ན་རང་བཞིན་གྱི་སྟོང་པ་སྟེ། དཔེར་ན་ཆུང་ངུ་ལ་ལྟོས་ནས་ཆེན་པོ་བཞག་པ་ཡིན་གྱི། རང་གི་ངོ་བོས་ནི་ཆེན་པོར་གྲུབ་རྒྱུ་མེད་ལ། ཆུང་ངུ་ཡང་དེ་ལ་ལྟོས་ནས་དེར་བཞག་པ་ཡིན་པས། ཕན་ཚུན་བརྟེན་པའི་ཕྱིར་གཉིས་ཀའང་འགྲུབ་པ་མེད་པ་ཡིན་ནོ། །སྐྱེ་བ་མེད་པ་ནི་བདག་དང་གཞན་དང་གཉིས་ཀ་དང༌། རྒྱུ་མེད་པ་ལས་མི་སྐྱེ་བ་སྟེ། སྐྱེ་བ་རང་བཞིན་གྱིས་མ…

རང་བཞིན་གྱི་མེད་པའི་རྒྱུ་མཚན་ཅི་ཞེ་ན། ཡོད་ན་རང་བཞིན་གཅིག་དང་དུ་མ་གང་རུང་དུ་གྲུབ་དགོས་པ་ལས། བརྟགས་ཤིང་དཔྱད་ན་དེ་དང་བྲལ་བའི་ཕྱིར་རོ། །འདིར་སྤྲོ་ན། :རིག་[རིགས་]པའི་ཚུལ་རྒྱ་ཆེར་ཡང་བརྗོད་དུ་རུང་མོད་ཀྱི་ཡི་གེ་མངས་པར་འགྱུར་པ་དང༌། སྙིང་པོའི་དོན་ཇི་ཙམ་གསུངས་བ་དེ་ཙམ་མོ། །གཉིས་པ་ནི། སེམས་ཉིད་ལ་ཐོག་མ་དང་ཐ་མའི་མ…

ནི་དོན་དམ་པའི་དཀྱིལ་འཁོར་ལྷུན་གྱིས་གྲུབ་པ་སྟེ། ངོ་བོའི་སྒོ་ནས་གསར་བྱུང་མ་ཡིན་པར་ལྷུན་གྱིས་གྲུབ་པ་དང༌། རྣམ་པ་ཐམས་ཅད་པའི་དཀྱིལ་འཁོར་ཡང་ཡིན་ནོ། །དེ་ལྟར་ཡང་དཀྱིལ་ནི་སྙིང་པོ་ཞེས་བརྗོད་དེ། །བྱང་ཆུབ་སེམས་ནི་བདེ་ཆེན་པོ། །ལེན་པར་བྱེད་པས་དཀྱིལ་འཁོར་ཉིད། །འདུས་པ་དཀྱིལ་འཁོར་ཉིད་དུ་བརྗོད། །ཅེས་བདེ་སྟོང་ཟུང་འཇུག་…

པར་རྟོག་པའི་གཡོ་བ་མེད་ལ། ཀུན་རྫོབ་གཟིགས་པའི་ཆ་ནས་ཀྱང་ཙནྡན་གྱི་བྱུགས་པ་དང༌། ལྟེའུས་གཞོགས་པ་ལ་བྱམས་སྡང་མེད་པར་བཏང་སྙོམས་པ་སྟེ། ཉོན་མོངས་སྤངས་པའི་འབྲས་བུ་དང་གཅིག་དང་དུ་མ་དང་ཉེ་རིང་ལ་སོགས་པ་མཉམ་པར་གྱུར་པ་སྟེ། ཆོས་ཐམས་ཅད་ལ་ཡངས་དོག་མེད་པ་ནི་ཤེས་སྒྲིབ་སྤངས་པའི་འབྲས་བུ་སྟེ། མཉམ་པ་ཉིད་ཀྱི་དོན་ཡིན་ནོ། །བདུན་པ…

