བདག་བསྐྱེད་མུས་ཆེན་སེམས་དཔའ་ཆེན་པོའི་གསུང་རབ་སོར་བཞག་དང་། རྗེས་གནང་གི་ཆིངས་མཁན་ཆེན་ངག་དབང་ཆོས་གྲགས་ཀྱིས་མཛད་པའི་བཀའ་གདམས་ལྷ་བཞིའི་གྲས་ཀྱི་སྤྱན་རས་གཟིགས་ཀྱི་སྐབས་སུ་གསུངས་པ་དེ་སོར་བཞག་པ་ནི་ཆིངས་རྒྱས་པའི་ལུགས་ཡིན་ཞིང་། བསྡུ་ན་བདག་མདུན་ལུང་གསུམ་གྱི་ཆིངས་ལྡན་གྱིས་ཀྱང་དོན་འགྲུབ་པའི་ནག་འགྲོས་རྣམ་གཞག་ཅུང་ཟ…

ཐུགས་རྗེ་ཆེན་པོ་ལྷ་གསུམ་པའི་བསྙེན་ཐབས་ཞར་བྱུང་དང་བཅས་པ་གཞན་ཕན་སྙིང་པོ་ཞེས་བྱ་བ་བཞུགས་སོ། །ན་མོ་གུ་རུ་མ་ཧཱ་ཀཱ་རུ་ཎི་ཀཱ་ཡ། འདིར་ས་ལུགས་དང་སྐྱེར་སྒང་ལུགས་ཟུང་དུ་འབྲེལ་བའི་འཕགས་པ་ཐུགས་རྗེ་ཆེན་པོའི་བསྙེན་པ་གཏོང་བར་འདོད་ན། རྗེས་གནང་དང་གདམས་ངག་གི་ལུང་ལེགས་པར་ཐོབ་པས་གནས་དབེན་ཞིང་རང་དབང་འདུས་པའི་སར། འབྱོར་ན་…

སྤང་། གྲུབ་ན་ཟས་དཀར་གསུམ་ལ་བསྟེན་པའི་གདན་གཅིག་བྱ། གཏོར་མ་འབུལ་བ་སྤྲོ་ན། ཐུན་གཉིས་སམ། སྔ་ཐུན་གྱི་མགོར་མཆོད་པ་བྱིན་རླབས་དང་། མཇུག་ཏུ་གཏོར་མ་ཨ་ཚྭ་ཏས་བསང་། སྭ་བྷཱ་ཝས་སྦྱང་། སྟོང་པའི་ངང་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་ༀ་ཞུ་བ་ལས་བྱུང་བའི་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པ་བདུད་རྩིའི་རྒྱ…

བརྗོད་བྱའོ། །ཐུན་དང་ཐུན་མཚམས་རྣམས་སུ་སྣང་གྲགས་རྟོག་གསུམ་འཕགས་པའི་གསང་བ་གསུམ་གྱི་ང་རྒྱལ་དང་མ་བྲལ་བའི་ངང་བྱམས་པ་དང་སྙིང་རྗེ་བྱང་ཆུབ་སེམས་ཀྱི་རྣལ་འབྱོར་ལ་རྩལ་དུ་འདོན། །དེ་ལྟ་བུའི་རིམ་པས་གྲངས་བསྙེན་གྱི་ཚད་ནི། རབ་འབུམ་ཕྲག་སོ་གཉིས། འབྲིང་འབུམ་ཕྲག་བདུན། ཐ་མ་འབུམ་ཕྲག་གསུམ་ཞེས་དང་། ཡང་འབུམ་ཕྲག་བཅོ་བརྒྱད་དང་ད…

དཔལ་ལྡན་དོན་གྲུབ་པའི་ཡིག་ཆར་ཤེས་ཤིང་། གཟུངས་སྒྲུབ་བྱས་པའི་བུམ་ཆུ་བླ་མ་གོང་མའི་བྱིན་རླབས་རྟེན་སེལ་མེད་ཀྱི་ཕབས་གཏའ་དང་བཅས་རིལ་བུར་དྲིལ་བ་དང་། སླར་རིལ་བུའི་སྟེང་དུ་ལྷ་ཡན་ལག་བཞི་རྫོགས་སུ་བསྐྱེད་ནས་གཟུངས་སྒྲུབ་དང་ཚུལ་མཚུངས་པའི་བུམ་སྒྲུབ་བྱ་ཚུལ་གྱི་མན་ངག་ཀྱང་གཞན་དོན་གཉེར་པ་རྣམས་ཀྱིས་ལྷག་པའི་བསམ་པ་རྣམ་པར་ད…

