སྡིག་ལྟུང་དྲག་པོས་ནོན་པའི་མི་རྣམས་ལ། །གདམས་པ་འདི་ནི་ཡིད་བཞིན་རིན་པོ་ཆེ། །བརྒྱ་སྟོང་བས་ཀྱང་རིན་ཐང་མི་ཆེ་རེ། །དེ་ཕྱིར་བླ་མ་བརྩོན་འགྲུས་རྒྱ་མཚོ་ཁྱོད། །གདམས་པ་འདི་ཡིས་འགྲོ་དོན་དཔག་མེད་མཛོད། །ཁྲིད་རིམ་ཀུན་གྱི་ཐོག་མར་འདི་ཉིད་ཤོད། །ལྭ་བ་བཀྲུས་ན་ཚོས་མདོག་ལེགས་པ་ལྟར། །སྡིག་སྒྲིབ་དག་ན་ཉམས་རྟོགས་སྐྱེ་བར་སླ། །ཐ…

འཐོབ་པར་གསུངས། །དེ་ཕྱིར་བརྩོན་འགྲུས་རྒྱ་མཚོས་ཉམས་ལེན་མཛོད།། ༈ །།ན་མོ་གུ་རུ་བཛྲ་སཏཱ་ཡེ། གསོན་དང་བླ་མ་བརྩོན་འགྲུས་རྒྱ་མཚོ་བ་། །རྡོར་སེམས་སྒོམ་བཟླས་ཕྱི་ནང་གསང་བ་དང་། །ཡང་གསང་བཞི་ཡི་དམིགས་རིམ་གལ་ཆེ་ཞིང། །རང་ཉིད་ཐ་མལ་སྤྱི་བོར་པད་དཀར་དང་། །ཟླ་སྟེང་ཧཱུཾ་ཡིག་དཀར་པོའི་འཕྲོ་འདུ་ལས། །རྡོ་རྗེ་སེམས་དཔའ་སྐུ་མདོག་…

གྱུར་བདུད་རྩིས་གང་། །དཔེར་ན་ཤེལ་བུམ་འོ་མས་གང་བ་བཞིན། །རྡོར་སེམས་ཞལ་ནས་རིགས་ཀྱི་བུ་ཁྱོད་ཀྱི། །སྡིག་སྒྲིབ་དག་གོ་གསུངས་ནས་འོད་དུ་ཞུ། །བདག་ལ་དབྱེར་མེད་ཐིམ་བསྒོམ་ངོ་བོ་ལྟ། །དེ་ནི་ཕྱི་ཡི་རྡོར་སེམས་སྒོམ་བཟླས་ཏེ། །གསར་རྙིང་ཁྲིད་རིམ་ཕལ་ཆེར་དགོངས་པ་མཐུན། །ཡང་ན་རང་གི་སྤྱི་བོའི་གཙུག་རོལ་ན། །པདྨ་འདབ་བཞིའི་དབུས་ད…

མེད་བསྟིམ། །རིགས་ལྔའི་སྐུ་ལས་བདུད་རྩི་ཁ་དོག་ལྔ། །བབས་པ་ཚངས་བུག་ནས་ཞུགས་ལུས་གང་བས། །དུག་ལྔའི་སྒོ་ནས་བསགས་པའི་སྡིག་སྒྲིབ་དག །འགྲོ་བ་ལམ་རྒྱུད་ལྔ་ཡི་སྐྱེ་སྒོ་བཅད། །ཡེ་ཤེས་ལྔ་ཡི་བདུད་རྩིས་བདག་ལུས་གང་། །རྡོར་སེམས་རིགས་ལྔས་ཡིག་བརྒྱ་རིགས་ལྔ་ཡི། །སྔགས་སྒྲ་སྒྲོག་པས་འགྲོ་ཀུན་སྒྲིབ་པ་སྦྱང་། །ཨོཾ་བུདྡྷ་སཏྭ་ས་མ་ཡ…