སེམས་མེད་པའི་ཞེན་མེད་གལ་ཆེ་བ་ཡིན་ནོ། །གཉིས་པ་ཡན་ལག་ལྷག་མ་ལྔ་བཤད་པ་ལ། ཁྱབ་པ་དང༌། བདེ་བ་དང༌། རྟག་པ་དང༌། སྐུ་དང༌། ཟུང་འཇུག་སྟེ་ལྔ་ལས། དང་པོ་ལ། སྤངས་པའི་ཆ་དང་རྟོགས་པའི་ཆ་གཉིས་ལས། དང་པོ་ནི། ཁྱབ་པའི་སྐད་དོད། །བི་བྷུ་ཞེས་པའི་སྒྲ་ལས་དྲངས་ན། ཡང་དག་པར་རབ་ཏུ་ཐོབ་པ་དང༌། བྲལ་བ་ལས་འབྱོར་བ་ཞེས་པའི་དོན་དུ་འགྱུར་ཏེ།…

གྱི་བྱེད་པའང་དྲུག་ཅུ་རྩ་བཞིའི་དབྱེ་བ་དང་ལྡན་པས་ན་སྤྲོས་པ་རྣམ་པ་དུ་མ་ཅན་ཡིན་ནོ། །རྣམ་བཅད་དང་རྣམ་མེད་ཀྱི་སྟོང་ཉིད་ཕྱག་རྒྱ་ཆེན་པོ་ལས་སྐྱེས་པའི་བདེ་བ་ཆེན་པོ་ནི། རྒྱུ་འབྲས་ཐམས་ཅད་དུ་སྤྲོས་པ་མེད་ཅིང་ཡང་དག་མ་ཡིན་པའི་ཀུན་རྟོག་འཇོམས་པ་ལ་ཤིན་ཏུ་མཐུ་ཆེ་བ་ཡིན་ནོ། །གཉིས་པ་ལ། ཞུ་བདེའི་དགོས་པ། ཀཱ་ར་ཎའི་དབྱེ་བ་དྲུག…

ཚད། །འབྱུང་པོ་རྣམས་ཀྱི་སྤྱོད་པ་ཡིན། །རབ་དགའི་དབང་མོ་མི་རྣམས་ཀྱིས། །སྒྱུ་རྩལ་དག་ནི་སྟོང་ཕྲག་གཅིག །ཅེས་པ་ནས་བརྩམས་ཏེ་བསྟན་པ་ལས། དགུ་བརྒྱ་པ་དང་དགུ་བཅུ་རྩ་དགུ་བསྟན་ཟིན་པ་ན། ཐ་མ་དེ་ཤིན་ཏུ་ཟབ་པ་ཞིག་ཡིན་པས། དྲང་སྲོང་རྒྱལ་བ་དམ་པས་ཕྲག་དོག་གིས་འཁོར་གཞན་རྣམས་ཀྱི་རྣ་བ་བཀག་པ་ཡིན་ཅེས་ཟེར་རོ། །གཉིས་པ་ནི། འཁྱུད་དང་…

སྟེ་བཙལ་བས་མ་བརྙེད་པ་ལ་འཇོག་པ་ལ་ལྷུར་བྱེད་པ་དང༌། མེད་པ་ལ་དངོས་པོར་ཞེན་པའི་སྟོང་ཉིད་རྣམས་དང༌། ལུས་ཀྱི་སྦྱོར་བ་སོགས་ལས་བྱུང་བ་ལས་ནི། བདེ་བ་ཆེན་པོར་འགྱུར་བ་མིན་ཏེ། དེ་དག་ནི་རྩོལ་བ་དང་བཅས་པའི་ཕྱིར་དང༌། མཚན་མར་འཛིན་པའི་ཕྱིར་རོ། །གཉིས་པ་ནི། བདེ་ཆེན་དེ་ནི་སོ་སོར་རང་གི་རིག་པའི་མཚན་ཉིད་ཅན་ཉིད་དེ། མཐའ་འབྲས་མང…

