ནགས་ཚལ་གྱི་གཏམ་གཞི་ལམ་འབྲས་བུའི་སྣང་བྱེད་ཅེས་བྱ་བ། རང་བྱུང་རིག་པའི་ཀློང་སྤྲོས་པ་དང་བྲལ་བ་ལ་ཕྱག་འཚལ་ལོ། །དེ་ཡང་ནགས་ཚལ་མཐོང་ན་དགའ་ཞེས་བྱ་བ་ན། སྤང་ལྗོངས་གསེར་གྱི་མཎྜལ་ཕྱིས་པ་ལྟ་བུའི་ངོགས་སུ། འབབ་ཆུ་སྣ་ཚོགས་ལྷུང་ལྷུང་དུ་འབབ་ཅིང་གཞོལ་བ་ཕྱོགས་མཚམས་ཀུན་ཏུ་རི་དྭགས་རྣམས་བག་ཕབ་པར་རྒྱུ་ཞིང་ཕན་ཚུན་གཅིག་ཏུ་རྩེ་བ…

བ་དང་རིག་རྩལ་གྱི་ཉམས་ལྷག་པར་འབར་ཏེ། བདེ་སྟོང་ཆུ་འཛིན་སྤྲིན་སྐྱེས་གཞོན་ནུའི་དབྱངས་རྟ་ལ་དྲངས་ཏེ་འདི་སྐད་ཅེས་བཞེངས་སོ། །ཨེ་མ་ཧོ། རྟག་པ་མ་ཡིན་ངོ་བོ་སྤྲོས་པ་བྲལ། །ཆད་པ་མ་ཡིན་རང་བཞིན་འགག་པ་མེད། །ཐ་དད་མ་དམིགས་གང་ཤར་རང་ངོར་གྲོལ། །སྣང་བའི་ངོ་རུ་སྣ་ཚོགས་སྣང་བ་ཀུན། །འདུས་པའི་འཁོར་ལོར་འབྱམས་སུ་ཀླས་བ་ཉིད། །རིག་པ…

རྣམ་བཅས་བདེ་སྟོང་ཡེ་ཤེས་ཆེན་པོའི་སྒྲ། །ཆོས་ཁམས་རྒྱ་མཚོར་སྨིན་པ་འདི་ལྟར་རོ། །ལྗོན་ཤིང་གི་རྩ་བ་ནས་འདུས་པའི་ཁྲིམས་ཀྱི་གཞི་རྣམ་པར་དག་པའི་གླུ་འདི་བྱུང་ངོ་། །ཨེ་མ། དམ་ཆོས་ཀུན་གྱི་དེ་ཉིད་འདི་ཡིན་ཏེ། །ལམ་དང་སྤྱོད་པ་རྒྱ་མཚོའི་གཞིར་གྱུར་ཅིང་། །བཅུ་བདུན་བླང་བྱའི་སྙིང་པོ་དང་ལྡན་པ། །འདུལ་ཁྲིམས་རྒྱ་མཚོའི་རྩ་བ་ཡིན…

ཚིགས་སུ་བཅད་པ་འདི་དག་བྱུང་ངོ་། །སྨོན་པ་བདག་གཞན་མཉམ་བརྗེ་གཅེས་པ་སྟེ། །འགྲོ་ཀུན་དུས་གསུམ་དྲིན་དང་ལྡན་བའི་ཕྱིར། །སྲོག་ཀྱང་འདོར་ཕོད་སྙིང་སྟོབས་བསམ་པ་ནི། །ཤིན་ཏུ་བརླིང་བར་བྱས་པའི་ཡལ་ག་ལ། །ཆོས་དང་ཟང་ཟིང་མི་འཇིགས་སྦྱིན་པའི་ལམ། །སྤང་འཇུག་གཞན་ཕན་ཚུལ་ཁྲིམས་ཕ་རོལ་ཕྱིན། །གནོད་དང་ཆོས་དང་ཆོས་ཉིད་ཟབ་མོ་བཟོད། །དགེ་…

ལོང་ངོགས། །སྣ་ཚོགས་སྣང་བའི་འཆར་སྒོ་གཉིས་འཛིན་དུ། །བཟུང་བས་མཐའ་མེད་འཁོར་བའི་རྒྱ་མཚོ་བྱུང་། །དེ་ཉིད་རང་ངོར་རིག་པའི་སྐད་ཅིག་མར། །ཁྱད་ཆོས་དྲུག་ལྡན་ཀུན་ཏུ་བཟང་པོའི་ཀློང་། །མངོན་པར་བྱང་ཆུབ་སྲིད་ཞི་ཡོངས་ཀྱི་དཔལ། །ཕཊ། བཀྲ་ཤིས། ཧ་ཧ་ཧ་སྐྱགས་གཏད་མེད་བྷོ། །སྣོད་བྷོ། ཡག་བྱོ།།

