ཞིང་བརྟན་པ་དེ། གསལ་བར་མངོན་འགྱུར་དུ་བླངས་བས་ཡུལ་གཟུང་དོན་དུ་སྣང་བ་ཡིན་པར་ཡོངས་སུ་ཤེས་པར་གྱིས་ཤིག བླང་བའི་དོན་སྔར་མི་གསལ་བར་གབ་པ། མངོན་གྱུར་དུ་ལངས་པ་ལྟ་བུར་འཆད་པའང་ཡོད་མོད། དོན་ལ་མི་འགལ་བར་འདུག་ཀྱང༌། ཚིག་གི་སྒོ་ནས་མི་ལེགས་ཏེ། སྐད་དོད་དང་ཡང་མི་འགྲིག་པའི་རིགས་སུ་འདུག་ཅིང༌། བོད་ཡིག་གི་བརྡ་དང་འགལ་ཏེ། བླང…

ཉེས་པ་མ་ལུས་པ་དང་གདོད་ནས་བྲལ་བ་ཡིན་ཏེ། དེའི་ཕྱིར་ལྷན་སྐྱེས་དེ་ལ་རྣལ་འབྱོར་དུ་བྱེད་པ་དེ་ནི། སྡུག་བསྔལ་མྱོང་བའི་རྒྱུ་སྡིག་པ་དང༌། འཁོར་བའི་བདེ་བ་སྐྱེད་པའི་བསོད་ནམས་མ་ཡིན་ཏེ། རྣམ་པར་གྲོལ་བ་ཁོ་ནར་བྱེད་པ་བྲལ་བའི་རྒྱུ་ཟག་པ་མེད་པའི་དགེ་བ་ཁོ་ནའོ། །ལྷན་སྐྱེས་སྒོམ་པ་ཆོས་ཅན། སྡིག་བསོད་གང་ཡང་མ་ཡིན་ཏེ། ཁྱོད་ཀྱི་ད…

པའི་ཕྱིར། དེ་ལ་ཁྱབ་པ་ཡོད་དེ། ཡོན་ཏན་དང་མི་ལྡན་པ་དེ་ཉིད་སྐྱོན་ཡིན་པའི་ཕྱིར། དེས་ན་ཡོན་ཏན་མེད་པ་དེ་སྐྱོན་གྱི་ངོ་བོ་ཡིན། གཞི་གཅིག་ལ་སྦྱར་ན། ཆོས་དབྱིངས་ཆོས་ཅན། ཁྱོད་གནས་དང་གནས་མ་ཡིན་པ་མི་ཤེས་པའི་སྒྲིབ་པས་མ་གོས་པ་མ་ཡིན་པ་ཐལ། ཁྱོད་ཀྱིས་གནས་དང་གནས་མ་ཡིན་པ་མི་ཤེས་པའི་ཕྱིར། དེ་ལ་བེམ་པོ་སོགས་ཀྱིས་མ་ངེས་སོ་སྙམ…

གཅོད་པའི་སྒྲིབ་པའི་ཉེས་སྐྱོན་གྱིས་གོས་པར་ཐལ། དེ་ཐོབ་བྱེད་ཀྱི་རྒྱུ་མ་བསྒྲུབས་པ་གང་ཞིག མ་བསྒྲུབས་པ་དེ་སྐྱོན་ཡིན་པའི་ཕྱིར། ཞེས་པ་འདི་ཁྱེད་ལ་ཟློག་ཏུ་མེད་ལ། ཐལ་བ་དེ་ངེད་ལ་སླར་ཟློག་པར་བྱེད་ན། ཁོ་བོ་ཅག་ནི་མཚན་དཔེ་སོགས་ཡོན་ཏན་རྣམས། ཆོས་ཀྱི་དབྱིངས་ལ་རང་བཞིན་གྱིས་གྲུབ་པ་རེ་རེ་དང༌། འཕགས་པའི་གང་ཟག་གི་རྒྱུད་ལ། ར…