སོགས་བརྗོད་པས་རིགས་ལྔ་འོད་དུ་ཞུ། །རང་ལ་ཐིམ་བསམ་མི་དམིགས་ངང་ལ་བཞག །དེ་ནི་ན་རཀ་དོང་སྤྲུགས་རྒྱུད་ཆེན་གྱི། །དགོངས་པ་ཡིན་ཏེ་ན་རཀ་དོང་སྤྲུགས་དོན། །དེ་ནི་ནང་གི་རྡོར་སེམས་སྒོམ་བཟླས་ཡིན། །རང་གི་སྤྱི་བོར་པདྨ་ཉི་མའི་སྟེང་། །ཧཱུྃ་ལས་བླ་མ་རྡོར་སེམས་ཧེ་རུ་ཀ་།སྐུ་མདོག་དཀར་པོ་ཞལ་གཅིག་སྤྱན་གསུམ་པ། །ཁྲོ་འཛུམ་དབུ་སྐྲ་…

གཉིས་གང་རུང་ཅི་ནུས་བཟླས་པའི་རྗེས། །མགོན་པོ་བདག་ནི་མི་ཤེས་རྨོངས་པ་ཡིས། །དམ་ཚིག་ལས་ནི་འགལ་ཞིང་ཉམས། །བླ་མ་མགོན་པོས་སྐྱབས་མཛོད་ཅིག །གཙོ་བོ་རྡོ་རྗེ་འཛིན་པ་ཀྱེ། །ཐུགས་རྗེ་ཆེན་པོའི་བདག་ཉིད་ཅན། །འགྲོ་བའི་གཙོ་ལ་བདག་སྐྱབས་མཆི། །བླ་མ་རྡོར་སེམས་འོད་ཞུ་བདག་ལ་ཐིམ། །དེ་ནི་གསང་བའི་རྡོར་སེམས་སྒོམ་བཟླས་ལགས། །གསར་རྙིང…

ཉིལ་ཕྱིར་ཐོན་བདག་ཉིད་ནི། །ཤེལ་སྒོང་བཞིན་དུ་དྲི་མ་དག་པར་བསྒོམ། །ཡིག་བརྒྱ་འམ་ནི་སྙིང་པོ་ཅི་ནུས་བཟླས། །རྗེས་སུ་ཨགྷཾ་སོགས་བརྗོད་བདག་བསྐྱེད་མཆོད། །རྡོ་རྗེ་སེམས་དཔའ་སེམས་དཔའ་ཆེ། །རྡོ་རྗེ་དང་པོ་ཀུན་ཏུ་བཟང་། །རྡོ་རྗེ་དེ་བཞིན་གཤེགས་པ་ཀུན། །ཕྱག་འཚལ་རྡོ་རྗེ་སེམས་དཔའ་ལའོ། །ཡེ་ཤེས་མི་གཤེགས་མི་དམིགས་ངང་ལ་བཞག །བདུ…

སྲེག་ཀྱང་ངན་དུ་མ་སོང་བ། །རྫོགས་སངས་རྒྱས་ཀྱང་བཟང་དུ་མ་སོང་བ། །ནམ་མཁའ་བཞིན་དུ་ཅིས་ཀྱང་མ་གོས་པ། །བཤགས་བྱ་བཤགས་བྱེད་བཤགས་པའི་སྤྲོས་དང་བྲལ། །དེ་དོན་རྟོགས་ན་དོན་གྱི་བཤགས་པ་སྟེ། །དྲི་མེད་བཤགས་རྒྱུད་ལེའུ་དང་པོའི་དོན།། དོན་ཉམས་སུ་ལེན་པར་འདོད་པ་ན། །སེམས་ཀྱིས་སེམས་ལ་བལྟས་ཏེ་ཀློད་དེར་བཞག །དེ་དོན་ཏེ་ལོ་པ་ཡི་ཞལ་ན…

