མཚོ་གྲགས་པ་རྒྱལ་མཚན་དཔལ་བཟང་པོའི་རྣམ་ཐར་སློབ་བཤད་བསྟན་པའི་ཉི་འོད་ཀུན་མཁྱེན་ལྔ་པ་རིན་པོ་ཆེས་མཛད་༡༢པར། ལུང་ལས། མཉན་ཡོད་གནས་དང་ཙམྤ་ཀ །ཝཱ་ར་ཎ་སི་ཡངས་པ་ཅན་། །རྒྱལ་པོའི་ཁབ་དང་དྲུག་པོ་ནི། །དེ་དག་གྲོང་ཁྱེར་ཆེན་པོར་གྲགས། །ཞེས་འཕགས་ཡུལ་དང་། གཞན་ཡང་ཤར་ཕྱོགས་ན་འཇམ་དཔལ་གྱི་ཞིང་རི་བོ་རྩེ་ལྔ། ལྷོ་ཕྱོགས་དཔལ་ལྡན་འབྲ…

རིགས་ལས་ཡབ་སྟག་སྐྱེས་དང་། ཡུམ་བཀྲ་ཤིས་སྐྱིད་ཀྱི་སྲས་སུ་འཁྲུངས། ཆུང་དུས་ཡབ་ཆོས་བོད་ཀྱི་བོན་གྱི་འཆད་ཉན་མཛད། དེ་ནས་བླ་མ་འབྱུང་གནས་སེང་གེ་ལས་སེམས་ཀློང་མན་ངག་གི་སྐོར་རྣམས་གསན། དེ་ནས་རིན་ཆེན་གསེར་ཕྱེ་འཕངས་མེད་ཁྱེར། །གཅེས་པའི་སྲོག་ལ་མ་བལྟས་དཀའ་སྤྱད་ནས། །རྒྱ་དང་བལ་པོའི་ཡུལ་དུ་ལན་བདུན་ཕྱིན། །རྒྱ་གར་མཁས་པ་བརྒ…

ཕ་རོལ་སོན། མཁན་པོ་ཨཱ་ཀ་ར་གུསྟ་ལ་བསྙེན་པར་རྫོགས། སྡེ་སྣོད་གསུམ་དང་རྒྱུད་སྡེ་བཞིའི་གན་མཛོད་དུ་གྱུར། ཁྲོ་ཕུ་ལོ་ཙཱ་བ་བྱམས་པའི་དཔལ་གྱིས་བོད་དུ་གདན་དྲངས། ལོ་གསུམ་བཞུགས། སྡོམ་བརྒྱུད་སྤེལ། རྗེ་བཙུན་གྲགས་རྒྱལ་ལ་དབང་གསན། ཉང་སྨད་རྒྱན་གོ་བ་གི་གཙུག་ལག་ཁང་དུ་ས་པཎ་བསྙེན་པར་རྫོགས། མ་བྱོན་སངས་རྒྱས་གསུམ་པ་རབ་གསལ་གྱི་…

ལྕགས་སྟག་ནག་ཟླའི་ཉ་ལ་འཁྲུངས། ཆུང་ངུ་ནས་འཇམ་དབྱངས་ཞལ་གཟིགས། རང་གི་མེས་བླ་མ་ཚུལ་ཁྲིམས་བཟང་པོ་ལ་རྙིང་མ་བཀའ་གཏེར་གསན། དགུང་ལོ་བཅོ་བརྒྱད་པར་སློབ་དཔོན་ཚད་མའི་སྐྱེས་བུ་ལས་རབ་ཏུ་བྱུང་ཞིང་མདོ་ཕྱོགས་ཐམས་ཅད་ལ་སྦྱངས། དགུང་ལོ་ཉེར་གསུམ་པ་ཚོར་འདུས་འབུར་མོར་མཁན་ཆེན་བསོད་ནམས་གྲགས་པ་ལས་བསྙེན་པར་རྫོགས། ཐར་ལོ་ལས་སྒྲ་སྙ…

