སྟག་རལ་གཟིག་ཤུབས་སྐྱེད་ལ་བསྐོར། །ཕྱག་གཡས་གནམ་ལྕགས་རལ་གྲི་ཕྱར། །གཡོན་པས་མདུང་དར་དཀར་པོ་འཛིན། །འདིར་གཤེགས་བསང་དང་མཆོད་པ་བཞེས། །གཡུ་ཤུག་ཕྱེ་མར་གསུར་གྱི་བསང་། །ཇ་ཆང་ཟས་སྐོམ་ཕུད་ཀྱིས་མཆོད། །བདག་ཅག་ཡོན་མཆོད་འཁོར་བཅས་ལ། །ནད་རིགས་ཐམས་ཅད་ཞི་བ་དང་། །སྐུ་ཚེ་འཕེལ་ཞིང་རྒྱས་པ་དང་། །སྣང་སྲིད་དབང་དུ་འདུ་བ་དང་། །གནོ…

ཀླད་ན་ཀྱི་ལི་ལི། །ཁྱི་དམར་ཕྱི་ན་བྲེངས་སེ་བྲེང་། །གསང་རྒྱལ་རྟ་བྲོ་འཁོར་དང་བཅས། །འདིར་གཤེགས་བསང་དང་མཆོད་པ་བཞེས། །གཡུ་ཤུག་ཕྱེ་མར་གསུར་གྱི་བསང་། །ཇ་ཆང་ཟས་སྐོམ་ཕུད་ཀྱིས་མཆོད། །བདག་ཅག་ཡོན་མཆོད་འཁོར་བཅས་ལ། །ཁ་འཛིན་མཛོད་སྡོང་གྲོགས་མ་གཡེལ་ཅིག །ཀྱཻ། ལྕི་དང་དཔལ་གྱི་ཆུ་རྒྱུད་ནས། །དབང་བསྒྱུར་ཀླུ་ཡི་རྒྱལ་པོ་ནི། །…

འབོ་རང་ཡབ་ཡུམ་བློན་འཁོར་བཅས། །འདིར་གཤེགས་བསང་དང་མཆོད་པ་བཞེས། །གཡུ་ཤུག་ཕྱེ་མར་གསུར་གྱི་བསང་། །ཀླུ་སྨན་དཀར་གསུམ་མཆོད་པ་བཞེས། །ཐུགས་དང་འགལ་བ་མཐོལ་ལོ་བཤགས། །བདག་ཅག་ཡོན་མཆོད་འཁོར་བཅས་ལ། །གནོད་པའི་དགྲ་བགེགས་ཞི་བ་དང་། །དགྲ་བགེགས་དབང་སྡུད་ཟིལ་གནོན་སོགས། །དགྲ་ཡི་དགྲ་རྣམས་འཕེལ་བ་དང་། །གནོད་བྱེད་དགྲ་བོ་བརླག་པར…

རྨོག་ཅན། །ཕྱག་ན་དར་མདུང་དཀར་པོ་འཛིན། །སྟག་རལ་གཟིག་ཤུབས་སྐྱེད་ལ་སྐོར། །ཡ་ཚ་སྐར་ཕྲན་གློག་ལྟར་འཁྱུག །ཆིབས་སུ་གྲ་བོ་གཡུ་རྔོག་ཆིབས། །དེ་སོགས་ཆབ་ཤར་གཞི་བདག་རྣམས། །འདིར་གཤེགས་བསང་དང་མཆོད་པ་བཞེས། །གཡུ་ཤུག་ཕྱེ་མར་གསུར་གྱི་བསང་། །ཇ་ཆང་ཟས་སྐོམ་ཕུད་ཀྱིས་མཆོད། །ཁ་འཛིན་སྡོང་གྲོགས་མཐུན་རྐྱེན་སྒྲུབས། །ཀྱཻ། ཙཱ་རི་ཏྲ…

