ཤུདྡྷ༔ ཨ་དྷེ་བ་ཤཱིནྟཾ་ཀུ་རུ་སྭཱ་ཧཱ། ཞེས་བཟླ། རང་ཉིད་དཔལ་རྟ་མགྲིན་དུ་གསལ་ནས། ཨོཾ་བཛྲ་ཀྲོ་དྷ་ཧྱ་གྲཱི་ཝ་བཛྲ་ཤཀྟི་མཱུ་ལ་ཚིནྡྷ་ཀཱི་ལ་ཡ་ཕཊ། ཅེས་བརྗོད་ཅིང་ཤར་ནས་བརྩམས་ཏེ་བཅད་ལ་རིན་པོ་ཆེའི་སྣོད་དུ་བཞག །ཡི་གེ་བརྒྱ་པ་བརྗོད་ཅིང་དྲི་ཆབ་ཀྱིས་བསང་གཏོར་བྱ། དངོས་པོའི་ངོ་བོ་སྟོང་པ་ཉིད་ཀྱི་ངང་ལས་ཧཱུྃ་ཡིག་ལས་བྱུང་བའི་…

ཀྱང་བཤད་དོ། །གཉིས་པ་རྣམ་གྲངས་ནི། ཕྲིན་ལས་འཁོར་ལོའི་རྒྱུད་ལས། ཡོན་ཏན་གྱི་ཕུར་བུ་བདུན་ཅེས། བསྐྲད་པ་མཚམས་ཀྱི་ཕུར་པ་དང༌། བཀོད་པ་ལྷ་ཡི་ཕུར་པ་དང༌། མངགས་པ་ཕོ་ཉའི་ཕུར་པ་དང༌། དབང་དུ་སྡུད་པའི་ཕུར་པ་དང༌། གདབ་པ་ཕྲིན་ལས་ཀྱི་ཕུར་པ་དང༌། འཛིན་ཅིང་མི་གཏོང་བའི་ཕུར་པ་དང༌། གནས་སྲུང་བའི་ཕུར་པའོ། །ཞེས་འབྱུང་བའི། དང་པོ་ནི…

ལས། ཚད་ནི་གཙོ་ཕུར་སོར་བཅོ་བརྒྱད། གིང་ཕུར་སོར་བཅུ་གཉིས་སམ་ཡང་ན་བཅུ་དྲུག །མགྱོགས་ཕུར་སོར་བཅུ་གཉིས། གདབ་ཕུར་སོར་བརྒྱད་པ། ཕྲིན་ལས་བཞི་ལའང་མཐེབ་སོར་བརྒྱད་པ། མངགས་ཕུར་སོར་བརྒྱད་པ། སྲུང་ཕུར་སོར་བཅུ་དྲུག་པ། ཟློག་ཕུར་སོར་བཞི་པ། ཐུན་ཕུར་སོར་གསུམ་པར་སྤྱི་རྒྱུད་དུ་གསུངས་པ་དང༌། ཡང་ན་གཙོ་ཕུར་སོར་བཅུ་དྲུག །ཁྲོ་བོ་…

ནི་སོར་བཅུ་གཉིས། །བསྙེན་པའི་ཕུར་པ་དེ་བཞིན་བྱ། །ཞེས་དང༌། འཇིག་རྟེན་སྣང་བྱེད་ཀྱི་རྒྱུད་ལས། །མཐེབ་གང་རྒྱ་མདུད་དག་ཏུ་བྱ། །སོར་བཞི་བཅུམ་གཞོག་འོག་མའང༌། །གོང་མ་བཞིན་དུ་ཤེས་པར་བྱ། །དབལ་ནི་ཆུ་སྲིན་ཁ་ནས་ཕྱུང༌། །ཚིག་བཞི་ཀུན་ལ་སྦྲུལ་གྱིས་བརྒྱན། །ཞེས་སོགས་དང༌། ལྷ་ཞལ་ཕྱུང་བའང་གཏེར་མའི་ཕྱོགས་ལས་གསལ་བར་གསུངས་ཤིང༌། …

