ཁྲོ་བོ་རོལ་པའི་ངག་འདོན་བདུད་སྡེའི་གཡུལ་ལས་རྒྱལ་བའི་སྒྲ་དབྱངས་ཞེས་བྱ་བ་བཞུགས་སོ། །

ཞི་ཁྲོ་རིགས་ཀུན་ཁྱབ་བདག་པདྨ་འབྱུང་། །ཟབ་དོན་གཏེར་གྱི་སྒོ་འབྱེད་ཉང་རལ་རྗེ། །བཀའ་བབས་གཉོས་དང་རིགས་འཛིན་མཆེད་གཉིས་སོགས། །མཚུངས་མེད་བརྒྱུད་པའི་ཚོགས་རྣམས་ཕྱག་གི་ཡུལ། ཁྱད་པར་ཆོས་ཀུན་ཀ་ནས་དག་པའི་དབྱིངས། །རང་སར་རྣམ་གྲོལ་ཟུར་ཆེན་ཐམས་ཅད་མཁྱེན། །བཀའ་གཏེར་གནད་ལ་བློ་གྲོས་རབ་ཡངས་པ། །མཆོག་གི་རྡོ་རྗེའི་སློབ་དཔོན་གཙ…

མདུན་ཟུང་འཇུག་ཏུ་སྒྲུབ་པའི་ཚུལ་དང་། ཆོག་སྒྲིགས་གཅེས་པའི་ལྡེ་མིག་ལས། ཤེས་པ་རྣམ་པ་གསུམ་གྱི་དབང་དུ་བཏང་བའི་ལོགས་སུ་སྒྲུབ་ཚུལ་གསུངས་པ་གཉིས་བྱུང་བ་ལས་འདིར་ཕྱི་མའི་དབང་དུ་བྱས་ཏེ་ཚོགས་དང་བསྐང་རྫས་བྱིན་གྱིས་བརླབ་པ་ཡན་སོང་ནས། བཟློག་གཏོར་རྣམས་ལྷར་གསལ་གདབ་པ་ནི། སྭ་བྷཱ་ཝས་སྦྱངས། དཔལ་གཏོར་རྣམས་རང་བཞིན་སྟོང་པ་ཉིད…

བསྒྲལ་ལས་ལ་སྦྱར་བའི་ཕྱིར་ཆེ་བ་བསྐྱེད་དེ་སྣང་སྲིད་ཟིལ་གྱིས་གནོན་པ་ནི། སྒོམ་ཁོག་ལས། ཧོཿ འདི་ལྟར་སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་རང་སེམས་སྐྱེ་མེད་ཐིག་ལེ་ཉག་གཅིག་ཏུ་ཐག་ཆོད་པས། ཕྱི་སྣོད་ཀྱི་སྣང་བ་ཐམས་ཅད་གཞལ་ཡས་ཁང་དུ་བལྟ༔ ནང་རིག་པ་བཅུད་དུ་སྣང་བ་ཐམས་ཅད་ཡོངས་རྫོགས་ཀྱི་ལྷར་གསལ་གདབ༔ དྲེགས་པ་ཅན་ཕོ་…

གཤོག་པ་ཅན་གྱི་འཇུམས་པར་བྱེད༔ སྡེར་མོ་ཅན་གྱིས་འབྲད་པར་བྱེད༔ ཕུར་པ་ཅན་གྱིས་སྙིང་ལ་འདེབས༔ དུག་ཕོར་ཅན་གྱིས་མྱོས་པར་བྱེད༔ རལ་གྲི་ཅན་གྱིས་ལྷུ་ལྡུམ་འབྲལ༔ མདའ་མདུང་ཅན་གྱིས་ཟང་ཐལ་བྱེད༔ འཁོར་ལོ་ཅན་གྱིས་དུམ་བུར་གཏུབས༔ ཐོ་བ་དགྲ་སྟས་རྡུལ་དུ་རློག༔ མེ་དཔུང་ཅན་གྱིས་ཐལ་བར་སྲེགས༔ རླུང་གཡབ་ཅན་གྱིས་རྗེས་མེད་དུ་བཏང་སྟེ༔…

ལས་བྱེད་མ༔ དབུ་ནི་སེང་གེའི་མགོ་བོ་ལ༔ ཤེལ་གྱི་རལ་པ་ཤར་ར་ར༔ ཤེལ་གྱི་ཕུར་བུ་སིལ་ལི་ལི༔ རལ་བ་རེ་ལ་ཕུར་བུ་རེ༔ རལ་པ་སྤྲུགས་པའི་སྐྲ་གསེབ་ནས༔ ཤེལ་གྱི་སེང་གེ་འབུམ་འབུམ་འགྱེད༔ ཅེ་སྤྱང་རྒྱུག་ཚུལ་ཞུངས་སེ་ཞུང་༔ ལག་ན་ཤེལ་གྱི་རྡེའུ་ཆུང་བརྡུང་༔ དྲི་ཟའི་དམག་ཚོགས་དབང་སྡུད་ཅིང་༔ དགྲ་བགེགས་ཐམས་ཅད་ཐལ་བར་རློག༔ ཧཱུཾ། ལྷོ་…

