ལས་མཆོག་གྱུར་རིན་པོ་ཆེ་ལྟ་བུའི་གང་ཟག་ནི། རྒྱུད་མང་ཐོས་ཤིང་ཤེས་རབ་དང་ལྡན། གནས་དྲུག་སྟེ་མཐའ་དྲུག་གི་དོན་ཤེས་པ་དང་། མི་བརྗེད་པའི་དྲན་དང་། རབ་ཏུ་འབྱེད་པའི་བློ་གྲོས། དོན་བཅས་འཛིན་པ་མི་འཕྲོག་པའི་བརྟན་བློ། བརྩོན་པ་ཕུན་ཚོགས་དཔལ་ལྡན་བླ་མའི་ཞབས་ལ་བཀུར་སྟི་བཅས་ཤིང་དེ་ཁོ་ན་ཉིད་ཀྱི་ལུང་ཐོབ་པ་རྒྱུད་རྒྱལ་གསང་འདུས་…

ཚིག་གིས་བྱང་ཆུབ་ལམ་ནི་སེམས་ཀྱི་རྣམ་པར་ཕྱེ་བས། ཀླུ་སྒྲུབ་རབ་ཏུ་བྱུང་བའི་མཚན་ནི་ཤཱཀྱ་བཤེས་གཉེན་གྱིས་ནི་དགེ་བ་གང་བསགས་དེས་བློ་གྲོས་མཁས་ཤིང་གསལ་བའི་རྣམ་པར་སྨིན་པའི་རྟེན་བྱང་ཆུབ་སྣོད་གྱུར་ཤོག །གཞན་ཡང་ཤཱཀྱ་བཤེས་གཉེན་ཀླུ་སྒྲུབ་ཀྱི་སློབ་མ་ཡིན་ཡང་། དེ་ལ་བརྩེ་བས་རབ་བྱེད་འདིའི་ནང་དུ་མིང་བཅུག་པར་གྱུར་ཤིང་། བླ་མ…

བརྩེ་བས་བདག་གིས་བཤད་པར་བྱས་སོ། །གཉིས་ལ་གཞུང་དངོས་ཀྱི་དོན་ལ། སྒྱུ་ལུས་ཀྱི་གདམས་ངག་སྟོན་པའི་སྔོན་དུ་བྱ་བའི་རིམ་པ་དང་། དངོས་གཞི་བདག་བྱིན་བརླབ་པའི་རིམ་པ་གསལ་བར་བཤད་པ་དང་། རྗེས་བླ་མ་མཆོད་ཅིང་བཀའ་རྒྱས་བཏབ་པའི་ཚུལ་ཏེ་གསུམ་མོ། །དེ་ལ་དང་པོ་ནི། དེ་ལ་དང་པོར་བསྐྱེད་པའི་རིམ་པའི་ཞེས་པ་ནས། དེ་ནས་བདག་ལ་བྱིན་རླབས་ཙམ…

དག་པར་སྒྱུ་མེད་པའི་བཀུར་སྟི་སོགས་ཀྱིས་མཉེས་པར་བྱས་ཏེ་ཞེས་སོ། །གཉིས་པ་རྡོ་རྗེ་སློབ་དཔོན་མཉེས་པར་བྱེད་པའི་ཐབས་ཁྱད་པར་ཅན་ལ་བསླབ་པ་ནི། དེའི་འོག་ཏུ་བདག་བྱིན་རླབས་པའི་རིམ་པ་གནང་བའི་གསོལ་བ་བཏབ་པས་སྣོད་དུ་གཟིགས་ཏེ་བླ་མ་མཉེས་པར་གྱུར་ནས་འདོད་ཡོན་གྱི་ཚོགས་ཀྱི་མཆོད་པ་ཆེན་པོ་བྱས་ལ་ལོ་བཅུ་དྲུག་མ་རྡོ་རྗེ་སློབ་དཔོན…

