ཕུར་པ་བདུད་འཇོམས་གནམ་ལྕགས་སྤུ་གྲིའི་རྫོགས་རིམ་རྩ་རླུང་འཁྲུལ་འཁོར་གྱི་ལག་ཁྲིད་ཟླ་བ་གཅིག་གི་དབང་དུ་བྱས་ན། ཁྲིད་རྐང་ས་བཅད་དགུ་ལས། དང་པོ་རླུང་བུམ་པ་ཅན། གཉིས་པ་གཏུམ་མོ། གསུམ་པ་འབར་འཛག བཞི་པ་ཡན་ལག་ལྔ་སྦྱོང༌། ལྔ་པ་གཙོ་བོ་དང་སྒྲོལ་ཡུམ། དྲུག་པ་ཀཱི་ལ་རིགས་ལྔ། བདུན་པ་སྟེང་དང་ཕྱོགས་བཞིའི་ཁྲོ་བོ། བརྒྱད་པ་འོག་དང་…

ཁྲིད་དཔོན་ལ་རྒྱུག་འབུལ་དགོས་ཤིང༌། ཕྱིར་ནངས་གྲོལ་ཉིན་སྔ་ཐུན་འཁྲུལ་འཁོར་ཡོངས་རྫོགས་ཀྱི་རྗེས་ཐོག་དགེ་བ་བསྔོ་ཞིང་ཤིས་པ་བརྗོད་པའི་མཐར་བཀྲ་ཤིས་བསྐོར་འབེབས་བརྡབ་པ་བཅས་ཀྱིས་ལེགས་པར་གྲུབ། དེ་ཉིན་བླ་མ་ཡི་དམ་མཁའ་འགྲོ་ཆོས་སྐྱོང་ལ་གཏང་རག་གི་ཚོགས་སྐོང་གང་ལྕོགས་གྲུབ་ན་ཤིན་ཏུ་ལེགས། གང་ལྟར་གསང་སྤྱོད་གཞན་གྱིས་མཐོང་ཚོ…

༄༅། །ཕུར་པ་བདུད་འཇོམས་གནམ་ལྕགས་སྤུ་གྲིའི་རྫོགས་རིམ་རྩ་རླུང་ཐིག་ལེའི་མན་ངག་གི་སྦས་དོན་ཟབ་ཁྲིད་རིག་འཛིན་ཌཱ་ཀིའི་ཐུགས་བཅུད་བཀའ་རྒྱ་ཅན་ཞུགས་སོ། །

ཨོཾ་སྭསྟི། རྡོ་རྗེ་ཉི་མ་དགའ་བའི་ལང་ཚོའི་ལྕེས། །བདེ་ཆེན་ཟླ་བའི་བདུད་རྩི་བཞུས་པའི་རོ། །རྟག་ཏུ་དགྱེས་རོལ་བླ་མ་ཧེ་རུ་ཀས། །ཡིད་ལ་འཕོ་མེད་མཆོག་བདེའི་བཀའ་དྲིན་སྩོལ། །འདིར་ཕུར་པ་བདུད་འཇོམས་གནམ་ལྕགས་སྤུ་གྲིའི་རྫོགས་རིམ་རྩ་རླུང་ཐིག་ལེའི་མན་ངག་གི་སྦས་དོན་སྙིང་པོའི་ཟབ་ཁྲིད་ཐུན་མོང་མ་ཡིན་པ་ཉམས་སུ་ལེན་པའི་ཚུལ་རྗེ…

