སྣང་། །ལས་ཉོན་སྒྲིབ་པ་སྲེག་པས་གཏུམ་མོ་ཡིན། །དངོས་པོའི་བདེན་ཞེན་བཟློག་པས་སྒྱུ་ལུས་ཡིན། །མ་རིག་མུན་པ་སེལ་བས་འོད་གསལ་ཡིན། །རྨི་ལམ་དུས་སུའང་བསྒོམས་པས་རྨི་ལམ་ཡིན། །འཆི་དུས་འོད་གསལ་ཟིན་པས་འཕོ་བ་ཡིན། །བར་དོར་ཉམས་ལེན་ཟིན་པས་བར་དོ་ཡིན། །གང་ཤར་དེ་ལ་བསྲེ་བས་བསྲེ་བ་ཡིན། །ཆོས་བརྒྱད་སེམས་སུ་སྙོམས་པས་རོ་སྙོམས་ཡིན།…

རྣམས། །མཉམ་བཞག་ཐུན་གཅིག་ཁོང་དུ་ཚང་བར་རྟོགས། །དུག་གསུམ་འདུལ་བའི་གཉེན་པོ་སྡེ་སྣོད་གསུམ། །དུག་གསུམ་རང་ཞལ་ལྟ་བའི་ནང་དུ་ཚང་། །ཆོས་རྣམས་ཐམས་ཅད་སེམས་སུ་ཐག་ཆོད་པས། །ད་ནི་སྤྲང་པོ་ཤི་ཡང་འགྱོད་པ་མེད། །ཅེས་ཉམས་སྔར་དང་མི་འདྲ་བ་གཅིག་ཤར་ནས་སྨྲས་སོ།། ༈ །།ན་མོ་གུ་རུ། །བསྐྱེད་རིམ་ལྷ་ཡི་དཀྱིལ་འཁོར་དང་། །སྣང་བ་སྐུ་ཡི་འ…

གོ་བ་གསུམ་དང་གདའ་བ་གསུམ། །ཉམས་ལ་ཤར་ནས་བྱུང་རྒྱལ་སྨྲས། །མངྒ་ལཾ།། ༈ །།ན་མོ་གུ་རུ། བླ་མ་སངས་རྒྱས་ཡིན་ཟེར་ཞིང་། །བརྒྱུད་པ་ཉེ་རིང་བསྒྲུང་བ་འདི། །མོས་གུས་ཅན་ལ་ངོ་རེ་ཚ། །འགྲོ་དྲུག་ཕ་མ་ཡིན་ཟེར་ཞིང་། །ཉེ་རིང་ཆགས་སྡང་བྱེད་པ་འདི། །བྱམས་སེམས་ཅན་ལ་ངོ་རེ་ཚ། །སྣང་སྲིད་ཡི་དམ་ཡིན་ཟེར་ཞིང། །འདྲེ་གདོན་བརྡུང་གཏག་བྱེད་པ…

ལ་སྨྲས་པ་ཡིན། །གཞན་ལ་ཕོག་ན་བཟོད་པར་གསོལ། །ཞེས་པ་འདི་སེམས་རླུང་བྱུང་བ་ཞིག་གིས་ངོ་ཚ་ཟེར་ནས་ཡིབས་ནས་སྡོད་འདུག་ཟེར་བ་ཐོས་ནས་བྱུང་རྒྱལ་དུ་སྨྲས་སོ།། ༈ ན་མོ་ལོ་ཀེ་ཤྭ་ར་ཡེ། ངེད་བན་བརྒྱ་ནང་གི་བོན་གཅིག་པོ། །ཁྱེད་བན་བོན་རྒྱལ་མཚན་ཚུར་གསོན་དང་། །རྩིས་བན་བོན་རྩིས་མགོ་མ་མཐུན་ཞེས། །གཏམ་ངག་འཁྱལ་གྱིས་ཁྱེད་སེམས་འཁྲུགས…

དཀར་གཅིག །ཡུལ་བོད་ཡུལ་གྱི་གཤེན་སྒོམ་རེ་ཐུལ་གསུམ། །མགོན་སྤྱན་རས་གཟིགས་ཀྱི་སྤྲུལ་པར་གསུངས། །དོན་དེས་ན་བན་བོན་ལྷ་རུ་མཐུན། །ཆོས་བན་ལུགས་དང་བོན་ལུགས་ཁྱད་མེད་པར། །སེམས་རང་རྒྱུད་འདུལ་བའི་གདམས་ངག་དགོས། །གནས་རང་གི་སྤྱི་གཙུག་ནམ་མཁའ་ལ། །ལྷ་ཐུབ་གཤེན་གཅིག་དང་དབྱེར་མེད་པའི། །རང་གི་དད་པ་གང་ཡོད་བླ་མ་དེ། །དཔལ་ཐུགས་ར…