བསྟོད་པ་འདིས་བླ་མ་ལ་བསྟོད་པར་བྱའོ། །ཀྱེ་བཅོམ་ལྡན་རྡོ་རྗེ་སློབ་དཔོན་ཁོང་སྟོང་སྐྱེ་བ་སོགས་ཁྱོད་ཀྱི་སྐུ་ལ་མེད་ཀྱི་མེ་ལོང་ལྟ་བུའི་ཡེ་ཤེས་ཀྱི་རང་བཞིན་ཡིན་པའི་ཕྱིར་རོ། །སྐུ་ཇི་ལྟར་སྣང་ཞེ་ན་ཤ་དང་རུས་པ་ཁྲག་མེད་ཀྱང་ནམ་མཁའ་ལ་ནི་འཇའ་ཚོན་ལྟར་ཁྱོད་ཀྱི་སྐུ་ནི་སྟོན་པར་མཛད་པ་རྣམ་སྣང་གི་སྒོ་ནས་སོ། །སྐུ་ལ་བསྙུན་མེད་ཅ…

མ་ལྟ་བུའི་ཏིང་འཛིན་གྱིས་འཕར་སྣང་སོགས་དང་ཡན་ལག་དྲུག་ཅུའི་ཆོས་བསྟན་རྫུ་འཕྲུལ་ཆེ་ལ་སྟེ་ཆོ་འཕྲུལ་ཆེན་པོ་རྣམ་འཕྲུལ་ཞིང་། ཐ་དད་མེད་ལ་སྣ་ཚོགས་མིན་ལ་སྙོམས་པར་འཇུག་པ་ཆོས་དབྱིངས་ཤིན་ཏུ་རྣམ་དག་གི་ཡེ་ཤེས་ཀྱི་ངོ་བོས་དམིགས་མེད་ཁྱོད་ལ་ཕྱག་འཚལ་ལོ་མི་བསྐྱོད་པའོ། །དེ་ལྟར་རྡོ་རྗེ་སློབ་དཔོན་ལ་ཡང་དག་པའི་བསྟོད་པས་བསྟོད་ན…

དམིགས་དང་། ཐོབ་པའི་ཕན་ཡོན་དང་། བདེན་གཉིས་རྒྱུ་འབྲས་སུ་བསྟན་པ་དང་། རིམ་པ་དངོས་རྒྱས་པར་བཤད་པའོ། །དང་པོ་ནི། དེ་ལྟར་གསོལ་འདེབས་མཁས་པ་འཇིགས་པ་མེད་པར་གསོལ་བ་འདེབས་པའི་ཚིག་དག་ཐོས་པར་གྱུར་ནས་ནི་སྙིང་རྗེ་སློབ་མ་ལ་བསྐྱེད་དེ་དེ་ནས་བདག་ལ་བྱིན་རླབས་ཀུན་བརྩམས་པར་བྱའོ། །དེ་ཡང་བདག་བྱིན་བརླབ་པའི་རིམ་པ་ཞེས་པ་སྔགས་ཀྱི…

དེའི་ཕྱིར་ཀུན་རྫོབ་ཏུ་ལྷ་སྐུ་བསྒོམ་པ་དང་། གཟུགས་སྣང་སྣོད་བཅུད་དང་ཞི་སོགས་ལས་རྣམས་དང་སྔགས་ཕྱག་རྒྱ་ལ་སོགས་བྱ་བའི་ཚོགས་ཐམས་ཅད་ཀྱི་བདེན་པ་མཐོང་བ་སྟེ་སྒྱུ་མ་སོགས་དཔེ་བཅུ་གཉིས་ཨབྷ་ལ་སྒྱུ་མའི་དཔེ་བཅུ་གཉིས་སུ་ནམ་མཁའི་མེ་ཏོག །མོ་གཤམ་བུ། རི་བོང་རྭ་གསུམ་བགྲང་འདུག །དང་འདྲ་བར་མཐོང་བ་འདི་ནི་བདག་བྱིན་རླབས་པའི་རིམ་…

