དགོངས། །བདག་ལ་དགྱེས་ཤིང་བརྩེ་བས་བཞུགས་པ་ཡི། །གནས་གསུམ་རྡོ་རྗེ་གསུམ་གྱི་འབྲུ་གསུམ་ལས། །དཀར་དམར་མཐིང་གའི་འོད་ཟེར་བདུད་རྩིར་བཅས། །རིམ་དང་ཅིག་ཅར་བར་མ་ཆད་དུ་བྱུང་། །རང་གི་གནས་གསུམ་ཞུགས་ཤིང་ཐིམ་པ་ཡིས། །དབང་བཞིས་རྒྱུད་སྨིན་སྒྲིབ་བཞི་ཡོངས་སུ་སྦྱངས། །བསྐྱེད་རྫོགས་ཟབ་མོའི་ལམ་བཞི་བསྒོམ་པ་དང་། །འབྲས་བུ་སྐུ་བཞི་…

ནས་ལུས་ངག་ཡིད་གསུམ་ལོངས་སྤྱོད་དང་བཅས་པས་དོན་ཡོད་པའི་དགེ་ཚོགས་རླབས་པོ་ཆེ་སྒྲུབ་པའི་ཐབས་ལ་མཁས་པར་བྱའོ། །དེ་ལྟར་ཐུན་མོང་གི་ལམ་གྱིས་རྒྱུད་འབྱོངས། །དབང་བཞི་ཐོབ་ཅིང་དམ་ཚིག་དང་སྡོམ་པ་རྣམ་པར་དག་པས་ལམ་འདི་ལྟ་བུ་ལ་བརྩོན་པར་བྱས་པས་རིང་པོར་མི་ཐོགས་པར་བླ་ན་མེད་པའི་དངོས་གྲུབ་ལ་དབང་འབྱོར་བར་འགྱུར་རོ། །འདི་ལས་རྒྱས་…

ཅན་ཀུན། །རྣམ་གྲོལ་སྐུ་བཞིའི་གོ་འཕང་མྱུར་ཐོབ་ཤོག །ཅེས་པའང་བླ་མ་རྡོ་རྗེ་འཆང་བྱམས་པའི་མཚན་ཅན་གྱི་ཐུགས་སྲས་དམ་པ་ལི་ཐང་རྩེ་རི་ཁྲོད་ཀྱི་དབུ་མཛད་ལུང་རིགས་སྨྲ་བ་དགེ་སློང་ཕྲིན་ལས་རྒྱ་མཚོ་དང་། མཐུ་སྟོབས་ཟུང་ནས་མཎྜལ་དང་བཅས་ཏེ་ནན་ཏན་དུ་བསྐུལ་བ་ལྟར། འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་དགེ་ལ…

མཚན་སྔགས་དཀྱུས་ལྟར། །ཚོགས་མཆོད་རྒྱས་བསྡུས་གང་རིགས་བྱིན་རླབས་ནས་ལྷག་མའི་བར་དང་། བསྔོ་སྨོན་གང་རིགས་བྱ། སངས་རྒྱས་བྱང་ཆུབ་སེམས་ཀུན་སོགས་རིགས་ལྔའི་སྡོམ་པ་བཟུང་། སླར་ཡང་། མཁའ་ཁྱབ་སྲས་བཅས། སོགས་གསོལ་འདེབས་དང་། ཁྱོད་ནི་བླ་མ་སོགས་བླ་མཆོད་ལྟར་ལན་གསུམ། དེ་ལྟར་རྩེ་གཅིག་སོགས་ནས། ཆོས་སྐུར་ཤར། ཞེས་པའི་བར་དཀྱུས་ལྟར…

བཀའ་དྲིན་སུམ་ལྡན་རྩ་བའི་བླ་མ་རྗེ། །ངག་དབང་ཐེག་ཆེན་བཀྲ་ཤིས་རིན་ཆེན་ཞབས། །རྣམ་པ་རྒྱལ་ཀུན་ཡབ་གཅིག་འཇམ་པའི་དབྱངས། །སྐུ་མདོག་དམར་སེར་གཟི་བརྗིད་དཔལ་དུ་འབར། །ཕྱག་གཡས་ཤེས་རབ་རལ་གྲི་མཁའ་ལ་འཕྱར། །གཡོན་པས་ཨུཏྤ་ལར་གནས་གླེགས་བམ་བསྣམས། །ཟུར་ཕུད་ལྔ་ལྡན་དར་དང་རིན་ཆེན་རྒྱན། །སྣང་སྟོང་ཟུང་འཇུག་དབང་པོའི་གཞུ་ལྟ་བུ། །མཚ…

