འཛིན་པའི་ཞེན་པ་ཕྱོགས་མེད་དུ་མ་ཆོད་ན་རང་འདོད་ཀྱིས་ས་མཐའ་བསྐོར་ཞིང་གཉན་ཁྲོད་ལ་མིང་བཏགས་ནས་འགྲོ་བ་རྣམས་སྙིང་པོ་མེད་དོ། །དེ་ལ་དང་པོ་ཕྱི་ནང་གསང་གསུམ་གྱི་གཉན་ས་ངོས་བཟུང་སྟེ་དེར་གཅོད་པར་བྱའོ། །དེ་ཡང་སྲས་རྒྱལ་བ་དོན་གྲུབ་ཀྱིས་ཡུམ་ལ་དྲི་བ་ལྔ་བཅུ་རྩ་ལྔ་པ་ལས། སྤྱིར་ཡང་གཉན་ས་ལ་གསུམ། །ཕྱིའི་ལྷ་སྲིན་སྡེ་བརྒྱད་ཀྱིས…

འཛིན་གྱི་བྲག་དམར་བསམ་ཡས་འདི་གཏིང་འཁོར་བའི་རྒྱ་མཚོ་ཆེན་པོ་ལ་ཟུག་པས། དེ་ལ་མ་རིག་པའི་ཀླུ་གདོན་གྱིས་ཚང་བཅས། ཉོན་མོངས་པ་བརྒྱད་ཁྲི་བཞི་སྟོང་གི་རུ་ལ་ཕྱོགས་བཅུར་གྱེས་ནས་འཕེན། ཟུར་བཞི་ལོག་བརྒྱད་ལ་སྡུག་བསྔལ་གྱི་རྦ་རླབས་འཁྲུགས། བྲག་དེ་ལ་ང་རྒྱལ་བཙན་རྒོད་ཀྱི་ཕོ་བྲང་བཏབ། སྐེད་པར་ཞེ་སྡང་ཀླུ་བདུད་ཀྱི་གྲོང་ཁྱེར་བཅའ།…

གི་འཁྲུལ་འཁོར་རྒྱུན་ཆད་མེད་པར་རྒྱུ་བའི་ལམ་འདི་གཉན། འདི་རྟོགས་ན་ཆོས་ཀྱི་དབྱིངས་ཀྱི་ཡེ་ཤེས་ཀྱི་དཀྱིལ་འཁོར་ཡིན། སྐུ་དང་ཡེ་ཤེས་ཀྱི་རང་བཞིན་ཡིན་པས། རྩུབ་པའི་འཇམ་པའང་འདི་ཡིན། ཀུན་གཞི་ཡངས་པའི་ཐང་དཀྱིལ་དུ་རྣམ་རྟོག་གི་བྲེ་གུ་གཏན་ཟུགས་ལྟར་བྱུང་བས། འཇམ་པའི་རྩུབ་པའང་འདི་ཡིན། ཡང་བྱེ་བྲག་ཏུ་ཕྱི་ལྟར་ན་ཆུ་མིག་ཀླུ་ག…

ཤེས་སྣང་བའི་འོད་ཟེར་རབ་རྒྱས་ཏེ། །ཇི་སྲིད་མ་རིག་མུན་ཁྲོད་མ་སངས་བར་དུ་གཅོད། །ནད་དང་སྡུག་བསྔལ་ཟུག་རྔུ་དྲག་པོ་ཀུན་གྱི་བདུད། །དེ་ཉིད་མ་རྟོགས་ཐར་པ་ཐོབ་པའི་སྲོག་འཕྲོག་བྱེད། །བདེ་སྡུག་སྐྱོན་ཡོན་འཁོར་འདས་ཐམས་ཅད་བསྐྱེད་པའི་རྟེན། །འབྱུང་བཞི་ཉོན་མོངས་རླུང་མཁྲིས་འདུས་པའི་ཕུང་པོ་གནས། །ཞེས་གསུངས་པས། དེའི་གཅོད་ཚུལ་…

