གཟིགས་ནས་ཀྱང་། །ཞབས་ཀྱིས་བཅགས་ཤིང་དོན་གྱིས་ནི། །གནས་རི་བྱིན་གྱིས་རླབས་པར་ངེས། །རིག་འཛིན་སེམས་དཔའ་མཆོག་རྣམས་ཀྱིས། །གནས་བྱིན་གྱིས་བརླབས་པའི་ལེའུ་སྟེ་གཉིས་པའོ།། ༈ །།གསུམ་པ་གནས་སྒོ་འབྱེད་ཚུལ་ནི། །སྔོན་ཚེ་སློབ་དཔོན་པདྨ་ཡིས། །གནས་ཆེན་གནས་ཕྲན་ཐམས་ཅད་ལ། །ཡེ་ཤེས་ལས་དང་འཇིག་རྟེན་གྱི། །བཀའ་སྲུང་སྒོ་སྲུང་མང་དུ་…

སྐོར་མཁན་ཉུང་། །ལ་ལ་བར་སྐབས་གནས་སྒོ་ཕྱེས། །ད་རུང་འགྲོ་དོན་མ་རྫོགས་པས། །སྐོར་མཁན་དག་ཀྱང་ཅི་རིགས་འབྱུང་། །ལ་ལ་ད་རུང་དུས་མ་བབས། །མ་འོངས་དུས་ལ་བབ་པའི་ཚེ། །གནས་སྒོ་ཕྱེ་བས་འགྲོ་དོན་འབྱུང་། །གནས་སྒོ་ཕྱེ་མཁན་གང་ཟག་ནི། །བླ་མ་སྔགས་པ་མི་སྐྱ་དང་། །སྨོན་པ་བྱ་བྲལ་རྟོགས་ལྡན་སོགས། །ལྟར་སྣང་བཟང་ངན་ཅི་བྱུང་ཡང་། །སྤྲུ…

གནས། །གཡས་ཀྱི་བྲག་དཀར་གནམ་འཕྱོང་གཏེར་ཁ་ནི། །མི་བཞག་འདོན་པའི་རྟགས་དེ་བསྟན་ནས་བླང་། །གཏེར་སྟོན་མི་འགྱུར་རྡོ་རྗེ་ཞེས་བྱ་འབྱུང་། །ཁམས་ཀྱི་ཕྱོགས་ཀྱི་གཏེར་ཁ་བརྒྱ་ལ་དབང་། །ཞེས་གསུངས་དེ་བཞིན་རྒྱལ་པོ་བཀའ་ཐང་ལས། །ཤཱཀྱའི་ཞིང་ཁམས་མདོ་ཁམས་ཞེས་པ་ན། །གསང་སྔགས་ཐེག་ཆེན་སྤྱོད་པའི་རྣལ་འབྱོར་པ། །སྔགས་ཀྱི་བདག་པོ་རྡོ་རྗེ…

འབྱུང་། །གཏེར་སྟོན་ཁྱོད་དང་རྟེན་འབྲེལ་འགྲིགས་པའམ། །འོན་ཏེ་ཡིན་ཀྱང་མ་འོངས་ཆོས་ལ་སྤྱོད། །ཅེས་གསུངས་བདུད་འདུལ་རྡོ་རྗེའི་གཏེར་ཁ་ནས། །ཤུད་བུ་དཔལ་སེང་བླ་མ་ཡབ་ཡུམ་གྱིས། །རིན་ཆེན་མཎྜལ་སྤྱི་བོའི་གཙུག་ཏུ་ཕོག །ཡི་དམ་ལྷ་དབང་རིག་པའི་རྩལ་དབང་ཐོབ། །མ་འོངས་མདོ་ཁམས་རི་ཆེན་ཉེ་བ་ན། །རྡོ་རྗེའི་མིང་འཛིན་ཁ་བྱང་འཛིན། །མཐོ…

སྟེ། །གཏེར་དང་གནས་སྒོ་ཕྱེ་བར་གསུངས། །ལུང་བསྟན་དེ་དང་རྗེས་མཐུན་པར། །དང་པོ་དབང་དྲག་རྒྱ་མཚོ་དེ། །ཞིང་བརྗེས་དམྱལ་བའི་གནས་སུ་བྱོན། །འབྲེལ་ཐོགས་འགྲོ་བ་དཔག་མེད་པ། །དྲངས་ཚུལ་བར་དོའི་རྣམ་ཐར་ཡོད། །སྔོན་གྱི་གཏེར་ཁ་འགའ་རེ་ནས། །གཡོ་སྟོད་ཕྱོགས་སུ་འཁྲུངས་གསུངས་ལྟར། །དེ་རུ་སྐྱེ་བ་གཅིག་བླངས་ཀྱང་། །བར་ཆད་དབང་གིས་ཆུང་…

