བཤད་པའི་ཕྱོགས་སྐྱོང་སོགས་གདོན་ཆེན་རྣམས་ལ་དགོས་པ་ཁྱད་པར་ཅན་མེད་པ་དྲག་གྱི་ལས་སོགས་བྱ་བ་མིན། །ཏེ། ལེགས་གྲུབ་ལས། མཁས་པས་རིག་སྔགས་དག་ལ་ནི། །ཁྲོས་ནས་མནན་དང་བཅིང་བ་དང༌། །བསད་པ་དང་ནི་ཚར་བཅད་དང༌། །ཕག་གཅོད་དེ་དང་དེ་མི་བྱ། །ཞེས་པ་ལྟར་རོ། །ལྟ་ངན་བཟློག་པའི་ཕྱིར་མ་གཏོགས་མུ་སྟེགས་ཅན་ལ་ཞེ་སྡང་གིས་སྨད་པར་མི་བྱ་སྟེ། …

ཀྱིས་བསྔགས་ནས་སློབ་མའི་སྤྱི་བོར་བཞག་པས་སྒྲིབ་པ་སྦྱངས་ནས་ཡེ་ཤེས་བསྐྱེད་དོ། །ནས། སརྦ་ཐམས་ཅད་རིག་པ་བིད་ཀྱིས་ཇི་བཞིན་དྲི་མ་འཁྲུད་པའི་དབང་བསྐུར་བར་བྱ་ཏེ། །ཇི་ལྟར་ཞེ་ན། བུམ་པ་ལ་སོགས་པ་དབུ་རྒྱན་གྱིས་མཚོན་པ་ཇི་སྙེད་མང་ཐོགས་པས། །བསྐུར་རོ། །དེ་ལ་དུ་ཡོད་ཅེ་ན། བཅུ་པོ་རྣམས་ཀྱི་ ཞེས་པས་གྲངས་བསྟན་ཏེ། དབང་ནི་ཅི་དགར…

ཞེས་སློབ་དཔོན་གྱི་དབང་གསུང་ཏེ། འདིར་བསྐུར་བའི་སྔགས་དོན་ནི་འོག་ཏུ་འཆད་ལ། དེ་ཡང་ཕྱག་རྒྱ་སྐུའི་དམ་ཚིག །རྡོ་རྗེ་ཐུགས་ཀྱི་དམ་ཚིག །དྲིལ་བུ་གསུང་གི་དམ་ཚིག་གསུམ་བྱིན་པའི་སྒོ་ནས་གསལ་བར་བསྟན་ཏེ། དེ་ཡང་སློབ་དཔོན་གྱི་དབང་ནི་གཙོ་བོ་ཡིན་ལ། འཕྲིན་ལས་སོགས་བཞི་ནི་དེའི་འཁོར་ཡིན་ནོ། །ཇི་ལྟར་ཡིན་ཞེ་ན། རྡོ་རྗེ་སློབ་དཔོན…

པ་ཡིན། །སྤྱོད་པ་བཙུན་མོ་བསྡུ་བ་རྣམ་པ་བཞི་པོ་ཁྱིམ་བདག་དམ་པའོ། །ཐབས་ལ་ཤིན་ཏུ་མཁས་པ་བློན་པོ་ཡིན་ཏེ་འཁོར་ལོ་སྒྱུར། །ཞེས་ཀ་མ་དྷེ་ནུས་དྲངས་པ་ལྟར། ཡོན་ཏན་གྱི་ཆོས་བདུན་གྱིས་ཆོས་ཀྱི་རྒྱལ་སྲིད་ལ་དབང་སྒྱུར་བའི་ནུས་པ་འཇོག་པ་ལ་རིན་པོ་ཆེ་སྣ་བདུན་གྱི་དབང་བསྐུར་བ་ཡིན་གྱི་འཁོར་ལོ་སོགས་ཐོགས་ནས་ཤིས་བརྗོད་བྱེད་པ་འདྲ་བ་…

