དུར་ཁྲོད་དྲག་པོའི་མཚན་ཉིད་ཡོངས་སུ་རྫོགས་པའི་དབུས་སུ་སྣ་ཚོགས་པདྨ་ཟླ་ཉི་ལྷ་ཆེན་ཕོ་མོ་བསྣོལ་བའི་གདན་ལ་རང་ཉིད་དཔལ་རྡོ་རྗེ་གཞོན་ནུ་མཐིང་ནག་ཞལ་གཅིག་ཕྱག་གཉིས་པ། གཡས་གསེར་གྱི་རྡོ་རྗེ་རྩེ་དགུ་པ་གདེངས་ཤིང་གཡོན་གནམ་ལྕགས་ཀྱི་ཕུར་པ་འདྲིལ་བ། ཞབས་ཟུང་གྱད་ཀྱི་འདོར་སྟབས་སུ་བསྒྲད་པས་དྲེགས་པ་ཕོ་མོའི་མགོ་བོ་དང་ནུ་མ་ནས་…

སྟེང་སོ་སོར་བཞག་བཞིན་རྐང་པ་གཡས་བརྐྱང་པའི་གྱད་ཀྱི་འདོར་སྟབས་བགྲད། ཁུ་ཚུར་གཉིས་གཡས་ཕྱོགས་ཀྱི་བར་སྣང་དུ་ཤུགས་ཀྱིས་འཕང་ལ་དེ་ཐོག་ནས་ལག་གཡོན་གཞུ་རྒྱུད་འཐེན་ཚུལ་གྱིས་བཀུག་ནས་ཁུ་ཚུར་ཕྱིར་བསྟན་ནུ་སྟེང་གཡོན་དུ་འཇོག དེ་ནས་འཕར་སྟངས་ཀྱིས་གྱད་སྟབས་བསྡུ་བ་དང་ཆབ་གཅིག་ལག་གཉིས་ཁུ་ཚུར་ནུ་སྟེང་སོ་སོར་འཇོག །ཡང་འཕར་སྟངས་…

དཔུང་པ་གཡས་གཡོན་ཐད་ཀའི་ནམ་མཁར་འཕང་རྗེས། ཐལ་མོ་གཉིས་ནང་བསྐོར་སྙིང་གའི་ཐད་དུ་ཁ་སྦྱར་ཏེ་ཕུར་པ་ཕྱོགས་མཚམས་སུ་འདྲིལ་ཞིང་མདུན་དུ་འདེབས་ཚུལ་བྱས་ལ་ཐལ་མོ་ཁ་ཕྱེ། ཡང་ལག་གཉིས་ཁུ་ཚུར་ནང་བསྐོར་གྱིས་གཡས་གཡོན་དུ་སྡིགས་མཛུབ་འཕང་ཞིང་ཕུར་པ་འདྲིལ་ཚུལ་བཅས་གོང་བཞིན་ལན་གསུམ་བསྐྱར། འདི་རྣམས་ཀྱི་སྐབས་སུ་རྐང་པའི་འཕར་སྟངས། ལག…

ལས་ཟླ་ཚེས་ལྟ་བུའི་མཆེ་བ་གཅིག་ཐུར་དུ་གཙིགས་པ། དབུ་སྐྲ་རལ་པའི་ཁྲོད་ན་ལྕགས་ཀྱི་རལ་པ་ཉག་གཅིག་གྱེན་དུ་གཟིངས་པ། བྲང་ན་བདུད་རྩིའི་རྒྱུན་འཛག་པའི་ནུ་མ་གཅིག་འཕྱང་བ། ཕྱག་གཡས་ཞིང་གི་རྒྱལ་མཚན་ཀླད་ལ་འཕྱར་ཞིང་གཡོན་སྡིགས་མཛུབ་བརྐྱང་པའི་རྩེ་ལས་ལྕགས་ཀྱི་སྤྱང་མོ་ཁྲ་ཐབས་སུ་འགྱེད་པ། ཞབས་གཡས་བསྐུམ་པ་གསང་བར་གཏད་ཅིང་གཡོན་བ…

