དགའ་རྒྱལ་མཚན་གསོལ་བ་འདེབས། །ཟབ་ལམ་མཐར་ཕྱིན་བྱིན་གྱིས་རློབས། །ཀུན་བཟང་གླིང་གི་ཕོ་བྲང་དུ། །ཟབ་དོན་རྒྱ་མཚོའི་བསྟན་པ་འདི། །ཆོས་དབྱིིངས་གྲགས་པར་གསོལ་བ་འདེབས། །ཐམས་ཅད་མཁྱེན་པར་བྱིན་གྱིས་རློབས། །སྤྱི་གཙུག་ཉི་ཟླའི་གདན་སྟེང་དུ། །སྨིན་གྲོལ་མཆོག་གི་དངོས་གྲུབ་བརྙེས། །རྩ་བའི་བླ་མར་གསོལ་བ་འདེབས། །སྐུ་ལྔ་ལྷུན་གྲུབ…

མེད་གཉུག་མའི་དོན། །སྒོམ་པ་མཆོག་ལ་གསོལ་བ་འདེབས། །གསལ་འགྲིབ་མེད་པར་བྱིན་གྱིས་རློབས། །བླང་དོར་མེད་པའི་ཕོ་བྲང་དུ། །ཐམས་ཅད་ཡེ་ཤེས་སྒྱུ་མའི་ངང་། །སྤྱོད་པ་མཆོག་ལ་གསོལ་བ་འདེབས། །གཉིས་འཛིན་ཞིག་པར་བྱིན་གྱིས་རློབས། །རེ་དོགས་མེད་པའི་ཕོ་བྲང་དུ། །རང་རིག་འོད་གསལ་འཕོ་འགྱུར་མེད། །འབྲས་བུ་མཆོག་ལ་གསོལ་བ་འདེབས། །ཟད་སར་…

ཁྲིད་ཡིག་ནོར་བུ་ལུགས་བཞུགས་པ་ལེགས་སོ། །རིན་ཆེན་ཤོག་འདྲ།

མཁའ་འགྲོ་སྙིང་ཏིག་གི་ཁྲིད་ཡིག་ནོར་བུ་ལུགས་སུ་གདབ་པ་ཞེས་བྱ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །གདོད་ནས་རྣམ་དག་ཆོས་སྐུའི་མཁའ་དབྱིངས་ལས། །ངེས་པ་ལྔ་ལྡན་གཟུགས་སྐུའི་དཀྱིལ་འཁོར་རྒྱས། །མཛད་པའི་ཟེར་གྱིས་གདུལ་བྱའི་པད་ཚལ་འཛུམ། །འགྲོ་ཀུན་འདྲེན་པ་དེ་ལ་ཕྱག་འཚལ་ལོ། །མཚོ་དབུས་གེ་སར་པདྨའི་སྙིང་པོ་ལ། །ཡ་མཚན་མཆོག་བརྙ…

རྩལ་ལ་གསུངས། དེས་གཞོ་སྟོད་ཏེ་སྒྲོ་བྲག་དཀར་དུ་རྡོ་རྗེ་ཕག་མོ་དང་དབྱེར་མེད་པའི་མཁའ་འགྲོ་ཡེ་ཤེས་མཚོ་རྒྱལ་ལ་གསུངས། དེས་མཆིམས་ཕུ་དཔལ་གྱི་ནགས་ཁྲོད་རི་མོ་ཅན་གྱི་དབེན་གནས་སུ་པདྨ་ལས་འབྲེལ་རྩལ་ལ་གསུངས་སོ། །གཉིས་པ་དེ་ལས་བྱུང་བའི་གདམས་པ་ནི་ཆོས་ཀྱི་སྐུའི་བསྟན་པ་ཕུན་སུམ་ཚོགས་པ་སྟེ། ཐུན་མོང་གི་སྔོན་འགྲོས་སེམས་སྦྱང་…

མཚན་བརྒྱད་ཀྱིས་བསྐོར་བ། སྤྱི་བོར་ཀུན་བཟང་ཡབ་ཡུམ་ལ་བརྒྱུད་པའི་བླ་མས་བསྐོར་བའི་འོད་ཟེར་ཀྱིས་ཡེ་ཤེས་པ་སྤྱན་དྲངས་ལ་བསྟིམ་ནས། ཨཱོཾ་བཛྲ་གུ་རུ་པདྨ་སིདྡྷི་ཐོད་ཕྲེང་རྩལ་ཨཱཿཧཱུྃ། ཞེས་བཟླས་པས། སྣང་སྲིད་ཐམས་ཅད་ལྷ་དང་ལྷ་མོར་གྱུར་པ་ཐམས་ཅད་ཀྱིས་དེ་སྐད་ཅེས་བཟླས་པར་བསམས་ནས། མཐར་ཐུགས་ཀའི་བླ་མ་ལ་བསྡུས་པ་ཡང་མི་དམིགས་པར་…