བསང་མཆོད་བརྔན། །ཡེ་ཤེས་ལྷ་ལ་ཚོགས་མཆོད་ཕུལ། །དེ་ནས་ལྷ་ངོ་སྤྲད་པར་མཛད། །སྤྲད་ཚུལ་གནས་ཡིག་ཉིད་ལ་གསལ། །གནས་སྒོ་ཕྱེ་བའི་ལེའུ་སྟེ་གསུམ་པའོ།། ༈ །དེ་ནས་གནས་ཆེན་གནས་ཕྲན་འདི་རྣམས་བོད་དུ་ཡོད་ཚུལ་གྱི་ལུང་བསྟན་ནི། འདུལ་བ་ལུང་ལས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བྱང་ཕྱོགས་གངས་རིའི་ཁྲོད་ན་ས་རྡོ་བེམ་པོས་ཀྱང…

ལྔ། གན་འཇང་། ཧུ་དང་ལི་ཡུལ། གྲུ་གུ་ཀོང་པོ་རྒྱ་ལ། མོན། སྟག་སྒོ། བུམ་ཐང་། སྤོམ་ཎེ་ལ་སོགས་ཐམས་ཅད་དུ། སྒྲུབ་གནས་གཏེར་སྒོ། ས་གཞི་ཐམས་ཅད་བྱིན་གྱིས་བརླབས་ཤིང་། འགྲོ་དོན་དཔག་ཏུ་མེད་ཅིང་ཐམས་ཅད་སྨིན་གྲོལ་ལ་བཀོད་དོ། །མཆོག་གི་སྒྲུབ་གནས་ལྔ། ངོ་མཚར་གྱི་གནས་མཆོག་ཉི་ཤུ་རྩ་ལྔ། གནས་ཆེན་བརྒྱ་དང་རྩ་བརྒྱད། གནས་ཕྲན་སྟོང་ད…

རྒྱས་རྣམས་ཀྱི་སྤྲུལ་པ་ནི། །ས་རྡོ་རི་བྲག་ལམ་འཕྲང་ལ་སོགས་སུ། །སྐུ་གསུང་ཐུགས་ཀྱི་སྤྲུལ་པ་རང་བྱུང་འབྱོན། །དེ་མཐོང་ཐོས་དང་འབྲེལ་པ་ངན་སོང་མེད། །ཕྱོགས་ནི་མ་ངེས་ཕྱོགས་མཚམས་དབུས་ལ་སོགས། །ཉེ་རིང་མེད་ཕྱིར་ཀུན་ལ་འབྱོན་པར་འགྱུར། །དེ་བཞིན་དུས་ལ་ངེས་མེད་ནམ་ཡང་འབྱོན། །ཡུལ་ལ་ཚད་བཟུང་མེད་དེ་འཁོར་མཐའི་བར། །ཞེས་གསུངས་ས…

བ་བྱས་པ་ནི། །དྲན་དང་ལྡན་ཞིང་བློ་གྲོས་ལྡན། །ཁ་དོག་ལྡན་ཞིང་མཛངས་པ་དང་། །ཐམས་ཅད་དུ་ནི་མཆོད་པར་འགྱུར། །མཆོད་རྟེན་བསྐོར་བ་བྱས་པ་ནི། །ལྷ་དང་དེ་བཞིན་མི་རྣམས་ཀྱིས། །ཚེ་རིང་པ་ཡང་དེ་ཡིས་ཐོབ། །གྲགས་པ་ཆེན་པོ་འཐོབ་པར་འགྱུར། །མཆོད་རྟེན་བསྐོར་བ་བྱས་ན་ནི། །འཛམ་བུ་གླིང་གི་རིགས་ཀྱི་མཆོག །ཆེ་རིགས་ཡོངས་སུ་དག་པ་དང་། །བླ…

སྔགས་ལྡན་པར་འགྱུར། །མཆོད་རྟེན་བསྐོར་བ་བྱས་ན་ནི། །ཁྱིམ་བདག་ཆེ་ཞིང་མཐོ་བར་སྐྱེ། །ཕྱུག་ཅིང་ནོར་ཡང་མང་བ་དང་། །ནོར་དང་འབྲུ་དང་ལྡན་པར་འགྱུར། །འཛམ་བུ་གླིང་གི་མངའ་བདག་རྗེ། །ས་སྟེང་མཐོ་དག་དབང་བྱེད་པའི། །ཆོས་དང་ལྡན་པའི་རྒྱལ་པོར་འགྱུར། །རིན་ཆེན་བདུན་དང་ལྡན་པ་ཡི། །འཁོར་ལོས་སྒྱུར་བའི་རྒྱལ་པོ་སྟེ། །ཆོས་བཞིན་འཁོར་…

