བ་གང་བགྱིས་པ། །དེ་ཡང་བླ་མེད་བྱང་ཆུབ་འབྲས་ཐོབ་པར། །མ་ལུས་པ་ལ་རྟག་ཏུ་རྗེས་ཡི་རང་། །རྫོགས་སངས་རིན་ཆེན་རང་གི་སེམས་གནས་དང་། །རྟོག་པའི་དྲྭ་བ་རབ་དྲལ་དམ་པའི་ཆོས། །ས་དབང་ཚོགས་དང་བརྟུལ་ཞུགས་དབང་དགེ་འདུན། །རབ་ཏུ་དད་པས་རྟག་ཏུ་སྐྱབས་སུ་མཆི། །རྒྱལ་དང་བདག་ཉིད་ལེགས་སྐྱོབ་དེ་དག་ལ། །ཀུན་ནས་ཀུན་ཏུ་བདག་གིས་ལུས་འདི་འབུལ…

སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །དེ་བཞིན་བརྟན་པོར་བཟུང་བར་བགྱི། །ཇི་ལྟར་ཕྱོགས་བཅུའི་རྒྱལ་བ་ཡིས། །སྔོན་གྱི་བདེ་གཤེགས་གྲངས་མེད་ལ། །ཐུགས་བསྐྱེད་དམ་ཚིག་དཔག་མེད་དག །འཚང་རྒྱའི་བར་མི་བཏང་བ་ལྟར། །བདག་ནི་དེང་ནས་བྱང་ཆུབ་བར། །ལུས་སྲོག་ལྟོས་པ་མེད་པར་ཡང་། །བསླབ་འདི་མིག་བཞིན་བསྲུང་ལ་གནས། །ཡེ་ཤེས་ཐུག…

བྱའོ། །ཕྱག་རྒྱ་གཞོན་པ་མཚོན་ཆ་དང་། །མཚན་མ་འགོམ་པར་མི་བྱའོ། །ཞེས་དམ་བཅས་པ་ལ་བརྟེན་ནས་ལྔ་པ་གནང་བ་ནོད་པ་ནི། བླ་མ་ལ་སོགས་པའི་ཚོགས་ཞིང་རྣམས་ཐུགས་དགྱེས་པ་ཆེན་པོས་ཞལ་འཛུམ་མདངས་སུ་བཞད་ཅིང་། རིགས་ཀྱི་བུ་ཁྱོད་གནས་པ་འདི་ལ་གནས་ན་ལེགས་པ་ཡིན་གྱི། གནས་པ་འདིས་གནས་ན་མཆོག་གི་དངོས་གྲུབ་འགྲུབ་པར་འགྱུར་རོ། །ཞེས་གསུང་གིས་…

ནམ་མཁའི་མཐའ་ཀླས་པར་གྱུར། ཨོཾ་བཛྲ་ཨགྷཾ་ཨཱཿཧཱུྃ་ནས། ཤཔྟ་ཨཱཿཧཱུྃ་གི་བར་གྱིས་བྱིན་བརླབས། ཨོཾ་གུ་རུ་བུདྡྷ་བོ་དྷི་ས་ཏྭ་ས་པ་རི་ཝཱ་ར་ཨགྷཾ་པྲ་ཏཱི་ཙྪ་སྭཱ་ཧཱ་ཞེས་སོགས་ཆུ་གཉིས་སྔོན་དུ་འགྲོ་བའི་ཉེར་སྤྱོད་རོལ་མོ་དང་བཅས་པས་མཆོད། ཐལ་མོ་སྦྱར་བས། ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་…

སྲིད་པར་འཁོར་བར་འགྱུར་བའི་རྣམ་པར་རྟོག་པ་དང་། གཞན་གྱི་དོན་ལ་སྐྱོ་བ་དང་། རང་ཉིད་ཞི་བར་འདུན་པ་ལ་སོགས་པ་མྱ་ངན་ལས་འདའ་བར་གྱུར་པའི་རྣམ་པར་རྟོག་པ་གང་ལགས་པ་ཐམས་ཅད་མི་འབྱུང་བར་བྱིན་གྱིས་བརླབ་ཏུ་གསོལ། །བདག་གི་སེམས་ལས་སུ་རུང་བ་དང་། བག་ཡོད་པ་དང་། དྲན་པ་དང་ཤེས་བཞིན་ཡང་དག་པ་དང་ལྡན་པར་བྱིན་གྱིས་བརླབ་ཏུ་གསོལ། །བདག་…

