པ་ཡིན་པར་ཤེས་པར་གྱིས་ཤིག །དེ་ནས་དགུང་ལོ་ང་བདུན་པའི་སྐབས་སུ་སྐུ་ཁམས་བསྙེལ་བའི་ཚུལ་བསྟན་པ་ལ། ནང་དུ་སྐུ་མཚམས་ཀྱི་ཁོངས་སུ་སྒྲུབ་གྲོགས་འགའ་ཞིག་ཀྱང་ཤོག་གསུངས་ནས། དམ་ཚིག་དང་སྡོམ་པ་ལ་གནས་ཤིང་ལྷའི་རྣལ་འབྱོར་ལ་གོམས་པར་བྱས་པ། བསྙེན་སྒྲུབ་དང་བཟླས་པ་ཚད་དུ་ཕྱིན་པའི་རྩ་བའི་རྡོ་རྗེ་སློབ་མ་བདུན་གྱིས་ཉིན་མཚན་དུ་ཞབས་ད…

པའི་དམིགས་པ་མཛད་པས། དངོས་སུ་བདག་ཉིད་ཀྱི་སྐུ་ལ་ཐིམ་པའི་གཟིགས་སྣང་དང་ང་རྒྱལ་བརྟན་པོས་བདུད་ཐམས་ཅད་ཟིལ་གྱིས་གནོན་པ་ལ་བག་ཚ་བ་མེད་པའི་གོ་འཕང་བརྙེས་པར་གྱུར་པའི་ཚེ། དེའི་རྗེས་ཐོགས་དེ་མ་ཐག་ཏུ། ཡེ་ཤེས་མགོན་པོ་ཕྱག་དྲུག་པས་སྣ་དྲངས། གཤིན་རྗེ་ཆོས་ཀྱི་རྒྱལ་པོས་གནོད་བྱེད་ཀྱི་མགྲིན་པ་ནས་ཞགས་པས་བཅིངས་ཏེ་ཁྲིད་བྱུང་བ་ལ…

ཟེར་ཅན་དང༌། རྒྱལ་བ་སྨན་གྱི་བླ་དང༌། དེ་བཞིན་གཤེགས་པ་ཚེ་དཔག་ཏུ་མེད་པ་རྣམས་ཀྱི་སྐུའི་སྣང་བ་དངོས་སུ་གཟིགས་པ་ཕལ་ཆེར་གྱི་དུས་སུ་བྱུང་ཞིང༌། ཡེ་ཤེས་མགོན་པོ་ཕྱག་དྲུག་པ། གུར་གྱི་མགོན་པོ། ཕྱག་བཞི་པ། རྣམ་ཐོས་སྲས་རྣམས་ཀྱི་གཟིགས་སྣང་ཡང་ནར་མར་བྱུང་ངོ༌། །ཞེས་གསུང་ལ། གཤིན་རྗེ་ཆོས་ཀྱི་རྒྱལ་པོ་དང༌། གནོད་སྦྱིན་ཀྵེ་ཏྲ་པ…

ཅན་ལ་སོགས་པ་སྔར་ཐུགས་རྒྱུད་ལ་འཁྲུངས་ཚར་ཞིང༌། ཕྱིའི་རྐྱེན་ཞིང་སྐྱེས་ཀྱི་ཕོ་ཉ་མོ་རྣམས་ཀྱིས་གྲོགས་མཛད་པ་ལ་སོགས་པ་ཁྱད་པར་ཅན་མྱུར་དུ་འོང༌། ལྷག་པའི་ལྷས་ཀྱང་བྱིན་གྱིས་རློབ་པས་རྒྱུ་ཚོགས་རྣམས་ཚང་ཞིང༌། ལམ་དེ་མྱུར་དུ་ཐུགས་རྒྱུད་ལ་འཁྲུང་ངོ་། །ཞེས་རྗེ་བཙུན་གྱིས་གསུང༌། ཞེས་ཟེར་རོ། །དེ་ནས་ནུབ་གཅིག་རྟོགས་ལྡན་པའི་མན…

