ངན་འགྲོའི་རྒྱུ་རུ་ངེས། །རིམ་གྱིས་ཆོས་ཕྱོགས་དཀྲི་བའི་ཕྱིར། །ཡིན་ན་དེའང་འགྲོ་དོན་ཉིད། །ཡོན་དང་ལྷ་རྟེན་འདོད་པའི་ཕྱིར། །ཟློག་པ་སྦྱིན་སྲེག་དབང་བསྐུར་དང་། ཆོ་ག་ཕྱིར་ལྡོག་བྱང་བུ་དང་། །དབང་ལུང་ཁྲིད་སོགས་གང་བྱས་པ། །ཚེ་འདིའི་རྐྱེན་དང་ཡུན་གྱི་སྒྲིབ། །བྱང་ཆུབ་ཐོབ་པའི་གེགས་སུ་ཆེ། །འགྲོ་ཀུན་ཕ་མར་ཤེས་བྱས་ཏེ། །ལྷག་…

འགྲིགས་པ་མང་པོ་ཞིག །འཛོམ་ན་བླ་ཆེན་ཤུགས་ཀྱིས་འོང་། །གང་དུ་ཕྱིན་ཡང་གདུལ་བྱ་འདུ། །བསམས་ནས་མི་གཞོན་མང་པོ་བསྐོར། །འདོན་པའི་ཁ་ཕྲལ་ཆོས་ཡིན་བསམ། །སེམས་རྒྱུད་དུལ་ཞིང་ཉམས་རྟོགས་ཅན། །ཉིན་མོའི་སྐར་མ་བཞིན་དུ་དཀོན། །བསྒོམ་བྱའི་གཙོ་བོ་ཁེ་དང་ཚོང་། །ཆགས་སྡང་འདོད་ཆགས་མེ་ལྟར་འབར། །གསོན་པོའི་རིམ་གྲོ་གཤིན་པོའི་ཆོས། །ཁར་…

ཙམ། །བསྟན་ལ་ཕན་པའི་དགེ་བཤེས་དང་། །ཉམས་རྟོགས་ཡོད་པའི་རྟོགས་ལྡན་དང་། །བསྙེན་སྒྲུབ་ཐེམ་པའི་སྔགས་འཆང་དང་། །སྡོམ་པ་མཐར་ཕྱིན་དགེ་སློང་ནི། རེ་རེ་བྱུང་ཡང་རིན་ཐང་ཆེ། །སྔོན་གྱི་འདུལ་བ་འཛིན་པ་རྣམས། །དཀོར་རྫས་དངོས་པོ་གང་བྱུང་བ། །གྲྭ་མང་ཞལ་དུ་ཐོངས་མཛོད་དང་། །དགེ་འདུན་སྡེ་འཕེལ་བསྟན་ལ་ཕན། །ཞེས་པ་འདས་ཁར་ཞལ་ཆེམས་བཞག…

སོགས། །འདུས་པའི་འཁོར་ཚོགས་ཐམས་ཅད་ལ། །དགེ་འདུན་དངོས་ཀྱི་འདུ་ཤེས་ཀྱིས། །བསྙེན་བཀུར་ཞབས་ཏོག་ཕུན་ཚོགས་ཤིང་། །བླ་མེད་བྱང་ཆུབ་ཕྱིར་བསྔོས་པས། །སྐུ་དེ་མྱ་ངན་འདས་མ་ཐག །བདེ་བ་ཅན་དུ་སྐྱེ་འགྱུར་ཞིང་། །བླ་མེད་བྱང་ཆུབ་ལུང་ཡང་བསྟན། །རྗེས་འཇུག་རྣམས་ཀྱིས་ཕྱག་ལེན་ཡང་། །འདི་ལ་གོ་རྒྱུ་ཆེན་པོ་ཡོད། །ཞེ་འདོད་ཆོས་བརྒྱད་འཁོ…

ཚེ་འདི་ལ། །བྱ་བ་མང་པོ་བྱེད་དགོས་ཡོད། །བྲང་ང་གཅིག་ཀྱང་མ་གཏོར་གསུངས། །ནོར་ཀུན་ཤེ་བཏང་བཞག་ཅེས་བཤད། །ཕྱིས་དུས་མཚུར་ཕུའི་ལྷ་ཆེན་དང་། །རིགས་ལྔ་སྤྱན་རས་གཟིགས་སོགས་བཞེངས། །དེ་བཞིན་དཀོན་མཆོག་མཆོད་པ་དང་། །དགེ་འདུན་སྐྱོང་ཕྱིར་བྲང་ང་དང་། །སེར་སྣས་སྡུག་བཙིར་བྱེད་པ་གཉིས། །བྱེད་ལུགས་འདྲ་ཡང་བསམ་པའི་ཁྱད། །དེ་དོན་འདུ…

