དྲིན་གྱིས་གསལ་བར་བྱེད་པ་ལ། །གཟུར་གནས་བློ་ལྡན་སྐྱེ་བོ་ཡི་རང་བྱོས། །འདིར་བྱང་ཆུབ་སེམས་དཔའ་སྔགས་ཀྱི་ཐེག་པས་བླ་ན་མེད་པའི་བྱང་ཆུབ་མྱུར་དུ་བགྲོད་པར་འདོད་བ་དག་ནི། རིམ་པ་གཉིས་ལ་ནན་ཏན་དུ་བྱ་དགོས་པ་ཡིན་ཏེ། ཇི་སྐད་དུ། སངས་རྒྱས་རྣམས་ཀྱིས་ཆོས་བསྟན་པ། །རིམ་པ་གཉིས་ལ་ཡང་དག་གནས། །བསྐྱེད་པ་ཡི་ནི་རིམ་ཉིད་དང༌། །རྫོགས་པ…

རྗེས་སུ་དྲན་སྒོམ་པ། །རྡོ་རྗེ་རྗེས་སུ་དྲན་པ་སྦྱོར། །སྐུ་དང་གསུང་དང་ཐུགས་རྣམས་བསྒོམ། །རིགས་ནི་རྗེས་སུ་དྲན་པ་སྦྱོར། ཁྲོ་བོ་རྗེས་སུ་དྲན་བསྒོམ་པ། །དམ་ཚིག་རྗེས་སུ་དྲན་པ་སྦྱོར། །སྒོམས་ན་བྱང་ཆུབ་ཐོབ་པར་འགྱུར། །ཞེས་གསུངས་པ་རྣམས་ཀྱི་དོན། །བཤད་རྒྱུད་རྡོ་རྗེ་འཕྲེང་བ་ལས། །རྡོ་རྗེ་བཟླས་པའི་རབ་སྦྱོང་བས། ། རླུང་གི་…

པའི་ལམ་རིམ་འདི་ལ་རིམ་པ་ལྔར་སྡུད་ན། སྤྱོད་བསྡུས་སྒྲོན་མེ་ལས། སྔགས་ཀྱི་དེ་ཁོ་ན་ཉིད་དང༌། ཕྱག་རྒྱའི་དེ་ཁོ་ན་ཉིད་དང༌། བདག་གི་དེ་ཁོ་ན་ཉིད་དང༌། ཆོས་ཀྱི་དེ་ཁོ་ན་ཉིད་དང༌། ལྷའི་དེ་ཁོ་ན་ཉིད་དེ། རིམ་པ་རྣམ་པ་ལྔ་རབ་ཏུ་གསལ་བར་བྱ་བའི་ཕྱིར། མདོ་སྡེ་དང་རྒྱུད་དང་རྟོག་པ་རྣམས་བསྲེས་ནས་འཆད་པར་བྱའོ། ཞེས་གསུངས་པ་ལྟར། དེ་ཉི…

ནས། རྫོགས་རིམ་རིམ་པ་བཞི་དང༌། བསྐྱེད་རིམ་སྟེ་རིམ་པ་ལྔར་བྱས་པ་ནི། དུས་ཀྱི་འཁོར་ལོའི་རྒྱུད་ཕྱི་མའི་ལུང་དྲངས་ཟིན་པ་དེ་དང༌། འཇིགས་མེད་འབྱུང་གནས་དང༌། ཐུབ་པ་དཔལ་ལ་སོགས་པས་བཤད་པ་བཞིན་ཡིན་ནོ། །དེ་ཐམས་ཅད་ལུས་རྣམ་པར་དབེན་པའི་རིམ་པ་མི་བཞེད་པ་མ་ཡིན་ཡང༌། རྡོ་བཟླས་ཀྱི་རིམ་པའི་སྔོན་དུ་འགྲོ་བ་དང༌། བསྐྱེད་རིམ་ཕྲ་མོའི…

