བྱས་ནས་སློབ་དཔོན་མཉེས་པར་མ་བྱས་ན། མཚན་ཉིད་གཞན་ལྔ་པོ་དེ་དག་རགས་རིམ་རེ་ཚང་དུ་ཆུག་ཀྱང༌། སྒྱུ་ལུས་ཀྱི་མན་ངག་ཐུན་མོང་མ་ཡིན་པ་རྣམས་ཐོས་པར་མི་འགྱུར་བའམ། ཐོས་ཤིང་གོ་བ་ཙམ་ཡིན་དུ་ཆུག་ཀྱང་བླ་མའི་བྱིན་རླབས་ཀྱི་སྟོབས་དང་བྲལ་བའི་ཕྱིར། བདག་བྱིན་རླབས་དངོས་ལྟ་ཅི་སྨོས། རྗེས་མཐུན་པ་ཡང་མངོན་དུ་མི་འགྱུར་བས། ལོངས་སྤྱོད་ད…

ཐོབ་ནས། དེའི་འོག་ཏུ་འཕྲེང་བ་དང་ཆུ་དང་རྫོགས་པའི་སངས་རྒྱས་དང་རྡོ་རྗེ་དང་དྲིལ་བུ་སྦྱིན་པ་དང་མེ་ལོང་དང་མིང་དང་སློབ་དཔོན་དང་རྗེས་སུ་གནང་བ་སྟེ། དེ་དག་དང་བཅས་པར་གསང་བའི་དབང་བསྐུར་བ་ཐོབ་ནས་ཞེས་པ་སྟེ། མན་ངག་ཐོབ་ནས་ཞེས་པ་འདིར་ཆག་འགྱུར་ལས། མན་ངག་ཐོབ་པར་བྱ་བའི་ཆེད་དུ་ཞེས་འབྱུང་བ་དག་སྟེ། འགྱུར་རྙིང་གི་སྟེང་ནས་འཆ…

ཚན་འོག་མ་དང་སྦྲེལ་བའི་ཚིག་གོ །དེས་ན་སྐབས་འདིར་དབང་བསྐུར་བ་ནི་སྒྱུ་ལུས་ཀྱི་རྣམ་གཞག་ཉན་པ་ཙམ་གྱི་སྣོད་རུང་དུ་བྱེད་པའི་དབང་མ་ཡིན་པར་སྒྱུ་ལུས་ཀྱི་ཉམས་རྟོགས་བསྐྱེད་པའི་དབང་ཡིན་པའི་ཕྱིར། སྤྱིར་སྨིན་བྱེད་ཀྱི་དབང་བཞི་སྔ་རོལ་ནས་ཐོབ་ཟིན་པ་དགོས་པས། དབེན་གསུམ་ཞུ་བ་ལ་དབང་གོང་མ་གསུམ་ཐོབ་དགོས་མི་དགོས་དཔྱད་པ་འཇུག་པ་…

མཐར་ཐུག་གི་ལམ་མ་ཡིན་པ་ལ་དགོངས་པས། རྒྱུད་གཉིས་ཀར་གྱི་དགོང་པ་ཡང་ལས་རྒྱའི་བདེ་བ་མཚོན་བྱེད་དཔེའི་ཡེ་ཤེས་སུ་དགོས་པ་དང༌། ངེས་དོན་མཐར་ཐུག་ནི་དེ་མ་ཡིན་ཏེ་ཕྱག་རྒྱ་ཆེན་པོའི་བདེ་ཆེན་ཁོ་ནའོ། །ཞེས་པར་དགོངས་པ་མཐུན་ཡང་གནས་སྐབས་ཚིག་གི་སྟོན་ཚུལ་ལ་ཁྱད་པར་ཆེ་ཆེ་འདྲ་བ་ཡོད་པ་ལྟར། འཕྲལ་གྱི་ལག་ལེན་སྤྱོད་པ་ཀུན་ལའང་ཁྱད་པར་ཅ…

