ཚེའི་སྟོང་པ་མཆོག་འཛིན་པའི། །ལོག་པའི་ལྟ་ངན་མཐའ་དག་རབ་སྤངས་ཏེ། །ཆོས་ཀུན་གདོད་ནས་སྟོང་པར་རྟོགས་པར་ཤོག །རྣམ་དག་བསླབ་པ་ཁྲེལ་མེད་སེམས་ཀྱིས་དྲལ། །དམ་པས་སྨད་པའི་ལས་ལ་འཇིགས་མི་བྱེད། །ཁྲིམས་འཆལ་དགེ་སྦྱོང་ཤ་ཚུགས་ཅན་རྣམས་ཀྱང༌། །བདག་གིས་སྐྱོན་མེད་ཁྲིམས་ལ་སྦྱོར་བར་ཤོག །ཡང་དག་ལམ་སྟོར་ལོག་པའི་ལམ་ངན་ཞུགས། །མི་དགེའི་…

སྨོན་ལམ་རླབས་པོ་ཆེ། །མ་ལུས་སྒྲུབ་ལ་ཞུམ་པ་མེད་པར་ཤོག །ལྷག་བསམ་དག་པའི་སྟོབས་ཀྱིས་ལེགས་བསྒྲུབ་པའི། །རྒྱ་ཆེན་སྨོན་ལམ་བཏབ་པ་འདི་ཡི་མཐུས། །སྨོན་ལམ་ཕ་རོལ་ཕྱིན་པ་ཡོངས་རྫོགས་ནས། །ལུས་ཅན་ཀུན་གྱི་རེ་བ་བསྐོང་བར་ཤོག །ཅེས་ཐོག་མ་དང་བར་དང་ཐ་མར་དགེ་བའི་སྨོན་ལམ་འདི་ནི། མང་དུ་ཐོས་པའི་རྒྱལ་ཁམས་པ་བློ་བཟང་གྲགས་པའི་དཔའ་གྱ…

རབ་ཏུ་འབྱུང་བ་དང༌། །ཚུལ་ཁྲིམས་ཡོངས་སུ་དག་པར་ཤོག །དམ་པའི་མགོན་ལ་བརྟེན་ནས་ནི། །དེ་ཡི་རྗེས་སུ་བསྟན་པ་ལ། །ཐོས་དང་བསམ་དང་བསྒོམ་པ་ཡིས། །རྣམ་པ་ཀུན་ཏུ་སློབ་པར་ཤོག །ཟབ་པ་དང་ནི་རྒྱ་ཆེ་བའི། །ལེགས་བཤད་དཔག་མེད་ཐོས་པ་དང༌། །ཇི་བཞིན་འབྱེད་པའི་རྣམ་དཔྱོད་དང༌། །དེ་དག་ཆུད་མི་ཟ་བའི་རྒྱུ། །མི་བརྗེད་པ་ཡི་གཟུངས་རྣམས་དང༌། །…

འབའ་ཞིག་འགྲོ་ཀུན་གྱི། །ཕན་བདེའི་རྩ་བར་མཐོང་ནས་ནི། །རྒྱལ་བའི་ཆོས་ཚུལ་འཛིན་གྱུར་ཅིག །ཡིད་ནི་སྙིང་རྗེའི་དབང་གྱུར་ཏེ། །ཇི་ལྟར་བགྱིས་ན་སེམས་ཅན་རྣམས། །རྣམ་པར་གྲོལ་བར་འགྱུར་སྙམ་པའི། །བསམ་པ་དེ་དང་འབྲལ་མ་གྱུར། །རྒྱལ་བའི་ཡོན་ཏན་ཇི་བཞིན་དུ། །ཤེས་པའི་དད་པ་རྙེད་གྱུར་ཏེ། །བཀའ་དྲིན་གཟོ་བས་དེ་དག་གི །དགོངས་པ་ཡོངས་སུ…

དཔལ་ལྡན་བྱ་རྒོད་ཕུང་པོ་ཞེས་སུ་གླགས། །རྨད་བྱུང་ས་འཛིན་མཆོག་དེར་མངོན་གཤེགས་ནས། །ཕྱོགས་བཅུའི་ཞིང་དུ་འོད་ཀྱིས་རབ་འགེངས་ཤིང༌། །ས་ཆེན་རྣམ་པ་དྲུག་ཏུ་གཡོ་མཛད་པའི། །ཤཱཀྱ་སེང་གེའི་ཞབས་ལ་མགོས་ཕྱག་འཚལ། །དེར་ནི་ཐུབ་པའི་དཔལ་གྱི་མགུར་ནས་ནི། །ཕུན་ཚོགས་འཁོར་ལ་ལེགས་པར་བཀའ་སྩལ་པ། །ལེགས་བཤད་ཀུན་གྱི་རབ་དང་ཕུལ་ཉིད་ནི། །ལ…