བསྡུས་ལ་ངལ་གསོ། །དེ་ནས་ཀཱི་ལ་རིགས་ལྔ་ལས། གསུམ་པ་བཛྲ་ཀཱི་ལ་ཡ་ནི། སྣང་སྲིད་ཞི་བ་ལྷུན་གྱིས་གྲུབ་པའི་དཀྱིལ་འཁོར་མེ་ལོང་ཡེ་ཤེས་ཀྱི་རང་གདངས་འོད་ཟེར་དཀར་པོ་འཕྲོ་བའི་དབུས་སུ་པདྨ་ཟླ་ཉིའི་གདན་ལ་རང་ཉིད་བཛྲ་ཀཱི་ལ་ཡ་སྐུ་མདོག་དཀར་གསལ་ཞལ་གཅིག་ཕྱག་གཉིས་པ། ཞལ་གདངས་ལྗགས་འདྲིལ་མཆེ་བ་གཙིགས་ཤིང་སྤྱན་གསུམ་སྡང་མིག་བགྲད་པ།…

པ་ཐམས་ཅད་བཙན་ཐབས་ཉིད་དུ་ཞིག་པར་བསམ་ཞིང༌། ལངས་ཏེ་ཁུ་ཚུར་གཉིས་སྟ་ཟུར་གཡས་གཡོན་ནས་གྱེན་དུ་ཤད་དེ་ནུ་ཐད་སླེབས་པ་ན་སྟ་ཟུར་ནས་ཐུར་དུ་འཕེན་པ་ལན་གསུམ་མཐར། འཕར་སྟངས་ཀྱིས་རྐང་པ་གཉིས་རྟིང་པ་སྤྲད་པའི་སོར་མོ་རྣམས་སར་བཙུག་ལ་པུས་མོ་ཕྱིར་བགྲད། ལག་པ་གུང་མོ་གཉིས་བརྐྱང་པ་རྩེ་སྤྲད་ལྷག་མ་རྣམས་བསྣོལ་བ་རྡོ་རྗེ་རྩེ་གཅིག་གི་…

ཡང་འཕར་སྟངས་ཀྱིས་རྡོ་རྗེའི་ལུས་རྒྱ་བྱས་ཏེ་ལུས་ཤུགས་ཀྱིས་གྱེན་དུ་འཐེན་པའི་སྐེད་ཉག་ལན་གསུམ་མཐར། རྐང་པ་གཡས་པ་ཕྱི་ནས་བྱས་ཏེ་བསྣོལ་བའི་སོར་མོ་རྣམས་ས་ལ་བཙུག ལག་གཡོན་ཁུ་ཚུར་གཡས་ཀྱི་ནུ་སྟེང་དུ་བཞག ལག་གཡས་ཁུ་ཚུར་བརྐྱང་བ་གཡོན་གྱི་རྒྱབ་ལོགས་སུ་ཤུགས་ཀྱིས་འཕེན་པ་དང་ཆབ་གཅིག་རྐང་པའང་གཅུ་བཞིན་བསྐོར་ནས་འབེབས་བརྡབ། ཡ…

གསལ་ལ། རླུང་སྦྱོར་འཁྲུལ་འཁོར་གྱིས་གཅུན་པས་གདོད་ནས་གྲུབ་པའི་རྩ་རླུང་ཐིག་ལེའི་ཁམས་རྣམས་ཨོཾ་དཀར་ཨཱཿ་དམར་ཧཱུྃ་མཐིང་གི་རོལ་པར་གནས་གྱུར། དེའང་རྩ་དག་པ་སྤྲུལ་སྐུ། རླུང་དག་པ་ལོངས་སྐུ། ཐིག་ལེ་དག་པ་ཆོས་སྐུ་སྟེ་རྡོ་རྗེ་གསུམ་གྱི་རང་བཞིན་མངོན་དུ་བྱས་པར་བསམ་ཞིང༌། ལངས་ཏེ་ལུས་བསྲང་ཞིང་ལག་གཉིས་སྡིགས་མཛུབ་སྟ་ཟུར་གཉིས་…

