དམར་པོ་མགོ་གསུམ་འདི་ལ། དོན་གཞུང་དང་མཐུན་པར་འདི་སྐད་དོ། །ལིང་ག་གཅིག་ལ་འགུགས་གཞུག་བྱས་ལ་མཐར་གྲིས་གཏུབ་ལ་འབུལ་ལོ། ༼ཇ༽ ཧཱུྃ། འཕགས་པ་འཇམ་དཔལ་བཀའ་བྱུང་བ། །མི་དམར་མགོ་གསུམ་གུས་པས་ཉོན། །ཡལ་ཡུལ་དེ་ནི་སོ་ཀ་རུ། །ཡུལ་བུ་ཡུལ་གྱི་ནང་ཤེད་ནས། །ཤང་པོ་དཔོན་གཡོག་ནད་ཀྱིས་བཏབ། །ལོ་དང་ཟླ་བའི་སྐག་ཀྱང་ལང་། །གཏོ་གླུད་ཡས་སུ་…

དུ་འབུལ་འཚལ་ཟེར། །དེ་བཞིན་ཡོན་བདག་གླུད་དུ་འབུལ། །ཉི་མ་ཤར་ལྷོ་ནུབ་བྱང་ནས། །ས་བདག་ཆེན་པོ་གཏོ་ལ་བྱོན། །ཤར་ནས་ཐེ་སེ་གཏོ་ལ་བྱོན། །ལྷོ་ནས་ཧོ་བན་གཏོ་ལ་བྱོན། །ནུབ་ནས་བྱ་དམར་གཏོ་ལ་བྱོན། །བྱང་ནས་ཙང་ཀུན་གཏོ་ལ་བྱོན། །དབུས་ནས་ས་བདག་ཆེན་པོ་གཏོ་ལ་བྱོན། །ས་བདག་མི་དམར་གདུག་རྩུབ་ཅན། །དབུ་གསུམ་འཇིགས་བྱེད་ཁྲོ་གཏུམ་ཅན། …

བསྲུང་དུ་གསོལ། །ཕྲག་པ་གཡས་དང་གཡོན་གང་ནས། །སྐུ་ཡི་མགོན་པོས་བསྲུང་དུ་གསོལ། །ལུས་ལ་བཙན་པའི་གོ་བསྐོན་འཚལ། །སྲོག་ལ་བཙན་པའི་དབང་བསྐུར་འཚལ། །ཡིད་ལ་དཔའ་བའི་སྲུང་བཙུགས་འཚལ། །ཕྱག་ན་རྣོ་བའི་མཚོན་ཐོགས་འཚལ། །དགྲ་དང་བགེགས་ལ་མདའ་འཕེན་འཚལ། །སྔོན་དུ་སྟག་རྟ་ཁྱི་གསུམ་བསྐོར། །རྒྱབ་ཏུ་ཁྱི་འབྲུག་སྤྲེལ་གསུམ་བསྐོར། །བདག་ནི…

སོལ་མཚོ་ཀྱི་ལི་ལི། །ཞེ་སྡང་གདུག་པ་སེམས་ལ་འཆང་། །བྷྱོ༔བྷྱོ༔སྡང་བའི་དགྲ་ལ་བྷྱོ༔ །དྲག་པོ་འབྱུང་བའི་གཏོ་ནག་འདི། །དགྲ་འདྲེ་མི་ཁའི་སྟེང་དུ་བྷྱོ༔། །མོ་ངན་ལྟས་ངན་སྟེང་དུ་བྷྱོ༔ །ཐན་དང་ཆོ་འཕྲུལ་དགྲ་ལ་བྷྱོ༔། །གཏོ་བྷྱོགྲང་བའི་ནང་དུ་བྷྱོ༔ །གྲང་བའི་ནང་དུ་མི་བྷྱོ༔རྒྱུས། །མེ་ཆུ་རྫས་གསུམ་ལས་ལ་གྲུབ། །དེ་བས་གྲང་བའི་ནང…

