བདུན་པ་ལས་འབྲས་བུ་རུ་དང་བཅས་པར་དབྱེ་བ་ནི་འོ་ན་ལས་གང་ཞིག་འབྲས་བུ་ལྔ་ལས་འབྲས་བུ་དུ་ཞིག་གིས་འབྲས་བུ་དང་བཅས་པ་ཡིན་ཞེ་ན། དྲི་བཅས་ཏེ་ཟག་པ་དང་བཅས་པའི་སྤོང་བའི་ལམ་(འཇིག་རྟེན་པའི་སྒོམ་ལ་མ་བར་ཆད་མེད་པ་)དག་གི་ལས་ནི་རྣམ་སྨིན་དང་། བདག་འབྲས་དང་། རྒྱུ་མཐུན་པའི་འབྲས་བུ་དང་། སྐྱེས་བུ་བྱེད་འབྲས་དང་། བྲལ་འབྲས་དང་། ལྔ་…

བརྒྱད་པ་རིགས་པ་དང་རིགས་པ་མ་ཡིན་པས་བསྐྱེད་པའི་ལས་ཀྱི་དབྱེ་བ་ནི་བསྟན་བཅོས་ལས་རིགས་པ་མ་ཡིན་པས་བསྐྱེད་པ་དང་། རིགས་པས་བསྐྱེད་པ་དང་། གཉིས་ཀས་བསྐྱོད་པ་མ་ཡིན་པའི་ལས་གསུམ་གསུངས་པ་ལ་རིགས་པ་མིན་པས་བསྐྱེད་པ་ནི་ལས་ཉོན་མོངས་པ་ཅན་ཡིན་ཏེ། དེ་ཡང་མི་དགེ་བ། རང་བཞིན་གྱིས་ཁ་ན་མ་ཐོག་དང་བསྒྲིབས་ལ་ལུང་མ་བསྟན་ཏེ། ཚུལ་བཞིན་མ…

དགུ་པ་འཕེན་བྱེད་དང་རྫོགས་བྱེད་ཀྱི་དབྱེ་བ་ནི་ཅི་ལས་གཅིག་གིས་སྐྱེ་བ་གཅིག་ཁོ་ན་འཕེན་ནམ། འོན་ཏེ་དུ་མའང་འཕེན། དེ་བཞིན་དུ་ལས་དུ་མས་ཀྱང་སྐྱེ་བ་དུ་མ་ཁོ་ན་འཕེན་ནམ། འོན་ཏེ་གཅིག་ཀྱང་འཕེན་ཞེ་ན། ལས་གཅིག་གིས་སྐྱེ་བ་གཅིག་ཁོ་ན་འཕེན་པར་བྱེད་ཀྱི་ལས་གཅིག་གིས་སྐྱེ་བ་དུ་མ་འཕེན་པའང་མེད་ལ། རིས་མཐུན་པ་དུ་མ་བུར་འཕེན་དུ་འོང་…

བཅུ་པ་སྒྲིབ་པ་གསུམ་བཤད་པ་ན་མདོ་ལས། ལས་ཀྱི་སྒྲིབ་པ་དང་། ཉོན་མོངས་པའི་སྒྲིབ་པ་དང་། རྣམ་པར་སྨིན་པའི་སྒྲིབ་པ་གསུམ་བཤད་པ་ལ་མ་དང་། ཕ་དང་། དགྲ་བཅོམ་པ་གསོད་པ་དང་། དགེ་འདུན་གྱི་དབྱེན་བྱེད་པ་དང་། དེ་བཞིན་གཤེགས་པའི་སྐུ་ལ་ངན་སེམས་ཀྱིས་ཁྲག་འབྱིན་བ་སྟེ་སྐྱེ་བ་ཕྱི་མ་ཁོ་ན་ལ་དམྱལ་བར་སྐྱེ་བ་ལ་ལས་དང་འགྲོ་བ་གཞན་གྱིས་མཚ…

བཅུ་གཅིག་པ་མཚམས་མེད་པ་ལྔ་བཤད་པ་ནི་མཚམས་མེད་ལྔ་པོ་དག་ལས་དང་པོ་གསུམ་སྲོག་གཅོད་དང་། ལྔ་པ་སྲོག་གཅོད་ཀྱི་སྦྱོར་བ་ཡིན་པས་བཞི་ནི་ལུས་ཀྱི་ལས་དང་། བཞི་པ་ནི་རྫུན་ཡིན་པས་ངག་གི་ལས་སོ། །དེ་ལས་གཞན་དག་ནི་རྟོགས་པར་སླ་བས་མ་བཤད་ལ་དགེ་འདུན་གྱི་དབྱེ་ན་ནི་དགེ་འདུན་སྡེ་གཉིས། (ཐུགས་རྩེ།) མི་འཕྲོད་པའི་རང་བཞིན་དུ་གྱུར་པ་ལྡན…