སུ་བསྟན་པ་ཡིན་ཏེ་བདག་བྱིན་བརླབས་ཀྱི་རིམ་པ་གསུམ་པ་འདི། རིམ་པ་གཉིས་པའི་སེམས་དབེན་འོད་གསལ་ལས་བྱུང་བའི་རིམ་པ་གཉིས་པ་རྒྱུ་དང་གསུམ་པ་འབྲས་བུ་ཡིན་ནོ། །སླར་ཡང་བདག་བྱིན་བརླབས་པའི་རིམ་གྱིས་ས་གསུམ་པ་ཉིད་ནི་རིམ་པ་བཞི་པའི་འོད་གསལ་བ་ནི་ཐོབ་པར་འགྱུར་ལ་དེ་ལྟ་ན་བདག་བྱིན་བརླབ་རྒྱུ་དང་རིམ་པ་བཞི་པའི་འོད་གསལ་འབྲས་བུའོ། …

ལས། དང་པོ་ནི། འགྲོ་ཀུན་ལས་ཉོན་གྱིས་བཅིངས་པ་ལ་རང་དབང་མེད་པ་སྟེ་གཞན་དབང་ཅན་ཡིན་ལ་བསྐྱེད་རིམ་གྱི་སྔགས་ཀྱི་སྐུ་དེ་ཡང་ཟླ་བ་རྡོ་རྗེ་སོགས་ལས་བྱུང་བའི་གཞན་དབང་ཅན་ནོ་དེའི་ཕྱིར་རང་དབང་དུ་ནི་སྟེ་རང་གི་མཐུ་ལས་འབྱུང་བ་མ་ཡིན་ནོ། །རང་དབང་ཅན་གྱི་ཡིད་ཀྱི་རང་བཞིན་གྱི་ལྷའི་སྐུ་དེ་ཡི་རྒྱུ་ནི་འོད་གསལ་བ་ཡིན་ཏེ་གཞན་མིན་ནོ…

གྱི་བཅིངས་པའི་སེམས་གང་གིས་ནི་བྱིས་པ་རྣམས་འཁོར་བར་འཆིང་བས་བཅིངས་གྱུར་པ་སེམས་དེ་ཉིད་ཀྱི་རང་བཞིན་དང་སྣང་བའི་དབྱེ་བ་ཤེས་པའི་ཁོ་ན་ཉིད་ཀྱིས་རྣལ་འབྱོར་པ་རྣམས་བདེ་གཤེགས་གནས་སུ་སྟེ་འོད་གསལ་བ་དེར་འགྲོ་བར་འགྱུར་རོ། །དེའི་ཕྱིར་འོད་གསལ་གཅིག་ཡིན་ཏེ་དོན་དམ་པར་བཅིངས་ཐར་སྐྱེ་འཇིག་སོགས་མེད་པར་བསྟན་ཕྱིར་འདིར་ནི་གང་ཡང་…

སྒྱུ་ལུས་དེ་སྒྲུབ་བྱེད་ཀྱི་ཐབས་བཤད་པ་སྟེ་གསུམ་མོ། །ཀུན་དང་པོ་ནི། དེ་ཁོ་ན་ཉིད་ཡེ་ཤེས་ཀྱི་རླུང་དང་ཡང་དག་ལྡན་པའི་རྣམ་ཤེས་གསུམ་པོ་སླར་ཡང་ནི་རྣལ་འབྱོར་པ་ཡི་ལུས་སུ་འབྱུང་བ་ལ་སྒྱུ་མའི་ལུས་ཞེས་དེ་ལ་བཤད་དེ་འོད་གསལ་བའི་གནས་ལུགས་ཀྱི་དབང་དུ་བཅིངས་གྲོལ་མེད་དེ་ཡེ་ནས་མ་སྐྱེས་མི་འགག་པའོ། །དེ་བས་འདི་ལྟར་འགྲོ་བ་ཀུན་ས…