བའི་སློབ་མ། ཕྱི་ལྟར་ཚུལ་ཁྲིམས་ཕུང་པོ་རྣམ་པར་དག་ཅིང་། ནང་ལྟར་རྩ་རླུང་ཐིག་ལེའི་གནད་ལ་རང་བྱན་ཚུད་པས་ཡེ་ཤེས་ཌཱ་ཀིའི་ཚོགས་རྗེ་མཛད་པ་ཞིག་གོ །བོད་ཡུལ་དབུས་སུ་བྱས་པའི་ཤར་དུ་རྒྱ་ནག་དང་ཁྲི་བརྟན། ལྷོར་རྒྱ་གར་དང་ཁ་ཆེ། ནུབ་ཏུ་སྟག་སྡེ་དང་ཁྲམ་ཡན། བྱང་དུ་ཁྲོམ་དང་གེ་སར་ཡོད་ལ། བདེ་མཆོག་རྩ་རྒྱུད་ལས། བོད་ཀྱི་ཡུལ་དང་དེ་…

མཚོན་པར་བསྔགས་པའི་གནས་དང་འདབས་འབྱོར་བར་མ་སང་གི་རིགས་ལས་སོན་པའི་དཔོན་ཆེན་དགེ་བཤེས་རིན་བརྩོན་པའི་བརྒྱུད་པ་ལས། ཡབ་ཡི་དམ་གྱི་ལྷས་རྗེས་སུ་བཟུང་ཞིང་སྟག་ཞོན་བྲན་དུ་འཁོལ་བ་རིན་ཆེན་དཔལ་བཟང་དང་། ཡུམ་དགེ་བའི་ཆོས་ལ་དཀར་བ་དབེན་ཆུ་ཁ་བའི་སྲས་མོ་བཀྲ་ཤིས་ཞེས་པའི་སྲས་སུ་ཆུ་མོ་ཕག་ལོའི་དཔྱིད་འབྲིང་གི་ཚེས་བཅུར་ངོ་མཚར་བའ…

བཙུན་མས་དངོས་སུ་བསྐུལ་ནས་ཁའུ་བྲག་རྫོང་དུ་རྡོ་རིང་པའི་མདུན་དུ་ཕེབས་ནས། གཙོ་བོར་ཡབ་བདག་ཆེན་དང་། མུས་ཆེན་པ་གཉིས་ཅར་གྱིས་རྡོ་རྗེ་འཆང་བློ་གྲོས་རྒྱལ་མཚན་ལ་གནང་བའི་ལམ་འབྲས་སློབ་བཤད་སོགས་ཀྱིས་མཚོན་དཔལ་ས་སྐྱ་པ་ཆེན་པོའི་སྙན་བརྒྱུད་ཀྱི་སྐོར་ཐམས་ཅད་ཡོངས་སུ་རྫོགས་པ་དང་། གཞན་ཡང་རྗེ་ཉིད་ལ་མངའ་བའི་ཟབ་དོན་རྣམས་དགུང་…

མཚན་སྔ་མའི་མཐར་དཔལ་བཟང་པོར་བཏགས། ཐུགས་སྲས་ཀྱི་གཙོ་བོ་རྗེ་མཁྱེན་བརྩེ་དང་། གཞན་ཡང་བྱ་རྒོད་གཤོང་གི་མཁན་ཆེན་ཀླུ་སྒྲུབ་པ། བོད་མཁར་བ་བྱམས་པ་དོན་གྲུབ། རྩེ་ཚོགས་མཁན་པོ་གཞོན་ནུ་བློ་གྲོས། བོ་དོང་མཁན་ཆེན་བསླབ་གསུམ་རྒྱལ་མཚན། ཆོས་འཁོར་ཡང་རྩེའི་མཁན་ཆེན་བསོད་ནམས་ཆོས་འཕེལ་སོགས་བསམ་གྱིས་མི་ཁྱབ་པ་བསྐྲུན་ནས་དགུང་ལོ་རེ…