བཞིན་ལུས་བསྲང་ལ་ངག་གི་སྒྲ་མི་མངོན་པར་ཧཱུྃ་ཞེས་པས་ཡེ་ཤེས་ཀྱི་རླུང་ནང་དུ་དལ་གྱིས་རྔུབ་ལ། ཁུ་ཚུར་གཉིས་སྙིང་ག་ནས་སྨིན་མཚམས་ཐད་ཀྱི་ནམ་མཁར་འཕང་བ་དང་ཆབ་གཅིག་ངག་ནས་ཧཾ་ཞེས་རྩ་རླུང་ནང་དུ་ཤུགས་ཀྱིས་དྲངས་པའི་སྟོང་འདྲེན་དྲག་པོ་བྱ། དེའི་ཚེ་ཤེས་པ་སྤྱི་བོའི་ཧཾ་ལ་གཏད་དེ་ལུས་ཀྱི་རྩ་ཆེན་རྩ་ཆུང་རྩ་ཕྲན་ཐམས་ཅད་དབུ་མ་ཉིད་…

སྐུ་སྨད་ཟངས་ཕུར་རྣོ་དབལ་ཅན་སྐུ་དབྱིངས་རྩ་གསུམ་འཁོར་ལོ་ལྔ་ལྡན་གྱི་སྙིང་གའི་ཐད་ཀྱི་དབུ་མའི་ནང་ཁོངས་སུ་ཨོཾ་དཀར་ཨཱཿ་དམར་ཧཱུྃ་མཐིང་གསུམ་བརྩེགས་མར་གནས་པ། དེ་ལས་འོད་ཟེར་རྃ་ཡིག་དམར་པོ་རྡུལ་ཕྲན་ལྟ་བུས་མཚན་པ་གྲངས་མེད་མེ་ལས་མེ་སྟག་ཆད་པ་བཞིན་དུ་འཕྲོས་ཏེ་ལུས་ཀྱི་རྩ་ཆེན་རྩ་ཆུང་རྩ་ཕྲན་ཐམས་ཅད་ཏིལ་གྱི་གང་བུ་ཕུར་པ་ལྟ…

མོ་རྣམས་སར་བཙུག་པུས་མོ་ཕྱིར་བགྲད་ལ་གཞོག་གཡས་སུ་ལན་གསུམ་རྒུ། དེ་བཞིན་གཡོན་དུ་ལན་གསུམ་རྒུ་བའི་མཐར། འཕར་སྟངས་ཀྱིས་རྐང་པ་གཡས་བརྐྱང་པའི་འདོར་སྟབས་བགྲད། ལག་གཡོན་སྡིགས་མཛུབ་དཀུར་བརྟེན། གཡས་སྡིགས་མཛུབ་ནང་བསྐོར་གྱིས་ནུ་སྟེང་ནས་གཡས་ཕྱོགས་ཀྱི་ནམ་མཁར་ལན་གསུམ་འཕེན་ལ་འཕར་བསྡུ། ཡང་འཕར་སྟངས་ཀྱིས་རྐང་པ་གཡོན་བརྐྱང་པའ…

ཐལ་མོ་ཁ་སྦུབས་གཤིབས་ཏེ་ལུས་རྒུར་སྟབས་ཀྱིས་མདུན་དུ་གོམ་ཆུང་གསུམ་རྒྱུག་ཐོག་ནས་ཕྱིར་འཕར་གྱིས་རྒུར་འབེབས་གསུམ་བརྡབ། དེའི་ཚེ་སྔར་གྱི་སྙིང་གའི་ཨོཾ་ཡིག་འོད་དཀར་པོའི་རྣམ་པས་རྩ་ལ་ཐིམ། ཨཱཿཡིག་འོད་དམར་པོའི་རྣམ་པས་རླུང་ལ་ཐིམ། ཧཱུྃ་ཡིག་འོད་མཐིང་གའི་རྣམ་པས་ཐིག་ལེ་ལ་ཐིམ་པས་རླུང་ལྔ་ལོག་པ་རང་མལ་དུ་བསད། ཐིག་ལེ་དག་པ་ས…