བཤེས་གཉེན་ལ་སྤྲིང་བའི་གཏམ་ཐེག་པའི་འཁྲི་ཤིང་ཞེས་བྱ་བ། འཇིགས་བྲལ་འགྱུར་བདེའི་མཐའ་ལས་འདས་པའི་ཟུང་འཇུག་འཕོ་མེད་ཆུ་སྐྱེས་གསར། །བསོད་ནམས་ཡེ་ཤེས་ཚོགས་གཉིས་ཉིན་བྱེད་འཛུམ་པའི་རྟགས་ཀྱི་སོར་མོ་ཡིས། །ཉེར་ཕྱེད་དེ་ཚེ་རྣམ་ཀུན་མཆོག་ལྡན་འཁྱུད་རྒྱས་རོལ་པའི་བཅུད་ལེན་ཅན། །མཚུངས་བྲལ་བཤེས་གཉེན་སྲིད་དང་ཞི་བའི་ཐོར་ཚུགས་རྩེ…

གཏེར་ལྡན་དེ་དབང་དུ། །སོང་བ་གང་ཞིག་བདེན་པ་གཉིས་ཀྱི་ཆོས་ཚུལ་རྒྱ་མཚོའི་སྙིང་པོ་ཉིད། ༣ །བཅད་ལྷུག་སྤེལ་བའི་ཉམས་བརྒྱས་རབ་སྒེག་སྙན་པར་སྨྲ་བའི་འཛམ་བུའི་ཤིང་། །རང་བཞིན་རྐྱེན་དང་རྣམ་འགྱུར་གྱིས་མཚོན་འབྲས་བུར་སྨིན་པའི་དོག་པ་ནི། །བསྒྱུར་བགོད་འཕྲི་བསྣན་རི་མོའི་འགྲོས་ལྡན་མ་དྲོས་རླབས་ཀྱིས་བཟུང་བ་ལས། །རིག་པའི་གནས་ཀུ…

སྨིན་བྱེད་ཀྱིས་གཞུག་དམ་ཚིག་གྲོགས་བཅས་རིམ་གཉིས་འདེགས་འཇོག་བསྒྱུར་བ་ཡིས། །ཁ་སྦྱོར་བདུན་ལྡན་རིན་ཆེན་གླིང་ཕྱིན་རྟག་ཁྱབ་ལྷུན་གྲུབ་རོལ་པས་སྤྱོད། ༧ །དེ་ལྟའི་ཐེག་གསུམ་ཡིད་བྱེད་ལས་ཟླ་འདས་མངོན་སུམ་སྙིང་ཏིག་བདུད་རྩིའི་གཏེར། །གསང་སྔགས་རིགས་ཅན་ལྷ་རྣམས་ཀུན་ལ་བགོ་བཤའ་བྱེད་མོད་ཡང་དག་པའི། །ངེས་ཤེས་བརྟན་ལྡན་སྒྲ་གཅན་ཕ…

ནུར་མངོན་པར་འགྲུབ་པའི་ཀུན་མཁྱེན་དེ་ཡིས་རྗེས་བཟུང་བའི། །གྲུབ་པའི་གོ་འཕང་མཐོན་པོར་གཤེགས་པའི་རྣལ་འབྱོར་མཆོག་གི་ཕྱག་རྒྱ་ཡིས། །རྗེས་སུ་སྐྱོང་ཁྱོད་གཞན་དུ་དཀོན་མཐོང་ཡང་དག་བཤེས་སུ་ངེས་པ་རྙེད། ༡༡ །འདིར་གནས་རྨོངས་པའི་ཚོན་རིས་སྟུག་པོ་འགོག་པ་མེད་པར་ཤར་བ་ལ། །གང་གང་འཛིན་པའི་རིག་ཤེས་རྗེས་འགྲོ་ཆོས་ཚུལ་བཟུང་བའི་བུས་…

སྙིང་དབུས་སིམ་པ་ལས། །དད་པའི་རྟོག་པ་ཕྱོགས་ཙམ་མཆིས་དེའི་ཚུལ་གནས་ཐོས་བསམ་སྒོམ་གསུམ་ལ། །སྨོན་པའི་བློ་ཅན་འཇིགས་མེད་མཁྱེན་བརྩེའི་མྱུ་གུ་ཞེས་བགྱི་གཞོན་ནུ་དེས། །སྤྲིང་བ་འདིས་ཊྛམཐུས་ཐུགས་ཡིད་འདྲེས་པའི་བསམ་སྦྱོར་ཡང་དག་འགྲུབ་གྱུར་ཅིག ༡༥ །སརྦ་ས་མནྟ་ཤུ་བྷཾ་ཛ་ཡནྟ།།