སེམས་སྒོམ་བཟླས་ལྔ། །ཉམས་སུ་བླངས་ན་སྡིག་ལྟུང་རྩད་ནས་གཅོད། །མི་ལུས་དོན་ལྡན་བདེ་ནས་བདེ་བར་འགྲོ། །དེ་རྟགས་དངོས་སུ་ཁམས་བདེ་རིག་པ་དྭངས། །ངེས་འབྱུང་དད་པ་ཉམས་རྟོགས་ཤུགས་ཀྱིས་སྐྱེ། །རྨི་ལམ་ཁྲུས་བྱས་གོས་དཀར་གསར་པ་གྱོན། །བདུད་རྩི་འོ་མ་འཐུང་དང་ནམ་མཁར་འཕུར། །དེ་སོགས་དག་སྣང་དཔག་མེད་འཆར་བར་འགྱུར། །སྒྲིབ་སྦྱང་གླུ་ཆ…

༼ད༽ རི་ཆོས་མཚམས་ཀྱི་ཞལ་གདམས་ལས། མཎྜལ་བསོད་ནམས་རི་བོ་ཞེས་བྱ་བ་བཞུགས་སོ། །ན་མོ་རཏྣ་གུ་རུ་ཡེ། གསོན་དང་པདྨ་ཐབས་མཁས་པ། །སྐྱེ་བ་འདི་ནས་ཚེ་རབས་ཀུན། །བདེ་སྐྱིད་འབྱུང་བའི་རྒྱུ་གཅིག་པུ། །བསོད་ནམས་ཚོགས་ནི་བསག་དགོས་ཏེ། །མཐར་ཐུག་སངས་རྒྱས་ཐོབ་དུས་ཀྱང་། །མཚན་དང་དཔེ་བྱད་བརྒྱན་པའི་སྐུ། །བསོད་ནམས་ཚོགས་ལས་འབྱུང་བ་ཡིན།…

བསོད་ནམས་ཚོགས་ནི་བསག་པའི་ཐབས། །བསམ་གྱིས་མི་ཁྱབ་གྲངས་མང་ཡང་། །མཎྜལ་ལས་ནི་ཟབ་པ་མེད། །འདུས་བྱས་དགེ་བ་གཞན་རྣམས་ནི། །ཡར་ལ་མཆོད་དང་མར་ལ་སྦྱིན། །འབུལ་བ་འགྱེད་དང་མང་ཇ་སོགས། །དེ་བཞིན་ལྷ་བྲི་རྟེན་བཞེངས་སོགས། །རྒྱུ་ཡི་དངོས་པོ་བཏང་དགོས་རྣམས། །དྲི་མ་གསུམ་དང་ལྡན་པར་བཤད། །དང་པོ་སྒྲུབ་ཚེ་སྡིག་དང་འདྲེས། །དངོས་གཞིའི་…

དང་། །སངས་རྒྱས་ཞིང་ཁམས་ཐམས་ཅད་ན། །མཆོད་པའི་རྣམ་པ་ཅི་ཡོད་ཀུན། །ཐམས་ཅད་བློ་ཡིས་བླངས་ཏེ་འབུལ། །བསོད་ནམས་དངོས་སུ་ཕུལ་དང་མཉམ། །གོང་གི་དྲི་མ་དེ་གསུམ་མེད། །མཆོད་ཡུལ་རང་ལ་མི་བསྟིམ་སྟེ། །རང་བཞིན་གཤེགས་སམ་མི་དམིགས་བྱ། །དེ་ནི་ཕྱི་ཡི་མཎྜལ་ཡིན། །མདུན་གྱི་ནམ་མཁར་བླ་མ་དང་། །ཡི་དམ་ལྷ་ཚོགས་ཐམས་ཅད་བསྒོམ། །བེམ་རིག་བྲལ…