བཅུ་གཉིས་པ་མཚམས་མེད་དང་ཉེ་བ་ལྔ་ནི་ཅི་མཚམས་མེད་པ་རྣམས་ཁོ་ནས་དམྱལ་བ་དག་ཏུ་གདོན་མི་ཟ་བར་སྐྱེ་བར་འགྱུར་རམ། འོན་ཏེ་གཞན་དག་གིས་ཀྱང་སྐྱེ་བར་འགྱུར་ཞེ་ན། མཚམས་མེད་པ་དང་ཆ་འདྲ་བ་རྣམས་ཀྱིས་ཀྱང་གདོན་མི་ཟ་བར་སྐྱེ་བར་འགྱུར་རོ། །དེ་དག་ཀྱང་གང་ཞེ་ན། མ་ཡང་ཡིན་ལ་དགྲ་བཅོམ་མ་ཡང་ཡིན་པ་ཞིག་འདོད་ལོག་གིས་སུན་ཕྱུང་བར་བྱས་པ་དང…

བཅུ་གསུམ་པ་བསོད་ནམས་བྱ་བའི་གཞི་གསུམ་བཤད་པ་ནི་མདོ་ལས། སྦྱིན་པ་དང་ཚུལ་ཁྲིམས་དང་བསྒོམས་པ་ལས་བྱུང་བའི་བསོད་ནམས་བྱ་བའི་གཞི་གསུམ་ཞེས་འབྱུང་བའི་གསུམ་པོ་དེ་དག་ནི་འབྲས་བུ་ཡིད་དུ་འོང་བས་ན་བསོད་ནམས་དང་། ལས་ཀྱི་ངོ་བོ་ཡིན་པས་བྱ་བ་དང་། གསུམ་པོ་དེ་དག་ལ་བརྟེན་ནས་ཀུན་སློང་གི་སེམས་པ་འཇུག་པའི་གཞི་ཡང་ཡིན་པའི་ཕྱིར་བསོད་…

བཅུ་བཞི་པ་ཆ་མཐུན་གྱི་དགེ་བ་གསུམ་བཤད་པ་ནི་མདོ་ལས། བསོད་ནམས་ཀྱི་ཆ་དང་མཐུན་པ་དང་། ཐར་པའི་ཆ་དང་མཐུན་པ་དང་། ངེས་པར་འབྱེད་པའི་ཆ་དང་མཐུན་པའི་དགེ་བ་གསུམ་གསུངས་པ་ལ། འཁོར་བར་རྣམ་སྨིན་ཡིད་དུ་འོང་བ་ཅན་ནི་བསོད་ནམས་ཆ་མཐུན་ནོ། །ཚོགས་ལམ་དུ་མྱ་ངན་ལས་འདས་པར་བསྡོས་པའི་དགེ་བ་ནི་མྱ་ངན་ལས་འདས་པ་ཐར་པའི་ཆད་དང་མཐུན་པ་སྟེ་གང…

བཅོ་ལྔ་པ་(འཇིག་རྟེན་པའི་ལས་གསུམ་གྱི་རྣམ་གྲངས་བསྟན་པ་ནི།) རིགས་པས་རབ་ཏུ་བཅུག་པའི་ལས་ནི་སློབ་པ་རིགས་པ་ཐབས་ཀྱིས་རབ་ཏུ་བཅུག་པའི་ལུས་དང་ངག་དང་ཡིད་ཀྱི་ལས་རྣམ་པ་གསུམ་ཀུན་ནས་སློང་བ་མཚུངས་ལྡན་དང་བཅས་པ་ནི་ཕུང་པོ་ལྔའི་རང་བཞིན་ཡིན་ནོ། །དེ་ལ་ཀ་ལ་སོགས་པའི་ཡིག་གཟུགས་འདྲི་བ་དང་། ལྷ་ལ་སོགས་པའི་འབུར་གྱི་རྒྱ་རྐོ་བ་ནི་…

ད་ནི་གནས་ལྔ་པ་ཕྲ་རྒྱས་བསྟན་པ་འཆད་པ་ལ་ཕྲ་རྒྱས་ཀྱི་རང་བཞིན་དང་། དེ་ཇི་ལྟར་སྤོང་བའི་ཚུལ་དང་། སྤངས་པའི་འབྲས་བུ་ཡོངས་ཤེས་བཤད་པ་གསུམ་ལས།