སེམས་བསྐྱེད་ལྡན་རྣམས་ཀྱིས། །བསྡུ་དངོས་བཞི་ཡི་འགྲོ་དོན་ནི། །ཉམས་མྱོང་ལག་ཏུ་ལོན་ཚོད་ཙམ། །གླུ་ཡི་སརྒ་དང་པོའོ། ༈ །གསོན་དང་བརྩོན་འགྲུས་རྒྱ་མཚོ་བ། །རང་གཞན་དོན་གཉིས་སྒྲུབ་པའི་ཐབས། །རང་ཉིད་སྒྲུབ་པ་བྱེད་པའི་སྐབས། །བསྐྱེད་རྫོགས་ངེས་པ་ཅུང་ཟད་རྙེད། །སྙིང་ནས་དམ་ཆོས་འདོད་པའི་མིས། །རང་ལ་སྙིང་ནས་རེ་བཅས་པ། །དེ་ཡི་རེ…

རང་ཉིད་བླ་མར་འཛིན་པ་ཡི། །སློབ་མ་འགའ་ཟུང་བསྟེན་ན་ཡང་། །འགྲོ་དོན་འབྲས་བུ་དེ་ཆེའི་ཕྱིར། །བཀའ་བརྒྱུད་གོང་མའི་གསུང་ལ་ནི། །ར་ཁྲིད་ལུག་ཁྲིད་ཅེས་ཀྱང་བྱ། །ཁྲོམ་ཆེན་བསྡུ་བ་མ་ཡིན་ཕྱིར། །ཕུག་སྒོར་ཆོས་བཤད་ཅེས་ཀྱང་བྱ། །ཀཿཐོག་རྙིང་མའི་ལུགས་ལ་ནི། །གཅིག་ཁྲིད་ཅེས་བྱ་ཟབ་པར་བརྩི། །དེ་ལ་བྱེད་ལུགས་རིགས་མང་སྟེ། །ཤེས་རབ་ཕུ…

དམིགས་པ་དང་། །བྱིན་འབེབས་དམིགས་པས་བྱིན་གྱིས་བརླབ། །དེས་ཀྱང་སྒྲུབ་ཐེམས་ཉམས་རྟོགས་སྐྱེ། །མ་མཇལ་ས་ཐག་རིང་པོ་ནས། །དད་ལྡན་འབུལ་བ་བསྐུར་སོགས་ལ། །གསོལ་འདེབས་ངོ་སྤྲོད་ཡི་གེ་བསྐུར། །འགྲོ་མགོན་སངས་རྒྱས་དབོན་པོ་ཡིས། །ཡི་གེ་བསྐུར་བས་གྲོལ་བ་ཡི། །སློབ་མ་བརྒྱ་རྩ་ཡོད་དོ་སྐད། །དེ་ཙམ་རང་རེ་འོང་དཀའ་ཡང་། །བློ་སེམས་ཆོས་…

དབང་གིས་འདོན་རོགས་མཛོད། །དེ་ལས་འགྲོ་དོན་གཞན་མེད་ཀྱང་། །ངོ་མཚར་སྐྱེས་རབས་གྲར་བརྩིས་ན། །འགའ་ཟུང་ནད་གདོན་ཞི་བ་དང་། །འགའ་ཟུང་བསྙེན་སྒྲུབ་ཐོན་པ་དང་། །འགའ་ཟུང་ཉམས་རྟོགས་སྐྱེ་ཐུབ་ན། །འགྲོ་དོན་ལེགས་པ་མ་ལགས་སམ། །རང་གཞན་གཉིས་དོན་སྒྲུབ་པ་ཡི། །གླུ་ཡི་སརྒ་གཉིས་པའོ། ༈ །གསོན་དང་བརྩོན་འགྲུས་རྒྱ་མཚོ་བ། །གཞན་དོན་གཙོ་…

རྟེན་ཚུལ་དུ་རྗེས་རྗེས་བྱོན། །གཡས་ནས་སེང་ཆེན་གཡུ་རལ་བསིག །གཡོན་ནས་སྟག་མོ་འཛུམ་དྲུག་རྒྱས། །མདུན་གྱི་སྒར་སྣར་གླང་པོ་ཆེ། །སྨོན་པའི་བརྟུལ་ཞུགས་ལྡན་པ་ཡི། །སྣ་ལ་མཚོན་ཆའི་འཁོར་ལོ་བསྐོར། །སྒར་གྱི་སྣ་ནས་མིག་མཐོང་སོར། །རྡོ་རྗེ་ལེགས་པ་སེང་གེ་ཆིབས། །སྟེང་དུ་ཁྲ་དང་བྱ་ནག་ལྡིང་། །སྟག་སྤྱང་འཕར་བ་རོལ་དུ་ཁྲིད། །བཙན་དམ…

