ཡང་སོང་ཞིང་ཡང་ཡང་བརྒྱལ་བར་བྱེད། །དེ་ནས་སྲིད་པ་བར་དོ་ཤར་བའི་ཚེ། །རིག་པ་གསལ་ཞིང་ཤི་བ་ཐག་ཆོད་ནས། །གར་འགྲོ་ཅི་བྱེད་བློ་སེམས་སྦྱར་ཚུབས་སེ། །དེ་དུས་ད་ལྟ་སྨོན་ལམ་བཏབ་པ་དང་། །ཚེ་དཔག་འོད་དཔག་ལ་སོགས་པདྨའི་རིགས། །བསྙེན་སྒྲུབ་བྱས་པ་དེའང་ངེས་པར་དྲན། །ཡི་དམ་མཁའ་འགྲོའི་བསུ་སྐྱེལ་མ་བྱུང་ཡང་། །འགྲོ་ཤེས་མི་ལུས་ཆགས་ཞེ…

མི་ཆགས་སྟོང་གསུམ་ཀུན་ན་རྒྱུག །དེ་དུས་ད་ལྟ་བླ་མས་གསུངས་པ་ཡི། །རིགས་དྲུག་ཀུན་ཏུ་སྡུག་བསྔལ་ཆེ་ལུགས་དང་། །བདེ་ཆེན་ཞིང་གི་བདེ་སྐྱིད་ཡོན་ཏན་རྣམས། །དྲན་པར་གྱིས་ལ་མ་ཆགས་མ་ཞེན་པར། ཉེས་ཆེན་ས་བཙོན་ལྕགས་སྒྲོག་བཀྲོལ་བའམ། །བྱ་རྒྱལ་རྒོད་པོ་རྙི་ལས་ཐར་པ་བཞིན། །ཐེ་ཚོམ་མེད་པར་བདེ་བ་ཅན་དུ་སོང་། །བར་དོར་ཉི་མ་ཟླ་བ་མེད་པའ…

ནི། །བྱེ་མ་སྙེད་ནི་འདས་པའི་ཕ་རོལ་ཡིན། །ས་ཐག་དེ་ཙམ་རིང་བས་འགྲོ་མི་འབྱོང་། །ཡི་དམ་ཆོས་སྐྱོང་བསུ་སྐྱེལ་ལམ་སྟོན་མེད། །འགྲོ་བའི་ཕྱོགས་ཀྱང་མི་ཤེས་མགོ་འཁོར་ན། །འཛམ་གླིང་འདི་ཡི་ལྷོ་ཕྱོགས་པོ་ཏ་ལར། །སྤྱན་རས་གཟིགས་དང་སྒྲོལ་མ་བཞུགས་པ་ཡིན། །འཛམ་གླིང་ནུབ་ཕྱོགས་ཨོ་རྒྱན་ཡུལ་གྱི་དབུས། །རྡོ་རྗེ་ཕག་མོ་མཁའ་འགྲོ་འབུམ་བཅ…

བྱུང་ན་གཟིགས། །དེ་ལ་དབང་དང་བྱིན་རླབས་གདམས་ངག་ཞུས། །ལས་འཕྲོ་རབ་ལ་འཇའ་ལུས་རིག་འཛིན་འགྱུར། །ཨོ་རྒྱན་ཉིད་ཀྱི་འཁོར་དུ་གཏོགས་པ་ཡི། །དཔའ་བོ་མཁའ་འགྲོའི་གྲལ་དུ་ཚུད་པ་ཡིན། །འབྲིང་ནི་སྲིན་པོའི་བུ་རུ་སྐྱེས་ནས་ཀྱང་། །ཨོ་རྒྱན་ཞལ་མཐོང་ཆོས་ཐོབ་རྗེས་སུ་འཛིན། །དེ་ནི་ལུས་ངན་ཡིན་ཕྱིར་སྐྱེ་སླ་ཕྱིར། །མི་འོང་བ་ཡི་དོགས་པ་མ…

