འབྲིང་པོར་དེ་ཉིད་བརྟན་པ་དང་། །མཐར་ཕྱིན་ཉིན་མཚན་ཁོར་ཡུག་འབྱུང་། །འདི་ལ་བདེ་གསལ་སྟོང་ཉིད་ངང་། །གཡོ་མེད་གནས་པ་མཉམ་བཞག་དང་། །གཅིག་ཤོས་རྗེས་ཐོབ་ཉིད་ཡིན་ཕྱིར། །འདུ་འཛི་སྤངས་པའི་བརྩོན་འགྲུས་ཀྱིས། །ཞེན་པ་མེད་པར་ཉམས་བླངས་པས། །ཟག་བཅས་མངོན་ཤེས་སོགས་ཀྱང་འགྲུབ། །དེ་ནས་སྔར་གྱི་ཉམས་ཞིག་པས། །རང་སེམས་སྐྱེ་འགགས་བྲལ་བ…

གཉིས་སྣང་ཕྲ་མོའང་སྤངས། །ཡུལ་ཅན་གཉུག་མའི་ཡེ་ཤེས་དང་། །ཡུལ་སྣང་ལུང་མ་བསྟན་པ་ལ། །མཉམ་རྗེས་ཐ་དད་གདགས་པ་སྟེ། །དོན་དུ་བློས་བྱས་འཇུར་དྲན་དང་། །ཐ་མལ་འཁྲུལ་པས་མ་བསླད་པའི། །ཡེངས་མེད་འཛིན་མེད་རྣལ་འབྱོར་མཆོག །གོ་ཡུལ་ཙམ་མིན་ཉམས་སུ་མྱོང་། །མཐར་ཐུག་བཞག་བྱ་འཇོག་བྱེད་ཀྱི། །སྤྲོས་པ་མ་ལུས་རྒྱུན་ཆད་ནས། །མཉམ་རྗེས་རེས་འཇ…

པ་སྟོང་ཉིད་གཤེས་དང་ལམ། །རྒྱས་འདེབས་གཉེན་པོར་ཤོར་བ་སྟེ། །དེ་ཡང་ཐམས་ཅད་སྟོང་ཉིད་ཕྱིར། རྒྱུ་འབྲས་གྲུབ་པ་མེད་སྙམས་དང་། །ཇི་ཙམ་གོ་ཡང་རང་རྒྱུད་ལ། །ཉམས་མྱོང་བྲལ་བ་དང་པོའོ། །སྐུ་གསུམ་ལྷན་སྐྱེས་མ་ཤེས་པར། །འབྲས་བུ་གཞན་ན་རེ་བ་དང་། །མ་བཅོས་གཉུག་མ་ལས་གཞན་པའི། །བློ་བྱས་འཛིན་རྩོལ་གཉིས་པར་བཤད། །ཐབས་ཤེས་དབྱེར་མེད་མ་…

མཐོང་བའི་བར། །རིམ་པ་བཞིན་དུ་རྗེས་སུ་སློབས། །གཞན་ཡང་ཉམས་ལེན་བོགས་འདོན་ཅིང་། །དགེ་སྦྱོར་སྲང་དུ་གཞུག་པའི་ཕྱིར། །དུས་ཀྱི་གནས་སྐབས་དང་བསྟུན་པའི། །རྣལ་འབྱོར་རྣམ་པ་དྲུག་ཡིན་ཏེ། །ཐོ་རངས་ཡེ་ཤེས་གསལ་འདེབས་ཕྱིར། །གཉིད་ལས་སད་པའི་དེ་མ་ཐག །སྟོང་ཉིད་སྙིང་རྗེ་ཟུང་འཇུག་པས། །གཞན་ཕྱིར་དགེ་བའི་སྤྱོད་པ་བརྩམས། །ཉིན་པར་སྣ…