ཕྱོགས་དེའི་མི་དང་ལྷ་འདྲེ་ཀུན། །འདུས་ནས་ཕྱག་འཚལ་བསྐོར་བ་བྱེད། །གཏོང་ལེན་དམིགས་པ་ཐུན་གཅིག་བསྒོམ། །བདག་གི་འོད་ཟེར་ཕོག་པ་ལས། །ཐམས་ཅད་སྤྱན་རས་གཟིགས་སུ་གྱུར། །ཡིག་དྲུག་དིར་དིར་འདོན་པར་བསྒོམ། །ཕྱག་དབང་ཞུ་མི་བྱུང་བའི་ཚེ། །སོར་མོ་རྒྱལ་བ་རིགས་ལྔ་ལས། །ཡེ་ཤེས་ལྔ་ཡི་རང་བཞིན་གྱི། །འོད་ཟེར་ཁ་དོག་ལྔ་འཕྲོས་པས། །དུག་…

ལྡན་ཞིང་ཚོགས་རྫོགས་ནས། །མྱུར་དུ་སངས་རྒྱས་ཐོབ་པར་ཤོག །ཅེས་བརྗོད་དམིགས་མེད་ངང་ལ་བཞག །དེ་བཞིན་འབྲུ་དང་རིན་ཆེན་སོགས། །སྐམ་ཆས་མཎྜལ་དམིགས་ལ་འབུལ། །རྟ་ཕྱུགས་གོ་མཚོན་ལ་སོགས་པ། །གཏོར་བསྔོས་ཞོར་གྱི་བསྐང་ཐུང་ཞོར། །བསྐང་བའི་རྫས་སུ་དམིགས་ཏེ་འབུལ། །བར་ཆད་སེལ་ཞིང་ལོངས་སྤྱོད་འདུ། །དཀོར་སྒྲིབ་ཆུང་བའི་གདམས་ངག་ཡིན། །ད…

ཤེས། །འཁོར་འདས་དབྱེར་མེད་དོན་རྟོགས་ན། །སྣོད་མིན་དབང་བསྐུར་ཆོས་བཤད་ཀྱང་། །དེ་ལ་ཉེས་པ་མེད་པར་གསུངས། །རྟོགས་པ་དེ་ཙམ་མེད་ན་ནི། །སྣོད་མ་ཡིན་དང་དམ་ཉམས་ལ། །དབང་དང་གདམས་པ་ཟབ་སྤེལ་ན། །གསང་བ་ཐུགས་ཀྱི་དམ་ཚིག་ཉམས། །ཚེ་འདིར་མཁའ་འགྲོའི་བཀའ་ཆད་ཀྱིས། །སྨྱོ་འབོག་ལ་སོགས་མི་ལྷོ་དགེ་འབྱུང་། །ཕྱི་མ་དམྱལ་བར་ལྟུང་བར་བཤད། …

ཀུན་གྱི་ཐོག་མར་ནི། །ཁྲོམ་རྣམས་འདུ་བའི་རྟེན་འབྲེལ་དུ། །འགྲོ་བ་དགེ་ལ་བསྐུལ་བའི་ལྷ། །བསྐུལ་བྱེད་མ་ཡི་དབང་བསྐུར་བྱ། །ཁྲོམ་ཚོགས་ཆོས་ཁྲིར་་འདུག་མ་ཐག་།བདུད་ཀྱི་དཔུང་རྣམས་འཇོམས་པའི་གཟུངས། །ཐར་རྒྱན་ནང་ནས་འབྱུང་བ་ལྟར། །སྐད་གསང་མཐོན་པོས་ཚར་གཅིག་བརྗོད། །ཁྲོམ་ལ་རིམས་ནད་མི་འབྱུང་ཕྱིར། །དེ་ནས་ལོ་མ་གྱོན་མ་བསྐུར། །ཉ…

དེ་དག་རྣམས་ཀྱི་བར་སྐབས་སུ། །འདོད་ཆོས་དབང་ལུང་གདམས་ངག་སྤེལ། །ཚོང་དཔོན་ལྟ་བུའི་འགྲོ་དོན་ཡིན། །དཔེར་ན་ཚོང་དཔོན་ཆེན་པོ་ཡིས། །མཁོ་དགུའི་ལོངས་སྤྱོད་སྣ་ཚོགས་ཁྱེར། །གང་ལ་གང་དགོས་ཡོ་བྱད་ཚང་། །རང་ལ་ཅི་འདོད་ལོངས་སྤྱོད་འབྱུང་། །དེ་བཞིན་དབང་ལུང་ཕུན་ཚོགས་པས། །གང་ལ་གང་དགོས་དབང་ལུང་སྤེལ། །རང་ལ་ཆོས་དང་ལོངས་སྤྱོད་ཀྱི…