བླ་མ་གཙུག་གི་རྒྱན་དུ་འཛིན། །རང་སྲིད་ཚུལ་བཞིན་སྐྱོང་བའི་ཁུར་ཁྱེར་བ། །བསྟན་པའི་སྦྱིན་བདག་ནམ་མཁའ་བཟང་པོ་དང༌། །བསྟན་ལ་གུས་ཤིང་གཏོང་ལ་རབ་ཏུ་དགའ། །མི་དབང་ཆེན་པོའི་ལྕམ་མོ་རིན་ཆེན་སྒྲོན། །གཞོན་ཡང་རྒན་པོའི་བློ་གྲོས་ཅན་གྱུར་པ། །གྲགས་པ་དབང་ཕྱུག་ཡབ་ཡུམ་སྲས་གསུམ་ནི། །དགེ་ལེགས་འབུམ་ཕྲག་དུ་མའི་གཞིར་གྱུར་པ། །ལམ་བཟང…

གནས་པའི་གཞིས་ཀ་ནི། །སྣེའུ་ཞེས་བྱར་བདེ་བླག་ཉིད་དུ་གྲུབ། །བདེ་གཤེགས་ཀུན་གྱི་ལམ་གཅིག་པུ། །རྒྱལ་བ་སྲས་བཅས་སྐྱེད་པའི་ཡུམ། །རབ་ཟབ་བསྟན་པའི་སྙིང་པོ་མཆོག །གཞུང་བཟང་སྟོང་ཕྲག་བརྒྱ་པ་སོགས། བསྒྲུབས་ལས་བསོད་ནམས་གང་ཐོབ་དེས། །རྐང་གཉིས་གཙོ་བོ་སངས་རྒྱས་སུ། །རིང་པར་མི་ཐོགས་བདག་གྱུར་ཏེ། །འགྲོ་ཀུན་སངས་རྒྱས་སར་འདྲེན་ཤོག…

གྱུར་པ། །དེ་དང་དེར་ནི་མི་མཐུན་ཕྱོགས། །ཞི་ཞིང་བདེ་ལེགས་རྒྱས་གྱུར་ཅིག །དེ་ལྟར་ངོ་མཚར་ཡོན་ཏན་ཀུན་གྱི་གཞི། །དམ་ཆོས་རིན་ཆེན་འདི་ཡི་བྱིན་རླབས་ཀྱིས། །ཚེ་རབས་འདིར་ཡང་བར་ཆད་ཀུན་ཞི་ནས། །སྨོན་ལམ་ཐམས་ཅད་ཆོས་བཞིན་འགྲུབ་པར་ཤོག །ཅེས་པ་འདི་ནི་བློ་བཟང་གྲགས་པའི་དཔལ་གྱིས་སྦྱར་བའོ།། ༈ རྒྱལ་བ་དཔག་མེད་རྣམས་ཀྱི་ཚངས་དབྱངས་…

ཚིགས་དང་བཅས་ཏེ། །ལེགས་པར་གསུངས་ཕྱིར་ཆོས་འདི་འདྲི་བ་དང༌། །ཀློག་དང་མཆོད་སོགས་བྱེད་རྣམས་སྐལ་པ་བཟང༌། །ཚུལ་འདི་སྔོན་བྱུང་སྐྱེ་བོ་མཁས་རྣམས་ཀྱིས། །འབད་པ་དུ་མས་རྒྱ་ཆེར་བསྔགས་པས་ན། །ད་དུང་ས་འདིར་དད་ལྡན་སྐྱེ་བོ་དག །བསོད་ནམས་མིག་ནི་ཟུམ་པར་མ་གྱུར་ཏོ། །དེ་ཕྱིར་མདོ་སྨད་ས་ཆར་སྐྱེས་པ་ཡི། །འདིང་རིགས་སྣེ་ན་དགེ་རྒན་ཞེ…

མཁན་མང་བསྡུས་ཤིང༌། །དེ་ལའང་དངོས་པོ་གྱི་ནོམ་སྩལ་བ་དང༌། །རིན་ཆེན་རྒྱལ་མཚན་ཞེས་བྱས་ལེགས་བསྐུལ་བས། །ཚུལ་འདི་གཞན་ལས་ཁྱད་པར་འཕགས་པར་གྲུབ། །དཀར་ཕྱོགས་སྐྱོང་ལ་མཐུ་དང་རབ་ལྡན་པ། །ལྷ་ཡི་དགེ་བསྙེན་འོ་དེ་གུང་རྒྱལ་གྱི། །གངས་རི་རབ་དཀར་མཛེས་པའི་ཁོར་ཡུག་ལ། །ས་གཞི་རྣམ་པར་ཆགས་པའི་དཔལ་འཛིན་པ། །རྣམ་མང་སྐྱེ་བོའི་ཚོགས་ཀྱི…