མདོ་སྔགས་ཀྱི་ཕྱོགས་ལ་སྦྱངས་པ་མཐར་ཕྱིན། དགུང་ལོ་བཅུ་བདུན་པར་བདག་ཆེན་རིན་པོ་ཆེ་ལས་ལམ་འབྲས་སོགས་ས་སྐྱ་པའི་ཆོས་ཕལ་ཆེར་གསན། སླར་རྗེ་བཙུན་རྡོ་རིང་པའི་དྲུང་ནས་སྙན་བརྒྱུད་ཀྱི་སྤྲོས་པ་ཞིབ་མོར་བཅད། དགུང་ལོ་ཉི་ཤུ་པར་ཡོངས་འཛིན་དཀོན་མཆོག་འཕེལ་བར་བསྙེན་རྫོགས་བཞེས། གཞན་ཡང་ཡོངས་འཛིན་བསམ་གྱིས་མི་ཁྱབ་པ་བསྟེན། སློབ་མ་…

པའི་བདག་པོར་གྱུར། ཞྭ་ལུའི་མཁན་ཐོག་བཅུ་བཞི་པ་ཡང་མཛད། ཞལ་སློབ་ཀྱང་མཐའ་ཡས། གསར་མའི་ཕྱོགས་ལ་༡༡༦དབང་། བྱིན་རླབས་༩༤། རྗེས་གནང་༡༧༨། ཁྲིད་ལྷག་༡༢༡པ། རྙིང་མའི་ཕྱོགས་ལ་དབང་༡༧༡། རྗེས་གནང་༣༡། ཁྲིད་ཀ་༣༨ཙམ་ཞིག་གསན་ནོ། །དགུང་ལོ་ཞེ་ལྔ་པར་གཤེགས། ༈ །རྗེ་བླ་མ་རྡོ་རྗེ་འཆང་ཆེན་པོ་གཞོན་ནུ་བློ་གྲོས་ཀྱི་རྣམ་ཐར་ཐེག་མཆོག་ཆོས་…

གདན་ས་ལ་ཕེབས། རྡོ་རྗེ་འཆང་ཚར་པ་ཆོས་རྗེ་ལོ་གསུམ་ཙམ་བསྟེན་ནས་སྙན་བརྒྱུད་རྒྱ་མཚོའི་མངའ་བདག་ཏུ་གྱུར། གཞན་ཡང་མདོ་སྔགས་རྒྱ་མཚོའི་ཕ་མཐར་སོན། རྩེ་ཚོགས་ཀྱི་མཁན་པོའང་མཛད་ཅིང་སྣེའུ་གདོང་ཞབས་དྲུང་རིན་པོ་ཆེས་ཏི་ཤྲིར་བཀུར། ལྕགས་མོ་ཡོས་ལོའི་ས་ཟླའི་ཚེས་ཉེར་བདུན་ལ་བརྩམས་ནས། ཡང་ཤར་བརྒྱུད། གསེར་པའི་སའི་ཐིག་ལེར། སྔར་ཚར…

ནས། མིང་ཙམ་དང་བརྡ་ཙམ་དང་ཐ་སྙད་ཙམ་མ་ཡིན་པར་རྒྱུད་སྡེ་མཐའ་དག་གི་དབང་དང་བྱིན་རླབས་ཀྱི་རིམ་པ་རྗེས་གནང་ཁྲིད་ལུང་ཞལ་ཤེས་ཀྱི་གདམས་པ་རབ་ཏུ་གནས་པ་དང་། རྡོ་རྗེ་སློབ་དཔོན་གྱིས་བགྱི་བར་འོས་པའི་ཕྱག་ལེན་གྱི་རིམ་པ་ཆེ་ཕྲ་ཆུང་གསུམ་མཐའ་དག་སོགས་ཀྱིས་བསྟན་པ་རིན་པོ་ཆེ་སྤྱི་དང་། ཁྱད་པར་ཆོས་གྲྭ་ཆེན་པོ་ལྷུན་གྲུབ་སྟེང་གི་རྒ…

