འཇམ་པའི་རྡོ་རྗེར་གསལ་བའི་སྙིང་ཁར་ཟླ་བ་དྲི་མ་མེད་པ་ལ་གནས་པའི་མཾ་ཡིག་དམར་སེར་ལས་འོད་ཟེར་འཕྲོས་པས། རྩ་བའི་བླ་མ་རིགས་བདག་གི་རྣམ་པ་ཅན་གྱིས་དབུ་བརྒྱན་པའི་འཇམ་པའི་རྡོ་རྗེ་ལྷ་བཅུ་དགུའི་དཀྱིལ་འཁོར་མདུན་གྱི་ནམ་མཁར་སྤྱན་དྲངས། ཨོཾ་བཛྲ་ས་མཱ་ཛཿ ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱཀ་ཙིཏྟཾ་པྲ་ཎ་ཛྙཱ་ན་བཛྲ་བན་ངྷཱ་ནཱཾ་ཀ་རེ་མི། དཔ…

པཱདྱཾ། པུཥྤེ། དྷུ་པེ། ཨཱ་ལོ་ཀེ གནྡྷེ། ནཻ་ཝི་དྱེ། ཤཔྟ། རཱུ་པ། ཤཔྟ། གྷནྡྷེ། རཱ་ས། སྤརྴ། དྷརྨ་དྷ་ཏུ། རྣམས་ལའང་སྦྱར་རོ། །གང་ཞིག་ཐོག་མེད་སྲིད་པའི་ཆུ་ཀླུང་དུ། །མ་ལུས་ཀུན་རྟོག་གིས་བསགས་རྙོག་པ་རྣམས། །ཐུགས་རྗེ་ཆེ་ལྡན་སྤྱན་སྔར་དེ་དག་ནི། །ཆོ་ག་བཞིན་དུ་ཐམས་ཅད་བཤགས་པར་བགྱི། །རྫོགས་སངས་རྒྱས་དང་བྱང་ཆུབ་སེམས་དཔའ་དང…

སོགས་རྣམ་བཅུ་དཀར་པོའི་ཡོན་ཏན་ཚུལ། །རྫོགས་སངས་རྒྱས་བདག་མ་ལུས་ངོ་བོའི་བློས། །ཡང་དག་ཉིད་དུ་ད་ནི་གནས་པར་བགྱི། །ཞེས་ལན་གསུམ་བརྗོད། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག ཅེས་སོགས་ཚད་མེད་བཞི་སྤྱི་དང་མཐུན་པར་སྒོམ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། སྟོང་པའི་ངང་ལས་ནམ་མཁའི་ཁམས་སུ་ཨ…

པདྨ་དང་ནོར་བུ་འཛིན་པ། དེ་བཞིན་དུ་ཤར་དུ་གཤིན་རྗེ་མཐར་བྱེད། ལྷོར་ཤེས་རབ་མཐར་བྱེད། ནུབ་ཏུ་པདྨ་མཐར་བྱེད། བྱང་དུ་བགེགས་མཐར་བྱེད་རྣམས་སོ། གཞན་ཡང་བྱང་ཤར་དུ་མི་གཡོ་བ། ལྷག་མ་གཡས་གཉིས་ཀྱིས་རལ་གྲི་དང་རྡོ་རྗེ། ཤར་ལྷོར་འདོད་པའི་རྒྱལ་པོ་ལྕགས་ཀྱུ་དང༌། ལྷོ་ནུབ་ཏུ་དབྱུག་སྔོན་ཅན་བེ་ཅོན་ནག་པོ་དང༌། ནུབ་བྱང་དུ་སྟོབས་པོ་…

བ་དང༌། དཀྱིལ་འཁོར་རྒྱལ་པོ་མཆོག་དང༌། ལས་རྒྱལ་པོ་མཆོག་གོ །དང་པོ་ལ། རྟེན་བསྐྱེད་པ་དང༌། བརྟེན་པ་བསྐྱེད་པ་གཉིས་ལས། དང་པོ་ནི། དབུས་ཀྱི་ཁྲོ་བོ་ཡོངས་སུ་གྱུར་པ་ལས། སཾ་ལས་རྡོ་རྗེ་དཀར་པོ་སཾ་གིས་མཚན་པར་གྱུར། དེ་ལས་ཀུན་ཏུ་བཟང་པོ་དཀར་པོ་ཞལ་གསུམ་ཕྱག་དྲུག་པའོ། །དེ་ཡོངས་སུ་གྱུར་པ་ལས། ཆོས་འབྱུང་གྲུ་གསུམ་ཕྱི་དཀར་ལ་ནང་…