དོག་རྣམས་ནི་སྣང་ཡང་འཇའ་ལྟ་བུ་ཐོགས་རེག་མེད་པ་དང་། གར་ཡང་ཁྱབ་པ་ཆུ་ཡི་ཟླ་བ་ཆུ་སྣོད་གཅིག་ལ་ཁྱབ་པ་ལྟར་ཆུ་སྣོད་ཇི་སྙེད་དུ་ཁྱབ་པས་སོ། །དངོས་པོ་ཡོད་པ་དང་དངོས་མིན་མི་སྣང་བ་ལས་གྲོལ་བ་ཡི་དཔེ་ནི། རྡོ་རྗེ་སེམས་དཔའ་ཡི་སྐུ་ལེགས་པར་བྲིས་པ་མེ་ལོང་དྲི་མ་མེད་པ་ལ་གཟུགས་བརྙན་གསལ་བར་སྣང་བ་དང་སྒྱུ་ལུས་མཚུངས་སྟེ། མཚན་དཔེ་ད…

རྟེན་ཀུན་ལ་ཁྱབ་པར་གྱུར་པ་དེ་ཉིད་ནི། ཇི་ལྟར་དྲི་ཟའི་སེམས་ཅན་ཞེས་གསུངས་པ་ལུས་ཀྱི་གདོས་པ་བོར་ཏེ། དབང་པོ་ཀུན་ཚང་ཡིད་ཀྱི་ལུས་ཡིན་པ་ལྟར། འདིར་སྒྱུ་མ་ལྟ་བུའི་ལུས་ལ་ཕུང་པོ་རང་བཞིན་གྱི་རྣམ་རྟོག་མེད་པས་དྲི་ཟའི་སེམས་ཅན་དང་སྒྱུ་མའི་ལུས་ལ་ཁྱད་པར་འགའ་ཡང་མེད་དེ་གཉིས་ཀ་སྒྱུ་མའོ། །ཡང་ན་སེམས་ཅན་ཐ་མལ་པ་རྣམས་ལུས་བོར་ནས…

ནས་འབད་པ་ཡིས་བདག་ཉིད་རྟག་ཏུ་འདོད་པའི་ཡོན་ཏན་ལྔས་མཆོད་པར་བྱ་ཞེས་དྲང་བའི་དོན་སངས་རྒྱས་བྱང་སེམས་ཐམས་ཅད་རང་བཞིན་འོད་གསལ་ལས་བྱུང་བའི་ཕྱིར་བདག་ལ་མཆོད་པ་བྱ་བ་ནི་ངེས་དོན་ནོ། །དེ་ནི་རང་དོན་དང་གཞན་དོན་དུ་སྔགས་དང་ཕྱག་རྒྱའི་སྦྱོར་བ་དང་སྐུ་སོགས་ཀྱི་དཀྱིལ་འཁོར་དང་ལ་སོགས་པའི་སྒྲས་དབང་བསྐུར་ལ་སོགས་པ་ཇི་སྙེད་ཀྱི་རྣམ…

རོ་དང་རེག་བྱ་ཉིད་དག་ལ་མིག་ལ་སོགས་པ་འཇུག་འགྱུར་བ་ཀུན་ཀྱང་སྒྱུ་མ་ལྟ་བུར་ཉེ་བར་བརྟག་པར་བྱའོ། །གསུམ་པ་སྒྱུ་ལུས་ཀྱི་རིམ་པ་མཐར་ཕྱིན་པའི་ཚད་ནི། མདོར་ན་རྡོ་རྗེ་ཐེག་པ་ཉམས་སུ་ལེན་པའི་དེ་ཉིད་དུ་ཀླུ་བྱང་འགྲེལ་དུ། འདིར་མང་བརྗོད་པས་ཅི་ཞིག་བྱ། །རྡོ་རྗེ་ཐེག་པས་ཡང་དག་ཏུ། །ཞེས་གསུངས། འདིར་ནི་མང་དུ་བཤད་ཅི་དགོས་རྣལ་འབྱ…

