རྫོགས་རིམ་སྒོམ་པར་འདོད་པ་རྣམས་ལ་ནི། མཆོག་དབང་ཡང་སྦྱིན་ཏེ། སྒོས་སུ་གསོལ་བ་འདེབས་པ་མེད་ན། བུམ་དབང་ཙམ་བསྐུར་བ་དང༌། བསྙེན་པ་མ་སོང་བ་ལ་དྲག་པོའི་དབང་རྒྱས་པ་མི་བྱེད་པར་བཞེད་དོ། །གང་ལྟར་ན་ཡང་སློབ་མ་ལ་དབང་བསྐུར་བའི་བྱ་བ་རྫོགས་པ་ན། འགྲུབ་ན་ཞི་བའི་སྦྱིན་བསྲེག་བྱ་ཞིང༌། སློབ་མའི་སྲིན་ལག་གཡས་པ། སློབ་དཔོན་གྱི་གཡོན…

དང་འཕན་གདུགས་སོགས་ཀྱིས་སྤྱན་དྲངས་ཏེ། ཨོཾ་གི་ལི་གི་ལི་ཧཱུཾ་ཛཿ ཞེས་པས་ཆུ་བོ་ཆེན་པོར་དོར་རོ། །དེ་ནས་ནང་དུ་འོངས་ལ་རྡོ་རྗེ་སྐམ་པའི་ཕྱག་རྒྱས་ཕུར་བུ་རྣམས་སྔར་བཏབ་པའི་རིམ་པས་ཕྱུངས་ཤིང༌། ཨོཾ་རུ་རུ་སྤུ་རུ་སོགས་ཀྱིས་ཕུར་བུ་དང་ཕུར་སྟན་འོ་མས་བཀྲུ། མཐར་དགའསྟོན་དང་བཀྲ་ཤིས་རྒྱ་ཆེར་བྱའོ། །གང་ཐུགས་འཇམ་པའི་དཔལ་གྱི་རང་…

ཉེར་དགུ་པ་ལ་དཔལ་ཇོ་མོ་ནང་གི་གཙུག་ལག་ཁང་དུ་སྦྱར་བའོ།། །།བཀྲ་ཤིས། དགེ་ལེགས་འཕེལ། ཅོ་གྲུ་རིན་ཆེན་རྒྱལ་མཚན་དང༌། ཞང་རིན་ཆེན་འོད་ཟེར་དང༌། འཛིན་པ་རིན་ཤེ་དང༌། ཀུན་མཁྱེན་སང་གྷ་བྷ་དྲ་སོགས་ཀྱི་ཡིག་ཆ་རྣམས་ལའང་འདྲིས་པར་བྱས། གཙོ་བོར་གཅུང་རྡོ་རྗེ་རྩེ་མོའི་བཤད་འབུམ་ཆེ་ཆུང་དང་དཀྱིལ་ཆོག་རྣམས་དང་སྦྱར་ཏེ་ལ་ལི་ཏའི་གཞུང་…

གཤིན་རྗེ་གཤེད་ནག་པོའི་ཁྲིད་ཡིག་ཞང་ལུགས་བཞུགས།

དཔལ་ལྡན་གཤིན་རྗེ་གཤེད་པོ་དང༌། །བླ་མ་མཆོག་ལ་གུས་བཏུད་ནས། །རྒྱུད་རྒྱལ་ལེའུ་བཅོ་བརྒྱད་པའི། །དགོངས་དོན་རྫོགས་རིམ་བྲི་བར་བྱ། །འདིར་དཔལ་གཤིན་རྗེ་གཤེད་ཀྱི་རྒྱུད་ལ་གཞོལ་བ། རྫོགས་རིམ་གྱི་སྐལ་བ་ཅན་དག་ཅིག་མཆོག་གི་བསྙེན་པ་ཉམས་སུ་ལེན་པར་འདོད་ན། སློབ་དཔོན་དེ་ཝཱ་ཀ་ར་ཙནྡྲས་མཛད་པའི་རྣལ་འབྱོར་བཞི་པ་བཞིན་ཤེས་དགོས་པ་ལས…