ཕུང་པོ་ཅན། །སྲིད་པའི་འཁོར་ལོ་རྣམ་སྦྱོང་བ། །དེ་རིང་བཤད་པའི་རིན་ཆེན་གྱིས། །གཙོ་བོས་བདག་ལ་བཀའ་དྲིན་གསོལ། ཁྱོད་ཞབས་པད་མོ་སྤངས་ནས་ནི། །གཙོ་བོ་གཞན་ན་སྐྱབས་མ་མཆིས། །འགྲོ་བའི་དཔའ་བོ་ཐུབ་ཆེན་གྱི། །དེ་བས་བློ་མཆོག་མཉེས་པར་མཛོད། །ཅེས་པ་སྟེ། གསང་དབང་བསྐུར་བའི་རྗེས་སུ་བསྟོད་པ་དང་གསོལ་འདེབས་འདི་བྱེད་པ་ཡིན་པས། བསྟོ…

ལུགས་སྤྱི་དང༌། ཁྱད་པར་ལམ་སྲོལ་འདིའི་སྨུ་མགོ་བའི་རྣམ་འགྱུར་ཆེན་པོ་ཡིན་ཏེ། སྤྱིར་རྫོགས་རིམ་གྱི་ཡེ་ཤེས་མཚན་ཉིད་པ་ཅིག་ལམ་གྱི་རིམ་པའི་མཐོ་དམན་གང་ན་ཡོད་ཀྱང་རུང་སྟེ། ཡན་ལག་བདུན་ལྡན་གྱི་ཡེ་ཤེས་ལམ་དུ་བྱེད་དགོས་པ་ཡིན་པའི་ཕྱིར། དབང་བཞིའི་ཡེ་ཤེས་ཀྱི་ཆ་ཤས་ཀུན་འདུས་པ་ཁོ་ན་ཡིན་པས། དབང་བཞི་ལམ་བཞིའི་བགོ་བཤའ་བྱེད་པ་མ…

ལག་གཞན་ལ་ཁ་འཕངས་པའི་དབང་གོང་མའི་ཆོ་ག་གསུངས་པ་རྣམས་ཀྱང་འདིར་གསུངས་པ་དང་འདྲ་བར་ཤེས་པར་བྱའོ། །དེ་ལ་སྐབས་འདིའི་བསྟོད་པའི་ཚིགས་བཅད་ལྔ་ལ། འགྲེལ་པ་ནོར་བུའི་འཕྲེང་བ་ལས། རིགས་ལྔ་དང་ཡེ་ཤེས་ལྔའི་བསྟོད་པ་ཡིན་པར་བྱས་ཤིང༌། དེ་དང་མཐུན་པར་བཤད་པ་གཞན་ན་ཡང་ཡོད་དོ། །ཁ་ཅིག་འདི་སྒྱུ་ལུས་བདག་བྱིན་བརླབས་པའི་ཡོན་ཏན་གྱི་སྒོ་…

སྐྱོན་དང་བཅས་ཤིང་ཡོན་ཏན་ཡང་ཆུང་ལ། ཟུང་འཇུག་གི་ཡ་གྱལ་དེ་ནི་ཉེས་སྐྱོན་སྤངས་ཤིང་ཡོན་ཏན་དཔག་ཏུ་མེད་པའི་ཕྱིར། དེའི་སྒོ་ནས་བསྟོད་པར་འཐད་ཅིང༌། རྫུ་འཕྲུལ་ཆེ་ལ་རྣམ་འཕྲུལ་ཞིང༌། སྣ་ཚོགས་མིན་ལ་སྙོམས་འཇུག་པ། ཞེས་པ་ཡང༌། ཟུང་འཇུག་གི་ལ་འཐད་ཀྱི་རིམ་པ་གསུམ་པ་ལ་མ་ཡིན་ནོ། །ཟུང་འཇུག་གི་ནང་ནས་ཀྱང་འདི་ནི་མི་སློབ་པའི་ཟུང་འ…

