ཚུལ་བཞིན་བསྟེན་པ་དང་། བླ་མའི་རྣལ་འབྱོར་བསྒོམ་པ་ནི་ཤིན་ཏུ་གལ་ཆེ་བ་སྟེ། ཇི་སྐད་དུ་ཡང་། ལྷ་སྐུ་འབུམ་ཕྲག་བསྒོམ་པ་ལས། །བླ་མའི་རྣལ་འབྱོར་བསྒོམ་པ་ཟབ། །ཅེས་གསུངས་པ་ལྟར་རོ། །དེ་ཡང་བླ་མ་དཀོན་མཆོག་ཀུན་འདུས་ཡིན་ཏེ། གསང་འདུས་ལས། །བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཏེ། །བླ་མ་དཔལ་ལྡན་ཧེ་རུ་ཀཿ ཀུན་བྱེད་…

རང་གི་རྩ་བའི་བླ་མ་སངས་རྒྱས་ཀུན་འདུས་ཀྱི་ངོ་བོ་པདྨ་འབྱུང་གནས་དང་དབྱེར་མེད་དུ་བསྒོམ་དགོས་ཏེ། གུ་རུ་ཉིད་ཀྱི་ཞལ་ནས༔ ཁྱད་པར་བྱིན་རླབས་དངོས་གྲུབ་མྱུར་འདོད་ན༔ པདྨ་ང་བསྒོམ་མཆོད་དང་སུས་སྒྲུབ་པ༔ ཇི་ལྟར་ཡིད་བཞིན་ནོར་བུ་རིན་ཆེན་ལས༔ དགོས་འདོད་ཐམས་ཅད་ངང་གིས་འབྱུང་བ་བཞིན༔ རྒྱལ་བ་རྒྱ་མཚོས་བྱིན་རླབས་བུ་བཞིན་སྐྱོང་༔ …

ནོ། །ཇི་ལྟར་བསྒོམ་པའི་ཚུལ་ནི། ཕྱི་ལྟར་ཁྲོམ་ཚོགས་སུ་བསྒོམ་པ། ནང་ལྟར་ཐོ་བརྩེགས་སུ་བསྒོམ་པ། གསང་བ་ལྟར་ཀུན་འདུས་ནོར་བུའི་ལུགས་སུ་བསྒོམ་པ་གསུམ་ལས་འདིར་ཕྱི་མ་ཀུན་འདུས་ནོར་བུ་ལུགས་སུ་བསྒོམ་པ་སྟེ། ཨ་ཏི་བཀོད་པའི་རྒྱུད་ལས། །དྲིན་དང་ལྡན་པའི་བླ་མ་དེ། །སྙིང་གི་དཀྱིལ་ལམ་སྤྱི་བོའི་གཙུག །ཡན་ལག་མཐིལ་དུ་གང་བསྒོམ་པ། །…

སྤྱོད་བཅས་ཏེ་མཆོད་པ་འབུལ། །སྡིག་པ་བཤགས་པ་ནི། མ་རིག་འཁྲུལ་པའི་དབང་གིས་ཐོག་མེད་ནས། །བསགས་པའི་དུག་གསུམ་དམ་ཚིག་སྡོམ་འགལ་སོགས། །སྡིག་སྒྲིབ་ཉེས་ལྟུང་མ་ལུས་མཐོལ་ཞིང་བཤགས། །ཐམས་ཅད་བྱང་ཞིང་དག་པར་བྱིན་གྱིས་རློབས། །རྗེས་སུ་ཡི་རང་བསྒོམ་པ་ནི། དུས་གསུམ་རྒྱལ་བ་རྒྱལ་སྲས་མཛད་པ་དང་། །ཁྱད་པར་བླ་མའི་རྣམ་ཐར་མཛད་ཕྲིན་སོག…

འཁྱམས་པའི་སེམས་ཅན་རྣམས། །མ་ལུས་ཡང་དག་ལམ་ལ་བཀོད་པའི་ཕྱིར། །སྤྲུལ་པའི་ཉི་མ་ནུབ་མེད་རྟག་འཆར་གསོལ། །བསྔོ་བ་སྨོན་ལམ་ནི། བདག་སོགས་ཚེ་འདིའི་སྣང་བ་ནུབ་མ་ཐག །རང་སྣང་འོད་གསལ་ཟངས་མདོག་དཔལ་རི་དེར། །གུ་རུའི་ཐུགས་རྗེའི་ལྕགས་ཀྱུས་མྱུར་བཟུང་ནས། །ངན་འགྲོའི་འཇིགས་བྲལ་རིག་འཛིན་སར་འགོད་ཤོག །གསོལ་བ་འདེབས་པ་གནད་ཆེ་བར་གསུ…

