གཞུང་དེ་ཉིད་བཀླགས་པས་ཤེས་སོ། །དེ་དག་ནི་རྩ་བའི་གྲོགས་སམ་ཐབས་སུ་བྱུང་བས་ན་ཡན་ལག་རྣམ་པ་བཅུ་ཡི་དམ་ཚིག་སྟེ་རང་དགར་སྤྱད་ན་ཐ་མལ་པ་བཞིན་འགྱུར་བས། ཡེ་ནས་དག་པ་གསུམ་དང་མཉམ་པ་བཞིར་གནས་པའི་དོན་རྟོགས་པས་རང་བཞིན་ཤེས་པར་བྱས་ལ་རང་རང་གི་ཐབས་ཀྱིས་ཟིན་པའི་ཚུལ་གྱིས་སྤྱད་པར་བྱའོ། །གཉིས་པ་ངེས་ཚིག་ལའང་གཉིས་ལས། རྩ་བའི་ངེས་ཚ…

བར་འདོད་དེ། དེ་ཉིད་ལས། ཇི་ལྟར་ཨ་སྨྲ་ལ་སོགས་ཤིང་འབྲས་ལ། །ཡོད་པའི་ས་བོན་མྱུ་གུ་འཇིག་མེད་ཆོས་ས་རྨོས་ཆུ་སོགས་ལྡན་པས་ལྗོན་ཤིང་གི །རྒྱལ་པོའི་དངོས་པོར་རིམ་གྱིས་འགྲུབ་པ་ལྟར། །སེམས་ཅན་རྣམས་ཀྱི་མ་རིགས་སོགས་འབྲས་ཀྱི། །པགས་སྦུབས་ནང་ཆུད་ཆོས་ཁམས་དགེ་བ་ཡང་། །དེ་བཞིན་དགེ་བ་དེ་ལ་དེ་བརྟེན་ནས། །རིམ་གྱིས་ཐུབ་པའི་རྒྱལ་པ…

སུ་གྲོལ་བར་འདོད་དེ། ཉོན་མོངས་ལྔ་ནི་ཡེ་ཤེས་ལྔ། །སྲིད་པ་གསུམ་ནི་བདེ་ལྡན་ཞིང་། །ཞེས་རྡོ་རྗེ་ལས་བཤད་པ་བཞིན་ནོ། །ཚུལ་འདི་ཉིད་བཀའ་ཐ་མ་ངེས་པ་དོན་གྱི་མདོ་སྡེ་ལས་ཀྱང་གསུངས་ཏེ། དེ་བཞིན་གཤེགས་པའི་སྙིང་པོའི་མདོ་ལས། ཇི་ལྟར་མི་ཡི་གསེར་གྱི་གར་བུ་ནི། །ཉལ་ཉིལ་རྣམ་པའི་ནང་དུ་ལྷུང་གྱུར་ལ། །དེར་དེ་ལོ་ནི་མི་ཉུང་བ་ཞིག་ཏུ།…

པས་ཆད་པ་འབྱུང་བ་བཞིན་ནོ། །གཉིས་པ་ཉམས་པའི་ཉེས་དམིགས་ལ་གཉིས་ལས། རྩ་བའི་དམ་ཚིག་ཉམས་པའི་ཉེས་པ་ལའང་ཉམས་གྲིབ་གཞན་ལ་གནོད་པ་ནི་རྩ་བའི་དམ་ཚིག་ཉམས་པའི་གང་ཟག་བསླབ་སྡོམ་ཕྱལ་བར་དོར་བ་དག་དམ་ཚིག་གསོ་བའི་ཐབས་ལ་ཉེ་བར་མི་བརྩོན་ན་དེ་དང་སྐད་ཅིག་ཙམ་ཡང་མི་འགྲོགས་ཤིང་ཡུད་ཙམ་གཅིག་ཏུའང་ཕན་ཚུན་གཏམ་སྨྲ་བར་མ་བྱེད་ཅིག་ཅིའི་ཕྱིར…

