མཐོང་གཞན་རྣམས་མཐོང་། །ཁ་ཅིག་ལྷ་དང་པདྨ་མ་མཐོང་ནས། །རྒྱལ་བ་དོན་གྲུབ་བརྒྱ་པོ་མཐོང་བར་གྱུར། །ཁ་ཅིག་རྒྱལ་བ་དོན་གྲུབ་ཉིད་ཁོ་ན། །ཁ་ཅིག་རྒྱལ་བ་དོན་གྲུབ་མ་མཐོང་ངོ་། །གྲུབ་རྟགས་བསྟན་པའི་སྙན་པ་འབྲུག་ལྟར་གྲག །སྤྱན་རས་གཟིགས་དང་ཡིག་དྲུག་གྲུབ་ཐོབ་སྟེ། །ཐུན་བརྒྱད་ཡིག་དྲུག་ལྔ་སྟོང་ཆག་མེད་གསུངས། །དེ་སྐབས་མ་གཅིག་འདོམ་…

ནས་བྱོན། །ཞིག་པོ་བཅུ་གསུམ་གྱིས་འཁོར་པར་བུ་ཕུལ། །མ་གཅིག་པར་བུ་ཁ་ཕྱེས་དམ་པ་དང་། །གཉན་ཆུང་ལོ་ཙཱ་སོགས་ལ་གདམས་པ་གནང་། །ཆོས་བདག་དམ་པ་ཨཱརྱ་དེ་ཝ་ཡིན། །གསུངས་ནས་གཉན་ཆུང་ལོ་ཙཱ་པར་བུ་དང་། །ཆོས་དེ་རྒྱ་གར་ཨཱརྱ་དེ་ཝར་གཏད། །གཉན་ཆུང་ལོ་ཙཱ་རྩེ་གཅིག་དད་པ་ཐོབ། །འཆིང་ཕུའི་གཉན་ཆུང་ལོ་ཙཱ་ང་། །རྒྱ་གར་ཡུལ་དུ་ལན་གསུམ་ཕྱིན། …

གཉིས་ལ་གནང་བས། །ཐུབ་པའི་སྐུ་དང་དུང་དཀར་གཡས་འཁྱིལ་བྱོན། །ཐོ་རངས་སེང་གེ་ཆིབས་ནས་མཁའ་འགྲོས་བསུས། །སྐུ་ལུས་མ་སྤངས་ཨོ་རྒྱན་ཡུལ་དུ་གཤེགས། །ཟངས་རིའི་འཚོགས་པ་བསྡུས་ནས་ན་བཟའ་ལ། །སྦྱིན་སྲེག་ཕུལ་ཞིང་སྲས་ཀྱིས་བསྟོད་པ་མཛད། ༈ །དེ་ནས་བརྒྱུད་འཛིན་ལོ་རྒྱུས་ཟུར་ཙམ་ནི། །རྒྱལ་ཀླུབ་དོན་གྲུབ་སྲས་པོ་ཆུང་བ་ནི། །ཁམ་བུ་ཡ་ལེ་…

པར་སངས་རྒྱས་པའི། །སྤྲུལ་པའི་ཆ་ཤས་ཐོད་སྨྱོན་འོག་མ་དེས། །མ་གཅིག་ཉིད་ཀྱི་འདུལ་བར་ལུང་བསྟན་ལྟར། །བལ་པོར་བྱོན་ནས་ཐོད་པ་བྷ་རེ་བཏུལ། །ཚུར་ལ་བྱོན་། ལམ་རྒྱལ་བ་དོན་གྲུབ་ཀྱིས། །དགྲ་ཡ་སྔགས་པའི་རྒྱུད་ཀྱིས་གསོད་བྱས་ལ། །ཐོད་སྨྱོན་རང་ཕྱོགས་དམག་སོགས་ཕམ་པར་བྱས། །དེ་དུས་ཐོད་སྨྱོན་སྲས་པོ་ལན་ཏོ་མ། །འཁྲུངས་པའི་ཚེ་ནས་ལ་འད…

ཐོག །ཆོས་ལོག་སྤང་ནས་རབ་བྱུང་ཆོས་སྒོར་བཙུད། །བལ་ཡུལ་བསྒྲུབས་པ་བྱས་པས་གྲུབ་པ་ཐོབ། །ལས་གྲུབ་ཡེ་ཤེས་མཁའ་འགྲོ་ཞེས་སུ་གྲགས། །ལ་འདུལ་ཆུང་དུས་ཚེམས་རྣམས་བརྗེས་པ་ལ། །ཁ་དོག་ལྔ་ལྡན་རྒྱལ་བའི་སྐུ་རེ་བྱོན། །ལྷ་ས་ལྷོ་བྲག་ལ་སོགས་གཏེར་རྣམས་བཏོན་། །མོན་དང་བལ་མཚམས་མཁའ་འགྲོ་འདུ་བའི་བྲག །རྡོ་རྗེའི་གུར་ཁང་ཞེས་བྱར་བཞུགས་པའ…