དང་། རྒྱས་ན་བླ་མའི་ལས་བྱང་ལེ་བརྒྱད་ལས་བྱུང་བ་འདི་ཡང་ཐུན་སྐབས་གང་འོས་སུ་བྱ་བ་ནི། ཧཱུྃ། བདེ་མཆོག་བདེ་སྤྱོད་ནམ་མཁའི་དཀྱིལ་ཡངས་ནི༔ རྒྱལ་བའི་དཀྱིལ་འཁོར་སྲས་བཅས་ཐུགས་དམ་ཅན༔ མ་ཧཱ་གུ་རུ་པདྨ་ཐོད་ཕྲེང་གི༔ སྐུ་གསུང་ཐུགས་དང་མཉམ་སྦྱོར་དངོས་གྲུབ་མཆོག༔ ཕྲིན་ལས་རྣམ་བཞི་ལྷུན་གྱིས་གྲུབ་པའི་དབང་༔ བུམ་པ་བཟང་པོ་དཔག་བསམ་…

གུ་རུའི་ཐུགས་རྗེའི་བྱིན་རླབས་ཀྱིས༔ རང་རིག་སྐྱེ་མེད་འོད་གསལ་ཆོས་ཀྱི་སྐུ༔ ད་ལྟ་ཉིད་དུ་མཐོང་བར་བྱིན་གྱིས་རློབས༔ ད་ལྟ་ཉིད་དུ་རྟོགས་པར་བྱིན་གྱིས་རློབས༔ སྤྲོ་ན་བྱའོ། །གསོལ་འདེབས་དབང་ལེན་གནད་ཤིན་ཏུ་ཆེ་བ་སྟེ། །གུ་རུའི་གསུང་ལས། དད་འདུན་མོས་གུས་མ་ཞན་གསོལ་བ་ཐོབ༔ མ་དག་སྣང་བ་དོར་ལ་གསོལ་བ་ཐོབ༔ ཅེས་གསུངས་པས་མཚོན། …

འཆི་མེད་རྡོ་རྗེ་དྲག་པོ་རྩལ༔ མ་རུངས་ཚར་གཅོད་རྟ་མཆོག་དཔལ༔ དྲེགས་པ་འཇོམས་མཛད་མེ་ཕྲེང་ཅན༔ སྐུ་ལྔ་མཚན་བརྒྱད་རིགས་དྲུག་དང་༔ རྗེ་འབངས་སྤྲུལ་དང་ཡང་སྤྲུལ་རྣམས༔ གང་ལ་གང་འདུལ་སྐུར་བསྟན་ཅིང་༔ རིགས་དྲུག་འཁོར་བ་དོང་ནས་སྤྲུག༔ ཅེས་གསུངས་པ་ལྟར་རོ། །དབང་དང་དངོས་གྲུབ་ལེན་པ་རྒྱས་བསྡུས་གང་རུང་གི་མཐར། མཆོག་གཏེར་ཆོས་སྤྱོད…

ཞལ་བལྟའོ། །མཐར། དེང་ནས་བཟུང་སྟེ་ཚེ་རབས་ཐམས་ཅད་དུ༔ སོགས་ཀྱི་སྨོན་ལམ་གདབ་པར་བྱའོ། །སྔོན་འགྲོ་བསགས་སྐབས་དམིགས་ཐུན་སྔ་མ་རྣམས་ཤར་བསྒོམ་བྱ་ཞིང་། དེ་གང་ལ་བབ་པ་ནན་ཏན་གྱིས་བསྒོམ་ཞིང་གྲངས་བཟུང་། ཕྱི་མ་རྣམས་ཁྱུག་ཙམ་རེ་ཐུན་རྗེས་མར་གཏོང་བ་སོགས་སྤྱི་དང་འདྲའོ། །དེ་ལྟར་ཐུན་མོང་མ་ཡིན་པའི་སྔོན་འགྲོ་ལེགས་པར་གྲུབ་ནས། ད…