མེད་པར་འདུ་བར་བྱེད་དོ། །གཉིས་པ་ཡན་ལག་གི་དམ་ཚིག་ཉམས་པའི་ཉེས་པ་ནི། ཡན་ལག་གི་དམ་ཚིག་ཉམས་པར་གྱུར་ན་ཚེ་འདིར་སྒྲུབ་པའི་འབྲས་བུ་མཆོག་དང་ཐུན་མོང་གི་དངོས་གྲུབ་གང་ཡང་མེད་ཅིང་ཕྱི་མ་ངན་སོང་གསུམ་དུ་ལྟུང་སྟེ། རྡོ་རྗེ་ལས། དམ་ཚིག་ཉམས་པས་ཐུར་དུ་འགྲོ། །འདིར་ཡང་ལེགས་པའི་འབྲས་བུ་མེད། །ཅེས་པ་ལྟར་རོ། །གསུམ་པ་རང་བཞིན་དང་ད…

བའི་ཕྱིར་རྩ་བ་དང་ཡན་ལག་གི་དམ་ཚིག་ཀྱང་དེ་སྙེད་དུ་སྤྲོ་བས་ནམ་མཁའི་དབྱིངས་དང་ཆོས་ཀྱི་དབྱིངས་ལྟར་བསམ་གྱིས་མི་ཁྱབ་པའོ། །ཁ་ཅིག་སེམས་ཅན་གྱི་རྟོག་པ་མང་བ་བཞིན་དམ་ཚིག་ཀྱང་རིགས་མི་འདྲ་སྟེ་དེ་སྙེད་དུ་འཆད་པ་ནི་དགོངས་པ་མ་ཡིན་ཏེ། དམ་ཚིག་དེ་ནི་ཞེས་རྩ་བ་དང་ཡན་ལག་གི་དམ་ཚིག་བཤད་མ་ཐག་པ་དེ་ལ་སྙེགས་པ་དང་འགལ་ལོ། །གཉིས་པ་ཆ…

ཆོས་རྣམས་ལ། །རིག་དང་མ་རིག་གཉིས་ཀའི་ཡུལ་ལས་འདས། །འདའ་ཉམས་བསྲུང་མཚམས་མེད་པའི་དམ་ཚིག་ཡིན། །ཞེས་སོ། །དེས་ན་གནས་ལུགས་དོན་གྱི་དམ་ཚིག་ནི་བརྗོད་དུ་མེད་པ་དང་བསྟན་དུ་མེད་པ་དང་མཚན་མ་མེད་པ་དང་ཡེ་ཇི་བཞིན་པའི་ཆོས་ཉིད་དུས་གསུམ་འཕོ་འགྱུར་མེད་པའི་ཏིང་ངེ་འཛིན་ཏེ། དེ་ལ་སོགས་པ་བསམ་བརྗོད་དམིགས་པའི་ཡུལ་ལས་འདས་པས་དམ་ཚིག་ག…

པ་གཉིས་དང་། བདུད་བཞི་དང་། འཁོར་འདས་གཉིས་དང་། ཤེས་བྱ་གང་ལའང་འཇིགས་པ་མེད་པས་འཇིགས་མེད་ཀུན་ཏུ་བཟང་པོའི་འབྲས་བུའི་སངས་རྒྱས་སུ་བཤད་དོ། །སར་ཆུད་པའི་རིག་འཛིན་ནི་དཀྱིལ་འཁོར་དུ་ཞུགས་ཏེ་བསྐྱེད་རྫོགས་དང་པོར་མནོས་པ་དག་གོ །ས་ལ་གནས་པའི་རིག་འཛིན་ནི་རྟོགས་པ་དང་ཏིང་ངེ་འཛིན་ཐོབ་ནས་དེ་ལ་རྒྱུན་དུ་གནས་པའོ། །སར་སྨིན་པའི་…