ལས་ལྷ་འདྲེ་ལོགས་སུ་གྲུབ་པ་མེད། །དེ་ལ་བདེན་པར་འཛིན་པ་སུ་ཞིག་ཡོད། །དཔེར་ན་རྨི་ལམ་སྟག་མོས་སུ་ཞིག་ཟོས། །སྨིག་སྒྱུའི་ཆུ་དང་ཐག་པ་སྦྲུལ་མཐོང་འདྲ། །མི་སྲིད་སྲིད་པ་འདི་ཀུན་མཚར་པོ་ཆེ། །གཅོད་ཅེས་བྱ་བའི་སྒྲ་དོན་གཏན་ཚིགས་ནི། །གཅོད་བྱ་ཉོན་མོངས་བརྒྱད་ཁྲི་བཞི་སྟོང་ཡང་། །རྩ་བ་བདག་འཛིན་མཁན་པོ་འདི་ལ་ཐུག །གཅོད་བྱེད་མ་བ…

གཉན་ས་འཇིགས་ཤིང་ཡ་ང་བ་ཞིག་དེ་ན་གདའ། །ཞེན་པ་རང་ལོག་གི་དམིགས་པའི་འཁྲུལ་འཁོར་གྱིས། །གྲོགས་པོ་སྙེམས་གཅོད་ཅིག་མཛད་ན་དེ་རུ་མཛོད། །བདག་འཛིན་རྒྱ་བྲག་དམར་པོའི་ལོག་ཤད་ན། །བདག་བཟུང་གདུག་པའི་ལྷ་འདྲེ་ཆོ་འཕྲུལ་ཅན། །གཉན་ས་འཇིགས་ཤིང་ཡ་ང་བ་ཞིག་དེ་ན་གདའ། །རང་རིག་བདག་མེད་དམིགས་པའི་འཁྲུལ་འཁོར་གྱིས། །གྲོགས་པོ་སྙེམས་གཅོད…

ན་གདའ། །སྒྱུ་མའི་དཔེ་བརྒྱད་དམིགས་པའི་འཁྲུལ་འཁོར་གྱིས། །གྲོགས་པོ་སྙེམས་གཅོད་ཅིག་མཛད་ན་དེ་རུ་མཛོད། །རྗེས་སྣང་སྒྱུ་མ་ལྟ་བུའི་གཉན་ཁྲོད་དེར། །རྗེས་ཤེས་ཕྲ་རགས་ཀྱི་ལྷ་འདྲེ་ཆོ་འཕྲུལ་ཅན། །གཉན་ས་འཇིགས་ཤིང་ཡ་ང་བ་ཞིག་དེ་ན་གདའ། །ཡང་དག་དྲན་ཤེས་དམིགས་པའི་འཁྲུལ་འཁོར་གྱིས། །གྲོགས་པོ་སྙེམས་གཅོད་ཅིག་མཛད་ན་དེ་རུ་མཛོད། …

ཉལ། །ཞེས་དང་། ཨཱརྱ་དེ་ཝས། གཡའ་གངས་དུར་ཁྲོད་གཉན་ས་དང་། །གྲོང་དང་གྲོང་ཁྱེར་ཆེན་པོ་དང་། །ཕུག་པ་དབེན་ཕུག་གནས་དག་ཏུ། །གཉིས་སུ་མེད་པར་བསྒོམ་པར་བྱ། །ཞེས་དང་། དམ་པས། ཐེ་ཚོམ་ཡིད་གཉིས་སྤང་བའི་ཕྱིར། །བདེ་བར་གཤེགས་པའི་བཀའ་ལ་དྲིས། །ཝ་སྦྱང་གནས་སུ་འདུག་ན་བདེ། །མེས་པོ་སྤྱི་བོའི་སྟེང་དུ་ཁུར། །རོ་ནི་ངན་སྐྱུགས་བཞིན་དུ…