བདུད་རྩི་ཡིས། །མཆོད་སྦྱིན་མགྲོན་རྣམས་ཚིམ་བྱས་ཏེ། །འདི་ལྟར་ཐོག་མར་མ་སྐྱེས་ཕྱིར། །ཐ་མར་གང་དུ་འགགས་པར་འགྱུར། །དེ་ཕྱིར་སྐྱེ་འཆི་བྲལ་བ་ཡིས། །ཕྱག་རྒྱ་ཆེན་པོར་མཉམ་བཞག་པས། །དོན་གྱི་བསྲེ་འཕོ་ལམ་དུ་ལོངས། །མདོར་ན་འཆི་བའི་རྟོག་པ་ནི། །མ་བཅོས་ཆོས་སྐུའི་དབྱིངས་སུ་གྲོལ། །བར་དོ་སྣང་སྟོང་རོ་མཉམ་དུ། །རྟོགས་པས་ལོངས་སྤྱ…

གཞོན་ནུ་མ་ཡི་སྲད་བཞིན་དུ། །ཨེ་ཝཾ་གཉིས་སུ་མེད་པར་བཞུགས། །རང་བཞིན་ལྷན་སྐྱེས་ཆོས་སྐུ་སྟེ། །འགགས་མེད་ཟུང་འཇུག་ལོངས་སྤྱོད་རྫོགས། །སྣ་ཚོགས་གཟུགས་ཅན་སྤྲུལ་པའི་གར། །དབྱེར་མེད་བདེ་ཆེན་ངོ་བོ་ཉིད། །དག་པའི་ཡེ་ཤེས་མ་འདྲེས་པར། །གཟིགས་པས་མེ་ལོང་ལྟ་བུ་དང་། །དངོས་ཀུན་གཅིག་ཏུ་ཐུགས་ཆུད་ཕྱིར། །མཉམ་པ་ཉིད་ཅེས་བྱ་བར་བཤད། …

གང་གི་ཞལ་སྐྱིན་ལ། །སྙིང་ནས་དད་པས་གསོལ་བཏབ་སྟེ། །ལམ་དབང་ཆོ་གས་དགེ་བྱས་ཚེ། །ཇི་ལྟར་ཤར་བའི་རྟོགས་པ་ལས། །མདོ་སྔགས་ཐུན་མོང་ཁྲིད་ཚུལ་གྱི། །འོད་གསལ་ཕྱག་རྒྱ་ཆེན་པོའི་ལམ། །ཟབ་ཅིང་རྒྱ་ཆེའི་གཞུང་བཟང་ཀུན། །སྙིང་པོར་དྲིལ་ཏེ་ཉེ་བར་གདམས། །འོན་ཀྱང་སོ་སྐྱེའི་བློ་གྲོས་ཀྱིས། །ནོངས་པ་གྱུར་ཀུན་མཐོལ་བགྱིད་ཅིང་། །དགེ་བས་ན…

གཏོང་། །འདི་སྙིང་རྗེ་ལམ་ཁྱེར་གྱི་གནད་གཅིག་ལགས། །ཚེ་རབས་ནས་བསགས་པའི་སྡིག་ལྟུང་ཚོགས། །རྐྱེན་ངན་ལ་བསྟེན་ནས་སྦྱང་བའི་ཕྱིར། །ཕ་བླ་མའི་ཐུགས་རྗེར་སྙིང་ནས་དད། །འདི་མོས་གུས་ལམ་ཁྱེར་གྱི་གནད་གཅིག་ལགས། །ནད་ཟུག་རྔུའི་ངོ་བོར་བལྟས་པའི་ཚེ། །སྤང་གཉེན་གྱི་གཟུང་འཛིན་དབྱིངས་སུ་ཡལ། །བདེ་སྟོང་གི་ཉམས་ཤིག་དེ་རུ་འཆར། །འདི་ཕ…