གསོལ་བ་གདབ་པ་ནི། ངག་གི་དབང་ཕྱུག་ཐེག་ཆེན་བཤེས་གཉེན་མཆོག །སྲིད་ཞིའི་བཀྲ་ཤིས་ཀུན་གྱི་འབྱུང་གནས་ཆེ། །དཀྱིལ་འཁོར་རྒྱ་མཚོའི་ཁྱབ་བདག་རྡོ་རྗེ་འཆང་། །འཇམ་མགོན་བླ་མའི་ཞབས་ལ་གསོལ་བ་འདེབས། །གསོལ་བ་འདེབས་སོ་རྗེ་བཙུན་ས་སྐྱ་པ། །བྱིན་གྱིས་རློབས་ཤིག་མངྒ་ལ་རཏྟཱ། །སྙིང་ནས་གདུང་ཤུགས་དྲག་པོས་གསོལ་འདེབས་ན། །བྱང་ཆུབ་བར་དུ…

པོའི་མཎྜལ་བཅས་ཆེད་དུ་བསྐུལ་ངོར། འཇམ་མགོན་བླ་མ་ས་སྐྱ་པ་ཆེན་པོ་དེ་ཉིད་ཀྱི་ཞབས་རྡུལ་ལ་སྤྱི་བོས་རེག་ཅིང་བྱམས་པ་ཆེན་པོས་རྗེས་སུ་བཟུང་བའི་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་དཔལ་བཟང་པོས་དད་པས་བྲིས་པ་དཔལ་ལྡན་བླ་མའི་བྱིན་རླབས་སྙིང་ལ་འཇུག་པའི་རྒྱུར་གྱུར་ཅིག ༈ །ཟབ་ལམ་བླ་མའི་རྣལ་འབ…

གནས་གསུམ་དུ། །རྡོ་རྗེའི་ཡི་གེས་མཚན་པའི་འོད་ཟེར་གྱིས། །ཡེ་ཤེས་སེམས་དཔའ་བཛྲ་ས་མཱ་ཛ༔ ཛཧཱུྃ་བཾ་ཧོ༔དམ་ཡེ་དབྱེར་མེད་གྱུར། །བདག་དང་མཁའ་མཉམ་འགྲོ་བ་མ་ལུས་ཀུན། །ཞིང་རྡུལ་མཉམ་པའི་ལུས་སུ་རབ་སྤྲུལ་ནས། །སྒོ་གསུམ་གུས་པ་ཆེན་པོས་ཕྱག་འཚལ་ཞིང་། །ཕྱི་ནང་གསང་བ་མཆོག་གི་མཆོད་སྤྲིན་དང་། །ལུས་དང་ལོངས་སྤྱོད་ལྟོས་པ་མེད་པར་འབུ…

བརྩེའི་དབང་། །ཐུགས་རྗེས་ཟུངས་ཤིག་ཡེ་ཤེས་སྣང་བ་ཡིས། །མཁའ་སྤྱོད་ཆེན་པོའི་གྲོང་དུ་དབུགས་དབྱུང་གསོལ། །ཞེས་ཅི་ནུས་དང་། སྤྲོ་ན་ཁོ་བོས་བྱས་པའི་ཐུགས་དམ་གནད་བསྐུལ་གསོལ་འདེབས་བྱ། སྔགས་བཟླ་བར་སྤྲོ་ན། ཨོ་གསུམ་མ་ཅི་ནུས་དང་། ཨོ་ཨཱགུ་རུ་བཛྲ་ཡོ་གི་ནཱི་སུ་ཀ་ལྔ་ཤཱ་ས་ན་སཱུ་རྱ་ཛྙཱ་ན་སརྦ་སིདྡྷི་ཧཱུྃ། ཞེས་པའང་ཅི་རིགས་པར་…

ཕོ་སྟག་ལོའི་ཆུ་སྟོད་ཟླ་བའི་དཀར་ཕྱོགས་མཁའ་འགྲོ་མ་འདུ་བའི་ཚེས་བཅུའི་དུས་བཟང་པོར་བྲིས་པ་དོན་དང་ལྡན་པར་གྱུར་ཅིག ༈ །བླ་མ་འཇམ་པའི་དབྱངས་ཁྲི་སྲོང་ལྡེའུ་བཙན་དང་དབྱེར་མེད་དུ་གསོལ་གླུ བ་འདེབས་པའི་རྣལ་འབྱོར་གྲུབ་གཉིས་ཤིང་རྟ་ཞེས་བྱ་བ། ན་མོ་གུ་རུ་བྷྱ༔ ཕྱོགས་བཅུ་དུས་གསུམ་སྐྱབས་གནས་ཐམས་ཅད་ལ། །བྱང་ཆུབ་བར་དུ་གུས་པས་…