ན་མི་མཐུན་པའི་ཕྱོགས་འཇོམས་པར་བྱེད་པས་ན་གཏུམ་མོ་སྟེ། ཕྱིའི་གཏུམ་མོས་གདོན་སྟོང་ཕྲག་བརྒྱད་ཅུ་རྩ་བཞི་འཇོམས། ནང་གི་གཏུམ་མོས་ནད་བཞི་བརྒྱ་རྩ་བཞི་འཇོམས། གསང་བའི་གཏུམ་མོས་ཉོན་མོངས་པ་བརྒྱད་ཁྲི་བཞི་སྟོང་འཇོམས། དེ་ཁོ་ན་ཉིད་ཀྱི་གཏུམ་མོས་རང་བྱུང་ལྷན་སྐྱེས་ཀྱི་ཡེ་ཤེས་ངོ་སྤྲོད་པར་བྱེད་པའོ། །གཏུམ་མོའི་ངོ་བོ་ནི་རྡོ་ར…

རྒྱུན་གཅོད་པའི་ཕྱིར། ཡེ་ཤེས་ཀྱི་མེ་དང་དོན་དམ་པའི་མེ་ཞེས་བྱའོ། དེ་ཉམས་སུ་ལེན་པ་ལ་ཐོག་མར་རླུང་གི་རྣལ་འབྱོར་དང་གཏུམ་མོའི་བདེ་དྲོད་ཀྱི་གཞི་བཅའ་བ་བཅས་རྩ་བའི་གཞུང་བཞིན་འབད་དེ་དྲོད་ཚད་ཅི་རིགས་རྙེད་པ་ན། འདི་ཉིད་ཀྱི་རྣལ་འབྱོར་རྩེ་གཅིག་ཏུ་བྱེད་པའི་སྙིང་རུས་ཅན་ལ་རས་རྐྱང་ཐུབ་པའི་གདམས་ངག་ཐུན་མོང་མ་ཡིན་པ་ནི། ལུས་…

རི་འབར་བ་ལ་ཤེས་པ་གཏད་དེ་རླུང་བཟུང་། ཕོ་བསྐོར་བརྡབ་སྤྲུགས་སོགས་བྱ། ཡང་མེ་རིམ་བཞིན་འཁོར་ལོ་རྣམས་བརྒྱུད་དེ་ལུས་ནང་ཐམས་ཅད་ཁེངས། རླུང་ཕྱིར་འཛིན་ནང་འཛིན་སྤེལ་མར་བཟུང་སྟེ་བརྡབ་སྤྲུགས་བྱ། དེ་ནས་བ་སྤུའི་བུ་ག་རྣམས་ནས་ཕྱིར་མེ་ལྕེ་དམར་ཉུག་ཉུག་བྱུང་བར་བསམ་ལ། རླུང་དང་དམིགས་པ་དྲག་ཏུ་གཅུན། དེ་ནས་གང་མཐོང་བའི་ཡུལ་ཁམས…

ནང་མེད་པར་མེ་དཔུང་དུ་དམར་འུར་འུར་འབར་བས་རྩ་གནས་ཀྱི་དཔའ་བོ་མཁའ་འགྲོ་མ་རྣམས་ཏིལ་གྱི་གང་བུ་བཞིན་བཞུགས་པ་ཐམས་ཅད་ཀྱང་བདེ་དྲོད་མེ་དཔུང་གི་དབུས་ན་གར་བྱེད་ཅིང་། དེར་མ་ཟད་གནས་གསུམ་གྱི་དཔའ་བོ་མཁའ་འགྲོ་ཐམས་ཅད་ཀྱང་བདེ་བས་ཐུགས་བརྒྱུད་བསྐུལ། བ་སྤུའི་བུ་ག་རྣམས་ནས་མེ་དམར་ལྷབ་ལྷབ་འབར་བའི་སྣེ་ལ་བྱོན་ཏེ་གར་བྱེད་ཅིང་མེ…