པོ་ཁ་རྒྱས་བྱས་པ་ཡིན། །ད་ལྟ་ལོག་སེམས་གཉིས་ལ་གཏོང་། །དེ་བས་སྡང་བའི་དགྲ་ལ་བྷྱོ༔ །གཏོ་བྷྱོ༔ཕུང་བའི་འདྲེ་ལ་བྷྱོ༔ །ཕུང་བའི་འདྲེ་ལ་མི་བྷྱོ༔རྒྱུས། །ཡ་ཆ་སྣ་ཚོགས་འདྲེ་ཡིས་བྱེད། །དེ་བས་ཕུང་བའི་འདྲེ་ལ་བྷྱོ༔ །དེ་ནས་ཀོང་ཙེའི་བདེན་པའི་བཀའ། །སྔགས་འཆང་བདེན་པའི་བཀའ་ལ་ཉོན། །འཕགས་པ་འཇམ་དཔལ་བཀའ་མ་བཅག །སངས་རྒྱས་བདེན་པའི་…

བདུད་དལ་ཁ་གཡོས་པ་ན། །དུ་བ་སྤྱི་བོའི་སྟེང་དུ་བྷྱོ༔ །ཕ་ཚན་རྒྱབ་འདྲེ་ཡོ་བ་ན། །ཕ་སྤུན་མྱེས་སྤུན་སྟེང་དུ་བྷྱོ༔ །མ་སྲུའི་མདུན་ཡུག་བབ་པ་ན། །དགྲ་བོ་བྱད་མའི་མ་ཚན་སྟེང་དུ་བྷྱོ༔ །ཡུལ་མའི་བྱོལ་པོ་ཡོ་བ་ན། །ཕུང་བའི་དགྲ་དང་འདྲེ་ལ་བྷྱོ༔ །དགྲ་བགེགས་བྱད་མ་ལང་བ་ན། །སྒོས་སྡང་ཉེ་བའི་དགྲ་ལ་བྷྱོ༔ །ལྷ་འདྲེའི་མདུན་འགྲོས་ཤོམ…

མུག་ཕག་གི་མགོ་བོ་ཅན། །ཤིན་ཏུ་ཁྲོས་ནས་འཇིགས་པའི་གཟུགས། །གང་དང་འཕྲད་པ་རླག་པར་བྱེད། །མགོ་ལ་མེ་འབར་དགྲ་བགེགས་བསྲེགས། །ལག་གཡས་གདུག་བྱེད་ཟེར་བ་ཐོགས། །སུ་དང་འཕྲད་པའི་སྲོག་རྩ་གཅོད། །གཏི་མུག་ཕག་མགོ་ཅན་གྱིས་བཞེས། །གཏི་མུག་ཤ་ཡི་རི་བོ་ཟོ། །དགྲ་བོའི་ཁྲག་ནི་ཆང་བས་ཞིམ། །འདོད་ཆགས་བྱ་མགོ་ཅན་གྱིས་བཞེས། །འདོད་ཆགས་ཁྲག་…

ཟློག །ཡས་ཀྱི་བདུད་ཆེན་གཡོས་པ་ནི། །རང་བས་མཐོ་བའི་དགྲ་ལ་ཟློག །མས་ཀྱི་སྲི་སྡེབ་ལང་བ་ནི། །རང་བས་དམའ་བའི་དགྲ་ལ་ཟློག །བར་ན་བཙན་བཞིན་འགྲོགས་པ་ནི། །རང་དང་མཉམ་པའི་དགྲ་ལ་ཟློག །བཙན་གྱི་ཞགས་པ་དགྲ་ལ་ཐོབས། །གྲི་བཙན་ཟ་ཁ་དགྲ་ལ་ཕྱེས། །ལོ་ཟླ་ཞག་དུས་སྐག་ངན་ཟློག །མི་ཁ་བྲ་མཆུའི་ལྟས་ངན་ཟློག །དགྲ་འདྲེ་བྱུར་གསུམ་ལྟས་ངན་ཟློ…