དབུལ་བར་བྱ། །ཚེ་འདིའི་བདེ་བ་ནི་ལྷའི་བདེ་བ་ཟུར་དུ་སྨོས་པས་མིའི་བདེ་བ་མ་ལུས་དང༌། །འཇིག་རྟེན་ཕྱི་མའི་མངོན་མཐོ་སོགས་ཀྱི་བདེ་མཆོག་དང༌། །དེ་འདྲ་ལ་སངས་རྒྱས་ཉིད་ཀྱང་ཐོབ་འགྱུར་ན། །ལྷ་ཡི་བདེ་བ་སྨོས་ཅི་དགོས། །སངས་རྒྱས་ཀུན་དང་བླ་མ་བསོད་ནམས་གསོག་པའི་ཞིང་དུ་མཉམ། །པའམ་ལྷག་པས། རྡོ་རྗེ་སློབ་དཔོན་བརྙས་ན་ནི། །རྟག་ཏུ་ས…

བཅོམ་ལྡན་འདས་ཀྱིས། ལྷ་རྣམས་ཀྱི་དབང་པོ་བརྒྱ་བྱིན་དང༌། ལྷའི་འཇིག་རྟེན་དུ་བཅས་པ་རྣམས་ཀྱི་དོན་དང་ཕན་པ་དང་བདེ་བའི་ཕྱིར་སྒྲུབ་པའི་ཆོ་ག་འདི་གསུངས་སོ། །དེ་ཡང་རིམ་པ་དང་པོ་ལ་རས་ལ་བཅོམ་ལྡན་འདས་ཐམས་ཅད་རིག་པ་དེ་བཞིན་དུ་བྲིས་ལ། གཡས་ཕྱོགས་སུ་ནི་དེ་བཞིན་གཤེགས་པ་ངན་སོང་ཐམས་ཅད་ཡོངས་སུ་སྦྱོང་བའི་རྒྱལ་པོ། གཡོན་ཕྱོགས་སུ…

སྦལ་པ་དཀར་པོ་དང༌། ཉ་ཁར་པ་ལ་སོགས་པར་བཅས་པ་དང༌། ཆུ་ལས་སྐྱེས་པའི་མེ་ཏོག་རྣམ་པ་དུ་མས་ཡོངས་སུ་གང་བར་བྲི། དེ་ནས་རིམ་པ་གསུམ་པ་ལ་མཆོད་རྫས། བདུག་པ་དང་མར་མེ་དང༌། དྲི་དང་ཕྲེང་བ་དང༌། བཤོས་དང་མེ་ཏོག་དང༌། འབྲས་བུ་རྣམ་པ་སྣ་ཚོགས་བྲི། དེའི་འོག་ཏུ་སྒྲུབ་པ་པོ་ཉིད་ཐལ་མོ་སྦྱར་ཏེ་ཕྱག་འཚལ་ཞིང་འདུག་པར་བྲི་བ་ནི་ལྷས་མྱུར་དུ་…

བཀྲམ་ལ། དེ་གསང་སྔགས་མང་དུ་བཟླས་ལ་དང༌། །དེ་ཉིད་ཀྱི་ཕྱག་རྒྱ་བསྟན་ཏེ་མངོན་པར་བྱིན་གྱིས་བརླབས་ནས། །བཞག་གོ ། ཅི་བདོག་པས་ནི་མངོན་པར་མཆོད་པར་བྱས་ལ། །བྲིས་སྐུ་བཀྲམ་པ་དེའི་མདུན་དུ་སྒྲུབ་པ་པོ་རྟག་ཏུ་མངོན་སུམ་འདུག་ནས་ཀྱང༌། །འཇིག་རྟེན་གསུམ་ལས་རྣམ་རྒྱལ་གྱི། །བདག་བསྲུང་ལ་སོགས་སོགས་ཁོངས་ནས་གཟུགས་བརྙན་སྦྱོར་བ་ལན་ཆོ…