པར་ཕུལ་བ་ཡིས། །འགྲོ་ཀུན་གདོད་མའི་གནས་སུ་གྲོལ་བར་ཤོག །ཅེས་པ་གསུམ་གྱིས་དབུལ་ལོ། །གསུམ་པ་ཚེ་མི་རྟག་པའི་ལམ་ཁྱེར་ནི། ཕྱི་དུས་བཞིའི་འགྱུར་བ། ནང་འབྱུང་བཞིའི་འགྱུར་བ། གསང་བ་འབྱུང་བཞི་ཐིམ་ཚུལ། སྐད་ཅིག་ཐང་ཅིག་མི་རྟག་པས་ཀྱང་རང་གི་ཚེ་མི་རྟག་པར་འཆི་བར་ངེས་པར་བསྒོམས་པའོ། །བཞི་པ་འཁོར་བ་རྒྱུ་འབྲས་ཀྱི་ལམ་ཁྱེར་ནི། འཁ…

སྒྲིབ་པ་དག་པར་བསམས་ལ་ཡི་གེ་བརྒྱ་པ་ཅི་འགྲུབ་བཟླས་ཏེ། རྗེས་མི་དམིགས་པའི་ངང་ལས། རང་བཞིན་དག་པའི་དགེ་བ་འདིས། །འཁོར་བ་ངན་སོང་དོང་སྤྲུགས་ཏེ། །སྲིད་ན་འགའ་ཡང་མི་གནས་པར། །ཐམས་ཅད་སངས་རྒྱས་ཉིད་ཐོབ་ཤོག །ཅེས་བསྔོ་བ་བྱའོ། །གཉིས་པ་ཐུན་མོང་མ་ཡིན་པ་ལ། སྨིན་གྲོལ་གྱི་ལམ་ལ་འགོད་པའི་མན་ངག་ལ། མ་སྨིན་པ་སྨིན་པར་བྱེད་པའི་དབང…

རྒྱས་གདབ་པ་གཉིས་ལས། དང་པོ་ནི་ཕྱི་རོལ་གྱི་སྣང་བ་ཐམས་ཅད་ཧཱུཾ་དུ་ཤར་ཤར་གསལ་བ་ལ། ཧཱུཾ་ཆུང་མང་པོས་གང་ནས་སྟེང་འོག་ཕྱོགས་མཚམས་ཐམས་ཅད་འོད་གསལ་གྱི་ཞིང་ཁམས་ཧཱུྃ་ཡེ་ཤེས་ལྔའི་རང་འོད་དང་བཅས་པས་མེ་རེ་རེ་ཁེངས་པར་བསམ་མོ། །དེའང་རི་ཧཱུཾ་ཆེན་གྱི་རྩི་ཤིང་ནགས་ཚལ་ཧཱུཾ་ཆུང་ལ་ལོ་འདབ་ཧཱུཾ་ཕྲན་དུ་བསམས་ཏེ། ཧཱུཾ་གི་གླུ་སྙན་ལ་ར…

མ་ཟད་ཀྱི་བར་ལམ་གཏོད་པ་ལ་ཧཱུཾ་ཁྲུ་གང་པ་མཐིང་ནག་གཅིག་འགྲོན་པོ་འགྲོ་བ་ལྟར་སོང་ནས། མཐོང་བ་ལས་འདས་པའི་ཕྱོགས་སུའང་སྔར་བཞིན་སོང་སྟེ་ཕྱིར་མི་ལྡོག་པར་ཧཱུཾ་དེ་སོང་བར་བསམ་ཞིང་། ཧཱུཾ་གི་གླུ་རིང་པོ་བླང་ངོ་། །གསུམ་པ་སེམས་ཀྱི་སྔོན་འགྲོ་ལའང་གཉིས་ལས། དང་པོ་རུ་ཤན་དབྱེ་བ་ནི། དབེན་པར་འགྲོ་དྲུག་གི་བདེ་སྡུག་དང་། ཆོས་དང་ཆ…