ལེགས་པར་རྫོགས། རྫོགས་རིམ་གྱི་རྟོགས་པ་ཁྱད་པར་ཅན་བདེ་སྟོང་གི་ཡེ་ཤེས་ཁྱད་པར་ཅན་ཐུགས་རྒྱུད་ལ་འཁྲུངས་པ་རྣམས་ཀྱི་ལྟས་ཡིན། ཞེས་གསུང་ངོ༌། །རྗེའི་ཞལ་སྔ་ནས་ལ། འདི་རྣམས་ཀྱི་གོ་བ་ཐམས་ཅད་ཡོངས་སུ་རྫོགས་པར་ཐུགས་རྒྱུད་ལ་འཁྲུངས་པ་ཇི་ཙམ་ནས་ལགས། ཞེས་ཞུས་པས། སྔགས་ཀྱི་གནད་ཐམས་ཅད་ལ་ཐེ་ཚོམ་གྱི་ལྷག་མ་མེད་པར་ཡོངས་སུ་རྫོགས་པ…

ནས། ཁོང་རང་གིས་འཐེན་གྱིན་འདུག་པས། ས་དང་རི་བོ་ཐམས་ཅད་བེ་རེ་རེ་འོང་གིན་འདུག་པ་ཞིག་རྨིས་འདུག །གཞན་ཡང་དེ་འདྲ་བའི་རྨི་ལྟས་འགའ་རེ་ལ་བྱུང༌། དེ་ནས་དབྱངས་སྦྱོང་བ་རྣམས་ལའང་འདིའི་གཏོར་མ་མ་བཤམས་པར་དབྱངས་བྱ་མི་རུང་བར་འདུག་པས་མ་བྱེད་གསུངས། སྐབས་ཤིག་ཏུ་དེའི་རྒྱུ་མཚན་ཇི་ལྟ་བུ་མཆིས། ཞེས་ཞུས་པས། ལར་རང་གཤིན་རྗེ་ཆོས་རྒ…

རྣམས་ཀྱི་བློ་ཡུལ་དུ་གྱུར་པ་ནི་རྔོ་མི་ཐོགས་ལ། བདག་ཉིད་ཆེན་པོ་འདི་ནི་ཇི་ཙམ་གྱི་ལུང་དང་མངོན་པར་རྟོགས་པའི་ཡོན་ཏན་བརྗོད་ཀྱིས་མི་ལང་བ་ལ་དབང་འབྱོར་ཀྱང༌། ཁེངས་པ་དང་མངོན་པའི་ང་རྒྱལ་གྱི་དྲི་ཙམ་ཡང་མི་མངའ་བར་མ་ཟད་ཀྱི། མངོན་པར་རྟོགས་པའི་ཡོན་ཏན་ཆེན་པོའི་ཆེན་པོ་དག་ལྟ་ཞོག །ཕྲ་མོ་དག་ཀྱང་ཕྱི་རོལ་ཏུ་མི་མངོན་ཞིང་འཆབ་པར…

ཀྱང་ཚེ་རབས་ཀུན་ཏུ་དམ་པ་དེའི་ལེགས་པར་བཤད་པའི་བདུད་རྩིས་འཚོ་བར་སྨོན་པ་རྒྱུན་གྱི་རྣལ་འབྱོར་དུ་བྱེད་པར་གྱུར་ན་ཅི་མ་རུང་སྙམ་པ་ཡིད་ལ་གཅགས་བཞིན་པས། གསེར་གྱི་མེ་ཏོག་དང་བཅས་པའི་མཎྜལ་སྔོན་དུ་བཏང་སྟེ་གསོལ་བ་བཏབ་པ་ལས། རྗེ་བཙུན་བླ་མ་དམིགས་པ་མེད་པའི་ཐུགས་རྗེ་ཆེན་པོ་དང་ལྡན་པ་དེས་བརྩེ་བ་ཆེན་པོས་ཉེ་བར་གཟིགས་ཏེ། དགྱེ…

གཏམ་གྱི་རོལ་པས། དད་པ་ལྷག་པར་བསྐྱེད་པ་ལྷུར་བླང་བར་བྱའོ། །དེ་ལྟར་བདག་གིས་རྒྱལ་བ་སྲས་བཅས་ཀུན། །གཅིག་ཏུ་བསྡུས་པའི་རྗེ་བཙུན་ཐུགས་རྗེའི་གཏེར། །མཉམ་མེད་འགྲོ་བའི་མིག་གཅི་གཙོང་ཁ་པ། །དེ་ཡི་རླབས་ཆེན་ཡོན་ཏན་རྒྱ་མཚོ་ལས། །རྨད་བྱུང་མངོན་པར་རྟོགས་པའི་ཡིད་བཞིན་ནོར། །ས་སྟེང་སྐྱེ་བོ་ཀུན་ལ་གསལ་མིན་པ། །གང་གི་ཆ་ཤས་ཙམ་ཞིག…