ཡིན་པའི་ཕྱིར། རྒྱ་བོད་ཀྱི་མཁས་པ་དང་གྲུབ་ཐོབ་ཕལ་པས་བརྡའ་ཆད་གསར་དུ་སྦྱར་བ་དང་ཁུངས་ཆེན་ཆུང་རི་བོ་དང་ཡུངས་ཀར་གྱི་ཁྱད་པར་བཞིན་དུ་ཤེས་པར་བྱའོ། །དོན་ལ་རྟོན་དགོས་པ་ཉིད་ཀྱི་ཕྱིར་དོན་མ་ནོར་བ་ཉིད་གཙོ་བོ་ཡིན་ཡང༌། རྣམ་གྲངས་སུ་ན་ཐ་སྙད་ཀྱང་རྒྱལ་བའི་མགུར་ནས་བྱུང་བ་དེ་ཉིད་རྗེས་འཇུག་རྣམས་ཀྱིས་ཀྱང་བརྗོད་པར་འོས་ཤིང༌། ར…

ཡུལ་གྱི་མཁས་པ་ཕྱི་མ་ཐམས་ཅད་ཀླུ་བྱང་གི་ཡིན་པར་བཞེད་པ་ལྟར་འཐད་ལ། རྣམ་གཞག་རིམ་པ་ཡང༌། ཨ་བྷ་ཡ་སོགས་རྒྱ་གར་བ་སྔ་ཕྱི་འགའ་རེ་དེས་མ་མཛད་པར་བཞེད་ཀྱང། རྒྱ་གར་བ་རྙིང་པ་འགའ་ཞིག་དང༌། བོད་ཐམས་ཅད་མཛད་པར་འདོད་པ་ལྟར་འཐད་དོ། །གསང་འདུས་འཕགས་སྐོར་གྱི་རྩ་བའི་གཞུང་ནི་དེ་རྣམས་ཡིན་ལ། དེ་དག་ཏུ་ནི་མི་ལེགས་པ་དང་མི་འཐད་པ་ཅུང་ཟད…

ཆུབ་ཀྱིས་འཇའ་ལུས་རྡོ་རྗེའི་སྐུ་བརྙེས་ནས། འགྲོ་བའི་དོན་དུ་དཔལ་གྱི་རི་བོར་བཞུགས་ཤིང༌། དེ་ལས་བརྒྱུད་དེ་ཕྱིས་སྔགས་ཀྱི་ཐེག་པ་མངོན་མཚན་དུ་སྤྱོད་ཅིང་དར་བའི་ཚེ། ཆོས་སྐོར་འདི་རྣམས་ཀྱང་མི་ཡུལ་དུ་དར་བར་གྱུར་ཏོ། །དེས་ན་ཡབ་སྲས་དེ་རྣམས་ཀྱིས་སྔོན་གྱི་དུས་ཉིད་དུ་བསྟན་བཅོས་འདི་དག་མཛད་ནས། མ་འོངས་པ་ན་ཆོས་འདིའི་གདུལ་བྱ…

བྱེད་པ་ལ། རྒྱ་གར་སྐད་དུ། པཉྩ་ཀྲ་མ། བོད་སྐད་དུ། རིམ་པ་ལྔ་པ་སྟེ། པཉྩ་ནི་ལྔ་ཀྲ་མ་ནི་རིམ་པའོ། །དེ་ཡང་བརྗོད་བྱ་ལམ་གྱི་རིམ་པ་ལྔ་ཡོད་པས། རྗོད་བྱེད་གཞུང་ལ་ཡང་དེའི་མིང་གིས་བཏགས་པའོ། །འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། ཞེས་པ་ནི། གཞུང་འདི་དང་པོ་སྒྱུར་པ་པོ་ལོ་ཙཱ་བ་རིན་ཆེན་བཟང་པོས་རང་གི་འདོད་པའི་ལྷ་ལ་ཕྱག་འཚལ་…

