པོས་དྲིས་པ་ན། དྲང་སྲོང་གིས་སྨྲས་པ། སྔར་མཚན་མཁན་གཞན་ལ་བསྟན་ནམ། རྒྱལ་པོས་སྨྲས་པ། བསྟན་ཏེ་འཁོར་ལོས་སྒྱུར་བའི་རྒྱལ་པོར་ལུང་བསྟན་ཏོ། །དྲང་སྲོང་གིས་སྨྲས་པ། ས་བདག་རྟོག་པ་པོ་རྣམས་བློ་འཁྲུལ་ཏེ། །རྩོད་པའི་དུས་སུ་འཁོར་ལོས་སྒྱུར་མི་འབྱུང་། །ཉེས་ལས་རྣམ་པར་རྒྱལ་བའི་མཆོག་འདི་ནི། །འགྲོ་བའི་དོན་དུ་རང་བྱུང་སངས་རྒྱས་འ…

ཐམས་ཅད་ཕིགས་ཏེ་མདའི་ཤུལ་ལས་ཆུ་ཡན་ལག་བརྒྱད་ལྡན་སྐྱེས་པ་ལ་མདའ་ཆུ་ཁྲོན་པ་སྐྱེས་ཞེས་གྲགས་སོ། །དེ་ནས་བཙུན་མོའི་འཁོར་གྱིས་རོལ་པ་ནི། ཤཱཀྱའི་བུ་མོ་ས་འཚོ་མ་འཁོར་ཉི་ཁྲི། རི་དྭགས་སྐྱེས་འཁོར་ཉི་ཁྲི། གྲགས་འཛིན་མ་འཁོར་ཉི་ཁྲི་སྟེ། བཙུན་མོ་དྲུག་ཁྲི་ཁབ་ཏུ་བཞེས་ནས་ཕོ་བྲང་དུ་གནས་པའི་ཚེ་ལྷའི་སིལ་སྙན་གྱི་སྒྲ་ལས་ཚིགས་སུ་…

མི་འགྱུར་གྲང་། །ཞེས་བརྗོད་པ་ན། དེ་ལས་བཞེངས་ཏེ་རྡོ་རྗེ་ལྟ་བུའི་ཏིང་ངེ་འཛིན་གྱི་གནས་ཚོལ་དུ་གཤེགས་པའི་ལམ་དུ། ཚོང་དཔོན་གྱི་བུ་མོ་ལེགས་སྐྱེས་མས་བ་མེན་ལྔ་བརྒྱ་ལས་བཞོས་པའི་འོ་མ་རིམ་གྱིས་བརྒྱད་ལ་བླུད་པ་བསྐོལ་བ་དྲངས་པས་སྐུ་མདོག་གསེར་གྱི་མདངས་སུ་གྱུར་ཅིང་བསྔོ་བ་མཛད་པ། བསོད་པ་ཕུལ་བའི་བསོད་ནམས་ཅི་མཆིས་པ། །གྲགས་…

ནི་འདི་ན་མཆོད་སྦྱིན་གཏན་པ་མེད། །བྱས་པ་ལ་ནི་ཁྱོད་ཉིད་དཔང་ཡིན་ཏེ། །ཁྱོད་ལ་འདི་ན་དཔང་འགའ་ཡོད་མིན་པས། །སྨྲས་ཀྱང་དཔང་མེད་དེ་ནི་ཡེ་ཕམ་ཡིན། །ཞེས་སོ། །སེམས་དཔས་སྨྲས་པ། ས་འདི་འགྲོ་བ་ཀུན་གྱི་རྟེན་ཡིན་ཏེ། །རྒྱུ་དང་མི་རྒྱུ་ཉེ་རིང་མེད་པས་ན། །ས་འདི་དེ་རིང་བདག་གི་དཔང་མཛོད་ཅིག །ཅེས་གསུངས་མ་ཐག་ཏུ་སའི་ལྷ་མོས་རིགས་ཀྱི…