ཆེན་པོའི་ངང་དུ་གནས། ཐུགས་དམ་གསལ་འདེབས་དང་སྐུ་གདུང་ཆས་ཞུགས་ཀྱི་ཞབས་ཕྱི་རྣམས་ཅི་ལྟར་དགོས་པ་ངེད་རང་ནས་བསྒྲུབས། གདུང་གི་མེ་མཆོད་བཤེས་གཉེན་དམ་པ་བླ་མ་ནམ་མཁའ་དཔལ་བཟང་གིས་ཕུལ་བར་མཛད། སྐུ་གདུང་ཆས་ཞུགས་དང་སྦྱིན་སྲེག་གི་སྐབས་ནམ་མཁའ་ཐམས་ཅད་འཇའ་འོད་ཀྱིས་ཁེངས་པ་དང་། ལྷག་པར་ནུབ་ཕྱོགས་ཀྱི་ནམ་མཁའི་ཕྱོགས་ཐམས་ཅད་འཇའ་ས…

ལ་བསོད་ནམས་སྤེལ་ཕྱིར། དེའི་མགྲོན་དུ་ནོར་ལྷ་ཕོ་མོ། ལྷ་ཀླུ་གཞི་བདག་གིས་བསྐོར་བ་དང་། ས་བདག་ཀླུ་གཉན་དང་སྡེ་བརྒྱད་ཀྱི་ནད་ལས་གྲོལ་བའི་ཕྱིར། ཀླུ་དབང་རྒྱལ་པོའི་ལྷ་ཚོགས་ལ་སེང་གེ་སྒྲ་དང་ལྷ་ཀླུ་རྣམས་ཀྱིས་བསྐོར་བ་ཞིག་དང་། དེ་དག་དང་མཐུན་པའི་གསོལ་གདབ་དང་བདེན་སྟོབས་བརྗོད་པ་ཞིག་བྱས་པས་གང་དུ་ཡང་དགེ་མཚན་ཆེ་བར་བྱུང་འད…

པོ། ནོར་སྐྱོང་དུར་ཁྲོད་ཀྱི་བདག་པོ། ཌཱ་ཀི་སེང་གེའི་གདོང་པ་ཅན་སོགས་ཀྱི་སྒོ་ནས་བསྟན་པའི་སྦྱིན་བདག་ཆེན་པོའི་རིགས་བརྒྱུད་དང་བཅས་པའི་སྐུ་ཚེ་ཆོས་སྲིད་དཔལ་འབྱོར་མངའ་ཐང་ལོངས་སྤྱོད་དང་མངའ་འབངས་སུ་གཏོགས་པའི་དགོན་སྡེ་ཡུལ་འབྲོག་གླིང་གསུམ་གྱི་མི་ནོར་རྫ་ས་གསུམ་རྟག་ཏུ་བསྲུང་ཞིང་མི་མཐུན་པའི་གཡུལ་ཐམས་ཅད་ལས་རྣམ་པར་རྒྱ…

མགོན་ཁང་དུ་ཕེབས་སྐབས་སྡེ་དགེར་ལྷ་བརྒྱད་རྗེས་གནང་སོགས་མཛད། མགོན་པོའི་སྐུ་སྔར་ལས་གཟི་བརྗིད་ཆེ་ཞིང་སྣུམ་མདངས་ཆགས་པ་དང་། གནམ་དབྱིབས་འཇམ་པ་སོགས་དགེ་མཚན་ཆེ། ཞེ་བདུན་ཆུ་ལུག་ལོར་མགྲོན་གཉེར་ཀུན་དགའ་བསྟན་སྐྱོང་འབུལ་སྐྱེལ་མངགས་ཚུལ་རྣམ་ཐར། ༢༠༦ནས། ༢༠༩ བར་གསལ་བ་ལྟར། གསེར་རྡེལ་ཚད་བཅུ། དངུལ་རྡེལ་ཉི་ཤུ་ལྷག །གོས་ཡུག …