བརྒྱ་བྱིན་དང་། །ལྷ་ཡི་དབང་པོ་ཆེན་པོར་འགྱུར། །མཆོད་རྟེན་བསྐོར་བ་བྱས་ན་ནི། །མཐའ་བྲལ་ལྷ་ཡི་རྒྱལ་པོ་དང་། །དེ་བཞིན་ཡོངས་སུ་དགའ་ལྡན་དང་། །འཕྲུལ་དགའ་གཞན་འཕྲུལ་དབང་བྱེད་འགྱུར། །མཆོད་རྟེན་བསྐོར་བ་བྱས་ན་ནི། །ཚངས་པའི་འཇིག་རྟེན་ཚངས་པ་ཡི། །དབང་པོ་ཉིད་དུ་དེ་འགྱུར་ཞིང་། །ལྷ་རྣམས་བྱེ་བ་སྟོང་གིས་མཆོད། །མཆོད་རྟེན་བསྐ…

བོར་བའི། །འཛམ་བུ་ཆུ་ཀླུང་གསེར་སྲང་འབུམ་གྲངས་རྙེད། །དེ་ནི་དེ་དང་མཚུངས་པ་ཡོད་མ་ཡིན། །མཁས་པ་གང་གིས་སངས་རྒྱས་མཆོད་རྟེན་ལ། །དགའ་བའི་སེམས་ཀྱིས་གོམ་པ་གཅིག་བོར་བའི། །འཛམ་བུ་ཆུ་ཟླ་གསེར་གྱི་ཕ་ཝང་འབུམ། །དེ་ནི་དེ་དང་མཚུངས་པ་ཡོད་མ་ཡིན། །ཞེས་སོགས་གསུངས་པ་དང་། རྒྱལ་པོ་གསལ་རྒྱལ་གྱིས་ཞུས་པའི་མདོ་ལས། སུ་དག་དད་པ་ཐོབ་པ…

ནུས། །ཞེས་དང་། མཆོད་རྟེན་བསྐོར་བ་བྱས་ན་ནི། །བརྩོན་འགྲུས་བརྟན་ཞིང་མཐུ་བརྟན་ལ། །བརྟན་ཞིང་རྣམ་པར་སྟོན་བརྟན་དང་། །དེས་ནི་མྱུར་དུ་མཁས་པར་འགྱུར། །ཞེས་སོགས་བཅོམ་ལྡན་འདས་ཀྱིས་བསྐོར་བའི་ཕན་ཡོན་མཐའ་ཡས་པ་གསུངས་པའི་ཕྱིར་བསྐོར་བ་བཅུ་གསུམ་དུང་ཕྱུར་དང་མཉམ་པའོ། །དེ་ཡང་ཕལ་པ་རྣམས་བསྐོར་བ་སུམ་བརྒྱ་དྲུག་ཅུ་བྱས་པ་དང་། ཨ…

འདི་དལ་བ་ཞིག །མདོག་ལྡན་གཟུགས་ནི་ཕུན་སུམ་ཚོགས། །མཚན་གྱིས་ལེགས་པར་བརྒྱན་པ་དང་། །མཐུ་དང་སྟོབས་དང་ལྡན་པར་འགྱུར། །ལེ་ལོ་ཅན་དུ་དེ་མི་འགྱུར། །དེ་ནི་ཕྱུག་ཅིང་ནོར་འཕེལ་འགྱུར། །བསོད་ནམས་ལྡན་ཞིང་རྫི་བ་མེད། །འཇིག་རྟེན་སྒྲོན་མ་མཉེས་བྱས་ནས། །ཡང་དང་ཡང་དུ་བསྟི་སྟང་བྱེད། །ཚོང་དཔོན་ཁྱིམ་དང་རྒྱལ་པོ་དང་། །ཕྱུག་པོ་རྣམས་…

ནི། །མཆོད་རྟེན་ཕྱག་འཚལ་དེ་ཡི་བསོད་ནམས་ཆེས་མང་ངོ། །ཞེས་གསུངས་སོ། །མར་མེ་ཕུལ་བའི་ཕན་ཡོན་ཡང་། མདོ་དེ་ཉིད་ལས། སངས་རྒྱས་མཆོད་རྟེན་མར་མེ་གཅིག་ཕུལ་ན། །འདི་ནས་བཟུང་སྟེ་སྲིད་པའི་རྩེ་མོའི་བར། །སངས་རྒྱས་ཞིང་གི་འཛམ་གླིང་གསེར་གྱིས་གང་། །དེ་འདྲའི་དཔའ་དེ་ཟད་པར་བྱ་མི་ནུས། །བཅོམ་ལྡན་མཆོད་རྟེན་མར་མེ་ཕུལ་བྱས་ན། །དེ་ཡི…