སངས་རྒྱས་ཕུན་ཚོགས་པའི་གསུང་རབ་ལས་འབྱུང་བ་དང་། འཕགས་པ་རིན་པོ་ཆེའི་གསུང་རབ་ལས་ཅུང་ཟད་འབྱུང་བ་དག་ཉམས་སུ་བླངས་པས་རང་གཞན་ལ་ཕན་བདེའི་འབྲས་བུ་འཕྲལ་དུ་སྟེར་བ་ནི་ངེས་པའོ། །ཞེས་པའང་མང་དུ་ཐོས་པའི་བྱ་བྲལ་མ་ཎི་བ་འཇམ་དབྱངས་མཁྱེན་བརྩེའི་དབང་པོས་གཞན་ཕན་གྱི་ལྷག་བསམ་ཁོ་ནས་ཡིག་ཆ་སྔ་མ་རྣམས་ཀྱི་སྙིང་པོ་མདོར་བསྡུས་ཏེ་སྦྱ…

༈ བཅུ་གཅིག་ཞལ་དཔལ་མོ་ལུགས་མཁའ་འགྲོ་ལྔ་བསྐོར་གྱི་རྗེས་སུ་གནང་བའི་ཆོ་ག་གཞན་ཕན་ཟླ་ཟེར་ཞེས་བྱ་བ་བཞུགས་སོ། །ཐུགས་རྗེའི་གཏེར་ཆེན་སྤྱན་རས་གཟིགས་དབང་དང་། །དབྱེར་མེད་བླ་མའི་ཞབས་ལ་གུས་བཏུད་ནས། །དཔལ་མོའི་བཞེད་གཞུང་ལས་འོངས་རྗེས་གནང་གི། །ཆོ་ག་གཞན་ཕན་ཟླ་བའི་ཟེར་ཕྲེང་སྤྲོ། །འདི་ལ་གསུམ། སྦྱོར་བ། དངོས་གཞི། རྗེས་སོ། …

ཤོག་དྲིལ་བཅུག །གང་བའི་བུམ་པ། །ལྷོར་དབུ་རྒྱན། ནུབ་ཏུ་རྡོ་རྗེ། བྱང་དུ་དྲིལ་བུ། གཡས་གཡོན་དུ་ཐུགས་རྗེ་ཆེན་པོའི་སྐུ་དང་། པུ་སྟེ། མདུན་དུ་དཀར་གཏོར་གསུམ་དང་། ཆུ་གཉིས་སྔོན་འགྲོའི་ཉེར་སྤྱོད། །ཉེ་ལོགས་ཅི་བདེ་བར་ལས་བུམ། རྡོར་དྲིལ། མེ་ཏོག་གི་སྣོད། སློབ་མ་ལ་དགོས་པའི་སྦྱོང་ཆས་སོགས་འདུ་བྱའོ། །དེ་ནས་བདག་གི་རྣལ་འབྱོ…

གཡོན་གཡུའི་བུམ་པ་བསྣམས་པ། ཐམས་ཅད་ཀྱང་ཕྱག་གཡས་ཌ་མ་རུ་འཁྲོལ་ཞིང་རུས་པའི་ཕྱག་རྒྱ་ལྔས་བརྒྱན་པ། དར་སྣ་ཚོགས་ཀྱི་ན་བཟའ་ཅན། ཕོ་གྱི་སྒྲ་སྒྲོགས་ཤིང་ཞབས་གཉིས་གར་སྟབས་སུ་འགྱིང་བ། ལས་ཐམས་ཅད་པའི་བུམ་པར་པད་ཉི་ལ་རྟ་མགྲིན་དམར་པོ་གཡས་དབྱུག་ཏོ་དང་། གཡོན་སྡིགས་མཛུབ་མཛད་པ། ཞལ་གདངས་ཤིང་མཆེ་བ་གཙིགས་པ། སྨིན་མ་དང་སྨ་ར་གཡོ་ཞ…

བསྐུར། སྐུ་གང་། དྲི་མ་དག །ཆུའི་ལྷག་མ་ཡར་ལུད་པ་ལས་པདྨ་མཁའ་འགྲོ་མ་ལ་འོད་དཔག་མེད། སངས་རྒྱས་མཁའ་འགྲོ་མ་ལ་རྣམ་པར་སྣང་མཛད། རིན་ཆེན་མཁའ་འགྲོ་མ་ལ་རིན་ཆེན་འབྱུང་ལྡན། རྡོ་རྗེ་མཁའ་འགྲོ་མ་ལ་མི་བསྐྱོད་པ། ལས་ཀྱི་མཁའ་འགྲོ་མ་ལ་དོན་ཡོད་གྲུབ་པ། རྟ་མགྲིན་ལ་འོད་དཔག་མེད་ཀྱིས་དབུར་བརྒྱན། མཆོད་པ་བསང་སྦྱང་བྱིན་གྱིས་བརླབས་ལ…