ལག་ན་ལྕགས་ཀྱི་རྡེའུ་ཆུང་བརྡུང་༔ གནོད་སྦྱིན་དམག་ཚོགས་དབང་སྡུད་ཅིང་༔ དགྲ་བགེགས་ཐམས་ཅད་ཐལ་བར་རློག༔ ཧཱུཾ། ཤར་ལྷོ་ཁྱབ་པར་རྒྱུག་པ་ཡི༔ དཔལ་གྱི་བཀའ་ཉན་ལས་བྱེད་མ༔ དབུ་ནི་སྤྱང་མོའི་མགོ་བོ་ལ༔ གཡུ་ཡི་རལ་པ་ཤར་ར་ར༔ གཡུ་ཡི་ཕུར་བུ་སིལ་ལི་ལི༔ རལ་པ་རེ་ལ་ཕུར་བུ་རེ༔ རལ་པ་གསིགས་པའི་སྐྲ་གསེབ་ནས༔ གཡུ་ཡི་སྤྱང་མོ་འབུམ་འབུམ་…

དཔལ་གྱི་བཀའ་ཉན་ལས་བྱེད་མ༔ དབུ་ནི་ཟངས་ཀྱི་དྲེད་མོའི་མགོ༔ ཟངས་ཀྱི་རལ་བ་ཤར་ར་ར༔ ཟངས་ཀྱི་ཕུར་བུ་སིལ་ལི་ལི༔ རལ་པ་རེ་ལ་ཕུར་བུ་རེ༔ རལ་པ་གསིགས་པའི་སྐྲ་གསེབ་ནས༔ ཟངས་ཀྱི་དྲེད་མོ་འབུམ་འབུམ་འགྱེད༔ ཅེ་སྤྱང་རྒྱུག་ཚུལ་ཞུངས་སེ་ཞུང་༔ ལག་ན་ཟངས་ཀྱི་རྡེའུ་ཆུང་བརྡུང་༔ དབང་ལྡན་དམག་ཚོགས་དབང་སྡུད་ཅིང་༔ དགྲ་བགེགས་ཐམས་ཅད་ཐལ་…

ཐོགས༔ གཡོན་ན་བྷནྡྷ་༴༔ སེར་ནག་ཁྲ་ཡི་མགོ་བོ་ཅན༔ གཡས་ན་ཞིང་གི་རྡེའུ་ཆུང་བསྣམས༔ གཡོན་ན་བྷནྡྷ་༴༔ ལྗང་ནག་ཝ་ཡི་མགོ་བོ་ཅན༔ གཡས་ན་དབྱུག་ཏོ་འབར་བ་བསྣམས༔ གཡོན་ན་བྷནྡྷ་༴༔ མཐིང་ནག་སྟག་གི་མགོ་བོ་ཅན༔ གཡས་ནི་ཞིང་གི་དབྱུག་ཏོ་བསྡམས༔ གཡོན་ན་བྷནྡྷ་༴༔ དམར་ནག་བྱ་རྒོད་མགོ་བོ་ཅན༔ གཡས་ཀྱི་ཕྱག་ན་ལྕགས་སྒྲོག་བསྣམས༔ གཡོན་ན་བྷནྡ…

རཀྟས་༴༔ ནག་མོ་ཁུ་བྱུག་མགོ་བོ་ཅན༔ གཡས་ན་ལྕགས་ཀྱུ་འབར་བ་བསྣམས༔ གཡོན་ན་བྷནྡྷ་རཀྟས་༴༔ སྔོན་མོ་ར་ཡི་མགོ་བོ་ཅན༔ གཡས་ན་ཞགས་པ་འབར་བ་བསྣམས༔ གཡོན་ན་བྷནྡྷ་རཀྟས་༴༔ དམར་མོ་སྤྲེའུའི་མགོ་བོ་ཅན༔ གཡས་ན་ལྕགས་སྒྲོག་འབར་བ་བསྣམས༔ གཡོན་ན་བྷནྡྷ་རཀྟས་༴༔ ལྗང་གུ་སྤྱང་མོའི་མགོ་བོ་ཅན༔ གཡས་ན་དྲིལ་བུ་འབར་བ་བསྣམས༔ གཡོན་ན་བྷནྡྷ་རཀ…