འབུལ། །འགལ་རྐྱེན་ཐམས་ཅད་ཞི་བ་དང་། །ཅི་བསམ་ཡིད་བཞིན་འགྲུབ་པར་མཛོད། །ཀྱཻ། རྟ་རྣ་ཡེལ་ཕུག་སྐུ་འབུམ་རྩར། །ཁྲོ་བོ་དབུ་དགུ་འབུམ་རྫོང་དང་། །ནམ་རྔུ་མི་གཡེལ་ལ་སོགས་པའི། །ཞིང་སྐྱོང་བཀའ་སྲུང་གནས་བདག་ཀུན། །འདིར་གཤེགས་བསང་དང་མཆོད་པ་བཞེས། །གཡུ་ཤུག་ཕྱེ་མར་གསུར་གྱི་བསང་། །ཇ་ཆང་ཟས་སྣའི་ཕུད་ཀྱིས་མཆོད། །མི་ནད་ཕྱུགས་ནད་…

རྒྱལ་དང་། །རྫ་རྒྱལ་འབྲི་བྱེད་གཉན་པོ་དང་། །གཏམ་རྒྱལ་ངང་པའི་སང་སིང་དང་། །ནེ་རུ་གཡུ་མཚོ་སྔོན་མོ་དང། །རྩུབ་ཀྱི་ཀླུ་སྨན་དཀར་མོ་དང་། །ཆམ་ཕུ་དུང་རྣ་སྤོ་ཉིན་རྔ། །རག་ལོ་ཁ་ཤྭ་ལ་སོགས་པའི། །ལྷ་ཀླུ་གནོད་སྦྱིན་དྲི་ཟ་དང་། །བདུད་བཙན་སྨན་དང་མ་སངས་རིགས། །བྲག་སྲིན་མཚུན་དང་དགྲ་ལྷའི་ཚོགས། །ས་བདག་གཉན་དང་ཐེའུ་རང་སོགས། །ཡི…

ཕྱོགས་འདིར་གནས་ལྷ། བདག་ཅག་ཡུལ་འདིར་གནས་པའི་མི། །མིས་ཀྱང་ལྷ་ལ་དུས་སུ་མཆོད། །ལྷས་ཀྱང་མི་ལ་ཁ་འཛིན་མཛོད། །མངའ་རིས་ཡངས་པའི་རྒྱལ་ཁམས་འདིར། །བཙའ་སད་སེར་བ་མ་གཏོང་ཞིག །མི་ནད་ཕྱུགས་ནད་ཐམས་ཅད་ཟློག །ཕ་རོལ་དགྲ་ཇག་གནོད་པ་ཟློག །ཕྱི་ནང་འཁྲུག་རྩོད་མེད་པར་མཛོད། །སངས་རྒྱས་བསྟན་པ་དར་བ་དང་། །བསྟན་འཛིན་དབུ་འཕང་མཐོ་བ་དང་།…

ཁྱད་པར་བདག་ཅག་བསྲུང་བྱར་བཅས། །ཁ་འཛིན་སྡོང་གྲོགས་མ་གཡེལ་བར། །བསྙུང་མེད་སྐུ་ཚེ་བརྟན་པ་དང་། །ཆོས་སྲིད་བརྟན་པ་རབ་འཕེལ་ནས། །ཆུ་དྲུག་གདོང་ལྷ་མ་ལུས་པ། །རང་དབང་མེད་པར་དབང་བསྡུས་ཏེ། །རྒྱལ་བསྟན་ཤཱཀྱ་ཐུབ་པ་དང་། །པད་འབྱུང་བསྟན་པའི་སྙིང་པོ་ནི། །ཡུན་རིང་དར་ཞིང་རྒྱས་པར་མཛོད། །སློབ་དཔོན་པདྨ་འབྱུང་གནས་ཀྱིས། །ཇི་ལྟར་…

ཀུན་གྱིས་ཁྱེད་ཅག་བསྟོད། །པདྨའི་དམ་ཚིག་ལེགས་བསྲུང་མཐུས། །ཁྱེད་ཅག་ཚེ་རིང་གཟི་བརྗིད་འཕེལ། །མ་འོངས་བླ་མེད་བྱང་ཆུབ་ཐོབ། །དེ་ལྟར་སྐྱོན་ཡོན་ཤེས་མཛོད་ལ། །བདག་ཅག་ཡོན་མཆོད་ཁ་འཛིན་མཛོད། །རྐང་བཞི་ཕྱུགས་དང་བང་མཛོད་འབྲུ། །རྨ་གཡང་དངོས་གྲུབ་ཐམས་ཅད་ཀུན། །ཁུ་ཡེ་ཕྱྭ་དང་གཡང་དུ་ལེན། །ཕུན་སུམ་ཚོགས་པའི་བཀྲ་ཤིས་ཤོག །ཅེས་མི…