གཙོ་བོ་དང་ཁྲོ་བཅུ་བརྗིད་ཆགས་པ་རྒྱལ་པོ་གདན་ལ་བཞུགས་པ་འདྲ་བ། མགྱོགས་ཕུར་རྣམས་གསོར་འཕང་བདེ་བ་སྐྱེས་པ་དམག་ལ་ཆས་པ་འདྲ་བར་བྱ། གལ་ཏེ་ལྷ་ཞལ་དང་མགོ་བརྙན་སོགས་མི་འགྲུབ་པའི་ཕྱོགས་ལ་རྒྱ་མདུད་ཅན་ཁོ་ན་བྱས་པས་ཀྱང་རྒྱུད་ལུང་གི་དགོངས་པ་དང་འབྱོར་བས་ཆད་སྐྱོན་དུ་མི་འགྱུར་རོ། །ལྔ་པ་ཇི་ལྟར་འདུ་བྱ་བ་ནི། འཇིག་རྟེན་སྣང་བྱེད…

འདིའི་ཁྱད་ཆོས་རྟེན་འབྲེལ་གྱི་ཆེ་བ་ཡིན་པས། གལ་ཏེ་དེ་ལས་ལྡོག་ན་གདབ་ཡུལ་ལ་མི་ཐེབས་པ་དང་རང་ལ་ལྡོག་པ་སོགས་ཀྱི་ཉེས་པ་འབྱུང་ངོ༌། །དྲུག་པ་བྱིན་གྱིས་བརླབ་པ་ལ་སྤྱི་དང་ཁྱད་པར་གཉིས་ཀྱི། དང་པོ་ནི། ཕུར་པའི་མགུལ་དུ་སངས་རྒྱས་ཀྱི་རིང་བསྲེལ། སོ་སོའི་སྙིང་པོའི་ཤོག་དྲིལ། ཐུན་རྫས་ཐུམ་པོ་རྣམས་བཏགས་ཤིང༌། ཁྱད་པར་ཡུངས་ཀར་གུ…

བྱིན་རླབས་གཞུང་བཞིན་བྱ། དེ་ལྟར་ཚད་དང་ལྡན་པར་བསྒྲུབས་པའི་ཕུར་བུ་དེ་དག་བཞུགས་ཚུལ་ཀྱང༌། རྒྱུད་ཡེ་ཤེས་རྩེ་མོ་ལས། སྒྲུབ་པ་འབད་པས་མི་བྱེད་ཀྱང༌། །དབྱིངས་དང་མཐུན་པའི་སྣོད་དག་ཏུ། །གཙང་མའི་གནས་སུ་གཞུག་ནས་ཀྱང༌། །དགབ་དང་བདུག་དང་བསྐོར་བ་ཡིན། །མཆོད་དང་གདུགས་ཀྱི་ཆོ་ག་བྱ། །ཞེས་པས། བཞུགས་ཁང་དྲག་པོའི་བཀོད་པ་དང་ལྡན་པའ…

སྐུ་ཡིན་ནོ། །ཞེས་དང༌། དཀྱིལ་འཁོར་ཡོངས་རྫོགས་ཀྱང་མཚོན་ཏེ། དབུ་དང་རྩེ་ནི་ཡབ་ཡུམ་གཉིས། །རྡོ་རྗེ་གཞོན་ནུ་བཞུགས་པའི་གནས། །དོན་ལ་གཞལ་ཡས་མཚོན་བྱའི་རྟགས། །རྒྱ་མདུད་གཉིས་སུ་བསྟན་པ་ཡང༌། །ཐབས་དང་ཤེས་རབ་གཉིས་མེད་པའི། །དབྱིངས་དང་ཡེ་ཤེས་ཆེ་བའི་རྟགས། །རྩེ་མོ་དྲག་པོ་ཟུར་གསུམ་ནི། །ཡེ་ཤེས་རྩེ་གཅིག་དྲག་པོར་བཤད། །ཅེས་ད…