ལ་རྒྱལ་བ་ཉིད་དང་མཚུངས་པ། སྐྱེ་དགུ་མ་ལུས་པའི་གཉེན་གཅིག་པུ། རྣལ་འབྱོར་གྱི་དབང་ཕྱུག་ཐམས་ཅད་མཁྱེན་པ་བློ་བཟང་གྲགས་པའི་དཔལ་ཞེས་ས་གསུམ་ན་ཡོངས་སུ་གསལ་བ་དེའི་ཞལ་སྔ་ནས་ཀྱི་རྣམ་པར་ཐར་པ་མཆོག་ཏུ་གསང་བ་རྒྱ་མཚོ་ལྟ་བུ་ལས། ཆ་ཤས་ཉུང་ངུ་ཞིག་ཡོངས་སུ་བརྗོད་པའི་གཏམ། རིན་པོ་ཆེའི་སྙེ་མ་ཞེས་བྱ་བ་འདི་ནི། དཔལ་ལྡན་བླ་མ་དམ་པ་དམ…

རྗེའི་རྣམ་ཐར་ཤིན་ཏུ་གསང་བ་ངོ་མཚར་རྨད་དུ་བྱུང་བའི་གཏམ་ཞེས་བྱ་བ་བཞུགས་སོ། །

སློབ་དཔོན་ཆོས་ཀྱི་རྗེ་ཐམས་ཅད་མཁྱེན་པ་བློ་བཟང་གྲགས་པའི་དཔལ་གྱི་རྣམ་པར་ཐར་པ་ཁྱད་པར་ཅན་ཇི་ལྟ་བུ་ཞིག་ལགས་ཞེས། རྗེ་བཙུན་ལ་ཞུས་བས། དེ་ཉིད་ཀྱི་རྣམ་པར་ཐར་པ་སྙིང་སྟོབས་ཀྱི་སྤྱོད་པ་རླབས་ཆེ་བ། གསང་བ་ལས་ཀྱང་ཆོས་ཤིན་ཏུ་གསང་བ་ངོ་མཚར་རྨད་དུ་བྱུང་བའི་གཏམ་བྱ་བ་ནི། འདི་དག་ཡིན་ཏེ། སྔགས་མཚན་ཉིད་ཀྱི་ཕྱོགས་རྣམས་གང་ཟག་གཅི…

བའི་གཏམ་ནི་འདི་ལྟ་སྟེ། སྙིང་སྟོབས་ཕུལ་དུ་ཕྱིན་བའི་སེམས་དཔའ་ཆེན་པོ་འདི་ཉིད། སྔོན་རྗེ་བཙུན་འཇམ་བའི་དབྱངས་ཀྱིས་ཡང་ཡང་དུ་ཐེག་པ་ཆེན་པོའི་དགེ་བའི་བཤེས་གཉེན་མཛད། ཕྱི་ནང་གི་རིགས་པའི་གནས་རྣམས་ལ་ཐོགས་མེད་དུ་སྨྲ་བའི་སྤོབ་པའང་ཐོབ། མངོན་པར་ཤེས་པ་ལྔ་ལ་ཡང་མངའ་བརྙེས། དེ་བཞིན་གཤེགས་པ་དབང་བོའི་ཏོག་གི་དྲུང་སུ། རྗེ་བཙུ…

བྱེད་པ་ནི། མྱུར་དུ་མངོན་པར་རྫོགས་པར་འཚང་རྒྱའོ་ཞེས་སོགས་ཀྱིས་བསྔགས་པ་མང་དུ་བརྗོད། དེའི་ཚེ་སེམས་དཔའ་ཆེན་པོ་འདི་ཉིད་ཀྱིས་འཁོར་རྒྱ་མཚོའི་དབུས་སུ་བཞེངས་ཏེ། མ་དག་པའི་ཞིང་རྣམས་སུ་ལྟ་བ་རྣམ་པར་དག་པ་དང་འབྲེལ་བའི་སྔགས་ལུས་སྲོག་ལ་མི་ལྟ་བར་བདག་གིས་རྒྱས་པར་བྱེད་ནུས་པར་གྱུར་ཅིག །ཅེས་སྨོན་ལམ་བཏབ་པོ། །དེའི་མོད་ལ་དེ་…