སྤྲུལ་སྐུ་གཤེན་རབ་མི་པོ་ཡིན། །བོན་སྐུ་གསུམ་གྱི་རང་ཞལ་ལྟ་འདོད་ན། །སེམས་མ་ཡེངས་དྲན་པའི་རྒྱང་སོ་ཚུགས། །དེ་ལན་གཅིག་མ་ཡིན་རྒྱུན་དུ་བསྐྱོངས། །དོན་དེ་ལ་ཐིག་ལེ་ཉག་ཅིག་ཟེར། །ངེད་བན་གྱི་ཕྱག་རྒྱ་ཆེན་པོ་ཟེར། །ཁོང་ལ་ལས་རྫོགས་པ་ཆེན་པོ་ཟེར། །ཁོང་ལ་ལས་དབུ་མ་ཆེན་པོ་ཟེར། །ཁོང་ལ་ལས་ཕ་རོལ་ཕྱིན་པ་ཟེར། །ཁོང་ལ་ལས་སྡུག་བསྔ…

སྤྱན་རས་གཟིགས་ལ་གསོལ་བ་འདེབས། །ཉམས་རྟོགས་སྐྱེ་བར་བྱིན་གྱིས་རློབས། །རེ་ས་གཞན་མེད་ཐུགས་རྗེས་གཟིགས། །གནས་པོ་ཚེ་དབང་འབུམ་ཞེས་པས། །གེགས་སེལ་བསྐུར་ཞེས་གསུངས་པའི་ལན། །གསར་རྙིང་མདོ་རྒྱུད་བསྟན་བཅོས་ཀུན། །གེགས་སེལ་ཁོ་ན་མ་ལགས་སམ། །དལ་འབྱོར་མི་ལུས་ཐོབ་ན་ཡང་། །དམ་པའི་ཆོས་ལ་བློ་མི་འགྲོ། །དུག་གསུམ་མི་དགེ་ཅི་ནུས་འབ…

བར། །རང་ཉིད་གཅིག་པུར་འགྲོ་བ་སོམས། །སྔོན་ཚེ་བསྐལ་པ་དུ་མ་ནས། །སངས་རྒྱས་གྲངས་མེད་བྱོན་གྱུར་ཀྱང་། །བྱང་བསྟན་ཕུག་པར་ཉི་མ་བཞིན། །རང་ལ་ཕན་པར་མ་གྱུར་ན། །འཁོར་བར་འཁྱམས་ལ་སྐྱོ་བ་སྐྱེས། །ད་རེས་བསྟན་དང་བླ་མ་མཇལ། །དབང་ཁྲིད་གདམས་ངག་ཐོབ་དུས་འདིར། །ལམ་སྣ་ཟིན་ཙམ་མ་བྱས་ན། །འཁོར་བ་མཐའ་མེད་ཡིན་པར་སོམས། །དེ་ལྟར་ཡང་ཡང་བས…

ཤི། །རྒས་གཞོན་ངེས་པ་མི་གདའ་ན། །རྒྱལ་པོ་བློན་པོ་མི་ཆེན་རྣམས། །སྨན་དང་རིམ་གྲོས་མ་ཕན་འདས། །འཆི་བ་བཟློག་ཐབས་མི་གདའ་ན། །སྙིགས་མ་ལྔ་ཡི་དུས་ཚོད་འདིར། །ཚེ་ཐུང་ནད་མང་བར་ཆད་རྒོད། །གློ་བུར་བར་ཆད་ཤི་བ་མང་། །སང་ཕོད་ཕྱི་མ་གང་སྔ་ཨང་། །ཟླ་བ་རྒྱབ་མ་ཚེས་ཕྱི་མ། །གང་སྔ་ཐག་ཆོད་ང་ལ་མེད། །དེ་ཕྱིར་བྱ་བ་གཞན་རྣམས་ལས། །དམ་ཆོས…

ཡིད་ཆེས་བསྐྱེད། །ཕ་མ་མཉམ་པའི་བུ་ལ་ཡང་། །ཚེ་ཡི་རིང་ཐུང་སྐྱིད་དང་སྡུག །མི་མཉམ་ལས་འབྲས་སོ་སོའི་རྟགས། །མི་ལུས་ཐོབ་པ་འདྲ་འདྲ་ལ། །དབང་སྟོབས་མངའ་ཐང་ཆེ་དང་ཆུང་། །མི་མཉམ་ལས་འབྲས་བལྟས་པས་གསལ། །སྐྱེ་བ་འདི་དང་ཚེ་རབས་ཀུན། །ཕན་ངེས་གཉེན་ནི་དགེ་བའི་ཆོས། །གནོད་ངེས་དགྲ་ནི་མི་དགེའི་སྡིག །དེ་ཕྱིར་སྡིག་སྤོངས་དགེ་ལ་འབད། …

