མེ་ཏོག་སྣ་ཚོགས་ཕྲེང་བས་མཛེས་པར་བརྒྱན༔ ཆོས་སྐུ་སྣང་བ་མཐའ་ཡས་རིགས་བདག་ཅན༔ ལྔ་ལྡན་འོད་ཕུང་ཀློང་ན་བཞུགས་པའི་འཁོར༔ རིག་འཛིན་དཔའ་བོ་མཁའ་འགྲོ་ཆོས་སྐྱོང་ཚོགས༔ སྤྲིན་ལྟར་འཐིབས་ཤིང་གློག་ལྟར་ཁྱུགས་སེ་ཁྱུག༔ ཧཱུྃ་ཕཊ་སྒྲ་སྒྲོག་བཤུག་གླུ་ཀྱུ་རུ་རུ༔ གར་བསྒྱུར་བྲོ་བརྡུང་འཛབ་བསྙེན་དི་རི་རི༔ དྲི་ཞིམ་སྤོས་ཀྱི་དུད་པ་ཐུ་ལ…

གེ་སར་སྡོང་པོ་ལ༔ ཡ་མཚན་མཆོག་གི་དངོས་གྲུབ་བརྙེས༔ པདྨ་འབྱུང་གནས་ཞེས་སུ་གྲགས༔ འཁོར་དུ་མཁའ་འགྲོ་མང་པོས་བསྐོར༔ ཁྱེད་ཀྱི་རྗེས་སུ་བདག་བསྒྲུབ་ཀྱི༔ བྱིན་གྱིས་བརླབ་ཕྱིར་གཤེགས་སུ་གསོལ༔ ཨོཾ་ཨཱཿཧཱུྃ་བཛྲ་གུ་རུ་ཌཱ་ཀི་ཙཎྜ་ལཱི་ས་མ་ཡ་ཧཱུྃ་ཧྲཱིཿཛཿཛཿཧཱུྃ་བཾ་ཧོ༔ ཨོཾ་ཨཱཿཧཱུྃ་ཧྲཱིཿབཛྲ་གུ་རུ་པདྨ་དྷཱ་ཀི་ནཱི་ཙཎྜ་ལཱི་ཨཱ་ཡུཿསི…

རྡོ་རྗེ་རྩེ་ལྔ་དང༔ མཉམ་གཞག་ཚེ་བུམ་འཛིན་པས་ཡུམ་ལ་འཁྱུད༔ གཉིས་མེད་སྦྱོར་ཡུམ་ལྷ་མོ་ཙཎྜ་ལཱི༔ དཀར་དམར་མདངས་ལྡན་ཡབ་ཀྱི་སྐུ་ལ་འཁྲིལ༔ གཡས་གཡོན་ཕྱག་ན་ཚེ་མདའ་བུམ་པ་བསྣམས༔ གཉིས་ཀ་རིན་ཆེན་རུས་རྒྱན་དར་ཟབ་དང༔ མེ་ཏོག་སྣ་ཚོགས་ཕྲེང་བས་མཛེས་པར་བརྒྱན༔ ལྔ་ལྡན་འོད་ཕུང་ཆེན་པོའི་ཀློང་ན་བཞུགས༔ ཡབ་ཀྱི་དུང་ཁང་ཟླ་བའི་དཀྱིལ་འཁ…

གསལ་བསྒོམས་ལྷ་ཚོགས་སྤྱན་དྲངས་བསྟིམ༔ ཧྲཱི༔ སྔོན་ཚེ་བདེ་བ་ཅན་གྱི་ཞིང་ཁམས་ནས༔ འོད་ཟེར་ལྔ་ལྡན་རྒྱ་མཚོའི་ཀློང་དུ་འཕྲོས༔ ཆོས་སྐུའི་དབང་བསྐུར་འཆི་མེད་དངོས་གྲུབ་བརྙེས༔ མ་ཧཱ་གུ་རུ་མཚོ་སྐྱེས་རྡོ་རྗེའི་སྐུ༔ འཆི་མེད་ཚེ་ཡི་ལྷ་མོ་ཙཎྜ་ལཱི༔ འཁོར་དུ་དཔའ་བོ་མཁའ་འགྲོའི་ཚོགས་དང་བཅས༔ སྐུ་གསུམ་ཚེ་ཡི་ལྷ་ཚོགས་དབྱིངས་ནས་བཞེ…