གྲུབ་གང་ཡང་མེད། །འབྱུང་བ་ལྔ་ནི་སྣང་སྲིད་ལྷ་འདྲེའི་ལུས། །ལུས་ནི་འཇིགས་བྱེད་མི་ཡི་ལུས། །ཉོན་མོངས་མཐའ་རྒྱས་དུག་གསུམ་དབུ། །འདོད་ཆགས་བྱ་ལ་ཞེ་སྡང་སྦྲུལ། །གཏི་མུག་ཕག་གི་མགོ་བོ་ཅན། །ཁ་གདངས་མཆེ་གཙིགས་རྐན་སྒྲ་རྡེབ། །གང་དང་འཕྲད་པ་ཟས་སུ་ཟ། །གནོད་སྦྱིན་གཙུག་ན་མེ་འབར་བ། །དགྲ་བགེགས་བྱད་མ་མི་ཁ་བསྲེགས། །ཕྱག་གཡས་ལྕགས…

སྦྲུལ་གྱི་ཞལ་དུ་བཞེས། །ཞེ་སྡང་དགྲ་བོའི་རུས་ལ་ཆེམ་ཆེམ་གསོལ། །དགྲ་བོའི་རུས་ལ་ཁ་རཾ་ཁཱ་ཧི། །དུག་གསུམ་ཁྲོས་པའི་ས་བདག་དགྲ་ལ་བྷྱོ༔ །སྡང་བའི་དགྲ་བོ་རྩད་ནས་ཆོད། །བར་ཆད་འབྱུང་པོ་རྡུལ་དུ་རློགས། །སྐུ་སྟོད་དམར་ནག་ཁྲག་གིས་བྱུག །ཁྲག་མཚོ་དམར་པོ་མེ་རེ་རེ། །སྐུ་སྨད་ནག་པོ་སོལ་བས་བྱུག །སོལ་མཚོ་ནག་པོ་ཀྱི་ལི་ལི། །དགྲ་ལ་ར…

ན་འདི་སྔགས་དང་དམིགས་པ་མང་དུ་བྱའོ། །ནག་པོ་མགོ་གསུམ་མདོས་ཐབས་སུ་བྱེད་ན། དམར་པོ་མགོ་གསུམ་སླ་ངའི་ནང་དུ་བཅའ། མི་དམར་མགོ་གསུམ་གཡས་བྱ་མགོ་སེར་པོ། གཡོན་སྦྲུལ་མགོ་དམར་པོ། དབུས་ཕག་མགོ་ནག་པོ། ཕྱག་གཡས་ཟོར་བ་གཡོན་མདའ་གཞུ་འཛིན་པ། འཁོར་དུ་མི་དམར་མདུང་འཛིན་པ་བཅུ་གསུམ། བུད་མེད་ནག་མོ་ཁྲམ་ཤིང་འཛིན་པ་བཅུ་གསུམ། ཕོ་ཐོང་བ…

བུ། །མི་ནག་འཇིགས་པའི་མགོ་བརྙན་ཅན། །ལུས་པོ་མི་ཡི་ལུས་པོ་ལ། །མགོ་བོ་གསུམ་ལ་ཕྱག་ཀྱང་དྲུག །གདུག་པའི་སེམས་ཅན་མགོ་བརྙན་ཅན། །དབུས་ནི་གཏི་མུག་གླང་གི་མགོ །གཏི་མུག་འཁྲུགས་པའི་རྒྱུ་ལས་བྱུང་། །གླང་ཆེན་ཞལ་གདངས་རྐན་སྒྲ་རྡེབ། །གཏི་མུག་ཞལ་དུ་གསོལ་བའི་རྟགས། །སྣ་ལྗགས་གདུག་པའི་མཚོན་ཆས་བརྒྱན། །ཉོན་མོངས་དགྲ་བགེགས་མ་ལུས་…

