སྤྱོད་དྲག་པོའི་ཕྲིན་ལས་ཀྱིས༔ དགྲ་གདོན་བགེགས་ཚོགས་འགུགས་བསྒྲལ་ཕྲིན་ལས་མཛོད༔ ལས་བཞི་ལྷུན་གྱིས་གྲུབ་པའི་དཀྱིལ་འཁོར་ནས༔ ཡེ་ཤེས་སྒོ་མ་རྣམ་བཞི་འཁོར་དང་བཅས༔ བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔ བཞེངས་ཤིག་མངོན་སྤྱོད་དྲག་པོའི་ཕྲིན་ལས་ཀྱིས༔ དགྲ་གདོན་བགེགས་ཚོགས་འགུགས་བསྒྲལ་ཕྲིན་ལས་མཛོད༔ དམ་ཚིག་སྲོག་ཏུ་ཐེབས་པའ…

བསྣུབ༔ ཡུལ་ངན་རྐྱེན་དབང་བདུད་པོ་སྟོབས་བཙན་པས༔ ཆོས་ཕུང་བརྒྱད་ཁྲིའི་སྐར་ཚོགས་ལྐོག་ཏུ་བསྣུབ༔ བཞེངས་ཤིག་བཞེངས་ཤིག་བརྡ་ཁྱབ་ཆོས་དབྱིངས་ལས༔ སྐུར་བཞེངས་འཁོར་བའི་འཁྲུལ་འཁོར་བཤིག་ཏུ་གསལ༔ འཁོར་འདས་གཉིས་མེད་ཀ་དག་ངང་དུ་སྒྲོལ༔ དམ་ཚིག་ཐུགས་དམ་ཆེན་པོའི་དུས་ལ་བབ༔ ཛཿ དགོངས་ཤིག་བདེ་གཤེགས་རྒྱལ་བ་ཡོངས་འདུས་དཔལ༔ ཁྱོད་ཀྱི…

རྗེས་སྐྱེ་འགྲོའི་བདེ་བ་བཅོམ༔ དམ་ཉམས་ཞིང་བཅུས་ཆོས་ཁྲིམས་འཇིག་ལ་ཆས༔ བདག་རྒྱུད་བསྲེག་བྱེད་དགྲ་གདོན་བགེགས་ཚོགས་ལངས༔ བརྣག་པའི་དགྲ་བགེགས་མྱུར་དུ་མི་སྒྲོལ་ན༔ སྟོབས་བཅུ་མངའ་བའི་ནུས་པ་མེད་དམ་ཅི༔ ད་ལྟ་བསྐུལ་བའི་ལས་ལ་མི་དགོངས་ན༔ ཆོས་ཉིད་མི་འགྱུར་བདེན་པ་མེད་དམ་ཅི༔ མངོན་སྤྱོད་དྲག་པོའི་ཕྲིན་ལས་མི་མཛད་ན༔ ཡེ་ཤེས་ལྷ…

བང་མ་བུལ༔ དོ་ནུབ་དགྲ་གདོན་བགེགས་ཚོགས་མ་ལུས་པ༔ སྟོང་གསུམ་འཇིག་རྟེན་གང་དང་གར་གནས་ཀྱང་༔ རང་དབང་མེད་པར་རཱུ་པ་འདི་ལ་ཁུག༔ འགུགས་འཆིང་སྡོམ་མྱོས་ཕྲིན་ལས་རྣམ་བཞི་མཛོད༔ དབང་པོ་བསྣུབ་ལ་དོན་སྙིང་རྣམ་ལྔ་དྲོངས༔ ཕྲིན་ལས་དུས་ལ་བབ་བོ་ཡེ་ཤེས་ལྷ༔ སྤྲུལ་པས་མངོན་སྤྱོད་ལས་མཛོད་མཐུ་རྩལ་ཅན༔ རྣམ་ཤེས་དབྱིངས་སུ་སྤོར་ཅིག་ཐུགས་…

