འདི་ལས་བདེ་བ་ཐོབ་པར་ཡོད་མི་འགྱུར། །ཞེས་དང་། མི་རྟག་པ་ལ་རྟག་སྙམ་སེམས་ལ་སྡུག་བསྔལ་བདེར་མངོན་དགའ། །མི་གཙང་ལུས་ལ་གཙང་བ་ཉིད་དུ་ཤས་ཆེར་ཞེན་པར་བྱེད་པ་དང་། །བདག་མེད་པ་ལ་བདག་ཅེས་འཛིན་པའི་རྡུལ་རྣམས་རྣམ་པར་བསལ་ནས་ནི། །སྐྱེ་མེད་འགག་མེད་འཆི་བ་མེད་ཅིང་རྟག་པའི་གནས་ནི་འབད་པས་མངོན་དུ་གྱིས། །ཞེས་སོ། །འདི་ལྡེབ་གསུམ་ཡོ…

ཆགས་པའི། །ཕོངས་ཉིད་བརྒལ་དཀའ་བྱིང་བ་ཇི་ལྟ་བུར། །འཕགས་པ་འགྲན་མེད་ཤིང་དྲུང་གནས་ནས་ནི། །འགྲོ་བ་སྐྱེ་དང་འགག་པ་མཐོང་བས་ན། །ཞི་བའི་བདེ་བ་ཡོངས་སྨིན་ཚེ་དགེ་བ། །མི་ལས་ཤིན་ཏུ་འཕགས་པ་ཐོབ་པར་འགྱུར། །སེམས་ཀྱི་རྣམ་པར་འཆིང་བ་གཉེན་པོ་ཡི། །སྟོབས་ཀྱིས་བསལ་བས་སྐྱེ་བྲལ་ནགས་དག་ཏུ། །རྣལ་འབྱོར་ཉེར་ཞིའི་བདུད་རྩིས་ཚིམས་གྱུར་…

དག །ཡོངས་སུ་འཛིན་པ་དག་ནི་རྣམ་སྤངས་ནས། །རང་སེམས་ཙམ་དང་རབ་ཏུ་འབྲེལ་བ་ཡི། །བདེ་འབྱུང་གང་དེ་རྒྱལ་པོ་རྣམས་ལ་མེད། །ལྗོན་ཤིང་སྔོན་པོའི་རྩེ་མོ་རླུང་དག་གིས། །རྣམ་གཡོ་ཕྲ་ལ་སྙོམས་པའི་ཆར་བབས་པའི། །མི་གཡོ་རྣམ་བརྟགས་རི་ཡི་སུལ་གནས་ནི། །དགེ་སློང་མཚན་མོ་དགེ་བ་སྐྱེད་པར་བྱེད། །སྙོགས་ཅན་འདོད་ལ་འདྲིས་པས་འཕོས་པ་ཡི། །བདག་…

ཏུ་དབེན་ཉིད་ཡང་དག་རྩོམ། །ཡུལ་གྱི་དུག་གིས་ཉེར་གདུང་བློ་ཅན་དག །ཆགས་པ་ཆུང་ངུ་དག་གིས་གདུང་གྱུར་ན། །དེ་དག་ཡོངས་སུ་སྤངས་ལ་རྩོད་མེད་པའི། །དཀའ་ཐུབ་ཀྱི་ཧུད་ཨེ་མའོ་རབ་ཉམས་གྱུར། །ཅེས་དང་། ཐར་པ་འདོད་པ་རང་གི་ཁྱིམ་སྤངས་ནས། །མི་ཤེས་གཞན་གྱི་ཁྱིམ་དག་འདོད་བྱེད་པ། །རྒྱ་མཚོ་རྣམ་པར་འཁྲུགས་པའི་རླབས་ཚོགས་ལས། །བདག་ཉིད་བརྒལ…

ཐེག་པའི་རྣམ་དབྱེ་གསལ་བར་བྱེད་པའི་གཏམ་ཉུང་ངུ་རྣམ་གསལ་ཞེས་བྱ་བ་བཞུགས། །ན་མོ་གུ་རུ་ཝེ། སྲིད་དང་ཞི་བའི་ཕ་མཐའ་ལས། །རྣམ་པར་བརྒལ་བའི་སྒྱུ་འཕྲུལ་ནི། །འདི་ན་ལྷར་བཅས་སྟོན་པ་མཆོག །ཤཱཀྱའི་གཙོ་བོས་དགེ་ལེགས་མཛོད། །གང་དེས་འགྲོ་བའི་ཁམས་དབང་དང་། །བསམ་པའི་རིམ་པར་རྗེས་མཐུན་པའི། །ཐེག་པ་སྣ་ཚོགས་ཐབས་ཚུལ་ལ། །ཕྱོགས་རེས་བསམ…