ཤིང་། འོ་ན་གཉན་ས་རི་ཁྲོད་འགྲིམ་པ་ལ་དགོས་པ་ཅི་ཡོད་སྙམ་ན། མ་ཅིག་ཌཀྐིས། ཐོག་ཏུ་བྱུང་བའི་རྐྱེན་སྣང་དེ། །གློ་བུར་གྲོགས་སུ་འགྲོ་བ་དཀའ། །དེ་བས་ལྟ་བ་ཐག་བཅད་ལ། །གཉན་ས་རི་ཁྲོད་ལ་སོགས་པ། །ཉམ་ངའི་གནས་སུ་བསྒོམ་པ་གཅེས། །ཉམ་ངའི་གནད་ཀྱི་གདམས་ངག་དྲན། །སེམས་དང་ལུས་ལ་འཕང་པ་དང་། །སྲོག་ལ་བར་ཆད་བྱུང་དོགས་པའི། །ཉམས་སུ་བླང…

སྣ་ཚོགས་ཀྱི་རྐྱེན་ངན་ལམ་དུ་ལོངས་པ་ལ་རྐྱེན་དང་ངེས་པར་བསྲེ་དགོས། གཅོད་ཙམ་མ་ཚད་འཕགས་ཡུལ་གྱི་གྲུབ་ཐོབ་རྣམས་ཀྱང་བརྟུལ་ཤུགས་ལམ་ལོངས་ཀྱི་ཕྱིར་དུ་དུར་ཁྲོད་ཁོ་ནར་སྤྱོད་པ་ལ་གཤེགས་པའི་ལོ་རྒྱུས་མང་པོ་འདུག །སྔགས་ཀྱི་སྡེ་སྣོད་རྣམས་ནས་ཀྱང་དུར་ཁྲོད་དུ་གཉན་དམིགས་དགོས་པ་མང་དུ་གསུངས་ཤིང་། བོད་དུ་འཕགས་ཡུལ་གྱི་དུར་ཁྲོད་…

དག་པས། ལུས་འདི་སྦྱིན་པར་མ་གསུངས་པས། །འདི་དང་ཕྱི་མ་བྱང་ཆུབ་ཏུ། །དོན་ཆེན་འགྲུབ་པའི་རྒྱུར་གཏོང་ངོ་། །ཞེས་རང་གཞན་བྱང་ཆུབ་ཐོབ་པའི་ཕྱིར་གཏོང་དགོས་ཤིང་། མ་ཅིག་གིས། ཕུང་པོ་གཟན་དུ་བསྐྱུར་བས་བསོད་ནམས་ཀྱི་ཚོགས་རྫོགས། རིག་པ་སྐྱེ་མེད་དུ་སྒོམ་པས་ཡེ་ཤེས་ཀྱི་ཚོགས་རྫོགས། ཚོགས་གཉིས་ཟུང་འཇུག་ཏུ་ཁྱེར་བ་གཅོད་ཀྱི་ལམ། ཞེས…

རྒྱུད་སྙིང་རྗེ་ཆེན་པོ་དང་ལྡན་བཞིན་དུ་ངེས་པར་སྙིང་ནས་ཟ་མཁན་ཞིག་བྱུང་ན་སྟེར་སྙམ་པའི་བློ་ཐག་ཆོད་ན། ས་དང་པོ་ཐོབ་པའི་སྐབས་སུ་ལུས་བཏང་བ་བས་ད་ལྟའི་དུས་འདིར་གཏོང་སེམས་སྐྱེས་པས་ཚོགས་རྫོགས་སྟོབས་ཆེ་བར་གསུངས་སོ། །དྷརྨཱ་རཀྵ་ཏས་ནད་པ་ལ་སྐུ་ཤ་སྟེར་ཡང་ས་མ་ཐོབ་པའི་དབང་གིས་ཟུག་རྔུ་ཆེ་བར་བྱུང་བའི་ལོ་རྒྱུས་ལྟར་ཡང་། བྱང…