སྤྱི་དོན་ལྔ་པ་དམ་ཚིག་ཅན་གྱི་ཕྲིན་ལས་ཇི་ལྟར་བསྒྲུབ་པའི་ཚུལ་ལ་གསུམ་སྟེ། དོན་གྱི་འབྲེལ་དགོད། ཚིག་གི་དོན་བཤད། སྐབས་ཀྱི་དོན་བསྡུ་བའོ། །དང་པོ་ནི། དམ་ཚིག་གི་རིམ་པ་བཤད་པ་དེ་ནས་དམ་ཚིག་ཅན་གྱི་ཕྲིན་ལས་འགྲུབ་པའི་ཕྱིར་བཅོམ་ལྡན་འདས་ཡེ་ཤེས་ཀྱི་དགྱེས་པ་ཆེན་པོ་ཉིད་ཡེ་ནས་རང་བཞིན་ལྷུན་གྱིས་གྲུབ་པའི་དམ་ཚིག་ཕྲིན་ལས་སུ་བ…

སུ་བླ་བཏགས་གང་ཡོད་དང་མཱ་ར་ཡ་ཕཊཿ དང་བཅས་པར་བྲི་ཞིང་ཐ་མ་འགུགས་བྱེད་ཀྱི་ཡེ་གེ་ཛས་བསྐོར་བ་གྲོ་གའམ་རས་སམ་ཤོག་བུ་ལ་བྲིས་ཏེ་དེའི་ནང་དུ་གཞུག་པའམ་མདུན་རྒྱབ་གང་རུང་དུ་གླན་པར་བྱའོ། །དེ་ལ་བསྒྲུབ་བྱ་སྔགས་ཏིང་ངེ་འཛིན་ཕྱག་རྒྱ་གསུམ་གྱིས་བཀུག་ནས་ལྕགས་ལ་སོགས་པ་རྡོ་རྗེ་ཕུར་པ་བཛྲ་ཀཱི་ལ་ཡར་བསྐྱེད་པས༷་སྙིང་ག་ལ་སོགས་པའི་ག…

ལའང་གསུམ་ལས། དང་པོ་སྲེག་པ་མེ་ཡི་ལས་ནི་ཝྃ་གྱི་དབྱིབས་དང་དེས་མཚོན་ཞིང་བྲིས་པའི་ཐབ་ཁུང་ཟླ་གམ་མོ། །ཚོགས་ཀྱི་དཀྱིལ་འཁོར་མཆོག་ནི་ཐབ་ཀྱི་མཚན་ཉིད་དང་ལྷའི་གཙོ་འཁོར་གཉིས་ཀ་ལ་འཇུག་སྟེ་ཐམས་ཅད་ལ་དེ་བཞིན་དུ་སྦྱར་རོ། །དེའི་ནང་དུ་ཐབས་ཀྱི་མེ་དང་མེ་ལྷ་རབ་ཏུ་འབར་བ་དབང་གི་ཆ་བྱད་ཅན་གཟི་བརྗིད་ཆེ་ཞིང་སྐུ་བོང་གི་ལྷུན་ཆེན་པ…

ཞིང་སྤྲོ་བའི་ཡིད་ཀྱིས་རྒྱས་པར་མཆོད་སྦྱིན་བྱས་ན། ཚེ་དང་དཔལ་དང་འབྱོར་པ་འཕེལ་བ་ལ་སོགས་པའི་ཡོན་ཏན་ནམ་མཁའི་མཐའ་དང་མཉམ་པ་འཐོབ་བོ། །གཉིས་པ་ནི། བདུད་རྩི་ལྔའམ་ཟས་ལྔ་གང་རུང་གི་གསེབ་ཏུ་འབྲུ་དང་རིན་པོ་ཆེ་ལ་སོགས་པ་བསྲེས་ལ་ནོར་བུ་གསེར་དངུལ་མུ་ཏིག་རྟ་གླང་ལ་སོགས་པ་གང་རྒྱས་ཤིང་འཕེལ་བར་འདོད་པ་དེའི་གཟུགས་ཀྱིས་མཚན་མ་མི…