ཀྱི་ཚད། །བཅུ་གཉིས་སྐྱེ་མཆེད་བཅུ་གཉིས་ཚད། །བཅོ་བརྒྱད་ཚད་དུ་བསྟན་པ་ནི། །ཁམས་ནི་བཅོ་བརྒྱད་འཇོམས་པ་ཡིན། །ཞེས་སོགས་གསུངས་པ་ལྟར་རོ། །བརྒྱད་པ་བྱེད་ལས་ནི། ཨོ་རྒྱན་ཆེན་པོས། ཕུར་པའི་ལས་ནི་མགོ་བོ་རྒྱ་མདུད་དུག་ལྔ་འཇོམས༔ སྐུ་སྟོད་ཁྲོ་བོས་ཐ་མལ་གྱི་རྟོག་པ་འཇོམས༔ སྐུ་སྨད་ཟུར་བརྒྱད་རྣམ་ཤེས་ཚོགས་བརྒྱད་ཀྱི་རྟོག་པ་སྦྱོ…

ཕུར་པ་ཟུར་བཞི་ཡིས། །ཚེ་དད་ལོངས་སྤྱོད་རྒྱས་པར་བྱེད། །སེང་ལྡེང་ཕུར་པ་ཟླ་གམ་གྱིས། །ཐམས་ཅད་དབང་དུ་སྡུས་པར་བྱེད། །བསྭེ་ཤིང་ཕུར་པས་རིགས་རྒྱས་བྱེད། །གསེར་གྱིས་བྱང་ཆུབ་སེམས་རྒྱས་བྱེད། །ཙནྡན་དམར་བོའི་ཕུར་པ་ཡིས། །བུ་མོ་དབང་དུ་སྡུད་པར་བྱེད། །མཛོ་མོས་བློན་པོ་དབང་དུ་སྡུད། །བསྭེ་ཤིང་དམངས་རིགས་དབང་དུ་སྡུད། །ཟངས་ཀྱ…

གདུག་པ་ཅན་ལ་གདབ་པར་གསུངས་ཤིང༌། བྱེ་བྲག་ཏུ་མངོན་སྤྱོད་དང་འབྲེལ་བའི་ཕུར་བུ་རྣམས་གདབ་པའི་ཡུལ་ནི་སྨད་ལས་ཀྱི་མན་ངག་བཞིན་གདབ་པར་བྱ་བ་སྟེ། དེ་དག་ཀྱང་ཞེ་སྡང་གིས་ཀུན་ནས་བསླངས་ཏེ་སྡང་བའི་ཡུལ་ལ་མཚོན་འདེབས་པ་ལྟ་བུ་མ་ཡིན་པར། ངོ་བོ་སྙིང་རྗེ། རྣམ་པ་ཞེ་སྡང༌། བྱེད་པ་ཐུགས་རྗེ་དང་ཡེ་ཤེས་ཆེན་པོས་སེམས་ཅན་དེའི་མ་རིག་པ་དང…

བྱས་ན་བྱིན་རླབས་ཆེ། །ཞེས་དང༌། གསང་རྒྱུད་ལས། བཤད་པའི་དམ་རྫས་མི་འཆང་བ། །འདི་ཡང་དམ་ཚིག་ཉམས་པ་ཡིན། །ཞེས་དམ་ཚིག་ཉམས་པའི་རྒྱུའི་གཙོ་བོ་གཅིག་དམ་ཚིག་གི་རྫས་མི་འཆང་བ་ལ་གསུངས་པས་ནུས་པ་དང་སྦྱར་ནས་ཇི་ཙམ་འཚོགས་པར་བྱ་དགོས་ལ། ཆག་ཚད་རབ་གནས་བྱིན་རླབས་དང་ལྡན་པའི་ཕུར་པ་དེ་ཉིད་བཞུགས་པའི་ས་ཕྱོགས་ཀྱང་མཆོད་རྟེན་གྱི་རང་བཞི…

