ད་ལྟའི་སངས་རྒྱས་མངོན་སུམ་བཞུགས་མདོ་དང་། །ཡུལ་འཁོར་སྐྱོང་གི་མདོ་ལས་ལུང་བསྟན་བཞིན། །དཀོན་མཆོག་འབངས་སོགས་ཡབ་སྲས་རྣམས་ཀྱིས་བཀག །ཟས་གོས་འཛོམས་ནས་སྤང་དཀའ་གཏམ་ཡིན་ཏེ། །བསྟོད་པ་ཐོས་ན་ང་རྒྱལ་སེམས་འཕང་མཐོ། །ང་རྒྱལ་དེ་ནི་ཐར་པའི་བར་ཆད་ཡིན། །བསྟོད་འོས་མེད་པར་བསྟོད་ན་བསོད་ནམས་འཛད། །ཤི་བའི་ཚེ་ན་སྙན་གྲགས་རྗེས་མི་འབ…

བརྒྱ་རྩ་གནས་ཕྲན་སྟོང་རྩ་གཉིས། །དེ་དག་རྣམས་སུ་ཞག་གཅིག་བསྒྲུབ་པ་དེ། །གཞན་དུ་ལོ་གཅིག་བསྒྲུབས་ལས་ལྷག་པ་ནི། །ལུང་བསྟན་བཀའ་རྒྱ་མ་ལས་གསུངས་པའི་ཕྱིར། །དེ་འདྲར་སྒྲུབ་གནས་བྱས་ན་མཆོག་ཏུ་བསྔགས། །དེ་ལྟ་མིན་ཀྱང་བཀའ་བརྒྱུད་གོང་མ་ཡི། །སྒྲུབ་གནས་སམ་ནི་ཞབས་ཀྱིས་བཅགས་པའི་གནས། །དེ་འདྲར་བསྒྲུབ་དགོས་སྒྲུབ་ཐབས་ཀུན་ནས་གསུང…

ལ་ལིང་པའི་བྲག་བཞུགས་བཞིན། །རྟོགས་པ་དམའ་ན་བར་ཆད་སྲོག་དང་བྲལ། །དཔེར་ན་སྤུ་བོའི་རྨ་ཡི་རྐུང་ལུང་བཞིན། །གནས་དང་དགོན་སྡེ་རི་ཁྲོད་ལ་སོགས་པ། །དང་པོ་བཀྲ་ཤིས་བྱིན་རླབས་ལྡན་གྱུར་ཀྱང་། །བར་སྐབས་སྤྱོད་པ་ངན་པས་དམ་སྲི་ཞུགས། །སུ་བསྡད་བཀྲ་མི་ཤིས་ཤིང་བར་ཆད་རྒོད། །ནུས་པ་ལྡན་པས་སྲེག་མནན་བྱིན་འབེབས་བྱ། །དེ་མིན་གསར་བུ་བས…

ཐུབ་དབང་སྐུ་དང་གླེགས་བམ་མཆོད་པ་བཤམ། །སྤྱན་འདྲེན་ལ་སོགས་ས་གཞི་བྱིན་རླབས་ལྟར། །བཀའ་གདམས་ལུགས་ཀྱི་ས་གཞི་བྱིན་རླབས་ཡིན། །དེ་ནས་ས་གཞི་གསེར་གྱི་རྡོ་རྗེ་ནི། །རྒྱ་གྲམ་སྲ་ཤིང་བརྟན་པའི་ལྟེ་བ་ན། །མེ་ཏོག་པདྨའི་སྡོང་པོ་ཆེན་པོ་སྐྱེས། །པདྨའི་འདབ་མས་ས་ཕྱོགས་དེ་ཀུན་ཁྱབ། །དེ་སྟེང་ཟླ་བའི་དཀྱིལ་འཁོར་སྟེང་དུ་ཧྲཱི༔ །དེ་ལ…

གཡོར་དང་བྱང་ཆུབ་བསྒྲུབ། །བདག་གི་དགེ་རྩའི་ཆ་ཤས་ཁྱོད་ལ་སྦྱིན། །ངེད་རང་གཉིས་ཀའི་དོན་དུ་ཆོས་སྤྱོད་པས། །འདི་ལ་ཕྲག་དོག་མ་བྱེད་སྟོངས་གྲོགས་མཛོད། །ཅེས་བརྗོད་གཏོར་མ་རྒྱབ་རིའི་ཕྱོགས་སུ་འབུལ། །དེ་ནས་བགེགས་གཏོར་བགེགས་རིགས་སྤྱི་དང་ནི། །ཁྱད་པར་ཡུལ་འདྲེ་གནས་འདྲེ་རྣམས་ལ་བསྔོ། །བདག་གིས་འདི་རུ་བྱང་ཆུབ་བསྒྲུབ་པ་ལ། །ཁྱ…

