འདིར་སྤྱིའི་དོན་ནི་ཤེས་བྱ་ཐམས་ཅད་གཞི་ལྔས་བསྡུས་པ་ཡིན་ཏེ། གཟུགས་དང་། སེམས་དང་། སེམས་ལས་བྱུང་བ་དང་། མི་ལྡན་པའི་འདུས་བྱེད་དང་འདུས་མ་བྱས་སོ། །དེ་ལ་བྱེ་བྲག་ཏུ་སྨྲ་བ་ནི་དེ་ཐམས་ཅད་རྫས་སུ་ཡོད་པར་འདོད་དེ། ཐམས་ཅད་ཡོད་པར་སྨྲ་བ་ཡིན་པའི་ཕྱིར་རོ། །དེ་ལ་གཟུགས་ནི་གཟུགས་ཀྱི་ཕུང་པོ་སྟེ་རྡུལ་ཕྲ་རབ་དང་རགས་པ་དང་། དེ་གཉི…

གཉིས་པ་གཟུགས་ཅན་མ་ཡིན་པའི་ལྷན་ཅིག་སྐྱེ་བའི་ཚུལ་ལ་གཉིས་ལས་དང་པོ་མདོར་བསྟན་པ་ནི་སེམས་དང་སེམས་ལས་བྱུང་བ་རྣམས་ནི་ངེས་པར་ལྷན་ཅིག་ཏུ་སྐྱེ་སྟེ། ཕན་ཚུན་མེད་ན་མི་འབྱུང་བའི་ཕྱིར་རོ། །འདུས་བྱས་ཐམས་ཅད་ནི་འདུས་བྱས་ཀྱི་མཚན་ཉིད་སྐྱེ་བ་ལ་སོགས་པ་བཞི་དང་ངེས་པར་ལྷན་ཅིག་ཏུ་སྐྱེའོ་ཞེས་བྱ་བ་ནི་བྱེ་བྲག་ཏུ་སྨྲ་བའི་གྲུབ་པའི…

གཉིས་པ་རྒྱས་པར་བཤད་པ་ལ་མཚུངས་ལྡན་དང་། མཚུངས་ལྡན་མ་ཡིན་པ་རྒྱས་པར་བཤད་པ་གཉིས་ལས་དང་པོ་ནི་སེམས་བྱུང་ཞེས་པས་མདོར་བསྟན་པ་ཡིན་ཏེ། སེམས་ལས་བྱུང་བ་ངེས་པ་རྣམས་ནི་སྡེ་ཚན་རྣམ་པ་ལྔ་སྟེ། སེམས་ཀྱི་ས་མང་པོ་པ་དང་། སོགས་པའི་སྒྲས་གཟུང་བ་དགེ་བའི་ས་མང་པོ་བ་རྣམས་དང་། ཉོན་མོངས་པའི་ས་མང་པོ་པ་རྣམས་དང་། མི་དགེ་བའི་ས་མང་པོ་པ…

གཉིས་པ་མཚུངས་ལྡན་མ་ཡིན་པ་བཤད་པ་ལ་གསུམ་ལས་མདོར་བསྟན་པ་ནི་སེམས་དང་མི་ལྡན་པའི་འདུ་བྱེད་རྣམས་ནི་རྣམ་པ་བཅུ་བཞི་སྟེ། (ཐོབ་པ་རྒྱུད་ཀྱིས་མ་བསྡུས་པའི་ཕྱི་རོལ་གྱི་དོན་ཐུན་མོང་བ་ཞིག་ཡིན་ན་དེ་ནི་ཉེ་རིང་མེད་པས་ཐམས་ཅད་ལ་ཡོད་པ་མི་འགལ་བས་དགྲ་བཅོམ་པ་སོ་སྐྱེའི་ཉོན་མོངས་ཀྱི་ཐོབ་པ་ཡོད་པ་སྲིད་པར་འགྱུར་རོ། །དེ་འདོད་ན་དགྲ…