ཨཱཿཧཱུྃ་ཧྲཱིཿགུ་རུ་དེ་ཝ་ཌཱ་ཀི་ནཱི་ས་མ་ཡ་ཧྲཱིཾ་ཧྲཱིཾ་ཛཿཛ༔ ཧྲཱི༔ སྐུ་གསུམ་ཚེ་ཡི་ལྷ་ཚོགས་རྣམས༔ བདག་དང་དབྱེར་མེད་བརྟན་པར་བཞུགས༔ ཨོཾ་ཨཱཿཧཱུྃ་ཧྲཱིཿཀཱ་ཡ་ཝཱ་ཀ་ཙིཏྟ་ཧཱུྃ༔ རང་དང་དབྱེར་མེད་སྐུ་གསུམ་ལྷ་ཚོགས་ལ༔ གཉིས་སུ་མེད་པར་གུས་པས་ཕྱག་འཚལ་ལོ༔ ན་མོ་པུ་རུ་ཤ་ཡ་ཧོ༔ ཧྲཱི༔ སྐུ་གསུམ་འཆི་མེད་ཚེ་ཡི་ལྷ་ཚོགས་ལ༔ ཕྱི་ནང་གས…

རྗེ་ཆེན་པོས་འགྲོ་དོན་མཛད༔ པདྨ་ལས་འཁྲུངས་པདྨ་འབྱུང་གནས་སྐུ༔ བདེ་སྐྱེད་གསང་བའི་ལྷ་མོ་ཙཎྜ་ལཱི༔ དཔའ་བོ་མཁའ་འགྲོའི་ཚོགས་ལ་ཕྱག་འཚལ་བསྟོད༔ མདུན་བསྐྱེད་ལ་དམིགས་པའི་བཟླས་པ་ནི། ཨོཾ་ཨཱཿཧཱུྃ་ཧྲཱིཿབཛྲ་གུ་རུ་པདྨ་དྷཱ་ཀི་ཙཎྜ་ལཱི་ཨཱ་ཡུཿསིདྡྷི་ནྲྀ་བྷྲཱུྃ་ཧཱུྃ་ཛ༔ ཞེས་གཟུངས་ཐག་ནས་བཟུང་སྟེ་བཟླས་པ་ཅི་འགྲུབ་བྱའོ། །ལྷ་དང་མ…

བྷྲཱུྃ་ཛཿཧཱུྃ་ཨཱ༔ ལྷོ་ནུབ་སྲིན་ཡུལ་ཟངས་མདོག་དཔལ་རི་ནས༔ འཆི་མེད་པདྨ་འབྱུང་གནས་སྤྲུལ་པའི་སྐུ༔ སྔོན་གྱི་ཐུགས་དམ༴ འདིར་བྱོན་སྒྲུབ་པའི༴ ཚེ་ཟན་འདི་ལ༴ ཚེ་མདའ་འདི་ལ༴ འཆི་མེད་ཚེ་ཡི༴ ཨོཾ་ཨཱཿཧཱུྃ་ཧྲཱིཿབཛྲ་གུ་རུ༴ སིནྡྷུ་རྒྱ་མཚོར་རོལ་པའི་མཚོ་གླིང་ནས༔ མཚོ་སྐྱེས་རྡོ་རྗེ་འཆི་མེད་ཚེ་ཡི་ལྷ༔ སྦྱོར་བའི་ཡུམ་ཆེན་ལྷ་མོ་ཙཎ…

རོང་ཟབ་གཏེར་གནས་མཆོག་ནས། །གནུབས་ཆེན་སྐྱེ་སྤྲུལ་ཞང་ཁྲོམ་མཐུ་སྟོབས་བདག །ཆོས་འཁོར་བསམ་ཡས་བསམ་གྲུབ་བདེ་ཆེན་ནས། །མངའ་བདག་ཁྲི་སྲོང་གསུང་སྤྲུལ་ཆོས་ཀྱི་དབང། །སྔོན་གྱི༴ འདིར་བྱོན༴ ཚེ་ཟན༴ ཚེ་མདའ༴ འཆི་མེད༴ ཨོཾ་ཨཱཿཧཱུྃ་ཧྲཱིཿ༴ ལྷང་ལྷང་མཚམས་ཕུག་དགེ་བའི་གཏེར་གནས་ནས། །སྤྲུལ་སྐུ་གཏེར་སྟོན་བཀྲ་ཤིས་སྟོབས་ཀྱི་རྒྱལ། །གུ…