སྲིན་གྱི་ཁ་ནས། འཕྱང་བའི་དྲ་བ་དྲ་ཕྱེད། དེའི་སྟེང་དུ་བྱ་འདབས་ལས་འཕྱང་བའི་ཤར་བུ། སྟེང་དུ་མདའ་ཡབ་མཆོད་རྟེན་གྱི་དབྱིབས་ཅན་གྱིས་ཡོངས་སུ་བསྐོར་བ་ལ། རྒྱལ་མཚན་དང་བ་དན་ལ་སོགས་པ། རྒྱན་ཐམས་ཅད་ཀྱིས་རྣམ་པར་བརྒྱན་པ། རྩིག་པའི་ཕྱི་འགྲམ་འདོད་ཡོན་གྱི་སྣམ་བུ་དམར་པོས་བསྐོར་བ་ལ། བཞུགས་སྟངས་དང་ཁ་དོག་སྣ་ཚོགས་པའི་གཟུངས་མ་རྣ…

པའི་སྟེང་རྡོ་རྗེའི་གདུང་བཞིས་མིག་མངས་རིས་སུ་བྲིས་ཤིང་མཛེས་པར་ཕུབ་པ། དབུས་ཕྱུར་བུར་གྱུར་པའི་རྩེ་མོར་རྡོ་རྗེ་རིན་པོ་ཆེའི་ཏོག་གིས་སྤྲས་པ། རིམ་པ་གཉིས་པའི་གྲྭ་བཞིའི་གཡས་གཡོན་དུ་བཀྲ་ཤིས་ཀྱི་བུམ་པ་བརྒྱད་དང་བཅས་པ། མཆོད་པའི་སྤྲིན་ཐམས་ཅད་ཀྱིས་མངོན་པར་བརྒྱན་པའི་ཁང་བཟང་དམ་པ། དེའི་ནང་གི་སྟེང་འོག་གི་གཞི་དང་ལྷ་སྣམ…

ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཱ། རྣམས་གཡས་བསྐོར་དང༌། གཡོན་བསྐོར་ཏེ་མཚན་བཟང་པོ་སོ་གཉིས་ཀྱི་རང་བཞིན་དབྱངས་སོ་གཉིས་ཡོངས་སུ་གྱུར་པ་ལས་ཟླ་བའི་དཀྱིལ་འཁོར་དབྱངས་དཀར་པོ་སོ་གཉིས་ཀྱིས་མཚན་པའི་སྟེང་དུ། ཀ་ཁ་ག་གྷ་ང༌། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵ། ཡ་ར་ལ་ཝ་ཌ་ཌྷ་རྣ…

སེམས་དཔའི་རྣམ་པར་སྤྱན་དྲངས་པ་རྣམས་ཧཱུཾ་ལ་ཐིམ། ཟླ་བ་ཧཱུཾ་དང་བཅས་པ་ཡོངས་སུ་གྱུར་པ་ལས། རང་ཉིད་རྒྱུ་རྡོ་རྗེ་འཆང་རྡོ་རྗེ་སེམས་དཔའ་ཀུན་ཏུ་བཟང་པོ་དཀར་ནག་དམར་པའི་ཞལ་གསུམ་ཕྱག་དྲུག་གི་དང་པོ་གཉིས་རྡོ་རྗེ་དབྱིངས་ཀྱི་དབང་ཕྱུག་མའི་ངོ་བོ་རང་སྣང་གི་རིག་མ་ལ་འཁྱུད་པ། ལྷག་མ་གཡས་གཉིས་ཀྱིས་རྡོ་རྗེ་དང་རལ་གྲི། གཡོན་གཉིས་ཀ…

སུ་གྱུར་པ་ལས། རྡོ་རྗེ་སེམས་དཔས་གཙོ་བྱས་པའི་ལྷ་བཅུ་དགུའི་དཀྱིལ་འཁོར་རྟེན་དང་བརྟེན་པར་བཅས་པ་དུས་གཅིག་ཏུ་གྲུབ་པ་ལས་འཕྲོས་པའི་འོད་དང༌། རང་གི་ཐུགས་ཀ་ནས་ཀྱང་འོད་ཟེར་འཕྲོས་པས། སེམས་ཅན་ཐམས་ཅད་བཀུག་ནས་སློབ་མ་འཇུག་པའི་ཚུལ་དུ་གསང་བའི་དཀྱིལ་འཁོར་གྱི་སྒོ་བཞི་ནས་བཅུག་སྟེ་དཀྱིལ་འཁོར་གྱི་ནང་དུ་འཁོད་པར་གྱུར། སླར་ཡང་…