པ་ཐམས་ཅད་དང༌། ལེགས་པའི་ཆོས་དང་མི་ལྡན་པ་ཐམས་ཅད་སྐྱོན་ཡིན། སྐྱོན་ཐམས་ཅད་དང་བྲལ་ཙ་ན་དེ་དག་ཐམས་ཅད་དང་བྲལ་དགོས། མི་ཤེས་པ་ལས་ལོག་ཙ་ན་ཤེས། མ་བསྒྲུབས་པ་ལས་ལོག་ཙ་ན་གྲུབ། མི་ལྡན་པ་ལས་ལོག་ཙ་ན་ལྡན་པ་མ་ལགས་སམ། དེ་དག་མ་ཡིན་ན། དེ་དང་དེ་ལས་ལོག་པ་ཡང་མི་འགྱུར་རོ། །དེས་ན་སྐྱོན་ཐམས་ཅད་དང་གདོད་ནས་བྲལ་བ་དེ་ནི། ཡོན་ཏན་ཐམས…

རྨོངས་པ་ཅི་ཡང་མ་མཐོང་ངོ༌། །ལྷན་སྐྱེས་འབའ་ཞིག་གཅིག་པུ་དེ་ཉིད་ཡོད། །ཅེས་པ་སྟེ། ཚིག་རྐང་དང་པོ་ལ། བཻ་རོས། ཕྱི་རོལ་འབྱུང་བ་དག་ནི་དཔྱད་བྱས་ནས། །སྟོང་དང་སྟོང་མིན་དག་ལ་འཇུག་པར་གྱིས། །ཞེས་བསྒྱུར་བ་གོ་བདེའོ། །དེ་ཡང་ཕྱི་རོལ་གྱི་དངོས་པོ་སྣ་ཚོགས་སུ་སྣང་བ་རྣམས་ནི། བློ་ལ་ཕྱི་དོན་དུ་འབྱུང་བ་ལྟར་སྣང་ཡང༌། ཡང་དག་པའི་ཤ…

ཕྱིར་དེ་གཉིས་དངོས་པོ་གཅིག་པས་ན། བདེན་བརྫུན་གྱི་དབྱེ་བ་མི་འོས་སོ། །འོན་ཀྱང་བཏགས་པ་རྣམས་ནི་བྱ་བ་བྱེད་ནུས་སུ་མེད་ལ། ཤེས་པ་ཙམ་ནི་བྱ་བ་བྱེད་ནུས་སུ་ཡོད་དོ། །དེ་ལ་སྣ་ཚོགས་སུ་སྣང་བས་ནི། རྒྱུ་འབྲས་ཀྱི་བྱ་བ་བྱེད་ལ། རང་རིག་པ་ཙམ་གྱིས་ནི། རྒྱུ་འབྲས་གཉིས་ཀའི་བརྟེན་གྱི་བྱ་བ་བྱེད་དོ། །དེ་ཡང་རྣམ་པར་ཤེས་པའི་ངོ་བོ་ཡིན…

བྱ། ཐག་སྦྲུལ་གྱི་དོན་སྤྱི་དེ་ཡང༌། རྟཽག་པ་དེའི་ཞེན་སྟངས་ཀྱི་འཁྲུལ་ལུགས་ཙམ་ཡིན་གྱི། དེས་འཇིགས་སྐྲག་བསྐྱེད་པ་ཡང་མ་ཡིན་ལ། དེས་སྦྲུལ་འཛིན་གྱི་རྟོག་པ་དེ་བསྐྱེད་པ་ཡང་མ་ཡིན་ནོ། །དེས་ན་རེ་ཞིག་ཀུན་རྫོབ་མི་འགགས་པའི་དབང་དུ་བྱས་ནས། ཐག་ཁྲར་སྣང་བའི་ཤེས་པ་ལས་སྦྲུལ་འཛིན་གྱི་རྟོག་པ་འཁྲུལ་པ་སྐྱེ། དེས་འཇིགས་སྐྲག་སྐྱེད་…