སྦྱངས་ནས། །སྐུ་གཟུགས་ལ་སོགས་རྟེན་ནི་དཔག་མེད་བྱོན། །ཡུམ་སྲས་བཞི་ཀའི་གདུང་རྟེན་ཟངས་རིར་བཞེངས། །ཁམ་བུ་ཡ་ལེ་ལྷག་མེད་མཁའ་སྤྱོད་གཤེགས། །གཞན་ཡང་སྲས་རྒྱུད་འགྲོ་དོན་ནུས་པ་མང་། །མ་གཅིག་བུ་སློབ་མང་ཡང་བརྒྱུད་འཛིན་གསུམ། །མདོ་ལུགས་བརྒྱུད་འཛིན་རྒྱལ་བ་དོན་གྲུབ་དང་། །སྔགས་ལུགས་བརྒྱུད་འཛིན་ཐོད་སྨྱོན་བསམ་འགྲུབ་སྟེ། །མ…

རྡོ་རྗེའི་བརྒྱ་དང་བཅུ་ཐུབ་སྟེ། །རྡོ་རྗེ་རྒྱལ་མཚན་བརྒྱ་དང་བརྒྱད་ཐུབ་སྟེ། །བརྒྱ་ཙམ་ཐུབ་པ་དྲུག་ཙམ་བྱོན་པ་ཡིན། །མཁས་གྲུབ་ཆེན་པོ་སྡེ་སྣོད་རྒྱུད་སྡེ་མཁས། །སྐུ་གཅིག་མཚན་ནི་མང་དུ་གྲགས་པ་སྟེ། །སངས་རྒྱས་སྟོན་པ་སངས་རྒྱས་གཉེན་སྟོན་དང་། །བརྩོན་འགྲུས་དཔལ་དང་གཉེན་སྟོན་རི་གོང་བ། །འཇམ་དབྱངས་བརྩོན་པའི་དཔལ་དང་རབ་སྟོན་…

མ་གཅིག་རྣམ་ཐར་བརྩོན་སེང་མཛད་པ་དང་། །རྒྱུད་བུ་ཆུང་དང་དམ་ཚིག་ཉེར་གཅིག་སོགས། །ཀུན་གྱི་དོན་བསྡུས་དད་པའི་རྟེན་ཙམ་དུ། །གཅོད་པ་དབོན་པོ་ཆོས་འཕེལ་དགའ་བའི་ཕྱིར། །རཱ་གའི་མིང་ཅན་དགེ་སློང་དེ་ཡིས་སྦྱར། །ཉེས་པ་གང་མཆིས་མཁའ་འགྲོའི་ཚོགས་ལ་བཤགས། །དགེ་བས་འགྲོ་ཀུན་མཁའ་སྤྱོད་འགྲུབ་གྱུར་ཅིག །མངྒ་ལཾ། བྷ་ཝནྟུ། བཀྲ་ཤིས།། །། …

༼ག༽ མ་གཅིག་གཅོད་ཀྱི་གདེང་བཤད་ཉུང་ངུར་བསྡུས་པ་བཞུགས་པའི་དབུ་ཕྱོགས་ལགས་སོ། །

ན་མོ་གུ་རུ་དྷེ་ཝ་ཌཱཀི་ནཱི་ཡེ། བླ་མ་ཡུམ་ཆེན་ཞབས་ལ་ཕྱག་འཚལ་ནས། །གཅོད་ཀྱི་གདེང་བཤད་ཅུང་ཟད་འདིར་འགོད་བྱ། །སྤྱིར་ཆོས་འདི་ལ་ས་ཆོས་དང་གནམ་ཆོས་གཉིས་ཡོད། རྒྱ་གར་ཆོས་ཀྱི་རྒྱལ་པོ་ཛ་ཞེས་བྱ་བའི་ཁང་ཐོག་ན་གླེགས་བམ་གྱིས་ཆར་བབ་པའི་ཆོས་ཐམས་ཅད་ནི་གནམ་ཆོས་ཡིན་ལ། གཏེར་ནས་བཏོན་པ་རྣམས་ནི་ས་ཆོས་ཡིན་པ་ལས། ཡུམ་རྒྱས་འབྲིང་སོག…