འཁོར་གསུམ་སྒྱུ་མར་བལྟས། །འདི་སྤྱོད་པ་ལམ་ཁྱེར་གྱི་གནད་གཅིག་ལགས། །བཟོད་མེད་ཀྱི་ནད་ཟུག་གཡོ་འཕྲུལ་པོ། །ད་ལྟ་ཡེ་ཤེས་པ་རྗེན་པའི་ཀློང་། །སྐྱེ་འགགས་དང་གནས་གསུམ་བྲལ་བར་ཐིམ། །འདི་ཆོས་སྐུ་ལམ་ཁྱེར་གྱི་གནད་གཅིག་ལགས། །དབྱིངས་བློ་འདས་རྣམ་ཀུན་མཆོག་ལྡན་པས། །རྩལ་སྣང་སྟོང་ཆུ་ཟླ་ལྟ་བུར་ཤར། །ཤར་ཙམ་ནས་རང་གི་ངོ་བོར་གྲོལ། …

ཀུན་མཁྱེན་ཆོས་ཀྱི་རྒྱལ་པོ་ལ་འདུད་དོ། །རྨད་བྱུང་ཟག་བྲལ་ཚུལ་ཁྲིམས་ཀྱི་ལང་ཚོར། །རིག་གྲོལ་སྤོབས་པའི་འཇོ་སྒེག་གིས་འཁྱུད་པས། །ཟབ་ཅིང་རྒྱ་ཆེའི་བློ་གྲོས་ཀྱི་མཚར་སྡུག །དཔྱོད་ལྡན་ཀུན་ཡིད་འཕྲོག་པ་ལ་འདུད་དོ། །ངག་གི་དཔལ་གྱུར་འཇམ་མགོན་གྱི་ཞབས་སེན། །སྙིང་དབུས་མི་ཤིགས་དགའ་ཚལ་དུ་བཀོད་པས། །ཤེས་བྱའི་གནས་ཀུན་ཐོགས་མེད་ད…

པས། །བསམ་ལས་སྤྲུལ་པའི་ཕྲིན་ལས་དང་སྦྲགས་ནས། །འགྲོ་ཁམས་རྒྱ་མཚོ་ཐར་པ་ལ་སྦྱོར་བའི། །ཡོན་ཏན་ཕ་མཐའ་ཡས་པ་ལ་འདུད་དོ། །རང་སྣང་རྡུལ་བྲལ་འོག་མིན་གྱི་ཞིང་དུ། །ཁ་སྦྱོར་རྡོ་རྗེའི་མཚན་དཔེ་ཡི་གཟི་བརྗིད། །ཡན་ལག་བདུན་ལྡན་ཆེན་པོ་རུ་འབར་བའི། །ལོངས་སྤྱོད་ཡོངས་རྫོགས་འཁོར་ལོ་ལ་འདུད་དོ། །གཞི་ལས་འཕགས་པའི་གཞི་སྣང་གི་ཕྱག་རྒྱར…

ཕྱིར། །སྔོན་མེད་དཔྱིད་ཀྱི་དཔལ་མོ་འདི་ཡིས་སྐལ་བཟང་ཚོགས་རྣམས་ངལ་འཚོར་གྱུར། དེ་སླད་དོན་བཟང་རོ་ལྡན་པའི། །ཚིག་སྙན་པུཎྜ་རཱི་ཀའི་ཕྲེང་། །དབང་རྣོན་མཛེས་མའི་རྣམ་འབྱེད་པའི། །མཚར་སྡུག་གྲོགས་སུ་ད་ལོངས་ཤིག །ཅེས་པའང་བར་སྐབས་ཀྱི་ཆེད་དུ་བརྗོད་པའི་སྙན་ངགས་ཀྱི་ཏམྦུར་ཅུང་ཟད་བསྒྲེངས་པའོ། །སརྦ་དཱ་ཤྲཱི་ཡོ་བྷ་བ་ཏུ།། ༈ །།ཞ…