ཕོག་དེའི་ང་རྒྱལ་བཟུང་སྟེ། མདུན་དུ་དཀྱིལ་འཁོར་རྫོགས་པ་བསྐྱེད་ནས་བསྙེན་པ་བྱེད་པར་བཤད་པ་ནི་ཇི་ལྟར་བྲང༌། སློབ་དཔོན་ཀུན་སྙིང་གི་ལུགས་ལ་ངེས་པར་དགོས་སོ་ཞེ་ན། སློབ་དཔོན་དེས་མཛད་པའི་གཙུག་དགུ་དང༌། སྒྱུ་འཕྲུལ་དྲ་བའི་དཀྱིལ་འཁོར་རྣམས་ལ། རྣལ་འབྱོར་ཆེན་པོའི་མིང་ཡང་མི་སྣང་བས་འདི་ཇི་ལྟར་ཡིན། ཡང་བླ་མ་ཁ་ཅིག་ལུགས་འདི་ལ…

མ་བཞིན་བསམས་ལ་ཞེས་པའི་དོན་ནི། བྲིས་སྐུའི་དཀྱིལ་འཁོར་ལ་མི་བྱ་སྟེ། དེར་དཀྱིལ་འཁོར་གྱི་ལྷ་རྫོགས་པ་མེད་ཅིང༌། དཀྱིལ་འཁོར་གྱི་ལྷ་མ་ཡིན་པ་རྟ་མགྲིན། སྨན་བླ་སོགས་ཀྱང་བསྙེན་པས། དཀྱིལ་འཁོར་ཞེས་པའི་དོན་མེད་དོ། །འོ་ན་གང་ཡིན་སྙམ་ན། ནང་དོན་གྱི་དཀྱིལ་འཁོར་ལ། བལྟོས་པའི་ཕྱིའི་དཀྱིལ་འཁོར་ལ་བསྙེགས་པར་གསལ་ཏེ། དེར་རྟེན་ག…

བགོས་པའི་ལ། །སྐལ་བ་རེ་རེ་ཕུལ་ནས་ནི། །དེ་ནས་རང་གི་དེ་རྟག་ཏུ་བདག་ཉིད་སྤྱོད་ཅིང༌། །བླ་མ་དང་བཀོན་མཆོག་མེད་ན་མཁས་པ་བདག་ཉིད་ཀྱིས། །བླངས་ནས་བདག་ཉིད་སྤྱད་པར་བྱའོ། །དཔུང་བཟང་གིས་ཞུས་པར། བཅོམ་ལྡན་འདས་ཀྱི་སྐུ་སྐལ་དུ། །རྫས་ཀྱི་ཆ་གཅིག་ཐོག་མར་དབུལ། །བློ་དང་ལྡན་པས་བླ་མ་ལ། །ཕྱག་བྱས་ནས་ནི་གཉིས་པ་དབུལ། །གསུམ་པ་སྔགས་པ…

དམྱལ་བ་ལ་སོགས་པའི་དབང་དུ་གྱུར་པ་རྣམས། ཇི་ལྟར་ན་སེམས་ཅན་དམྱལ་བ་ལ་སོགས་པའི་སྡུག་བསྔལ་སྤང་པའི་སླད་དུ་སྒྲུབ་པར་བགྱི། ཞེས་ཞུས་པའི་ལན་དུ། བཅོམ་ལྡན་འདས་ཀྱིས་བཀའ་སྩལ་པ། ལྷ་ཡི་དབང་པོ་ཉོན་ཅིག །སེམས་ཅན་དམྱལ་བ་ལ་སོགས་པའི་དབང་དུ་གྱུར་པའི་སེམས་ཅན་སྡིག་བྱེད་པ། སྡིག་པ་ཆེན་པོ་བྱེད་པ་དག །ཅི་ནས་ཀྱང་སེམས་ཅན་དམྱལ་བའི་སྡ…