ཡིད་ཀྱིས་སྤྲུལ་པ་ཡི། །ཀུན་ཏུ་བཟང་པོའི་རྣམ་ཐར་བཞིན། །ནམ་མཁའི་མཐར་ཐུག་ཞིང་ཁམས་ཀུན། །མཆོད་པའི་སྤྲིན་གྱིས་དགྱེས་པར་འགེངས། །ཕྱོགས་བཅུ་དུས་གསུམ་བདེ་གཤེགས་ལ། །རྒྱུན་ཆད་མེད་པར་མཆོད་པར་དམིགས། །དེ་ནི་གསང་བའི་མཎྜལ་ཡིན། །དེ་ལྟར་ཕྱི་ནང་གསང་བ་ཡི། །མཎྜལ་གསུམ་པོ་རྒྱུན་དུ་འབུལ། །མཎྜལ་ཁོ་ན་རྩེ་གཅིག་ཏུ། །བདུན་གཅིག་བདུ…

ཁྱད་པར་ཕྱག་རྒྱ་ཆེན་པོའི་ལུགས། །སྒྲུབ་པའི་མཎྜལ་བཟང་བ་ལ། །ཚོམ་བུ་ལྔ་ནི་བཀོད་བྱའོ། །རིན་ཆེན་གཞལ་ཡས་ཁང་དུ་དམིགས། །དེ་དབུས་རིན་ཆེན་ཁྲི་ལྔའི་སྟེང་། །དབུས་མར་བླ་མ་རྡོ་རྗེ་འཆང་། །རྩ་བརྒྱུད་བླ་མ་ཀུན་གྱིས་བསྐོར། །གཡས་སུ་ཤཱཀ་ཐུབ་སངས་རྒྱས་ཚོགས། །གཡོན་དུ་ཉེ་སྲས་དགེ་འདུན་ཚོགས། །རྒྱབ་ཏུ་དམ་ཆོས་གླེགས་བམ་ཚོགས། །མདུན…

ཡིན། །ཤེས་རབ་ཤུགས་ཀྱིས་འཕེལ་བ་ཡིན། །ཆོས་མཐུན་བསམ་པ་འགྲུབ་པ་ཡིན། །གསུང་རབ་དོན་ཀུན་གོ་བ་ཡིན། །ས་ལམ་རིམ་གྱིས་བགྲོད་པ་ཡིན། །མཐར་ཐུག་བྱང་ཆུབ་འཐོབ་པར་གསུངས།།བསོད་ནམས་བསག་ཐབས་གླུ་ཆུང་འདི། །དགེ་སློང་རཱ་ག་ཨ་སྱ་ཡིས། །རྟ་ལོ་རྒྱལ་ཟླའི་ཡར་ཚེས་གསུམ། །ཐུན་ཉམས་ལ་ཤར་ནས་སྨྲས། །ཐབས་མཁས་ཞེས་བྱས་བརྗེད་ཐོར་བྲིས། །འབྲེལ་ཚ…

རི་ཆོས་མཚམས་ཀྱི་ཞལ་གདམས་ལས།་བླ་མའི་རྣལ་འབྱོར་བྱིན་རླབས་ཆར་རྒྱུན་ཞེས་བྱ་བ་བཞུགས་སོ། །ན་མོ་མ་ཧཱ་མུ་དྲ་ཡེ། བླ་མ་བརྩོན་འགྲུས་རྒྱ་མཚོ་ཚུར་གསོན་དང་། །མོས་གུས་སྒོམ་གྱི་མགོ་བོ་ཡིན་པའི་ཕྱིར། །བླ་མའི་རྣལ་འབྱོར་སྒོམ་གལ་ཆེ་ན་ཡང་། །གསོལ་བ་འདེབས་ཡུལ་བླ་མ་ངོས་འཛིན་དགོས། །དེ་ལ་བླ་མའི་སྒྱུ་རྣམ་དབྱེ་ཤེས་དགོས་གདའ། །དག…