གནས་ལ་མེད་པའི་དོན་ཡིན་པས། དེ་སྤངས་པའི་སྐུ་ཡིན་པའི་ཕྱིར་རབ་ཏུ་བརྟན་པས་མི་འགྱུར་ཞིང་མི་འཇིག་ལ། འོད་གསལ་དོན་དམ་པ་རྡོ་རྗེའི་ཡེ་ཤེས་ཀྱི་ངོ་བོར་གདོད་ནས་གྲུབ་ཅིང་གནས་ཚུལ་ལ་བདེན་པའི་རྡོ་རྗེའི་སྐུ་སྟེ། ཇི་སྐད་དུ། བརྟན་ལུས་ཁོང་སྟོང་མ་ཡིན་པ། །རྡོ་རྗེའི་སྐུ་ནི་ཐོབ་པར་འགྱུར། །ཞེས་གསུངས་པ་ལྟར་རོ། །དེ་ལྟར་ན་ལུས་ཀྱ…

བཟས་འཚོ་བ་ལ་སོགས་པ་འཇིག་རྟེན་གྱི་བྱ་བ་དང་མཚུངས་པར་སྟོན་པར་མཛད་དོ། །ཡང་དག་པའི་ཡེ་ཤེས་ཀྱི་སྐུ་དེ་ནི་ཆུ་དངས་པའི་ནང་དུ་ཟླ་བའི་གཟུགས་བརྙན་ཤར་བ་བཞིན་དུ་གསལ་བར་སྣང་ཡང་བློས་འདི་ལྟ་བུའོ་ཞེས་གཟུང་དུ་མེད་ལ། ཕུང་ཁམས་སྐྱེ་མཆེད་ཀྱི་ཆོས་གང་ལ་ཡང་གནས་པ་མེད་དེ། སྐུ་དང་ཞིང་ཁམས་ལ་སོགས་པར་སྣང་ཡང་གཟུགས་ཕུང་གི་ངོ་བོར་མི་ག…

མི་མངའ་ལ། དངོས་པོར་འཛིན་པ་མེད་པ་ཙམ་དུ་མ་ཟད་གཟུང་འཛིན་གྱི་དངོས་པོར་སྣང་བའམ་དམིགས་པ་མེད་པ་ཁྱོད་ལ་ཕྱག་འཚལ་ལོ། །གཤེགས་པ་དང་བཞུགས་པ་དང་དེ་བཞིན་དུ་གཟིམས་པ་ལ་སོགས་པ་མཛད་སྤྱོད་སྤྱོད་ལམ་ཅི་མཛད་ཀྱང་དེ་དག་ཐམས་ཅད་དུ་ཁྱོད་ནི་རྟག་ཏུ་མཉམ་པར་འཇོག་པ་ཁོ་ན་ལས་གཡོ་བ་མི་མངའ་སྟེ། རྣམ་པར་གཡེང་བའི་དམིགས་པ་མེད་པ་ཁྱོད་ལ་ཕྱག་…

ཞུགས་པ་ལྟར་དབྱེར་མེད་ཟུང་དུ་འཇུག་པ་ལ་སྙོམས་པར་འཇུག་ཅིང༌། ཡོད་མེད་ཡིན་མིན་ཆེ་ཆུང་བཟང་ངན་རྟག་ཆད་སྐྱེ་འགག་མཐའ་དབུས་འགྲོ་འོང་ཕྱི་ནང་ཤེས་པ་དང་ཤེས་བྱ་ལ་སོགས་པ་མཚན་མའི་དམིགས་གཏད་ཐམས་ཅད་མེད་པར་གཟིགས་པ་ཁྱོད་ལ་ཕྱག་འཚལ་ལོ། །ཞེས་པ་སྟེ། ཤ་རུས་སོགས་བཀག་པས་ནི་སྐུའི་སྐྱོན་མེད་པ་དང༌། བསྙུན་མེད་པ་སོགས་ནི་ཉེར་སྤྱོད་ཀྱ…