ལྕགས་ཀྱི་སྤྱང་མོ་མགོ་དགུ་མ༔ ཀེའུ་རི་ཤ་ཡི་དབུ་གསུམ་གྱིས༔ ལྷ་བྲན་བརྒྱ་ལ་ལོངས་སྤྱོད་བྱེད༔ ནཱ་ག་དུན་ཏིང་དབུ་གསུམ་གྱིས༔ ཀླུ་བྲན་བརྒྱ་ལ་ལོངས་སྤྱོད་ཅིང་༔ རཀྵ་ཧ་ལིང་དབུ་གསུམ་གྱིས༔ སྲིན་བརྒྱའི་ཤ་ལ་ལོངས་སྤྱོད་བྱེད༔ དེ་ལ་ལྕགས་ཀྱི་མི་མོ་ཞོན༔ གཅེར་བུ་རལ་པའི་ཅོད་པན་ཅན༔ ཁྲམ་བམ་ཐོད་དབྱུག་གཡས་ན་ཕྱར༔ ཐུགས་ཀྱི་ཕུར་པ་གཡ…

ཁུག་ལ་ད་སྒྲོལ་ཅིག༔ བྷྱོ༔ ནུབ་ཕྱོགས་འཁོར་ལོའི་རྩིབས་སྟེང་ན༔ ཟངས་ཀྱི་ཝ་མོ་རྐང་གསུམ་མ༔ ཝ་མོའི་རྒྱུག་ཚུལ་ཞུངས་སེ་ཞུང༔ ཝ་སྐད་སྒྲ་འབྱིན་ཙེ་རེ་རེ༔ སྐུ་ནི་མེ་རི་མཆེད་པ་འདྲ༔ མཇུག་མ་ལྕགས་ཀྱི་སོག་ལེ་འདྲ༔ སྡེར་མོ་ལྕགས་ཀྱུ་བྱེ་བས་གཏམས༔ ཝ་སྐད་འདོན་ཅིང་དུར་ཁྲོད་ཉུལ༔ དེ་ལ་ཟངས་ཀྱི་མི་མོ་ཞོན༔ དམར་ནག་གཅེར་བུ་ཅོད་པན་ཅན…

གཡས་པས་ཞིང་ཆུང་མགོ་ནས་འཇོམས༔ གཡོན་པས་ཐུགས་ཀྱི་ཕུར་པ་འདྲིལ༔ སྔགས་པས་དྲག་ཏུ་བསྐུལ་བའི་ཚེ༔ ཁམས་གསུམ་ཀུན་གྱི་ཤ་ཁྲག་གིས་༔ མ་ངོམས་དེ་ནི་མ་འགྲངས་ན༔ སྲིད་པ་གསུམ་གྱི་ཤ་ཁྲག་ལ༔ ཉིན་མཚན་མེད་པར་རྦ་ལ་རྐྱལ༔ ཁྱོད་ནི་དཔལ་གྱི་ཕོ་ཉ་སྟེ༔ གང་ལ་དམིགས་པ་ཤོར་ར་རེ༔ བརྣག་པའི་ལས་ལ་མཐུ་མ་ཆུང་༔ བཅོལ་བའི་འཕྲིན་ལས་གྲུབ་པར་མཛོད༔ བ…

ལ་འདེབས༔ སྲིད་པ་དུས་བཞིའི་མ་མོས་སྐུ་ལ་མཛེས་པར་བརྒྱན༔ དབྱིངས་ནས་བྷ་ག་སྦྱོར་བྱེད་ཐབས་ཀྱི་ཕོ་ཉ་འགྱེད༔ སྟོང་གསུམ་རྐན་སྒྲ་རྡེབ་ཅིང་སངས་རྒྱས་དམ་ལ་སྡུད་བྱེད་མ༔ ཕུར་འདེབས་ཆེན་མོ་ཁྱོད་ནི་སྔགས་པས་ལས་ལ་སྐུལ༔ རྣལ་འབྱོར་བདག་གི་བཅོལ་བའི་ཕྲིན་ལས་གྲུབ་པར་མཛོད༔ བྷྱོཿ ལྷོ་སྟོད་འཁོར་ལོའི་རྩིབས་སྟེང་ན༔ ནམ་གུང་ལས་ཀྱི་ཕོ…