མཐོང་ཞིང་། དེ་དག་གི་རྣམ་པར་འཕྲུལ་པ་བསམ་གྱིས་མི་ཁྱབ་པ་དང་བཅས་པས་མདུན་བསུས་ཏེ། བར་དོའི་འཇིགས་པ་ཐམས་ཅད་དང་བྲལ་ཞིང་། བདུད་དང་གཤིན་རྗེའི་སྤྱོད་ཡུལ་ཐམས་ཅད་ལས་ཤིན་ཏུ་འདས་ནས་རིག་པ་འཛིན་པ་དང་མཁའ་ལ་སྤྱོད་པ་ལ་སོགས་པའི་གོ་འཕང་མཆོག་ཏུ་སྐྱེ་བར་བྱིན་གྱིས་བརླབ་ཏུ་གསོལ། །སྐྱེ་བ་དང་སྲིད་པ་ཐམས་ཅད་དུ་འཇིག་རྟེན་དང་འཇིག་…

མར་ཐིམ། །དེ་ཡང་རང་གི་ཚངས་པའི་བུ་ག་ནས། །ཞུགས་ཏེ་སྙིང་དབུས་པད་དཀར་བཞད་པའི་རྩེར། །བདེ་སྟོང་ཉི་ཟླའི་དཀྱིལ་འཁོར་རྒྱས་པའི་དབུས། །དགྱེས་པ་ཆེན་པོའི་ངོ་བོར་རྟག་བཞུགས་ནས། ། དབང་དང་དངོས་གྲུབ་ཐམས་ཅད་སྩོལ་བར་གྱུར། །ཞེས་བརྗོད་ཅིང་བསམ་ལ། དད་མོས་རྩེ་གཅིག་པའི་ངང་ནས། བླ་མའི་མཚན་དཔེའི་སྣང་ཆ་གསལ་ལམ་མེ་བ་ལ་སེམས་ཞུགས་པ་བ…

འགྲོ་བའི་བླ་མ་རྟག་ཏུ་མཉེས་གྱུར་ཅིག །བཞི་པ་དགེ་བ་བསྔོ་བ་ནི། འཇམ་དཔལ་དཔའ་བོས་ཇི་ལྟར་མཁྱེན་པ་དང་། །ཀུན་ཏུ་བཟང་པོ་དེ་ཡང་དེ་བཞིན་ཏེ། །དེ་དག་ཀུན་གྱི་རྗེས་སུ་བདག་སློབ་ཅིང་། །དགེ་བ་འདི་དག་ཐམས་ཅད་རབ་ཏུ་བསྔོ། །དུས་གསུམ་གཤེགས་པའི་རྒྱལ་བ་ཐམས་ཅད་ཀྱིས། །བསྔོ་བ་གང་ལ་མཆོག་ཏུ་བསྔགས་པ་དེས། །བདག་གི་དགེ་བའི་རྩ་བ་འདི་ཀུ…

སོགས་ཤིས་པ་བརྗོད་པ་ཇི་ལྟར་རིགས་པས་མཐའ་བརྒྱན་ཅིང་མེ་ཏོག་གི་ཆར་སིལ་མར་དགྲམ་པར་བྱའོ།། ༈ །།གལ་ཏེ་རྣལ་འབྱོར་མའི་འཁྲིད་རིམ་ཟབ་མོས་རྒྱུད་སྨིན་པའི་གང་ཟག་གིས་བླ་མའི་རྣལ་། འབྱོར་ཐུན་མོང་མ་ཡིན་པ་ལ་བརྟེན་ནས་བླ་མ་མཆོད་པའི་ཆོ་ག་ཉམས་སུ་བླངས་བར་འདོད་ན། སྦྱོར་བ་སྔར་བཞིན་དང་། དངོས་གཞི་ལ། དང་པོ་ཚོགས་ཞིང་གསལ་གདབ་པ་ནི། …

རབ་མཛེས་ཞབས་ཟུང་རྡོ་རྗེའི་སྐྱིལ་ཀྲུང་གིས། །འོད་དང་འོད་ཟེར་དུ་མ་འཕྲོ་བཞིན་བདག་ལ་དགེས་པའི་ཚུལ་གྱིས་བཞུགས། །དེ་མཐར་མདུན་གྱི་ཆ་ནས་བརྩམས་ཏེ་སངས་རྒྱས་རྡོ་རྗེ་འཆང་ཆེན་སོགས། །ཚད་མེད་མཁྱེན་དང་བརྩེ་བའི་བདག་ཉིད་བརྒྱུད་པའི་བླ་མ་ཐམས་ཅད་ཀྱང་། །དཔའ་བོ་རྡོ་རྗེ་ཆོས་ཀྱི་རྣམ་པས་མངོན་སུམ་ལྟ་བུར་བསྐོར་བ་རྣམས། །མཁའ་དབྱིང…