འཇིག་རྟེན་ཕལ་བ་རྣམས་ལྟ་ཅི་སྨོས་པའོ། །གཉིས་པ་ནི། བདུད་རྩི་ལྔ་དང་ཟས་ལྔའི་གསེབ་ཏུ་གང་ཞི་བར་འདོད་པ་དེའི་གོས་དང་དྲི་མ་ལ་སོགས་པ་བསྲེས་ལ་སྔར་བཞིན་ལིང་ག་བྱས་པ་དེ་ཉིད་ལུས་གཏུམ་ངག་རྔམ་སེམས་འཁྲུགས་པའི་རྣམ་པ་ཅན་དགྲ འམ་བགེགས་ལ་སོགས་པ་གང་ཡིན་པ་དེའི་ངོ་བོར་བརྟག་ཅིང་དངུལ་ལ་སོགས་པའི་ཕུར་བུ་དེ་ཉིད་ལྷན་ནེར་གསལ་བ་བུདྡྷ་…

བསྐྱལ་ཞིང་སྔོན་དཔལ་ཆེན་པོའི་སྤྱན་སྔར་ཁས་བླངས་པའི་རང་རང་གི་དམ་ཚིག་རྣམས་རབ་ཏུ་བསྒྲགས་ནས་ཞི་བ་ལ་སོགས་པ་གང་འདོད་པའི་ལས་དེ་བྱེད་པར་བསྒོ་བར་བྱའོ། །གཉིས་པ་ཇི་ལྟར་བསྒོ་བ་དངོས་ནི། སྔོན་དྲེགས་པའི་དབང་ཕྱུག་རྣམས་བཏུལ་བའི་ཚེ་དཔལ་ཆེན་པོ་ཧེ་རུ་ཀ་ཤིན་ཏུ་གདུག་ཅིང་གཏུམ་བག་ཅན་མཛད་དེ། འཇིག་རྟེན་གྱི་ཁམས་ཐམས་ཅད་ཀྱི་དྲེགས…

འཐོབ་པར་འགྱུར་རོ། །དེ་བས་ན་རྣལ་འབྱོར་བས་ཇི་ལྟར་བཅོལ་བའི་ལས་རྣམས་མངོན་དུ་བྱོས་ཞེས་བཀའ་བསྒོའོ། །གཉིས་པ་བྲོ་གར་བྱི་ཕན་ཡོན་ལ་གཉིས་ཏེ། དོན་ངོས་གཟུང་བ་དང་། དེ་རྒྱས་པར་བཤད་པའོ། །དང་པོ་ནི། ཁྲོ་བོའི་དཀྱིལ་འཁོར་སྒྲུབ་པའི་ཕྲིན་ལས་ཀྱི་གཙོ་བོ་ནི་བྲོ་གར་འདི་ཡིན་ནོ་ཞེས་པའོ། །གཉིས་པ་ལ་བཞི་ལས། གཙོ་བོ་ལྔའི་བྲོ་གར་གྱི…

ཚོགས་པ་ཀུན་ལས་རབ་ཏུ་ཉམས་པར་བྱེད་དོ། །བཞི་པ་དབང་ཕྱུག་མ་ཉི་ཤུ་རྩ་བརྒྱད་ཀྱི་བྲོ་གར་གྱི་ཕན་ཡོན་ནི། སླས་དང་བྱི་མོ་བྲན་མོ་ཡི་བྲོ་གར་དང་གླུ་ཚིག་ཆེན་མོས་ནི་ཕོ་ཉ་དགྲ་ལ་རྦད་ཅིང་མངག་གཞུག་ལས་ལ་གཏང་བར་བྱ་བ་སྟེ་ཕྱིར་འགལ་བྱེད་ཆམ་ལ་འབེབས་པའི་ལས་ཐམས་ཅད་དང་། ནང་དུ་དངོས་གྲུབ་ཡིད་བཞིན་དུ་འགྲུབ་པའི་ལས་ཐམས་ཅད་བྱེད་པ་ཡིན་…