རང་གི་ཞིང་དུ་གཤེགས་པར་གྱུར་ཏོ། །བདག་ཉིད་དྲི་ཟའི་ཚུལ་དུ་གནས་པས་དེ་གཟིགས་ཏེ། བདེ་བ་ཆེན་པོ་ལྷག་པར་རྒྱས་པས་ཡབ་ཀྱི་ཞལ་དུ་ཞུགས། རྡོ་རྗེའི་ལམ་ནས་ཡུམ་གྱི་པདྨར་བབས་པ། འདོད་ཆགས་ཆེན་པོའི་རང་བཞིན་ཁ་དོག་དམར་པོའི་ཐིག་ལེར་གྱུར། དེའི་འོད་ཀྱིས་ཡབ་ཡུམ་གཉིས་ཀྱང་བྱང་ཆུབ་སེམས་སུ་ཞུ་བ་དང་ལྷན་ཅིག་ཟླ་བ་ཞུ་བ་ལྟ་བུའི་ཐིག་ལེ་…

ནི་རྡོ་རྗེ་འདོད་པ་དམ་ཚིག་མཆོག་གི་ཕན་དོན་ཆེ། །ཡང་དག་རྫོགས་སངས་རྒྱས་ཀྱི་གདུང་མཆོག་མཉམ་པ་ཉིད་གཟིགས་པ། །མགོན་པོ་གལ་ཏེ་དེ་རིང་བདག་ནི་གསོན་པར་མཆིས་བཞེད་ན། །ཡོན་ཏན་རིན་ཆེན་མང་པོའི་གཏེར་གྱུར་བདག་ལ་དགྱེས་པར་མཛོད། །ཅེས་སྐུལ་པས། ཐིག་ལེ་དེ་ཆ་གཉིས་སུ་གྱུར་པའི་ཆ་གཅིག་ཡོངས་སུ་གྱུར་པ་ལས། འོད་ཟེར་རྣམ་པ་ལྔ་འཕྲོ་བའི་མ…

པ། མཚན་སུམ་ཅུ་རྩ་གཉིས་དང་དཔེ་བྱད་བརྒྱད་ཅུས་བརྒྱན་པ། མཆོག་ཏུ་སྒེག་པ་དཔག་ཏུ་མེད་པའི་རིགས་ཀྱི་སྤྲུལ་པ་ཕྱོགས་བཅུར་འཕྲོ་བ། མཐོན་འཐིང་དབུ་སྐྲ་སྟེང་དུ་བཅིངས་ཤིང་རིན་པོ་ཆེའི་ཐོར་ཚུགས་ཅོད་པན་རྡོ་རྗེའི་ཏོག་གིས་མཚན་པ་དང་བཅས་པས་བརྒྱན་པ། ཉི་ཟླའི་འོད་ཟེར་རབ་ཏུ་འབར་ཞིང༌། སིལ་སིལ་གྱི་སྒྲ་སྒྲོག་པའི་རིན་པོ་ཆེའི་དབུ་བ…

ཡོངས་སུ་གྱུར་པ་ལས། ཕྱག་རྡོར་ནག་པོ་མི་བསྐྱོད་པ་ལྟ་བུ། སྣ་ལ་ཁཾ། རིན་པོ་ཆེ་ལྗང་ཁུ་ཆ་དགུ་པ། ནམ་མཁའི་སྙིང་པོ་སེར་པོ་རིན་ཆེན་འབྱུང་ལྡན་ལྟ་བུའོ། །ལྕེ་ལ་གཾ པདྨ་དམར་པོ་འདབ་མ་བརྒྱད་པ། འཇིག་རྟེན་དབང་ཕྱུག་དམར་པོ་འོད་དཔག་མེད་ལྟ་བུའོ། །སྐྲ་མཚམས་ཀྱི་ནང་དུ་སྐཾ། རལ་གྲི་སྔོ་སངས་འོད་འཕྲོ་བ། སྒྲིབ་སེལ་ལྗང་ཁུ་དོན་ཡོད་གྲ…

དཀར་པོ་རྩིབས་བརྒྱད་པའི༴ སྐུ་རྡོ་རྗེ་དཀར་པོ་རྣམ་སྣང་ལྟ་བུའི་ཐུགས་ཀར་འཁོར་ལོ་དཀར་པོ་རྩིབས་བརྒྱད་པའི་ལྟེ་བར་ཟླ་བ་ལ་ཨོཾ་དཀར་པོའོ། །དེ་གསུམ་གྱི་ཐུགས་ཀའི་ཡི་གེ་འབྲུ་གསུམ་ལས་འོད་ཟེར་ཕྱོགས་བཅུར་འཕྲོས་པས་སྐུ་གསུང་ཐུགས་རྡོ་རྗེ་དཔག་ཏུ་མེད་པ་སྤྲོས་ཤིང༌། མཆོད་པའི་ལྷ་མོ་མཐའ་ཡས་པ་སྤྲུལ་ཏེ། དེ་བཞིན་གཤེགས་པ་ཐམས་ཅད་ས…