སེམས་ཅན་རྣམས་ནི་གྲོལ་བའི་ཕྱིར། །སྔགས་མཁན་གཞན་ལ་ཕན་བརྩོན་ཞིང༌། །སྙིང་རྗེ་ཅན་གྱིས་དབང་བསྐུར་རོ། །དེ་ནས་རྣལ་འབྱོར་ཅན་གྱིས་ནི། །སྔགས་དང་ཕྱག་རྒྱས་དེ་དབང་བསྐུར་རོ། །དེ་དག་ནི་ཐོག་མར་དབང་བསྐུར་ནས་སྡིག་པ་སྦྱོང་བའོ། །ལྷའི་གཟུགས་སུ་བརྟགས་ནས་ནི། །མཆོད་རྟེན་དབུས་སུ་གཞག་པར་བྱ། །ས་ནས་མཆོད་བསྟོད་བཟླས་པ་སོགས་བྱས་ན། …

རྟེན་བྱས་ནས་སྡིག་པ་སྦྱོང་བའི་ཕྱོགས་གཅིག་གོ ། དེ་ཡི་མིང་ནས་སྨོས་ནས་ནི། །ཞེས་པའི་མིང་སྤེལ་ཚིག་ལ་བཏགས་པའོ། །ཇི་ལྟར་གསུངས་པའི་སྔགས་བཟླས་ཤིང༌། །འབུམ་ཕྲག་སྟོང་ངམ་ཡང་ན་ནི། །བརྒྱ་ཕྲག་སྟོང་དུ་ཚང་བ་དང༌། །བྱེ་བ་སྟོང་དུ་རབ་བཟླས་ན། །ལྷ་ཡི་གནས་སུ་ངེས་པར་སྐྱེ། །འདི་ནི་བཟླས་པའི་སྒོ་ནས་སྦྱོང་བའོ། །སྦྱིན་སྲེག་གི་སྒོ་…

ལྟས་ནི་སྟོན་བྱེད་ཅིང༌། །ལྷ་ཡི་གནས་སུ་སྐྱེས་པ་དང༌། །སྡིག་པ་བཅོམ་པའི་མཚན་མར་ནི། །དཀར་པོ་ཉིད་དང་གཡས་སུ་འབར། །གྱེན་དུ་འབར་ཞིང་དྲི་མ་མེད། །ཟླུམ་ཞིང་རྣམ་པར་མི་འཕྲོ་ལ། །རླུང་གིས་མི་བསྐྱོད་པས་བརྟན་ལ་གློག་བཞིན་དྲི་མ་མེད། །ཡང་ན་མེ་ལྷ་ཉིད་ཀྱིས་ནི། །མཚན་མ་སྟོན་ཚུལ་བདག་ཉིད་དེ་བཞིན་སྟོན་བྱེད་དེ། །ཟླ་བ་དྲི་མེད་ འད…

འམ། །ཡང་ན་བཅུ་དྲུག་ ནི་ཁ་ཅིག་གཏར་མའི་གྲངས་ལ་འདོང་པ་བྱུང་ཡང་བུམ་པ་ལ་བྱས་ན་ལེགས་སོ། །སྙེད་དུ་བཞག །བཟའ་བ་དང་ནི་བཅའ་བའི་བཤོས། །མེ་ཏོག་ཕྲེང་སོགས་དེ་བཞིན་ཏེ། །བླ་བྲེ་རྒྱལ་མཚན་དར་ལ་སོགས། །གདུགས་མཆོག་རྣམས་ཀྱིས་ལེགས་པར་བརྒྱན། །སྦྱིན་སྲེག་གི་ཐབ་བྲིས་པ་དཀྱིལ་འཁོར་དང་འདྲ་བས། དཀྱིལ་འཁོར་དམ་པ་ནི། །ཡང་ན་སྦྱིན་སྲེག…