དང་པོ་ལའང་ཕྲ་རྒྱས་ཀྱི་དབྱེ་བ་དང་། རྣམ་པའི་རབ་དབྱེ་བཤད་པ་གཉིས་ཀྱི་དང་པོ་ནི་གནས་བཞི་པར་ལས་ལས་འཇིག་རྟེན་སྣ་ཚོགས་སྐྱེས་ཞེས་གང་བཤད་པའི་ལས་དེ་དག་ཀྱང་ཕྲ་རྒྱས་ཀྱི་དབང་གིས་བསགས་(ཤིང་རྣམ་སྨིན་འཕེན་ནུས་)པར་འགྱུར་གྱི་ཕྲ་རྒྱས་མེད་པར་ནི་ཟག་བཅས་ཀྱི་ལས་མི་གསོག་ཅིང་ལས་མེད་པར་ཡང་སྲིད་མི་འགྲུབ་སྟེ། (གཞན་དུ་ན་མ་ངེས་པའི…

གཉིས་པ་ཕྲ་རྒྱས་ཇི་ལྟར་སྤོང་ཚུལ་ལ་དངོས་དང་། ཞོར་ལ་གཉེན་པོའི་དབྱེ་བ་གཉིས་ལས་དང་པོ་ནི་སྤྱིར་སྤང་བྱ་སྤོང་ཚུལ་ལ་བཞི་ལས་རེ་ཞིག་མཐོང་སྤང་རྣམས་ནི་དམིགས་པའི་ཡུལ་ཡོངས་སུ་ཤེས་པས་སྤོང་བ་དང་། ཡུལ་དེ་དག་ལ་དམིགས་པའི་ཡུལ་ཅན་ཡང་དག་པར་ཟད་པ་དེ་སྤངས་པས་སྤོང་བ་དང་། དམིགས་པའི་ཡུལ་སྤངས་པས་ཡུལ་ཅན་སྤོང་བ་གསུམ་ལས་དང་པོ་ནི་མཐ…

གསུམ་པ་སྤངས་པའི་འབྲས་བུ་ཡོངས་ཤེས་བཤད་པ་ནི་གལ་ཏེ་ལམ་ཁྱད་པར་དུ་འགྲོ་ན་ཉོན་མོངས་པ་རྣམས་ཀྱི་སྤངས་པའང་ཁྱད་པར་དུ་འགྲོ་བ་ཡོད་དམ་ཞེ་ན། ཉོན་མོངས་པ་ཐམས་ཅད་ནི་རང་རང་གི་གཉེན་པོ་སྤོང་ལམ་གང་ཡིན་པ་དེ་ཁོ་ནས་སྤོང་ཞིང་ཐོབ་པ་ཆད་པས་སྤངས་པ་ལན་ཅིག་ཏུ་ཟད་(པས་ཁྱད་པར་མེད་)ཀྱི། འོན་ཀྱང་ཉོན་མོངས་པ་དེ་དག་གིས་བྲལ་བའི་ཐོབ་པ་ནི་ཡ…

ད་ནི་གནས་དྲུག་པ་ལམ་དང་གང་ཟག་བསྟན་པ་འཆད་པ་ན་མཚམས་སྦྱར་བའི་ཚུལ་གྱིས་མདོར་བསྟན་པ་དང་། དམིགས་པའི་ཡུལ་བདེན་པ་བཤད་པ་དང་། མངོན་པར་རྟོགས་པའི་རིམ་པ་དང་། སྒོམ་པ་པོའི་གང་ཟག་རྣམ་པར་བཞག་པ་དང་། མངོན་པར་རྟོགས་པའི་ལམ་བཤད་པ་ལྔ་ལས།

དང་པོ་ནི་གལ་ཏེ་གནས་ལྔ་པར་འབྲས་བུ་ལ་རྒྱུ་ཉེ་བར་བཏགས་པའི་ཕྱིར་སྤངས་པ་ནི་ཡོངས་སུ་ཤེས་པའི་མིང་འཐོབ་བོ་ཞེས་པ་དང་། སྤོང་བའི་གཉེན་པོར་ཡང་། དེ་དག་བཅུ་དང་བདུན་བདུན་བརྒྱད། །ལྟ་བ་གསུམ་གཉིས་མ་གཏོགས་པ། །འདོད་ན་སྡུག་བསྔལ་ལ་སོགས་པ། །མཐོང་བས་རིམ་བཞིན་སྤོང་བར་བྱེད། །བཞི་ནི་བསྒོམ་པས་སྤང་བྱ་ཡིན། །ཞེས་བདེན་པ་མཐོང་བ་དང་…