འཁོར་ལོ་ལྔ་ལྡན་གྱི་སྙིང་གའི་ཐད་ཀྱི་དབུ་མའི་ནང་ཁོངས་སུ་ཨོཾ་ཡིག་མཐིང་གའི་མཐའ་སྐོར་མདུན་དུ་ཧཱུྃ་དཀར་པོ་གཡས་སུ་ཏྲཱྃ་སེར་པོ་རྒྱབ་ཏུ་ཧྲཱིཿ དམར་པོ་གཡོན་དུ་ཨཱཿལྗང་ཀུ་རྣམས་སྣུམ་འདྲིལ་འོད་ཕུང་གསལ་འཚེར་འབར་བ། དེ་ལས་འོད་ཟེར་ཁ་དོག་ལྔ་ལྡན་དཔག་ཏུ་མེད་པ་འཕྲོས་པས་ལུས་ཀྱི་ནང་ཐམས་ཅད་ཁྱབ་སྟེ་མ་དག་རྩ་རླུང་ཐིག་ལེའི་ཁམས་ར…

གཡས་བསྐུམ། རྐང་ལག་གཡོན་ཟུང་གི་སོར་མོ་རྣམས་ཕྲལ་ཏེ་ཤུགས་ཀྱིས་བར་སྣང་དུ་ལན་གསུམ་འཕངས་པས་གཡོན་ཕྱོགས་ཀྱི་རྩ་མདུད་རྣམས་ཁྲོལ་མར་ཞིག་པར་བསམ། ཡང་འཕར་སྟངས་ཀྱིས་གཡོན་ཕྱོགས་སུ་སྔར་བཞིན་ཉལ་ཏེ་རྐང་ལག་གཡས་བཟུང་ལན་གསུམ་འཕངས་པས་དེ་ཕྱོགས་ཀྱི་རྩ་མདུད་ཐམས་ཅད་གྲོལ་བར་བསམ་པ་དང༌། སླར་ཡང་འཕར་སྟངས་ཀྱིས་གན་རྐྱལ་དུ་ཉལ་ནས་རྐང་…

སྡེ་ཚོགས་རྡུལ་དུ་བརླག་པར་བསམ་ཞིང་ཐལ་མོ་དེ་ཕྱོགས་སུ་དབྱེ། དེ་བཞིན་གཡོན་ཕྱོགས་སུ་འདྲིལ་བས་འདོད་ཆགས་མོ་གདོན། མདུན་ངོས་སུ་འདྲིལ་བས་གཉན་དང་ས་བདག །འོག་ཏུ་ས་ལ་གདབ་ཚུལ་གྱིས་གཏི་མུག་ཀླུ་གདོན། སྟེང་དུ་འཕྱར་ཞིང་འདྲིལ་བས་ལྷ་གདོན་སྡེ་བརྒྱད་ཐམས་ཅད་བརླག་པར་བསམ། དེ་ནས་ཁུ་ཚུར་སྐོར་རྒྱང་ཐོག་སྔར་བཛྲ་ཀཱི་ལ་ཡའི་སྐབས་བཞི…

རྩ་འཁོར་གྱི་དབུས་སུ་ཆོས་འཁོར་རྩིབས་བརྒྱད་པའི་ལྟེ་བར་ཐིག་ལེ་དཀར་པོ་ཧཾ་ཡིག་གིས་མཚན་པ་དང་། གསང་གནས་ཀྱི་འཁོར་ལོའི་དབུས་སུ་ཐིག་ལེ་སམར་པོ་ཨ་ཤད་ཀྱིས་མཚན་པ་བཅས་གསལ་ལ། རླུང་ཁུག་གསུམ་བཟུང་བའི་ཚེ་ཨ་ཤད་ལས་མེ་ཁྱུར་གྱིས་འབར་བ་ཡར་མཆེད་དེ་སྤྱི་བོའི་ཧཾ་ལ་རེག་པས་དེ་ལས་བྱང་སེམས་བདུད་རྩིའི་རྒྱུན་སྨྱུག་སྦུབས་ནས་ཆུ་དྲངས་…

