ཧེ་རུ་ཀ་དཔལ་རྡོ་རྗེ་འཆང་ལ་ཕྱག་འཚལ་ལོ། །ཟུང་འཇུག་འོད་གསལ་འདུས་མ་བྱས་པའི་དབྱིངས། །ངེས་པ་ལྔ་ལྡན་ལོངས་སྤྱོད་རྫོགས་པའི་སྐུ། །གང་འདུལ་གདུལ་བྱའི་མོས་ངོར་སྤྲུལ་པའི་གར། །སྟོན་མཛད་དཔལ་ལྡན་བླ་མར་གུས་ཕྱག་འཚལ། །བེ་རོའི་རྣམ་འཕྲུལ་འགྲོ་འདུལ་གླིང་པ་ཡི། །འཆོས་སྐྱོབ་གཉིས་ལྡན་བདུད་རྩིའི་ཀླུང་ཆེན་ལས། །སྔགས་ཀྱི་སྨོན་ལམ་…

ཞེས་པ། ཉན་རང་སོགས་གདུལ་བྱ་ཐུན་མོང་བའི་སྣོད་དུ་མ་གྱུར་པས་གསང་བ་སྟེ། ཀུན་མཁྱེན་རང་བྱུང་རྡོ་རྗེས། ཕྱི་ནང་ཉན་ཐོས་སྤྱོད་ཡུལ་མིན། །མཐའ་དྲུག་གིས་བཅིངས་ནང་གི་དོན། །ཅེས་གསུངས་པ་ལྟར་རོ། །ཡིད་ཤེས་བདེ་མྱུར་གྱི་སྒོ་ནས་སྐྱོབས་པར་བྱེད་པས་ན་སྔགས་ཏེ། ཇི་སྐད་དུ་ཡང་། འདོད་པའི་ལོངས་སྤྱོད་ལྔ་པོ་ལ། །ཅི་བདེ་བར་ནི་སྤྱད་པས་…

དགའ་སྟོན་སྤེལ་བར་བྱེད་པས་ན་གཞུང་འདིའི་མཚན་ལ་དེ་སྐད་ཅེས་བྱ་བ་སྟེ་དཔེའི་སྒོ་ནས་མཚན་དུ་བཏགས་པའོ། །གཉིས་པ་ནི། དུས་གསུམ་རྒྱལ་བ་སྲས་བཅས་མ་ལུས་དང་། །འགྲོ་བའི་སྐྱབས་གྱུར་པདྨ་སཾ་བྷ་ཝ། །སྲིད་ཞིའི་རྒུད་པ་ཀུན་སེལ་རཏྣའི་ཞབས། །མི་འབྲལ་སྙིང་ནས་གུས་པས་ཕྱག་བགྱིའོ། །ཞེས་པ་ནི། འདས་མ་འོངས་ད་ལྟའི་དུས་གསུམ་གཤེགས་པ་དང་བཞུ…

ཏེ། ཐོག་མར་པད་སྡོང་ལས་འཁྲུངས་པར་མ་ཟད། ཨིནྡྲ་བོ་དྷིས་སྤྱན་དྲངས་པའི་ལམ་གང་དུ་བཞག་པར་པདྨ་རེ་འཁྲུངས་པས་མཚན་དུ་དེ་ལྟར་གསོལ་བར་གྲགས། སློབ་དཔོན་རྡོ་རྗེ་གདན་པས། དགེ་སློང་ལུས་ལ་ཕྱག་རྒྱར་ལྡན། །ལྷོ་ནུབ་སྲིན་པོའི་ཁ་གནོན་མཛད། །པདྨ་ཀ་ར། ཞེས་གསུངས་པའི་གྲུབ་བརྙེས་ཀྱི་སློབ་དཔོན་དམ་པ་སྟེ། དེ་དག་གིས་བྱེ་བྲག་ཏུ་གངས་ཅན་…