ཆེན་མོ་གཤེགས་སུ་གསོལ༔ བརྣག་པའི་ལས་ལ་མཐུ་མ་ཆུང་༔ བཅོལ་བའི་ཕྲིན་ལས་གྲུབ་པར་མཛོད༔ བྷྱོ༔ བྱང་སྟོད་འཁོར་ལོའི་རྩིབས་སྟེང་ན༔ ནམ་གུང་དགྲ་བོའི་སྙིང་འབྱིན་མ༔ ཆེ་ཞེ་དཔལ་ལྡན་རེ་མ་ཛི༔ ལྗང་ནག་སྐུ་ལ་དར་ནག་གསོལ༔ ཆིབས་སུ་རྔ་མོང་གྭ་པ་ཆིབས༔ སྐྱེ་འགྲོའི་ཀེག་རྩིས་ཁྲམ་ཤིང་གཡས༔ ཡེ་ཤེ་ཚོན་གྱི་གྲུ་གུ་གཡོན༔ ལྗང་ནག་རལ་པའི་ཆུན…

ཕུར་པའི་ལས་མཁན་གཤེགས་སུ་གསོལ༔ བྷྱོ༔ ལྷོ་སྨད་འཁོར་ལོའི་རྩིབས་སྟེང་ན༔ ཐོ་རངས་སྒྲོལ་བའི་ཕོ་ཉ་མོ༔ རྡོ་རྗེ་དེ་བྱིན་ཆེན་མོ་ནི༔ ཞལ་གཅིག་ཕྱག་གཉིས་སྐུ་མདོག་སེར༔ ཆིབས་སུ་ཆུ་སྲིན་སྦིར་ལ་ཆིབས༔ རྒྱུ་དྲུག་འཆིངས་སྡོམ་ཞགས་པ་གཡས༔ རྒྱས་བྱེད་གཟུག་མོ་བྱི་ཐུར་གཡོན༔ སེར་ནག་རལ་པས་ས་གཞི་ཁེངས༔ རལ་པ་རེ་ལ་ཕུར་པ་རེ༔ གསེར་རྡོར་…

ལ་ཧབ་མ་ཆུང་༔ བརྣག་པའི་ཕྲིན་ལས་མ་གཡེལ་ཅིག༔ བྷྱོ༔ བྱང་སྨད་འཁོར་ལོའི་རྩིབས་སྟེང་ན༔ ཐོ་རངས་ལས་ཀྱི་ཕོ་ཉ་མོ༔ རྡོ་རྗེ་ཕག་བྱིན་ཆེན་མོ་ནི༔ ཞལ་གཅིག་ཕྱག་གཉིས་སྐུ་མདོག་ལྗང་༔ ཆིབས་སུ་ཆུ་རྟ་སྔོན་པོ་ཆིབས༔ རྣམ་ཤེས་འབེབས་པའི་དྲིལ་བུ་གཡས༔ དྲག་པོའི་སེང་ལྡེང་ཕུར་པ་གཡོན༔ ལྗང་ནག་རལ་པས་འཇིག་རྟེན་ཁེངས༔ རལ་པ་རེ་ལ་ཕུར་པ་རེ༔ …

ཛཿ ལྷོ་ཕྱོགས་སྒོ་ནང་དགྲ་བགེགས་སྟེང་༔ ལྕགས་ཀྱི་སྐྱེས་བུ་མི་སྡུག་པ༔ སྐུ་མདོག་སྔོ་ནག་འབར་བ་ལ༔ གཡས་པས་ལྕགས་ཀྱི་རལ་གྲི་ཕྱར༔ གཡོན་པས་ལྕགས་ཀྱི་ཕུར་པ་འདྲིལ༔ དགྲ་བགེགས་སྙིང་ལ་གཟིར་ཞིང་འདེབས༔ ཆིབས་སུ་ལྕགས་སྤྱང་སྔོན་པོ་ཆིབས༔ སྐུ་ལ་དར་ནག་བེར་ཆེན་གསོལ༔ འཁོར་དུ་བདུད་པོའི་ཚོགས་ཀྱིས་བསྐོར༔ ནག་པོ་འབུམ་གྱི་དམག་དཔོན་མ…