ཡིན་མོད་ཀྱི། བྱ་བ་ཅུང་ཟད་བྱེད་པ་ནི་ཤེས་པ་ཡིན་པའི་རྒྱུ་མཚན་གྱིས་སོ། །དེ་ལྟ་བུ་ལ་སྦྲུལ་དང་མེ་ནི་ནམ་ཡང་མེད། དེ་དག་ལ་དམིགས་ནས་སྦྲུལ་འཛིན་དང་མེར་འཛིན་གྱི། སྦྲུལ་དང་མེར་བཏགས་པའི་བཏགས་ཆ་དེ་ནི། རྟོག་པ་དེ་དག་ལ་མི་གསལ་བར་ཤར་བ་ཙམ་ཡིན་གྱི། བྱ་བ་གང་ཡང་མི་བྱེད་དོ། ། དེས་ན་སྦྲུལ་དང་མེར་སྣང་བ་ཡང་མ་ཡིན། སྦྲུལ་འཛིན་མ…

ཁོ་ནས། འཁྲུལ་ངོར་ཡང་བྱ་བ་མི་བྱེད་པ་དང༌། གཞན་དབང་རྣམ་པར་རིག་པ་ཙམ་ཀུན་རྫོབ་ཏུ་དོན་བྱེད་ནུས་པར་འཇོག་པ་ནི་འཐད་པའི་ཕྱོགས་ཁོ་ནའོ། །དབུ་མ་པར་ཁས་འཆེ་བ་རྣམས་ཡང་ལོག་གི་དབྱེ་བ་མི་བྱེད་ཟེར་བ་ན། ཀུན་བཏགས་རང་དང་ཀུན་བཏགས་ཀྱི་རྣམ་ཆ་དེ་དང་དེར་སྣང་བའི་རྣམ་རིག་གི་དབྱེ་བ་གཏན་ནས་མ་ཕྱེད་པས་ཉེས་པ་འབའ་ཞིག་གོ །དེ་ལྟར་ན། མཚན…

ནི་ལུང་མང་ཀློག་ཉན་ཀྱང༌། །རྨོངས་པ་དག་གིས་ཅི་ཡང་མི་ཤེས་སོ། །འདི་ལ་བསྟན་བཅོས་ནི༌། ཕྱི་ནང་གི་སྐྱེ་བོས་བྱས་པ་དང༌། ལུང་ནི་དེ་བཞིན་གཤེགས་པའི་བཀའ་ཞེས་འཆད་པ་ལྟར་བདེ་ལ། ཡང་བསྟན་བཅོས་གྲུབ་མཐའ་ལུང་སྔགས་རྒྱུད་ཀྱི་སྦྱོར་བ་ལ་ཟེར་བའང་ཡོད་དོ། །འདིར་སྐལ་བ་དང་ལྡན་པ་འགའ་ཞིག་ལ། ལྷན་ཅིག་སྐྱེས་པའི་ཡེ་ཤེས་རྫོགས་པའི་རིམ་པ་ད…

ཆད་པ་མེད། །མི་གཡོ་བ་ཡི་རླུང་ཉིད་ཀྱིས། །ཁྱིམ་མི་མོ་ཡི་ཁྱིམ་ན་འཁོར། །ཅེས་བསྒྱུར་བ་དོན་ལ་ཁྱད་མེད་ཀྱང་ཚིག་ལེགས་ཤིང་གོ་བདེ་བར་སྣང་ངོ༌། །དེ་ཡང༌། རྣལ་འབྱོར་གྱི་སྟོབས་ཀྱིས་རླུང་དབུ་མར་བཀག་པས། འོག་གི་རྩ་གསུམ་ལས། གཡས་གཡོན། བཤང་གཅིའི་ལམ་གྱི་རྩ་ལ་རྒྱུ་བའི་རླུང༌། དབུས་དུང་ཅན་མ་ཁུ་བའི་ལམ་གྱི་རྩར་འགགས་ཤིང༌། དེ་ཡང་…