དཀར་པོ་བྱང་ཆུབ་མཆོག་གི་ཕྱག་རྒྱ་ཅན། །བསྐྱེད་ནས་སྤྱན་དྲངས་དབང་བསྐུར་རྒྱས་གདབ་བྱ། །མཆོད་བསྟོད་བྱས་ཏེ་འོད་ཞུ་ཁང་པར་གྱུར། །དེ་ནི་གནས་དང་ཁང་པ་བྱིན་རླབས་ཡིན། །བདེ་མཆོག་རྒྱུད་ལས་སྒྲུབ་པའི་གྲོགས་ལ་ནི། །བུད་མེད་ཌཱཀྐིའི་མཚན་ལྡན་དགོས་གསུངས་པ། །གྲུབ་ཆེན་རྩེ་རླུང་རང་དབང་ཐོབ་རྣམས་ཡིན། །པད་འབྱུང་དྲིལ་བུ་པ་དང་མར་པ་བ…

ཆོས་དང་ཡོན་ཏན་དོན་དུ་གཉེར། །གཅོང་ནད་ཞ་གྲུམ་སོགས་མེད་གཡོ་སྒྱུ་ཆུང་། །གང་སྨྲས་ཉན་པའི་སྒྲུབ་གཡོག་བསྟེན་པར་བྱ། །སྒྲུབ་གཡོག་ངན་པ་ནམ་ཡང་མི་བསྟེན་ཏེ། །ཉེ་གནས་མཆོག་གྱུར་ཤེས་རབ་བརྩོན་འགྲུས་ཡིན། །གཅིག་པུར་རང་ཚོ་ཐུབ་ན་ཆོས་པ་རབ། །དེ་ནས་སྒྲུབ་པའི་མཐུན་རྐྱེན་སྟ་གོན་ནི། །གཉེན་འདུན་སོགས་ལ་རེ་བ་མི་བཅའ་བར། །ཐུབ་པས་གན…

འཁོར་ལོས་བསྒྱུར་རྒྱལ་ལྔ་བརྒྱར་སྐྱེ་དགོས་པས། །བསོད་ནམས་མ་མཁོ་ཉན་ཐོས་འཚོ་བར་བསྔོས། །དེ་ཕྱིར་འབྲུ་དང་མུ་ཏིག་མཉམ་བརྗེས་ཀྱི། །མུ་གེ་བྱུང་ཡང་འཚོ་བས་མི་ཕོངས་གསུངས། །དེ་ཉིད་སེམས་འཆང་སྒྲུབ་རྒྱགས་སེམས་ཁྲལ་སྤང་། །འོན་ཏེ་སྔོན་གྱི་སྦྱིན་འབྲས་ཁྱད་པར་གྱིས། །སྤྱི་དང་མི་མཚུངས་རང་ཉིད་བཀྲེས་གྱུར་ན། །སྒབ་འདྲེ་མེད་ཅིང་ས…

མཐུན་རྐྱེན་སྒྲུབ་པའི་ཚེ། །ཐག་རིང་མི་འགྲོ་ལྡོག་མཚམས་ཚུལ་དུ་བྱ། །དེ་ནས་རང་གིས་རང་ལ་ཁྲིད་བཙུག་སྟེ། །དཔེ་ཆ་ཡོད་ན་ཁྲིད་དཔེ་བླ་མའི་ཚུལ། །ཁྲིད་དཔེ་མེད་ན་ཡིད་ཀྱིས་གསལ་འདེབས་ཤིང་། །དལ་འབྱོར་རྙེད་དཀའ་འཆི་བ་མི་རྟག་པ། །ལས་འབྲས་འཁོར་བའི་ཉེས་དམིགས་བསྒོམ་པ་བཞི། །རེ་རེ་ལ་ཡང་ཞག་པོ་གསུམ་མམ་བདུན། །ངེས་ཤེས་སྐྱེ་ཞིང་སྣང…

སྲུངས་ཞེས་བརྗོད། །བགེགས་གཏོར་རྒྱས་པར་བཏང་ཞིང་བགེགས་བསྐྲད་དེ། །རྫས་རྒོད་དམ་ནི་གུ་གུལ་དུད་པས་བདུག །འདི་སྐབས་མཚམས་རྡེལ་འཇོག་དགོས་ཡོད་ན་ནི། །ཤོག་བུར་མིང་བྲིས་རྡེའུ་བཏུམས་ནས་ནི། །རང་མདུན་བཞག་ལ་མི་དེ་ཡིན་པར་བསྒོམ། །མཚམས་གཡོག་གཏུག་དགོས་ཡོད་ན་མདུན་དེར་བཞག །དེ་ནས་སྲུང་བའི་འཁོར་ལོ་གསལ་བར་བསྒོམ།་་་་་གེགས་སེལ་བ…