འདས་དབྱེར་མེད་བླ་མ་དེ་དྲན་བྱུང་། །ངོ་བོ་ཉིད་སྐུའི་ཡེ་ཤེས་ཆེན་པོ་དེ་སྩོལ་ཤོག །བྱང་ཆུབ་ཕྱོགས་ཆོས་སུམ་ཅུ་ལ་སོགས་ཀྱི་ཡོན་ཏན། །རང་རིག་བདེ་གཤེགས་སྙིང་པོ་ཉག་གཅིག་ལ་རྫོགས་པས། །། མངོན་པར་བྱང་ཆུབ་དཔལ་ལྡན་བླ་མ་དེ་དྲན་བྱུང་། །ས་ལམ་ཡོན་ཏན་རྫོགས་པར་བྱིན་གྱིས་རང་རློབས་ཤིག །གང་ལྟར་སྣང་ཡང་སྣང་སྲིད་འཁོར་འདས་དེ་མ་གྲུབ…

བཞུགས་ཡོད། །ཁ་སྦྱོར་ཡན་ལག་བདུན་ལྡན་དངོས་གྲུབ་རང་སྩོལ་ཤོག །ཐུགས་རྗེ་ཕྱོགས་རིས་མེད་པའི་བདེ་ཆེན་གྱི་ཀློང་ནས། །གང་ཤར་མཚན་དཔེའི་ཡོན་ཏན་རང་ངོ་རུ་གྲོལ་བའི། །རིག་འཛིན་མཁའ་འགྲོ་རྒྱ་མཚོའི་ཚོམ་བུ་དེ་བཞུགས་ཡོད། །སྣང་སྟོང་ལྷུན་གྲུབ་ཆེན་པོའི་དངོས་གྲུབ་རང་སྩོལ་ཤོག །ཚོགས་བརྒྱད་དབུ་མར་ཐིམ་པ་སྲིན་ཡུལ་གྱི་གྲོང་དུ། །འཁ…

ལ་ཤར་བའི་གསོལ་འདེབས་ཀྱི་གླུ་དབྱངས། །མགྲིན་པ་རྡོ་རྗེའི་རོལ་མོའི་དཀོར་མཛོད་ནས་བླངས་པས། །ལྷན་སྐྱེས་སྐུ་བཞིའི་དབང་ཕྱུག་བདེ་གཤེགས་ཀྱི་སྙིང་པོར། །གདོད་མའི་བཙན་ས་ཟིན་པའི་སྨོན་ལམ་ཞིག་ཞུའོ།། ༈ །།དུས་གསུམ་ཀུན་མཁྱེན་པདྨ་འབྱུང་གནས་ལ་གསོལ་བ་འདེབས་པ་ཡོ་ག་གསུམ་གྱི་གླུ་དབྱངས་ཞེས་བྱ་བ། ཨ་ཧོ།ལྷོ་ནུབ་སྲིན་ཡུལ་ཟངས་མདོག…

འདེབས་སོ། །ཕྱི་ནང་གཞན་གསུམ་ཉམས་ལེན་སྦྱར་བ་ཡི་སྒྲ་དབྱངས། །ཡོ་ག་རྣམ་གསུམ་གླུ་དབྱངས་གཏད་མེད་དུ་འབུལ་བས། །ཕུང་ཁམས་སྐྱེ་མཆེད་འདུ་བ་དབུ་མ་རུ་ཐིམ་ནས། །དོན་དམ་ཆོས་ཟད་ཆེན་པོ་མངོན་གྱུར་དུ་ཤོག་ཅིག ཅེས་བདེ་བ་ཆེན་པོ་པདྨ་ཀ་ར་ལ་ཐུན་མོང་མ་ཡིན་པར་གསོལ་བ་གདབ་པའི་རིམ་པའོ།། ༈ །།སྙིང་ཐིག་བསྟན་པ་འཛིན་པའི་མངའ་བདག་ཆེན་པོ་བ…