གཉིས་པ་ནི་འོ་ན་བདེན་པ་མཐོང་དང་བསྒོམས་པ་ལས་ཞེས་བཤད་པའི་བདེན་པ་དེ་དག་གང་ཞེ་ན། མཐོང་བ་དང་བསྒོམ་པར་བྱ་བའི་བདེན་པ་དག་ནི་བཞིར་བཤད་དོ། །གང་དུ་བཤད་ཅེ་ན། འདི་ཉིད་ཀྱི་གནས་དང་པོར་ཟག་མེད་ལམ་གྱི་བདེན་པ་དང་ཞེས་པས་ལམ་དང་། སོ་སོར་བརྟགས་པས་འགོག་པ་གང་། བྲལ་བའོ་ཞེས་པས་འགོག་པ་དང་། སྡུག་བསྔལ་ཀུན་འབྱུང་འཇིག་རྟེན་དང་ཞེས་བ…

(གསུམ་པ་མངོན་པར་རྟོགས་པའི་རིམ་པ་ལ་གཉིས་ལས། མདོར་བསྟན་པ་ནི།) དང་པོ་ཁོ་ནར་བདེན་པ་མངོན་པར་རྟོགས་པར་འདོད་པས་རྣམ་པར་མི་གཡེང་བའི་རྒྱུ་སོ་སོར་ཐར་པ་རིས་བདུན་གྱི་ཚུལ་ཁྲིམས་གང་ཡང་རུང་བ་ལ་གནས་ཏེ། མི་རྨོངས་པའི་རྒྱུ་བདེན་པ་མཐོང་བ་དང་མཐུན་པའི་ཐོས་པ་ལ་བརྩོན་པར་བྱེད་པ་དང་། དེ་ནས་གཏན་ལ་ཕེབས་པའི་རྒྱུ་དེའི་དོན་ཕྱིན་ཅི…

ད་ནི་གང་ཟག་བཤད་པར་བྱ་སྟེ། དེ་ལ་གང་ཟག་ཅེས་བྱ་བ་ནི་ཕུང་པོ་བཞིའམ་ལྔའི་རྒྱུན་ལ་བཏགས་པ་ཡིན་ཏེ། ལུང་སིལ་བུ་ལས། རྒྱུན་ལ་གང་ཟག་ཅེས་བྱ་སྟེ། །མཚན་ཉིད་འཛིན་ལ་ཆོས་ཞེས་བརྗོད། །འདི་ལ་གང་ཡང་འཁོར་བ་མེད། །སུ་ཡང་མྱ་ངན་འདས་པ་མེད། །ཅེས་པ་དང་། མདོ་ལས་ཀྱང་། ཕུང་པོ་རྣམས་ལ་གང་ཟག་ཅེས་བྱའོ་ཞེས་གསུངས་པའི་ཕྱིར་དང་། དགྲ་བཅོམ་མ་…

ལྔ་པ་མངོན་པར་རྟོགས་པའི་ལམ་སྟོན་པ་ནི་ལམ་གྱི་དབྱེ་བ་དང་། བྱང་ཆུབ་ཀྱི་ཕྱོགས་དང་མཐུན་པའི་ལམ་བཤད་པ་གཉིས་ལས་དང་པོ་ནི་འོ་ན་འཇིག་རྟེན་པ་དང་། འཇིག་རྟེན་ལས་འདས་པ་དང་། མཐོང་བ་དང་། སྒོམ་པ་དང་། མི་སློབ་པའི་ལམ་དང་། སྦྱོར་བ་དང་། བར་ཆད་མེད་པ་དང་། རྣམ་གྲོལ་དང་། ཁྱད་པར་གྱི་ལམ་ཞེས་བྱ་བ་མང་པོ་ཞིག་བཤད་པ་དེ་དག་བསྡུ་ན་དུ་…

ད་ནི་གནས་བདུན་པ་འཆད་པ་ན་བཟོད་པ་དང་ཤེས་པ་དང་ལྟ་བའི་ཁྱད་པར་བཤད་པ་དང་། ཤེས་པ་བྱེ་བྲག་ཏུ་བཤད་པ་དང་། དེ་དག་གི་ཡོན་ཏན་བཤད་པ་གསུམ་ལས།