མཚོ་ལས། །ཐར་འདོད་དད་གུས་བརྩོན་འགྲུས་ཅན། །དབང་ཞུ་ཆོས་ཞུ་སུ་བྱུང་ལ། །སོ་སོའི་འདོད་པ་བསྐང་སྟེ་གཏོང་། །མཉན་པ་ལྟ་བུའི་འགྲོ་དོན་ནི། །ཨོ་རྒྱན་ཆེན་པོས་གསུངས་པ་ཡིན། །རྒྱལ་པོ་ལྟ་བུའི་འགྲོ་དོན་ནི། །འབྲི་སྟག་ས་ཀར་ལ་སོགས་ཀྱི། །ཆེན་པོ་རྣམས་ཀྱི་སྤྱོད་ཡུལ་ཏེ། །རང་རེ་རྣམས་ཀྱིས་ག་ལ་འོང་་། །འོན་ཀྱང་དེ་ཡི་ཆ་མཐུན་ཙམ། །ར…

གསོ། །སངས་རྒྱས་སྟོང་སྐུ་ལ་སོགས་དང་། །ཡི་དམ་ཆོས་སྐྱོང་སྐུ་རྣམས་བཞེངས། །རང་གི་ཡི་དམ་ཆོས་སྐྱོང་གི །རྒྱུད་གཞུང་གཞུང་པོད་ཅི་ནུས་བཞེངས། །གྲྭ་པ་རབ་འབྲིང་ཐ་མ་རྣམས། །ཀ་ཚར་ཡན་ནས་དབང་བསྐུར་མན། །།བློ་ཚོད་དཔག་པའི་ཡོན་ཏན་བསླབ། །།ཇ་མར་ཤ་ཐུད་གང་བྱུང་རྣམས། །བུམ་སྒྲུབ་ལ་སོགས་བསྙེན་སྒྲུབ་འབད། །ཞག་བདུན་ལ་སོགས་སྔགས་རྒྱུ…

ལ་སོགས་པའི། །གཉན་ཐོག་ཞོར་ལ་གཅོད་པས་ཆོག །སྙིགས་དུས་རྒྱུན་དུ་ཆར་ཆུ་དཀོན། །ལྗང་བུ་སྐམ་ཞིང་མི་རྣམས་སྐྲག །བླ་མ་ཀུན་ཀྱང་ཆར་འབོད་འཚེར། །ནམ་མཁའ་བེང་ལྟར་དྭངས། །ཐན་པ་དུས་མཐའི་མེ་བཞིན་འབར། །མི་ཀུན་སྡུག་ཅིང་གནམ་ལ་བལྟ། །གནས་ཆེན་པ་ཀུན་ཁོག་རྒོད་འཆོར། །དབུལ་པོ་རྣམས་ནི་སྙིང་རྩ་འདར། །སྤྲང་པོ་རྣམས་ཀྱང་ཡི་མུག་སྐྱེ། །འཆ…

ལྟར་བློ་ཐག་བཅད་ལ་འགྲོ། །ཡི་དྭགས་ལྷ་འདྲེ་ཕྲན་བུ་དང་། །ཆུ་མིག་ཙག་རྩིག་ནུས་པ་མེད། །ནུས་མེད་ལྷ་འདྲེ་བརྡུང་ན་བྲོས། །ཆུ་མིག་ཕལ་ཆེར་ཐན་པས་སྐམ། །རི་གཉན་ཆུ་མིག་མང་བའམ། །མཚོ་གཉན་ཀླུ་བདུད་གནས་སར་འགྲོ། །སྔགས་ལུགས་ཆར་འབོད་བྱེད་ན་ཡང་། །ཐུན་མཚམས་གཅོད་དམིགས་ལུས་སྦྱིན་གཏོང་། །སྤྲིན་ཚོགས་ཡོད་པ་འཇའ་བཞིན་ཡལ། །ཉི་མ་སྔར་…

ནས་འཁྱུག་ཀྱང་འོང་ལ་ཉེ། །ཆར་པ་མི་ཁུག་ཕ་རོལ་ནས། །ཡུལ་ཁམས་སེར་བས་འཇོམས་ལ་ཁད། །དེ་དུས་མ་སྐྲག་མ་འབྲོས་ལ། །བསྐྱེད་རྫོགས་ཟུང་འཇུག་ཉམས་ལེན་སྐྱོང་། །དེ་དུས་ཟིན་ན་བར་དོར་ཟིན། །བར་དོ་ཆུང་ཆུང་དེ་ན་ཡོད། །བོགས་གཅིག་ཐོན་ན་དེ་དུས་ཐོན། །ཉམས་ལེན་སྟེང་དུ་འདུག་ནུས་ན། །དངོས་ཉམས་རྨི་ལམ་ཡད་ཡུད་སྐབས། །ལྷ་འདྲེས་ཕྱག་འཚལ་དངོས…