བྱའོ། །དེ་རྣམས་ཀྱི་ལྷ་ཁྲིད་རྣམ་བཤད་སོ་སོར་བྲིས་ཡོད་པ་ལྟར་ཉམས་སུ་ལེན་པར་ཞུ། དེ་ཡང་རྟེན་བསྐྱེད་རིམ་མེད་ན། བརྟེན་པ་རྫོགས་རིམ་མེད། ཁྲིད་རྒྱུན་ལྟ་བུའི་ཚེ་བསྐྱེད་རིམ་ལྷ་ཁྲིད་ལ་ཏིང་འཛིན་རྣམ་གསུམ་ནས་བཟུང་། བདག་བསྐྱེད་རྫོགས་པར་གསལ་འདེབས་ཤིང་། རས་བྲིས་སོགས་ཡོད་ན་མི་ཤེས་པར་བསྟེན་ཏེ་བསླབ། དེ་ལྟ་བུ་མ་གྲུབ་ཚེ། འོ…

སྒོམས་ཤིག །དེ་ལྟར་བསྒོམས་པའི་ཕན་ཡོན་ནི། གཞུང་ལས། བསྐྱེད་རིམ་བསྒོམས་པའི་ཕན་ཡོན་ནི༔ རབ་ནི་རང་རིག་ལྷ་རུ་འགྱུར༔ འབྲིང་ནི་འཁོར་ལོས་བསྒྱུར་རྒྱལ་ཐོབ༔ ཐ་མས་བར་དོར་གྲོལ་བ་ཐོབ༔ ཡི་དམ་དེ་ཡི་འཁོར་དུ་སྐྱེ༔ བསྐྱེད་རྫོགས་ཟུང་འཇུག་བསྒོམ་པར་བྱ༔ ཅེས་སོགས་གསུངས་པ་ལྟར་ཡིན་ནོ། །ཡེ་གསང་ཐུགས་གཏེར་གྲོ་ལོད་ཀྱི་སྔོན་འགྲོའི་ཁ…

འཕེལ། ཤྲཱིཿཤྲཱིཿཤྲཱིཿ སརྦ་མངྒ་ལཾ། དགེའོ། །བྷ་ཝནྟུ། དགེའོ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་…

ཡོངས་དགེའི་གྲོ་ལོད་ཀྱི་ཟིན་བྲིས་ལས། ཕྱི་སྒྲུབ་ཀུན་བཟང་གི་དམིགས་ཟིན་བསྒོམ་དོན་རབ་གསལ་ཞེས་བྱ་བ་བཞུགས་སོ། །

ཨོཾ་སྭསྟི། །མི་འགྱུར་སྐུ་བཞིའི་བདག་ཉིད་རྡོ་རྗེ་འཆང་། །དྲག་པོའི་སྐུར་བཞེངས་བདུད་འདུལ་གྲོ་བོ་ལོད། །གུ་རུའི་ཞལ་ཚབ་ནུས་ལྡན་ཉེར་གཅིག་གཙོ། །རིག་འཛིན་རྩལ་འཆང་གྲུབ་པའི་དབང་པོར་འདུད། །གང་དེའི་ཟབ་གཏེར་གྲོ་ལོད་ཀྱི། །ཟིན་བྲིས་སྒོམ་དོན་རབ་གསལ་བ། །རང་ཞལ་བལྟ་བའི་མེ་ལོང་འབྲི། །རྩ་གསུམ་ལྷ་ཡིས་གནང་བ་རྩོལ། །དེ་ལ་འདིར་…

བླ་མ་དྲག་པོའི་སྙིང་ཐིག་ཉམས་སུ་ལེན་པ་ལ། ཐོག་མར་ཟབ་ཆོས་ལ་ཡིད་ཆེས་ཤིང་དད་པ་བརྟན་པོ་དང་ལྡན་པས་ཚིག་བདུན་གསོལ་འདེབས་འདོན་པའི་སྐབས་སུ་ཨོ་རྒྱན་ཆེན་པོ་མདུན་གྱི་ནམ་མཁར་བཞུགས་པར་བསམས་ལ། ཨོ་རྒྱན་སངས་རྒྱས་གཉིས་པ་གུ་རུ་པདྨ་འབྱུང་གནས་ཁྱེད་ཀྱི་རྗེས་སུ་བདག་ཉིད་ཞུགས་ཏེ་ལམ་བསྐྱེད་རྫོགས་རིམ་པ་གཉིས་ཀྱི་རྣལ་འབྱོར་ཟབ་མོ་བ…