ནག་འཇིགས་པ་ལ༔ གཡས་པས་གྲི་གུག་དགྲ་སོག་གཅོད༔ གཡོན་པས་བྷནྡྷ་སྙིང་ཁྲག་འཐུང་༔ ཆིབས་སུ་ལྕེ་སྤྱང་སྔོན་པོ་ཆིབས༔ སྲ་བརྟན་ལྕགས་ཀྱི་གོ་ཁྲབ་གསོལ༔ ཤན་པ་ཕོ་མོའི་ཚོགས་ཀྱིས་བསྐོར༔ ལས་བྱེད་འབུམ་གྱི་དམག་དཔོན་མཛད༔ ཁྱེད་ཀྱང་ཕུར་པའི་ལས་མཁན་ཏེ༔ བཅོལ་བའི་ཕྲིན་ལས་གྲུབ་པར་མཛོད༔ [ཅེས་དྲག་ཏུ་བསྐུལ་ལོ། །གཉིས་པ་གསེར་སྐྱེམས་འབུལ…

ཚེས་ལ་དབང་བའི་ལྷས། །གསེར་སྐྱེམས་འདི་བཞེས་རྣལ་འབྱོར་མཐུ་དཔུང་སྐྱེད། །[ཅེས་མཆོད་དོ། །][གསུམ་པ་མཁྱེན་དཔང་གསོལ་བ་ནི།] ཧཱུཾ༔ རྩ་བརྒྱུད་བླ་མ་གཟུ་དང་དཔང་དུ་དགོངས༔ ཡི་དམ་ལྷ་ཚོགས་གཟུ་དང་དཔང་དུ་དགོངས༔ མ་རྒྱུད་མཁའ་འགྲོ་གཟུ་དང་དཔང་དུ་དགོངས༔ བསྟན་སྲུང་རྒྱ་མཚོ་གཟུ་དང་དཔང་དུ་དགོངས༔ དམ་ཉམས་ལས་ངན་བསྟན་བཤིག་ལས་དམར་འད…

རྒྱ་མཚོ་འབོད་བསྐུལ་གྱི༔ མཐུ་རྩལ་དྲག་པོ་མེད་དམ་དགྲ་ལ་རྦད༔ མ་གཡེལ་མ་འགྱང་དམ་ཚིག་གཉན་ལ་འདུས༔ ཡིད་ལ་བརྣག་པའི་དགྲ་བགེགས་སྡིག་ཅན་འདི༔ ཁམས་གསུམ་གང་དུ་གནས་སམ་བྲོས་གབ་ཀྱང་༔ ཡེ་ཤེས་སྤྱན་ལ་གསལ་འགྲིབ་མི་མངའ་བས༔ མ་ཤོར་མྱུར་དུ་ཁུག་ལ་བསྒྲལ་མཛོད་ཅིག༔ དོ་ནུབ་བསྐུལ་ལོ་ལྷ་ཚོགས་ཐུགས་མ་གཡེལ༔ དོ་ནུབ་འབོད་དོ་ལྷ་ཚོགས་སྙན་མ…

གསང་སྔགས་ཀྱི་བྱིན་གྱིས་བརླབས་པའོ༔ སངས་རྒྱས་ཀྱི་མཐུའོ༔ ཨ་བྷི་ཙརྻའི་དུས་ལ་བབ་པའི་བརྣག་པ་འདི་ཁོ་ནའོ༔ [ཞེས་བརྗོད་དོ། །][གཉིས་པ་བར་དུ་བྱ་བའི་ལས་ལ། དམིགས་བྱ་བསྐྱེད་འགུགས། སྒྲོལ་ཆོག་དངོས། ཐུགས་དམ་བསྐུལ་བ། ཟློག་ལས་བཅོལ་བ། ཐུན་གཏོར་གཏོང་བ་དང་ལྔ་ལས། དང་པོ་དམིགས་བྱ་བསྐྱེད་ཅིང་དགུག་གཞུག་བྱ་བ་ནི། བྲུབ་ཁུང་སྭབྷཱ་…