གསང་ཆེན་སློབ་བཤད་འཛིན་པའི་ཕམ་མཐིང་པ། །གསང་མཛོད་ཀུན་གྱི་གཏེར་གྱུར་ཤེས་རབ་བརྩེགས། །གསང་སྔགས་རྒྱ་མཚོའི་མངའ་བདག་མལ་ལོའི་ཞབས། །གུས་པས་ཕྱག་འཚལ་བརྩེ་བས་བྱིན་གྱིས་རློབས། །རྡོ་རྗེ་འཆང་ཆེན་བླ་ཆེན་ས་སྐྱ་པ། །རྡོ་རྗེའི་སྲས་མཆོག་རྗེ་བཙུན་བསོད་ནམས་རྩེ། །རྡོ་རྗེ་འཛིན་པའི་གཙུག་རྒྱན་གྲགས་པའི་ཞབས། །གུས་པས་ཕྱག་འཚལ་བརྩེ…

མཚན་དང་། །རིགས་བརྒྱའི་ཁྱབ་བདག་དབང་ཕྱུག་རབ་བརྟན་དཔལ། །རིག་གྲོལ་མཐར་ཕྱིན་རྗེ་བཙུན་བཀའ་འགྱུར་བར། །གུས་པས་ཕྱག་འཚལ །དཀྱིལ་འཁོར་རྒྱ་མཚོའི་ཁྱབ་བདག་ཞྭ་ལུ་པ། །དཀྱིལ་འཁོར་ཀུན་གྱི་གཙོ་བོ་མཁྱེན་རབ་རྗེ། །དཀྱིལ་འཁོར་འཁོར་ལོའི་བདག་པོ་རྣམ་གཉིས་ལ། །གུས་པས་ཕྱག་འཚལ༴ །སྙན་བརྒྱུད་གདམས་པའི་གཏེར་མཛོད་རྨོར་ཆེན་རྗེ། །སྙན་བར…

དྲུག །རིན་ཆེན་བདུན། འདོད་ཡོན་ལྔ། མཎྜལ། ནང་མཆོད་རྣམས་ཐུན་མོང་ལྟར་བྱས་པའི་མཐར། ནང་གི་ཚོགས་ཀྱི་མཆོད་པ་ལ། ཐོག་མར་ཞེན་པ་སྤང་བ་ནི། གང་ལ་ཆགས་ན་ཉེས་ཀུན་འབྱུང་བའི་གཞི། །ཉོན་མོངས་ཀྱིས་བསགས་ཟས་ནོར་ལོངས་སྤྱོད་ཀུན། །རྗེ་བཙུན་བླ་མ་མཆོག་ལ་དབུལ་བར་བགྱི། །རྒྱགས་དང་སེར་སྣ་ཞི་བར་བྱིན་གྱིས་རློབས། །རང་གི་ཞེ་སྡང་རང་གཟུགས…

ལ་སྣུམ་མཐོང་ནས། །སྔོན་ཆད་འདི་འདྲའི་ལུས་ཀུན་དོན་མེད་སོང་། །ད་ལན་དོན་ཆེན་བྱའོ་སྙམ་དུ་དགོངས། །ཕུང་པོའི་རྩར་བྱོན་ཕྱག་གཡས་གྲི་གུག་གིས། །ཐ་མལ་ལུས་སུ་སྣང་བའི་མགོ་བོ་ཡི། །ཡ་ཐོད་བཅད་དེ་ཐོད་པའི་སྒྱེད་པུའི་ཁར། །བཞག་པས་ཕྱི་དཀར་ནང་དམར་ཀ་པཱ་ལ། །སྟོང་གསུམ་དང་མཉམ་སྣོད་དུ་གྱུར་པའི་ནང་། །རྐང་གཡོན་གཡས་པ་ཁོག་སྨད་ནང་ཁྲོ…

ཞེས་རྩ་བའི་བླ་མ་ལ་ལན་བདུན་ཕུལ། དེ་ནས་བརྒྱུད་པའི་བླ་མའི་ཞལ་དུ་ཨོཾ་ཨཱཧཱུཾ། །ཡི་དམ་ལྷ་ཚོགས་ཞལ་དུ༴ །སངས་རྒྱས་བྱང་སེམས་ཞལ་དུ༴ །ཉན་ཐོས་རང་རྒྱལ་ཞལ་དུ༴ །ཆོས་སྲུང་ནོར་ལྷའི་ཞལ་དུ་ཨོཾ་ཨཱཧཱུཾ། །ཡེ་ཤེས་བདུད་རྩིའི་རྒྱ་མཚོ་ཆེན་པོ་འདི། །བཞེས་ནས་བདག་དང་སེམས་ཅན་ཐམས་ཅད་ལ། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །མཆོད་…