དང་པོ་དྲོད་སྣང་འཆར་ཡང་གྲང་པོ་མི་བྱ། བར་དུ་སུན་ཉམས་འོང་ཡང་འཕྲོ་མི་བཅད། མཐར་གོམས་པ་དང་གཉུག་བསྲིང༌། དྲོད་ཚད་གཏན་ལ་ཕེབས་ནས་ཀྱང་བཙན་ཐབས་སུ་འཕྲོ་མི་གཅོད་པར་སྦྲུལ་མཇུག་ལྟར་རྒྱུན་ནར་གྱིས་འཕྲོ་བཅད། སྐབས་སྐབས་སུ་ལུས་ལ་ཁྱད་པར་གྱི་རྫས་དང་སྦྱར་བའི་སྣུམ་མམ། མ་འབྱོར་ན་སྣུམ་རྐྱང་པས་བྱུག་པ་བྱས་ལ་འཕུར། དྲོད་སྐྱེས་མཚམ…

ནི། ཕྱི་རྟགས་སུ་དུ་བ་དང་སྨིག་སྒྱུ་ལ་སོགས་པའི་མཐོང་སྣང་སྣ་ཚོགས་པ་འཆར། ནང་ལྟར་རླུང་བྱང་ཆུབ་ཀྱི་སེམས་སུ་ཞུགས་པའི་རྟགས་སུ་རླུང་ཇེ་རིང་དུ་འགྲོ་ཞིང་བདེ་དྲོད་མགོ་གཡོ། གནས་པའི་རླུང་རྟགས་འགྲོ་འོང་མེད་པ་སྙམ་བྱེད་ཀྱང་བརྟག་ན་རིག་ཅིང་བདེ་དྲོད་སྐྱེ། ཐིམ་པའི་རྟགས་སུ་རླུང་རྒྱུ་བ་འགག་ཅིང་བདེ་དྲོད་འབར། དེ་ནས་རླུང་ལས་…

འབྱུང་བ་སྙོམས་པས་ནད་མི་འབྱུང༌། ནང་དུ་རླུང་སེམས་འདུས་པའི་རྟེན་འབྲེལ་གྱིས་ཕྱིའི་སྣང་བ་དབང་དུ་འདུ་ཞིང་མངོན་ཤེས་འཆར་བ་སོགས་ཀྱི་ཡོན་ཏན་འབྱུང་བ་ཡིན་ནོ། །ཞར་ལ་དབང་པོ་ཐ་མ་རྫས་ཀྱི་གཏུམ་མོ་ནི། གཡག་རྒོད་ཀྱི་མཁྲིས་པ་དྲོད་མ་ཡལ་བ་ལ་སྨན་ཚ་བ་གསུམ། སྔོ་ཚ་བ་གསུམ། ཛཱ་ཏི། རྒྱ་གཡེར། ཆང་ཕབ་རྣམས་བཏབ་ལ་སྐམ། ཕྱེ་མ་ཞིབ་མོ་ཚི…

རྣལ་འབྱོར་ལ་ཉམས་མྱོང་ཇི་ལྟར་རིགས་པ་སྐྱེས་ནས་འདི་ཉིད་ཀྱི་ཉམས་ལེན་ལ་འཇུག་པ་ན། བདེ་བའི་སྟན་ལ་བསམ་གཏན་གྱི་ཆོས་དང་ལྡན་པས་འཁོད་དེ། རང་ཉིད་སྐད་ཅིག་གིས་སེམས་ཀྱི་ངོ་བོ། བདེ་བའི་རང་བཞིན། དྭངས་མ་རླུང་གི་རང་རྩལ་དཔལ་ཆེན་རྡོ་རྗེ་གཞོན་ནུ་ཧེ་རུ་ཀ་རྗེས་སུ་ཆགས་པའི་སྐུ་མདོག་པདྨ་རཱ་ག་ལྟར་དམར་ཞིང༌། ཁྲོ་ཆགས་སྒེག་པའི་གཟི་…