པ་རྡོ་རྗེ་སྙིང་དབུས་ནས་དྲན་བྱུང་། །ཟབ་མོའི་བསྟན་པ་འཛིན་པར་བྱིན་གྱིས་རང་རློབས་ཤིག །སྙིང་པོར་གྱུར་པའི་ངེས་གསང་འབྲས་བུ་ཡི་ཐེག་པ། །སྙིང་ནས་བསྒྲེང་བའི་ཐུགས་བསྐྱེད་རྨད་བྱུང་དང་ལྡན་ཅིང་། །སྙིང་ཏིག་སྡེ་གསུམ་བསྟན་པ་སྐལ་བཟང་ལ་སྤེལ་བའི། །སྙིང་རྗེའི་གཟུགས་སྐུ་མཉྫམི་ཏྲ་དེ་དྲན་བྱུང་། །བླ་མེད་དོན་མཆོག་མཐོང་བར་བྱིན…

རློབས་ཤིག །ཟག་མེད་འདུས་བྱས་བྲལ་བའི་སྣང་སྟོང་གི་ཡེ་ཤེས། །ཟག་བཅས་གདན་གསུམ་བྲལ་བའི་འཁོར་ལོ་རུ་བཞེངས་ཀྱང་། །ཟག་ཟད་མཁྱེན་བརྩེའི་ཡེ་ཤེས་མཁའ་མཐའ་རུ་གདལ་བའི། །ཟག་བྲལ་མཚོ་སྐྱེས་རྡོ་རྗེ་སྙིང་དབུས་ནས་དྲན་བྱུང་། །དོན་གཉིས་ལྷུན་གྱིས་གྲུབ་པར་བྱིན་གྱིས་རང་རློབས་ཤིག །རང་རིག་བརྗོད་པ་བྲལ་བའི་ཆོས་ཉིད་ཀྱི་ཀློང་ནས། །རང་…

སྔགས་འཁོར་ལོ་བདེན་གཉིས་ཀྱི་སྒྲ་དབྱངས། །སྤྲོས་མེད་གཉུག་མར་རོལ་པའི་བདེ་སྟོང་གི་ཡེ་ཤེས། །བླ་མེད་ཁྱབ་བདག་བླ་མ་སྙིང་དབུས་ནས་དྲན་བྱུང་། །ཐུགས་ཡིད་གཅིག་ཏུ་འདྲེས་པར་བྱིན་གྱིས་རང་རློབས་ཤིག །ཨ་ཧོ། ཕུང་ཁམས་སྐྱེ་མཆེད་སྣང་སྟོང་སྒྱུ་འཕྲུལ་གྱི་དྲྭ་བ། །སྲོག་རྩོལ་རླུང་ཀུན་མཉམ་རོལ་ཟུང་འཇུག་གི་ངོ་བོ། །རྟོག་ཚོགས་གང་ཤར་…

སེམས་སྣང་བ་གཏད་མེད་རང་ངོ་རུ་གྲོལ་ཚེ། །གང་ཤར་གསོལ་བ་འདེབས་པའི་རྡོ་རྗེ་ཡི་ཐོལ་གླུས། །འགྲོ་རྣམས་དཔལ་ལྡན་བླ་མའི་གོང་འཕང་དེ་ཐོབ་ཤོག། ༈ །།འོད་གསལ་རྫོགས་པ་ཆེན་པོའི་ཉེ་བརྒྱུད་ལ་གསོལ་བ་འདེབས་པའི་རྡོ་རྗེའི་ཐོལ་གླུ་བདེ་སྟོང་གཉུག་མའི་རྒྱན་ཅེས་བྱ་བ། ཨ་ཧོ། བདེ་སྟོང་ཟུང་འཇུག་ལྷན་སྐྱེས་དཀྱིལ་འཁོར་གྱི་ཀློང་ནས། །རྟག་…