ལྟ་བུ་མ་ཡིན་པར་ཡང་དག་པ་སྟེ་སྙིང་ཐག་པ་ནས་ཀྱི་བསམ་པས་བསྟོད་པ་དེ་ལྟ་བུས་བསྟོད་པའི་རྗེས་ནས། བདག་བྱིན་གྱིས་རླབས་པའི་མན་ངག་ཉམས་སུ་མྱོང་བའི་ཕྱིར་དང༌། དེའི་རྒྱུ་གདམས་ངག་མཉན་པར་བྱ་བའི་ཕྱིར། ཚིགས་སུ་བཅད་པ་གཉིས་པོ་འདིས་ལན་གསུམ་དུ་གསོལ་བ་གདབ་པར་བྱའོ། །དེ་ཡང་ཇི་ལྟ་བུས་ཞེ་ན། སློབ་དཔོན་ནི་ཀུན་མཁྱེན་ཏེ་རྫོགས་པའི་སང…

པ་འཚོལ་བའི་རྣམ་པར་རྟོགས་པ་སྤངས་པ་ནི་ཡིན་ནོ། །འགྲོ་བ་རྣམས་ཀྱི་སྡུག་བསྔལ་མ་ལུས་པ་ཞི་བར་མཛད་ཅིང༌། བདེ་བ་དམ་པ་མཐར་ཐུག་སྩོལ་བ་ལ་སྙིང་སྟོབས་མ་ཉམས་པའི་ཕྱིར་དཔའ་བོ། །མཚན་མའི་རྣམ་པར་རྟོག་པ་ཕྲ་མོ་ཚུན་ཆད་ཀྱི་སྐུ་གསུང་ཐུགས་ཀྱི་ཉེས་སྐྱོན་གང་གིས་ཀྱང་མ་གོས་པར་ཐུབ་པར་མཛད་པས་ན་ཐུབ་པ་ཆེན་པོ་སྟེ། ཁྱེད་ཀྱིས་བདག་ཡང་དག་པ…

བདག་གིས། །ཐོབ་པར་འགྱུར་གྱི་གཞན་དུ་མིན། །ཞེས་ཏེ། བྱིན་རླབས་ཀྱི་རིམ་པ་འདི་གང་ལས་ཐོབ་པར་འགྱུར་བའི་ཡུལ་ནི་བླ་མའི་ཞལ་གྱི་གདམས་བ་ལས་ སོ། །ཞེས་འབྱུང་ན། བླ་མའི་ཞལ་ལ་རག་ལས་པ་ནི། འདི་གཅིག་བུར་མ་ཟད་ཐེག་པ་གསུམ་གྱི་མན་ངག་ཐམས་ཅད་དང༌། སྒོས་སུ་གསང་སྔགས་ཀྱི་ལམ་ཐམས་ཅད་དང༌། ཡང་སྒོས་བླ་མེད་ཀྱི་རིམ་གཉིས་ཀུན་ལ་འཇུག་པ་ཡིན…

དང༌། སྒོས་སུ་ཆོས་འདིའི་ཆེད་དུ་བྱ་བའི་གདུལ་བྱའི་དབང་དུ་བྱས་ནས། སློབ་དཔོན་ཡང་བདག་བྱིན་བརླབ་པ་ཡན་ཆད་ཀྱི་ལམ་མངོན་དུ་གྱུར་ངེས་པ་དང༌། སྨོན་ལམ་དང་ཐུགས་རྗེའི་དབང་གིས་སློབ་མ་དེ་འདུལ་པར་བསྐོས་པའི་དབང་དུ་བྱས་ལ། གདུལ་བྱ་མ་ངེས་པ་རྐྱེན་གྱིས་བསྒྱུར་བ་ཕལ་བ་རྣམས་ཀྱི་དབང་དུ་བྱས་ན། སྔོན་གྱི་རྩ་བའི་བླ་མ་དེ་དེ་སྐབས་བཞུག…