ཀླུ་དུག་སེལ། །ལས་རྣམས་ཐམས་ཅད་འགྲུབ་པར་འགྱུར། །ཞེས་དང༌། དེ་ཡང་ཆག་ཚད་ལྡན་པས་རྟགས་མྱུར་རོ། །ཞེས་པས། ཕུར་པ་ཚད་དང་ལྡན་པ་ལ་འདིས་མཚོན་ཏེ་དགོས་པ་དང་ཕན་ཡོན་ཚད་མེད་པར་གསུངས་སོ། །གསུམ་པ་གཏོར་མཆོད་ཚོགས་ཀྱི་ཡོ་བྱད་ནི། ཐོག་མར་ལས་དང་དངོས་གྲུབ་ཐམས་ཅད་ཀྱི་གཞི་གཏོར་མའི་ཚུལ་ལ། སློབ་དཔོན་ཆེན་པོས། བརྟེན་པའི་གཏོར་མ་མི་ཤེ…

ལས་སྒྲུབ་ཀྱི་དཔུང་བསྐྱེད་ཅིང་འཕྲལ་འབྲས་མྱུར་དུ་འབྱིན། ཐུན་གཏོར་གྱིས་མགྲོན་རྣམས་སྙིང་ཉེ་ཞིང༌། གནས་སྐབས་ཀྱི་འདོད་འབྲས་མྱུར་དུ་འབྱིན་པའོ། །གསུམ་པ་ཇི་ལྟར་བཤམ་ཚུལ་ལ་གསུམ་ལས། དང་པོ་རྟེན་གཏོར་ནི། རང་ངམ་དམ་ཚིག་ཅན་ལས་བླངས་པའི་འབྲུ་གཙང་ས་རྡུལ་མེད་པའི་ཟན་ལ་ཤ་ལྔ་བདུད་རྩི་ལྔ། ཟས་ནོར་འཕེལ་ཕྱིར་རིན་པོ་ཆེ་དང་འབྲུ་ས…

ཙམ་དང༌། ཤ་སྣ་སྙིང་སྣ་སྤོས་དང་དྲི་བཟང་སོགས་ཀྱིས་བཀྲུས་པའི་ཁྲག་གཙང་དེའི་བཞི་ཆ་ཙམ་གྱིས་འདྲེས་ཤིང་མཆེད་པར་སྦོལ་ལ་ཧ་ཅང་སྲ་བ་མ་ཡིན་པའི་ཟན་ལས། ཕོ་ཐོད་མཚན་ལྡན་ནམ་རིན་པོ་ཆེའི་པད་སྣོད་དུ་འཁོར་ལོ་རྩིབས་བཅུ་རྩིབས་བཞི་བརྩེགས་མའི་གདན་ལ་དཔལ་གྱི་གཏོར་མ་ཆེ་ཞིང་བརྗིད་ཆགས་བར་བཅོས་པ་ལ་སྤྲོ་ན་འཁོར་གྱི་གཏོར་ཕྲན་གཙོ་བོའི་…

སྐུད་ཀྱིས་བཅིངས་ཏེ་སྲོག་ཤིང་གི་སྦུབས་སུ་དབུ་ཞབས་མ་ལོག་པར་གཞུག །དམར་རྩིས་བྱིལ་པོར་བྱུགས་ཤིང་ཕྱག་མཚན་སོགས་མར་གྱིས་བཀྲ་བས་མཛེས་པར་བྱས་པའི་རྩེ་མོར་མདའ་དར་སྐུ་ཙཀ་མེ་ལོང་སོགས་ཀྱིས་བརྒྱན་པ་བཙུགས་པ་ཉིད། དཀྱིལ་འཁོར་དབུས་ཀྱི་མཉྫིའམ་ཕུག་ལོགས་དམ་ཚིག་གི་བྲིས་སྐུ་བཀྲམ་པའི་མདུན་སྟེགས་གཡང་གཞི་སོགས་ཀྱིས་བཀབ་པའི་ཁར་འ…