ལ་སོགས་པ། །གློ་བུར་ནད་དང་གདོན་གྱིས་ཉེ་བར་འཚེ། །ད་རེས་འབྱོན་དགོས་གལ་ཏེ་མ་བྱོན་ན། །ཁ་གཏམ་མེད་དམ་བསྡིག་རྒྱུ་ཡོད་སྐད་ཟེར། །ནན་ཆེ་ཡུས་ཚེ་ཚིག་རྙིང་མནའ་ཡིས་མཐུད། །དེ་ནི་བདུད་ཀྱིས་ཉམས་ཚད་གླགས་ལྟ་ཡིན། །རེ་བ་ཆེའམ་བཙན་པོ་ཡིན་ཀྱང་རུང་། །དེ་ཡི་ངོ་བཟློག་མི་འགྲོ་གལ་ཆེ་སྟེ། །དེ་དུས་སོང་ན་བར་ཆད་ཀྱིས་ཁྱེར་བས། །ནམ་ཡང་…

དང་། །དབང་རྟུལ་དད་པའི་རྗེས་འབྲང་ཉམས་ལེན་གཉིས། །ཆོས་ཀྱི་རྗེས་འབྲང་པཎྜི་ཏ་ཡི་ལུགས། །བྱུང་ན་དེ་ཉིད་མཆོག་ཏུ་གྱུར་མོད་ཀྱི། །དད་པའི་རྗེས་འབྲང་ཀུ་ས་ལི་། ཡི་ལུགས། །དེང་སང་ཕལ་ཆེར་དེ་ཉིད་ཡིན་ནོ་གསུངས། །དེ་ལའང་ཐ་མ་འབྲིང་དང་རབ་གསུམ་སྟེ། །དབང་ལུང་ཐོབ་ཀྱང་གོ་བ་ཤེས་རབ་དམན། །ཁྲིད་རིམ་ཐོབ་པས་སེམས་ངོ་སྲུང་ཤེས་ཙམ། །དད…

ཡིག་དྲུག་སྐད་ནི་ཆེ་ཆུང་རན་པར་བཟླས། །ས་ཕྱོགས་དེ་ཉིད་བདེ་བ་ཅན་དུ་མོས། །སྲོག་ཆགས་ཐམས་ཅད་སྤྱན་རས་གཟིགས་སུ་བསྒོམ། །དེ་ལ་སེམས་གནས་དམིགས་པ་མ་གསལ་བར། །ཡིག་དྲུག་བཟླས་པ་གཟུགས་ཀྱི་བཟློས་པའམ། །སྣང་བ་སྐུ་ཡི་ཁྱེར་སོ་ཞེས་བྱ་ཡིན། །འགྲོ་ཀུན་སྤྱན་རས་གཟིགས་སུ་གྱུར་པ་དེས། །རང་གི་རམ་བུ་བཀྱག་བསམ་ཡིག་དྲུག་བཟླས། །དེ་ནི་སྒྲ…

ལྷག་མཐོང་དོན་རྩ་འདུས་པ་ཡིན། །དེ་ནས་རྒྱུན་དུ་རྩད་གཅོད་མི་དགོས་ཏེ། །ནམ་དྲན་དུས་སུ་རང་ངོར་ཅེར་གྱིས་ལྟ། །མ་མཐོང་ངང་ལ་ཀློད་དེ་ཤིག་གེར་གཞག །རྣམ་རྟོག་སྐྱེས་ན་ཆུ་དང་རླབས་བཞིན་དུ། །སེམས་ལས་བྱུང་ཞིང་སེམས་ཀྱི་ཀློང་དུ་ཐིམ། །ཡིག་དྲུག་ཤུབ་བུར་བཟླས་ཤིང་དེ་ཉིད་སྐྱོང་། །ཉི་མ་ཤར་ཚེ་བརྒྱ་ཕྱག་འགའ་ཟུང་འཚལ། །ཐུག་པ་ལ་སོགས…

དེ་ལ། །བཛྲ་གུ་རུ་བཛྲ་ཕཊ་ལ་སོགས། །ལྷ་བསྒོམ་མི་དགོས་སེམས་ངོའི་ངང་ལ་བཟླ། །དེ་ནས་སླར་ཡང་ད་ནངས་ཅི་བཞིན་དུ། །རྒྱང་འབོད་ནས་བཟུང་རིམ་བཞིན་ཐུན་གཅིག་བསྒོམ། །དེ་ནས་ཤེས་ན་ཀུ་ས་ལི་ཡི་ནི། །ཚོགས་བསོག་ངག་ཏུ་མི་དགོས་ཡིད་ཀྱིས་བསྒོམ། །རྐང་དུང་གསུམ་བུས་ཕཊ་སྒྲ་འགའ་ཟུང་རྒྱབ། །གལ་ཏེ་ལུས་སྦྱིན་དམིགས་པ་མི་ཤེས་ན། །ཕཊ་སྒྲ་རྐང…