གེ་དེ་ཡིས་བདུད་བཏུལ་ཏེ། །སྟོན་པའི་བསམ་གཏན་མངོན་དུ་མཛད་ནས་ནི། །སྟོབས་བཅུ་རིག་པ་གསུམ་པོ་བརྙེས་གྱུར་ཚེ། །ཕྱོགས་བཅུའི་ཞིང་རྣམས་ཐམས་ཅད་གཡོས་པར་གྱུར། །ཅེས་སོ། །དེ་ནས་ཞག་བདུན་ཕྲག་བདུན་ཆོས་མི་གསུང་བར་བཞུགས་པ་ལས། བདུན་ཕྲག་དང་པོ་ལ་སྐྱིལ་ཀྲུང་མ་བཤིག་པར་བཞུགས། གཉིས་པ་ལ་འཛམ་གླིང་ཉེ་བར་བཅགས། གསུམ་པ་ལ་སྟོང་གསུམ་རི…

རྒྱལ་བ་བཞེངས་སུ་གསོལ། །འཇིག་རྟེན་མུན་པར་ཤེས་རབ་འོད་དབྱུང་གསོལ། །ཀུན་ནས་འཚམ་པར་གྱུར་པ་མཆིས་ལགས་ཀྱི། །ཐུབ་པ་ཁྱོད་ཀྱིས་ཆོས་ནི་བསྟན་དུ་གསོལ། །ཞེས་པ་དང་། བརྒྱ་བྱིན་གྱིས་རིན་པོ་ཆེ་ཕུལ་ནས་ཞུས་པ། ཟླ་བ་ཉ་བ་གཟའ་ལས་ཐར་བ་ལྟར། །ཐུབ་པ་ཁྱོད་ཀྱི་ཐུགས་ནི་རྣམ་པར་གྲོལ། །གཡུལ་ལས་རྣམ་པར་རྒྱལ་བ་བཞེངས་སུ་གསོལ། །འཇིག་རྟེན་…

རྟོགས་ཤིང་ལྔ་སྡེ་བཟང་པོས་དགྲ་བཅོམ་པའི་འབྲས་བུ་ཐོབ་བོ། །དེ་ནས་བྱ་རྒོད་ཕུང་པོ་ལ་མཚན་ཉིད་མེད་པའི་འཁོར་ལོ་བྱང་ཆུབ་སེམས་དཔའ་དང་ཉན་ཐོས་ཆེན་པོ་ལ་སོགས་པ་ལ་བསྐོར་རོ། །དེ་ནས་ལྷ་དང་ཀླུའི་གནས་ལ་སོགས་པར་ཐ་མ་དོན་དམ་རྣམ་པར་ངེས་པའི་འཁོར་ལོ་བསྐོར་རོ། །དེ་ཡང་བཀའ་དང་པོ་ནི་ལས་དང་པོ་པ་ལམ་ལ་འཇུག་པའི་རིམ་པ་ཤེས་པ་དང་བསྟུན་…

བཏུད་དེ་ཕྱག་འཚལ་ལོ། །ཞེས་སོ། །དེ་ཡང་གདུལ་བྱ་རྟག་པར་འཛིན་པ་ཤས་ཆེ་བ་རྣམས་གདུལ་བའི་ཕྱིར་ནམ་གྱི་ཆ་སྨད་ཟླ་བ་རི་ལ་ནུབ་པའི་ཚེ་དགོངས་པ་ཡོངས་སུ་མྱ་ངན་ལས་འདས་ཏེ། པུར་བཞུ་ནས་སྐུ་གདུང་ཆ་བརྒྱད་དུ་བགོས་ཤིང་ཚེམས་མཆེ་བ་བཞི་སོ་སོའི་དབང་པོས་གདན་དྲངས་པར་བཤད་དེ། འདུལ་བ་ལུང་དུ་གསུངས་པ། སྤྱན་ལྡན་སྐུ་གདུང་བྲེ་བོ་བརྒྱད་དག་…