དེའི་ནང་དུ་ནྲྀའམ་ཏྲི་དུད་ཁ་ཡོངས་སུ་གྱུར་པ་ལས་དགྲའམ་བགེགས་དེ་ཉིད་ལུས་གཅེར་བུ་རིད་པ། མདོག་ནག་ཅིང་དྲན་པ་ཉམས་པ། མྱ་ངན་གྱི་ཕྱག་རྒྱ་ཅན། བུ་ག་དགུ་ནས་རྣག་ཁྲག་འཛག་པ། ཉམ་ཐག་དབུགས་དང་བྲལ་ལ་ཁད་འདར་ཕྲི་ལི་ལི་བྱེད་པ་གནོད་བྱེད་ཐམས་ཅད་འདུས་པའི་ངོ་བོར་གྱུར་[པར་བསམ་ལ།] ན་མོ། རིག་འཛིན་རྩ་བརྒྱུད་ཀྱི་དཔལ་ལྡན་བླ་མ་དམ་པ་ར…

ལ་སྔ་དགྲ་ལག་གིས་བརྡར་བ། ཕྱི་དགྲ་ཡིད་ལ་སེམས་པ། ད་དགྲ་ཐད་དུ་འཛུག་པའི་གཟུགས་ཅན་སྡང་བའི་དགྲ་དང་། གཟུགས་མེད་གནོད་བྱེད་བགེགས་ཀྱི་ཚོགས་དང་བཅས་པ་ཐམས་ཅད་སྲིད་པ་གསུམ་གྱི་ཁོངས་གར་གནས་གར་བྲོས་ཀྱང་སྐད་ཅིག་ཡུད་ཙམ་གྱིས་དམིགས་པའི་རྟེན་འདི་ལ་ཁུག་ཅིག །ཨོཾ་བཛྲ་ཀཱི་ལི་ཀཱི་ལ་ཡ་དགྲ་བགེགས་གནོད་བྱེད་ཛཿཧཱུཾ་བཾ་ཧོཿ ཤཱི་གྷྲཾ་…

བགེགས་རྣམས༔ ཡན་ལག་སྡོམས་ཤིག་བཛྲ་སྥོ་ཊ་བཾ༔ ཧོཿ དཔལ་གྱི་བཀའ་སྡོད་གཏུམ་རྔམས་འཇིགས་པའི་གཟུགས༔ མྱོས་བྱེད་ཆེན་མོ་དྲིལ་བུ་ལྗང་མོའི་ཚོགས༔ རིང་པར་རྒྱུག་ལ་དམ་ཉམས་དགྲ་བགེགས་རྣམས༔ མྱོས་སུ་ཆུ་གཅིག་བཛྲ་གཎྜེ་ཧོཿ [ཞེས་འགུགས་འཆིང་སྡོམ་མྱོས་ཀྱི་ལས་བསྐུལ་ལོ། །][གཉིས་པ་སྒྲོལ་ཆོག་དངོས་ལ། རིག་པ་མཆོག་གི་རྒྱུད་ལས། ལྷ་དཔྲལ་…

ཕྱེས༔ མ་མ་ཏྲག་རཀྴ་མཱ་ར་ཡ་ཕྱེས་ཕྱེས༔ [རྫས་ནི། གུ་གུལ་སོགས་དབྱེ་རྫས་ཀྱིས་བདུག་ཅིང་བྱ་རོག་དང་འུག་པའི་དང་རུས་ཕྱིར་འབྱེད་པའི་ཚུལ་བྱ། ཏིང་ངེ་འཛིན་ནི།] དཀྱིལ་འཁོར་གསུམ་གྱི་ལྷ་ཚོགས་རྣམས་དང་རྡོ་རྗེ་ལེགས་པ་འགོང་པོ་འཁོར་བཅས་ཀྱིས་བསྒྲུབ་བྱ་སྲུང་སྐྱོབ་བྱེད་པའི་ལྷ་དང་ཕྲལ་ནས་བྱ་སྤུ་རླུང་གིས་གཏོར་བ་ལྟར་དབྱེ་བར་[བསམ…