ལེགས་མཐོང་གང་ཡིན་འདིར་ཕྱག་མིན། །ཅེས་སོ། །གསུམ་པ་ལ་གཉིས། མི་རྟག་པའི་གཏམ་གྱིས་བློ་ཆོས་ལ་བསྐུལ་བ་དང་། ལམ་གྱི་རིམ་པ་དངོས་རྒྱུད་ལ་བརྟེན་པའོ། །དང་པོ་ནི། ཚེ་འདིའི་ལོངས་སྤྱོད་རྨི་ལམ་དགའ་སྟོན་བཞིན། །ལང་ཚོའི་དཔལ་ཡང་འཇའ་ཚོན་ལྟ་བུ་སྟེ། །ཚེ་སྲོག་མི་རྟག་གློག་གི་ཟློས་གར་བཞིན། །འཇིག་རྟེན་ཕུན་ཚོགས་ཀུན་ལ་དབང་བསྒྱུར་ཀ…

ལྟར་སྐད་ཅིག་གིས་མི་རྟག་སྟེ། རྗེ་བདག་ཉིད་ཆེན་པོས། དལ་བའི་རྟེན་འདི་ཡིད་བཞིན་ནོར་ལས་ལྷག །རྙེད་དཀའ་འཇིག་སླ་ནམ་མཁའི་གློག་དང་འདྲ། །ཞེས་སོ། འཇིག་རྟེན་ཚེ་འདིའི་ཕུན་ཚོགས་འཁོར་ལོས་སྒྱུར་རྒྱལ་དུ་གྱུར་ཏེ་གླིང་བཞི་ལ་མངའ་དབང་བསྒྱུར་ཀྱང་སྙིང་པོ་མེད་དོ། །སྟོན་དུས་ཀྱི་སྤྲིན་དཀར་ཕུང་པོ་དབྱིབས་ངོ་མཚར་བ་སྣ་ཚོགས་ཤར་ཡང་ད…

དག་གིས། །འཁོར་བའི་བདེ་བ་ཙམ་དག་ལ། །རང་ཉིད་དོན་དུ་གཉེར་བྱེད་པ། །སྐྱེས་བུ་དེ་ནི་ཐ་མར་ཤེས། །སྲིད་པའི་བདེ་ལ་རྒྱབ་ཕྱོགས་ཤིང་། །སྡིག་པའི་ལས་ལས་ལྡོག་བདག་ཉིད། །གང་ཞིག་རང་ཞི་ཙམ་དོན་གཉེར། །སྐྱེས་བུ་དེ་ནི་འབྲིང་ཞེས་བྱ། །ཞེས་གསུངས་པ་ལྟར་རོ། །གཉིས་པ་ལ་གཉིས། ལམ་གྱི་རྩ་བ་བཤེས་གཉེན་བསྟེན་ཚུལ། བསྟེན་ནས་ལམ་ལ་ཇི་ལྟར་སླ…

སོགས་བཙལ་དགོས་ཏེ། བསྟན་བཅོས་ཤེས་བྱ་ཀུན་ཁྱབ་ལས། འཐད་པ་ལུང་རིགས་དཔེ་ཡི་སྒོ་ནས་བཙལ། །ཅེས་པ་ལྟར་རོ། །དེ་ཡང་ཐེག་ཆེན་དགེ་བའི་བཤེས་གཉེན་ཆོས་བཅུ་ལྡན་དང་༑ སྔགས་ཀྱི་རྡོ་རྗེ་སློབ་དཔོན་དེ་ཉིད་བཅུ་ལྡན་དེ། བསམ་སྦྱོར་ཕུན་སུམ་ཚོགས་པའི་སྒོ་ནས་ལེགས་པར་བསྟེན་ནས་མི་ཕྱེད་པའི་དད་པ་བརྟན་པོ་སྟེ་བདུད་ལས་ཀྱིས་དད་པ་ལྡོག་ཏུ་མི…