ཨོཾ་ཨཱཿཧཱུྃ༴ ཁ་སྐོང་ནི། རྡོ་རྗེའི་གནས་མཆོག་སྒྲོལ་མ་ཕུག་པ་ནས། །ཚེ་བདག་ཆེན་པོ་འགྱུར་མེད་རྡོ་རྗེ་དང་། །གང་དེས་བྱིན་བརླབས་གྲུབ་པའི་གཞལ་ཡས་ནས། །འཇམ་དབྱངས་རྡོ་རྗེ་པདྨ་ཀུན་གསལ་ཞབས། །སྔོན་གྱི༴ འདིར་བྱོན༴ ཚེ་ཟན༴ ཚེ་མདའ༴ འཆི་མེད༴ ཨོཾ་ཨཱཿཧཱུྃ༴ དགོན་བྱང་སྨིན་གྲོལ་རྒྱ་མཚོའི་ཕོ་བྲང་ནས། །ཆོས་ཀྱི་དོན་གྲུབ་བསྟན་པའི་…

བཅས༔ ཕྱི་ལྟར་སྣང་བ་ཚེ་འབྲང་ལུ་གུ་རྒྱུད༔ ནང་ལྟར་སྣང་བ་སྐུ་གསུམ་ཚེ་ཡི་ལྷ༔ གསང་བ་འཆི་བ་མེད་པའི་དམ་རྫས་གཏེར༔ ཚེ་མདའ་རྒོད་སྒྲོ་སྐུ་གསུམ་ཚིགས་ཕྲེང་ཅན༔ འཆི་མེད་ཚེ་རྟེན་བླ་གཡུ་དམར་པོ་དང༔ སྣང་སྲིད་གསལ་བའི་མེ་ལོང་དྭངས་མས་བརྒྱན༔ ལེ་བརྒན་དར་གྱི་ཅོད་པན་པུ་རུ་རུ༔ འདིར་སྤྱོན་འདིར་གཤེགས་སྐུ་གསུམ་ཚེ་ཡི་ལྷ༔ འབྱུང་ཆེན…

གཤེགས། །ཛཿཧཱུྃ་བཾ་ཧོཿ ཧྲཱིཿ འདོད་ཡོན་ལྔ་ལྡན་ཚོགས་མཆོད་སྤྲིན། །ནམ་མཁའ་གང་བ་ལེགས་སྤྲོས་ཏེ། །རྩ་གསུམ་དཀྱིལ་འཁོར་ལྷ་ལ་འབུལ། །མཆོད་བཞེས་དབང་དང་དངོས་གྲུབ་སྩོལ། །གུ་རུ་པདྨ་ཌཱ་ཀི་ནཱི་ཙཎྜ་ལཱི་ཡཻ་དེ་ཝ་ཌཱ་ཀི་ནཱི་སརྦ་དྷརྨ་པཱ་ལ་ས་པ་རི་ཝཱ་ར་ག་ཎ་ཙཀྲ་པཱུ་ཛ་ཁཱ་ཧི། རྩ་གསུམ་སྐོང་གསོ་གཏང་། ལྷག་མ་ཐུགས་སྒྲུབ་ལྟར་བྱ། ཆད་ཐ…

དགུར་སྤྱོད་པའི་དངོས་གྲུབ་བསྩལ་དུ་གསོལ། །སིདྡྷི་ཕ་ལ་ཧཱུྃ་ཨཱཿ རྗེས་ཆོག་བཟོད་གསོལ་སྤྱི་ལྟར་རོ། །དེ་ལྟར་འཆི་མེད་སྐུ་གསུམ་རིགས་འདུས་ཀྱི་ཚེ་ཆོག་ཁྲིགས་སུ་བྱས་པ་འདི་ཡང་། བརྒྱུད་འདེབས་གཏེར་སྟོན་གྱིས་གསུངས་པ་དང་། བདག་བསྐྱེད་ཟུར་དུ་བྱས་ན་རྣམ་པ་གསལ་ཞིང་དབང་བསྐུར་སོགས་ལ་ཕན་པར་གོ་ནས་སྒྲུབ་ཐབས་ནས་བླངས། ཚེ་འགུགས་ཚེ…