བཅའ། །ཐོ་རངས་གཉིད་ནི་སད་པའི་དེ་མ་ཐག །སྔོན་འགྲོ་བཞི་སྦྱོར་རྒྱས་བསྡུས་གང་རུང་འདོན། །སྒྲོལ་དཀར་ལ་སོགས་ཚེ་སྒྲུབ་གང་ཤེས་དེ། །ཕྲེང་སྐོར་གཉིས་གསུམ་ཡན་ཆད་ཅི་ནུས་བཟླས། །རྒྱལ་བ་རྒྱ་མཚོ་ལ་སོགས་གསར་མ་ཡི། །ཡི་དམ་གཙོ་བོ་གང་ཡིན་མངོན་རྟོགས་སམ། །འོད་འབར་ལ་སོགས་རྙིང་མའི་ལས་བྱང་ཞིག །བཏོན་ལ་ཉི་ཤར་བར་དུ་བསྙེན་པ་བྱ། །དེ་…

དགོས་ན་རྐུ་ཐབས་བླང་། །དེ་ནས་ཕུག་གཏོར་གསོས་ལ་བྲན་བྱས་ཏེ། །རྙིང་མ་ཡིན་ན་ལས་བྱང་སླར་ལ་ཝིག །གསར་མ་ཡིན་ན་མདུན་བསྐྱེད་ཚང་བར་འདོན། །ཆོས་སྐྱོང་ལས་བྱང་ཤེས་ན་དེ་ལ་སྦྱར། །མི་ཤེས་ན་ཡང་གཏོར་བསྔོས་གང་ཤེས་བྱ། །གཅིག་པུར་ཆོམ་རྐུན་གཅན་གཟན་གནོད་དོགས་ན། །གཏོར་བསྔོས་ཚེ་དེར་རྔ་བརྡུང་རྒྱུན་དུ་བྱ། །དེ་ཡི་གཅན་གཟན་མི་འོང་རྐུ…

འགྲོས་ཌཱ་མ་རུ་འཁྲོལ་བས། །གཉིད་ནི་སད་པ་ཡིན་པའི་མོས་པ་བྱ། །ཁ་མ་བཤལ་བར་སྔགས་མི་ཟླ་གསུངས་པས། །གཟུངས་སྔགས་བཟླས་པའི་བུམ་ཆུའི་སྔགས་ཆབ་བླངས། དེ་ནས་བཟླས་བརྗོད་ནུས་པ་སྟོབས་འབྱིན་སོགས། །ངག་གི་བྱིན་རླབས་རྒྱས་པར་བྱ་བའམ། །དབྱངས་གསལ་ལན་གསུམ་བརྗོད་པས་ཆོག་པ་སྟེ། །དེ་ཉིན་བཟླས་ཚད་དུང་ཕྱུར་འགྱུར་དུ་གསུངས། །དམིགས་པ་ལྕེ་…

བྱང་ཚར་གཅིག་ཛབ་དགོངས་ཡན་ཆད་འདོན། །དེ་ནས་ཉི་ཤར་བར་དུ་བསྙེན་པ་བྱ། །དེ་ཡང་གསར་མ་ཡིན་ན་བདག་བསྐྱེད་བསྡུ། །ཟུང་འཇུག་སྐུར་ལྡང་ཐུན་མཚམས་སྤྱོད་པ་སྟེ། །ཇ་ཐུག་བསྐོལ་སོགས་བྱ་བ་གང་དགོས་བྱ། །ནུབ་ཏུ་ཁ་བལྟས་བདེ་ཆེན་ཞིང་ཁམས་ནི། །འོད་དཔག་མེད་པ་གཙོ་འཁོར་མངོན་སུམ་ལྟར། །ཡིད་ཀྱིས་གསལ་བཏབ་བརྒྱ་ཕྱག་འཚལ་བའམ། །ཧ་ཅང་མི་མང་འགའ…

སངས་རྒྱས་མགོན་པོ་ཀུན་ཏུ་གཟིགས་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་དེ་ལ་ཕྱག་འཚལ་ལོ། །རིག་པའི་རྒྱལ་པོ་མཆོག་ལག་ན་རྡོ་རྗེ་ལ་ཕྱག་འཚལ་ལོ། །དེ་གསུམ་རེ་རེར་ཕྱག་རེ་འཚལ་ན་ཡང་། །གངྒཱའི་ཀླུང་ནི་དྲུག་ཅུ་རྩ་གཉིས་ཀྱི། །བྱེ་མ་སྙེད་ཀྱི་སངས་རྒྱས་མཚན་བརྗོད་ཅིང་། །ཕྱག་འཚལ་བ་དང་…