ཞེས་པ་ནི་བཤད་པར་དམ་བཅའ་སྟེ། འཕགས་པའི་གསུང་དངོས་ཀྱི་གཞུང་འོག་མ་གསུམ་ལའང་མཆོད་བརྗོད་དམ་བཅའ་རེ་ཡོད་པ་བཞིན། འདི་ཡང་རིམ་པ་དང་པོ་ཁོ་ནའི་དབང་དུ་མཛད་པར་འདུག་ཀྱང༌། རིམ་ལྔ་མདོར་བསྟན་གྱི་འགོར་བཀོད་ཅིང༌། གླེགས་བམ་གྱི་ཐོག་མར་བཞུགས་པའི་ཕྱིར། གཞུང་སྤྱིའི་མཆོད་བརྗོད་ཀྱི་ཚུལ་དུ་སྦྱར་ན་མཛེས་པར་འགྱུར་རོ། །གཉིས་པ་གཞུང་…

པོ་དང༌། ཌ་ནས་དའི་བར་གཉིས་ཀའི་རྒྱུད་དང༌། ངྷ་ནས་ཡའི་བར་སྤྱོད་རྒྱུད་དང༌། ར་ལ་ཝ་ཤ་བྱ་རྒྱུད་དང༌། ཥ་ས་ཧ་ཀྵ་རྟོག་པའི་རྒྱུད་དོ། །དེ་ཡང་ཡི་གེ་རེ་རེའི་མིང་གི་མཐའ་ཅན་སྟོང་ཕྲག་རེ་རེ་ཡོད་པས་རྒྱུད་སྟོང་ཕྲག་སུམ་ཅུ་རྩ་བཞིའོ། །དེ་ལ་འགོས་ལུགས་པ་རྣམས་སརྦ་དེ་བ་མེ་ལ་པ་ཀ་སྟེ། ལྷ་ཐམས་ཅད་འདུས་པའི་རྒྱུད་ཅེས་པ་ལྟ་བུ་ཀའི་མཐའ་…

འབྱོར་གཙོ་བོར་སྟོན་པ་སྟེ། དེ་གཉིས་ཀ་ལ་ཡང་སྐུ་གསུང་ཐུགས་གསུམ་གྱིས་དབྱེ་བའོ། །སྤྱོད་པའི་རྒྱུད་ལ་ས་ཁམས་གཉིས་དང༌། རླུང་ཁམས་གཅིག་སྟེ་གསུམ་ནི་ཁྲོ་བོའི་སྔགས་རྒྱུད་ཡིན་ལ། སྐུ་གསུང་ཐུགས་ཀྱི་དབྱེ་བས་གསུམ་མོ། །ཆུ་ཁམས་ནི་ཞི་བའི་སྔགས་རྒྱུད་ཡིན་ལ། དངོས་སུ་རིགས་ལྔའི་ཐ་སྙད་མེད་ཀྱང༌། དོན་གྱིས་ཡོད་པས་དེ་བཞིན་གཤེགས་པ་…

གསུམ་སྟེ། སྐུ་གསུང་ཐུགས་རྡོ་རྗེའི་ཡེ་ཤེས་རྣམས་སོ། །དེ་ནི་དཔལ་ལྡན་འདུས་པ་འདིས་ཤིན་ཏུ་གསལ་བར་བསྟན་ཞིང༌། སུམ་ཁྲི་བཞི་སྟོང་གི་རྒྱུད་གཞན་དེ་རྣམས་ན་ཅུང་ཟད་སྦས་པ་ཡིན་ལ། འདུས་པ་ལས་གསལ་བར་བསྟན་པ་དེ་ཡང་རྩ་རྒྱུད་ཉི་ཁྲི་ལྔ་སྟོང་པའི་དབང་དུ་བྱས་པ་ཡིན་མོད། དེའི་བརྗོད་དོན་གྱི་སྙིང་པོ་ཐམས་ཅད་རྩ་རྒྱུད་བསྡུས་པ་འདི་ལ་ཚ…