གཉིས་པ་ཞར་ལ་རྒྱུ་རྐྱེན་འབྲས་བུ་དང་བཅས་པ་བཤད་པ་ལ་རྒྱུ་དང་འབྲས་བུ་དང་རྐྱེན་བཤད་པ་གསུམ་གྱི་དང་པོ་ལའང་གསུམ་ལས་མདོར་བསྟན་པ་ནི་ཆོས་མངོན་པ་པ་རྣམས་ཀྱིས་རྒྱུ་ནི་རྣམ་པ་དྲུག་དུ་འདོད་དོ་ཞེས་འབྱུང་གིས། རྒྱུ་ནི་རྣམ་པ་དྲུག་ཏུ་གསུངས་ཞེས་མི་འབྱུང་བ་ནི། བསྟན་བཅོས་མངོན་པའི་མཛོད་རྩོམ་པའི་དུས་སུ་རབ་ཏུ་བསྡུ་བའི་གཞི་པོ་ཉམ…

གཉིས་པ་འབྲས་བུ་བཤད་པ་ནི་འདུས་བྱས་ལ་རྣམ་སྨིན་དང་རྒྱུ་མཐུན་དང་བདག་པོ་དང་སྐྱེད་པའི་སྐྱེས་བུ་བྱེད་འབྲས་ཏེ་ཕྱེད་དང་བཞི་དང་། འདུས་མ་བྱས་ལ། ཐོབ་པའི་སྐྱེས་བུ་བྱེད་འབྲས་དང་ཟག་བཅས་གཉེན་པོས་བྲལ་འབྲས་སོ་སོར་བརྟགས་འགོག་དང་བཅས་པ་(ཕྱེད་དང་གཉིས་སུ་ཕྱེ་བ།) ནི་འབྲས་བུ་ཡིན་ཏེ། བསྟན་བཅོས་ལས། འབྲས་བུའི་ཆོས་རྣམས་གང་ཞེ་ན།…

གསུམ་པ་རྐྱེན་བཤད་པ་ལ་ལྔ་ལས་མདོར་བསྟན་པ་ནི་རྐྱེན་ནི་བཞི་པོ་དག་ཏུ་གསུངས་སོ་ཞེས་བྱ་སྟེ། གང་ལས་གསུངས་ཤེ་ན། མདོ་ལས་རྐྱེན་ནི་བཞི་སྟེ། རྒྱུའི་རྐྱེན་ཉིད་དང་། དེ་མ་ཐག་པའི་རྐྱེན་ཉིད་དང་། དམིགས་པའི་རྐྱེན་ཉིད་དང་། བདག་པོའི་རྐྱེན་ཉིད་དོ་ཞེས་གསུངས་སོ། ། འོ་ན་དེ་ལ་འདིར་རྒྱུ་དང་རྐྱེན་གྱི་ཁྱད་པར་གང་ཞེ་ན། ཁ་ཅིག་ན་རེ་…

༈ ད་ནི་འཇིག་རྟེན་བསྟན་པའི་མཛོད་འཆད་པ་ན་ཁམས་བསྟན་པར་འདོད་ཁམས་གཏོགས་པ་ཐམས་ཅད་དོ་ཞེས་བྱ་བ་ལ་སོགས་པ་དང་། དབང་པོ་བསྟན་པར་དྲི་མེད་མ་གཏོགས་འདོད་པ་གཏོགས་ཞེས་བྱ་བ་ལ་སོགས་པས་ཁམས་གསུམ་གྱི་མིང་ཙམ་ཞིག་བཤད་པས་དེའི་དོན་བསྟན་པའི་ཕྱིར་འཇིག་རྟེན་བསྟན་པའི་མཛོད་འཆད་པར་བྱེད་དོ། །ཡང་ན་གནས་དང་པོ་གཉིས་ཀྱིས་ཇི་ལྟ་བ་དང་ཇི་སྙ…