ཏེ། གནས་སྐབས་ཙམ་མ་ཡིན་པའི་གཏན་གྱི་སྐྱབས་གནས་སུ་འོས་པ། བླ་མ་དང་དཀོན་མཆོག་གསུམ་ལ་སྙིང་ཐག་པ་ནས་སྐྱབས་སུ་འགྲོ་ཞིང་། དེ་ནས་ཐེག་པ་ཆེན་པོའི་ལམ་གྱི་རྩ་བ་སེམས་ཅན་ཐམས་ཅད་ཕ་མར་ཤེས་པར་བྱས་ཏེ། རྗེ་བཙུན་བཞད་པ་རྡོ་རྗེས། འགྲོ་དྲུག་སེམས་ཅན་ཕ་མ་ལ། །བྱས་པ་དྲིན་དུ་མི་གཟོ་ན། །ཐེག་པ་དམན་པར་གོལ་བའི་སྐྱོན། །དེ་ཕྱིར་བརྩེ་བ་…

སྣོད་གསུམ་གྱི་སྒྲུབ་པ་ཉམས་ལེན་སྙིང་པོར་དྲིལ་བས་སྨོན་པའོ། །དང་པོ་ལ་གསུམ། སྐྱེས་བུ་ཆུང་ངུ་། འབྲིང་། ཆེན་པོའི་ལམ་ལ་སྨོན་པའོ། །དང་པོ་ནི། མངོན་མཐོ་སྒྲུབ་བྱེད་རྒྱལ་བའི་གསུང་རབས་ཀུན། །དོན་རྣམས་སྐྱེས་བུ་ཆུང་ངུའི་ལམ་དང་ནི། །ཞེས་པ་ནི། ཕྱི་མ་མངོན་མཐོ་ལྷ་མིའི་གོ་འཕང་ཐོབ་པའི་རྒྱུ་མི་དགེ་སྤང་ཞིང་དགེ་བཅུའི་ལམ་བསྒྲ…

ཞི་བའི་ཐབས་མེད་པས། །སྲིད་ལ་བརྐམས་པ་ཡིས་ཀྱང་ལུས་ཅན་རྣམས། །ཀུན་ནས་འཆིང་ཕྱིར་ཐོག་མར་ངེས་འབྱུང་བཙལ། །ཅེས་གསུངས་པས་སོ། །གསུམ་པ་ནི། རྣམ་མཁྱེན་གོ་འཕང་མྱུར་དུ་སྒྲུབ་པའི་ཐབས། །རྒྱུ་དང་འབྲས་བུའི་ཐེག་ཆེན་རྣམ་གཉིས་ལས། །ཇི་བཞིན་གསུང་བའི་གསང་བ་མ་ལུས་པ། །སྐྱེས་བུ་ཆེན་པོའི་ལམ་གྱི་རིམ་པ་སྟེ། །བདག་གིས་མ་ལུས་ཉེ་བར་བླང…

པར་ངེས་པ་རྙེད་ནས་བདེན་གཉིས་ཐ་དད་དུ་མི་འཛིན་པའི་ལམ་ཟབ་མོ་ལ་གོམས་པར་ཤོག་ཅིག་ཅེས་སྨོན་པའོ། །གཉིས་པ་ལ་གསུམ། འདུལ་བ། མདོ་སྡེ། མངོན་པའི་སྡེ་སྣོད་ལ་སློབ་པར་སྨོན་པའོ། །དང་པོ་ནི། འཁོར་ལོ་དང་པོ་འདུལ་བའི་སྡེ་སྣོད་ལས། ཉིས་བརྒྱ་ལྔ་བཅུ་སྤོང་བའི་ཚུལ་ཁྲིམས་དང་། །བཅུ་བདུན་བླང་བྱ་འཇུག་པའི་ཚུལ་ཁྲིམས་ཏེ། །ཀུན་གྱི་རྩ་བ་…