ཞེས་གསུངས་པ་ལྟར། ཁམས་དྲུག་གི་རང་བཞིན་ཏེ་རྡོ་རྗེ་གསུམ་ལ་ཐབས་ཤེས་ཀྱིས་ཕྱེ་བའི་དྲུག་གི་ངོ་བོ་རྩ་དྲུག་གི་རླུང་རྣམས་ཚོགས་པ་གཅིག་ཏུ་འཆིང་པ་ནི་སྲོག་རྩོལ་ཡིན་ལ། དེ་ལྟ་བུའི་རྒྱུན་དེ་སླར་ཡང་ལྟེ་བ་ལ་སོགས་པ། དབུ་མ་དངོས་ཀྱི་རྩ་འཁོར་བཞིའམ་དྲུག་ལ་སོགས་པ་དེར་ནི། མི་ཤིགས་པའི་ཐིག་ལེ་རྣམས་ལ་ཐིམ་ཞིང་མི་གཡོ་བར་གནས་པའི་ས…

ནག་པོ་སྤྱོད་པ་བདག་གིས་སྨྲས་ཏེ། རང་གི་ཉམས་མྱོང་ཚད་མ་ཅན་ནོ། །གཉིས་པ་ལ། འགྱུར་བའི་ཉེས་པ་དང༌། འགྱུར་མེད་མ་ཐོབ་ན་གནས་ལུགས་མི་རྟོགས་པའི་ཚུལ་གཉིས་སོ། །དང་པོ་ནི། རི་བོ་མཆོག་གི་སུལ་ཟབ་ནས། །འགྲོ་རྣམས་མ་ལུས་ཆད་པར་འགྱུར། །དྲི་མེད་ཆུ་ནི་སྐམས་གྱུར་ཏེ། །དུས་ཀྱི་མེ་ནི་འཇུག་པར་འགྱུར། །ཞེས་པ་སྟེ། འཛིན་པ་གྲུབ་ན་ཞུ་བདེ…

ཏོར་ནས་ནོར་བུ་བར་དུ། དགའ་བ་བཅོ་ལྔའི་བར་དུ་གོང་འཕེལ་དུ་རྒྱས་ཀྱང༌། བཅུ་དྲུག་པ་ནོར་བུ་ལས་ཉམས་པ་དང་ལྷན་ཅིག །དུས་མེ་འབར་བས་ནོར་བུ་ནས་གཙུག་ཏོར་གྱི་བར་གྱི་བྱང་ཆུབ་ཀྱི་སེམས་ཀྱི་གནས་ཐམས་ཅད་དེའི་འོད་ཀྱིས་ཁྱབ་ཅིང༌། དེའི་མཐར་དུས་མེའི་མདངས་ཀྱང་སྟེང་ཕྱོགས་སུ་ཡལ་བར་འགྱུར་རོ། །དུས་མེ་ཞེས་པ་ནི་སྤྱིར་འབྱུང་བ་ལྔའི་དྭང…

འདོད་ཆགས་བྲལ་བའི་གནམ་སྟོང་ལ། །ཉི་མ་མཛོད་པུའི་གནས་སུ་འགྲོ། །དེ་ཡི་ཆ་ཤས་བཅུ་དྲུག་ལ། །གཙུག་ཏོར་པདྨར་སོན་པའོ། །ཟླ་བ་ཉམས་པ་ཞེས་བརྗོད་དེ། །ཆགས་པའི་བདེ་ལས་ཆགས་བྲལ་ཕྱིར། །ཞེས་གསུངས་པ་དང་གནད་ཅིག་སྟེ། གཞུང་འདིར། དུས་མེ་འཇུག་ཅེས་གཟའ་འཛིན་དང་སྦྱར་ནས། མར་ངོ་དང་དངོས་སུ་མ་སྦྱར་ཡང༌། ཤུགས་ལ་ནག་ཕྱོགས་ཀྱི་ཚེས་བཅུ་དྲུག…