བསང་ཡིག་ཤེལ་བྲག་མ་བཞུགས་པའི་དབུ་ཕྱོགས་སོ།

ཀྱཻ། ཤེལ་བྲག་རིན་ཆེན་གཞལ་ཡས་ནས། །སྐྱེས་བུ་ངོམ་རྒྱལ་མཚོ་བཀྲ་ནི། །མི་དཀར་དུང་རྨོག་ཤེལ་ཁྲོབ་ཅན། །མདུང་དར་ཕྱར་ཞིང་འཁོར་གསུམ་བསྐོར། །ཆིབས་སུ་རྟ་དཀར་གཡུ་རྔོག་ཆིབས། །རྒྱ་མོ་རི་ཕྱུག་ཡ་རྒྱལ་མ། །རྟ་ཕྱི་ཕྱའུ་གཡང་སྐར་དང་། །མཚལ་རྩེ་ཡོར་རྒྱལ་མཆེད་དགུ་དང་། །སོ་རྒྱལ་ར་དཀར་མགར་ནག་སོགས། །འཁོར་དང་ཡང་འཁོར་བཅས་པ་རྣམས། །…

གྱུར་ནས། །དུས་རྣམས་ཀུན་ཏུ་ཁ་འཛིན་མཛོད། །ཨོཾ་ཨ་ཨ་ཨ་ཨུ་རུ་ཨུ་རུ༔ ཨ་ཨ་ཨ་ཨ་ཨ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། དཀར་གཏོར་ཡོད་ན་སྔགས་སྐུར། ཀྱཻ། བླ་མཚོ་ནག་པོའི་ནང་ཤེད་ནས། །དགེ་བསྙེན་ཆེན་པོ་དབྱི་དོ་ནི། །ཆ་ལུགས་གཅིག་ཏུ་མ་ངེས་ཀྱང། །ཞི་བའི་ཚུལ་དུ་བཞེངས་ཙམ་ན། །དཀར་མཛེས་བཅུ་དྲུག་ན་ཚོད་ཅན། །དབུ་ལ་རས་དཀར་ལ་ཐོད་གསོལ…

དཀར་མཛེས་པའི་ཕྱག་གདུབ་ཅན། །སྐུ་སྨད་སྤྲུལ་གྱི་རང་བཞིན་ལ། །ཆུ་དར་སྔོན་པོའི་ཤམ་ཐབས་ཅན། །ཡིད་བཞིན་ནོར་བུའི་གཙུག་བརྒྱན་ཅིང་། །ཕྱག་གཉིས་ཐུགས་ཀར་ཐལ་མོ་སྦྱར། །མཚོ་ནག་ལ་སོགས་མཚོ་སྨན་དང་། །ཀླུ་བདུད་ཀླུ་བཙན་འཁོར་དང་བཅས། །འདིར་གཤེགས་བསང་དང་མཆོད་པ་བཞེས། །བཟང་ཤིང་སྣ་ཚོགས་སྤོས་ཀྱིས་མཆོད། །དཀར་གསུམ་ཀླུ་སྨན་མཆོད་པ་འ…

བཞེས། །བཟང་ཤིང་ཕྱེ་མར་གསུར་གྱི་མཆོད། །ཇ་ཆང་ཟས་ཕུད་སྣ་ཚོགས་འབུལ། །འཁོར་བཅས་མཉེས་ཤིང་ཚིམས་གྱུར་ནས། །རིག་འཛིན་བརྒྱུད་པས་བཀའ་བསྒོས་ལྟར། །རྣལ་འབྱོར་བདག་གི་སྡོང་གྲོགས་མཛོད། །ཨོཾ་རྒྱལ་པ་གཏམ་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། ཀྱཻ། རྒྱལ་པོ་གདན་ལ་བཞུགས་འདྲའི་རི། ཁ་མིག་རྣ་བ་ལྡན་པ་བས། །དགེ་བསྙེན་གནས་པོ་དཔལ་རི་རྩེ…