ཚུལ་གནས་ཐོས་དང་བསམ་ལྡན་པས། སྒོམ་པ་ལ་ནི་རབ་ཏུ་སྦྱོར། །ཅེས་སོ། །གཉིས་པ་ནི། བྱིང་རྒོད་དྲི་ཡི་བཞོན་པས་མི་གཡོ་བའི། །མངོན་རྟོགས་རིན་ཆེན་རྣམ་བཞིའི་རང་བཞིན་ཅན། །ཏིང་འཛིན་འཆི་མེད་རི་བོར་གནས་པའི་གཞི། །ཟབ་ཡང་མདོ་སྡེའི་གནས་ལ་འཇོག་པ་དང་། །ཞེས་པས། དེ་ལ་འཁོར་ལོ་བར་པའི་ངེས་བརྗོད་རྣམ་པར་ཐར་པའི་སྒོ་གསུམ་ནི་ལམ་གྱི་ངོ་…

རྣམ་དབྱེ་ཤིན་ཏུ་གསལ་བ་བརྒྱ་བྱིན་མིག་སྟོང་ལྡན་གྱི་གཟུགས་སུ་བཀོད་དེ། ཤེས་རབ་ཀྱི་བསླབ་པའི་དེ་ཁོ་ན་ཉིད་ཀྱི་དངོས་པོའི་གནས་ལུགས་མངོན་པར་རྟོགས་པས་ན་དེའི་ཡེ་ཤེས་ལ་དབང་པོའི་ལག་ན་ཉལ་བ་དྲང་སྲོང་ཞོ་འཐུང་གི་རུས་པ་ཕ་ལམ་གྱི་རང་བཞིན་ལས་གྲུབ་པའི་རྡོ་རྗེས་ཡོད་མེད་རྟག་ཆད་མཐར་ལྟའི་དམིགས་པ་འདུལ་བར་བྱེད་པས་ན་ལྷའི་དབང་པོ་…

པས་རང་ཉིད་ཀྱིས་ཐོག་མར་ལམ་གྱི་རྩ་བ་བླ་མ་བསྟེན་པར་གསུངས་ཤིང་། བླ་མ་དེ་ཡང་རྡོ་རྗེ་ཐེག་པའི་སྨིན་གྲོལ་གྱི་ལམ་ལ་ཉམས་ལེན་མཐར་ཕྱིན་ནས་རང་དོན་དུ་དྲོད་རྟགས་ཐོབ་པ། ཁྱད་པར་དུ་ཐེག་པ་མཆོག་གི་སྣང་བཞིའི་ལམ་རྟགས་མངོན་དུ་གྱུར་པ་ཞིག་བསྟེན་ལ། དེ་ལ་དམ་ཚིག་གི་གནང་བཀག་དང་འབྲེལ་བ་དབང་༡། ཐོས་བསམ་གྱི་ཤེས་རབ་དང་འབྲེལ་བ་རྒྱུད༢…

གཉིས། ཉམས་སུ་བླང་བྱའི་ལམ་སྤྱིར་བསྟན་པ་དང་། བྱེ་བྲག་ཏུ་བཤད་པའོ། །དང་པོ་ནི། རྒྱུད་སྡེ་བཞི་དང་རྫོགས་པ་ཆེན་པོའི་ལམ། །ལེགས་པར་བཤད་པའི་སྨིན་གྲོལ་ལམ་གྱི་གནད་། །ཅེས་བྱ་སྤྱོད་རྣལ་འབྱོར་བླ་མེད་བཞི་དང་། ཐེག་པའི་རྩེ་མོ་རྫོགས་པ་ཆེན་པོའི་སྨིན་གྲོལ་གཉིས་ཀྱི་ལམ་གནད་རིམ་པར་ནོད་ནས་བསྟེན་གོམས་བྱ་ཞེས་སྤྱིར་བསྟན་ཏོ། །གཉ…