སོ། །བདེ་བར་གཤེགས་པའི་མཆོད་རྟེན་རང་བྱོན་དུ་ཡོད་པའི་གནས་བཟང་པོ་འདི་ལྟ་བུ་ལ། དར་ལྕོག་བཙུགས་པའི་ཕན་ཡོན་ཡང་འཕགས་པ་སྤྱན་རས་གཟིགས་ཀྱི་མདོ་ལས། འཇིག་རྟེན་མགོན་པོ་སྐྱོབ་པ་ལ། །དར་གྱི་དབུལ་བ་ཕུལ་བྱས་ནས། །ལྷ་ཡི་དག་དང་མི་རྣམས་ཀྱིས། །དོན་རྣམས་ཐམས་ཅད་འགྲུབ་པར་འགྱུར། །ཞེས་དང་། འཇིག་རྟེན་འགྱུར་ཞེས་མོས་བསྐྱེད་དེ། །བཅ…

པས་དར་ཅོག་ཕུལ་ན། རླུང་རྟ་དར་ཞིང་བསོད་ནམས་སྐྱེའོ། །ས་གཞན་དུ་དར་ཅོག་སུམ་བརྒྱ་དྲུག་ཅུ་བཙུགས་པ་དང་། གནས་འདིར་དར་ཅོག་གཅིག་བཙུགས་པ་ཕན་ཡོན་མཉམ་མོ། །དེ་བཞིན་དུ་ཚོགས་མཆོད་ལ་སོགས་པ་ཡང་གཞན་དུ་བྱས་པ་བས་གནས་བཟང་པོ་འདི་ལྟར་བུར་བྱས་ན་ཕན་ཡོན་ཆེ་སྟེ། དཔའ་བོ་ཌཱ་ཀི་རང་བཞིན་གྱིས་འདུ་བའི་གནས་ཡིན་ནོ། །དེ་ནས་གནས་འདི་ལ་རང་…

གཉིས་ཡོད། །གནས་ནི་དེ་དག་ཐམས་ཅད་ལ། །དགེ་བའི་ལས་ནི་གང་བྱས་པ། །འགྱུར་ནི་སུམ་བརྒྱ་དྲུག་ཅུ་ཡོད། །ངོ་མཚར་གནས་མཆོག་ཉེར་ལྔ་ལགས། །སྤོམ་ཎེ་རྡོ་རྗེའི་བྲག་ར་ན། །མདུན་རི་མཆོད་པ་སྤུངས་འདྲ་ཡོད། །གཡས་རི་རྟ་མཆོག་འདྲ་བ་ཡོད། །རྒྱབ་རི་གླང་ཆེན་འགྱིང་འདྲ་ཡོད། །གཡོན་རི་ནམ་མཁའ་བཏེག་འདྲ་ཡོད། །ཕུག་པ་སེར་པོ་གྲུ་བཞི་ཡོད། །དེ་ག…

བྱོན་པའི། །སེང་གེའི་ལག་གཉིས་རྗེས་ཀྱང་ཡོད། །ཕྱག་གི་རྡོ་རྗེའི་རྗེས་ཀྱང་ཡོད། །གུ་རུ་དྲག་པོའི་སྐུ་རྗེས་ཡོད། །ལྷ་ཡི་ཡུལ་ནས་གདན་དྲངས་པའི། །གསེར་གྱི་ལྷ་ལུག་གཟུགས་ཀྱང་ཡོད། །བར་དོར་བསྒྲོད་པའི་འཕྲང་ཡང་ཡོད། །མཁའ་འགྲོའི་དར་ཐག་འཐེན་ས་ཡོད། །མཁའ་འགྲོ་མ་ཡི་དབུ་རྒྱན་ཡོད། །རུས་སྦལ་ཕྲག་ལ་འཕྱང་བ་ཡོད། །སེང་གེ་ཕྱི་ལྟས་བྱ…

ཡོད། །ཐུབ་པས་དཀའ་ཐུབ་མཛད་པ་ཡོད། །ཚེམས་ཤིང་གཉིས་དང་ཆུ་གཉིས་ཡོད། །མཆོད་རྟེན་རྣམ་དག་དྲུང་དུ་ནི། །དབུ་སྐྲ་བསིལ་བའི་ཚུལ་ཡང་ཡོད། །ལུམ་བི་ཚལ་དུ་སྐུ་འཁྲུངས་ཡོད། །ལྷུམས་སུ་སེམས་ཅན་ཆོས་སྟོན་གཟུགས། །གླང་ཆེན་ཐལ་དཀར་གཟུགས་ཀྱིས་ནི། །ལྷ་ལས་བབས་པའི་ཚུལ་ཀྱང་ཡོད། །རིལ་བ་བུམ་པའི་མཆོད་རྟེན་ཡོད། །གྲོང་ཁྱེར་སེར་སྐྱའི་སྒོ…