དམ་ཚིག་སྲུངས། །ཇི་ལྟར་ནུས་པའི་ཁ་འཛིན་མཛོད། །ཨོཾ་དེ་ཧི་ཧྲི་སྭཱ་ཧཱ། ཨི་དཾ་བ་ལིཾ་ཏ་ཁ་ཁ་ཁཱ་ཧི། གཞན་ཡང་ས་སྐོར་འདིར་གནས་པའི། །སེང་ལྡི་ཙེ་དང་ཨང་རུབ་ལ། །རིས་ནོ་མིང་སྲིང་རྔ་ཁུར་བྲག །གླག་ཚང་བཙན་རྒོད་འཁོར་དང་བཅས། །འདིར་གཤེགས་བསང་དང་མཆོད་པ་བཞེས། །གཡུ་ཤུག་ཕྱེ་མར་གསུར་གྱི་མཆོད། །རྒྱལ་མོ་བུ་སྤངས་སྤྱན་གསུམ་དང་། །བྲ…

དང་། །ཕ་བོང་མི་མགོ་ལ་གནས་རྣམས། །འདིར་གཤེགས་བསང་དང་མཆོད་པ་བཞེས། །གཡུ་ཤུག་ཕྱེ་མར་གསུར་གྱི་མཆོད། །དཔལ་རི་ཐོད་དང་གཟིག་ལུང་ཤར། །ངན་རིང་ཐང་གི་མཚོ་དང་ནི། །གནས་མདོའི་ཆུ་འདུས་ལ་གནས་རྣམས། །འདིར་གཤེགས་བསང་དང་མཆོད་པ་བཞེས། །གཡུ་ཤུག་ཕྱེ་མར་གསུར་གྱི་མཆོད། །ཀུན་ཕུག་རྩེ་དང་ར་ལུང་ཁ། །ཆུ་འགོ་མ་ཡི་ཆུ་དང་ཤིང་། །ར་ཉེས་མ་…

དིར་གཤེགས་བསང་དང་མཆོད་པ་བཞེས། །གཡུ་ཤུག་ཕྱེ་མར་གསུར་གྱི་མཆོད། །དབྱིག་ཕུ་བྲག་དམར་ཁྱུང་མཆུ་དང་། །ར་དཀར་བོ་རྫོང་ཁ་གདངས་བྲག །དབྱིག་རྩའི་ནགས་ཚལ་ལ་གནས་རྣམས། །འདིར་གཤེགས་བསང་དང་མཆོད་པ་བཞེས། །གཡུ་ཤུག་ཕྱེ་མར་གསུར་གྱི་མཆོད། །ཟངས་མདོ་རྡོ་ཞྭ་དཀར་སྤུན་གསུམ་དང་། །དཔའ་སྒོ་བརྟན་པོ་རྫ་ཁྲ་ཡུ། །སྤྱི་འབྱམས་སེང་གེ་སྤྱན་ག…

འདིར་གཤེགས་བསང་དང་མཆོད་པ་བཞེས། །གཡུ་ཤུག་ཕྱེ་མར་གསུར་གྱི་མཆོད། །རྒྱལ་པོ་ཐོ་རྒྱལ་ཡབ་ཡུམ་སྲས། །རྡོ་རྫུ་ཁྲབ་རྩོག་ཁྱུང་མཆུ་དང་། །ཀླུ་རྒྱལ་བྱིསྱའི་གཟུགས་ཅན་དང་། །སྤས་དབྱིག་ཁྲ་བོ་སྒང་ང་རྣམས། །འདིར་གཤེགས་བསང་དང་མཆོད་པ་བཞེས། །གཡུ་ཤུག་ཕྱེ་མར་གསུར་གྱི་མཆོད། །གཞན་ཡང་ངོམ་ཡུལ་འདིར་གནས་པའི། །ལྷ་ཀླུ་གནོད་སྦྱིན་དྲི་…

དང་དམ་ལ་མ་འདའ་བར། །བཅོལ་བའི་ཕྲིན་ལས་འགྲུབ་པར་མཛོད། །ཅེས་པ་འདི་དོན་གྲུབ་ཀྱི་དོན་དུ། ཨ་རཱ་གས་བྲིས་པ་མངྒ་ལཾ། དགེའོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ངོམ་གྱི་བསང་མཆོད་བསྡུས་པ་བཞུགས་སོ། །