དེ་ལའང་སེམས་ཅན་གྱི་འཇིག་རྟེན་དང་། སྣོད་ཀྱི་འཇིག་རྟེན་གཉིས་ལས་དང་པོ་ལའང་(ལས་གསོག་པ་པོ་སེམས་ཅན་བཤད་པ་ལ།) སེམས་ཅན་གྱི་དབྱེ་བ་དང་། ཁྱད་པར་གྱི་ཆོས་དང་། རྣམ་གཞག་གིས་རྒྱས་པར་བཤད་པ་གསུམ་ལས་དང་པོ་ལའང་ཁམས་གསུམ་དུ་དབྱེ་བ་ནི་བསོད་ནམས་མ་ཡིན་པའི་ལས་ཀྱིས་ཁྲིད་པའམ། དགའ་བར་མི་བྱེད་པའི་ཕྱིར་དམྱལ་བ་སྟེ། ན་ར་ཀ་ཞེས་བྱ་བ…

ད་ནི་སྣོད་ཀྱི་འཇིག་རྟེན་འཆད་པ་ན་འདིར་འཇིག་རྟེན་གྱི་ཁམས་མ་ལུས་པའི་རྣམ་པར་བཞག་པ་ནི་བསྟན་པར་མི་ནུས་ཏེ། འཇིག་རྟེན་གྱི་ཁམས་ཁ་ཅིག་ནི་སྤྱིའུ་ཚུགས་དང་། ཁ་ཅིག་ནི་སྣྲེལ་ཞི་དང་། ཁ་ཅིག་སྟེང་གཡོགས་མེད་པ་དང་། ཁ་ཅིག་ནི་ཉི་ཟླ་མེད་པ(ར་སངས་རྒྱས་ཀྱི་སྨིན་མཚམས་ཀྱི་ནོར་བུས་བྱ་བ་བྱེད་པ་ནོར་བུ་བཀོད་པའི་ཞིང་ལྟ་བུ་)དང་། ཁ་ཅ…

དེའི་ཕྱིར་འདིར་བསྟན་པ་ནི་མི་མཇེད་ཀྱི་འཇིག་རྟེན་གྱི་ཁམས་འདིའི་རྣམ་པར་བཞག་པ་ཙམ་ཞིག་བསྟན་ཏོ། །ཞེས་ཤེས་པར་བྱ་སྟེ། (འཇིག་རྟེན་གཉིས་ཡོད་པའི།) སེམས་ཅན་གྱི་འཇིག་རྟེན་བསྟན་པའི་རྗེས་དེ་ལ་སྣོད་ཀྱི་འཇིག་རྟེན་(ཏེ་སྟོང་གསུམ་)བསྟན་པར་བྱའོ་ཞེས་མཚམས་སྦྱར་བའོ། །དེ་འཆད་པ་ན་སྣོད་ཀྱི་འཇིག་རྟེན་གྱི་རིམ་པ་དང་ཚད་དང་། སེམས་…

གཉིས་པ་སེམས་ཅན་གྱི་གནས་བསྟན་པ་ལ་ངན་སོང་གི་གནས་ནི་འཛམ་བུའི་གླིང་འདི་ཉིད་ཀྱི་འོག་དཔག་ཚད་སྟོང་ཕྲག་ཉི་ཤུ་འདས་པ་ན་དམྱལ་བ་ཆེན་པོ་མནར་མེད་པའི་གནས་ཀྱི་ཡ་ཐོག་ཡོད་དོ། །གནས་དེའི་ཚད་(ཀྱང་ཕྱོགས་རེར་།) སྟོང་ཕྲག་ཉི་ཤུ་པ་གྲུ་བཞིར་གནས་པའི་ཕྱིར་དེ་ཙམ་མོ་ཞེས་བྱའོ། །(གླིང་འདིའི་ནང་དུ་ཇི་ལྟར་ཆུད་ཅེ་ན། གླིང་རྣམས་ནི་ཟང་ཡག…