རྩ་འཁོར་གྱི་སྟེང་དུ་བྱང་སེམས་ཐིག་ལེའི་རང་བཞིན་ཧྃ་མགོ་ཐུར་བསྟན་དང༌། འཁོར་ལོའི་ལྟེ་བར་ཧྃ་གྱེན་བསྟན་དཀར་པོ། མགྲིན་དབུས་ཨོཾ་དམར་པོ། སྙིང་དབུས་ཧཱུྃ་སྔོན་པོ། ལྟེ་དབུས་ཨཱཿདམར་སེར། གསང་གནས་སུ་ཧོཿ ལྗང་གུ། ནོར་བུའི་རྩ་བར་ཨཱཿ སྐེད་པར་ཧཱུྃ། རྩེ་མོར་ཨོཾ། རྩ་འདབ་རྣམས་ལ་ལྷའི་ངོ་བོ་བདེ་བའི་རང་བཞིན་ཐིག་ལེ་དཀར་དམར་འོ…

ཞེས་ལན་བཏབ་སྟེ། མཆོག་ཏུ་དགའ་བའི་མིག་ཟིམ་བུར་ལྟ་བ། སིད་དང་ཧ་ལ་སོགས་པའི་སྒྲ་དབྱུང་བ། དྲི་ཞིམ་པོས་ཁྱབ་པ། ཡན་ལག་དང་ཉིང་ལག་ལ་རེག་ཅིང་འོ་བྱ་བ། མཆུ་དང་ལྕེ་འཇིབ་པ་སོགས་ཀྱིས་ཆགས་པ་ཆེས་ཆེར་བསྐུལ་ཏེ། ཆུ་སྐྱེས་མཆོག་ཏུ་རྒྱས་པའི་གསང་རྩ་ངོམ་ཞིང་བདུད་རྩིའི་ཟིལ་པ་དང་བཅས་ཏེ་པང་དུ་སླེབས་པ་ན། སྐད་ཅིག་གིས་འཁོར་ལོ་རྒྱས་འ…

བོའི་ཧཾ་ལས་བྱང་ཆུབ་སེམས་ཀྱི་རྒྱུན་བབས། རྩ་ཁམས་གཞན་གྱི་དྭངས་མ་རྣམས་ཀྱང་ལྷན་ཅིག་ཏུ་འདུས་ཏེ་སྨིན་མཚམས་ཡན་གྱི་དབུ་མའི་ནང་གང་བས་དགའ་བའི་ཡེ་ཤེས་སྐྱེས། དེ་ལས་ཆེར་འཕེལ་ཏེ་སྨིན་མཚམས་ཡན་ཆད་ཀྱི་རྩ་ཁམས་ཐམས་ཅད་ལ་ཁྱབ་པས་དགའ་བ་མཐར་ཕྱིན་པར་བསམ་ཞིང༌། སྤྱི་བོའི་བུམ་པ་ཅན་དྲག་ཏུ་གཅུན། མཐར་རྣམ་པར་མི་རྟོག་པའི་ངང་ལ་རེ་ཞིག…

ཚིག་རྣམས་བསྐུམ། ལྟོ་བ་སྒལ་པར་བརྡབ། ལྕེ་རྩེ་དང་མིག་གྱེན་དུ་ཕྱོགས་པ་ལུས་འཁྲུལ་འཁོར་གྱི་འདྲེན་དང༌། གསང་རླུང་གྱེན་དུ་དྲང་ཞིང་ཧཱུྃ་རིང་གི་སྒྲ་བྱ་བ་ངག་གདངས་ཀྱི་འདྲེན་དང༌། ཤེས་པ་སྤྱི་བོའི་ཧཾ་ལ་གཏད་པས་ཐིག་ལེ་རྣམས་སོག་སྦུབས་ནས་ཆུ་དྲངས་པ་ལྟར་དཀར་ཕྲི་ལི་ལི་གྱེན་ལ་བཙན་ཐབས་སུ་ལྡོག་པར་བསམ་པ་ཡིད་དམིགས་པའི་འདྲེན་ཏེ…