གྲངས་མེད་ཅིང་། །ཁྱད་པར་མི་མཇེད་འཇིག་རྟེན་དུ། །སྟོང་རྩ་གཉིས་ཀྱི་སྐུར་སྣང་ངོ་། །ཞེས་སོ། །གཉིས་པོ་ནི་འཇམ་དཔལ་དང་། ཕྱག་ན་རྡོ་རྗེའོ། །དེ་དང་རྗེས་སུ་མཐུན་པར་ཆོས་སྐུའི་ངང་ལས་རང་ཤར་དུ་བྱུང་བ་ཉིད། རྒྱུད་བླ་མར་ཡང་། ཐུགས་རྗེ་ཆེན་པོས་འཇིག་རྟེན་མཁྱེན། །འཇིག་རྟེན་ཀུན་ལ་གཟིགས་ནས་ནི། །ཆོས་ཀྱི་སྐུ་ལས་མ་གཡོས་པར། །སྤྲ…

གཤེགས་པའི་ཡེ་ཤེས་བསམ་གྱིས་མི་ཁྱབ་པའི་ཡུལ་ལ་འཇུག་པའི་མདོ་ལས། བཀའ་སྩལ་པ། འཇམ་དཔལ་འདི་ལྟ་སྟེ་དཔེར་ན་ཟླ་བ་ཡར་གྱི་ངོའི་དཀྱིལ་འཁོར་ནམ་ཕྱེད་ཀྱི་དུས་ན་འཛམ་བུའི་གླིང་གི་སེམས་ཅན་ཐམས་ཅད་ཀྱི་སོ་སོའི་མདུན་ན་ཟླ་བའི་དཀྱིལ་འཁོར་འདུག་པར་ཤེས་ཀྱང་། ཟླ་བའི་དཀྱིལ་འཁོར་ནི་སེམས་ཅན་དེ་དག་གིས་བདག་ཅིའི་ཕྱིར་ཟླ་བའི་དཀྱིལ་འཁོར…

མི་དང་། དུད་འགྲོ་དང་། དམྱལ་བ་དང་། གཤིན་རྗེའི་འཇིག་རྟེན་པས་གདུལ་བར་བྱ་བ་ཡིན་ན་དེ་དག་གི་གཟུགས་སུ་བཞུགས་ནས་ཆོས་སྟོན་ཏོ། །ཞེས་སོ། །དེ་དག་གིས་སྤྱིའི་དོན་བཤད་ཟིན་ཏོ། །གཉིས་པ་གཞུང་གི་དོན་ལ་གསུམ་སྟེ། དོན་གྱི་འབྲེལ་དགོད་པ། ཚིག་གི་དོན་བཤད་པ། སྐབས་ཀྱི་དོན་བསྡུ་བའོ། །དང་པོ་ནི་གླེང་བསླང་བའི་ཚུལ་བཤད་པ་དེ་ནས་རང་སྣ…

འཇིག་རྟེན་གྱི་ཁམས་རེ་རེར་རང་རང་གི་འདུལ་བྱེད་ཐུབ་པ་ཆེན་པོ་བཅོམ་ལྡན་འདས་རེ་རེས་འདུལ་བ་རྣམ་པ་བཞི་བཞིས་འགྲོ་བ་ལྔའི་དོན་མཛད་དེ། དེ་ཡང་བསོད་ནམས་ཀྱིས་འདུལ་བ་དང་། དོན་ཐམས་ཅད་མངོན་སུམ་དུ་གྱུར་པས་འདུལ་བ་དང་། རྫུ་འཕྲུལ་ཆེན་པོས་འདུལ་བ་དང་། རིགས་པས་འདུལ་བའོ། །དེ་ཡང་ཕལ་པོ་ཆེ་ལས། ལས་ཀྱི་བྱེ་བྲག་བསམ་མི་ཁྱབ། །དམྱལ་བ…