ཉམས་སུ་མ་ལོན་པའི། །གང་ཟག་རབ་འབྲིང་ཐ་མ་ཡང་ཐ་ཡིས། །ཚུལ་བཞིན་ཉམས་སུ་ལེན་པ་འདིར་མ་གཏོགས། །བར་དོ་དང་པོ་དང་ནི་གཉིས་པ་ལ། །ཆོས་སྐུ་དང་ནི་ལོངས་སྐུར་སངས་རྒྱས་གསུངས། །ཆོས་སྒོར་མ་ཞུགས་སྐྱེ་བོ་ཕལ་པ་དང་། །སྡིག་ཆེན་རྣམས་ནི་འདི་རུ་མ་གཏོགས་ཏེ། །ཐུགས་དམ་ངོ་མི་ཤེས་པས་བཟུང་རྒྱུ་མེད། །ཆོས་མ་བྱས་པས་ཞིང་ཁམས་གདམས་རྒྱུ་མེད།…

སྱས་ཇི་ལྟར་སྨྲས་པའི་ཚིག །བུ་ཆེན་པདྨ་མཐར་ཕྱིན་ཞེས་པས་བྲིས། །ནོངས་པ་མེད་པས་བཤགས་བྱ་ཅི་ཡང་མེད། །དགེ་བས་འགྲོ་དོན་རྒྱ་ཆེན་འབྱུང་བར་ཤོག །སརྦ་མངྒ་ལཾ། །། ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཀརྨ་ཨ་རཱ་གས་མཛད་པའི་ཐིམ་རིམ་འཆི་བ་ཀྲིག་གེ་མའི་ཁྲིད་བཞུགས་སོ། །དགེའོ། །

སྔགས་འཆང་རཱ་ག་ཨ་སྱ་ཡིས། །ཐིམ་རིམ་ལ་སོགས་བཤད་པ་ནི། །མང་པོ་ཤེས་ཀྱང་དགོས་པ་མེད། །ལག་ཏུ་ལོན་ངེས་འདི་ལྟ་སྟེ། །རང་ཉིད་འཆི་བར་ཐག་ཆོད་དུས། །རང་ལུས་ཡི་དམ་ལྷར་གསལ་བའི། །སྤྱི་བོར་བླ་མ་འོད་དཔག་མེད། །སངས་རྒྱས་ཀུན་འདུས་སྐུ་རུ་བསྒོམ། །ལུས་དང་ལོངས་སྤྱོད་ཉེ་དུ་དང་། །ཞིང་ཁང་ནོར་རྫས་ཅི་ཡོད་ཀུན། །མཎྜལ་གཅིག་ཏུ་དམིགས་བྱས…

སྤངས། །ཁོ་བོའི་ལས་དོན་སྒོམ་སྒྲུབ་དེ། །དེ་ཉིད་ད་ལྟ་དགོས་རྒྱུ་ཡིན། །བསམ་སྟེ་ཅུང་ཟད་རིག་པ་བསྒྲིམ། །རྫོགས་སངས་རྒྱས་ནས་སྲིན་བུ་ཡན། །མི་འཆི་སྡོད་ས་གཅིག་ཀྱང་མེད། །ཁོ་བོའི་མི་ཚེ་ཆོས་ལ་བསྐྱལ། །རང་ལས་སྐྱིད་པ་མེད་སྙམ་པའི། །ང་རྒྱལ་ཆེན་པོ་བསྒོམ་དགོས་སོ། །འགྲོ་བ་སེམས་ཅན་དོན་གྱི་ཕྱིར། །འཆི་བ་ཆོས་སྐུར་སངས་རྒྱས་ནས། …

བརྒྱད་ཧཱུྃཡིག་བཀག །ལུས་དབུས་དབུ་མ་སྦ་ལྕག་ཙམ། །ཕྱི་དཀར་ནང་དམར་སྟོང་སང་ངེ་། །ཡར་སྣེ་ཚངས་བུག་ཧད་པོ་ལ། །མར་སྣེ་ལྟེ་འོག་སྙུག་ཚིགས་བཞིན། །ལྟེ་བར་པདྨ་འདབ་བཞིའི་སྟེང་། །སྙིང་དབུས་རང་སེམས་ཐིག་ལེ་ནི། །དཀར་པོ་སྲན་མ་རློན་པ་ཙམ། །བཀྲག་མདངས་འཕར་འདར་ལིང་ལིང་བསྒོམ། །འཕོ་བའི་དུས་ལྟར་སྤྱི་བོ་རུ། །འོད་དཔག་མེད་པའི་ཐུགས་…

