ཨོཾ་སྭསྟི། [རྟ་མགྲིན་ཡང་ཁྲོས་ནག་པོའི་རྩ་སྒྲུབ་སྲུང་བའི་འཁོར་ལོ་རྒྱུན་གྱི་རྣལ་འབྱོར་དུ་བྱ་བ་ལ། སྦྱོར་བ་སྐྱབས་སེམས་ནི།] ན་མོ། བླ་མ་མཆོག་གསུམ་ཡི་དམ་ལྷར། །གུས་པས་སྐྱབས་མཆི་མཁའ་མཉམ་འགྲོ། །བླ་མེད་བྱང་ཆུབ་མཆོག་ཐོབ་ཕྱིར། །རྟ་མགྲིན་ཡང་ཁྲོས་བསྒོམ་པར་བགྱི། །[ལན་གསུམ། དངོས་གཞི་བསྐྱེད་བཟླས་ནི།] ཧཱུྃ་ཧཱུྃ་ཧཱུྃ༔ ཧ…

སྦྲུལ་ཞགས་ཐོད་ཁྲག་བསྣམས༔ ཞལ་གདངས་ལྗགས་འདྲིལ་མཆེ་བ་གཙིགས༔ ཤངས་ནས་ཕག་སྡིག་ཁྱུང་ཆེན་འཕྲོ༔ སྦྱན་གསུམ་སྡང་མིག་གཡོ་ཞིང་འཁྲུགས༔ སྨ་ར་སྨིན་མ་མེ་ཞགས་འཕྲོ༔ དབུ་སྐྲ་དམར་སེར་སྲིད་རྩེར་བརྗེས༔ སྤྱི་བོར་རྟ་མགོ་ལྗང་ཞུར་མཚེར༔ དུར་ཁྲོད་ཆས་བརྒྱད་སྐུ་ལ་རྫོགས༔ དར་ནག་བེར་ཆེན་བརྗིད་པར་གསོལ༔ ཞབས་གཉིས་གྱད་ཀྱི་འདོར་ཐབས་བགྲད༔…

གསུམ་མ་ལུས་དབང་སྡུད་ཅིང་༔ སྲིད་པ་གསུམ་པོ་ཟིལ་གྱིས་གནོན༔ སྐུ་དབུས་དྲང་པོར་རྩ་དབུ་མ༔ དཀར་དམར་མཐིང་གསུམ་མདངས་ལྡན་སྦུབས༔ འཇམ་དཔལ་མཐིང་ནག་རལ་གྲི་དང་༔ གཡོན་པས་བརྒྱད་སྟོང་གླེགས་བམ་བསྣམས༔ འཁོར་ལོ་ལྔ་ཡི་དང་པོ་ནས༔ རིམ་བཞིན་བུདྡྷ་པདྨ་དང་༔ རྡོ་རྗེ་རིན་ཆེན་ཀརྨའི་རིགས༔ ཁྲག་འཐུང་ཡབ་ཡུམ་དཀར་དམར་མཐིང་༔ སེར་དང་ལྗང་ནག…

བཞིན་གང་བར་བསམ༔ བུ་ག་དགུ་དང་བ་སྤུའི་སྒོར༔ མེ་ཁྱུང་ལྕགས་སྡིག་ཕག་ནག་དང་༔ རླུང་མེ་བཙན་དུག་ངད་རླངས་ནི༔ སེར་རླུང་འཚུབས་ལྟར་རབ་འཕྲོས་པས༔ ནད་རིམས་གདོན་བཅས་བརླག་པར་བསྒོམ༔ གདོད་ནས་དམ་ཡེ་གཉིས་སུ་མེད༔ རང་སྣང་རང་ལ་དབང་བསྐུར་ཐོབ༔ རྡོ་རྗེ་གསུམ་གྱི་ཕྱག་རྒྱས་གདབ༔ ཨོཾ་ཨཱཿཧཱུཾ༔ ཐུགས་ཀར་པདྨ་ཉི་ཟླའི་སྟེང་༔ ཡེ་ཤེས་སེམས་…

དང་སྒྲ་གྲགས་སྔགས༔ དྲན་རྟོག་ཆོས་ཉིད་རོལ་པར་གསལ༔ མདོར་ན་འཁོར་འདས་དབང་དྲག་དལ༔ དབྱིངས་དང་དགོངས་པ་རོ་གཅིག་ངང་༔ [ཞེས་གོང་གི་སྙིང་པོ་ཉིད་བཟླ་བ་སྒྲུབ་པའི་ཚུལ་དང༌།] ཧཱུྃ༔ དབང་དྲག་རོལ་པའི་དཀྱིལ་འཁོར་ནས༔ ཁྲག་འཐུང་འབར་བའི་ལྷ་ཚོགས་ཀྱི༔ ཐུགས་ཀར་སྔགས་ཕྲེང་རབ་ཏུ་འཁོར༔ བཟླས་པས་ལྷ་ཚོགས་དབྱིངས་ནས་བསྐུལ༔ དབྱིངས་དང་དགོང…

