུ་གསལ་ལོ། །ལྷ་མོ་བཞིའི་མཚན་དོན་ནི། །སྤྱིར་འཇིག་རྟེན་ན་སྲིན་མོ་རྫུ་འཕྲུལ་ཅན་རྣམས་རོ་ལངས་ཀྱི་བཞོན་པ་ལ་བརྟེན་ཏེ་མཁའ་ལ་འགྲོ་ཞིང་གཞན་གྱི་སྲོག་འཕྲོག་པས་མཁའ་འགྲོ་མ་དང་གསོད་བྱེད་མ་ཟེར་ལ། ཡང་འགའ་ཞིག་གིས་དུས་དང་དུས་ལ་མཆོད་པས་མགུ་བར་གྱུར་ནས་མིའི་བྱད་གཟུགས་ཕུན་སུམ་ཚོ…