ཙམ་འདུག་པ་ནི། །འཆི་ཁའི་སེམས་ནི་སྟོབས་ཆེ་བས། །དམ་བཅའ་གང་བྱས་སྟེང་དུ་འགྲོ། །དེ་ཕྱིར་འདི་ཙམ་འདུག་སྙམ་པའི། །འཆི་ཁ་དམ་བཅའ་དྲག་པོ་བྱ། །དང་པོ་འཕོ་བ་བསྒོམ་པ་ནི། །གལ་ཏེ་ཐུགས་དམ་མ་ཟིན་ན། །རྐྱེན་གྱིས་ཐུགས་དམ་འདྲོགས་ནའང་། །གཞན་དུ་མི་འཕོ་སྤྱི་བོར་འཕོ། །རང་ལུས་ཡི་དམ་བསྒོམ་པ་དེ། །ཐུགས་དམ་བརྟེན་ཞིང་བར་ཆད་མེད། །དམ་བ…

ཐེབ་རུང་། །བར་དོ་ཞི་ཁྲོའི་ལྷ་ཚོགས་རྣམས། །ངོས་ཟིན་རུང་ལ་མ་ཟིན་རུང་། །ཤི་ནས་ཉིན་བདུན་བདུན་གཉིས་དང་། །བདུན་གསུམ་ཡོལ་ལ་ཁད་ཀྱི་སྐབས། །རང་ཉིད་ཤི་བར་ཐག་ཆོད་ཡོངས། །མངོན་ཤེས་རྫུ་འཕྲུལ་ཐོགས་པ་མེད། །གར་འགྲོ་རང་དབང་ཆེ་བ་ཡོད། །ཡུལ་དང་ཉེ་དུ་མཆེད་གྲོགས་སོགས། །དེ་དག་རྣམས་ལ་སེམས་ཆགས་ནས། །ས་ཕྱོགས་འདི་རུ་མི་ལུས་ཤིག །ལ…

འདྲ། །དགའ་ལྡན་ཟངས་མདོག་དཔལ་རི་སོགས། །སྐྱེས་ཀྱང་མི་ལྷུང་ངེས་པ་མེད། །པོ་ཏ་ལ་ནི་གནས་རི་ཡིན། །སོགས་ཀྱང་རང་རེ་ལས་མ་དག །སྤྱན་རས་གཟིགས་ནི་མཇལ་ཤས་ཆུང་། །འོད་དཔག་མེད་པའི་སྨོན་ལམ་མཐུས། །སྐྱེ་གསུངས་བདེ་སྐྱིད་ཡོན་ཏན་ལྡན། །སྐྱེས་ནས་ཕྱིར་མི་ལྡོག་པའི་ཞིང་། །བདེ་བ་ཅན་དུ་འགྲོ་བར་གྱིས། །བར་དོར་ཉི་ཟླ་མེད་པའི་ཕྱིར། །ནུ…

ལྡན་། །མངོན་ཤེས་རྫུ་འཕྲུལ་ཐོགས་པ་མེད། །མངོན་དགའ་ལ་སོགས་ཞིང་ཁམས་ཀུན། །བགྲོད་ཅིང་ཆོས་ཞུ་དེ་ཉིད་འཁོར། །འབྲེལ་ཐོགས་ཀུན་ཀྱང་དེ་བཞིན་འདྲེན། ། བསྐལ་པ་བྱེ་བ་དུང་ཕྱུར་ལ། །ན་རྒྱུ་རྒས་རྒྱུ་འཆི་རྒྱུ་མེད། །ཟས་གོས་ལོངས་སྤྱོད་གནས་མལ་སོགས། །ཅི་འདོད་ཡིད་ལ་བསམ་པས་འགྲུབ། །ཅེས་པ་རཱ་ག་ཨ་སྱས་སྦྱར། མངྒ་ལཾ།། །། ༧ ཁམས་སྟོད་…