ཡ་ཕཊ༔ [འདིའི་བསྙེན་ཚད་འབུམ་ཕྲག་བདུན་ནོ། །]ཨོཾ་པདྨ་ནྟ་ཀྲྀ་ཏ་ཧྱ་གྲཱི་ཝ་ཛྲ་པཱ་ཎི་ཡ་མཱནྟ་ཀ་ཁྲོཾ་ག་རུ་ཌ་ཡཀྴ་ཡཀྴ་མ་ཧཱ་ཀྲོ་དྷ་ཤྲཱི་ཧེ་རུ་ཀ་ཧཱུྃ་ཕཊ༔ སརྦ་ཛྭ་ར་པྲ་ཤ་མ་ནི་སྭཱ་ཧཱ༔ ཀ་ལ་རཱུ་པ་ཨ་མུ་ཀ་དུ་ཏྲི་ཛྭ་ལ་རཾ་རཾ་མཱ་ར་ཡ་རྦད་སོད་ནན་ཕཊ༔ ཨོཾ་པྲ་སོད༔ དུར་རྟ་སོད༔ དུར་མི་སོད༔ གཉན་མགོ་ལ་ཆོད༔ ཁ་ལ་ཛཿ་ཀཾ་ཤཾ་རྦད་ཕཊ༔ ཨོཾ…

དབང་དྲག་རྟ་མགྲིན་ཡང་ཁྲོས་ནག་པོའི་སྨད་ལས་ཐོགས་མེད་གནམ་ལྕགས་རྡོ་རྗེའི་འཕྲུལ་འཁོར་ཞེས་བྱ་བ་བཞུགས་སོ། །

ཤྲཱི་བི་ཛ་ཡནྟུ། དྲག་གཏུམ་ཁྲོས་པའི་སྡང་མིག་གཟིར་ཙམ་གྱིས། །སྲིད་གསུམ་གདུག་པའི་སྙིང་རྩ་འཐོར་མཛད་པ། །བླ་མ་དབང་ཆེན་ཡང་ཁྲོས་ནག་པོ་ཡིས། །བདུད་སྡེའི་གཡུལ་ལས་རྒྱལ་བའི་ཤིས་པ་སྩོལ། །[དེའང་དབང་ཆེན་དྲག་པོ་རྟ་མགྲིན་ཡང་ཁྲོས་ནག་པོའི་ཕྲིན་ལས་མངོན་སྤྱོད་དྲག་པོའི་གཟེར་ཁ་ཟབ་མོ་ལག་ཏུ་ལེན་པ་ལ། སྤྱིར་ལྟ་བའི་གདིང་དང་ལྡན་ཅི…

གསུམ་མམ་ཟླ་བ་གང་ཡང་རུང་བའི་མར་ངོའི་གཟའ་སྐར་ཚེས་གྲངས་སོགས་དྲག་ཅིང་རྩུབ་པའི་དུས་སམ་གློ་བུར་གྱི་ཚེ་ནའང་རུང་སྟེ་ནམ་སྐབས་སུ་བབས་པ་ན་བརྩམ་པར་བྱའོ། །དེས་ན་དེའི་ཚུལ་ལ་གསུམ། སྔོན་འགྲོ་བཅས་གཤོམ། ཆོ་ག་དངོས་གཞི། རྗེས་ཀྱི་བྱ་བའོ། །][དང་པོ་ནི། གང་དུ་བྱ་བའི་གནས་དེར་དམ་ཚིག་གི་རྟེན་དགྲམ་ཞིང་སྤྱན་གཟིགས་ཇི་སྙེད་པ་བཀོད…

སྟེ་ནུབ་བྱང་གི་ཟུར་ཐིག་དང་བྱང་གི་རྩ་ཐིག་བར་གྱི་ཟླུམ་ཐིག་ཆ་གསུམ་དུ་བགོས་པའི་ཆ་གཉིས་བྱང་དང་ཆ་གཅིག་ནུབ་ཏུ་བོར་བའི་འཕྲད་མཚམས་ནས་ཆོས་འབྱུང་གི་གཡོན་གྱི་ལོགས་ཐིག་བཏབ། དེ་བཞིན་དུ་ལྷོ་དང་ནུབ་ཀྱི་བར་ལ་གཡས་དང༌། དེ་གཉིས་རྩེ་སྦྲེལ་བས་རྒྱབ་ཀྱི་ལོགས་ཐིག་འབྱུང་ངོ༌། །ཟུར་གསུམ་དུ་སོར་གཉིས་རེ་བསྣན་པའི་རྩེ་རྣམས་སྦྲེལ་ཏ…