གཅིག་གིས་ཐོག་དྲངས་ཏེ། ཏདྱ་ཐཱ། ཨོཾ་དྷ་ར་དྷ་ར་སོགས་སྙིང་པོ་ཅི་ནུས་དང་། འདིའི་བུམ་བསྐྱེད་སྐབས་སུ་བཅུ་གཅིག་ཞལ་བསྐྱེད་མི་དགོས་ཀྱང་། གཟུངས་བཟླ་བ་ནི། འཕགས་པའི་ཡེ་ཤེས་ལྔ་ཡི་ལྡོག་ཆ་སློབ་མ་རྣམས་ལ་དབང་གི་བྱ་བ་སྒྲུབ་པའི་སླད་དུ་ཡེ་ཤེས་ཀྱི་མཁའ་འགྲོ་རིགས་ལྔར་ཤར་བ་མཚོན་པ་སྟེ། ཡིག་རྙིང་ཁུངས་ཐུབ་རྣམས་སུའང་འདི་ཁོ་ན་ལྟ…

བརླབས་ལ། གཏོར་མ་དང་པོ། ཨོཾ་པཉྩ་ཊཱ་ཀི་ནི་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གསུམ་མམ་བདུན་གྱིས་ཕུལ། མཆོད་བསྟོད་ཀྱི་མཐར། མཆོད་གཏོར་འདོད་པའི་ཡོན་ཏན་ལྔ་དང་ལྡན་པ་འདི་ཉིད། ཡེ་ཤེས་ཀྱི་མཁའ་འགྲོ་རིགས་ལྔ་ལ་འབུལ་ལོ། །བདག་དང་རྡོ་རྗེ་སློབ་མ་རྣམས་ཀྱི་རྒྱུད་བྱིན་གྱིས་བརླབ་པ་དང་། མཆོག་དང་ཐུན་མོང་གི་དངོས་གྲུབ…

པའམ། སྐུའི་སྣང་བ་དྲན་པ་ཙམ་གྱིས་ཀྱང་འཁོར་བ་དང་ངན་སོང་གི་སྡུག་བསྔལ་ལས་སྒྲོལ་ཞིང་། ཕན་བདེའི་འདོད་པ་ཡིད་བཞིན་དུ་སྩོལ་བ་འཕགས་པ་ཐུགས་རྗེ་ཆེན་པོ་སྤྱན་རས་གཟིགས་དབང་ཕྱུག་ལ། རྟེན་གཞིའི་རྒྱུད་དང་། བསྒྲུབ་བྱའི་ལྷ་དང་། སྒྲུབ་བྱེད་ཀྱི་ཐབས་དང་། གྲུབ་པའི་སློབ་དཔོན་རྣམས་ཀྱི་མན་ངག་གིས་ཕྱེ་བའི་བཀའ་སྲོལ་མི་འདྲ་བ་དུ་མ་ཞ…

འཕགས་མཆོག་སྙིང་རྗེའི་གཏེར་ཆེན་གྱི་རྣལ་འབྱོར་ལ་རྩེ་གཅིག་ཏུ་གཞོལ་བས། ས་ག་ཟླ་བའི་ཚེས་བཅོ་ལྔའི་ཚེ་ཐུགས་རྗེ་ཆེན་པོས་མངོན་སུམ་དུ་རྗེས་སུ་བཟུང་བའི་མོད་ལ་ས་བརྒྱད་པ་ལ་གནས་པའི་བྱང་ཆུབ་སེམས་མ་ཆེན་མོར་གྱུར། བསྙུན་ཟུག་ཐམས་ཅད་སྦྲུལ་ཤུན་བརྗེས་པ་ལྟར་དག་སྟེ་འཕགས་པའི་ཆོས་སྐོར་འདི་ལ་བརྟེན་ནས་མ་འོངས་པའི་སེམས་ཅན་མང་པོ་འ…

ཟློས་ལན་གསུམ་མཛོད། ཁྱོད་ནི་མགོན་པོ་སྤྱན་རས་གཟིགས། །ཀུན་ལ་ཁྱབ་པའི་ཐུགས་རྗེ་ཅན། །འགྲོ་བ་མ་ལུས་སྒྲོལ་མཛད་པ། །བདག་སོགས་རྣམས་ལ་བྱིན་གྱིས་རློབས། །རྒྱུད་དག་པར་བྱ་བའི་སླད་དུ་མདུན་གྱི་ནམ་མཁའ་འཕགས་པ་ཐུགས་རྗེ་ཆེན་པོ་ཞལ་བཅུ་གཅིག་པ་ལ། གཞན་ཡང་རྩ་བརྒྱུད་ཀྱི་བླ་མ་ཡི་དམ་སངས་རྒྱས་བྱང་སེམས་དཔའ་བོ་མཁའ་འགྲོ་ཆོས་སྐྱོང་སྲ…