ཁྱད་པར་དུ་སྣང་ཞིང་སྲིད་པའི་འདྲེ་སྲིན་གདུག་པ་ཅན་ཐམས་ཅད་རྣམ་ཀུན་མཆོག་ལྡན་གྱི་སར་འགོད་པའི་ཆེད་དུ་གཉན་ཁྲོད་དེར་འགྲོ་བར་བྱའོ་སྙམ་པའི་ངང་ནས་ཡིད་རྩེ་གཅིག་གུས་པ་ཆེན་པོས་རྐྱེན་ངན་ལམ་དུ་ལོངས། འགལ་རྐྱེན་གྲོགས་སུ་འཆར། གཉིས་འཛིན་སྐྱེ་མེད་དུ་རྟོགས། བདག་འཛིན་རྩད་ནས་ཆོད། བདག་མེད་ཤེས་རབ་རྟོགས་སྟོང་ཉིད་སྙིང་རྗེའི་སྒོ…

ཞེས་དང་། དམ་པས། དེ་ནས་བརྟུལ་ཤུགས་སྤྱོད་པ་ནི། །ལྷུག་པ་ཆེན་པོའི་རང་བཞིན་ལ། །ཆགས་སྡང་ཀུན་ལ་ཐོག་བརྫིས་བྱ། །དཀོན་མཆོག་སྐྱབས་འགྲོ་འཇུག་ལྡོག་བྱ། །ཞེས་པའི་ངང་ནས་ཟིལ་གནོན་གྱི་དམིགས་པ་བྱ་སྟེ། མ་ཅིག་གི་གེགས་སེལ་སྙན་བརྒྱུད་ཤོག་དྲིལ་ལས། དུར་ཁྲོད་ཀླུ་གནས་བགྲོད་པའི་ཚེ། །ཟིལ་གནོན་སྐོར་གསུམ་ཤིན་ཏུ་གཅེས། །སྔ་མ་སྔ་རུ་…

རྣམ་པ་འོད་དང་འོད་ཟེར་གྱི་ཚུལ་དུ་འབར་ཞིང་འདྲོ་བའི་མེ་དཔུང་གི་ཚྭ་ཚྭ་འུར་འུར་ཕྱོགས་དེར་ཐམས་ཅད་ཁྱབ་པས། གཉན་ས་དེར་གནས་ཀྱི་ལྷ་སྲིན་སྡེ་བརྒྱད་དཔུང་འཁོར་དང་བཅས་པ་ཐམས་ཅད་འབྲོས་དབང་དང་འཁྱར་དབང་མེད་པའི་དཔའ་ཟིལ་ང་རྒྱལ་ཆགས་ཏེ་སྟོབས་ཤོར་ནས་ཟིལ་ཆུམ་གྱི་གནས་ཤིང་དྲན་མེད་དུ་སོང་བར་བསམ། རྡོ་རྗེ་དེ་ལས་དེ་འདྲ་བ་གྲངས་མེད…

ལུམ་འབར་བས་མནན་པར་བྱ། །ལུང་སྟོང་ཐང་ཆེན་རྡོ་རྗེའི་བྲག་རིས་བཅད། །ཅེས། ཐོ་བཙུགས་པ། རྒྱན་འདོགས་པ། ལམ་སྡུད་པ། སོ་གཟིར་པ། མཚོར་མནན་པ། མཚོར་འཆག་པ། ཅོག་བུ་ཕུབ་པ་སོགས་བྱ། མ་བྱས་ཀྱང་འདིས་མ་འགྲིགས་པ་མེད་དེ། །དེ་ནས་གཉན་དམིགས་ཐག་རིང་ན་སྐབས་དང་བསྟུན་ཏེ་སྲོད་ཐུན་ལ་སླེབ་པར་བྱ། ཉེ་ན་མཚན་ལ་འགྲོ། གཉན་དམིགས་འདིར་ཡོད་དང…