ཤོག །རིགས་མཐོ་གཟུགས་མཛེས་གཟི་བརྗིད་ཆེ། །ཚེ་མཐར་ཕྱིན་དང་ནད་མེད་དང༌། །ཆོས་ལྡན་འབྱོར་པ་ཕུན་སུམ་ཚོགས། །ཤེས་རབ་རྒྱ་ཆེན་ཐོབ་པར་ཤོག །གཞན་ཡང་རྒྱལ་བ་འོད་དཔག་མེད། །འཁོར་དང་བཅས་པ་མཐོང་བ་དང༌། །ཡིད་ལ་དགའ་བ་རྒྱས་བཞིན་དུ། །བདེ་བ་ཅན་དུ་སྐྱེ་བར་ཤོག །ཤིན་ཏུ་རྒྱས་པའི་མདོ་སྡེ་འདི། །གང་དང་གང་དུ་བཞུགས་གྱུར་པ། །དེ་དང་དེར་…

ནམས་ཕུང་པོ་ཟླ་མེད་པར། །རྣམ་གྲངས་དུ་མར་ཡང་དང་ཡང་བསྔགས་པ། །རྒྱལ་ཡུམ་བར་མ་ཉི་ཁྲི་ལྔ་སྟོང་པ། །ཨིནྡྲ་རྙིལ་ལྟར་སྔོ་བའི་གླེགས་བམ་ལ། །རིན་ཆེན་ས་ལེ་སྦྲམ་དང་དངུལ་གྱིས་ནི། །མིག་ལ་དཔལ་སྟེར་ཡི་གེར་ལེགས་བཀོད་པ། །དེ་ཡིས་བསྐྲུན་པའི་ལེགས་ཚོགས་ཇི་སྙེད་ཀུན། །རྒྱལ་བ་དགྱེས་པའི་སྨོན་པའི་གནས་རྣམས་སུ། །བསམ་པ་ཐག་པས་རྣམ་དགེ་…

ཐམས་ཅད་མཐའ་ཡས་འགྲོ་བ་ལ། །ཕན་བདེ་དཔག་ཏུ་མེད་པར་ཤོག །རྣམ་པ་ཀུན་ཏུ་སྡིག་གྲོགས་དང༌། །བདུད་ཀྱིས་བསླུ་བར་མི་ནུས་ཤིང༌། །བཤེས་གཉེན་བཟང་པོའི་རྗེས་ཞུགས་ནས། །བྱང་ཆུབ་སྤྱོད་པ་རྫོགས་བྱེད་ཤོག །དབེན་པའི་ཡོན་ཏན་མཐོང་བ་ཡིས། །རྣམ་གཡེང་མ་ལུས་སྤོང་བ་དང༌། །རྟག་ཏུ་བག་དང་ལྡན་པ་ཡིས། །སྒྲུབ་པ་སྙིང་པོར་བྱེད་པར་ཤོག །འཇིག་རྟེན…

སྟོབས་ཀྱིས་ནི། །སྨོན་པ་བདེ་བླག་འགྲུབ་གྱུར་ཅིག །ཅེས་པ་འདི་ནི་མང་དུ་ཐོས་པའི་རྒྱལ་ཁམས་པ་བློ་བཟང་གྲགས་པའི་དཔལ་གྱིས་སྦྱར་བའོ།། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དུས་ལས་འདས་པ་མིང་འདི་ཞེས་བྱ་བ་ལ་དགོངས་སུ་གསོལ། །དུས་ལས་འདས་པ་མིང་འདི་ཞེས་བགྱི་བས་ཐོག་མ་མེད་པའི་དུས་ནས་སྦྱིན་པ་ལས་བྱུང་བ་…

ཅིག །འཕགས་པའི་ནོར་བདུན་དང་ལྡན་པར་གྱུར་ཅིག །གནས་སྐབས་ཐམས་ཅད་དུ་སངས་རྒྱས་མཐོང་བ་དང་མི་འབྲལ་བར་གྱུར་ཅིག །དམ་པའི་ཆོས་མཉན་པ་དང་མི་འབྲལ་བར་གྱུར་ཅིག །འཕགས་པའི་དགེ་འདུན་ལ་བསྙེན་བཀུར་བྱེད་པ་དང་མི་འབྲལ་བར་གྱུར་ཅིག །ཅེས་སོ།། ༈ ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད། ཚེ་དང་ལྡན་པ་མིང་འདི་ཞེས་བ…