ད་ནི་དེ་དག་འཇལ་བྱེད་ཀྱི་ཚད་བཤད་པ་ལ་དོན་དངོས་དང་། ཞར་ལས་བྱུང་བ་གཉིས་ཀྱི་དང་པོ་ལའང་གཉིས་ལས་གཟུགས་ཅན་གྱི་ཚད་བསྟན་པ་ནི་གཟུགས་ཀྱི་ཆུང་བའི་མཐའ་ནི་རྡུལ་ཕྲ་རབ་དང་། མིང་གི་ཆུང་བའི་མཐའ་ནི་ཡི་གེ་(གཅིག་ཡིན་ཏེ་དེ་ལས་ཆུང་བའི་ཡི་གེ་མེད་པའི་ཕྱིར།) དང་། དུས་ཀྱི་ཐུང་བའི་མཐའ་ནི་སྐད་ཅིག་མ་ཡིན་(ཏེ་སེ་གོལ་གཅིག་གི་ཡུན་གྱི…

༈ ད་ནི་ལས་བསྟན་པ་འཆད་པ་ན་འོ་ན་(སྡུག་བདེན་གྱིས་བསྡུས་པའི་)སྣོད་བཅུད་ཀྱི་འཇིག་རྟེན་སྣ་ཚོགས་བཤད་པ་གང་ཡིན་པ་དེ་དག་སུས་བྱས་ཤེ་ན། དབང་ཕྱུག་ལ་སོགས་པ་སུས་ཀྱང་བློ་སྔོན་དུ་བཏང་སྟེ་བྱས་པ་མ་ཡིན་གྱི་འོན་ཀྱང་སེམས་ཅན་རྣམས་ཀྱི་ལས་དགེ་མི་དགེ་སྣ་ཚོགས་ལས་སྣོད་བཅུད་ཀྱི་འཇིག་རྟེན་བདེ་སྡུག་དང་བཟང་ངན་ལ་སོགས་པ་སྣ་ཚོགས་སྐྱེ…

དང་པོ་ལའང་མདོར་བསྟན་པ་ནི་འོ་ན་དེ་ལྟ་བུའི་འཇིག་རྟེན་སྐྱེད་བྱེད་ཀྱི་ལས་དེ་ཡང་གང་ཞེ་ན། སྨྲས་པ། (ཐུན་མོང་དང་སོ་སོའི།) ལས་དེ་ནི་སེམས་པའི་ལས་དང་སེམས་པ་དེས་བྱས་པ་(སྟེ་དེས་ཀུན་ནས་བསླང་བ།) བསམ་པའི་ལས་གཉིས་ལས་སེམས་པའི་ལས་ནི་ཡིད་ཤེས་དང་མཚུངས་ལྡན་(ཡིད་ཡུལ་ལ་གཡོ་བར་བྱེད་པ།) ལུས་ངག་གི་ལས་མངོན་པར་འདུ་བྱེད་པའི་སེམས…

གཉིས་པ་མྱོང་འགྱུར་གྱི་དབྱེ་བ་ནི་གཞན་ཡང་མྱོང་བར་འགྱུར་བ་ནི་རྣམ་པ་ལྔ་ཡིན་ནོ་ཞེས་སྦྱར་ཏེ། གང་ཞེ་ན་ངོ་བོ་ཉིད་ཀྱིས་མྱོང་བར་འགྱུར་བ་ཚོར་བ་དང་། མཚུངས་ལྡན་གྱིས་མྱོང་བར་འགྱུར་བ་ནི་རེག་པ་སྟེ། བདེ་བ་མྱོང་བར་འགྱུར་པའི་རེག་པ་ཞེས་གསུངས་པ་ལྟ་བུ་དང་། དམིགས་པ་མྱོང་བར་འགྱུར་བ་ནི་ཡུལ་རྣམས་ཏེ། མདོ་ལས་མིག་གིས་གཟུགས་རྣམས…