སྣང་ཟིལ་གྱིས་གནོན། །ཐུགས་ཀར་པད་ཟླ་འོད་ཀྱི་གུར་ཁྱིམ་དབུས། །ཡེ་ཤེས་སེམས་དཔའ་འཇམ་དཔལ་གཞོན་ནུ་ནི། །གསེར་མདོག་རལ་གྲི་གླེགས་བམ་ཕྱག་ན་བསྣམས། །དར་དང་རིན་ཆེན་རྒྱན་རྫོགས་སྐྱིལ་ཀྲུང་བཞུགས། །སྐྱབས་གནས་ཐམས་ཅད་འདུས་པའི་ངོ་བོར་གྱུར། །བདག་གཞན་ལུས་དང་ལོངས་སྤྱོད་དགེ་བའི་ཚོགས། །ཉེར་སྤྱོད་འདོད་ཡོན་བཀྲ་ཤིས་རྫས་རྟགས་བརྒྱ…

སྐྱབས་གནས་ཀུན་འདུས་འཇམ་དབྱངས་བླ་མ་མཁྱེན། །བྱང་ཆུབ་བར་དུ་འབྲལ་མེད་རྗེས་སུ་ཟུངས། །གསོལ་འདེབས་ཀྱི་བཟླས་པ་བྱ་བར་སྤྲོ་ན། བླ་མ་འཇམ་དབྱངས་དབྱེར་མེད་ལ་ཕུར་ཚུགས་སུ་གསོལ་བ་བཏབ་ཅིང་། ཨོཾ་ཨ་ར་པ་ཙ་ན་དྷཱི༔ ཞེས་བརྒྱ་རྩ་སོགས་ཅི་ནུས་བཟླས་མཐར། འཇམ་དབྱངས་བླ་མའི་སྐུ་ལས་བདུད་རྩིའི་རྒྱུན། །འོད་ཟེར་དང་བཅས་ཚངས་པའི་སྒོ་ནས་ཞ…

དབྱངས་མཁྱེན་བརྩེའི་དབང་པོའི་རྣམ་ཐར་སྙིང་པོར་དྲིལ་བ་བཞུགས་སོ། །དཀོན་མཆོག་རྩ་གསུམ་རྒྱ་མཚོའི་བདག །དཔལ་ལྡན་བླ་མར་གུས་བཏུད་ནས། །རང་ཚུལ་སྒྲོ་སྐུར་མ་མཆིས་པར། །དམ་པའི་གསུང་ངོར་མདོར་བསྡུས་བརྗོད། །ཁོ་བོ་བོད་ཆེན་སྡེ་དགེའི་ཤར། །གཏེར་ལྷུང་ཞེས་པའི་ས་ཡི་ཆར། །ཁྱུང་ཆེན་བྲག་གི་འདབས་རོལ་ཏུ། །གཉོས་ཀྱི་རིགས་སུ་གྲགས་པ་ལས…

བཤེས། །རིག་བྱེད་གཞུང་ལ་མཁས་པ་སོགས། །གཙུག་ནོར་བརྒྱ་དང་ལྔ་བཅུ་བསྟེན། །བཟོ་གསོ་སྒྲ་ཚད་ཡན་ལག་བཅས། །འདུལ་མཛོད་དབུ་ཕར་བཤད་སྲོལ་ཐོས། །གསར་རྙིང་རྡོ་རྗེ་ཐེག་པ་ཡི། ། དབང་དང་བྱིན་རླབས་རྗེས་གནང་སོགས། །བཀའ་གཏེར་བཀའ་གདམས་ས་སྐྱ་པ། །འབྲི་སྟག་མཚུར་དང་གདན་འབྲུག་གི། །སྔོན་གྱི་ལུགས་སྲོལ་མ་ཉམས་པར། །བཞུགས་པའི་སྨིན་གྲོལ་ག…

བཞི་བཅུ་ཉེ་བའི་སྤར། །ཁྲིས་དང་སྤར་ལ་བསྡོམས་པ་ཡི། །གླེགས་བམ་སྟོང་ཕྲག་གཉིས་ཙམ་བཞེངས། །དེ་རྣམས་བཞུགས་པའི་ལྷ་ཁང་ཁག །བཅུ་གསུམ་ཙམ་ཞིག་བཀོད་མཛེས་བསྐྲུན། །ཐུགས་རྟེན་མཆོད་སྡོང་ཆེན་མོས་གཙོས། །གསེར་ཟངས་ལས་གྲུབ་བརྒྱ་ཕྲག་ལྷག །བཞེངས་ཤིང་ཅི་ནུས་མཆོད་འབུལ་བགྱིས། །གནས་གཞི་གསར་དུ་བཞེངས་པ་ནི། །དུས་ཀྱིས་མཐར་འཁྱོལ་དཀའ་བས…