བཅས་པའི་ལྷའི་རྣལ་འབྱོར་བསྒོམ་པ་དང་། ཕྱིའི་སྤྱོད་ལམ་ནི་ཁྲུས་དང་། གཙང་སྦྲ་དང་། དཀར་གསུམ་བཟའ་བ་དང་། སྨྱུང་བར་གནས་པའི་སྒོ་ནས་རྫོགས་ལྡན་དུས་ཀྱི་འདོད་པའི་ཀུན་སྤྱོད་ལྷ་མོ་ཕན་ཚུན་བལྟས་པ་ཙམ་གྱིས་བདེ་བ་ལམ་དུ་བྱེད་ཅིང་། མདུན་བསྐྱེད་ལས་རྗེ་དཔོན་ཚུལ་དུ་དངོས་གྲུབ་ལེན་པའོ། །གཉིས་པ་ནི། རྡོ་རྗེ་དྲིལ་བུའི་དབང་གིས་སྨི…

རྣམ་སྣང་མངོན་བྱང་ལས། ཡི་གེ་དང་ནི་ཡི་གེ་སྦྱར། །དེ་བཞིན་གཞི་ལ་གཞིར་གྱུར་ཉིད། །ཅེས་པས་སོ། །མདུན་བསྐྱེད་ལས་གྲོགས་པོ་ལྟ་བུ་དངོས་གྲུབ་ལེན་པའོ། །དེ་ལྟར་བྱ་སྤྱོད་གཉིས་ཀྱི་མཚན་བཅས་མཚན་མེད་སོགས་ཀྱི་རྣལ་འབྱོར་ལ་ཚུལ་བཞིན་དུ་གནས་ཤིང་གོམས་པར་ཤོག་ཅིག་པའོ། །གསུམ་པ་ནི། སློབ་དཔོན་དབང་བསྐུར་རང་རྒྱུད་སྨིན་བྱས་ནས། །བདག་…

ཐ་སྙད་ཀྱི་སྨོན་པའི་ལྷར་སྣང་གི་དུམ་བུ་རེ་ལ་རྒྱས་འབྲིང་བསྡུས་གསུམ་གྱི་ཏིང་ངེ་འཛིན་གསུམ་གྱི་ལང་ཚོས་སྙིང་ལ་འགྲོགས་ནས་སམ། དང་པོ་སྦྱོར་བ༡། དཀྱིལ་འཁོར་རྒྱལ་མཆོག ༢ །ལས་རྒྱལ་མཆོག་༣སྟེ་ཏིང་འཛིན་གསུམ་དང་། འདོད་པའི་ཀུན་སྤྱོད་ཀྱང་གཉིས་ལྡན་དང་མཚུངས་པས་ལག་བཅངས་ཀྱི་རྣམ་པ་ལམ་དུ་བྱེད་ལ། །ཕྱིའི་སྤྱོད་པ་གྲོགས་ཙམ་དུ་བསྟ…

རྗེས་འབྲངས་རིག་པའི་དབང་ལྔ་དང་བཅས་པ་ལ་རྒྱུ་དབང་དུ་བཞག་ལ། དག་བྱེད་དེ་རྣམས་ཀྱི་དག་བྱ་སློབ་མའི་རྒྱུད་ཀྱི་རགས་པའི་ཕུང་པོ་ལྔ་ནི་གཤེགས་པ་ལྔ། འབྱུང་བ་ལྔ་ནི་ཡུམ་ལྔ། །དབང་ཡུལ་སེམས་དཔའ་སེམས་མ། མུ་བཞི་ལ་སོགས་པ་སྒོ་བ་ཡབ་ཡུམ་དུ་གནས་དག་པར་བྱེད་ཅིང་། དེ་བཞིན་དུ་ཕྱི་སྣོད་གཞལ་ཡས་ཁང་དང་། ནང་བཅུད་ལྷ་དང་ལྷ་མོའི་རང་བཞིན་…