མཉམ་པར་མ་གཞག་པའི་རྗེས་ཐོབ་ལའང་སྦྱོར་བ་ཡིས་སྣང་བ་ཐམས་ཅད་སངས་རྒྱས་ཀུན་དང་མཉམ་པར་སྦྱོར་ཏེ་དེ་བཞིན་གཤེགས་པའི་རང་བཞིན་དུ་བལྟའོ། །ཕྱོགས་ཀུན་ཏུ་ཀུན་ནས་དངོས་པོ་ཐམས་ཅད་དང་བདག་གི་ཕུང་ཁམས་སྐྱེ་མཆེད་སོགས་ཉིད་ཀྱང་རྟག་ཏུ་རྣམ་པ་ཀུན་ནས་སངས་རྒྱས་ཀུན་བདག་དུ་མཐོང་པ་ཡི་དངོས་གྲུབ་ནི་རྣལ་འབྱོར་རང་ཉིད་ཀྱིས་ནི་དེ་མཐོང་འགྱུ…

འགྱུར་རོ་ཞེས་ཕྱག་རྒྱ་ཆེན་པོ་འགྲུབ་པའི་ཡོན་ཏན་ཇི་ལྟར་སྟོན་པ་རྫོགས་སངས་རྒྱས་འཇིག་རྟེན་ཕན་པར་བཞེད་པས་འཇིག་རྟེན་འདི་དང་འཇིག་རྟེན་གཞན་དུ་གཤེགས་པ་དེ་བཞིན་ཕྱག་རྒྱ་ཆེན་པོ་གྲུབ་པའི་རྣལ་འབྱོར་ཆེན་པོ་ནི་སེམས་ཅན་ལ་ཕན་པ་ཀླུ་བྱང་འགྲེལ་དུ་རང་གི་ཤེས་རབ་བསྐྱེད་པའི་ཕྱིར་ཞེས་སྣང་། སྣ་ཚོགས་མི་རྟོག་ཡེ་ཤེས་སྐྱེས་པས་འཇིག་…

དངོས་པོ་ལ་ནི་ཉེ་བར་དམིགས་ཏེ་འདོད་ཆགས་སྣ་ཚོགས་སྐྱེས་པ་རྣམས་དེ་དག་སྒྱུ་མའི་སྨན་གྱིས་གསོ་བར་བྱེད་དོ། །སྒྲུབ་པ་པོ་གང་ཞིག་བདག་བྱིན་བརླབ་པའི་མན་ངག་དག་གང་གིས་བླ་མ་ལས་མ་བསྒྲུབ་པ་དེས་ནི་དངོས་པོ་ཡོད་པའི་རྟག་པ་དང་མེད་པའི་ཆད་པ་ལ་ལྷར་སྣང་སོགས་མངོན་ཞེན་གྱི་དམིགས་པས་ལམ་ལ་གོམས་པར་བྱས་པའི་མི་དེ་སོ་སྐྱེའི་སར་ཕྱིར་ལྡོ…

མར་སྦྱིན་པར་བྱའོ། །ཅིའི་ཕྱིར་ན་རྡོ་རྗེ་སློབ་དཔོན་གྱིས་ནི་བུམ་པ་སོགས་ཀྱིས་རང་རྒྱུད་ཀྱི་སྡིག་པ་འཕྲོག་སྟེ་དབང་བསྐུར་བས་སོ། །སློབ་དཔོན་གྱིས་ནི་གསང་དབང་གི་རྣམ་རྟོག་སོགས་ཀྱི་འཇིགས་པ་སེལ་ཞིང་སློབ་དཔོན་གྱིས་ནི་ཤེས་རབ་དབང་བསྐུར་བས་འཁོར་བའི་རྩ་སྲེད་ལས་བྱུང་སྡུག་བསྔལ་གྱི་རྒྱ་མཚོའི་འཇིགས་ལས་ཕ་རོལ་ཏུ་བསྒྲལ་བར་བྱ…