༈ གསུང་གི་དབེན་གནས་དཔལ་གྱི་བསམ་ཡས་མཆིམས་ཕུ་ལ་བསྔགས་པའི་གཏམ་རྡོ་རྗེ་སྒྲ་མའི་གླུ་དབྱངས་ཞེས་བྱ་བ། ན་མོ་གུ་རུ་པདྨ་ཀྲོ་དྷ་ཡ། སྲོག་རྩོལ་བྱེད་པ་དྷུ་ཏིར་སིམ་པས་གཞོམ་དུ་མེད་པའི་ནཱ་དའི་དབྱངས། །རྒྱལ་བ་རྣམས་ཀྱི་གསུང་གི་མངོན་བརྗོད་ཟུང་འཇུག་རྡོ་རྗེའི་སྣང་བརྙན་ཅན། །འོད་གསལ་སྙིང་པོའི་དཔྱིད་དཔལ་ལ་ཆགས་བརྟན་གཡོ་ཀུན་ལ་…

དཔྱིད། །བདེ་སྟོང་བརྟུལ་ཞུགས་བདུད་རྩིས་བསྐྱེད་བསྲིངས་པའི། །གནས་འདི་ཉི་ཤུ་རྩ་བཞིའི་ཡུལ་མཆོག་དང་། །མཚུངས་པའི་བསྔགས་བརྗོད་རྡོ་རྗེའི་དབྱངས་སུ་སྙན། ༤ །གཞན་ཡང་དབང་ཆེན་གྲུབ་པའི་སློབ་དཔོན་དང་། །དཔལ་གྱི་སེང་གེ་རིན་ཆེན་མཆོག་ལ་སོགས། །རྫུ་འཕྲུལ་མཆོག་བརྙེས་དུ་མའི་རྣམ་པར་ཐར། །སྲིད་ན་སྙན་པའི་གཏམ་གྱི་ཡི་གེས་བརྗིད། ༥…

ཆུབ་སྙིང་པོའི་ཚལ་དུ་སྨིན་པ་ལས། །ཕན་བདེའི་འབྲས་བུར་རྫོགས་པའི་གྲགས་སྙན་གྱིས། །སྲིད་པ་གསུམ་ན་ཀུན་ཏུ་མཛེས་གྱུར་ཅིག ༡༠ །ཅེས་པའང་རིག་འཛིན་གྲུབ་པས་བརྟེན་པའི་སྨན་ལྗོངས་ཉམས་དགའ་བ་དེ་ཉིད་དུ་རྒྱལ་ཁམས་ཕྱོགས་མེད་ཉུལ་བའི་བུང་བ་གཞོན་ནུ་ཞིག་གིས་གསོལ་བ་བཏབ་པ་ཤུབྷོ།།

༈ ཐུགས་ཀྱི་དབེན་གནས་ལྷོ་བྲག་མཁར་ཆུ་རྡོ་རྗེའི་ཕོ་བྲང་ལ་བསྔགས་པའི་གཏམ་རྡོ་རྗེ་སྒྲ་མའི་རོལ་མོ་ཞེས་བྱ་བ། ན་མོ་གུ་རུ་ཤྲཱི་ཧེ་རུ་ཀཱ་ཡ། ཀུན་ཏུ་རྟོག་པའི་མཐའ་ལ་མི་གནས་ཆོས་དབྱིངས་ཤིན་ཏུ་ཞི་བའི་དངོས། །ཟུང་འཇུག་སྒྱུ་མའི་རྩེ་དགའ་ལ་ཆགས་དེ་ཚེ་རྟེན་དང་བརྟེན་པར་བཅས། །ཕྱི་རོལ་ཡུལ་གྱི་སྣང་ཆར་ཤར་བས་ཡིད་ཅན་རྒྱ་མཚོ་དབུགས…

བུ་མོའི་རྣ་བའི་རྒྱན་དུ་རྔམས། ༤ །སྲ་མཁྲེགས་བྲག་རིའི་བ་གམ་བརྗིད་ཆགས་ཤིང་། །ལྷུང་ལྷུང་འབབས་ཆུའི་རྒྱུད་མང་མཆོག་ཏུ་སྙན། །དགའ་ཚལ་མེ་ཏོག་ཕྲེང་བས་རབ་མཛེས་པའི། །བསམ་གཏན་གྲུབ་པ་རྣམས་ཀྱི་ངལ་འཚོའི་གཞི། ༥ །གང་འདིར་དད་པས་རྐང་སེན་བཀོད་བྱས་ནས། །དྭངས་པའི་ལྷག་བསམ་དྲི་མེད་ཆུ་གཏེར་ལས། །རབ་འཁྲུངས་མཆོད་པའི་སྤྲིན་གྱི་དཔག་…