བསྲེག་རྫས་རོ་ལ་སྔགས་རྩ་རིག་ཀྱིས་བཏབ་ནས་ཀྱང༌། །རོ་ཆས་སུ་གཞུག་པ་སྟེ། སྔགས་བཟླས་པའི་ཆུ་མཆོག་གིས་ནི་བཀྲུས་ནས་སུ། །སྔགས་བཟླས་པའི་དྲི་ཡི་ཆུས་བྱུག་པར་བྱ། །གོས་དང་རྒྱན་གྱིས་ཀླུབས་ནས་ཀྱང༌། །སྔགས་ཀྱིས་བཏབ་པའི་བདུག་པས་བདུག །མེ་ཏོག་ཕྲེང་ལ་སོགས་པས་མཆོད། །གཙུག་ཕུད་ སོགས་གནས་རྣམས་སུ་སྔགས་གདགས་ཤིང་གདགས་རྒྱུའི་སྔགས་…

ནས་བསྲེག་རྫས་སུ་འབུལ་བར་བླ་མ་སྔ་མ་རྣམས་བཞེད་པ་ལེགས་ཏེ། འདིར་ཕུང་པོ་བསྲེགས་ནས་སྡིག་པ་སྦྱོང་བའི་དོན་དེར་སྣང་ངོ༌། །དེ་ནས་སྔགས་འཆང་སྔགས་ཀྱིས་ནི། །བཏབ་པའི་གོས་ཀྱིས་གཡོག་པར་བྱ། །དེ་ནས་བྱིན་ཟ་མེ་དགེ་བ་མེ་ལྟས་བཟང་བ་རབ་སྦར་ལ། །མེ་ལྕེ་སྟོང་གིས་འཁྲིགས་ཤིང་འབར་བའི་ལུས། །ཟླ་དཀར་ཀུན་དའི་ཞལ་ལ་ཞི་བའི་ལུས། །མཐའ་ཡས་ …

རྒྱལ་བ་གཙོ་བོ་དང་ལ་སོགས་དཀྱིལ་འཁོར་བ་ཐམས་ཅད་ལ་བརྒྱ་རྩ་བརྒྱད་དུ་བརྟག ། པ་སྟེ་དབུལ་བའོ། །དེ་ནས་སྦྱོང་བའི་རྩ་རིག་གིས་སམ་སྙིང་པོས་སྔགས་ཀྱི་རྒྱལ་པོ་གཙོ་བོ་ལ། །ཉེར་གཅིག་གིས་དབུལ་ལོ། །བསྲེག་པར་བྱ་བ་ཉི་ཤུ་རྩ་གཅིག་བརྟག་པ་སྟེ་དབུལ། །དེ་ནས་སྤྱན་དྲངས་ གསུམ་ནི་ལྷ་རྣམས་མང་པོ་སྤྱན་དྲངས། དེ་བཞིན་གཤེགས་སྦྱན་དྲངས། འཇ…

བའི་ཕྱག་རྒྱ་དང་བཛྲ་ས་མ་ཛའི་སྔགས་ཀྱིས་ནི། །ཆོ་ག་བཞིན་དུ་བསྡུ་བར་བྱས་ལ། །ཐལ་བ་དེ་དང་རུས་པའི་རྡུལ། །ལྷའི་སྔགས་ཀྱིས་བཏབ་པའི་དྲི་ཞིམ་པོའི་ཆུ་དང༌། །བ་སྐྱས་འོ་མ་སྟེ་བ་བྱུང་ལ་སོགས་ལྔས། །སྦྱོང་བའི་སྔགས་རྩ་རིག་ཀྱིས་བློ་ལྡན་གྱིས། །འབུམ་དུ་བཟླས་པས་འཇིམ་པ་དང་ལྷན་ཅིག་བརྫིས་ནས་ནི། །སྔགས་ཀྱིས་བཏབ་པའི་ག་བུར་དྲིའི་ཆུ…