བཟུང་མེད་པ་ལ། །ཆོས་ཀྱི་མཆོད་པ་འབུལ་བ་དང་། །རྐྱེན་སེལ་དབང་དང་བྱིན་རླབས་སོགས། །བློ་སྣ་སུན་སུན་རེ་བ་བསྐངས། །གོང་མའི་ཡུལ་རྣམས་ཐམས་ཅད་ལ། །ཅི་ནུས་མཆོད་པའི་སྤྲིན་ཡང་སྤྲོས། །བ་མཐའ་གང་ལ་ཡ་ང་། །གུས་ཤིང་དད་པ་མ་གཏོགས་པ། །ལོག་རྟོག་ཅུང་ཟད་མེད་པའི་མཐུས། །གཡུང་དྲུང་བོན་ལུགས་ཚུན་ཆོད་ཀྱི། །སློབ་འབྲེལ་རྒྱ་ཆེ་མུ་མེད་བྱ…

ཤིན་ཏུ་མོས་ཤིང་དད་པའི་བློས། །སྔོན་གྱི་ལུགས་སྲོལ་མ་ཉམས་པ། །དཀའ་བ་འབད་པ་བརྒྱ་ཕྲག་གིས། །མང་དུ་ཚོལ་ཞིང་ཐོས་པར་བྱས། །དེ་ལྟའི་ཐོས་བསམ་སྒོམ་པའི་སྐབས། །དངོས་ཉམས་རྨི་ལམ་ཅི་རིགས་པར། །བླ་མ་ལྷ་དང་མཁའ་འགྲོ་ཡིས། །ཉེ་བརྒྱུད་གདམས་པ་སྩལ་བ་དང་། །བྱིན་བརླབས་མཚན་མ་ཅི་ཡང་མཐོང་། །དངོས་གྲུབ་ཐོབ་པ་དཀའ་མོད་ཀྱི། །ཚིག་དོན་སྒོ…

བམ་དང་བཅས་པ། །པཎྜི་ཏ་ཡི་ཚུལ་དུ་མཇལ། །གུས་པས་བཏུད་ཅིང་གསོལ་བཏབ་པས། །ཐོག་མར་གཡོན་གྱི་གླེགས་བམ་ཉིད། །ཤེར་ཕྱིན་སྡུད་པའི་རྒྱ་དཔེར་སྣང་། །དེ་ཉིད་སྤྱི་བོར་བཀོད་ནས་ཀྱང་། ། མཚན་ཉིད་ཆོས་ཀྱི་བཀའ་ལུང་གི །བྱིན་རླབས་རྫོགས་པ་ཡིན་ནོ་གསུངས། །གཡས་ཀྱི་གླེགས་བམ་རྫོགས་པ་ཆེ། །རྡོར་སེམས་སྙིང་གི་མེ་ལོང་གིས། །བྱིན་བརླབས་སྔག…

དབྱུང་ཐོབ། །དེ་མཐར་ལྟ་སྟངས་དང་བཅས་ཏེ། །གཟུང་བའི་ཡུལ་གྱིས་མ་གོས་ཤིང་། །འཛིན་པའི་རྟོག་པས་མ་བསླད་པར། །རིག་སྟོང་རྗེན་པར་བསྐྱང་བ་ནི། །སངས་རྒྱས་ཀུན་གྱི་དགོངས་པའོ། །ཞེས་གསུངས་རང་ལ་ཐིམ་པ་ཡིས། །ཐུགས་ཡིད་དབྱེར་མེད་འདྲེས་པའི་ངང་། །གནས་ལུགས་རང་སོ་ཟིན་ཙམ་བྱུང་། །དེ་ལ་སྤྲོ་བ་སྐྱེས་ནས་ཀྱང་། །དད་པས་རྩེ་གཅིག་གསོལ་བཏ…

བྱུང་བ་དང་། །བར་དུ་གཏན་ལ་ཕབ་ཚུལ་དང་། །ཐ་མར་འབྲེལ་འཇོག་ཉམས་བླངས་སྐབས། །སློབ་དཔོན་ཡི་དམ་མཁའ་འགྲོ་ཡིས། །དབང་བསྐུར་བྱིན་གྱིས་བརླབས་པའི་ཚུལ། །ཤིན་ཏུ་ཞིབ་པར་ཡོད་ན་ཡང་། །འགའ་ཞིག་ཆོས་ཚན་སོ་སོའི་སྐབས། །ཟུར་ཙམ་གསལ་བས་མཁྱེན་བྱ་ཡི། །རྒྱས་པར་སྤྲོ་བར་མ་ནུས་མོད། །སླད་ནས་སྤྲོ་བའི་རྟེན་འབྲེལ་འཚལ། །དེ་ལྟར་ད་ལྟའི་རྣམ་…