ཡོན་ཏན་གྱི་དབེན་གནས་བསམ་འགྲུབ་ཤེལ་གྱི་བྲག་ཕུག་ལ་བསྔགས་པའི་གཏམ་རྡོ་རྗེ་སྒྲ་མའི་མཆོད་སྤྲིན་ཅེས་བྱ་བ། ན་མོ་གུ་རུ་པདྨ་ཀ་ར་ཡ། སྲིད་དང་ཞི་བའི་མཐའ་ལ་མི་གནས་བྱང་ཆུབ་དམ་པའི་རང་བཞིན་ནི། །བྲལ་སྨིན་ཡོན་ཏན་རྒྱ་མཚོའི་རང་གཟུགས་ཡིད་ཅན་ཀུན་གྱི་ངལ་འཚོའི་དཔྱིད། །རེ་ཞིག་ཚུ་རོལ་མཐོང་བའི་སླད་དུ་ངོ་མཚར་རྡོ་རྗེའི་གནས་ཆེན་པ…

གཏན་དགའ་བས་སྙེམས་པའི་གནས། །ཐོས་པ་ཙམ་གྱིས་བདེ་སྟོང་རྟོགས་པ་སྤོར། ༦ །གཡོན་ན་ལྷུན་གྲུབ་རིག་འཛིན་པདྨ་ཡིས། །བྱིན་རླབས་ཡ་མཚན་ཤེལ་གྱི་ཕུག་པ་ཞེས། །ཡོན་ཏན་བརྒྱ་ཕྲག་དུ་མས་གཏམས་པའི་ཚུལ། །དྲན་པས་དོན་གཉིས་འདོད་པ་ཅིར་ཡང་འཇོ། ༦ །དེ་སོགས་ཀུན་རྫོབ་སྤྲོས་པའི་ངོ་མཚར་གྱིས། །དོན་དམ་སྤྲོས་མེད་བདེན་དོན་ལ་སྦྱོར་བའི། །བདེན་…

སྟོན་སྤེལ་བའི་ཕྱིར། །གྲུབ་རི་འདི་ནི་པདྨ་དྲྭ་བའི་གླིང་། ༡༡ །དེ་སླད་མཐོང་ཐོས་དྲན་རེག་ཡིད་ཅན་ཀུན། །དོན་གཉིས་འདོད་དགུ་ལྷུག་པར་འཇོ་བའི་གཞི། །སྔོན་མེད་ནོར་བུའི་ཆུ་གཏེར་ཉམས་དགའ་བར། །#་ཞུགས་པའི་རྣལ་འབྱོར་གཞོན་ནུའི་ལྷག་བསམ་གྱིས། ༡༢ །ཕྱི་ནང་མཆོད་སྤྲིན་སྤྱི་དང་ཁྱད་པར་དུ། །བདེ་གཤེགས་ཀུན་འདུས་པདྨ་ཐོད་ཕྲེང་གི །ལམ…

འགྲུབ་གྱུར་ཅིག ༡༧ །མདོར་ན་ཡོན་ཏན་བདུད་རྩིའི་དོ་ཤལ་མཁའ་དང་མཉམ་པར་བཀོད་པའི་ཕུལ། །མཐའ་གཉིས་བཅོམ་པའི་གྲགས་དཀར་རབ་མཛེས་ཟླ་བ་ནོར་བུའི་སྙེམས་འཆང་བ། །ཐམས་ཅད་མཁྱེན་པའི་སྒྱུ་འཕྲུལ་རྨད་བྱུང་པདྨ་ཀ་རའི་རྣམ་ཐར་གྱིས། །ས་གསུམ་བཀྲ་ཤིས་སྣང་བ་སྦྱིན་ལ་རྟག་པ་དམ་པའི་མཆོག་བརྙེས་ཤོག ༡༨ །ཅེས་པའང་རང་ལོ་ཉི་ཤུ་པ་ཀུན་ལྡན་ལོའི་ད…

༈ ཕྲིན་ལས་ཀྱི་དབེན་གནས་མོན་ཁ་ནེ་རིང་སེང་གེའི་རྫོང་དུ་།། བགྲོད་པའི་གཏམ་རྡོ་རྗེ་སྒྲ་མའི་ངག་ཅེས་བྱ་བ། ན་མོ་གུ་རུ་བཛྲ་ཀུ་མཱ་རཱཡ། ཡོངས་གྲུབ་རིག་པ་འོད་གསལ་ཕུར་བུས་སྲིད་ཞིའི་སྤྲོས་ལ་རྒྱས་བཏབ་པས། །ཤིན་ཏུ་ཞི་བ་ཆོས་དབྱིངས་རྡོ་རྗེ་གཞོན་ནུ་གཟུགས་སྐུའི་ཕྲིན་ལས་གར། །ཀུན་བརྟགས་སྣང་ཆར་འཛུམ་པའི་མོད་ནས་ཡིད་ཅན་རྒྱ་མཚོ…