གཏན་ཡན་ལག་ལྔའི་དང་པོ་རྟོག་པའོ། །ལྷ་སྐུ་ཕྲ་མོ་ལ་ཞིབ་མོར་སེམས་འཛིན་པ་ནི། དཔྱོད་པའོ། །དེ་ལས་སེམས་དགའ་སྣང་སྐྱེ་བ་ནི། དགའ་བ་དང༌། ལུས་ལ་ཤིན་སྦྱངས་ཀྱི་བདེ་བ་སྐྱེ་བ་ནི། བདེ་བའོ། །ལྷ་སྐུའི་གསལ་སྣང་རང་ཤར་བ་ན། སེམས་རྟོག་མེད་དུ་གནས་པ་ནི། རྩེ་གཅིག་པའི་ཡན་ལག་གོ །དཀྱིལ་འཁོར་རྫོགས་པར་བསྒོམ་པ་མི་ལྕོགས་ན། རྣལ་འབྱོར་བ…

ནས་ཕྱིར་སྤྲོས་ཏེ། རིན་པོ་ཆེ་ཟུར་བརྒྱད་པའི་རྣམ་པ་ཅན་དུ་གྱུར་ཏེ། ཡབ་ཡུམ་གྱི་རྩ་སྒོར་ཕྱེད་ཕྱེད་ཆུད་པ་ལ་སེམས་བཟུང༌། དེ་ལ་ཅུང་ཟད་བརྟན་ན། རིན་པོ་ཆེ་དེ་ཉིད་ཀྱི་ཕྱེད་ཕྱེད་ཀྱི་འོད་ཟེར་གྱིས་ཡབ་ཡུམ་སོ་སོའི་སྐུ་གང༌། བ་སྤུའི་བུ་ག་ནས་ཕྱིར་འཕྲོས་ཏེ། འཁོར་ལོ་པདྨ་རྡོ་རྗེ་སོགས་ཕྱག་མཚན་དཔག་ཏུ་མེད་པ་སྤྲོ་ཞིང་ཡང་བསྡུ་བའ…

སོར་རྟོག་པའི་ཡན་ལག་གོ །དེ་ལས་འོད་སྤྲོས་ཏེ། སྣང་བ་ཐོབ་པའི་ཡན་ལག་གོ །དེ་ལས་སྲིད་པ་གསུམ་སྤྲོས་ཏེ་མཆེད་པའོ། །ཚུར་བསྡུས་ཏེ་སེམས་ཙམ་དུ་བསྒོམ་པ་ནི། དོན་གྱི་ཕྱོགས་གཅིག་པའོ། །དེ་བཞི་ནི་སྔགས་ལ་དམིགས་པའོ། །འོད་ཟེར་ཚུར་བསྡུས་པའི་ཧཱུཾ་ལ་གསལ་སྟོང་གཉིས་སུ་མེད་པར་འཇོག་པ་ནི། སེམས་ལ་དམིགས་པའོ། །སླར་ཡང་འོད་འཕྲོས་པ་ཐོབ…

རྗེས་ཀྱི་བྱ་བའོ། །དེ་དག་ནི་རྗེས་སུ་རྣལ་འབྱོར་རོ། །དེ་ལྟར་ལམ་རིམ་པ་གཉིས་ལ་བརྟན་པ་ཐོབ་ནས། སྒྲུབ་པའི་དཀྱིལ་འཁོར་བྲིས་ཏེ། རིག་མ་དང་བཅས་པས་སྤྲོས་བཅས་ཀྱི་སྤྱོད་པ་བྱེད་པ་ནི། རིག་མའི་བརྟུལ་ཞུགས་སོ། །འདི་ལ་རྫོགས་པའི་རྣལ་འབྱོར་ཞེས་བྱའོ། །དེ་ལ་ཅུང་ཟད་བརྟན་པ་ཐོབ་ནས། ཕྱི་དཀྱིལ་ལ་སོགས་པ་སྤངས་ཏེ། འོད་གསལ་དུ་ལྡང་འཇ…