ཕྱིར་སྡིག་སྤངས་དགེ་བསྒྲུབས་འབྲས། །འཁོར་བའི་བདེ་སྐྱིད་འདོད་པ་སྤོངས། །བཙོན་དོང་ནང་གི་བཙོན་བཞིན་དུ། །སྐྱེ་རྒ་ན་འཆི་བྱེ་བ་དུང་། །འདི་ལ་སྐྲག་ནས་འཁོར་བ་ན། །ནམ་ཐར་བསམ་པ་ཡིད་ལ་ཆོངས། །ཐར་པ་ཐོབ་པའི་བོགས་སྐྱེད་འབྱུང་། །དེ་ལྟར་ཐར་པ་སྒྲུབ་པ་ཡང་། །སྙིང་རྗེ་སེམས་བསྐྱེད་མི་ལྡན་པར། །རང་དོན་ཁོ་ན་ལ་དམིགས་ནས། །ཉན་རང་དག…

སྒོམས། །ཐུབ་པས་གཞན་དོན་མཛད་པ་དང་། །བྱིས་པས་རང་དོན་བྱས་པ་གཉིས། །གང་དེ་ཁེ་གདའ་གནད་དེ་སོམས། །དགེ་སྦྱོར་དགེ་རྩ་ཆེ་ཕྲ་ཀུན། །འགྲོ་ཀུན་སངས་རྒྱས་ཐོབ་ཕྱིར་བསྔོ། །ཅི་བྱས་བྱང་ཆུབ་ལམ་དུ་འགྲོ། །མཐར་འཚང་རྒྱ་བའི་བོགས་ཆེན་འབྱུང་། །དེ་ལྟར་སེམས་བསྐྱེད་ཆོས་བྱས་ཀྱང་། །བླ་མ་བཀའ་བརྒྱུད་རྣམ་ཐར་དང་། །ཕན་ཡོན་ཞིང་ཁམས་བཀོད་པ་…

རླབས་འཇུག །ཕན་ཡོན་འབྱུང་བའི་བོགས་འབྱུང་ངོ་། །དེ་ལྟར་སེམས་བསྐྱེད་ཆོས་སྤྱོད་ཀྱང་། །བསྐལ་པ་གྲངས་མེད་གསུམ་གྱི་བར། །རྫོགས་པའི་སངས་རྒྱས་མི་ཐོབ་གེགས། །རང་ལུས་ལྷ་རུ་མ་ཤེས་ནས། །ཐ་མལ་རང་རྒྱུད་བཟུང་བས་ལེན། །ཕུང་པོ་ཁམས་དང་སྐྱེ་མཆེད་རྣམས། །ཡེ་ནས་ལྷ་ཡི་དཀྱིལ་འཁོར་དུ། །གསར་རྙིང་བླ་མེད་རྒྱུད་ཀུན་མཐུན། །དེ་ཕྱིར་རང་ལ…

ཞལ་མཐོང་ལུང་བསྟན་དག་སྣང་ལ། །མཆོག་ཡིན་སྙམ་ནས་རློམ་སེམས་ཆེ། །རང་མཐོང་རང་རྩིས་ཆེར་སྐྱེས་ནས། །མཆོག་གི་དངོས་གྲུབ་འགག་པའི་གེགས། །མེ་བུས་རྟགས་ལ་དུ་བའི་དཔེ། །རྟགས་མཚན་དེ་ཙམ་ལོས་འོང་ཡིན། །སྙམ་དུ་རློམ་སེམས་མི་བསྐྱེད་པར། །ངེས་ཤེས་བསྐྱེད་ལ་བསྙེན་སྒྲུབ་བྱ། །ལམ་དུ་འགྲོ་བའི་བོགས་འབྱུང་ངོ། །སྔགས་བཟླས་བསྐྱེད་རིམ་གསལ…

རང་སེམས་ངོ་བོ་སྤྲད་པ་དེ། །སངས་རྒྱས་ཀུན་བས་བཀའ་དྲིན་ཆེ། །རྡོ་རྗེ་འཆང་དང་ཀུན་ཏུ་བཟང་། །སངས་རྒྱས་ཀུན་གྱི་ཆོས་སྐུ་དང་། །བླ་མ་དབྱེར་མེད་མོས་གུས་བསྐྱེད། །བླ་མ་སངས་རྒྱས་ཆོས་སྐུ་དེ། །རྡོ་རྗེ་འཆང་ངམ་སྣང་མཐའ་ཡས། །ཆོས་སྐུའི་སངས་རྒྱས་གཅིག་ཏུ་བསྒོམ། །དཀོན་མཆོག་བླ་མ་ཡི་དམ་ལྷ། །ཀུན་འདུས་བསྒོམས་ལ་གསོལ་བ་བཏབ། །གདུང་…