ལྡོག་པས་མཆོག་དགའ། ལོངས་སྤྱོད་འཁོར་ལོར་ལྡོག་པས་ཁྱད་དགའ། བདེ་ཆེན་འཁོར་ལོར་ལྡོག་པས་ལྷན་ཅིག་སྐྱེ་ས་དགའི་ཡེ་ཤེས་སྐྱེས་བརྟན་གོང་འཕེལ་དུ་བྱས། མེ་དང་ཐིག་ལེ་གཉིས་སུ་མེད་པར་མཆེད་དེ་སྒོ་གསུམ་ཡོངས་ལ་ཁྱབ་པས་བདེ་སྟོང་ཟག་པ་མེད་པའི་ཡེ་ཤེས་ཉམས་སུ་མྱོང་བར་བསམ་ཞིང༌། ལངས་ཏེ་ཁུ་ཚུར་བསྐོར་རྒྱང་ཐོག་ཐལ་མོ་གཉིས་ཐག་སྒྲ་དང་བཅ…

ལག་གཡས་འོག་དང་གཡོན་སྟེང་དུ་བྱས་པའི་ལག་རྒྱབ་བསྣོལ་ལ་སྔར་བཞིན་འཁོར་ལོའི་རྒྱ་བྱས་པ་ཕྲག་པ་གཡོན་གྱི་སྟེང་ནས་གཡོན་དུ་ལན་གསུམ་བསྐོར་ཞིང༌། འཕར་སྟངས་ཀྱིས་རྐང་གཡོན་བརྐྱང་པའི་གྱད་སྟབས་དང་ལག་གཡས་སྡིགས་མཛུབ་དཀུར་བརྟེན། གཡོན་སྡིགས་མཛུབ་ནང་བསྐོར་ནུ་ཐད་ནས་མདུན་གྱིས་གཞིར་གཟིར་ཏེ་ཕཊ་བརྗོད། དེ་ལྟར་གཡས་གཡོན་སྤེལ་མ་ལན་ག…

སྐུ་དབྱིངས་རྩ་གསུམ་འཁོར་ལོ་ལྔ་ལྡན་དུ་གསལ་ལ། ལངས་ཏེ་ཁུ་ཚུར་བསྐོར་རྒྱང་གིས་སྡིགས་མཛུབ་ནམ་མཁར་འཕང་ལ་ཧཱུྃ་ཞེས་རླུང་ལྟེ་འོག་ཏུ་མནན། དེ་ཐོག་ནས་ལུས་རྒུ་བཞིན་སྡིགས་མཛུབ་སྦུབས་པ་རྐང་པའི་བོལ་གོང་ལ་མ་རེག་ཙམ་ནས་ཧུ་ཞེས་སྟོང་འདྲེན་དང་བཅས་རྐང་པའི་བར་ནས་གྱེན་དུ་ཤད་དེ་སྙིང་གའི་ཐད་ནས་སྟེང་གི་ནམ་མཁར་འཕང་བ་ལན་གསུམ། དེ་…

ཏེ་ཁུ་ཚུར་སྦུབས་རྒྱང་ལན་གསུམ་འཕང་རྗེས། འཕར་སྟངས་ཀྱིས་རྐང་པ་གཡོན་བརྐྱང་པའི་གྱད་སྟབས་བགྲད། ལག་གཉིས་མཛུབ་མོ་དང་སྲིན་ལག་ནང་དུ་བསྐུམ་ཞིང་གཞན་གསུམ་བརྐྱང་པ་ཏྲི་ཤུལ་གྱི་རྒྱ་སྙིང་གར་བསྣོལ་ནས་འགྲོལ་བ་དང་སྦྲགས་གཡས་གཡོན་སོ་སོའི་དཔུང་པའི་ཐད་ཀྱི་བར་སྣང་ལ་བསྣུན་ཚུལ་བྱ། ཡང་སྙིང་གར་བསྣོལ་ཏེ་གཡས་གཡོན་དུ་བསྣུན་ཚུལ་གོང…