དམ་ཉམས་དགྲ་བོ་ཁྲམ་ལ་ཐོབ༔ ཁྲམ་བདག་སྲོག་བདུད་མཆེ་བ་ཅན༔ ཕྱག་ན་བདུད་ཀྱི་ཁྲམ་ཤིང་བསྣམས༔ དམ་ཉམས་དགྲ་བོ་ཁྲམ་ལ་ཐོབ༔ ཟླ་བདུད་རོལ་པོ་ཞགས་པ་ཅན༔ ཕྱག་ན་བདུད་ཀྱི་ཁྲམ་ཤིང་བསྣམས༔ དམ་ཉམས་དགྲ་བོ་ཁྲམ་ལ་ཐོབ༔ སྲོག་བདུད་གསེར་གྱི་སྟ་རེ་ཅན༔ ཕྱག་ན་བདུད་ཀྱི་ཁྲམ་ཤིང་བསྣམས༔ དམ་ཉམས་དགྲ་བོ་ཁྲམ་ལ་ཐོབ༔ ཤོད་ཐོགས་རྩིས་པའི་ཐུགས་དམ་བས…

ཐོགས༔ བཙན་གྱི་བཤན་པའི་དུས་ལ་བབ༔ གླེན་པ་ཀླུ་ཡི་བཤན་པ་ནི༔ སྐུ་མདོག་མཐིང་ནག་འཇིགས་པ་ལ༔ སྦྲུལ་གྱི་རལ་པས་ས་གཞི་ཁེངས༔ སྐུ་ལ་སྦྲུལ་གྱི་བེར་ཆེན་གསོལ༔ སྦྲུལ་ནག་རློན་པའི་རྐེད་ཆིངས་ཅན༔ ཕྱག་ན་སྦྲུལ་ནག་ཞགས་པ་ཐོགས༔ སྦྲུལ་གྱི་ཁ་ནས་དུག་མདའ་རྒྱོབ༔ ཀླུ་ཡི་བཤན་པའི་དུས་ལ་བབ༔ གདུག་རྩུབ་གཟའ་ཡི་བཤན་པ་ནི༔ སྐུ་མདོག་ནག་པོ་ཙེ…

ཆིབས་སུ་བཅིབས༔ ན་བཟའ་ནེའུ་ལེའི་དཔུང་རྡུམ་གསོལ༔ ལག་ན་ལྕགས་ཀྱུ་དགྲ་སྟ་ཐོགས༔ དབུ་ཡི་རལ་པ་ཚར་རེ་ལ༔ གཟའ་རྒོད་མིག་དམར་ཚར་དུ་འབེབས༔ སྤྲུལ་པ་དམུས་ལོང་བཅོ་ལྔས་བསྐོར༔ ལྷོ་ཕྱོགས་ལོང་བ་རྒྱབ་འབྲེལ་ནི༔ ལྕགས་ཀྱི་སྡིག་པ་ཆིབས་སུ་བཅིབས༔ ཕྱག་ན་ལྕགས་ཀྱི་ཁྱུང་ཆེན་བསྣམས༔ ན་བཟའ་གསའ་ཡི་རལ་མ་གསོལ༔ དབུ་ཡི་རལ་བ་ཚར་རེ་ལ༔ ཉི་མ་…

མཚམས་ནས་རྒྱུག་པའི་ཁྱི༔ ཤེལ་གྱི་ཁྱི་མོ་རལ་པ་ཅན༔ དཔལ་གྱི་ཁྱི་བརྒྱད་ཐུགས་དམ་ཅན༔ ཀུན་ཀྱང་འཇིགས་ཚུལ་རྔམས་པའི་གཟུགས༔ མཆེ་བ་སྤུ་གྲི་གཏམས་པ་འདྲ༔ མིག་ནི་ཉི་མའི་ཟེར་བས་འཚེར༔ དགྲ་བགེགས་སྒྲོལ་བའི་ལས་མཛོད་ཅིག༔ ཤར་གྱི་ཕྱོགས་ནས་རྒྱུག་པ་ཡི༔ དུང་གི་སྤྱང་མོ་རལ་པ་ཅན༔ ལྷོ་ཡི་ཕྱོགས་ནས་རྒྱུག་པ་ཡི༔ གསེར་གྱི་སྤྱང་མོ་རལ་པ་ཅ…

ཀྱང་འབེབས༔ ལྗགས་ལས་སྤྲུལ་པའི་ཕོ་ཉ་འགྱེད༔ མཆེ་བས་ཁམས་གསུམ་སྒྲོལ་བར་བྱེད༔ ཕོ་ཉ་ཆེན་མོ་བྱེད་རྣམས་ཀྱིས༔ མ་ཐོགས་མྱུར་དུ་འཕྲིན་ལས་མཛོད༔ རླུང་འབྲུག་སྐུ་མདོག་སྔོན་མོ་ལ༔ རིན་ཅེན་གཡུ་ཡི་འདབ་གཤོག་ཅན༔ མེ་འབྲུག་སྐུ་མདོག་དམར་མོ་ལ༔ འབར་བ་མེ་ཡི་འདབ་གཤོག་ཅན༔ ཀླུ་འབྲུག་སྐུ་མདོག་སྔོན་མོ་ལ༔ གདུག་པ་སྦྲུལ་གྱི་འདའ་གཤོག་ཅན…