རྣམ་ཤེས་གསུམ་དང༌། དེ་ཡན་ཆད་ཡེ་ཤེས་གསུམ་དུ་བརྗོད་ཅིང༌། དེའི་འབྲས་བུ་སྐུ་ལ་ཡང༌། དེ་དང་དེ་ཉིད་ཀྱི་ཕྱེ་བས། རྣམ་ཤེས་དང་ཡེ་ཤེས་ཀྱི་སྐུ་གཉིས་སོ། །སྐུ་འདི་དག་ཤེས་པར་གསུངས་ཀྱི་བེམ་པོར་རང་མཚན་པར་གསུངས་པ་ནི་མ་མཐོང་ངོ༌། །རིམ་ལྔ་ལས་ཀྱང༌། དེ་ཉིད་གླུད་དང་ཡང་དག་ལྡན། །རྣམ་ཤེས་གསུམ་པོ་སླར་ཡང་ནི། །རྣལ་འབྱོར་པའི་ལུས་སུ…

པ་ཀུན་གྱི་མཆོག་དང་ལྡན་པ་སྟེ། ཡེ་ཤེས་གཅིག་ཉིད་རྣམ་པར་རྟོག་པ་མེད་བཞིན་དུ་ཇི་ལྟར་འདུལ་བ་དེ་ལྟར་སྣང་བའོ། །སྤྱན་རྣམ་པ་ཐམས་ཅད་པ་ནི་ཐམས་ཅད་ཅིག་ཅར་གཟིགས་པ་སྟེ། དེ་བཞིན་གཤེགས་པའི་གཙུག་ཏོར་གྱིས་གཟིགས་སོ་མཛོད་སྤུས་ཀྱང་གཟིགས་སོ་ཞེས་སོགས་དད་པའི་སྟོབས་སྐྱེད་པའི་མདོ་ལས་གསུངས་སོ། །འཇིག་རྟེན་གྱི་ཁམས་ཀུན་ན་སྒྲ་ཇི་སྙེ…

པ་ལས་གཞན་གྱིས་གཞིག་མི་ནུས་པ་དང༌། རང་དང་གཞན་གྱི་སྒྲིབ་གཉིས་འཇོམས་པར་བྱེད་པའི་ཕྱིར་རྡོ་རྗེའི་སྐུ་ཞེས་གསུངས་ཏེ། རྡོ་རྗེ་ནི་ངོ་བོ་མི་འགྱུར་བ་དང་གཞན་གྱི་མི་གཞོམ་པ་དང༌། ཕ་རོལ་གཞན་རྣམས་འཇོམས་ནུས་པ་སྟེ། རྡོ་རྗེ་ཆོས་གསུམ་དང་མཚུངས་པའོ། །ལྔ་པ་ནི། རྡོ་རྗེ་འཆང་གི་ཟུང་འཇུག་གི་སྐུ་ནི་དཔེ་གསུམ་གྱིས་མཚོན་པ་སྟེ། མེ་ལ…

སྤྱོད་རྫོགས་པའི་སྐུའི་རིགས་མཐུན་གྱི་རྒྱུ་བྱེད་པ་ཡིན་ནོ། །འདི་དག་གི་མན་ངག་དང་གོ་བ་ཤིན་ཏུ་གལ་ཆེ་བ་ཞིག་ཡིན་པས། འདུས་པ་ལུགས་གཉིས་སུ་རྒྱས་པར་རིག་པར་བྱའོ། །གསུམ་པ་བསྡུ་བ་ནི། དེ་ཉིད་གཅིག་དང་རིམ་པ་གཉིས་དང༌། རྡོ་རྗེ་གསུམ་གྱི་རྣལ་འབྱོར་དང་སྐུ་གསུམ་སོགས་དེ་ཉིད་གསུམ་དང༌། དཀྱིལ་འཁོར་གྱི་དེ་ཉིད་ལ་སོགས་པ་དེ་ཉིད་བཞ…