པ་འགོད། འདིར་ཐུན་མོང་མ་ཡིན་པའི་ལས་སྦྱོར་དྲག་པོའི་རྣོ་མདེའུ་སྦྱོར་བར་འདོད་ན་གཙོ་གཏོར་གྱི་གཡས་གཡོན་མདུན་གསུམ་དུ་ལྕགས་སྣོད་ལ་སོགས་པར་ཕག་སྡིག་ཁྱུང་གསུམ་གྱི་ཟོར་གཏོར་ལག་ལེན་བཞིན་འདུ་བགྱིས་པ་འགོད། མཐའ་སྐོར་དུ་ཕུང་ས་སྣ་ཚོགས་རྔ་མོང་ཁྱི་ཕག་སྤྱང་ཀིའི་བྲུན་དང་དུག་ཁྲག་གིས་སྦྲུས་པའི་ཀོང་བུ་གྲུ་གསུམ་གདེང་ཀ་ཅན་ཁ་ད…

བྱད་ཐག །མྱོས་བྱེད་ཀྱི་དུག་ཁྲག །ཕྱེ་གསུམ་སོགས་དུག་ཁྲག་དང་སྦྱར་བའི་ཐུན་རྫས། གདབ་པའི་ཕུར་པ། གྲི་ལྕགས་ཀྱི་རལ་གྲི། ཐོ་བ། ཧོམ་གཟར་དང་བཅས་པ་བཤམ། གཞན་ཡང་ཐུན་གཏོར། གསེར་སྐྱེམས། གཏོར་མ་དང་ཚོགས་ཀྱི་ལོངས་སྤྱོད། སྤོས་དང་རོལ་མོའི་བྱེ་བྲག་སོགས་ཉེ་བར་མཁོ་བའི་ཡོ་བྱད་ཐམས་ཅད་མ་ཚང་བ་མེད་པར་འདུ་བྱའོ། །][གཉིས་པ་ཆོ་ག་དངོས…

བྱིན་གྱིས་བརླབ་པ་ནས་བར་པ་བཤགས་པའི་མཐར་ཐུག་པར་བཏང་ངོ༌། །][གཉིས་པ་དྲག་པོའི་ལས་ཀྱིས་གཡུལ་འགྱེད་པ་ལ། སྔོན་དུ་བྱ་བ་གསུམ། བར་དུ་བྱ་བ་ལྔ། རྗེས་སུ་བྱ་བ་དྲུག་གི །སྔ་མ་ལ་གསུམ་ལས།][དང་པོ་ཐུགས་དམ་བསྐུལ་བ་ནི།] ཧཱུྃ་ཧཱུྃ་ཧཱུྃ༔ ཧྲཱིཿ ནུབ་ཕྱོགས་བདེཆེན་དག་པའི་ཞིང་ཁམས་སུ༔ དབང་དྲག་རོལ་པའི་དུར་ཁྲོད་ཆེན་པོ་ནས༔ རྟ་མགྲིན་…

གཏི་མུག་ལས་བྱུང་དགྲ་བགེགས་གནོད་བྱེད་ཀུན༔ མངོན་སྤྱོད་དྲག་པོས་འགུགས་སྒྲོལ་ཕྲིན་ལས་མཛོད༔ ཐུགས་དམ་གནད་ནས་བསྐུལ་ལོ་ས་མ་ཡ༔ རྣལ་འབྱོར་ཡིད་ལ་རེ་བའི་འདོད་དོན་སྐོངས༔ ཧཱུྃ་ཨཱཿ ལོངས་སྤྱོད་འཁོར་ལོ་བདེ་བ་ཆེན་པོའི་ཞིང་༔ དམར་ནག་ཟླ་གམ་གདེངས་པའི་གཞལ་ཡས་སུ༔ སོར་རྟོག་ཡེ་ཤེས་པདྨ་ཧེ་རུ་ཀ༔ རྟ་མགྲིན་ཡང་ཁྲོས་ནག་པོའི་སྐུར་བཞ…