རྙིང་བསྟན་མཛེས་པའི་རྒྱན་དུ་འདི་ན་སྤེལ། །དགེ་འདིས་ཁྱབ་བདག་བླ་མ་ངག་དབང་མཚན། །ལྔ་ལྡན་ལོངས་སྐུའི་མགོན་ལྟར་མི་གཡོ་ཞིང་། །རྣམ་བཞིའི་ཕྲིན་ལས་རྒྱ་མཚོ་རབ་འཕེལ་བའི། །བཀྲ་ཤིས་བཟང་པོས་རྣམ་ཀུན་བདེ་ལེགས་ཤོག། ། ༈ །འཆི་མེད་སྐུ་གསུམ་རིགས་འདུས་ཀྱི་དབང་ལེན་ཚུལ་རེག་ཟིག་ཏུ་བཏབ་པ་བཞུགས་སོ། །ན་མོ་པདྨཱ་ཀ་ར་སིདྡྷི་ཡེ། འདིར་…

བརྗོད་ཅིང་། སྐྱབས་སེམས་ལན་གསུམ་བརྗོད་པ་རྣམས་ཀྱིས་འཇུག་པའོ། །གཉིས་པ་དངོས་གཞི་དབང་གི་ཡེ་ཤེས་དབབ་པ་ནི། ཞེས་བརྗོད་སློབ་དཔོན་ལྷ་ཡི་ཏིང་འཛིན་གྱིས༔ ཞེས་སོགས་ཚིགས་བཅད་ཀྱི་སྒོ་ནས་ཡེ་ཤེས་དབབ་པའི་དམིགས་པ་རྣམས་བསྟན་པ་ཡིན་པས་ཚིགས་བཅད་རྣམས་ངག་ཏུ་བརྗོད་ཅིང་། བརྗོད་དོན་གསལ་བར་བྱ་བ་ནི། དཀྱིལ་འཁོར་གྱི་གཙོ་བོའི་ཕྱག་གཡ…

མཁའ་འགྲོའི་ཚོགས་ཀྱིས་བསྐོར་བ་མདུན་གྱི་ནམ་མཁར་གློག་འགྱུ་བ་བཞིན་དུ་བྱོན་ནས་སྤྲིན་ཕུང་འཁྲིགས་པ་ལྟར་ཐིབས་ཀྱིས་བཞུགས། རང་གི་ལས་དང་དེ་རྣམས་ཀྱི་ཐུགས་རྗེ་འཛོམ་པ་ལས་དེ་དག་ཐམས་ཅད་འོད་ཀྱི་ཕུང་པོར་ལྟེམ་གྱིས་ཞུ་ནས། འོད་ཕུང་དེ་དག་ཀྱང་ཨོཾ་ཨཱཿཧཱུྃ་གི་ཡིག་འབྲུ་གྲངས་མེད་པར་གྱུར་པ་དང་། གཞན་ཡང་ཕྱོགས་བཅུའི་ཞིང་ཁམས་རབ་འབ…

བསམ་ཞིང་རྡོ་རྗེ་རང་གི་གནས་གསུམ་དུ་གཏུགས་ལ་ཧྲཱིཿལན་གསུམ་བརྗོད། ཡང་རྩ་བའི། དེ་ནས་ཧྲཱིཿཞེས་བརྗོད་པས་སྐད་ཅིག་གིས༔ སིནྡྷུ་རྒྱ་མཚོ་དྭངས་པའི་དབུས་ཉིད་དུ༔ ཞེས་སོགས་ཀྱི་བདག་བསྐྱེད་བླང་ཚུལ། གོང་ལྟར་སྤྱན་དྲངས་སིབ་སིབ་ཐིམ་པར་བསམ༔ ཞེས་པའི་བར་ངག་ཏུ་བརྗོད་ཅིང། དེའི་སྒོམ་དོན་ནི། གོང་དུ་རང་རིག་ཡི་གེ་ཧཱུྃ་དུ་གྱུར་པ་ད…