འགྲོགས་མེད་པར་སྙིང་ཐག་པའི་སེམས་ཀྱིས། དེ་ལྟར་ཚིགས་བཅད་གཉིས་པོ་དེས་ལན་གསུམ་དུ་གསོལ་བ་འདེབས་པའི་ཚིག་དག་བླ་མས་ཐོས་པར་གྱུར་ནས་ནི། ཟས་ངོ་ནོར་ངོའམ་ཕྱིས་རྙེད་བཀུར་གྱི་རེ་བ་ལ་སོགས་པ་མ་ཡིན་པར། སློབ་མ་དེ་ལ་སྙིང་རྗེ་ཁྱད་པར་ཅན་བསྐྱེད་དེ། དེ་ནས་བདག་བྱིན་གྱིས་བརླབ་པའི་རིམ་པ་བཤད་ཅིང་ངོ་སྤྲོད་པ་བརྩམ་པར་བྱའོ། །ཐབས་ཇི…

རྟོག་པའི་ལྷ་སྐུ་དཀྱིལ་འཁོར་དང་བཅས་པ་རང་ཤར་དུ་འབྱུང་སྟེ། དེ་ནི་བདེ་གསལ་མི་རྟོག་པ་རླུང་དང་བཅས་པ་ལྷ་སྐུ་དངོས་སུ་གྱུར་པ་ཡིན་པས་སྒྱུ་ལུས་དངོས་ཡིན་ལ། སྐབས་འདིའི་དབང་བཞི་པའི་ཡེ་ཤེས་ཀྱང་འདི་ཁོ་ན་ཡིན་ནོ། །དེ་ལྟར་དབང་གི་བྱ་བས་སྒྱུ་ལུས་ཐོབ་པ་དེ་དང༌། དེའི་རྒྱུན་ཕྱིས་གོམས་ཤིང་བརྟན་པ་དང་འཕེལ་བར་བྱེད་པ་ནི་བདག་བྱིན…

པའང་ཡོད་དོ། །དེ་ལ་ཀུན་རྫོབ་བདེན་པ་ཅེས་ཀྱང་བརྡས་བསྟན་པ་ཡིན་ཏེ། ཀུན་རྫོབ་བདེན་པའི་ཆོས་ཉིད་སྒྱུ་མ་ལྟ་བུར་རྣམ་པ་ཐམས་ཅད་པར་གནས་པ་དེའི་རིགས་འདྲ་ལམ་དུ་བྱེད་ཅིང༌། བྱས་པས་མངོན་དུ་ཕྱོགས་པའི་གནས་སྐབས་ཀྱི་ཡེ་ཤེས་ཡིན་པའི་ཕྱིར་རོ། །སྤྱིར་ཀུན་རྫོབ་བདེན་པ་ཡིན་པ་ཙམ་གྱིས་དེར་འཇོག་པ་མིན་ཏེ་ཡིན་ན་ནི། ལམ་ཐམས་ཅད་ཀུན་རྫོབ…

གྱིས་བརླབ་པའི་རིམ། །གང་གིས་རྙེད་པར་མི་འགྱུར་པ། །མདོ་སྡེ་རྒྱུད་དང་རྟོག་པ་ལ། །དེ་ཡི་ངལ་བ་དོན་མེད་ འགྱུར། །ཨཱརྱ་དེ་བའི་བདག་བྱིན་བརླབ་པའི་རིམ་པ་ལས་ཀྱང༌། རྨི་ལམ་སྒྱུ་མ་ལྟ་བུའི་ཆོས། །སངས་རྒྱས་པ་ཀུན་སྨྲ་བ་ནི། །བདེན་ཡང་དེས་ནི་ཤེས་མ་ཡིན། ། བདག་བྱིན་བརླབ་ལས་ཕྱིར་བལྟས་སོ། །ཞེས་དང༌། བླ་མའི་བཀའ་མེད་སྒྱུ་མ་ནི། །མ…