ཉམས་སུ་བཞེས་པའོ། །སློབ་དཔོན་ལྷའི་འབྱུང་གནས་ཟླ་བ་དེ་ཉིད་དང༌། ཞང་ལོཙྪ་བ་ཤེས་རབ་བླ་མས་བསྒྱུར་བར་མཛད་པའི་བསྐྱེད་རྫོགས་ཀྱི་གཞུང་བཟང་པོ་འདི་དག་ལ། མཁས་པར་གྲགས་པ་ཁ་ཅིག་ཀྱང་རྒྱུ་མཚན་མེད་པར་མཐིང་སླད་བྱེད་མོད་ཀྱི་བྲག་ཆ་ལྟ་བུར་ཤེས་པར་བྱའོ། །འདིར་སྨྲས་པ། མཆོག་གྱུར་མན་ངག་དམ་པ་རྣལ་འབྱོར་བཞི་པའི་གཞུང་མཆོག་དང༌། །ལ་ལ…

བཅོམ་ལྡན་འདས་འཇམ་དཔལ་གཤིན་རྗེ་གཤེད་དམར་པོ་ལྷ་ལྔའི་དཀྱིལ་འཁོར་གྱི་བདག་འཇུག་གསལ་བར་བསྟན་པ་བཞུགས།

ཨོཾ་སྭཱ་སྟི། བཅོམ་ལྡན་འཇམ་དཔལ་གཤིན་རྗེ་གཤེད་དམར་པོ་ལྷ་ལྔའི་བདག་ཉིད་ཅན་གྱི་དཀྱིལ་འཁོར་གྱི་བདག་འཇུག་གསལ་བར་བསྟན་པ། བླ་མ་དང་ལྷག་པའི་ལྷ་ལ་ཕྱག་འཚལ་ལོ། །དང་པོའི་ལས་ཅན་རྣམས་ལ་ཉེར་མཁོའི་ཕྱིར། །དཀྱིལ་འཁོར་ཆོ་ག་འདུས་གསལ་གོ་བདེ་བ། །གཞན་ལ་ཕན་པའི་བསམ་པས་འདིར་འཆད་ཀྱི། །བླ་མ་ལྷག་པའི་ལྷ་ཡིས་དགེ་བར་མཛོད། །དེ་ལ་སའི་ཆ…

སྲིད་པ་གསུམ་གྱི་འབྱུང་པོའི་ཚོགས་དང་བཅས་པ་དང༌། གནས་བདག གཞི་བདག ཡུལ་བདག གྲོང་བདག གཉུག་མར་གནས་པ་ཐམས་ཅད་བཛྲ་ས་མཱ་ཛཿ ཨོཾ་ད་ཤ་དིཀ་ལོ་ཀ་པཱ་ལ་ས་པ་རི་ཝཱ་ར་བྷྱཿ སརྦ་ཀྵེ་ཏྲ་པཱ་ལེ་བྷྱཿ སརྦ་བྷཱུ་མི་པ་ཏི་ས་པ་རི་ཝཱ་རེ་བྷྱཿ སརྦ་བྷཱུ་ཏེ་བྷྱོཿ ཨོཾ་བཛྲ་ཨརྒྷཾ་པྲ་ཏཱིཙྪ་སྭཱཧཱ། དེ་བཞིན་དུ། པཱདྱཾ་ཞེས་སྦྱར་ཆུ་གཉིས་འབུལ། ཨོཾ…

ཐམས་ཅད་ཞི་ཞིང་བསྲུང་བའི་འཕྲིན་ལས་མཛད་དུ་གསོལ། གང་དག་ནག་པོའི་ཕྱོགས་ལ་མངོན་པར་དགའ་བའི་འབྱུང་པོ་གདུག་པ་ཅན་གསང་སྤྱོད་བལྟ་བར་མི་དབང་བ་ཐམས་ཅད་གཏོར་མ་འདིས་ཚིམ་པར་གྱིས་ལ། སའི་ཕྱོགས་འདིར་མ་གནས་པར་གཞན་དུ་སོང་ཞིག ཧྲཱིཿཥྚཱིཿདྲག་ཏུ་བཟླ་ཞིང༌། རྡོ་རྗེ་གསོར། རོལ་ཆེན་དང་བཅས་ཏེ་གཏོར་མ་གཙང་སར་བཏང་ངོ༌། །གནས་ཡོ་བྱིན་རླབ…