ཉམས་རྩལ་ཆེར་འབར་ཞིང་ཅུང་ཟད་འབྱོངས་པའི་མཚན་མ་མཐོང་བ་ན། བོགས་འདོན་ཤཁ་མཟི་འཁྲུལ་འཁོར་ལ་བསླབ་པ་ནི། སྟན་བདེ་བར་རྐང་པ་སེམས་སྐྱིལ་དང༌། ལག་གཉིས་རྡོ་རྗེའི་ཁུ་ཚུར་བཅང་པ་བུས་སྟེང་དུ་བཞག་ལ་འཁོད། དམིགས་གནད་རྣམས་གོང་ལྟར་ལ་དམིགས་བསལ་སཀ་ཁི་ཤཁ་ཁཞར་སྦྱོར་ཡུམ་དང༌། རོས་པོ་ཤྐ་ཐེ་ཟི་བྷ་གར་བསམ། ཤཁ་ཁ་ཞར་ཏིལ་མར་རམ་རླན་གྱིས་…

ཆེར་བསྐྱོད་དེ་བྱང་སེམས་རྡོ་རྗེ་ནོར་བུའི་རྩེ་མོར་སླེབས་པ་ན་གོང་བཞིན་འདྲེན་དགྲམ་གྱི་རླུང་དང་འཁྲུལ་འཁོར་ལ་བརྟེན་ནས་ཐིག་ལེ་འཕོ་མེད་དུ་བཅིང་སྟེ་སླར་ལུགས་ལྡོག་གི་དགའ་བཞིའི་མཐར་ཐུག་པའི་བདེ་སྟོང་གི་ངང་བསྐྱང་ངོ༌། །དེའང་གཞན་ལུས་བསྟེན་པའི་འོས་སུ་མ་གྱུར་པའི་རྣལ་འབྱོར་པ་ཚངས་སྤྱོད་ཀྱི་སྡོམ་པ་དཀའ་ཐུབ་ལ་གནས་པ་དག་གི…

དགོས་པ་ཡིན། དེའང་པདྨ་ཅན་ནི་རྩ་བཟང་བས་བདེ་བ་ལྷག་པར་སྐྱེད་ཅིང་ཆོས་ཉིད་གསལ་བས་རབ་ཡིན་ལ། རི་མོ་ཅན་དང་དུང་ཅན་མ་དང་གླང་སྣ་ཅན་དང་རི་དྭགས་མ་བཞི་ནི་རྩ་སྔ་མ་ལས་དམན་པས་འབྲིང་དུ་བཤད། དེ་ལ་པདྨ་ཅན་གྱི་མཚན་ཉིད་ནི། ཕྱི་རྟགས་བཞིན་རས་ཟླུམ་པོ་སྔོ་སང་ངམ་པདྨའི་མདོག་ཅན། སྐྲ་སེར་ཞིང་ལི་བ། རུས་སྦལ་ལྟར་ཆུ་ཞེང་གབ་པའི་ལུས་དབྱ…

བཞིན་རས་ཡིད་དུ་འོང་བ། སྐྲ་ནག་ལ་རིང་བ་དང་སྣའི་རྩེ་མོའང་ལེབ་མོར་མིན་པར་རིང་ཞིང་ནུ་མ་རྒྱས་ལ་མཁྲེགས་པ། གསང་རྩ་དུང་ལྟར་འཁྱིལ་བ་སྟེ་རིན་ཆེན་རིགས་སོ། །གླང་སྣ་ཅན་ནི། ལུས་བོང་ཆེ་ཞིང་བྱིན་པ་སྦོམ་པ། སྐྲ་ངན་ལ་བཞིན་རས་ཀྱི་གདངས་གསལ་བ། ངོ་ཚ་ཆུང་བའི་ཆགས་པ་དང་ལྡན་ལ་ལུས་ལས་ཆང་དྲི་མནམ་པ། གསང་རྩ་གླང་ཆེན་སྣ་ལྟར་བལྟབས་པ་…