རྒྱལ་པོའི་ཁབ་ཏུ་གླང་ཆེན་སྨྱོན་པ་བཏུལ་བ་དང་། དགའ་ལྡན་དུ་ཡུམ་ལ་ཆོས་གསུངས་པ་དང་། འབྲོག་གནས་སུ་གནོད་སྦྱིན་ཆེན་པོ་བཏུལ་བ་ལ་སོགས་པ་རྣམས་ཏེ། སྐུའི་རྣམ་པར་འཕྲུལ་བ་ཆེན་པོས་འགྲོ་བ་ཚད་མེད་པ་སྨིན་པར་མཛད་པའི་ཆོ་འཕྲུལ་ཆེན་པོ་སྟོན་པའི་ཐུབ་པས་བསམ་གྱིས་མི་ཁྱབ་པའི་འགྲོ་བ་འདུལ་བའོ། ཁ་ཅིག་ནི་མཛད་པ་བཅུ་གཉིས་སུ་འདོད་པ་ནི…

པར་ཤེས་པ་སྟེ་དེས་སེམས་ཅན་རྣམས་འདུལ་བའོ། །སེམས་ཅན་གང་ལ་གང་འདུལ་སྟོན་པའི་རྫུ་འཕྲུལ་གྱི་ཚོགས་ཀྱིས་འགྲོ་བའི་མོས་པ་དང་མཐུན་པར་ཀུན་ཏུ་དོན་སྤྱོད་པ་ནི་རྫུ་འཕྲུལ་གྱི་མངོན་པར་ཤེས་པས་འདུལ་བའོ། །སྒྲིབ་གཉིས་བག་ཆགས་དང་བཅས་པ་མ་ལུས་པ་དབྱིངས་སུ་དག་པའི་ཡེ་ཤེས་ཟག་པ་མེད་པས་མཐར་ཕྱིན་ཀུན་ཏུ་བཟང་པོའི་སྐུ་གསུང་ཐུགས་མི་ཟད་པ…

དོ། །ཞེས་པ་དང་། དཔུང་པ་བཟང་པོའི་རྒྱུད་ལས། གང་གི་རང་བཞིན་ཆགས་སྡང་རྣམ་བྲལ་ཡང་། །ཆགས་པ་ཅན་ལ་ཆགས་བཅས་ལྟར་སྟོན་ཅིང་། །གདུག་པ་འདུལ་ཕྱིར་ཁྲོ་ལ་ཁྲོར་སྟོན་པ། །ཐབས་ཀྱི་རྣམ་འདྲེན་དེ་ལ་ཕྱག་འཚལ་ལོ། །ཞེས་པ་ལྟར་རོ། །དེ་བཞིན་དུ་སྐུ་གཅིག་ལའང་ཞལ་བསམ་གྱིས་མི་ཁྱབ་པ་སྟོན་པ་རྣམས་སོ། །འགྲོ་བའི་སྐལ་བ་ཇི་ལྟར་ཡོད་པ་ཀུན་ཏུ་སེ…

དམ་པའི་ཆོས་པདྨ་དཀར་པོ་ལས། ཐེག་པ་གཅིག་སྟེ་གཉིས་སུ་ཡོད་མ་ཡིན། །ཞེས་པ་དང་། ཀུན་བྱེད་ལས། ཡོད་ནི་གཅིག་ལས་མེད་པ་ལ། །ཞེས་སོ། །ཡང་རྒྱུ་དང་འབྲས་བུ་ལ་དགོངས་ནས་གཉིས་དང་། ཆེན་པོ་དང་ཆུང་ངུ་ལ་དགོངས་ནས་གཉིས་སུ་གསུངས་ཏེ། དཔལ་འབྱུང་བཞི་ཟད་པའི་རྒྱུད་ལས། རྒྱུ་ཆོས་རྣམས་དང་འབྲས་བུའི་ཕྱིར། །ཐེག་པ་དེ་ཡང་རྣམ་པ་གཉིས། །ཞེས་པ…