ཕྲིན་ལས་ལྷུན་གྲུབ་གཞལ་ཡས་ནས༔ མཉམ་ཉིད་ཡེ་ཤེས་རཏྣ་ཧེ་རུ་ཀ༔ རྟ་མགྲིན་ཡང་ཁྲོས་ནག་པོའི་སྐུར་བཞེངས་ཤིག༔ ང་རྒྱལ་ལས་བྱུང་དགྲ་བགེགས་གནོད་བྱེད་ཀུན༔ མངོན་སྤྱོད་དྲག་པོས་འགུགས་སྒྲོལ་ཕྲིན་ལས་མཛོད༔ ཐུགས་དམ་གནད་ནས་བསྐུལ་ལོ་ས་མ་ཡ༔ རྣལ་འབྱོར་ཡིད་ལ་རེ་བའི་འདོད་དོན་སྐོངས༔ ཧཱུྃ་ཧཱ༔ བདེ་སྐྱོང་འཁོར་ལོ་ལས་རབ་རྫོགས་པའི་ཞིང་…

ཐུགས་དམ་གནད་ནས་བསྐུལ་ལོ་ས་མ་ཡ༔ རྣལ་འབྱོར་ཡིད་ལ་རེ་བའི་འདོད་དོན་སྐོངས༔ འགྲོ་བའི་མགོན་པོའི་དགོངས་སྤྱོད་དབྱིངས་ནས་བཞེངས༔ གསང་ཆེན་དབང་གི་དཀྱིལ་འཁོར་རོ་མའི་སྦུབས༔ ཧྱ་གྲཱི་ཝའི་ཐུགས་དམ༴ རྟ་མགྲིན་ཡང་ཁྲོས༴ འདོད་ཆགས་ལས་བྱུང་༴ མངོན་སྤྱོད་དྲག༴ ཐུགས་དམ་གནད་ནས༴ རྣལ་འབྱོར་ཡིད་ལ་རེ་བའི་འདོད༴ འགྲོ་བའི་མགོན་པོའི་དགོང…

འབྱོར་སྒྲུབ་པ༴ ཧཱུྃ༔ ནུབ་ཕྱོགས་དབང་སྡུད་ལྷུན་གྲུབ་ཕོ་བྲང་ནས༔ རྟ་མགྲིན་པདྨ་ཡང་ཁྲོས༴ འདོད་ཆགས་རང་གཟུགས༴ མངོན་སྤྱོད༴ དྲག་པོས༴ ཐུགས་དམ་དུས་ལ༴ རྣལ་འབྱོར་སྒྲུབ་པ༴ ཧཱུྃ༔ བྱང་ཕྱོགས་དྲག་པོ་ལྷུན་གྲུབ་གཞལ་ཡས་ནས༔ རྟ་མགྲིན་ཀརྨ་ཡང་ཁྲོས༴ ཕྲག་དོག་རང་གཟུགས༴ མངོན་སྤྱོད༴ ཐུགས་དམ་དུས་ལ༴ རྣལ་འབྱོར་སྒྲུབ་པ་པོ་ཡི་དཔུང་མཛོ…

བརྣག་པའི་དགྲ་བོ་དགུག་ཅིང་སྒྲོལ་མཛོད་ཅིག༔ ས་མ་ཡ༔ གདོད་ནས་ཡེ་སངས་རྒྱས་ཀྱང་བསྟན་འགྲོའི་དོན༔ མི་སྲུན་རྔམས་ཁྲོས་གཟུགས་ཀྱི་སྐུར་བཞེངས་པ༔ དྲེགས་པ་སྡེ་བརྒྱད་ཐུགས་དམ་གནད་ནས་བསྐུལ༔ དམ་ཚིག་ཐུགས་དམ་ཆེན་པོའི་དུས་ལ་བབ༔ བརྣག་པའི་དགྲ་བགེགས་འགུགས་སྒྲོལ་ཕྲིན་ལས་མཛོད༔ [ཅེས་བསྐུལ།] [གཉིས་པ་གསེར་སྐྱེམས་འབུལ་བ་ནི། ཛ་གད་ག…

བཞེས་རྣལ་འབྱོར་མཐུ་དཔུང་སྐྱེད། །[ཅེས་ཕུལ།] [གསུམ་པ་གཟུ་དཔང་གསོལ་བ་ནི།] ཀྱཻ༔ བརྒྱུད་གསུམ་བླ་མ་གཟུ་དང་དཔང་ལ་དགོངས༔ ཡི་དམ་ལྷ་ཚོགས་གཟུ་དང་དཔང་ལ་དགོངས༔ མ་ཚོགས་མཁའ་འགྲོ་གཟུ་དང་དཔང་ལ་དགོངས༔ བསྟན་སྲུང་ཕོ་མོ་གཟུ་དང་དཔང་ལ་དགོངས༔ རྣལ་འབྱོར་བདག་ནི་མ་ཉེས་མ་ལན་ནོ༔ ཆོས་བཞིན་སྤྱོད་ཀྱང་སྡིག་པ་སྒོ་ཉལ་བྱུང་༔ ཚུལ་བཞིན་…