ཅན་སྲོག་རྩ་གཅོད། །སྡང་མིག་དམར་ནག་ཕྱོགས་བཅུར་བསྒྲད། །འདྲེ་སྲིན་བྱུར་གསུམ་དབང་དུ་སྡུད། །མ་མོའི་སྐག་རྣམས་བཟློག་ཏུ་གསོལ། །ཞལ་གསུམ་འཇིགས་པའི་རྔམ་ཆེན་སྒྲོག །དབུ་སྐྲ་ནག་པོ་གྱེན་དུ་འབར། །སྟེང་ཕྱོགས་གཟའ་སྐར་དབང་དུ་སྡུད། །སྟེང་ཕྱོགས་ལྷ་གདོན་བར་ཆད་ཟློག །དུག་སྦྲུལ་ནག་པོའི་ཐོད་ཆེན་བཅིངས། །ཟས་སུ་ཀླུ་སྲིན་གདུག་པ་ཟ…

གཟིར། །ཐ་མས་མི་ཁ་སྣ་ཚོགས་ཟ། །མི་ཁ་བྲ་མཆུ་བཟློག་ཏུ་གསོལ། །ཞབས་གཉིས་གྱད་ཀྱི་འདོར་ཐབས་ཀྱིས། །མི་ཁ་བྲ་མཆུ་འོག་ཏུ་བརྫིས། །ནད་ཡམས་སྣ་ཚོགས་བཟློག་ཏུ་གསོལ། །གནས་ནི་རྒྱ་གྲམ་ལམ་དུ་གནས། །སུ་དང་འཕྲད་པའི་སྲོག་ལ་རྒོལ། །སུ་འཕྲད་དགྲ་བགེགས་ཟས་སུ་ཟ། །སྡང་བའི་དགྲ་བོ་ཟས་སྐལ་ཡིན། །ཁྱོད་ཀྱི་བཀའ་ཡི་ཕོ་ཉ་ནི། །གཡས་ན་བདུད་ནག་…

གསུམ་འཇིག་རྟེན་ཉུལ་བར་བྱེད། །རྟ་ནག་སྔ་ཤ་ཕྱི་ཤ་ལ། །དུག་སྦྲུལ་ནག་པོའི་ཞགས་པ་དང་། །ནད་ཀྱི་རྐྱལ་པ་ནག་པོ་བཀལ། །འཁོར་དུ་བདུད་དམག་འབུམ་གྱིས་བསྐོར། །བདུད་ཀྱི་བྱ་ནག་ཀླད་ན་ལྡིང་། །ལྕེ་སྤྱང་ནག་པོ་ཕོ་ཉར་འགྱེད། །བདུད་ཀྱི་དམག་སྣ་དགྲ་ལ་འགྱེད། །བདུད་ཀྱི་མཚོན་ཆས་དགྲ་སྲོག་གཅོད། །ནག་པོ་ཆེན་པོའི་བཀའ་བྱུང་གིས། །བདུད་ཀྱི…

མིག་དམར་པོ་སྡང་མིག་བསྒྲད། །མཆེ་བ་ཟུར་གསུམ་དགྲ་ཤ་ཟ། །སྐུ་ལ་ལེ་བརྒན་འཇོལ་བེར་གསོལ། །ཕྱག་གཡས་རོ་ཡི་རྒྱལ་མཚན་ཕྱར། དགྲ་བགེགས་ཐལ་བ་རྡུལ་དུ་རློགས། །གཡོན་པས་ཞགས་པ་དམར་པོ་བསྣམས། །དགྲ་བགེགས་ཀུན་གྱི་ཡན་ལག་བཅིངས། །ཞལ་ནས་ཁྲག་གི་ཁ་ཕྲུ་འདེབས། །རི་རབ་རྩེ་ནས་ཀུ་ཡིས་འདེབས། །བཙན་གྱི་དམག་ཚོགས་ཕོ་ཉར་འགྱེད། །རོལ་དུ་འཕར་བ…