ཞེས་མི་བྱ་མོད། དགོངས་དོན་ནི་གཅིག་པ་ཁོ་ན་སྟེ། གསང་བའི་དེ་ཁོ་ན་ཉིད་གསལ་བ་ཞེས་བྱ་བའི་གཞུང་དུ། སློབ་དཔོན་སྤྱོད་པ་པས་གསལ་བར་བཤད་པ་བཞིན་ནོ། །རྣམ་པ་གཅིག་ཏུ་ན། འདིར་རྒྱུད་སྡེའི་རིམ་པ་ལྔར་བཤད་པའི་སྐབས་ནི། རྣལ་འབྱོར་ཆེན་པོ་ཉིད་དུ་རྣལ་འབྱོར་མའི་རྒྱུད་རྣམས་ཀྱང་དོན་གྱིས་ནི་འདུས་པར་ཡང་བལྟའོ། །རྒྱུད་སྡེ་དེ་རྣམས་ཀྱ…

སོ། འཇིགས་པར་དམིགས་ཤིང་ཤིན་ཏུ་གཙང་སྦྲ་བྱེད་པ་དང༌། ཡེ་ཤེས་སེམས་དཔའི་བདེ་བ་མེད་པ་དང༌། བདག་ཉིད་ལྷའི་སྙེམས་པ་མེད་པ་དང༌། རྨད་དུ་བྱུང་བའི་སྤྱོད་ཡུལ་དང༌། སྐྱོན་གྱི་རྒྱུ་རབ་ཏུ་སྤྱོད་པས་འགྲུབ་པར་བྱེད་པ་ནི། བྱ་བའི་རྒྱུད་ལ་བཞུགས་སོ། །སྔགས་དང་སྨན་དང་སྦྱིན་སྲེག་དང༌། །ཕྱེ་མ་དང༌། མིག་སྨན་དང༌། རྐང་མགྱོགས་ལ་སོགས་པའི…

པ་རྣམས་དང་རྣམ་པ་འདྲ་བའི་རིག་པ་འཛིན་པ་ཆེན་པོ་འགྲུབ་ཚུལ་ནི། དེ་ལས་བྱུང་བའི་ལས་ཞེས་པ་སྟེ། བསྙེན་པ་དང༌། སྒྲུབ་པ་དང༌། སྒྲུབ་ཆེན་ལ་སོགས་པའོ། །རྒྱུད་འདིར་ཡོ་ག་ལ་གཉིས་ཀའི་རྒྱུད་ཅེས་གསུངས་པ་ནི། རྣལ་འབྱོར་ཆེན་པོའི་རྣམ་གཞག་བྱེད་པའི་ཚེ། གསང་སྔགས་ཕྱི་ནང་གི་ས་མཚམས་པ་ལ་དགོངས་པ་ཡིན་ལ། གཞན་ཁ་ཅིག་སྤྱོད་རྒྱུད་ལ་གཉིས་ཀ…

བསྟན་ཏོ། །རྟོག་པའི་རྒྱུད་ནི་སྔགས་དང་ཆོ་ག་དེ་དང་དེས་ལས་ཚོགས་སྣ་རེ་ཙམ་མམ། དངོས་གྲུབ་བརྒྱད་ལ་སོགས་པ་གྲུབ་པ་རེ་རེ་ཙམ་སྒྲུབ་པར་བྱེད་པ་སྟེ། རྟོག་པའི་རྒྱུད་ཀྱིས་རིག་པ་འཛིན་པ་ཆེན་པོ་འགྲུབ་པར་མི་བྱེད་དེ། དངོས་གྲུབ་ཆུང་ངུ་དག་འགྲུབ་པར་བྱེད་པ་མང་བ་ཡིན་ནོ། །དེ་ལྟར་ན་རྒྱུད་དེ་རྣམས་ཀྱི་རྩེ་མོ་དཔལ་ལྡན་འདུས་པའི་བརྗོ…