གཞན། །དཔྱད་འོས་མཐའ་དག་ཀུན་རྫོབ་འདོད། །ཕྱི་མས་གཟུང་འཛིན་ཕྲ་བདེན་འགོག །བཏགས་ཡོད་ཙམ་དུ་ལྐོག་ན་མོས། །བསྐྱེད་ཅེས་སྨྲ་ཞིང་འདུས་མ་བྱས། །རྐྱེན་ལས་གྲོལ་ཕྱིར་རྫས་ཡོད་མིན། །གཉིས་ཀའི་སྒོམ་པ་སྡུག་བསྔལ་དང་། །ཀུན་འབྱུང་འགོག་པ་ལམ་བདེན་ཏེ། །དེ་ལའང་བཞི་བཞིར་དབྱེ་བྱས་ནས། །བདེན་བཞི་རྣམ་པ་བཅུ་དྲུག་བསྒོམ། །སྤྱོད་པ་རང་ཉིད…

ཚུལ་ཁྲིམས་དྲི་མ་བྲལ་བ་ལ། །ཡིད་རབ་དྭངས་བས་སྦྱོར་བ་བྱེད། །འབྲས་བུ་བསེ་རུ་བསྐལ་བརྒྱ་དང་། །ཚོགས་སྤྱོད་མི་ཚེ་གསུམ་དག་གིས། །རང་ཉིད་གཅིག་པུར་བྱང་ཆུབ་ཏུ། །འགྲོ་ལས་གཞན་ཕྱིར་དམིགས་པ་མིན། །གསུམ་པ་བྱང་སེམས་ཐེག་པ་ནི། །དམན་ལམ་ཉིད་ལས་ལྡོག་བྱས་ཏེ། །ཆེན་པོ་བདུན་གྱིས་འཕགས་པའི་ཕྱིར། །རྒྱལ་བའི་སྲས་ཀྱི་འབྱུང་གནས་མཆོག །འ…

མིན་དང་རྣམ་གྲངས་པའི། །དོན་དམ་ཞེས་སུ་ཐ་སྙད་མཛད། །ཁྱད་པར་གཏན་ཚིག་ཆེན་པོ་ལྔས། །ཆོས་ཀུན་སྟོང་པར་བློས་གཞལ་ཏེ། །དེ་ཡང་དངོས་ཀུན་བདག་གཞན་དང་། །གཉིས་ཀའམ་ནི་རྒྱུ་མེད་ལས། །སྐྱེ་བ་ནམ་ཡང་གྲུབ་པ་མེད། །དེ་ཡི་ཕྱིར་ན་རང་བཞིན་བྲལ། །ཡོད་པ་སྐྱེ་བ་རིགས་མིན་ཏེ། །མེད་པ་ནམ་མཁའི་པདྨོ་བཞིན། །དུ་མའི་དངོས་ཀྱི་གཅིག་མིན་ཏེ། །གཅི…

གཞན་གྱི་རྩོད་ངོར་བསྔགས་པ་ནི། །ཐལ་འགྱུར་ཉིད་དོ་རྩེ་གཅིག་ཏུ། །མཉམ་པར་བཞག་པའི་རྣལ་འབྱོར་དོན། །ཕྲ་བ་ནང་གི་དབུ་མའང་བསྟན། །དེ་ཡིས་ཆོས་རྣམས་ཀུན་བརྟགས་དང་། །གཞན་དབང་ཡོངས་གྲུབ་གསུམ་དུ་བསྟན། །སོ་སོར་གཉིས་ཏེ་དབྱེ་བས་དྲུག །སྦྱོང་གཞི་བདེ་གཤེགས་སྙིང་པོ་ནི། །སྣང་ཆས་གཟུགས་སྐུ་སྟོང་ཆ་ཡིས། །ཆོས་སྐུའི་ཡོན་ཏན་ལྷུན་གྱིས…

པའི། །གཏམ་གྱིས་ཉན་རང་ཐེག་པ་བསྟན། །བར་པས་བདག་ལས་ལྡོག་བྱས་ཏེ། །བདག་མེད་དབུ་མའི་ལམ་བཟང་འཆད། །ཐ་མས་ལྟ་གཞི་ཀུན་སྤངས་ནས། །ངེས་དོན་སྙིང་པོའི་སྒྲ་ཆེན་བསྒྲགས། །་དེ་ལྟར་ཉན་ཐོས་རྣམ་གཉིས་དང་། །ཐེག་ཆེན་དབུ་སེམས་བཞི་པོ་ལ། །གྲུབ་མཐའ་སྨྲ་བ་རྣམ་བཞི་ཞེས། །རིག་པའི་དབང་ཕྱུག་རྣམས་ཀྱིས་ཕྱེ། །བྱང་ཆུབ་སེམས་དཔའི་སྒོམ་པ་ནི། …