གཏེར་སྟོན་གུ་རུ་ཆོས་དབང་གི་གཏེར་བྱོན་ལ་ཚིག་རྐང་བདུན་ཡོད་པས། ཚིག་བདུན་གསོལ་འདེབས་ཞེས་སུ་གྲགས་པ་བསྡུས་པ་ཡིན། ད་ལྟ་ཀཾ་ཚང་གི་གསུང་རྒྱུན་འདི་རོང་སྟོན་བདེ་ཆེན་གླིང་པའི་གཏེར་མ་རྒྱས་པ་ཡིན། རྒྱས་པའི་སྐབས་སུ་གུ་རུ་རིན་པོ་ཆེའི་སྐུ་ལས་དབང་བཞི་ལེན་ཅིང་རྒྱུད་བྱིན་གྱིས་བརླབ་པར་དམིགས། གཞན་ཡང་བསམ་པ་ལྷུན་གྲུབ་འདོན་ཚེ…

ཞིང་སྤྲོ་ན། ཀུན་བཟང་རིགས་ལྔ་སོགས་རྒྱལ་བ་དགོངས་བརྒྱུད། ༡༽ རིགས་གསུམ་མགོན་པོ་སོགས་རིག་འཛིན་བརྡ་བརྒྱུད། ༢༽ ཨོ་རྒྱན་པདྨ་འབྱུང་གནས་ལྷ་སྲས་མུ་ཁྲི་སོགས་གང་ཟག་སྙན་བརྒྱུད། ༣༽ མནྡཱ་ར་བ་ཡེ་ཤེས་མཚོ་རྒྱལ་སོགས་མཁའ་འགྲོ་གཏད་རྒྱ་བརྒྱུད་པ། ༤༽ མི་འགྱུར་རྡོ་རྗེ་ཡབ་སྲས་སོགས་ཤོག་སེར་ཚིག་གི་བརྒྱུད་པ། ༥༽ སྨོན་ལམ་དབང་བསྐུར…

དབང་བསྐུར་ཞིང་སྨོན་ལམ་བཏབ་པ་སྟེ་འདི་ལ་གཏེར་ཆོས་སྨོན་ལམ་བརྒྱུད་པའང་ཟེར། མཁའ་འགྲོ་གཏད་རྒྱ་ནི་མཁའ་འགྲོས་གཏེར་ཁ་དངོས་སུ་གཏད་པ། ཤོག་སེར་ཚིག་བརྒྱུད་ནི་ཤོག་སེར་ཕབ་ནས་དབང་ལུང་ཁྲིད་སོགས་སྤེལ་བ། བཀའ་བབ་ལུང་བསྟན་ནི་མ་འོངས་པ་ཕྱོགས་གཏེར་ཁ་ལུང་བསྟན་པ། དམ་རྫས་མྱོང་གྲོལ་ནི་བདུད་རྩི་ཆོས་སྨན་དང་མྱོང་གྲོལ་ཨཱཿརྒྱ་ཅན་སོ…

འདྲ། གཏེར་སྟོན་སྐྱེ་ཕྲེང་གསོལ་འདེབས་སྐབས་སུ་གསང་བདག་ཕྱག་ན་རྡོ་རྗེ་སོགས་རིག་འཛིན་དེ་རྣམས་ཀྱི་སྤྲུལ་པར་ཡིད་ཆེས་ཤིང་ཐེ་ཚོམ་དང་བྲལ་བའི་ངང་ནས་འབྲེལ་པ་ཐོགས་ཆོགས་སུ་ཤེས་པའི་གསོལ་འདེབས་རྩེ་གཅིག་ཏུ་བྱའོ། །དེ་ནས་རང་ཉིད་པདྨ་བཛྲ་ཡབ་ཡུམ་དུ་སྐད་གཅིག་གིས་གསལ་བས་སྔོན་གཏོར་བྱིན་གྱིས་བརླབས་ལ་གནས་བདག་ལྷ་ཀླུ་སྡེ་བརྒྱད་…

སྦྱར་བ་ཡིན་པས་མ་བཅོས་སོར་བཞག་ལེགས། དེ་མཚམས་ཧཱུྃ་ཞེས་གཟུང་འཛིན་གཉིས་སྟོང་གི་ཡེ་ཤེས་ཐུགས་རྡོ་རྗེའི་ས་བོན་གྱིས་ཐོག་དྲངས་ཏེ། བྱིན་རླབས་ཀྱི་རྩ་བ་བཀའ་བརྒྱུད་བླ་མ། དངོས་གྲུབ་ཀྱི་རྩ་བ་ཡི་དམ་ལྷ་ཚོགས། རྟེན་འབྲེལ་གྱི་རྩ་བ་དཔའ་བོ་མཁའ་འགྲོ། ཕྲིན་ལས་ཀྱི་རྩ་བ་ཆོས་སྐྱོང་སྲུང་མ་རྣམས་ལ་བདེན་པ་བརྡར་ནས་བགེགས་ཚོགས་བསྐྲད…