སོགས་པའི་ཚུལ་ཞིབ་མོ་དང༌། གཞན་ཡང་རིམ་པ་གཉིས་དང་སྤྱོད་པ་ལ་སོགས་པ་གཞན་དག རྒྱུད་ཀྱི་འགྲེལ་པ་དང༌། བསྟན་བཅོས་གཞན་རྣམས་སུ་སྔོན་གྱི་སློབ་དཔོན་རྣམས་ཀྱིས་བཀྲོལ་ཟིན་པ་དང་མདོར་བསྡུས་ཙམ་ཚིགས་སུ་བཅད་པ་བཅུ་པར་བཀོད་ཟིན་པས་འདིར་མ་འབྲི་ཞེས་དགོས་སོ། །གཉིས་པ་ནི། མཆོག་གི་དངོས་གྲུབ་དེ་འགྲུབ་པའི་རྟགས་ཀྱི་རིམ་པ་ནི་རྣམ་པ་བར…

མཚན་མ་ལྔ་པ་ཡིན་ནོ། །གཟུགས་སོགས་ཕྱི་རོལ་གྱི་ཡུལ་སྣང་མེད་ཅིང་མི་སྣང་བར་སེམས་གནས་པ་ནི་རླུང་དབུ་མར་ཐིམ་པའི་ཡེ་ཤེས་སམ་རྟགས་དྲུག་པ་སྟེ། སྔ་མའི་རྗེས་ཐོག་ཏུ་འགྱུར་རོ། །རླུང་ཐིམ་ཟིན་པའི་ཞུ་བདེ་ཁྱད་པར་ཅན་སྐྱེ་བས་སྣང་བ་བཞིའི་རིམ་པས་ཆོས་ཀྱི་དབྱིངས་ཏེ་འོད་གསལ་ལྷན་སྐྱེས་འཆར་བ་དག་ནི་བདུན་པའོ། །བརྒྱད་པ་ནི། སྟོང་པ་འ…

རྣལ་འབྱོར་པ་རྣམས་འདི་ནས་ཕ་རོལ་ཏུ་འཕོ་བའི་ཚེ་དཔལ་ཁྲག་འཐུང་ཧེ་རུ་ཀ་ལ་སོགས་པ་དཔའ་བོ་དང་རྣལ་འབྱོར་མ་རྣམས་མེ་ཏོག་སྣ་ཚོགས་ལག་ན་ཐོགས་ཤིང༌། རྒྱལ་མཚན་དང་བ་དན་སྣ་ཚོགས་དང་རོལ་མོའི་སྒྲ་སྣ་ཚོགས་པ་དང༌། གླུ་དང་གར་གྱི་མཆོད་པ་སྣ་ཚོགས་པ་དང་བཅས་པ་བསུ་བར་བྱེད་ལ། འཆི་བ་ཞེས་བྱ་བའི་རྣམ་པར་རྟོག་པ་སེམས་ཅན་རྣམས་ལ་འབྱུང་བ་དེ་…

དུ་ཡང་མི་གནས་ཐོག་མ་དང་ཐ་མ་དང་དབུས་དང་བྲལ་བ་ཞེས་གསུངས་སོ། །སྒྱུ་མ་བདེ་མཆོག་ལས་ཀྱང༌། ཌཱ་ནི་ནམ་མཁར་འགྲོ་མ་ཞེས། །སྐད་ཀྱི་བྱིངས་ལས་མངོན་པར་རྟོགས། །ནམ་མཁའ་ཀུན་ཏུ་སྤྱོད་གྲུབ་པ། །མཁའ་འགྲོ་མ་ཞེས་རབ་ཏུ་གྲགས། །ཞེས་འོད་གསལ་བདེ་སྟོང་དབྱེར་མེད་པ་ལ་ནམ་མཁའ་ཞེས་བྱའོ། །གསུམ་པ་ནི། ཚེ་འདིར་རྫོགས་རིམ་གྱི་རྟོག་པ་མངོན་དུ་…