རྐང་པ་བཞི་ལ་བརྟེན་བྱས་ནས། །ཚོགས་ལམ་ཆེ་འབྲིང་ཆུང་གསུམ་ཐོབ། །དད་བརྩོན་དྲན་ཏིང་ཤེས་རབ་ཉིད། །དབང་པོ་ལྔ་དང་སྟོབས་ལྔ་རུ།་།རིམ་གྱིས་རྫོགས་པའི་བྱེད་ལས་ཀྱིས། །སྦྱོར་བའི་ལམ་དུ་ངེས་པར་འགྲོ། །དྲན་དང་ཆོས་རབ་རྣམ་འབྱེད་ཀྱི། །བརྩོན་འགྲུས་ཀྱིས་མཚོན་བྱང་ཆུབ་ཀྱི། །ཡན་ལག་བདུན་གྱིས་མཐོང་ལམ་དུ། །དང་པོའི་ས་མཆོག་བརྙེས་ཞེས་…

རྣམ་གསལ་ལས། རྒྱུ་མཚན་ཉིད་ཀྱི་རིམ་པ་ཅུང་ཟད་ཕྱེ་བའི་ཚོམས་ཏེ་དང་པོའོ།། །།སྲིད་དང་ཞི་བའི་ཆོས་རྣམས་ཀུན། །རྣམ་པ་ཀུན་ལྡན་ཕྱག་རྒྱ་ཡིས། །མི་ཕྱེད་བསྡམས་པའི་རྡོ་རྗེ་འཛིན། །ཁྱབ་བདག་བླ་མར་ངེས་པས་འདུད། །དེ་ལྟར་ཐུན་མོང་ཐེག་པ་ཡིས། །རང་རྒྱུད་ལེགས་པར་སྦྱངས་པའི་རྗེས། །མྱུར་ལམ་རིག་པ་འཛིན་པ་ཡི། །སྡེ་སྣོད་ཉིད་ལ་འཇུག་པར་བ…

དྲངས་རྗེ་ཡི་འདུ་ཤེས་དང་། །རང་ཉིད་བྲན་གྱི་ཚུལ་དུ་མོས། །སྟོང་པ་ཡི་གེ་སྒྲ་དང་གཟུགས། །ཕྱག་རྒྱ་མཚན་མའི་ལྷ་དྲུག་བསྒོམ། །སྤྱོད་ལམ་ཁྲུས་གསུམ་བཏུང་བ་དང་། །དཀར་གསུམ་ཟས་དང་གོས་གསུམ་བརྗེ། །ལ་སོགས་བྲམ་ཟེའི་ངང་ཚུལ་ལྟར། །གཙང་སྦྲ་ཁོ་ན་དོན་དུ་གཉེར། །དཀོན་མཆོག་སྔགས་ལ་དད་པ་དང་། །ཐེག་ཆེན་ལ་མོས་བླ་མར་གུས། །ལྷ་རྣམས་མི་ལྡ…

བཅས་མཚན་མེད་ཀྱི། ཏིང་ངེ་འཛིན་གྱིས་དངོས་གྲུབ་ལེན། །སྤྱོད་པ་བྱ་བའི་རྒྱུད་བཞིན་ལ། །མི་དགེ་བཅུ་པོ་སྤོང་བའི་སྟེང་། །དམ་པའི་ཆོས་དང་བྱང་ཆུབ་སེམས། །དོར་ཞིང་སེར་སྣས་བཅིངས་པ་དང་། །སེམས་ཅན་འཚེ་བའི་ལས་རྣམས་ཀུན། །བསྡམས་པའི་རྩ་ལྟུང་བཅུ་བཞི་བསྲུང་། །འབྲས་བུ་གནས་སྐབས་རྫས་རླུང་གི །སྦྱོར་བས་རིག་པ་འཛིན་གྲུབ་ཅིང་། །མཐར…

བརྙེས། །སྤྱོད་པ་ཁྲུས་དང་བཟླས་པ་སོགས། །ལུས་ངག་ལས་ཀྱང་མི་འདོར་ཞིང་། །གཙོ་བོར་ཡིད་ཀྱི་རྣལ་འབྱོར་ལ། །བརྟེན་པ་བསྐྱེད་ནས་ཉམས་སུ་ལེན། །བྱང་ཆུབ་སེམས་ཀྱི་གཞི་བཟུང་ནས། །ཚུལ་ཁྲིམས་གསུམ་ལ་ལེགས་བསླབས་ཤིང་། །མི་བསྐྱོད་རྡོར་དྲིལ་ཕྱག་རྒྱ་འཆང་། །རིན་འབྱུང་ཆོས་ནོར་མི་འཇིགས་བྱམས། །སྦྱིན་ཞིང་སྣང་མཐར་ཐེག་ཀུན་འཛིན། །དོན་…