པའི་ཆེད་དུ་མི་འགྲོ །གང་ལྟར་འགྲོ་ཞེ་ན་ངེས་འབྱུང་གི་བསམ་པ་གཞིར་བཞག །དེའི་སྟེང་དུ་གོང་གི་སྐྱབས་འགྲོའི་འཕེན་པ་བཏང་བ་ལྟར་གྱིས་འགྲོ། ཤོག་དྲིལ་ལས། དང་པོ་གཉན་ཁྲོད་འགྲིམ་པའི་ཚེ། །གཤེགས་ཚུལ་བཞི་ཡི་དམིགས་པ་དགོས། །ལུས་འདི་རོ་ཡི་ཚུལ་དུ་བསམ། །རིག་པ་རོ་ཁུར་ཚུལ་དུ་འགྲོ། །གཉན་ས་དུར་ཁྲོད་ཚུལ་དུ་བསམ། །ལྷ་འདྲེ་ཅེ་སྤྱང་…

ཉིད་ཁྲོས་མའི་ང་རྒྱལ་གྱིས་གར་སྟབས་བྱ་ཞིང་འགྲོ། རྣལ་འབྱོར་གདེང་འགྲོས་ནི། སྟོང་ཉིད་ལྟ་བའི་གདེང་དང་བཅས་ཏེ། ལམ་གྱི་སྟེང་འོག་རྣམས་སུ་ལྷ་འདྲེར་ལྟ་སྟངས་ཀྱིས་གཟིར་ཞིང་འགྲོ། སྦྲུལ་ནག་འཁྱུག་འགྲོས་ནི། སྦྲུལ་འགྲོ་བ་བཞིན་ལམ་ལ་ཕར་འཁྱོག་ཚུར་འཁྱོག་བྱེད་དེ། ས་བདག་ཀླུ་གཉན་ལྷ་འདྲེ་གནས་མལ་དང་བཅས་པ་གཉན་ཁྲོད་དུ་ཁྱེར་བར་བས…

ངེས་པ་རྣམས་ཕྱོགས་གཅིག་ཏུ་སྟོན་པ་ནི། ས་ཕྱོགས་དེ་རིན་པོ་ཆེ་འབར་བ་ལྟ་བུའི་ལྟེ་བ། གདུགས་འདྲ་བའི་ཏོག །ཉ་འདྲ་བའི་སྐེད་པ། དུང་འདྲ་བའི་བུད་ཁ། པདྨ་འདྲ་ན་ལྟེ་བར། དཔལ་བེའུའི་ལྟེ་བ། བུམ་པ་འདྲ་ན་ལྟོ་བར། རྒྱལ་མཚན་འདྲ་ན་རྩེར། ནོར་བུ་རིན་པོ་ཆེ་སྤུང་པ་འདྲ་ན་ཏོག །དར་པོ་ཆེ་འཕྱར་བ་འདྲ་ན་ལྕེར། སྣོད་ཁ་བཟེད་པ་འདྲ་ན་ཁར། ཁ་…

གི་སོ་འདྲ་ན་སྟེང་། ས་གཞི་འཁོར་ལོ་འདྲ་ན་དཀྱིལ། གནམ་གྱི་མཆེ་བ་ས་ལ་ཟུག་པ་འདྲ་ན་སྣ། པདྨ་འདབ་བརྒྱད་འདྲ་ན་སའི་ལྟེ་བ། ལ་བཙས་གཅིག་གིས་གཅིག་མཐོང་བའི་དབུས། བྲག་ལ་ཆུ་འཐབ་ཀྱི་སྣ། ཐང་ལ་གད་པ་སྦྲུལ་འདྲ་ན་མགོ་འམ་སྒལ། ཆུ་དང་ཤིང་ཕག་འདྲ་བའི་དབུས། ཆུ་མིག་ཁ་ནུབ་ཏུ་ལྟས་པའི་མགོ །ཤར་ལྷོར་ལྟས་པའི་མགོ །ཤར་ལྷོར་བཞི་པའི་མདོ། ལ…