འཇུག་པས་སྐྱེས་པ་ངོ་སྤྲད་དེ་ཉམས་སུ་བླང་ཚུལ། རྗེས་ལྟ་སྟངས་གསུམ་གྱིས་རྐྱེན་དང་བསྲེས་ཏེ་བོགས་དབྱུང་ཞིང་རྩལ་སྤྱོད་པ་གསུམ་ལས། དང་པོ་ནི་བདེ་བའི་མལ་དུ་ཉལ་ལ་ལུས་འགུལ་བསྐྱོད་དང་བྲལ་བ། ངག་སྨྲ་བརྗོད་དང་བྲལ་བ། སེམས་དྲན་བསམ་དང་བྲལ་བས་སད་ལ། ཁོང་སློད་བག་ཕབ་ལ་ཕྱམ་གྱིས་སྐྱེ་མེད་བསམ་བརྗོད་དང་བྲལ་བའི་ངང་ལ་འཇོག་པའོ། །དེ…

འདུག་བརྟགས་པས་སེམས་སུ་ཤེས་པའོ། །གཉིས་པ་བར་དུ་སེམས་ཀྱི་མཚང་བཙལ་བ་ནི། དེ་ལྟར་སེམས་དང་ལུས་ངག་ཡིད་གསུམ་གཅིག་ཏུ་འདུག་གམ་ཐ་དད་དུ་འདུག །དགའ་མི་དགའ་སྙན་མི་སྙན་སྐྱིད་སྡུག་ཏུ་བྱུང་དུས་སེམས་དང་དེ་དག་གཅིག་ཏུ་འདུག་གམ། ཐ་དད་དུ་འདུག །གཅིག་ན་སེམས་ལ་ཁ་དོག་ཡོད་པར་གྱུར་ཏེ་ལུས་དང་གཅིག་པའི་ཕྱིར་རོ། །ཐ་དད་ན་སོ་སོར་གང་ན་འ…

གྱིས་ཞོག་ཅིག ། གཉིས་པ་ནི་ཡང་དེའི་ངང་ལས་རྟོག་པ་སྣ་ཚོགས་སུ་སྤྲོས་དང་། སྤྲོས་པའི་སེམས་དེ་སྣ་ཚོགས་སུ་ཤར་ཡང་། ངོ་བོར་མ་གྲུབ་པར་རང་གྲོལ་ཆུའི་རྦ་རླབས་དང་འདྲ་བ་འདི་ལ། འདི་ཡིན་གྱི་ཆེད་འཛིན་མ་བྱེད་པར་གང་ཤར་གྱི་རིག་པ་གཏད་མེད་ཀྱི་ངང་ལ་རང་སར་ཡན་དུ་ཆུག་དང་། ཇི་ལྟར་འཕྲོས་ཀྱང་འཕྲོས་པ་དང་གྲོལ་བ་དུས་མཉམ་དུ་གནས་པ་ནི་ཡ…

བཞུགས་སྟངས་གསུམ་ལ་གཞི་བཅའ་བ། གཟིགས་སྟངས་གསུམ་གྱིས་གནད་བསྟན་པ། སྣང་བ་བཞིའི་འཆར་ལུགས་ངོས་གཟུང་བ་དང་གསུམ་ལས། དང་པོ་ནི་སྐུ་གསུམ་གྱི་བཞུགས་སྟངས་གསུམ་སྟེ། ཆོས་སྐུའི་བཞུགས་སྟངས་སེང་གེ་ནི། ཁྱི་ཚུགས་མོར་རྐང་མཐིལ་གཉིས་སྤྲད་པའི་སྟོངས་སུ། ལག་པའི་ཁུ་ཚུར་བཞག་པ་བསྲང་ནས་མཇིང་པ་ཡུད་ཙམ་དགྱེད་དེ་མིག་སྨིན་ཕྲག་གི་ནམ་མཁའ…

ཡུལ་གྲུ་ཙམ་དང་། སྟོང་གསུམ་ཙམ་དུ་སྣང་བ་ཐམས་ཅད་ཀྱང་། རིན་པོ་ཆེ་འདྲ་བ་དང་། དྲྭ་བ་འདྲ་བ་དང་། དེ་བཞིན་དུ་པདྨ་སྟོང་ལྡན་དང་། ཡེ་ཤེས་མཁར་ཐབས་དང་། ཉི་ཟླ་གཟའ་བྲལ་དང་། མདའ་ལྟ་བུ་དང་། མདུང་རྩེ་དང་། རྡོ་རྗེ་དང་། དྲིལ་བུ་དང་། འཁོར་ལོ་དང་། རལ་གྲི་དང་། རྩེ་གསུམ་དང་། གྲི་གུག་དང་། ཉ་མིག་གི་རྣམ་པ་འདྲ་བ་ལ་སོགས་པའོ། །ཐི…