མཁས་གྲུབ་ཨ་རཱ་གས་དགེ་སློང་ཀརྨ་རིན་ཆེན་ལ་གདམས་པའི་ཕྱག་རྫོགས་ཟུང་འཇུག་གི་ཁྲིད་ཡིག་བཞུགས་པའི་དབུ་ཕྱོགས་དགེ་ལེགས་འཕེལ། །

ན་མོ་མ་ཧཱ་མུ་དྲ་ཡེ། དགེ་སློང་ཀརྨ་རིན་ཆེན་གྱིས། །རྟོགས་འབུལ་བྱས་པའི་ཚིག་ལན་ཞུ། །བན་རྒན་རཱ་ག་ཨ་སྱ་བདག །དབང་པོ་རབ་ཏུ་མ་གྱུར་པས། །ཉམས་རྟོགས་མཐོན་པོ་མ་མཆིས་ཀྱང་། །ཡུན་རིང་བསྒོམས་པའི་མྱོང་བ་ཡོད། །རྩེ་གཅིག་རིབ་ཀྱི་བདེ་ཉམས་སྐབས། །ཡེངས་མེད་འཁོར་ཡུག་འབྱུང་མོད་ཀྱང་། །རྟག་མི་ཐུབ་སྟེ་ཉམས་ཀྱིས་གཡོས། །སྤྲོས་བྲལ་རྟ…

བཞག་པའི་སྐབས་སུ་ནི། །བྱིས་པས་ལྷ་ཁང་མཐོང་བ་བཞིན། །གཟུགས་ཀྱི་ལེགས་ཉེས་འཛིན་པ་མེད། །དེ་བཞིན་རྣ་བའི་ཡུལ་གྱི་སྒྲ། །སྙན་དང་མི་སྙན་འཛིན་པ་མེད། །རང་སེམས་ཉམས་ལེན་ངང་ན་གནས། །ཉམས་ལེན་ངང་ལ་གནས་པའི་ཚེ། །འདི་བསྒོམ་གཏད་སོ་སྤུ་ཙམ་མེད། །བལྟ་རྒྱུ་ལྟ་མི་གཅིག་ཏུ་འདྲེས། །ས་ལེ་སིང་ངེ་ཡེ་རེ་བ། །ཁ་རོག་རང་གར་འདུག་པ་འདྲ། །བས…

བདག་དང་སེམས་ཉིད་སོགས། །གཅིག་ཀྱང་མེད་པར་མཐོང་ཕྱིར་རོ། །འདི་ཉིད་སྟོང་ཉིད་ཕྱེད་པོ་སྟེ། །ནང་གི་སེམས་ཉིད་དོན་རྟོགས་ཀྱང་། །ཕྱི་ཡི་སྣང་བའི་དོན་མ་རྟོགས་། །དེ་ལ་བོགས་ཤིག་འདོན་དགོས་ན། །ཕྱི་ཡི་ས་རྡོ་རི་བྲག་དང་། །སེམས་ཉིད་བསྲེས་ལ་ངོ་བོ་ལྟ། །འདི་ཕན་ས་རྡོ་འདི་ཚུན་ནི། །རང་སེམས་ཡིན་ཞེས་ཕྱེ་རྒྱུ་མེད། །དབྱེར་མེད་འདྲེ…

ཡིན་པ་ལ་ཁྱད་པར་མེད། །དེ་བཞིན་བླ་མའི་ཐུགས་རྒྱུད་དང་། །རང་གི་སེམས་ཉིད་ཁྱད་མེད་དེ། །ངོ་བོ་སྟོང་པ་ཡིན་པར་གཅིག །རང་བཞིན་གསལ་བ་ཡིན་པར་གཅིག །ཐུགས་རྗེ་འགགས་མེད་ཡིན་པར་གཅིག །དེ་ལ་ཐུགས་ཡིད་གཅིག་འདྲེས་པ། །བླ་མ་ཆོས་སྐུའི་རྣལ་འབྱོར་ཟེར། །དེ་བཞིན་དམྱལ་བ་ཡི་དྭགས་སོགས། །སེམས་ཅན་ཀུན་དང་སེམས་ཉིད་བསྲེས། །དབྱེར་མེད་གཅི…