ཚད་ནི། མཚན་ཉིད་ཐེག་པ་དང་བསྟུན་ན་ཞིང་སྤྱོད་པ་སོགས་ཀྱི་འགོ་རྩོམ་ཞེས་གསུང་། འོ་ན་དེ་བཞིན་གཤེགས་པ་དེའི་སྐུའི་ཚད་དང་། རྒྱུན་པའི་འོད་ཟེར་རྣམས་ཀྱི་ཚད་ཇི་ལྟར་ལགས་ཞུས་པས། རྒྱུན་པའི་སྐུ་དཔག་ཚད་གཅིག །སྐུ་མདོག་ལྗང་སྔོན། ཕྱག་གཡས་ཆོས་འཆད་གཡོན་མཉམ་བཞག་གི་སྟེང་ན་ལྷུང་བཟེད་བདུད་རྩིས་གང་བའི་ནང་ན་བདུད་རྩིའི་ཁ་དོག་ལས་ཁ…

ཡུལ་མཐའ་གཉིས་སུ་མ་ལྷུང་ཙམ་རེ་གུས་བའི་སྒོ་ནས་གོ་ཡུལ་སྐྱེད། དམ་ཚིག་དང་སྡོམ་པ་མེད་མི་རུང་གི་ཡན་ལག་རྣམས་གུས་སྤྱོར་གྱི་སྒོ་ནས་ཉམས་སུ་བླངས་ན་ཞིང་དེར་སྐྱེ་ཞེས་གསུང་། དེ་ནས་ཕུལ་ཚུགས་སུ་གསོལ་བ་བཏབ་པའི་སྐབས་ཤིག་ཏུ་དེ་ལྟ་བུའི་སྐུའི་རྣམ་པ་དེ་གསལ་བའི་འདུན་པ་ཡང་དང་ཡང་དུ་བྱས། རང་རྒྱུད་ཀྱི་ཚོགས་གསོག་སྒྲུབ་སྤྱོང་ལ་ར…

གདབ་གསུང་། དེ་ལྟ་བུའི་ངོ་མཚར་རྨད་དུ་བྱུང་བའི་གཏམ་དུ་བྱ་བ། སློབ་དཔོན་ཐམས་ཅད་མཁྱེན་པ་ཤར་ཙོང་ཁ་བ་བློ་བཟང་གྲགས་པའི་དཔལ་གྱི་རྣམ་ཐར་པ། གཞན་ལས་ཕུལ་དུ་ཕྱིན་པ་འདི། སློབ་དཔོན་རིན་ཆེན་རྒྱལ་མཚན་བས་བཀའ་གནང་ཞིང་། རང་གི་སློབ་མ་མདོ་སྨད་པ་བསོད་ཤེ་དང་། མངའ་རིས་པ་དཔོན་པོ་ནམ་མཁའ་བཟང་པོ་གཉིས་ཀྱིས། གསེར་གྱི་མཎྜལ་ཕུལ་ཏེ་བ…

༄༅། །རྗེ་བཙུན་བླ་མ་བློ་བཟང་གྲགས་པའི་དཔལ་གྱི་གསང་བའི་རྣམ་ཐར་གསོལ་འདེབས་བཞུགས་སོ། །

ཆོས་ཀྱི་རྒྱལ་པོ་ཙོང་ཁ་པ་ལ་ཕྱག་འཚལ་ལོ། །གང་གི་མཁྱེན་པ་རབ་ཡངས་ནམ་མཁའ་ལ། །ཇི་ལྟ་ཇི་སྙེད་མཁྱེན་པའི་འོད་ཟེར་ཅན། །རྒྱལ་སྲས་ཉི་མ་རྗེ་བཙུན་ཆོས་ཀྱི་རྗེ། །དཔལ་ལྡན་བླ་མའི་ཞབས་རྡུལ་སྤྱི་བོས་བསྟེན། །ཁྱོད་ཀྱི་སྐུ་གསུང་ཐུགས་ཀྱི་ཡོན་ཏན་རྣམས། །ཕྱོགས་བཅུར་བཞུགས་པའི་རྒྱལ་བ་སྲས་བཅས་ཀྱིས། །མ་ལུས་བརྗོད་པར་མི་ནུས་འོན་ཀྱང་…