གསུམ་པ་དཀར་ནག་ལ་སོགས་པ་བཞིར་དབྱེ་བ་ནི་མདོ་ལས་ལས་གནག་ལ་རྣམ་པར་སྨིན་པ་གནག་པའི་ལས་དང་། ལས་དཀར་ལ་རྣམ་པར་སྨིན་པ་དཀར་བའི་ལས་དང་། སོགས་པའི་སྒྲས་བཟུང་བ་ལས་དཀར་ནག་འདྲེས་མ་ལ་རྣམ་པར་སྨིན་པ་ཡང་དཀར་གནག་འདྲེན་མ་དང་། ལས་མི་དཀར་མི་གནག་ཅིང་རྣམ་པར་སྨིན་པ་མེད་ལ་ལས་ཟད་པར་བྱེད་པའི་བྱེ་བྲག་གི་ལས་ནི་རྣམ་པ་བཞི་ཡིན་པར་གསུངས…

བཞི་པ་ཐུབ་པ་གསུམ་ལ་སོགས་པར་དབྱེ་བ་ནི་མདོ་ལས། ཐུབ་པའི་གསུམ་སྟེ། ཐུབ་པའི་ལུས་དང་ཐུབ་པའི་ངག་དང་ཐུབ་པའི་ཡིད་དོ་ཞེས་གསུངས་པ་ལ་རིག་བྱེད་ནི་ཟག་བཅས་ཡིན་པས་མི་སློབ་པའི་ལུས་ངག་གི་ལས་སྤོང་བའི་རང་བཞིན་ཟག་མེད་ཀྱི་རིག་བྱེད་མ་ཡིན་པ་གཉིས་དང་། མི་སློབ་པའི་ཡིད་ཉིད་ཐུབ་པ་ཡིན་གྱི་ཡིད་ཀྱི་ལས་ནི་ཐུབ་པ་མ་ཡིན་ནོ། །དེ་ནས་ཐུ…

ལྔ་པ་ལེགས་སྤྱད་ཉེས་སྤྱད་དུ་དབྱེ་བ་ནི་ཉེས་པར་སྤྱད་པ་གསུམ་མདོ་ལས་གསུངས་པའི་དོན་གང་ཞེ་ན། དེ་ལ་(མདོ་ལས་ཉེས་པར་སྤྱད་པ་དང་ལེགས་པར་སྤྱད་པ་གསུམ་གསུངས་པ་ལས།) ལུས་ཀྱི་ལས་མི་དགེ་བ་དང་སོགས་པའི་སྒྲས་གཟུང་བ་ངག་དང་ཡིད་ཀྱི་ལས་མི་དགེ་བ་ནི་འབྲས་བུ་ཡིད་དུ་མི་འོང་བའི་ཕྱིར་རིམ་པ་བཞིན་དུ་ལུས་ངག་ཡིད་གསུམ་གྱི་ཉེས་པར་སྤྱད་པ…

དྲུག་པ་དགེ་བཅུ་མི་དགེ་བཅུར་དབྱེ་བ་ལ་མདོར་བསྟན་པ་ནི་ཉེས་སྤྱད་དང་ལེགས་སྤྱད་དེ་དག་ལས་ཆེ་ལོང་ཙམ་ཞིག་མདོར་བསྡུས་ནས་ནི་དགེ་བའི་ལས་ཀྱི་ལམ་ནི་བཅུ་དང་མ་དགེ་བའི་ལས་ཀྱི་ལམ་ཡང་བཅུར་གསུངས་སོ། །དགེ་མི་དགེའི་རགས་རིམ་ཙམ་ཞིག་བསྡུས་ཀྱི་ཐམས་ཅད་མ་ཡིན་པའི་ཕྱིར་ཅི་རིགས་པར་ཞེས་སྨོས་སོ། །གང་དག་མ་བསྡུས་ཤེ་ན། རེ་ཞིག་མི་དགེ་བ…