ལ་བབ༔ ལྕགས་ཀྱི་ཁྱི་མོ་རལ་པ་ཅན༔ མི་མོ་ལྕགས་ཀྱི་མགོ་ཅན་ཞོན༔ ལག་ན་དུང་གི་ཕུར་བུ་འདྲིལ༔ ཤྭ་ན་མུ་ཁའི་དུས་ལ་བབ༔ ནམ་གྱི་གུང་གི་དམ་ཅན་མ༔ ནག་མོ་རལ་པས་སྟོང་ཁམས་ཁྱབ༔ ཕྱག་ན་མཆོང་གི་ཕུར་བུ་འདྲིལ༔ ཆིབས་སུ་དྲེལ་རྟ་ནག་པོ་བཅིབས༔ རེ་མ་ཏཱི་ཡི་དུས་ལ་བབ༔ སེར་ནག་རྨ་བྱའི་ཐུལ་བ་ཅན༔ ཕྱག་ན་མཆོག་གི་ཕུར་བུ་འདྲིལ༔ ཆིབས་སུ་དྲེལ་…

ནག་པོ་ལག་ན་ཕུར་བུ་༴༔ གཤིན་རྗེ་ནག་པོའི་དུས་ལ་བབ༔ ནུབ་ཕྱོགས་ཡ་བདུད་སྐྱེས་བུ་ནི༔ དམར་པོ་ལག་ན་ཕུར་བུ་༴༔ སོག་པོ་མི་ཧྲེང་དུས་ལ་བབ༔ བྱང་ཕྱོགས་གནོད་སྦྱིན་སྐྱེས་བུ་ནི༔ སྔོན་པོ་ལག་ན་ཕུར་བུ་ཐོགས༔ མོན་པ་མི་ཧྲང་དུས་ལ་བབ༔ ཤར་བདུད་དཀར་པོ་མཆེ་བ་ཅན༔ ཕྱག་ན་དུང་གི་ཕུར་བུ་༴༔ ཤར་གྱི་སྐྱེས་བུའི་དུས་ལ་བབ༔ ལྷོ་བདུད་སྔོན་པོ…

མོ་དཔལ་མོ་ལྡན༔ སྐུ་མདོག་སྔོན་མོ་མེ་ལོང་ཐོགས༔ དཀར་མོ་འབུམ་གྱི་ལས་བྱེད་མ༔ དཀར་མོ་ཆེན་མོ་དབུ་དགུ་མ༔ ལག་ན་བྷནྡྷ་སྐམ་པོ་ཐོགས༔ སེར་མོ་འབུམ་གྱི་ལས་བྱེད་མ༔ སྲིད་པའི་བུ་མོ་དམ་ཚིག་ཅན༔ ལག་ན་བྷནྡྷ་སྐམ་པོ་ཐོགས༔ སྨུག་པོ་འབུམ་གྱི་ལས་བྱེད་མ༔ སྨུག་ནག་ཆེན་མོ་དབུ་ལྔ་མ༔ ལག་ན་བྷནྡྷ་རློན་པ་ཐོགས༔ དཀར་མོ་སྟོང་གི་ལས་བྱེད་མ༔…

བ་ཅན༔ ཟངས་ཀྱི་ཝ་མོ་སྡེར་མོ་ཅན༔ དུང་གི་ཁྱི་མོ་རལ་པ་ཅན༔ མ་མོ་ཆེན་མོ་རོ་ཁ་མོ༔ ནག་མོ་ཐོད་པ་ཁྲག་བཀང་ཐོགས༔ མ་མོ་ཆེན་མོ་ཙ་མུན་ཏྲི༔ སྨུག་མོ་ཐོད་པ་ཁྲག་བཀང་ཐོགས༔ མ་མོ་ཆེན་མོ་ནམ་གྲུ་མ༔ ནག་མོ་ཐོད་པ་ཁྲག་བཀང་ཐོགས༔ རོ་ཁ་མཆེད་གསུམ་དུས་ལ་བབ༔ ཤར་གྱི་སྟག་སྲིན་ཟོར་བ་གདོང་༔ དཀར་མོ་ལག་ན་ཟོར་བ་ཐོགས༔ ལྷོ་ཡི་བཾ་སྲིན་དྲེད་མོ…