ཟིན་པ་ལྟར། རིན་པོ་ཆེ་ལས་གྲུབ་པའི་གཞལ་མེད་ཁང་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ་སྣ་ཚོགས་པདྨ་འདབ་མ་བཞི་པའི་སོགས་ནས། གར་སྟབས་སུ་འགྱིང་བ་སྟེ། །ཡེ་ཤེས་ཀྱི་མཁའ་འགྲོ་མ་རིགས་ལྔའི་རྟེན་དང་བརྟེན་པར་བཅས་པའི་དཀྱིལ་འཁོར་དང་། དེ་དག་གི་སྟེང་ཕྱོགས་ཀྱི་ནམ་མཁར་ཇོ་བོ་ཐུགས་རྗེ་ཆེན་པོ་ཞལ་བཅུ་གཅིག་པའི་ལྷ་ཚོགས་རྣམས་…

དྲངས་ཏེ་སློབ་མ་རྣམས་ཀྱི་ལུས་ལ་སིབ་སིབ་ཐིམ་པས་རྒྱུད་བྱིན་གྱིས་བརླབས་པའི་མོས་པ་མཛོད། ཏདྱ་ཐཱ། ཨོཾ་དྷ་ར་དྷ་སོགས་དང་། ཨོ་བཛྲ་ཨཱ་བེ་ཤ་ཡ་ཨཀཱཿ ཛཧཱུྃ་བཾ་ཧོ༔ ཞེས་ཡང་ཡང་བརྗོད། སྤོས་རོལ་བྱ། དེས་རྗེས་གནང་གི་གཞི་དགོད་པའི་རིམ་པ་སོང་ནས། དངོས་གཞིའི་རྗེས་སུ་གནང་བ་ལ། ལྷ་བསྒོམ་པ། སྔགས་བཟླ་བ། གཞན་དོན་བྱ་བའི་རྗེས་སུ་གནང་…

དཔག་མེད་ཀྱིས་དབུར་བརྒྱན་ཅིང་། མདུན་བསྐྱེད་ཀྱི་དཀྱིལ་འཁོར་གྱི་དབུས་ན་བཞུགས་པའི་ལྷ་མོ་དམར་མོ་ལས། ལྷ་མོ་གཉིས་པ་རེ་ཆད། སློབ་མ་རྣམས་ཀྱི་སྤྱི་བོ་ནས་ཞུགས། སྙིང་སུ་ཐིག་ལེ་དམར་པོའི་རྣམ་པར་བཞུགས་པའི་མོ འགས་པའི་མོས་པ་མཛོད། །དེ་ལྟར་ཆུའི་དབང་བསྐུར་བས་འདོད་ཆགས་ཀྱི་དྲི་མ་སྦངས། འདུ་ཤེས་ཀྱི་ཕུང་པོ་གནས་གྱུར། སོ་སོར་ར…

མདུན་བསྐྱེད་ཤར་གྱི་ལྷ་མོ་དཀར་མོ་ལས། ལྷ་མོ་གཉིས་པ་རེ་ཆད། སློབ་མ་རྣམས་ཀྱི་དཔྲལ་བ་ནས་ཞུགས། སྙིང་གའི་ཐིག་ལེ་དམར་པོའི་མདུན་དུ་ཐིག་ལེ་དཀར་པོའི་རྣམ་པར་བཞུགས་པའི་མོས་པ་མཛོད། དེ་ལྟར་མིང་གི་དབང་བསྐུར་བས་གཏི་མུག་གི་དྲི་མ་སྦྱངས། གཟུགས་ཀྱི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། རྣམ་སྣང་དང་དེའི་རིགས་…

རིགས་ཀྱི་དངོས་གྲུབ་སྒྲུབ་པ་ལ་དབང་བར་བྱས་པ་ཡིན་ནོ། །མི་བསྐྱོད་པ་རྡོ་རྗེའི་དབང་གི་སླད་དུ་རྡོ་རྗེ་མཁའ་འགྲོ་མའི་ངོ་བོ་རྡོ་རྗེ་ལྟག་པར་བཞག་སྟེ་དབང་བསྐུར་བའི་མོས་པ་མཛོད། །དབང་བསྐུར་རྡོ་རྗེ་སོགས་དང་། བཛྲ་ཨ་བྷི་ཥིཉྩ་ཧཱུཾ། བརྟན་བྱེད་ཆུ་དབང་མཐར། ཆུའི་ལྷག་མ་ཡར་ལུད་པ་ལས་ལྟག་པར་མི་བསྐྱོད་པས་དབུར་བརྒྱན་ཅིང་། མདུན་…