བྱོན། དེའང་སྡེ་དགེ་ནས་ཟླ་༥ཚེས་༢༠ལ་བཏེགས། ཟླ་༦ཚེས་༣༠ལ་ལྷ་སར་ཕེབས། རེ་བཞི་ལྕགས་ཁྱི་ཟླ་༩ཚེས་༢༤ ལ་གཤེགས་སོ། །རྗེ་འདི་ཕུར་བུ་ལྕོགས་བྱམས་པས། རྒྱལ་སྲས་མཛེས་པའི་ཏོག །ཌོམ་བྷི་ཧེ་རུ་ཀ །ཧ་ཤང་མ་ཧཱ་ཡཱ་ན། དགེ་སློང་པུཎྞ། ཤུད་པུ་དཔལ་སེང་། ལྷོ་མོན་དུ་མཐུ་སྟོབས་རྡོ་རྗེར་སྐྱེ་བ་བཞེས་ཚུལ། རྒྱལ་བའི་མདུན་ན་རྒྱལ་སྲས་མཛེས་…

གདན་དྲངས་པ་ལྟར་བྱོན། དགེ་རྒྱས་ལུང་སྨུག་ཏུ་དབོན་བློ་གྲོས་རྒྱ་མཚོ་དང་། རྩ་ཁོག་ཏུ་མི་འགྱུར་རྒྱལ་མཚན་ཡར་ཕེབས་པ་མཇལ། ཛམ་ཐོག་བརྒྱུད་དེ་དགེར་ཕེབས། རྣམ་གྲངས་སྟོང་དང་ལྔ་བརྒྱའི་ཁྲི་འབུལ་ཕུལ། ང་ལྔ་ས་བྱ་ལོར་སྡེ་དགེ་དང་དབྱར་གཟིགས་དཀྱུས་ལྟར་ཕེབས། རྣམ་རྒྱལ་མགོན་ཁང་དུ་སྐོང་གསོ་གནད་སྨིན་སོགས་གནང་། ང་དྲུག་ས་ཁྱི་ལོར་ཡ…

མཆེད་བརྒྱད་དང་པོ་འཕགས་ཡུལ། དེ་ནས་ཏི་སེ། དེ་ནས་མདོ་ཁམས་སུ་འཕོས། དཀར་ཕྱོགས་སྐྱོང་བ་སྟོབས་ཆེན་ཡིན། ཉིད་ཀྱི་མནལ་ལམ་དུའང་གཟིགས། མོན་པ་ཆེན་པོ་གཟུགས་མཛེས་པ་བཞི། མི་མཛེས་པ་བཞི། སྣམ་སྔོན་དང་། སྣམ་ལྗང་གྱོན་པར་སྣང་ཚུལ། ༈ །ཀེ་ཆུ་རྒྱུད་སྐྱོ་གེ་དགོན། ༈ །ལྡན་ས་དཀར་དགོན་འཇམ་དབྱངས་རིན་ཆེན་རྒྱལ་མཚན་དང་། ཀུན་དགའ་ལེགས་…

བཙས་སུ་བཞེངས་པའི་མཆོད་རྟེན་ཐོག་སོ་ལྔ་ཡོད། ༈ །ས་སྐྱར་ལྷ་ཁང་བརྒྱ་དང་ཉི་ཤུ་ལ་སྤོས་མར་མེ་སྙན་དར་ཕུལ་ཚུལ། ༈ །སྐྱོ་མདའ་བསོད་ནམས་དབང་ཕྱུག་ལས་ཉི་སྦས་ལུགས་ཀྱི་སྒྲོལ་མ་ཉེར་གཅིག་གི་རྗེ་གནང་གསན། མ་ཎི་བཀའ་འབུམ་གསན་ཐོའི་མཇུག་ཏུ་དཀར་ཆག་བཀའ་ཁོལ་མ་དང་། ཡེར་པའི་དཀར་ཆག་ཀྱང་ལུང་གསན་ཚུལ་སྣང་། ༈ །ངོར་པའི་གདན་རབས་ཁ་སྐོང་མ…