འཁྲུགས་པའི་སྒྲ་དང༌། ཐམས་ཅད་དུ་གནམ་རྡོ་ལྟུང་བ་དང༌། དེ་ཉིད་དུ་བསྐལ་པའི་མེའི་གཟུགས་ལྟ་བུའི་ཡེ་ཤེས་ཀྱི་སྣང་བ་འབར་བ་དང༌། ཕྱག་རྒྱའི་སྐྱེ་གནས་ཀྱི་སྙིང་པོ་ཁམས་གསུམ་ཐམས་ཅད་སྣང་བ་དང༌། ཚངས་པ་དང༌། ཁྱབ་འཇུག་དང༌། ཆུ་བདག་དང༌། བརྒྱ་བྱིན་དང༌། དྲག་པོ་དང༌། མེ་དང༌། སྟོབས་བཟང་པོ་དང༌། ཉི་མ་དང༌། ཟླ་བ་དང༌། གནོད་སྦྱིན་དང༌། …

མཆོད་པ་དེ་རྣམས་ཀྱིས་མཆོད་པར་བྱེད་དོ། །ཞེས་གསུངས་ཏེ། ས་གཡོ་བ་དང༌། བདུད་རྣམས་ལ་སྒྲོན་པ་དང༌། འབར་བར་སྣང་བ་དང༌། ལྷ་ལ་སོགས་པས་མཆོད་པ་དང༌། གཞན་ཡང་སྲིད་ཞིའི་ཕུན་སུམ་ཚོགས་པ་ཐམས་ཅད་འགྲུབ་པར་གསུངས་སོ། །གཉིས་པ་ནི། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐུན་གསུམ་དུ་མཆོད་པར་བྱེད་དེ། །དེ་ལྟར་ཡང་འཇམ་དཔལ་ཞལ་ལུང་ལས…

པའི་བདག་ཉིད་ཐམས་ཅད་རྫོགས་པར་གྱུར་ཅིག་ཅེས་སྨོན་ནོ། །གསུམ་པ་ནི། དཔལ་ལྡན་འཁོར་ལོ་སྡོམ་པ་རྩ་བཤད་ཀྱི་རྒྱུད་རྣམས་སུ་ཤིན་ཏུ་རྒྱས་པའི་སྒོ་ནས་ཡང་དག་པར་བསལ་བ་གྲུབ་ཆེན་ཛ་ལན་དྷ་རའི་རྡོ་རྗེའི་གླུར་བླངས་པའི་དོན་དེ་ཁོ་ན་ཉིད་བདུན་གྱི་འགྲེལ་པ་མན་ངག་གི་གནས་འདི་འབད་པ་སྟེ་བསྒྲིམས་ཏེ་དོན་གྱི་གནས་ལ་དྲི་མ་ཐམས་ཅད་བྲལ་བར་བྱ…

བཞིན་དུ་རྒྱལ་ཁམས་པ་ཏཱ་ར་ནཱ་ཐས་རང་ལོ་ཉེར་བཞིར་ཉེ་བ་ན་རྣམ་འཕྱང་གི་ལོ་དབོའི་ཟླ་བའི་ཉེར་ལྔ་ལ་ནགས་རྒྱལ་གྱི་དབེན་གནས་ཇོ་མོ་ནང་དུ་སྦྱར་བའི་ཡི་གེ་པ་ནི་གྲགས་པ་བཟང་པའོ། །སྤར་ཡིག་ཀུན་དགའ་ལེགས་པས་བྲིས། །འདི་ཡི་དགེ་བས་ཀུན་ཏུ་བདག བླ་མ་མཆོག་གི་བྲིན་འབྱེད་ཅིང༌། །འགྲོ་བའི་མགོན་དུ་འགྱུར་བ་དང༌། །དོན་གཉིས་ཕུན་སུམ་ཚོགས་…