བྱེད་ལས། ངེས་པ་ཐོབ་པའི་ཐེག་པ་དྲུག །ཅེས་སོ། །ཡང་བདུན་དུ་ཡང་བཤད་དེ། དཀྱིལ་འཁོར་བསྡུ་བ་ལས། ལྷ་དང་མི་དང་ཉན་ཐོས་དང་། །རང་སངས་རྒྱས་དང་བྱང་ཆུབ་སེམས། །གསང་བ་ཕྱི་དང་ནང་གཉིས་ཏེ། །དེ་ལྟར་ཐེག་པ་བདུན་དུ་བཤད། །ཅེས་སོ། །བརྒྱད་དུ་ཡང་བཤད་དེ། ནམ་མཁའ་ཆེ་ལས། དེ་ལྟར་ཐེག་བརྒྱད་ལས་འདས་པའི། །ཞེས་སོ། །དགུར་ཡང་བཤད་དེ། ཀུན་བྱ…

ཚིག་རྩུབ་བཞི་ནི་ངག་དང་། བརྣབ་སེམས། གནོད་སེམས། ལོག་ལྟ་གསུམ་ནི་ཡིད་ཀྱི་མི་དགེ་བ་སྟེ་དེ་དག་སྤང་བའོ། །ལྷའི་ཐེག་པ་ནི་དགེ་བ་བཅུ་ཉིད་ཆེར་གོམས་པས་འདོད་ལྷ་རིགས་དྲུག་དང་། བསམ་གཏན་བཞི་ལས་གཟུགས་ཁམས་གནས་རིས་བཅུ་བདུན་དང་། གཟུགས་མེད་བཞིས་གཟུགས་མེད་སྐྱེ་མཆེད་མུ་བཞིར་སྐྱེ་བ་སྟེ། ལེ་ལག་ལས། དགེ་བཅུ་སྤྱོད་ཅིང་མི་དགེ་སྤ…

དྲན་པ། ཏིང་ངེ་འཛིན་ཡང་དག་པའི་འཕགས་པའི་ལམ་ཡན་ལག་བརྒྱད་བསྒོམ་པའོ། །འབྲས་བུ་ནི་ལྷག་བཅས་ལྷག་མེད་ཐོབ་ནས་ཞི་བའི་དབྱིངས་སུ་གནས་པའོ། །དེ་ཡང་གཙོ་བོར་བདེན་པ་བཞི་ལ་བླང་དོར་དུ་བྱེད་པས། མཐོང་ལམ་སྐད་ཅིག་བཅུ་དྲུག་ལ་སོགས་པ་ས་གོང་མ་ཐོབ་ཅིང་རྒྱུན་ཞུགས་ཕྱིར་འོང་ཕྱིར་མི་འོང་དགྲ་བཅོམ་གྱི་འབྲས་བུ་མངོན་དུ་བྱེད་པ་སྟེ། ལེ་ལ…

ཤིང་། །དངོས་པོ་གཟུགས་ལ་ཐོག་མེད་རབ་ཏུ་འཇུག །དགེ་བཤེས་མི་སློབ་རང་གི་རིག་པས་རྟོགས། །བྱང་ཆུབ་སར་འགྲོ་ཡིད་བཞིན་བདེ་བའི་མཆོག །ཅེས་སོ། །དེའི་དགྲ་བཅོམ་གྱི་ས་ལ་འབྲས་བུ་ཡིད་བཞིན་བདེ་བ་མཆོག་གི་ས་ཞེས་བྱའོ། །བཞི་པ་བྱང་ཆུབ་སེམས་དཔའི་ཐེག་པ་ལའང་གཉིས་ལས། ངེས་ཚིག་ནི་བོ་དྷི་ས་ཏྭ་ཞེས་པའི་སྒྲས་བྱང་ཆུབ་སེམས་དཔའ་སྟེ། སངས་ར…