གྱིས་མི་རྟོག་པ་སྟེ། ཁྱད་པར་གསུམ་དང་ལྡན་པ་ཡིན་པར་ཞལ་ལུང་གྲོལ་ཐིག་སོགས་ལས་ཀྱང་གསུངས་པ་བཞིན་ནོ། །དེའི་བདེ་བ་ནི་དགྱེས་རྡོར་ལས། །རང་དང་རང་གིས་རྟོགས་པ་ལས། །སངས་རྒྱས་མ་ཡིན་སེམས་ཅན་ནི། །གཅིག་ཀྱང་ཡོད་པ་མ་ཡིན་ནོ། །དམྱལ་བ་ཡི་དྭགས་བྱོལ་སོང་དང༌། །ལྷ་དང་ལྷ་མིན་མི་རྣམས་དང༌། །བཤད་པའི་སྲིན་བུ་ལ་སོགས་པ། །ལྷ་དང་ལྷ་མ་ཡ…

གི་རྣམ་གྲངས་སུ་འཇོག་པ་མིན་པས། རྒྱུད་ཕྱི་མའི་འགྲེལ་པ་གསང་བའི་སྒྲོན་མེ་ཞེས་བྱ་བ། ན་རོ་པས་མཛད་པར་བརྫུ་བ་དེ་ལས། རྒྱུ་རྒྱུད་ཀྱི་མཚན་གཞི་རིན་པོ་ཆེའི་ལྟ་བུའི་གང་ཟག་ལ་ངོས་འཛིན་པ་ཡང༌། ཕྱོགས་གཅིག་ནས་བལྟས་ན་རུང་ཙམ་ཡིན་མོད། བཤད་པ་བཟང་པོ་མ་ཡིན་ ནོ། །ཡང་སྒྲོན་གསལ་ལས། རང་གི་སྐུ་དང་གསུང་དང་ཐུགས་ཀྱི་རྒྱུན་ནི་སྐད་ཅིག…

མ་ཡིན་པའོ། །ཞེས་དང༌། བདེན་པར་ན་སེམས་ནི་དབྱིབས་དང་ཁ་དོག་དང་བྲལ་བ། སྣང་བ་ཙམ་ནམ་མཁའ་དང་མཉམ་པའི་ངོ་བོ་ཉིད་དོན་དམ་པའི་བདེན་པ་དང་འདྲ་བར་རེག་པར་དཀའ་བའོ། །དེ་ལྟ་མོད་ཀྱི་སྣང་བ་ཙམ་གྱི་སྣང་བ་གསུམ་པོ་རླུང་ལ་བརྟེན་པར་གྱུར་པ་དང་ཐུན་མོང་དུ་གྱུར་པས་ཡང་ལྡང་བ་སྟེ། ཞེས་གསུངས་པས་མེད་པར་དགག་པ་ལས་ཆེས་རྟོགས་པར་དཀའ་ཞིང་ཆེས…

བའི་ཕྱིར། དེ་ཁོ་ན་ཉིད་ཅེས་འདི་གང་ཡིན་ལ། བཅོམ་ལྡན་འདས་ཀྱིས་བཤད་དུ་གསོལ། རྡོ་རྗེ་སློབ་དཔོན་གྱིས་སྨྲས་པ། ཡང་དག་པ་གང་ཡིན་པ་དེ་ནི་དེ་ཁོ་ན་ཉིད་དོ། །གསོལ་པ། བཅོམ་ལྡན་འདས་ཡང་དག་པ་ཞེས་བགྱི་བ་དེ་ཇི་ལྟ་བུ་ལགས། སྨྲས་པ། གང་མི་བསླུ་བ་ཞེས་བྱ་བ་དེ་ནི་ཡང་དག་པ་ཞེས་ བྱའོ། །གསོལ་པ། མི་བསླུ་བ་ཞེས་པ་ཇི་ལྟ་བུ་ལགས། སྨྲས་པ།…