དཔལ་ལྡན་རྡོ་རྗེའི་སྐུ་འཆང་བ། །རྡོ་རྗེ་མི་ཕྱེད༴ ། དེང་བདག༴ ། རྡོ་རྗེ་སྐུ་ཡིས༴ །ཕྱོགས་བཅུར༴ །རྡོ་རྗེ་སྐུ་ཡིས༴ །ཞེས་གསོལ་བ་བཏབ་པས། སྐུ་རྡོ་རྗེ་དང་དེའི་རྡོ་རྗེ་ཅན་རྣམས་སྐུ་རྡོ་རྗེ་དང་རང་ལ་ཐིམ། ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་བ་ཨཱཏྨ་ཀོ྅ཧཾ། བཞི་པ་སྒྲུབ་པ་ཆེན་པོ་ནི། རང་གི་སྙིང་ཁའི་ཐུགས་རྡོ་རྗེའི་གོང་དུ་ཟླ…

རྒྱས་ཀུན་གྱི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །ཨོཾ་སརྦ་ཏ་ཐཱ་ག་ཏ་ཨབྷི་ཥེ་ཀ་ཏ་ས་མ་ཡ་ཤྲཱི་ཧཱུཾ། ཞེས་གསུང་ཞིང་དབང་བསྐུར། ལུས་ཐམས་ཅད་དེ་ཡེ་ཤེས་ཀྱི་བདུད་རྩིས་གང༌། སྒོ་གསུམ་གྱི་དྲི་མ་དག ཆུའྀ་ལྷག་མ་ཡར་ལུད་པ་ལས་རང་གི་སྤྱི་བོར་མི་བསྐྱོད་པས་དབུ་བརྒྱན་ཞིང༌། ས་སྙིང་ལ་སོགས་པ་རྣམས་རང་རང་གི་རིགས་ཀྱི་བདག་པོ…

རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པ་ཤེས་རབ་ཀྱི་ཡན་ལག་ཐམས་ཅད་ཡོངས་སུ་རྫོགས་པར་གྱུར། ཨོཾ་ངྷརྨ་སོགས་གོང་བཞིན་བརྗོད། གཉིས་པ་ཉེར་སྒྲུབ་ནི། མིག་ཏུ་ཀྵིཾ་དང་འཁོར་ལོའི་འོད་ཀྱི་འཕྲོ་འདུ་ལས་ས་སྙིང་དཀར་པོ་རྣམ་སྣང་ལྟ་བུ་ཞེས་སྦྱངས་ཏེ། རྣ་བར་ཛྲིཾ་དང་རྡོ་རྗེའི། སྣར་ཁཾ་དང་རིན་པོ་ཆེའི། ལྕེར་གཾ་དང་པདྨའི། དཔྲལ་བར་སྐཾ་…

པའི་རང་བཞིན། ལྟེ་བ་ནས་གསང་བའི་བར་དུ་སྭཱ་སེར་པོ་རིན་ཆེན་འབྱུང་ལྡན་གྱི་རང་བཞིན། གསང་བ་ནས་བརླའི་བར་དུ་ཨཱཿདམར་པོ་འོད་དཔག་མེད་གྱི་རང་བཞིན། བརླ་ནས་རྐང་བའི་བར་དུ་ཧཱ་ལྗང་ཁུ་དོན་ཡོད་གྲུབ་པའི་རང་བཞིན་རྣམས་ཉི་མ་ལ་གནས་པར་གྱུར། དེ་རྣམས་ལས་བྱུང་བའི་འོད་ཟེར་རྣམ་པ་ལྔས་གང་བའི་ཡུམ་གྱི་སྐུ། དེ་བཞིན་གཤེགས་པ་ལྔའི་རྡུལ་ཕ…

དང་བཅས་པ་ཐམས་ཅད་དཀྱིལ་འཁོར་གྱི་རྣམ་པས་སྤྱན་དྲངས་པ་རྣམས། རང་གི་ཞལ་ནས་ཞུགས་ཏེ། རྗེས་ཆགས་ཀྱི་མེས་བྱང་ཆུབ་སེམས་སུ་ཞུ་བ། རྡོ་རྗེའི་ལམ་ནས་ཡུམ་གྱི་པདྨ་བབས་པའི་ཐིག་ལེ་མཾ་ཡིག་དམར་སེར་གྱིས་མཚན་ཞིང་བྱིན་གྱིས་བརླབ་པར་གྱུར། སངས་རྒྱས་ཐམས་ཅད་ཀྱི་ངོ་བོ་ཐིག་ལེ་དེ་ཡོངས་སུ་གྱུར་པ་ལས། རྟེན་དང་བརྟེན་པའི་དཀྱིལ་འཁོར་དུ་གྱ…