མཐུ་ལ་བརྟེན་ནས། སྐྱེ་དགུ་ཐམས་ཅད་ཀྱི་ཕན་བདེ་རབ་འབྱམས་ཀྱི་རྩ་བ། སངས་རྒྱས་བཅོམ་ལྡན་འདས་ཀྱི་བསྟན་པ་རིན་པོ་ཆེ་སྒོ་ཐམས་ཅད་ནས་ཕྱོགས་ཐམས་ཅད་དུ་དར་ཞིང་རྒྱས་པར་གྱུར་ཅིག །བསྟན་པ་རིན་པོ་ཆེ་བཤད་པ་དང་བསྒྲུབ་པའི་སྒོ་ནས་འཛིན་པའི་དམ་པ་ཐམས་ཅད་སྐུ་ཁམས་བཟང་ཞིང་སྐུ་ཚེ་རིང་བར་གྱུར་ཅིག །དེ་དག་གི་རྣམ་པར་དཀར་བའི་འཕྲིན་ལས་ཕྱ…

པ་ཐམས་ཅད་ཉེ་བར་ཞི་བར་གྱུར་ཅིག །སེམས་ཅན་གདུག་རྩུབ་ཅན་རྣམས་ཀྱི་བསམ་སྦྱོར་ངན་པ་ཐམས་ཅད་ཉེ་བར་ཞི་བར་གྱུར་ཅིག །སེམས་ཅན་ཐམས་ཅད་ཕན་ཚུན་དུ་ཕ་མ་ལྟར་བྱམས་པ་ལ་གནས་པར་གྱུར་ཅིག །སེམས་ཅན་ཐམས་ཅད་བདུད་ཀྱི་ཞགས་པ་ལས་ཡོངས་སུ་ཐར་བར་གྱུར་ཅིག །སེམས་ཅན་ཐམས་ཅད་རང་རང་གི་རྫས་དང་ལོངས་སྤྱོད་དང་དབང་ཕྱུག་དག་གིས་ཆོག་ཤེས་པར་གྱུར་ཅི…

རྣམ་དག་བཅའ་བ་དེ་ཡི་རྗེས་འབྲངས་ནས། །ཐུབ་པའི་བསྟན་པ་རིང་དུ་གནས་ཕྱིར་དུ། །ཆོས་ཀྱི་བཅའ་ཁྲིམས་ཕྱོགས་འགའ་བརྗོད་པ་འདི། །ཡིད་ལ་སྨོན་པ་ཇི་བཞིན་ལེགས་འགྲུབ་པར། །ཐུབ་ཆེན་རྣམས་ཀྱིས་བཀའ་དྲིན་མཛད་དུ་གསོལ། །ཇི་སྐད་དུ་སྤྱོད་པ་ལ་འཇུག་པ་ལས། །འགྲོ་བའི་སྡུག་བསྔལ་སྨན་གཅིག་པུ། །བདེ་བ་ཐམས་ཅད་འབྱུང་བའི་གནས། །བསྟན་པ་རྙེད་དང་…

མ་མཐའ་སྡོམ་ཚིག་ལ་བརྟེན་པ་ཤེས་ནས་བསྲུང་མཚམས་མ་ཟིན་གྱི་བར་དུ་མི་སྡོད་པ་རྣམས་རབ་ཏུ་མི་དབྱུང་ཞིང་དགག་བྱ་དེ་དག་དང་མི་ལྡན་པ་རྣམས་རབ་ཏུ་དབྱུང་བར་བྱ། བསྙེན་པར་རྫོགས་པར་འདོད་ནའང་སྐྱེ་བའི་བར་ཆད་དང་མི་ལྡན་ཞིང་རྟགས་རྣམས་ཚང་བ་རྣམ་འབྱེད་ཀྱི་སྡོམ་ཚང་མ་དང་གཞིའི་དོན་རགས་པའི་ཚིག་དོན་ཁོང་དུ་ཆུདཅིང་དེ་དག་གི་བསྲུང་མཚམས་…

བཅག་པའི་བཟོད་པ་གསོལ་ཞིང༌། དགེ་ཚུལ་ཡིན་ན་གཉིས་ཀ་འཚོགས་པའི་དབུས་སུ་དེ་ལྟར་བྱེད་པར་བཅད། །རབ་ཏུ་བྱུང་བ་བཞིར་ལོངས་ཡན་ཆད་ལ་ཆོས་གོས་གསུམ་དང་ལྷུང་བཟེད་དུ་གྲུབ་པ་སྤྱི་འབུལ་བྱེད་པ་བྱུང་ན་བསླབ་ཁྲིམས་ཆེན་མོའི་ཁོངས་སུ་གཏོགས་པ་ཡོ་བྱད་དེ་དག་མེད་པ་ལ་རྒན་རིམ་བཞིན་དུ་དགེ་བསྐོས་ཀྱིས་ཡོ་བྱད་དེ་བསྒྲུབ་པའི་ནུས་པ་ཡོད་མེད་…