སྒྲོལ། །ཀྱཻ། ནག་པོ་ཆེན་པོ་རྫུ་འཕྲུལ་ཅན། །ཁྱོད་ཀྱི་སྔོན་གྱི་རུ་འདྲེན་པ། །མ་མོ་ནག་མོ་རྫུ་འཕྲུལ་ཅན། །བལ་མོ་ནག་མོ་གདུག་རྩུབ་ཅན། །ལུས་ལ་ནད་ཡམས་སྣ་ཚོགས་བརྒྱན། །གཡས་ན་མ་མོའི་ཤོ་རྡེལ་འགྲིལ། །གཡོན་ན་ནད་ཀྱི་རྐྱལ་པ་བསྣམས། །ཕུང་སྲི་རྔ་མོང་འོག་ཏུ་ཞོན། །ཁ་ནས་ནད་ཀྱི་རླངས་པ་འཐུལ། །མིག་ནས་ཁྲག་ནད་ཆུ་ལྟར་འགྲུབ། །དུར་ཁ…

པོ་ཆེན་པོའི་བཀའ་བྱུང་གིས། །མ་མོའི་གདུག་པ་བསྒྱུར་དུ་གསོལ། །ལོ་སྐག་ཟླ་སྐག་བསྒྱུར་དུ་གསོལ། ལྟས་ངན་སྣ་དགུ་བསྒྱུར་དུ་གསོལ། །བསམ་པ་སྒྲུབས་ལ་རེ་བ་སྟོངས། །བར་དུ་གཅོད་པའི་དགྲ་བགེགས་ཐུལ། །ཀྱེ་མ་སེམས་ཅན་སྲོག་གཅོད་ནག་པོ་ཆེ། །ཁྱོད་ཀྱི་རྫུ་འཕྲུལ་འགའ་སྡུད་པའི། །མི་ཁའི་རྒྱལ་མོ་བྲ་མཆུ་མ། །ཕ་ནི་སྤེལ་མགོ་ཆེན་པོ་ཡིན། །…

ནག་པོ་ཆེན་པོའི་བཀའ་བྱུང་གིས། །ལྷ་སྲིན་སྡེ་བརྒྱད་གདུག་རྩུབ་ཟློག །གླུད་གཏོར་གཉེན་པོ་འདི་བཞེས་ལ། །སྐྱེས་པ་ཕོ་བརྒྱ་འདུས་པ་ན། །མི་ཁ་མདའ་ལྟར་གསོར་བ་ཟློག །མོ་བརྒྱ་འདུས་པའི་འཕང་ར་ན། །མི་ཁ་བལ་ལྟར་གཡེང་བ་ཟློག །བྲ་མཆུ་རླུང་ལྟར་འཚུབས་པ་ཟློག །དོ་ནུབ་བདུད་ཀྱི་ཁྲམ་ཁ་ཟློག །བཙན་དམག་སྡེ་བརྒྱད་གདུག་པ་ཟློག །གཤིན་རྗེའི་…

སྒྱུར་སྒྱུར། བྷྱོ༔བྷྱོ༔ཟློག་ཟློག །ནག་པོ་མགོ་གསུམ་གྱི་རུ་འདྲེན་སྡེ་བཞིའི་བསྐུལ་པ་རྫོགས་སོ།། །། ༈ མི་ནག་མགོ་གསུམ་གྱི་ཐན་སྐྱ་ཉི་ཤུ་བཞུགས་སོ།། ཧཱུྃ། ས་བདག་འཁྲུགས་པའི་གཏི་མུག་ལས། །ལས་ཀྱི་སྲིན་པོ་ཕག་མགོ་ཅན། །གནས་ནི་གཏི་མུག་སྟེང་ན་གནས། །སྐྱེ་འགྲོ་སེམས་ཅན་ཐམས་ཅད་ཀྱི། །ནམ་ཕྱེད་དག་ལ་ཚེ་སྲོག་ལེན། །ཞེ་སྡང་སྲིན་…