བགྱིད་ན། །ལྷན་སྐྱེས་རྣམ་ཀུན་མཆོག་ལྡན་རོལ་མོས་བདག་རྒྱུད་ཚིམ་པར་མཛད་དུ་གསོལ། །ཞེས་བསྟོད། མཐར་མཆོད་པའི་ལྷ་མོ་རྣམས་རང་ལ་ཐིམ་པས་བདེ་བ་ཆེན་པོའི་ཡེ་ཤེས་རྒྱུད་ལ་སྐྱེས་པར་བསམ། དེ་ནས་ཡིད་བྱུང་གི་མཆོད་པ་སྔར་ལྟར་གྱི་མཐར། དེ་ཁོ་ན་ཉིད་ཀྱི་མཆོད་པ་ནི། རང་སེམས་བླ་མ་ཡི་དམ་དབྱེར་མེད་ཕྱིར། །མཆོད་བྱ་མཆོད་བྱེད་སྤྲོས་ཀུན་…

ཤེས་སྤྱན་གྱིས་གཟིགས་དང་ལྷན་ཅིག་པར། །བརྒྱུད་པའི་བླ་མ་རྣམས་ཀྱིས་ཐུགས་རྗེའི་སྤྱན། །འཁོར་ལོའི་མགོན་པོའི་ཐུགས་ཀར་གཏད་ནས་ཀྱང་། །གནང་བ་སྦྱིན་པའི་ཚུལ་གྱིས་གཡས་བསྐོར་དུ། །རིམ་གྱིས་འོད་ཞུ་གཅིག་ལ་གཅིག་ཐིམ་མཐར། །དབྱིངས་ཀྱི་རོལ་པ་བླ་མའི་ཐུགས་ཀར་ཐིམ། །གཉིས་པ་དེ་ལ་ཕུར་ཚུགས་སུ་གསོལ་བ་གདབ་པ་ནི། སྐབས་གནས་བླ་མ་འདུས་པའ…

མའི་དབྱིངས་སུ་བཅིངས་པ་ལས། །ཁ་སྦྱོར་རྡོ་རྗེའི་ཉམས་བརྒྱས་རབ་སྒེག་གསང་བའི་དབང་མཆོག་དེང་འདིར་སྩོལ། །རྣམ་ཀུན་མཆོག་ལྡན་ཡེ་ཤེས་མངོན་གྱུར་འཕོ་མེད་གྲུབ་པའི་ཧེ་རུ་ཀ དཔལ་ལྡན་བླ་མ་ཐུགས་ཀྱི་རྡོ་རྗེར་སྙིང་ནས་གུས་པས་གསོལ་བ་འདེབས། །དངོས་ཡིད་ཕྱག་རྒྱའི་རེག་བྱ་ལས་བྱུང་བདེ་ཆེན་བཅུ་དྲུག་དགའ་བའི་རོས། །རྡུལ་བྲལ་ཆོས་སྐུའི་…

ཆེན་ངོ་བོ་ཉིད། །རིགས་ཀུན་ཁྱབ་བདག་རྩ་བའི་བླ་མ་ལ། །སྙིང་ནས་གུས་པས་གསོལ་བ་བཏབ་པའི་མཐུས། །བླ་མའི་དཔྲལ་བའི་ཨོ་ལས་འོད་དཀར་པོ། །དཔག་མེད་བྱུང་ནས་རང་གི་དཔྲལ་བར་ཐིམ། །བུམ་པའི་དབང་ཐོབ་ལུས་ཀྱི་དྲི་མ་དག །སྐུ་ཡི་བྱིན་རླབས་སྤྲུལ་སྐུའི་ས་བོན་བཞག །བླ་མའི་མགྲིན་པའི་ཨཱལས་འོད་དམར་པོ། །དཔག་མེད་བྱུང་ནས་རང་གི་མགྲིན་པར་ཐིམ…

བ་འགགས་མེད་པའི། །གནས་ལུགས་འོད་གསལ་བླ་མའི་རང་ཞལ་བལྟ། །ཞེས་བརྗོད་ཅིང་བསམ་ལ་རྣམ་རྟོག་གཞན་གྱིས་བར་མ་ཆོད་པར་ཇི་ཙམ་གནས་ཀྱི་བར་དུ་མཉམ་པར་བཞག །དེ་ལས་ལྡང་བར་བརྩམས་པ་ན། །ཐོས་པ་རྒྱ་མཚོའི་མཆོད་ཡོན་ཀུན་ནས་འཁྱིལ། །ཡོན་ཏན་མེ་ཏོག་ཚུལ་ཁྲིམས་བདུག་སྤོས་སྤྲིན། །ཤེས་རབ་སྒྲོན་མེ་དད་པ་སྤོས་ཆུའི་མཚོ། །ཏིང་འཛིན་བདུད་རྩིའི་ཞ…