ནས་ཆོས་ཀྱི་སྐུ། །དེ་ལ་བཅོས་བསླད་བྱས་ན་ཞེན། །གནས་འདོད་མ་ཆེ་འགྱུ་དོགས་སྤོངས། །མ་ཡེངས་ཙམ་ལ་ལྷོད་ནས་སྐྱོངས། །གསལ་ཚེ་སྐྱུར་ལ་ཡང་ཡང་བསྒོམ། །བློ་བདེ་སྐྱོང་སླའི་བོགས་ཤིག་འབྱུང་། །དེ་ལྟར་བསྐྱངས་པས་རེས་འགའ་ཞིག །བལྟས་ཀྱང་གསལ་དང་ངེས་ཤེས་མེད། །གནམ་ངོ་རྨུགས་ལྟར་ཐིབ་བེ་བ། །ཧྲིག་ཧྲིག་བྱས་ནས་བལྟས་ན་ཡང་། །རྣམ་རྟོག་འད…

སྐྱོང་བ་འདྲ། །རྒྱུན་བསྲིང་བ་ནི་གནད་ཡིན་ནོ། །ལམ་མུས་ཕོག་པའི་གེགས་སེལ་ཡིན། །དེ་ལྟར་རྒྱུན་གཅིག་བསྲིང་ནུས་ན། །བདེ་གསལ་མི་རྟོག་ཉམས་བཟང་འཆར། །ལུས་བདེ་སེམས་བདེ་སེམས་རྩ་སྐྱིད། །ང་ལས་སྐྱིད་པ་མེད་དོ་སྙམ། །འགྱུ་བ་ཉུང་ཞིང་མེ་རེ་གནས། །སྤྱོད་ལམ་ཕལ་ཆེར་འབྲལ་བ་མེད། །འོད་གསལ་འཁོར་ཡུག་ཡིན་ནམ་སྙམ། །ཉོན་མོངས་དུག་ལྔའི་མ…

ཡི་ངོ་བོ་ལ། །ཧྲིག་གེ་བལྟས་པས་བདེ་བ་དང་། །སྟོང་པ་དབྱེར་མེད་ཟུང་དུ་འཇུག །བདེ་སྟོང་ཕྱག་རྒྱ་ཆེན་པོ་འཆར། །གོལ་ས་གཅོད་པའི་བོགས་འདོན་ཡིན། །དེ་ཉིད་བསྐྱངས་པས་དེ་མི་རྟག །རང་སེམས་གསལ་སྟོང་རྗེན་པར་འཆར། །སྤྲིན་ཐག་ཆད་པའི་ནམ་མཁའ་ལྟར། །ལྷང་ངེ་རྗེན་ནེ་ས་ལེ་བ། །དྲན་པས་ཟིན་ནམ་དེ་ཡི་ངང་། །ཐེ་ཚོམ་མེད་པའི་ངེས་ཤེས་སྐྱེ། །…

སུ་སྐྱེས་གྱུར་ནས། །རིན་པོ་ཆེ་ཡི་གཞལ་ཡས་སུ། །མཚན་དཔེ་ལྡན་པའི་ལུས་ཐོབ་ནས། །རེ་ཞིག་ལོ་གྲངས་དཔག་མེད་དུ། །བདེ་སྐྱིད་སངས་རྒྱས་ཞིང་འདྲ་ཡང་། །སླར་ཡང་ངན་སོང་ལྟུང་བའི་གེགས། །དེ་ལྟར་གསལ་ཉམས་ཆེ་དྲགས་པས། །ཟག་བཅས་མངོན་ཤེས་ཤར་འདྲ་ཡང་། །དེ་ལ་མཆོག་འཛིན་ང་རྒྱལ་སྤོངས། །གསལ་བ་དེ་ཡི་ངོ་བོ་ལ། །བལྟས་པས་ངོ་བོ་སྟོང་པར་རྟོགས…

གསུངས་ལྟར། །མནར་མེད་གནས་སུ་ལྟུང་བའི་གེགས། །རྟོགས་པ་ཇི་ཙམ་མཐོ་ན་ཡང་། །རྒྱུ་འབྲས་ལག་ལེན་ཞིབ་པར་རྩི། །དཔེར་ན་ནམ་མཁའ་སྟོང་པ་ལ། །བརླན་དང་ཚ་གྲང་རྟེན་འབྲེལ་གྱིས། །འཇའ་དང་སྤྲིན་དང་ཆར་པ་དང་། །ཐོག་དང་སེར་བ་འོང་བ་ལྟར། །ཆོས་ཀུན་སྟོང་པ་ཉིད་ཡིན་ཀྱང་། །རྒྱུ་འབྲས་རྟེན་འབྲེལ་མི་བསླུ་བས། །རིགས་དྲུག་སྐྱིད་སྡུག་སྣ་ཚོགས…