ལ་ཤིན་ཏུ་རྔམས་པའི་མདངས་ཀྱིས་དགྱེས་པའི་གླུ་འདི་སྐད་ཅེས་བླངས་སོ། །གཉིས་པ་ལ་གཉིས་ཏེ། རིགས་དང་རིགས་ཀྱི་བདག་པོ་ལ་བསྟོད་པ་དང་། རྟེན་དང་བརྟེན་པའི་དཀྱིལ་འཁོར་ལ་བསྟོད་པའོ། །དང་པོ་ལ་གཉིས་ཏེ། རིགས་ལྔ་ལ་སྤྱིར་བསྟོད་པ་དང་། དཀྱིལ་འཁོར་གྱི་དབང་ཕྱུག་ལ་བྱེ་བྲག་ཏུ་བསྟོད་པའོ། །དང་པོ་ལ་ལྔ་ལས། སྐུའི་རིགས་ཀྱི་དཀྱིལ་འཁོར་…

ཤེས་སུ་གནས་པའི་ཉོན་མོངས་པ་རང་མཚན་གྱི་རྩལ་ཀུན་ཏུ་འཇོམས་པའི་ཡེ་ཤེས་དེ་ཡང་སྤྲུལ་སྐུ་ལ་ལྟོས་ནས་ཇི་ལྟ་བ་དང་ཇི་སྙེད་པ་མཁྱེན་པའི་ཡེ་ཤེས་གཉིས་དང་། ལོངས་སྐུ་ལ་ལྟོས་ནས་མེ་ལོང་ལྟ་བུ་ལ་སོགས་པ་སྣ་ཚོགས་ཀྱི་ཡེ་ཤེས་རྣམས་ངོ་བོ་གཉིས་སུ་མེད་པའི་ཐིག་ལེ་ཆེན་པོ་ཆོས་ཉིད་དོན་གྱི་ཡེ་ཤེས་སུ་རོ་གཅིག་པའོ། །བཞི་པ་ཡོན་ཏན་གྱི་རིག…

བསྟོད་པ་ནི། ཆེ་མཆོག་ཡབ་ཡུམ་གྱི་སྐུ་ནི་སྐྱེ་ཤི་འཕོ་འགྱུར་མེད་པས་རྡོ་རྗེའི་བྲག་ཆེན་པོ་ཉིད་དེ་འཇིག་འབྲལ་མེད་པས་རབ་ཏུ་སྲ་བ་ཆེན་པོ་མཚན་དཔེས་འབར་ཞིང་། གསུང་དང་ཡོན་ཏན་ནི་ཡེ་ཤེས་རྡོ་རྗེའི་ཆུ་བོས་གདུལ་བྱའི་ཚོགས་སྡུད་ཅིང་ཚིམ་པར་བྱེད་པ་པོ་ཡིན་ལ། ཐུགས་ནི་ཐམས་ཅད་མཁྱེན་པའི་རྡོ་རྗེ་ཡེ་ཤེས་ཀྱི་མེ་འོད་གསལ་བ་སྟེ་ཤེས་…

པ་ཆེན་པོ་དཔལ་ཀུན་ཏུ་བཟང་པོ་སྟེ། དེའི་མཚན་གྱི་རྣམ་གྲངས་ལ། བདེ་བ་ཆེན་པོ་། རྡོ་རྗེ་སྙིང་པོ། དམ་པ་དང་པོ། གདོད་མའི་མགོན་པོ། རྡོ་རྗེ་འཆང་ཆེན་པོ་ལ་སོགས་པའོ། །སྟོན་པ་དེས་རང་སྣང་ལྷུན་སྟུག་པོ་བཀོད་པའི་རིགས་ལྔ་སེམས་དཔའ་བརྒྱད་ལ་སོགས་པའི་དེ་བཞིན་གཤེགས་པ་ཉིད་ལ་གསང་སྔགས་ཀྱི་རྒྱལ་པོ་འདི་ཉིད་མི་ནུབ་ཅིང་འགྲོ་བ་ལ་ཕན་ག…