མ་དང་གཏེར་མ་གཉིས་ཡོད་དེ། ཨོ་རྒྱན་གྱིས་གཏེར་དུ་སྦས་པ་རིན་ཆེན་གླིང་པ་དང་། སངས་རྒྱས་གླིང་པ་སོགས་ཀྱིས་གཏེར་ནས་བཏོན་པ་དང་། མ་གཅིག་གི་སྐྱེས་རབས་ཆེ་འབྲིང་གཉིས་ད་ལྟ་ཡང་ལྷོ་བྲག་ཏུ་གཏེར་དུ་བཞུགས་པ་དང་། གཅོད་མདོ་ལུགས་རྣམ་བཤད་ཆེན་མོ་ལ་པོ་ཏི་བཞི་བཅུ་ཞེ་གཉིས། སྔགས་ལུགས་ཀྱི་རྣམ་བཤད་ཆེན་མོ་ལ་པོ་ཏི་བཞི་བཅུ་ཉེ་གཉིས། …

ཡས་མཆིམས་ཕུ་དང་། ལྷ་ས་སྐྱོ་ཐང་སོགས་སུ་གཏེར་དུ་སྦས་པ་རྣམས། ཕྱིས་མ་གཅིག་ཤེས་རབ་གསལ་ལྡན། ཀུན་སྤངས་བརྩོན་འགྲུས་སེང་གེ་སོགས་ཀྱིས་གཏེར་ནས་བཏོན་པ་གཅོད་གཏེར་མ་ཡིན་ལ། གཏེར་དུ་མ་སོང་བ་རྣམས་བཀའ་མ་ཡིན་པ་ལས། ང་ཡི་གཅོད་འདི་བཀའ་ཡིན། གཅོད་ལ་རྒྱ་ཆོས་དང་བོད་ཆོས་གཉིས་སུ་ཡོད་པ་ལས། ཨཱརྱ་དེ་ཝའི་ཚིགས་སུ་བཅད་པ་ཆེན་མོ། ནཱ་ར…

ལུགས་དང་སྔགས་ལུགས་གཉིས། མདོ་སྔགས་དེ་དབྱེར་མེད་ཟུང་འཇུག་གི་ལུགས་དང་གསུམ་ཡོད་པ་ལས། བཀའ་ཕ་རོལ་ཏུ་ཕྱིན་པའི་དོན་བསྡུས་ཨར་དེ་ཝའི་ཚིགས་བཅད་ཆེན་མོ་དང་། མ་གཅིག་གི་བཀའ་ཚོམ་ཡང་ཚོམ་རྣམས་ཀྱི་རྗེས་སུ་འབྲང་བ་མདོ་ལུགས་དང་། རྗེ་བཙུན་མ་སྒྲོལ་མས་མ་གཅིག་ལ་གནང་། དེས་སྲས་ཐོད་སྨོན་བསམ་འགྲུབ་ལ་གནང་ནས། ཤམ་པོའི་གངས་ལ་བསྒོམས་…

མཆོག་ཡན་ལག་གི་ཞལ་ནས། མདོ་ལུགས་ཀྱི་དོན་བསྡུས་པ་དམར་འགྱེད། སྔགས་ལུགས་ཀྱི་དོན་བསྡུས་པ་ཁྲ་འགྱེད། ཅེས་གསུངས་ཏེ། མདོ་པདྨ་དཀར་པོ་ནས་བཅོམ་ལྡན་འདས་སེམས་ཅན་ཉ་དེས་པ་ཞེས་བྱ་བར་སྐྱེ་བ་བཞེས་ནས་ཤ་ཁྲག་སྦྱིན་པར་བཏང་བ་དང་། མདོ་སྡེ་གསེར་འོད་དམ་པ་ནས་སྟག་མོ་ལུས་སྦྱིན་དང་བཀའ་ཕ་རོལ་ཏུ་ཕྱིན་པའི་དོན་མན་ངག་གི་ཉམས་སུ་ལེན་པ་དམ…

ཤེས་རབ་ཀྱི་བརྒྱུད་པ་ཡང་ཚང་བ་ཡིན། སྲས་རྒྱལ་བ་དོན་གྲུབ་ནས་བརྒྱུད་པས་སྲས་རྒྱུད་ཉམས་ཀྱི་བརྒྱུད་པ་ཡང་ཚང་། རྒྱལ་བ་ཤཱཀྱ་ཐུབ་པ་ནས་བཀའ་བརྒྱུད་པས་བཀའ་བརྒྱུད་སྤྱིའི་བརྒྱུད་པ་ཡང་ཚང་། མ་ལབ་སྒྲོན་ཉིད་ཡུམ་ཆེན་མོ་དངོས་ཡིན་པས་དོན་བརྒྱུད་བྱིན་རླབས་ཀྱི་བརྒྱུད་པ་ཡང་ཚང་། གཅོད་འདི་ལ་གཞུང་ཁྲིག་ཅན་དང་། ཁ་འཐོར་ཁྲིག་མེད་གཉིས…