གཞིའི་གནས་ལུགས་སོ། །དེ་ནས་འོད་ཕྱིར་བསྟན་ལ། གཞི་སྟོང་པ་ཀ་དག་གི་ངང་ལ་ལྷུན་གྲུབ་འོད་ལྔའི་རང་བཞིན་ཕྱིར་གསལ་དུ་ཤར་དུས། འོད་ལྔ་ཡེ་ཤེས་ཀྱི་རང་གདངས་ལས། དཀར་པོ་ཕྲ་ཕྲོ་ཐུགས་རྗེར་རིག་པས། རང་སྣང་རང་ཤར་དུ་ཤེས་པས་གདོད་མའི་ཀུན་ཏུ་བཟང་པོ་གཞི་ཐོག་དེ་ཉིད་དུ་གྲོལ་བའི་དཔེའོ། །མ་ཤེས་པས་སྐད་ཅིག་གཉིས་པར་འཛིན་པ་འཕྲོ་མཐུད་པ…

མར་འགྲོ་དྲུག་གི་སྣང་བ་མཐོང་སྟེ། བླ་མའི་གདམས་ངག་གིས་གྲོལ་བ་ནི། ཤེལ་གྱི་ཕྱི་འོད་ནང་དུ་ཐིམ་པ་ལྟར་སྣང་ངོ་། །དེའི་ཚེ་ཤེལ་དྲི་མ་མེད་པ་ནི། ངོ་བོ་ཀ་དག་གི་སྣང་བའོ། །ཕྲ་ཕྲོ་དང་འོད་ལྔ་སྦུབས་སུ་འཁྱིལ་བ་ནི། སྤྲུལ་སྐུ་དང་ལོངས་སྐུ་ཆོས་སྐུར་ཐིམ་ནས་ནང་གསལ་བུམ་པའི་སྐུར་ཐིམ་ལ་མ་རྨུགས་པ་གཞོན་ནུ་བུམ་པའི་སྐུར་ཐུགས་རྗེ་རི…

གདུལ་བྱའི་དོན་མཐར་ཕྱིན་ནས་སྐུ་གསུམ་དབྱིངས་སུ་འཁྱིལ་བ་འོད་ཁྱིམ་སྦུབས་སུ་ཚུད་པ་ལྟ་བུའི་གདམས་ངག་དང་དྲུག་ཏུ་ཤེས་པར་བྱས་ལ་ངོ་སྤྲོད་དོ། །གསུམ་པ་ནི་ལྷུན་གྲུབ་ཀྱི་འཆར་ཚུལ། རང་སྣང་དུ་ཤེས་ཚུལ་བསམ་གཏན་ལ་གནས་ཚུལ། དེ་ཉིད་གྲོལ་ཚུལ་དང་བཞིར་ངོ་སྤྲད་དོ། །གསུམ་པ་བརྩོན་འགྲུས་ཐ་མའི་གྲོལ་ཚུལ་ནི། ཆོས་ཉིད་བདེན་པའི་བྱིན་རླ…

སྐལ་ལྡན་སྙིང་གི་བུ་ལ་བསྟན་ནོ། །དེས་ཀྱང་ཉམས་སུ་བླངས་ཏེ་འོད་ལུས་བསྒྲུབ་པར་བྱའོ། །འདིར་ནི་མན་ངག་སྙིང་པོའི་བཅུད་བསྡུས་ནས། །མཁའ་འགྲོ་སྙིང་ཏིག་གསང་བའི་ཁྲིད་དུ་བསྡེབས། །ཕྱི་རབས་སྐལ་ལྡན་མྱུར་དུ་ཐར་འདོད་རྣམས། །ཡི་གེ་འདི་ལ་རྟག་ཏུ་ནན་ཏན་གྱིས། །བདག་གིས་སྔོན་རབས་སྐྱེ་བར་འབད་པའི་ཆོས། །དེང་སང་ཚེ་འདིར་ཡོངས་རྫོགས་དོ…