བྱུང་དགེ་སློང་ཞུ་སའི་མཁན་པོ་ནི། །ལྔ་ཕྲག་ཉེར་གཅིག་གང་རུང་ལྡན་པ་དགོས། །མི་ལྡན་ན་ཡང་སྡོམ་པ་སྐྱེ་མོད་ཀྱི། །གནང་མཁན་ཉིད་ལ་ཉེས་བྱས་འབྱུང་བ་ཡིན། །ཞུ་མཁན་ལ་ཡང་བར་ཆད་མེད་པ་དགོས། །བར་ཆད་ཅན་གྱིས་ཞུས་ཀྱང་སྐྱེ་མོད་ཀྱི། །དེ་ཡང་སྐྱེ་ལ་ཉེས་བྱས་ཞེས་བྱའོ། །བསམ་པ་འཁོར་བ་འདི་ལས་ཐར་འདོད་པའི། །ངེས་འབྱུང་བསམ་པ་ལེགས་པོ་མེད…

ནས། །བླ་མ་དང་ནི་ཡི་དམ་ལྷ། །ཐ་དད་དུ་ནི་མ་ལྟ་ཞིག །ངེས་པར་དངོས་གྲུབ་དམ་པ་འདི། །བདག་གིས་ཁྱོད་ལ་སྦྱིན་པར་བྱ། །ཞེས་སོགས་གསུངས་ཕྱིར་བླ་མ་ཡི་དམ་གཉིས། །ཐ་དད་རྟོག་ན་དངོས་གྲུབ་འབྱུང་བར་དཀའ། །རང་གི་གསང་སྔགས་ཞུ་སའི་བླ་མ་དེ། །སངས་རྒྱས་སེམས་ཅན་སུ་ཡིན་ཁྱད་པར་མེད། །རང་གི་ཡི་དམ་དངོས་སུ་མོས་བྱས་ན། །ཡི་དམ་དེ་ཡི་དངོས་གྲ…

དོད་པས། །བླ་མ་རྟོགས་པར་ལྡན་པ་གལ་ཆེ་གསུངས། །རྟོགས་པར་ལྡན་པའི་བླ་མ་མ་རྙེད་ན། །ཁྲིད་ལུང་ཙམ་ཞིག་ཐོབ་པར་གྱུར་ཕྱི་ནས། །དྭགས་པོ་དུས་མཁྱེན་རྒོད་ཚང་པ་ལ་སོགས། །བཀའ་བརྒྱུད་གོང་མ་གང་ལ་མོས་པ་ཞིག །རྩ་བའི་བླ་མར་བཟུང་ནས་གསོལ་བཏབ་ན། །ཕྱག་རྒྱ་ཆེན་པོའི་རྟོགས་པ་སྐྱེ་བ་ནི། །བཀའ་བརྒྱུད་གོང་མ་རྣམས་ཀྱིས་ཞལ་བཞེས་ཡོད། །འདི་ན…

ཐབས། །བླ་མའི་རྣལ་འབྱོར་ཁོ་ན་མཆོག་ཡིན་ཏེ། །དེ་ལ་ཕྱི་ནང་གསང་བ་ཡང་གསང་བཞི། །ཕྱི་ལྟར་བླ་མའི་རྣལ་འབྱོར་ལ་ཡང་ནི། །ཐོ་བརྩེགས་ཁྲོམ་ཚོགས་ཀུན་འདུས་གསུམ་ཡིན་ནོ། །རང་ཉིད་ཡི་དམ་ལྷ་འམ་ཐ་མལ་ལུས། །རང་གི་སྤྱི་བོར་སེང་ཁྲི་པད་ཟླའི་སྟེང་། །རྩ་བའི་བླ་མ་རྡོ་རྗེ་འཆང་དུ་བསྒོམ། །དེ་ཡི་གཙུག་ཏུ་བརྒྱུད་པའི་བླ་མ་རྣམས། །མུ་ཏིག་ས…