བཅས། ཨོཾ་བཛྲ་གྷནྜེ་ར་ཎི་ཏ། པྲ་ར་ཎི་ཏ། སཾ་པྲ་ར་ཎི་ཏ། སརྦ་བུདྡྷ་ཀྵེ་ཏྲ། པྲ་ཙ་ལི་ཏེ། པྲཛྙཱ་པ་ར་མི་ཏ། ན་ད་སཾ་བྷ་ཝེ་ཏ། བཛྲ་དྷརྨ་ཧྲི་ད་ཡ། སནྟོ་ཥ་ནི། ཧཱུཾ་ཧཱུཾ་ཧཱུཾ། ཧོ་ཧོ་ཧོ། ཨ་ཁཾ་སྭཱཧཱ། ཞེས་ལན་གསུམ་གྱིས་བྱིན་དབབ། ཞུ་འབུལ་ནི། ཕྱག་གསུམ་བཙལ་ལ་མཎྜལ་བཤམས། །ཕྱག་གསུམ་བཙལ་ལ་མེ་ཏོག་བཀྱེ། །ཕྱག་གསུམ་བཙལ་ལ་ཞུ་འབུལ་བ…

ཡིག་ཏུ་གྱུར་པ་འཁོད། བཾ་ལས་སའི་ལྷ་མོ་གསེར་གྱི་མདོག་ཅན། རྒྱན་ཐམས་ཅད་ཀྱིས་བརྒྱན་པ། གཡས་དཔང་པོར་ཁས་ལེན་པའི་ཕྱག་རྒྱ་ཅན། གཡོན་གསེར་གྱི་བུམ་པ་བདུད་རྩིས་གང་བ་ཐུགས་ཀར་འཛིན་པ། ལྟོ་བ་ཡན་ཆད་སའི་དཀྱིལ་འཁོར་ནས་ཐོན་པ། བདག་ལ་མངོན་དུ་ཕྱོགས་པས་བཞུགས་པར་གྱུར། ཨོཾ་པྲི་ཐྭཱི་དེ་ཝཱི་ས་པ་རི་ཝཱ་ར་ཨརྒྷཾ་པྲ་ཏཱིཙྪ་ན་མཿ ཞེས་མཆོ…

དྲི་བཟང་གི་ཐིག་ལེ་གྲུ་བཞི་དང༌། གཞན་འཁོར་བཞི་དང་བུམ་པའི་གནས་རྣམས་སུ་ཟླུམ་པོ་རེ་བྱའོ། །ལྷ་རྣམས་ལ་སོ་སོའི་རང་སྔགས་ལན་གསུམ་གསུམ་དང༌། བུམ་པ་བཞི་ལ་འབྲུ་གསུམ་ལན་གསུམ་གསུམ་གྱིས་ཚོམ་བུ་བཀོད་ལ། མཐའ་བསྐོར་དུ་ལྷ་གྲངས་ལས་མི་ཉུང་བའི་མཆོད་པ་དང་གཏོར་མ་ལག་ལེན་ལྟར་བཤམས། ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས།…

ལ་ཡང་མཆོད་པའི་ཕྱིར། །མགོན་པོ་ཐུགས་རྗེའི་བདག་ཉིད་ཅན། །དཀྱིལ་འཁོར་བདག་ནི་བྲི་བར་འཚལ། །དེ་ཕྱིར་བཅོམ་ལྡན་བདག་གུས་ལ། །བཀའ་དྲིན་གནང་བར་མཛད་པའི་རིགས། །སངས་རྒྱས་འགྲོ་འཁོར་བྱ་དོན་སྩོལ། །བྱང་ཆུབ་སེམས་དཔའ་འབྲས་གནས་དང༌། །གཞན་ཡང་གང་དག་གསང་སྔགས་ལྷ། །ལྷ་དང་འཇིག་རྟེན་སྐྱོང་བ་དང༌། །འབྱུང་པོ་བྱང་ཆུབ་བསྟན་གནས་དང༌། །སེ…