པ་ལ་ངོས་འཛིན། མཉམ་དང་མི་མཉམ་འཛིན་པར་བྱེད་ཅེས་བསྒྱུར་བ་ལྟར། འོག་བཤང་གཅིའི་རྩ་གཉིས་བསྡམས། རླུང་གི་རྒྱུ་བ་བཀག་པས་དབུས་དྲུང་ཅན་མར་རྒྱུ་བའི་རླུང་ཡར་ལོག་པས་ཐིག་ལེ་འཛིན་པར་བྱེད་པའི་དོན་དུ་འཆད་པ་ལེགས་སོ། །དཀྱུས་ཀྱི་འགྱུར་ལྟར་ན། འདི་སྟེ་ཐིག་ལེ་ས་འཛིན་གྱི་མས་སྣ་གསང་བ་མན་ཆད་ནས་འགྲོ་བ་ནི། རྣལ་འབྱོར་དང་མི་ལྡན་པ་…

བ་རིན་ཆེན་གྱི་དོན། རྣམ་པ་ཐམས་ཅད་པར་རྗེས་སུ་འགྲོ་བའི་སྟོང་གཟུགས་ཡིན་ནོ། །དེས་ན། སྟོང་བར་རྩེ་གཅིག་ཡིད་བྱས་ཏེ། །ཉི་མ་གཅིག་ཏུ་ཡོངས་སུ་བརྟག །ཅེས་པའི་ཚུལ་དུ་སྒྲུབ་པོ་སུ་ཞིག་གིས་ནི། མུན་པའམ་སྤྲིན་དང་བྲལ་བའི་ནམ་མཁའ་ལ་བལྟ་ཞིང་སྟོང་པའི་ཚུལ་དུ་ཡིད་ཀྱིས་བསྒོམས་པས། སེམས་ནམ་མཁའི་རྣམ་པ་སྤྲོས་བྲལ་དུ་ཤར་ཞིང་རྟོགས་པ་…

ཆེན་ཡང་དག་པར་རིག་པ། དེ་འབའ་ཞིག་གིས་ཆོས་ཀྱི་ངོ་བོ་ཤེས། །བརྗོད་ཀྱང་གཞན་གྱིས་ཤེས་པར་འགྱུར་རམ་ཅི། ཞེས་པ་སྟེ། འདི་ལ་གཉིས་ལས། དོན་ཚན་དང་པོ་བསམ་གཏན་གྱི་རིམ་པའི་ངོ་བོ་ནི། ཡིད་སོགས་ཏེ་དེ་ཡང་རྟག་ཏུ་གཟུགས་དེ་བསྒོམ་པར་བྱ། ཞེས་པའི་ཚུལ་གྱིས་དང་པོར་ཤེས་རབ་ཀྱི་རིམ་པས།རང་ཡིད་སྟོང་གཟུགས་ལ་དྲག་ཏུ་གཏད། རྟོག་པའི་རིམ་པས་…

གསུངས། དེ་ལ་བསམ་གཏན་གྱི་རིམ་པ་ནས་བརྩམས་ཏེ། ཏིང་ངེ་འཛིན་གྱི་རིམ་པའི་བར་དུ་ཡོད་པའི་བསམ་གཏན་གྱི་ཡན་ལག་དེ་ཐམས་ཅད་ཀྱི་བྱེད་ལས་ནི། མ་དག་པའི་སྣང་བ་སྟོང་གཟུགས་སུ་རིམ་པས་སྦྱོང་བ་ཡིན་པས། གཟུགས་སེམས་དབྱེར་མེད་པ་དེ་འབའ་ཞིག་ལ་མཉམ་པར་བཞག་པའི་རྣལ་འབྱོར་གྱིས། སྣང་གྲགས་ཀྱི་ཆོས་ཐམས་ཅད་ཀྱི་ངོ་བོ་གདོད་ནས་སྟོངས་པ་ལས། རང…