མའི་ཟེར་ལྟར་འཕྲོས་པས། གོང་ལྟར་སྐུ་གསུམ་ཚེའི་ལྷ་ཚོགས་ཐམས་ཅད་སྤྱན་དྲངས་ཏེ་རང་ལ་སིབ་སིབ་ཐིམ་པར་མོས་ཏེ་སྤོས་རོལ་བྱ། དེ་བརྟན་པར་བྱ་བའི་ཕྱིར་དབང་དངོས་ནི་བུམ་གསང་ཡེ་ཤེས་བདེ་ཆེན་དང་བཞི་ལས། དང་པོ་བུམ་དབང་ནི། བུམ་པ་དང་ཚེ་འབྲང་མ་བྲལ་བར་བཏེགས་ལ་རང་གི་སྤྱི་བོར་བཞག་སྟེ། དཀྱིལ་འཁོར་གྱི་གཙོ་བོ་དང་བླ་མ་གཉིས་སུ་མེད་པ…

གི་རྟ་མགྲིན་བདུད་རྩིར་ཞུ། རྩ་ཁམས་ཀུན་ཁྱབ་པས་ནང་གི་བར་ཆད་སྲུང་། ཕྱི་རོལ་སྒོ་དགུ་བ་སྤུའི་བུ་ག་ཐམས་ཅད་ཁྲོ་རྒྱལ་བདུད་རྩི་འཁྱིལ་པའི་ངོ་བོ་སྣ་ཚོགས་རྡོ་རྗེས་ཞུ་ལུགས་སུ་གཏམས་པར་བསམས་ལ། པདྨ་རྟ་ཞལ་གྱིས་མཚན་པ་སྤྱི་བོར་བླངས་ཏེ། ཧྲཱི༔ རྒྱལ་བས་དབང་བསྐུར་རིགས་ཀྱི་ཅོད་པན་དུ༔ ཞེས་སོགས་བརྗོད་ལ། ཡབ་ཀྱི་སྤྱི་གཙུག་ཏུ་རྟ…

དབང་གི་བསྐུར་ཚིག་གོང་ལྟར་བརྗོད་ལ་བུམ་པ་སྤྱི་བོར་བླང་། རང་གི་ལྗགས་སྟེང་གི་ཨཱཿསྔགས་ཕྲེང་དང་བཅས་པ་བདུད་རྩིར་ཞུ་ནས་ཡབ་ཡུམ་གྱི་རྩ་འཁོར་ཀུན་ཁྱབ་པར་བསམས་ཏེ། རླུང་བུམ་པ་ཅན་ཐུན་གཅིག་བཟུང་། གསང་དབང་དངོས་མེ་ལོང་ཡིག་བདུན་གྱིས་མཚན་པ་མགྲིན་པར་གཏུགས་ཏེ། ཧྲཱི༔ ཡིག་བདུན་འདི་ལས་འཕགས་པའི་སྐུ་བྱོན་པ༔ ཞེས་སོགས་སྔགས་བཅས་…

ཀར་ཉི་མ་འོག་དང་ཟླ་བ་སྟེང་དུ་བྱས་པའི་གའུ་ཁ་སྦྱོར་ཡོད་པའི་ཉི་མ་གཡོན་དང་ཟླ་བ་གཡས་སུ་འཁོར། གོང་དུ་བཤད་པའི་ཤར་དུ་ར་ཧ་སོགས་རིགས་བཞི་ཡབ་ཡུམ་གྱི་སྲོག་ཡིག་རྣམས་རང་སྒྲ་སྒྲོག་པའི་རྐྱེན་གྱིས་རང་ཉིད་ཚེ་ལྷ་ཡབ་ཡུམ་སྙོམས་པར་ཞུགས། ལྷ་ཚོགས་ཐམས་ཅད་བདེ་བའི་རང་བཞིན་མཆོག་ཏུ་རྒྱས་པར་བསམས་ཏེ་བདེ་སྟོང་གི་མཆོག་ཏུ་མཉམ་པར་གཞག …