ཕོ་མོ་དམ་ལ་ཐོགས། །དེ་ལ་སོགས་པའི་ཕན་ཡོན་ནི། །དཔག་ཏུ་མེད་པ་འབྱུང་བར་འགྱུར། །ཞེས་གསུངས་པ་དང་། །ཨོ་རྒྱན་རིན་པོ་ཆེས་མཛད་པའི་བོགས་འདོན་གཅོད་ཀྱི་ཁྲིད་ལས། ལམ་གྱི་གེགས་སེལ། རྟོགས་པའི་བོགས་འདོན་གཉིས་ཆོས་ཀྱི་མཚན་མ་ཁྲོལ་བས། འཁྲུལ་སྣང་ཡུལ་འབུད། སྣང་སྲིད་སེམས་སུ་ཆོད་པས་འཁོར་འདས་རང་སར་གྲོལ་བར་འགྱུར་ཏེ། གནས་ལུགས་རྟ…

ཐམས་ཅད་ཀྱི་ནང་ནས་ལུས་སྦྱིན་དང་ཆོས་སྦྱིན་གཉིས་བསོད་ནམས་ཆེ་སྟེ། དུས་འཁོར་ལས། རྟ་དང་གླང་པོ་བསོད་ནམས་སྟོང་འགྱུར་ཏེ། །བུ་དང་ཆུང་མ་དག་ནི་འབུམ་འགྱུར་རོ། །ལུས་ཀྱི་སྦྱིན་པ་བྱེ་བར་འགྱུར་བ་སྟེ། །ཆོས་ཀྱི་སྦྱིན་པ་གྲངས་མེད་དག་ཏུ་འགྱུར། །ཞེས་གསུངས་སོ། །མ་གཅིག་གི་ཞལ་ནས། བེམ་རིག་སྲོལ་ལ་དབྱིངས་རིག་བསྲེས། །ཕུང་པོ་གཏུབ…

བྲལ་གྱི་ལྟ་བ་ཟིལ་གྱིས་ནོན། །མཐར་ཐུག་གི་ལྟ་བ་དེ་ན་ཡོད། །གཅོད་ཀྱི་ནམ་མཁའ་སྒོ་འབྱེད་དེ། །འཕོ་བ་བརྒྱ་ཡིས་དོ་ཟླ་མིན། །ཀུ་སུ་ལུ་པའི་ཚོགས་གསོག་དེ། །ཚོགས་བསགས་བརྒྱ་ཡིས་དོ་ཟླ་མིན། །ཉམས་ལེན་དཀར་འགྱེད་དམར་འགྱེད་དེ། །སྟོན་མོ་བརྒྱ་ཡིས་དོ་ཟླ་མིན། །ཕུང་པོ་ཤ་ཁྱེར་ཁྲག་ཁྱེར་དེ། །རིམ་གྲོ་བརྒྱ་ཡིས་དོ་ཟླ་མིན། །འདུག་ས་དབ…

སྐྱེས། །གོ་ཞིང་རྟོག་པར་གྱུར་པ་ན། །རྐང་གཉིས་གཙོ་བོ་དངོས་སུ་འགྱུར། །གོལ་ས་བཀག་ནས་ཉམས་བླངས་ན། །བླ་མེད་བྱང་ཆུབ་ལག་བཅང་ཡིན། །ངེས་པར་ཀླུ་གཉན་ཡོད་པའི་སར། །ཆུ་མིག་བརྒྱ་རྩ་བརྟེན་ནས་སུ། །ཞག་རེ་གཉིད་ཐུན་རེ་ལོག་ན། །ཕྱིར་མི་ལྡོག་པའི་ས་ལ་གནས། །མ་ཡི་ཐུགས་དམ་ཞལ་ཡང་གཟིགས། །ལྷ་ཡི་ལུང་བསྟན་དེ་རུ་ཐོབ། །དབུགས་དབྱུངས་བ་ཡ…

གཅོད་རྐྱང་པས་ཀྱང་ཆོག །རྔ་བོ་ཆེའི་སྒྲ་དང་འདྲ་སྟེ་རྔ་བརྡུང་བའི་དུས་རོལ་མོ་གཞན་ཐམས་ཅད་རྔའི་རམ་བུར་འགྱུར་བ་ལྟར། ཆོས་གཞན་ཅི་ཤེས་ཀྱང་གཅོད་ཀྱི་ཞོར་འདེབས་ཡིན། དངོས་གྲུབ་ཀྱི་ཆུ་མིག་དང་འདྲ་སྟེ། མི་མང་ཡང་འཚོ་ཉུང་ཡང་འཚོ་བ་ལྟར། གྲྭ་བུ་སློབ་མང་ཡང་འཚང་རྒྱ་ཉུང་ཡང་འཚང་རྒྱ་བ་ཡིན། རྟ་བཟང་པོའི་སྤུ་མདོག་དང་འདྲ་སྟེ་སྔོ་ཡ…