བརྒྱན་ཏེ་རྟེན་གཏོར་གྱི་མདུན་སྟེགས་ཁེབས་ལྡན་འབྲུ་སྨན་གཅལ་དུ་བཀྲམ་པའི་ཁར་འགོད། དེ་ལས་འཕྲོས་པའི་སྐོང་གཏོར་སྤྲོ་ན། དེའི་མདུན་དུ་གོང་གི་རྒྱུ་ལས་བཤོས་བུ་དམར་ནག་གྲུ་གསུམ་བཅུར་བྱས་པ་ལ་སྐོང་རྫས་རྣམས་རི་མོའམ་འབུར་དུ་བྱས་པའི་རྒྱན་གྱིས་བསྐོར་བ་གྲལ་སྟབས་སུ་བསྒྲིག་གོ །གསུམ་པ་རྒྱུན་གཏོར་རམ་ཐུན་གཏོར་ནི། དེ་རྣམས་ཀྱི…

ཡངས་ཤིང་རྒྱ་ཆེ་བའི་ནང་མ་གྲུ་གསུམ་གྱི་སྟེང་དུ་ཉི་མའི་དཀྱིལ་འཁོར་གྱི་དབུས་དང་ཕྱོགས་བཞིར་ཧཱུཾ་ཨོཾ་སྭཱ་ཨཱྃ་ཧཱ་ལས་མི་བ་གླང་ཁྱི་རྟ་གླང་པོ་ཆེའི་ཤ་རྣམས་ཡི་གེ་དེ་དག་གིས་མཚན་པ། དབུས་དང་མེ་ནས་བརྩམས་ཏེ་མཚམས་བཞིར་མཱུྃ་ལཱྃ་མཱྃ་པཱྃ་ཏཱྃ་ལས་བྱང་སེམས་དྲི་ཆེན་ཀླད་པར་རཀྟ་དྲི་ཆུ་རྣམས་ས་བོན་དེ་དག་གིས་མཚན་པའི་མཐར་བཟའ་བཅའ་…

མཚོ་ཆེན་པོ་ཕྲིན་ལས་བཞིའི་རོལ་པར་འཆར་བའི་གཟུགས་སྒྲ་དྲི་རོ་རེག་བྱ་སོགས་འདོད་པའི་ཡོན་ཏན་བསམ་གྱིས་མི་ཁྱབ་པའི་སྤྲིན་ཕུང་འཕྲོ་བར་བསམ་ཞིང༌། རྟེན་གཏོར་ལ་གཏད་པའི་གཟུངས་ཐག་ནས་འཇུས་ཏེ་གཏོར་མ་བྱིན་བརླབ་ཀྱི་སྔགས་བརྒྱ་རྩ་སོགས་བརྗོད། དེ་ནས་གཏོར་མ་ཉིད་ལྷར་བསྐྱེད་པ་ལ་མཆོད་བསྟོད་སོགས་བྱེད་པ་ཡིན་ནོ། །གཉིས་པ་རྟག་གཏོར་བ…

བས་ཤ་ཆོམ་ཁྲག་ཆོམ་དུ་དམར་འདུར་གྱིས་བཏང་ནས་གཏོར་མ་ལ་ཐིམ་པས་བདུད་རྩིར་བྱས་པ་ལྷ་ཚོགས་རྣམས་ཀྱིས་ལྷག་མ་མེད་པར་ཧབ་དིར་གྱིས་རོལ་པར་བསམ་ཞིང་བསྔོའོ། །ལྔ་པ་བཅང་བའི་ཚུལ་ལ་གསུམ་གྱི། དང་པོ་རྟེན་གཏོར་ནི། གནས་དགོན་ཇི་སྲིད་གནས་ཀྱི་བར་དེ་སྲིད་མི་གཡོ་མི་བསྒུལ་ཞིང་བྱིན་རླབས་གསོ་བའི་ཕྱིར་ནུབ་རེ་བཞིན་མཐེབ་ཀྱུ་ཆུང་ངུ་རེས་…