ཉིད་ཆེའི། །གཏན་ཚིགས་དག་ལ་བརྟེན་ནས་འཇལ། །བདེན་གཉིས་རྣམ་དབྱེར་མི་ཕྱེད་པ། །ལྷག་པའི་ཆོས་སྐུ་ལྟ་བར་འདོད། །འཆི་བར་སྐྱེ་བའི་བག་ཆགས་རིམ། །སྦྱོང་བྱེད་སྟོང་པ་སྙིང་རྗེ་དང་། །#་ཕྱག་རྒྱ་གཅིག་སྤྲོས་ཚོགས་སྒྲུབ་རྣམས། །བསྐྱེད་དང་རྫོགས་པར་སྦྱར་ནས་བསྒོམ། །གཞན་ཡང་སྟེང་འོག་སྒོ་གཉིས་ལ། །བརྟེན་ནས་ཟག་མེད་བདེ་བ་མྱོང་། །འདི་…

ཞི་བའི་དབྱིངས། །ཆོས་ཉིད་རང་རྩལ་འགག་མེད་པ། །ཡེ་ཤེས་ཕ་རོལ་ཕྱིན་པ་གཉིས། །མི་ཕྱེད་བྱང་སེམས་དཀྱིལ་འཁོར་མཐོང་། །ཐབས་ལམ་སྟེང་འོག་མན་ངག་གིས། །འབར་འཛག་སྦྱོར་བ་བསྒོམ་པ་དང་། །གྲོལ་ལམ་རྟོག་དཔྱོད་དོན་དང་ནི། །ཡི་གེ་ཡིད་ཀྱི་རྗེས་འགྲོ་བས། །ཇི་བཞིན་ཉིད་ཀྱི་དབྱིངས་བརྙེས་ཏེ། ཀུན་རྫོབ་དོན་དམ་ལམ་ཁྱེར་རོ། །སྤྱོད་པ་རྫོགས་…

ས་བོན་བཅས་པ་བཅོམ་པའི་མཐར། །འབྲས་ཆོས་ཉེར་ལྔར་དབང་འབྱོར་བའི། །བླ་མེད་བྱང་ཆུབ་སྙིང་པོར་འགྲོ། །གཉིས་མེད་ཨ་ཏི་ཡོ་ག་ལ། །འཇུག་སྒོ་སྤྱིར་བཏང་དབང་གསུམ་པའི། །འགྱུར་བདེའི་དཔེ་ལ་མི་ལྟོས་པར། །བཞི་པས་མངོན་སུམ་ཅར་ཕོག་ཏུ། །ངོ་སྤྲོད་རིག་པའི་རྩལ་དབང་དང་། །ཁྱད་པར་མན་ངག་སྡེ་པ་ཡིས། །སྤྲོས་བཅས་སྤྲོས་པ་མེད་པ་དང་། །ཤིན་ཏུ་…

གཉུག་མའི་ངང་དུ་རྫོགས། །ཡིད་ཆོས་རིག་པའི་སྙིང་པོ་ལ། །མེད་ཕྱལ་གཅིག་པུ་ལྷུན་གྲུབ་ཀྱི། །དམ་ཚིག་འདའ་དཀའི་ཕྱག་རྒྱས་བཏབ། །འབྲས་བུ་ནང་གསལ་ཆོས་སྐུའི་སྦུབས། །གཞི་གྲོལ་དོན་གྱི་བཙན་ས་ཟིན། །ཁ་སྦྱོར་ལོངས་སྐུའི་སྣང་ཆ་དང་། །སྤྲུལ་པའི་ཟློས་གར་རྒྱུན་མི་འཆད། །དེ་ལྟར་རྣམ་གསུམ་ཡོ་གའི་གཞུང་། །ཤིན་ཏུ་བརྟག་དཀའ་རྡོ་རྗེའི་ཚིག…

པ་ཆེ། །འོག་མིན་ཞིང་དུ་སངས་རྒྱས་ཀྱང་། །ཚུར་མཐོང་འགྲོ་བ་སྒྲོལ་བའི་ཕྱིར། །རྡོ་རྗེ་གདན་དུ་བྱང་ཆུབ་བརྙེས། །དེ་ནས་རིང་མིན་དུས་ཀྱི་ཚེ། །དྲང་སྲོང་ལྷུང་བ་རི་དྭགས་ཀྱི། །ནགས་སུ་ལྔ་སྡེ་ལ་སོགས་ཆེད། །བདེན་བཞིའི་ཆོས་འཁོར་ལན་གསུམ་བཟླས། །བདག་ལྟའི་ཞེན་པ་བཟློག་པའི་ཆེད། །བྱ་རྒོད་ཕུང་པོ་ལ་སོགས་སུ། །ཐེག་པ་ཆེན་པོའི་རིགས་ཅ…